| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
3. ман̣ит̇уун̣авимаанаван̣н̣анаа
3. Maṇithūṇavimānavaṇṇanā
ужжамид̣̇ам̣ ман̣ит̇уун̣ам̣ вимаананд̇и ман̣ит̇уун̣авимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна самаязна самб̣ахулаа т̇зраа бхигкуу аран̃н̃ааяад̇анз вихаранд̇и. д̇зсам̣ г̇аамам̣ бин̣д̣ааяа г̇аманамаг̇г̇з зго убаасаго висамам̣ самам̣ гарод̇и, ган̣дагз нийхарад̇и, г̇ажчаг̇умб̣з абанзд̇и, уд̣̇агагаалз маад̇игаасу сзд̇ум̣ б̣анд̇хад̇и, виванадтаанзсу чааяааругкз робзд̇и, ж̇алаасаязсу мад̇д̇игам̣ уд̣̇д̇харид̇ваа д̇з бут̇улаг̇амбхийрз гарод̇и, д̇ид̇т̇з самбаад̣̇зд̇и, яат̇аавибхавам̣ д̣̇аанам̣ д̣̇зд̇и, сийлам̣ рагкад̇и. со абарабхааг̇з гаалам̣ гад̇ваа д̇аавад̇им̣сзсу д̣̇ваад̣̇асаяож̇анигз ганагавимаанз ниб̣б̣ад̇д̇и. д̇ам̣ ааяасмаа махаамог̇г̇аллаанад̇т̇зро убасан̇гамид̇ваа имаахи г̇аат̇аахи бадибужчи –
Uccamidaṃmaṇithūṇaṃ vimānanti maṇithūṇavimānaṃ. Tassa kā uppatti? Bhagavā sāvatthiyaṃ viharati jetavane. Tena samayena sambahulā therā bhikkhū araññāyatane viharanti. Tesaṃ gāmaṃ piṇḍāya gamanamagge eko upāsako visamaṃ samaṃ karoti, kaṇṭake nīharati, gacchagumbe apaneti, udakakāle mātikāsu setuṃ bandhati, vivanaṭṭhānesu chāyārukkhe ropeti, jalāsayesu mattikaṃ uddharitvā te puthulagambhīre karoti, titthe sampādeti, yathāvibhavaṃ dānaṃ deti, sīlaṃ rakkhati. So aparabhāge kālaṃ katvā tāvatiṃsesu dvādasayojanike kanakavimāne nibbatti. Taṃ āyasmā mahāmoggallānatthero upasaṅkamitvā imāhi gāthāhi paṭipucchi –
1126.
1126.
‘‘ужжамид̣̇ам̣ ман̣ит̇уун̣ам̣ вимаанам̣, саманд̇ад̇о д̣̇ваад̣̇аса яож̇анаани;
‘‘Uccamidaṃ maṇithūṇaṃ vimānaṃ, samantato dvādasa yojanāni;
гуудааг̇аараа сад̇д̇асад̇аа ул̣аараа, взл̣урияат̇амбхаа ружагад̇т̇ад̇аа субхаа.
Kūṭāgārā sattasatā uḷārā, veḷuriyathambhā rucakatthatā subhā.
1127.
1127.
‘‘д̇ад̇т̇ажчаси биваси каад̣̇аси жа, д̣̇иб̣б̣аа жа вийн̣аа бавад̣̇анд̇и ваг̇г̇ум̣;
‘‘Tatthacchasi pivasi khādasi ca, dibbā ca vīṇā pavadanti vagguṃ;
д̣̇иб̣б̣аа расаа гаамаг̇ун̣зд̇т̇а бан̃жа, наарияо жа нажжанд̇и суван̣н̣ажчаннаа.
Dibbā rasā kāmaguṇettha pañca, nāriyo ca naccanti suvaṇṇacchannā.
1128.
1128.
‘‘гзна д̇зд̇аад̣̇исо ван̣н̣о…бз…ван̣н̣о жа д̇з саб̣б̣ад̣̇исаа бабхаасад̇ий’’д̇и.
‘‘Kena tetādiso vaṇṇo…pe…vaṇṇo ca te sabbadisā pabhāsatī’’ti.
соби д̇асса г̇аат̇аахи б̣яаагааси –
Sopi tassa gāthāhi byākāsi –
1130.
1130.
‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
‘‘So devaputto attamano…pe… yassa kammassidaṃ phalaṃ’’.
1131.
1131.
‘‘ахам̣ мануссзсу мануссабхууд̇о, виванз бат̇з сан̇гаманам̣ агаасим̣;
‘‘Ahaṃ manussesu manussabhūto, vivane pathe saṅkamanaṃ akāsiṃ;
аараамаругкаани жа робаяиссам̣, бияаа жа мз сийлаванд̇о ахзсум̣;
Ārāmarukkhāni ca ropayissaṃ, piyā ca me sīlavanto ahesuṃ;
аннан̃жа баанан̃жа басаннажид̇д̇о, саггажжа д̣̇аанам̣ вибулам̣ ад̣̇аасим̣.
Annañca pānañca pasannacitto, sakkacca dānaṃ vipulaṃ adāsiṃ.
1132.
1132.
‘‘д̇зна мзд̇аад̣̇исо ван̣н̣о…бз…ван̣н̣о жа мз саб̣б̣ад̣̇исаа бабхаасад̇ий’’д̇и.
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
1131. д̇ад̇т̇а виванзд̇и аран̃н̃з. аараамаругкаани жаа аараамабхууд̇з ругкз, аараамам̣ гад̇ваа д̇ад̇т̇а ругкз робзсинд̇и ад̇т̇о. сзсам̣ саб̣б̣ам̣ вуд̇д̇анаяамзва.
1131. Tattha vivaneti araññe. Ārāmarukkhāni cā ārāmabhūte rukkhe, ārāmaṃ katvā tattha rukkhe ropesinti attho. Sesaṃ sabbaṃ vuttanayameva.
ман̣ит̇уун̣авимаанаван̣н̣анаа нидтид̇аа.
Maṇithūṇavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 3. ман̣ит̇уун̣авимаанавад̇т̇у • 3. Maṇithūṇavimānavatthu
