| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
225. мад̇асанд̇агагат̇аа
225. Matasantakakathā
367. гаалан̇гад̇зд̇и зд̇т̇а гаран̣ам̣ гад̇анд̇и д̣̇ассзнд̇о ааха ‘‘гаалагирияааяаа’’д̇и. абалогзд̇ваад̇и ‘‘ид̇т̇аннаамо бханд̇з бхигку гаалан̇гад̇о, д̇асса д̇ижийваран̃жа бад̇д̇ан̃жа г̇илаанубадтаагаанам̣ д̣̇аад̇ум̣ сан̇гхам̣ абалогзмий’’д̇и абалогзд̇ваа.
367.Kālaṅkateti ettha karaṇaṃ katanti dassento āha ‘‘kālakiriyāyā’’ti. Apaloketvāti ‘‘itthannāmo bhante bhikkhu kālaṅkato, tassa ticīvarañca pattañca gilānupaṭṭhākānaṃ dātuṃ saṅghaṃ apalokemī’’ti apaloketvā.
369. г̇илаанубадтаагалаабхзд̇и г̇илаанубадтаагаанам̣ лабхид̇аб̣б̣з.
369.Gilānupaṭṭhākalābheti gilānupaṭṭhākānaṃ labhitabbe.
саб̣б̣зби бхигкууд̇и самб̣анд̇хо. д̇ад̇т̇аад̇и д̇асмим̣ гаалан̇гад̇з. гим̣ вад̣̇анд̇и? ‘‘саб̣б̣зби…бз… саамино’’д̇и вад̣̇анд̇ийд̇и яож̇анаа. д̣̇вийсу ваад̣̇зсу бажчимаваад̣̇о адтагат̇аажариязна ружжад̇ийд̇и вад̣̇анд̇и. яанд̇и яам̣ вад̇т̇у. ‘‘яам̣ ад̇т̇и, д̇ам̣ д̣̇аад̇аб̣б̣а’’нд̇и вуд̇д̇амзвад̇т̇ам̣ аавигаронд̇о ааха ‘‘ан̃н̃асмим̣…бз… д̣̇аад̇аб̣б̣а’’нд̇и. д̇анд̇и баригкаарам̣.
Sabbepi bhikkhūti sambandho. Tatthāti tasmiṃ kālaṅkate. Kiṃ vadanti? ‘‘Sabbepi…pe… sāmino’’ti vadantīti yojanā. Dvīsu vādesu pacchimavādo aṭṭhakathācariyena ruccatīti vadanti. Yanti yaṃ vatthu. ‘‘Yaṃ atthi, taṃ dātabba’’nti vuttamevatthaṃ āvikaronto āha ‘‘aññasmiṃ…pe… dātabba’’nti. Tanti parikkhāraṃ.
самагод̇и самам̣ бамаан̣амзд̇асса бхааг̇ассаад̇и самаго. сам̣вид̣̇аханамад̇д̇амзваад̇и ид̣̇ан̃жид̣̇ан̃жа гарохийд̇и саж̇ж̇анамад̇д̇амзва. ж̇здтагабхааг̇од̇и д̣̇иг̇ун̣абхааг̇о.
Samakoti samaṃ pamāṇametassa bhāgassāti samako. Saṃvidahanamattamevāti idañcidañca karohīti sajjanamattameva. Jeṭṭhakabhāgoti diguṇabhāgo.
яо банаад̇и бхигку бана. зд̇т̇аад̇и б̣ахуусу бхигкуусу. язнаад̇и язна гзнажи, д̣̇иннам̣ бадияаад̣̇ид̇анд̇и самб̣анд̇хо. згад̣̇ивасамбийд̇и бисад̣̇д̣̇о баг̇зва д̣̇вийхаад̣̇игзд̇и д̣̇ассзд̇и. собийд̇и бисад̣̇д̣̇о на гзвалам̣ б̣ахуд̣̇ивасам̣ убадтаагоязва, ат̇а ко собийд̇и д̣̇ассзд̇и. самийбанд̇и г̇илаанасса санд̇игам̣. ааг̇ажчад̇ийд̇и самийбамааг̇ажчад̇и.
Yo panāti bhikkhu pana. Etthāti bahūsu bhikkhūsu. Yenāti yena kenaci, dinnaṃ paṭiyāditanti sambandho. Ekadivasampīti pisaddo pageva dvīhādiketi dasseti. Sopīti pisaddo na kevalaṃ bahudivasaṃ upaṭṭhākoyeva, atha kho sopīti dasseti. Samīpanti gilānassa santikaṃ. Āgacchatīti samīpamāgacchati.
бажжаасийсааяаад̇и бхааг̇асса бажжаасийсааяа. ‘‘буна ааг̇анд̇ваа ж̇аг̇г̇иссаамий’’д̇и иминаа ‘‘буна ааг̇анд̇ваа на ж̇аг̇г̇иссаамий’’д̇и г̇ажчанд̇асса на д̣̇аад̇аб̣б̣анд̇и д̣̇ассзд̇и. д̇хурам̣ нигкибид̇ваад̇и убадтаханз д̇хурам̣ нигкибид̇ваа.
Paccāsīsāyāti bhāgassa paccāsīsāya. ‘‘Puna āgantvā jaggissāmī’’ti iminā ‘‘puna āgantvā na jaggissāmī’’ti gacchantassa na dātabbanti dasseti. Dhuraṃ nikkhipitvāti upaṭṭhahane dhuraṃ nikkhipitvā.
маад̇уг̇аамоби ход̇ууд̇и яож̇анаа. д̇асса бхигкунод̇и гаалан̇гад̇асса д̇асса бхигкуно. сажзби сахассам̣ аг̇гхад̇и, г̇илаанубадтаагаанам̣язва д̣̇аад̇аб̣б̣анд̇и яож̇анаа. ан̃н̃анд̇и бад̇д̇ажийварад̇о ан̃н̃ам̣. д̇зд̇и г̇илаанубадтаагаа. авасзсанд̇и бад̇д̇ажийварад̇о авасзсам̣. д̇ад̇од̇и б̣ахугамахаг̇гхад̇о. д̇ижийварабаригкаарод̇и д̇ин̣н̣ам̣ жийвараанам̣ баривааро. саб̣б̣ан̃жзд̇анд̇и саб̣б̣амзва зд̇ам̣ баригкаарам̣. лабхад̇ийд̇и г̇илаанубадтааго лабхад̇и.
Mātugāmopi hotūti yojanā. Tassa bhikkhunoti kālaṅkatassa tassa bhikkhuno. Sacepi sahassaṃ agghati, gilānupaṭṭhākānaṃyeva dātabbanti yojanā. Aññanti pattacīvarato aññaṃ. Teti gilānupaṭṭhākā. Avasesanti pattacīvarato avasesaṃ. Tatoti bahukamahagghato. Ticīvaraparikkhāroti tiṇṇaṃ cīvarānaṃ parivāro. Sabbañcetanti sabbameva etaṃ parikkhāraṃ. Labhatīti gilānupaṭṭhāko labhati.
сод̇и гаалан̇гад̇о. гассажийд̇и г̇ахадтасса ваа баб̣б̣аж̇ид̇асса ваа. д̇ассзваад̇и д̣̇иннаг̇аахагассзва. ружияаа зваад̇и гаамаа зва. д̇ад̇т̇а д̇ад̇т̇а сан̇гхассзваад̇и д̇асмим̣ д̇асмим̣ вихаарз тид̇асса сан̇гхассзва. ид̣̇ам̣ вихаарз табид̇абаригкаарз санд̇хааяа вуд̇д̇ам̣. сажз г̇аамз ваа аран̃н̃з ваа табид̇аа хонд̇и, сагалова сан̇гхо иссаро. гасмаа? сан̇гхассзва д̣̇ааяаж̇ж̇абхаавад̇о. б̣ахуунамбийд̇и д̇ийхи бадтааяа б̣ахуунамби. ийд̣̇исаважанам̣ убанид̇хааяа саасанзби зго д̣̇вз б̣ахууд̇и д̇ийн̣и важанаани ад̇т̇з д̣̇иссанд̇и, сад̣̇д̣̇з бана д̣̇виважанаб̣ахуважанаанам̣ висзсаабхаавад̇о д̣̇виважанам̣ над̇т̇ийд̇и д̣̇адтаб̣б̣ам̣. ад̣̇иннамзваад̇и ад̇д̇аноязва асанд̇агад̇д̇аа, ан̃н̃зсамби саад̇хааран̣ад̇д̇аа жа ад̣̇иннамзва. сажз саб̣б̣з мад̇аа анумад̇ияаа д̣̇знд̇и, суд̣̇иннамзва. д̇анд̇и санд̇агам̣. д̇зсууд̇и д̇зсу саб̣б̣зсу.
Soti kālaṅkato. Kassacīti gahaṭṭhassa vā pabbajitassa vā. Tassevāti dinnagāhakasseva. Ruciyā evāti kāmā eva. Tattha tattha saṅghassevāti tasmiṃ tasmiṃ vihāre ṭhitassa saṅghasseva. Idaṃ vihāre ṭhapitaparikkhāre sandhāya vuttaṃ. Sace gāme vā araññe vā ṭhapitā honti, sakalova saṅgho issaro. Kasmā? Saṅghasseva dāyajjabhāvato. Bahūnampīti tīhi paṭṭhāya bahūnampi. Īdisavacanaṃ upanidhāya sāsanepi eko dve bahūti tīṇi vacanāni atthe dissanti, sadde pana dvivacanabahuvacanānaṃ visesābhāvato dvivacanaṃ natthīti daṭṭhabbaṃ. Adinnamevāti attanoyeva asantakattā, aññesampi sādhāraṇattā ca adinnameva. Sace sabbe matā anumatiyā denti, sudinnameva. Tanti santakaṃ. Tesūti tesu sabbesu.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 225. мад̇асанд̇агагат̇аа • 225. Matasantakakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / мад̇асанд̇агагат̇аа • Matasantakakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / мад̇асанд̇агагат̇ааван̣н̣анаа • Matasantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / мад̇асанд̇агагат̇ааван̣н̣анаа • Matasantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / мад̇асанд̇агагат̇аад̣̇иван̣н̣анаа • Matasantakakathādivaṇṇanā
