| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౫. మాతాపుత్తసుత్తవణ్ణనా
5. Mātāputtasuttavaṇṇanā
౫౫. పఞ్చమే పరియాదాయ తిట్ఠతీతి పరియాదియిత్వా గహేత్వా ఖేపేత్వా తిట్ఠతి. ఉగ్ఘాతితాతి ఉద్ధుమాతా.
55. Pañcame pariyādāya tiṭṭhatīti pariyādiyitvā gahetvā khepetvā tiṭṭhati. Ugghātitāti uddhumātā.
అసిహత్థేనాతి సీసచ్ఛేదనత్థాయ అసిం ఆదాయ ఆగతేనాపి. పిసాచేనాతి ఖాదితుం ఆగతయక్ఖేనాపి. ఆసీదేతి ఘట్టేయ్య. మఞ్జునాతి ముదుకేన. కామోఘవుళ్హానన్తి కామోఘేన వుళ్హానం కడ్ఢితానం. కాలం గతి భవాభవన్తి వట్టకాలం గతిఞ్చ పునప్పునబ్భవే చ. పురక్ఖతాతి పురేచారికా పురతో గతాయేవ. యే చ కామే పరిఞ్ఞాయాతి యే పణ్డితా దువిధేపి కామే తీహి పరిఞ్ఞాహి పరిజానిత్వా. చరన్తి అకుతోభయాతి ఖీణాసవానం కుతోచి భయం నామ నత్థి, తస్మా తే అకుతోభయా హుత్వా చరన్తి. పారఙ్గతాతి పారం వుచ్చతి నిబ్బానం, తం ఉపగతా, సచ్ఛికత్వా ఠితాతి అత్థో. ఆసవక్ఖయన్తి అరహత్తం. ఇమస్మిం సుత్తే వట్టమేవ కథేత్వా గాథాసు వట్టవివట్టం కథితం.
Asihatthenāti sīsacchedanatthāya asiṃ ādāya āgatenāpi. Pisācenāti khādituṃ āgatayakkhenāpi. Āsīdeti ghaṭṭeyya. Mañjunāti mudukena. Kāmoghavuḷhānanti kāmoghena vuḷhānaṃ kaḍḍhitānaṃ. Kālaṃgati bhavābhavanti vaṭṭakālaṃ gatiñca punappunabbhave ca. Purakkhatāti purecārikā purato gatāyeva. Ye ca kāme pariññāyāti ye paṇḍitā duvidhepi kāme tīhi pariññāhi parijānitvā. Caranti akutobhayāti khīṇāsavānaṃ kutoci bhayaṃ nāma natthi, tasmā te akutobhayā hutvā caranti. Pāraṅgatāti pāraṃ vuccati nibbānaṃ, taṃ upagatā, sacchikatvā ṭhitāti attho. Āsavakkhayanti arahattaṃ. Imasmiṃ sutte vaṭṭameva kathetvā gāthāsu vaṭṭavivaṭṭaṃ kathitaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౫. మాతాపుత్తసుత్తం • 5. Mātāputtasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౫. మాతాపుత్తసుత్తవణ్ణనా • 5. Mātāputtasuttavaṇṇanā
