| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. मञ्जरिपूजकत्थेरअपदानं
7. Mañjaripūjakattheraapadānaṃ
२३.
23.
‘‘मञ्जरिकं करित्वान, रथियं पटिपज्जहं।
‘‘Mañjarikaṃ karitvāna, rathiyaṃ paṭipajjahaṃ;
अद्दसं समणानग्गं, भिक्खुसङ्घपुरक्खतं॥
Addasaṃ samaṇānaggaṃ, bhikkhusaṅghapurakkhataṃ.
२४.
24.
‘‘पसन्नचित्तो सुमनो, परमाय च पीतिया।
‘‘Pasannacitto sumano, paramāya ca pītiyā;
उभो हत्थेहि पग्गय्ह, बुद्धस्स अभिरोपयिं॥
Ubho hatthehi paggayha, buddhassa abhiropayiṃ.
२५.
25.
‘‘द्वेनवुते इतो कप्पे, यं पुप्फमभिपूजयिं।
‘‘Dvenavute ito kappe, yaṃ pupphamabhipūjayiṃ;
दुग्गतिं नाभिजानामि, पुप्फपूजायिदं फलं॥
Duggatiṃ nābhijānāmi, pupphapūjāyidaṃ phalaṃ.
२६.
26.
‘‘इतो तेसत्ततिकप्पे, एको आसिं महीपति।
‘‘Ito tesattatikappe, eko āsiṃ mahīpati;
जोतियो नाम नामेन, चक्कवत्ती महब्बलो॥
Jotiyo nāma nāmena, cakkavattī mahabbalo.
२७.
27.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा मञ्जरिपूजको थेरो इमा गाथायो अभासित्थाति।
Itthaṃ sudaṃ āyasmā mañjaripūjako thero imā gāthāyo abhāsitthāti.
मञ्जरिपूजकत्थेरस्सापदानं सत्तमं।
Mañjaripūjakattherassāpadānaṃ sattamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. थोमकत्थेरअपदानादिवण्णना • 1-10. Thomakattheraapadānādivaṇṇanā
