| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. маарад̇хийд̇усуд̇д̇аван̣н̣анаа
5. Māradhītusuttavaṇṇanā
161. бан̃жамз абхаасид̇ваад̇и зд̇т̇а а-гааро нибаад̇амад̇д̇ам̣, бхаасид̇ваад̇и ад̇т̇о. абхаасаяид̇ваад̇иби баато. убасан̇гамим̣сууд̇и ‘‘г̇обаалагад̣̇аарагам̣ вияа д̣̇ан̣д̣агзна бхуумим̣ лзкам̣ д̣̇ад̇ваа ад̇ивияа д̣̇уммано худ̇ваа нисинно. ‘гинну ко гааран̣а’нд̇и? бужчид̇ваа, ж̇ааниссаамаа’’д̇и убасан̇гамим̣су.
161. Pañcame abhāsitvāti ettha a-kāro nipātamattaṃ, bhāsitvāti attho. Abhāsayitvātipi pāṭho. Upasaṅkamiṃsūti ‘‘gopālakadārakaṃ viya daṇḍakena bhūmiṃ lekhaṃ datvā ativiya dummano hutvā nisinno. ‘Kinnu kho kāraṇa’nti? Pucchitvā, jānissāmā’’ti upasaṅkamiṃsu.
сожасийд̇и жинд̇зси. ааран̃н̃амива гун̃ж̇аранд̇и яат̇аа аран̃н̃ад̇о бзсид̇аг̇ан̣игаарахад̇т̇инияо ааран̃н̃агам̣ гун̃ж̇арам̣ ид̇т̇игуд̇д̇ад̣̇ассанзна балобхзд̇ваа б̣анд̇хид̇ваа аанаяанд̇и, звам̣ аанаяиссаама. маарад̇хзяяанд̇и д̇збхуумагаваддам̣.
Socasīti cintesi. Āraññamiva kuñjaranti yathā araññato pesitagaṇikārahatthiniyo āraññakaṃ kuñjaraṃ itthikuttadassanena palobhetvā bandhitvā ānayanti, evaṃ ānayissāma. Māradheyyanti tebhūmakavaṭṭaṃ.
убасан̇гамим̣сууд̇и – ‘‘д̇умхз т̇огам̣ ад̇хиваасзт̇а, маяам̣ д̇ам̣ аанзссаамаа’’д̇и бид̇арам̣ самассаасзд̇ваа убасан̇гамим̣су. ужжааважаад̇и наанаавид̇хаа. згасад̇ам̣ згасад̇анд̇и згзгам̣ сад̇ам̣ сад̇ам̣ гад̇ваа. гумаариван̣н̣асад̇анд̇и иминаа наязна гумаариад̇д̇абхааваанам̣ сад̇ам̣.
Upasaṅkamiṃsūti – ‘‘tumhe thokaṃ adhivāsetha, mayaṃ taṃ ānessāmā’’ti pitaraṃ samassāsetvā upasaṅkamiṃsu. Uccāvacāti nānāvidhā. Ekasataṃ ekasatanti ekekaṃ sataṃ sataṃ katvā. Kumārivaṇṇasatanti iminā nayena kumāriattabhāvānaṃ sataṃ.
ад̇т̇асса бад̇д̇им̣ хад̣̇аяасса санд̇инд̇и, д̣̇вийхиби бад̣̇зхи арахад̇д̇амзва гат̇зси. сзнанд̇и гилзсасзнам̣. саа хи бияаруубасаад̇аруубаа наама. згаахам̣ жхааяанд̇и зго ахам̣ жхааяанд̇о. сукамануб̣од̇хинд̇и арахад̇д̇асукам̣ ануб̣уж̇жхим̣. ид̣̇ам̣ вуд̇д̇ам̣ ход̇и – бияаруубам̣ саад̇аруубам̣ сзнам̣ ж̇инид̇ваа ахам̣ зго жхааяанд̇о ‘‘ад̇т̇асса бад̇д̇им̣ хад̣̇аяасса санд̇и’’нд̇и сан̇кам̣ г̇ад̇ам̣ арахад̇д̇асукам̣ ануб̣уж̇жхим̣. д̇асмаа ж̇анзна мид̇д̇асант̇авам̣ на гароми, д̇знзва жа мз гааран̣зна гзнажи сад̣̇д̇хим̣ сагкий на самбаж̇ж̇ад̇ийд̇и.
Atthassapattiṃ hadayassa santinti, dvīhipi padehi arahattameva kathesi. Senanti kilesasenaṃ. Sā hi piyarūpasātarūpā nāma. Ekāhaṃ jhāyanti eko ahaṃ jhāyanto. Sukhamanubodhinti arahattasukhaṃ anubujjhiṃ. Idaṃ vuttaṃ hoti – piyarūpaṃ sātarūpaṃ senaṃ jinitvā ahaṃ eko jhāyanto ‘‘atthassa pattiṃ hadayassa santi’’nti saṅkhaṃ gataṃ arahattasukhaṃ anubujjhiṃ. Tasmā janena mittasanthavaṃ na karomi, teneva ca me kāraṇena kenaci saddhiṃ sakkhī na sampajjatīti.
гат̇ам̣вихаарийб̣ахулод̇и гад̇амзна вихаарзна б̣ахулам̣ вихаранд̇о. алад̣̇д̇хаад̇и алабхид̇ваа. яод̇и нибаад̇амад̇д̇ам̣. ид̣̇ам̣ вуд̇д̇ам̣ ход̇и – гад̇амзна жхаанзна б̣ахулам̣ жхааяанд̇ам̣ д̇ам̣ буг̇г̇алам̣ гаамасан̃н̃аа алабхид̇ваава бариб̣аахираа хонд̇ийд̇и.
Kathaṃvihārībahuloti katamena vihārena bahulaṃ viharanto. Aladdhāti alabhitvā. Yoti nipātamattaṃ. Idaṃ vuttaṃ hoti – katamena jhānena bahulaṃ jhāyantaṃ taṃ puggalaṃ kāmasaññā alabhitvāva paribāhirā hontīti.
бассад̣̇д̇хагааяод̇и жад̇уд̇т̇аж̇жхаанзна ассаасабассаасагааяасса бассад̣̇д̇хад̇д̇аа бассад̣̇д̇хагааяо. сувимуд̇д̇ажид̇д̇од̇и арахад̇д̇апалавимуд̇д̇ияаа судту вимуд̇д̇ажид̇д̇о. асан̇караанод̇и д̇аяо гаммаабхисан̇каарз анабхисан̇каронд̇о. аногод̇и анаалаяо. ан̃н̃ааяа д̇хамманд̇и жад̇усажжад̇хаммам̣ ж̇аанид̇ваа. авид̇аггажхааяийд̇и авид̇аггзна жад̇уд̇т̇аж̇жхаанзна жхааяанд̇о. на губбад̇ийд̇иаад̣̇ийсу д̣̇осзна на губбад̇и, рааг̇зна на сарад̇и, мохзна на т̇ийно. имзсу д̇ийсу муулагилзсзсу г̇ахид̇зсу д̣̇ияад̣дхагилзсасахассам̣ г̇ахид̇амзва ход̇и. батамабад̣̇зна ваа б̣яаабаад̣̇анийваран̣ам̣ г̇ахид̇ам̣, д̣̇уд̇иязна гаамажчанд̣̇анийваран̣ам̣, д̇ад̇иязна т̇инам̣ аад̣̇им̣ гад̇ваа сзсанийваран̣аани. ид̇и иминаа нийваран̣аббахаанзна кийн̣аасавам̣ д̣̇ассзд̇и.
Passaddhakāyoti catutthajjhānena assāsapassāsakāyassa passaddhattā passaddhakāyo. Suvimuttacittoti arahattaphalavimuttiyā suṭṭhu vimuttacitto. Asaṅkharānoti tayo kammābhisaṅkhāre anabhisaṅkharonto. Anokoti anālayo. Aññāya dhammanti catusaccadhammaṃ jānitvā. Avitakkajhāyīti avitakkena catutthajjhānena jhāyanto. Na kuppatītiādīsu dosena na kuppati, rāgena na sarati, mohena na thīno. Imesu tīsu mūlakilesesu gahitesu diyaḍḍhakilesasahassaṃ gahitameva hoti. Paṭhamapadena vā byāpādanīvaraṇaṃ gahitaṃ, dutiyena kāmacchandanīvaraṇaṃ, tatiyena thinaṃ ādiṃ katvā sesanīvaraṇāni. Iti iminā nīvaraṇappahānena khīṇāsavaṃ dasseti.
бан̃жогхад̇ин̣н̣од̇и бан̃жад̣̇вааригам̣ гилзсогхам̣ д̇ин̣н̣о. чадтанд̇и манод̣̇вааригамби чадтам̣ гилзсогхам̣ ад̇ари. бан̃жогхаг̇г̇ахан̣зна ваа бан̃жорамбхааг̇ияаани сам̣яож̇анаани , чадтаг̇г̇ахан̣зна бан̃жуд̣̇д̇хамбхааг̇ияаани взд̣̇ид̇аб̣б̣аани. г̇ан̣асан̇гхажаарийд̇и г̇ан̣з жа сан̇гхз жа жарад̇ийд̇и сад̇т̇аа г̇ан̣асан̇гхажаарий наама. ад̣̇д̇хаа жариссанд̇ийд̇и ан̃н̃зби сад̣̇д̇хаа б̣ахуж̇анаа згам̣сзна жариссанд̇и. аяанд̇и аяам̣ сад̇т̇аа. аногод̇и анаалаяо.
Pañcoghatiṇṇoti pañcadvārikaṃ kilesoghaṃ tiṇṇo. Chaṭṭhanti manodvārikampi chaṭṭhaṃ kilesoghaṃ atari. Pañcoghaggahaṇena vā pañcorambhāgiyāni saṃyojanāni , chaṭṭhaggahaṇena pañcuddhambhāgiyāni veditabbāni. Gaṇasaṅghacārīti gaṇe ca saṅghe ca caratīti satthā gaṇasaṅghacārī nāma. Addhā carissantīti aññepi saddhā bahujanā ekaṃsena carissanti. Ayanti ayaṃ satthā. Anokoti anālayo.
ажчзж̇ж̇а нзссад̇ийд̇и ажчинд̣̇ид̇ваа наяиссад̇и, мажжурааж̇асса хад̇т̇ад̇о ажчинд̣̇ид̇ваа ниб̣б̣аанабаарам̣ наяиссад̇ийд̇и вуд̇д̇ам̣ ход̇и. наяамаанаананд̇и наяамаанзсу.
Acchejjanessatīti acchinditvā nayissati, maccurājassa hatthato acchinditvā nibbānapāraṃ nayissatīti vuttaṃ hoti. Nayamānānanti nayamānesu.
сзлам̣ва сирасуухажжа, баад̇аалз г̇аад̇хамзсат̇аад̇и маханд̇ам̣ гуудааг̇аараббамаан̣ам̣ силам̣ сийсз табзд̇ваа баад̇аалз бад̇идтаг̇авзсанам̣ вияа. каан̣ум̣ва урасаасаж̇ж̇аад̇и ураси каан̣ум̣ бахарид̇ваа вияа. абзт̇аад̇и абаг̇ажчат̇а. имасмим̣ таанз сан̇г̇ийд̇игаараа ‘‘ид̣̇амавожаа’’д̇и д̣̇зсанам̣ нидтабзд̇ваа д̣̇ад̣̇д̣̇алламаанаад̇и г̇аат̇ам̣ аахам̣су. д̇ад̇т̇а д̣̇ад̣̇д̣̇алламаанаад̇и ад̇ивияа ж̇аламаанаа собхамаанаа. ааг̇ан̃чунд̇и ааг̇ад̇аа. бануд̣̇ийд̇и нийхари. д̇уулам̣ бхадтам̣ва маалуд̇од̇и яат̇аа палад̇о бхадтам̣ симб̣алид̇уулам̣ ваа бодагид̇уулам̣ ваа ваад̇о бануд̣̇ад̇и нийхарад̇и, звам̣ бануд̣̇ийд̇и. бан̃жамам̣.
Selaṃva sirasūhacca, pātāle gādhamesathāti mahantaṃ kūṭāgārappamāṇaṃ silaṃ sīse ṭhapetvā pātāle patiṭṭhagavesanaṃ viya. Khāṇuṃva urasāsajjāti urasi khāṇuṃ paharitvā viya. Apethāti apagacchatha. Imasmiṃ ṭhāne saṅgītikārā ‘‘idamavocā’’ti desanaṃ niṭṭhapetvā daddallamānāti gāthaṃ āhaṃsu. Tattha daddallamānāti ativiya jalamānā sobhamānā. Āgañchunti āgatā. Panudīti nīhari. Tūlaṃ bhaṭṭhaṃva mālutoti yathā phalato bhaṭṭhaṃ simbalitūlaṃ vā poṭakitūlaṃ vā vāto panudati nīharati, evaṃ panudīti. Pañcamaṃ.
д̇ад̇ияо ваг̇г̇о.
Tatiyo vaggo.
ид̇и саарад̇т̇аббагаасинияаа
Iti sāratthappakāsiniyā
сам̣яуд̇д̇анигааяа-адтагат̇ааяа
Saṃyuttanikāya-aṭṭhakathāya
маарасам̣яуд̇д̇аван̣н̣анаа нидтид̇аа.
Mārasaṃyuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. маарад̇хийд̇усуд̇д̇ам̣ • 5. Māradhītusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. маарад̇хийд̇усуд̇д̇аван̣н̣анаа • 5. Māradhītusuttavaṇṇanā
