| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
буг̇г̇алабан̃н̃ад̇д̇ибагаран̣а-анудийгаа
Puggalapaññattipakaraṇa-anuṭīkā
1. маад̇игааван̣н̣анаа
1. Mātikāvaṇṇanā
1. ‘‘д̇хаад̇угат̇ам̣ д̣̇зсаяид̇ваа ананд̇арам̣ д̇асса ааха буг̇г̇алабан̃н̃ад̇д̇и’’нд̇и вуд̇д̇з д̇ад̇т̇а гааран̣ам̣ самуд̣̇ааг̇амад̇о бадтааяа вибхаавзнд̇о ‘‘д̇хаммасан̇г̇ахз’’д̇иаад̣̇имааха. д̇ад̇т̇а яад̣̇иби д̇хаммасан̇г̇ахз пассаад̣̇ийнам̣ бат̇авийаад̣̇ийнан̃жа д̇хаммаанам̣ наанаанаяавижид̇д̇о анубад̣̇авибхааг̇оби гад̇о, на сан̇г̇ахо зва, со бана д̇зсам̣ гусалад̇д̇игаад̣̇ихзд̇уд̣̇угаад̣̇ид̇игад̣̇угзхи сан̇г̇ахасанд̣̇ассанад̇т̇од̇и вуд̇д̇ам̣ ‘‘д̇хаммасан̇г̇ахз д̇игад̣̇угаад̣̇ивасзна сан̇г̇ахид̇аанам̣ д̇хаммаана’’нд̇и. д̇знзва хи д̇ам̣ багаран̣ам̣ ‘‘д̇хаммасан̇г̇ахо’’д̇и саман̃н̃ам̣ лабхи. гааман̃жа д̇хаммасан̇г̇ахзби ‘‘д̇асмим̣ ко бана самаяз жад̇д̇ааро канд̇хаа хонд̇ий’’д̇иаад̣̇инаа (д̇ха. са. 58) канд̇хаад̣̇ивибхааг̇о д̣̇ассид̇о, со бана на д̇ат̇аа саад̇исаяо, яат̇аа вибхан̇г̇абагаран̣зд̇и саад̇исаяам̣ д̇ам̣ г̇ахзд̇ваа ааха ‘‘вибхан̇г̇з канд̇хаад̣̇ивибхааг̇ам̣ д̣̇ассзд̇ваа’’д̇и, яад̇о д̇ам̣ ‘‘вибхан̇г̇о’’д̇взва бан̃н̃ааяид̇т̇а. д̇хаад̇угат̇ааяаад̇и аад̇хаарз бхуммам̣, д̇ат̇аа ‘‘д̇хаммасан̇г̇ахз вибхан̇г̇з’’д̇и зд̇т̇ааби. аад̇хааро хи сан̇г̇ахан̣авибхаж̇анаббабхзд̣̇аважанасан̇каад̇аанам̣ аваяавагирияаанам̣ д̇ам̣самуд̣̇ааяабхууд̇аани багаран̣аани яат̇аа ‘‘ругкз саакаа’’д̇и. гаран̣аважанам̣ ваа зд̇ам̣, д̇хаад̇угат̇ааяа гаран̣абхууд̇ааяаад̇и ад̇т̇о.
1. ‘‘Dhātukathaṃ desayitvā anantaraṃ tassa āha puggalapaññatti’’nti vutte tattha kāraṇaṃ samudāgamato paṭṭhāya vibhāvento ‘‘dhammasaṅgahe’’tiādimāha. Tattha yadipi dhammasaṅgahe phassādīnaṃ pathavīādīnañca dhammānaṃ nānānayavicitto anupadavibhāgopi kato, na saṅgaho eva, so pana tesaṃ kusalattikādihetudukāditikadukehi saṅgahasandassanatthoti vuttaṃ ‘‘dhammasaṅgahe tikadukādivasena saṅgahitānaṃ dhammāna’’nti. Teneva hi taṃ pakaraṇaṃ ‘‘dhammasaṅgaho’’ti samaññaṃ labhi. Kāmañca dhammasaṅgahepi ‘‘tasmiṃ kho pana samaye cattāro khandhā hontī’’tiādinā (dha. sa. 58) khandhādivibhāgo dassito, so pana na tathā sātisayo, yathā vibhaṅgapakaraṇeti sātisayaṃ taṃ gahetvā āha ‘‘vibhaṅge khandhādivibhāgaṃ dassetvā’’ti, yato taṃ ‘‘vibhaṅgo’’tveva paññāyittha. Dhātukathāyāti ādhāre bhummaṃ, tathā ‘‘dhammasaṅgahe vibhaṅge’’ti etthāpi. Ādhāro hi saṅgahaṇavibhajanappabhedavacanasaṅkhātānaṃ avayavakiriyānaṃ taṃsamudāyabhūtāni pakaraṇāni yathā ‘‘rukkhe sākhā’’ti. Karaṇavacanaṃ vā etaṃ, dhātukathāya karaṇabhūtāyāti attho.
зд̇т̇а жа абхин̃н̃зяяад̇хаммз д̣̇зсзнд̇о д̣̇зсанаагусало бхаг̇аваа д̇игад̣̇угавасзна д̇аава нзсам̣ сан̇г̇ахам̣ д̣̇ассзнд̇о д̇хаммасан̇г̇ан̣им̣ д̣̇зсзд̇ваа сан̇г̇ахабуб̣б̣агад̇д̇аа вибхааг̇асса д̇ад̣̇ананд̇арам̣ канд̇хаад̣̇ивасзна вибхааг̇ам̣ д̣̇ассзнд̇о вибхан̇г̇ам̣ д̣̇зсзси. буна яат̇аавуд̇д̇авибхааг̇асан̇г̇ахаяуд̇д̇з д̇хаммз сан̇г̇ахаасан̇г̇ахаад̣̇инаяаббабхзд̣̇ад̇о д̣̇ассзнд̇о д̇хаад̇угат̇ам̣ д̣̇зсзси д̇ассаа аб̣бханд̇араб̣аахирамаад̇игаасарийрагад̇д̇аа. на хи саггаа канд̇хаад̣̇игз гусалаад̣̇игз жа винаа сан̇г̇ахаасан̇г̇ахаад̣̇инаяам̣ нзд̇унд̇и. д̇знааха ‘‘д̇ат̇аасан̇г̇ахид̇авибхад̇д̇аана’’нд̇и. звам̣ сан̇г̇ахад̇о вибхааг̇ад̇о бабхзд̣̇ад̇о жа д̇хаммаанам̣ д̣̇зсанаа яассаа бан̃н̃ад̇д̇ияаа васзна ход̇и, яо жааяам̣ яат̇аавуд̇д̇ад̇хаммубаад̣̇аано буг̇г̇алавохааро, д̇асса жа самаяавимуд̇д̇аад̣̇ивасзна вибхааг̇о, д̇ам̣ саб̣б̣ам̣ вибхаавзд̇ум̣ буг̇г̇алабан̃н̃ад̇д̇и д̣̇зсид̇аад̇и ид̣̇амзд̇зсам̣ жад̇уннам̣ багаран̣аанам̣ д̣̇зсанаануггамагааран̣ам̣ д̣̇адтаб̣б̣ам̣.
Ettha ca abhiññeyyadhamme desento desanākusalo bhagavā tikadukavasena tāva nesaṃ saṅgahaṃ dassento dhammasaṅgaṇiṃ desetvā saṅgahapubbakattā vibhāgassa tadanantaraṃ khandhādivasena vibhāgaṃ dassento vibhaṅgaṃ desesi. Puna yathāvuttavibhāgasaṅgahayutte dhamme saṅgahāsaṅgahādinayappabhedato dassento dhātukathaṃ desesi tassā abbhantarabāhiramātikāsarīrakattā. Na hi sakkā khandhādike kusalādike ca vinā saṅgahāsaṅgahādinayaṃ netunti. Tenāha ‘‘tathāsaṅgahitavibhattāna’’nti. Evaṃ saṅgahato vibhāgato pabhedato ca dhammānaṃ desanā yassā paññattiyā vasena hoti, yo cāyaṃ yathāvuttadhammupādāno puggalavohāro, tassa ca samayavimuttādivasena vibhāgo, taṃ sabbaṃ vibhāvetuṃ puggalapaññatti desitāti idametesaṃ catunnaṃ pakaraṇānaṃ desanānukkamakāraṇaṃ daṭṭhabbaṃ.
д̇зсанд̇и д̇хаммаанам̣. сабхаавад̇од̇и ‘‘пассо взд̣̇анаа’’д̇иаад̣̇исабхаавад̇о. убаад̣̇ааяаад̇и ‘‘буг̇г̇ало сад̇д̇о босо’’д̇иаад̣̇инаа канд̇хз убаад̣̇ааяа. бан̃н̃аабанам̣ яааяа д̇аж̇ж̇ааубаад̣̇аад̣̇ибхзд̣̇ааяа бан̃н̃ад̇д̇ияаа ход̇и, д̇ам̣ бан̃н̃ад̇д̇им̣. бабхзд̣̇ад̇од̇и канд̇хаад̣̇исамаяавимуд̇д̇аад̣̇ивибхааг̇ад̇о. яааяа бан̃н̃ад̇д̇ияаа сабхаавад̇о убаад̣̇ааяа жа бан̃н̃аабананд̇и сан̇кзбад̇о вуд̇д̇амад̇т̇ам̣ виваранд̇о ‘‘д̇ад̇т̇а яз д̇хаммз’’д̇иаад̣̇имааха. д̇ад̇т̇а асабхаавабан̃н̃ад̇д̇ияааби муулабхууд̇ам̣ убаад̣̇аанам̣ сабхаавад̇хаммо зва, гзвалам̣ бана д̇зсам̣ бавад̇д̇иаагаарабхзд̣̇асанниссаяад̇о висзсод̇и д̣̇ассзнд̇о ‘‘яз д̇хаммз…бз… ход̇ий’’д̇и ааха. д̇ад̇т̇а буб̣б̣аабарияабхаавзна бавад̇д̇амаанзд̇и иминаа баб̣анд̇хасанниссаяад̇ам̣ д̣̇ассзнд̇о санд̇аанабан̃н̃ад̇д̇им̣ вад̣̇ад̇и, асабхаавасамуухавасзнаад̇и иминаа сзсабан̃н̃ад̇д̇им̣. д̇иссо хи бан̃н̃ад̇д̇ияо санд̇аанабан̃н̃ад̇д̇и самуухабан̃н̃ад̇д̇и авад̇т̇аависзсабан̃н̃ад̇д̇ийд̇и. д̇ад̇т̇а баб̣анд̇хо санд̇аано. самуд̣̇ааяо самуухо. уббаад̣̇аад̣̇иго д̣̇ахарабхааваад̣̇иго жа авад̇т̇аависзсо. д̇зсу асабхааваг̇г̇ахан̣зна винаа баб̣анд̇хасамуухаанам̣ асабхаавад̇д̇з сид̣̇д̇хз асабхаавасамуухавасзнаад̇и асабхааваг̇г̇ахан̣ам̣ баб̣анд̇хасамуухавинимуд̇д̇абан̃н̃ад̇д̇исанд̣̇ассанад̇т̇анд̇и д̇зна авад̇т̇аависзсабан̃н̃ад̇д̇ияаа бариг̇г̇ахо вуд̇д̇од̇и взд̣̇ид̇аб̣б̣о.
Tesanti dhammānaṃ. Sabhāvatoti ‘‘phasso vedanā’’tiādisabhāvato. Upādāyāti ‘‘puggalo satto poso’’tiādinā khandhe upādāya. Paññāpanaṃ yāya tajjāupādādibhedāya paññattiyā hoti, taṃ paññattiṃ. Pabhedatoti khandhādisamayavimuttādivibhāgato. Yāya paññattiyā sabhāvato upādāya ca paññāpananti saṅkhepato vuttamatthaṃ vivaranto ‘‘tattha ye dhamme’’tiādimāha. Tattha asabhāvapaññattiyāpi mūlabhūtaṃ upādānaṃ sabhāvadhammo eva, kevalaṃ pana tesaṃ pavattiākārabhedasannissayato visesoti dassento ‘‘ye dhamme…pe… hotī’’ti āha. Tattha pubbāpariyabhāvena pavattamāneti iminā pabandhasannissayataṃ dassento santānapaññattiṃ vadati, asabhāvasamūhavasenāti iminā sesapaññattiṃ. Tisso hi paññattiyo santānapaññatti samūhapaññatti avatthāvisesapaññattīti. Tattha pabandho santāno. Samudāyo samūho. Uppādādiko daharabhāvādiko ca avatthāviseso. Tesu asabhāvaggahaṇena vinā pabandhasamūhānaṃ asabhāvatte siddhe asabhāvasamūhavasenāti asabhāvaggahaṇaṃ pabandhasamūhavinimuttapaññattisandassanatthanti tena avatthāvisesapaññattiyā pariggaho vuttoti veditabbo.
д̇зсанд̇и буб̣б̣з яам̣-сад̣̇д̣̇зна бараамадтаанам̣ инд̣̇рияаб̣ад̣̇д̇хад̇хаммаанам̣. д̇знзвааха ‘‘ан̃н̃зсан̃жа б̣аахираруубаниб̣б̣аанаана’’нд̇и. сасабхаавасамуухасасабхааваббабхзд̣̇авасзнаад̇и руубагканд̇хаад̣̇исасабхаавасамуухавасзна жагкааяад̇анаад̣̇исасабхаавависзсавасзна жа. ‘‘сасабхаавасамуухасабхаавабхзд̣̇авасзнаа’’д̇и жа баато. д̇ад̇т̇а самуухасабхаавод̇и сабхаавасанд̇аанам̣ авад̇т̇аависзсавид̇хурам̣ самуухавасзна лагкан̣амзвааха. д̇ат̇аа хи канд̇хабан̃н̃ад̇д̇ияааби сабхаавабан̃н̃ад̇д̇ид̇аа вуд̇д̇аа. д̇ааяаад̇и ааяад̇анабан̃н̃ад̇д̇иаад̣̇иббабхзд̣̇ааяа сабхаавабан̃н̃ад̇д̇ияаа. вибхад̇д̇аа сабхаавабан̃н̃ад̇д̇ийд̇и ‘‘пассо пусанаа’’д̇иаад̣̇инаа (д̇ха. са. 2) вибхад̇д̇аа пассаад̣̇исабхаавабан̃н̃ад̇д̇и. саб̣б̣аабийд̇и би-сад̣̇д̣̇зна сабхаавад̇хаммзсу сааман̃н̃авасзна бавад̇д̇ам̣ гусалаад̣̇ибан̃н̃ад̇д̇им̣ сан̇г̇ан̣хаад̇и. руубаад̣̇ид̇хаммаанам̣ самуухо санд̇аанзна бавад̇д̇амаано авад̇т̇аависзсасахид̇о згад̇д̇аг̇г̇ахан̣аниб̣анд̇хано сад̇д̇од̇и вохарийяад̇ийд̇и со сабхаавад̇хаммо наама бана на ход̇ийд̇и ааха ‘‘буг̇г̇алабан̃н̃ад̇д̇и бана асабхаавабан̃н̃ад̇д̇ий’’д̇и. д̇ааяаад̇и буг̇г̇алабан̃н̃ад̇д̇ияаа. яасмаа бана д̇хаммаанам̣ баб̣анд̇хо самуухо жа д̇хаммасанниссид̇од̇и вад̇д̇аб̣б̣ад̇ам̣ арахад̇и, д̇асмаа ‘‘барин̃н̃зяяаад̣̇исабхаавад̇хаммз убаад̣̇ааяа бавад̇д̇ид̇о’’д̇и вуд̇д̇ам̣.
Tesanti pubbe yaṃ-saddena parāmaṭṭhānaṃ indriyabaddhadhammānaṃ. Tenevāha ‘‘aññesañca bāhirarūpanibbānāna’’nti. Sasabhāvasamūhasasabhāvappabhedavasenāti rūpakkhandhādisasabhāvasamūhavasena cakkhāyatanādisasabhāvavisesavasena ca. ‘‘Sasabhāvasamūhasabhāvabhedavasenā’’ti ca pāṭho. Tattha samūhasabhāvoti sabhāvasantānaṃ avatthāvisesavidhuraṃ samūhavasena lakkhaṇamevāha. Tathā hi khandhapaññattiyāpi sabhāvapaññattitā vuttā. Tāyāti āyatanapaññattiādippabhedāya sabhāvapaññattiyā. Vibhattā sabhāvapaññattīti ‘‘phasso phusanā’’tiādinā (dha. sa. 2) vibhattā phassādisabhāvapaññatti. Sabbāpīti pi-saddena sabhāvadhammesu sāmaññavasena pavattaṃ kusalādipaññattiṃ saṅgaṇhāti. Rūpādidhammānaṃ samūho santānena pavattamāno avatthāvisesasahito ekattaggahaṇanibandhano sattoti voharīyatīti so sabhāvadhammo nāma pana na hotīti āha ‘‘puggalapaññatti pana asabhāvapaññattī’’ti. Tāyāti puggalapaññattiyā. Yasmā pana dhammānaṃ pabandho samūho ca dhammasannissitoti vattabbataṃ arahati, tasmā ‘‘pariññeyyādisabhāvadhamme upādāya pavattito’’ti vuttaṃ.
виж̇ж̇амаанабан̃н̃ад̇д̇и бана ‘‘сабхаавабан̃н̃ад̇д̇ий’’д̇и вуд̇д̇аа, авиж̇ж̇амаанабан̃н̃ад̇д̇и ‘‘асабхаавабан̃н̃ад̇д̇ий’’д̇и вуд̇д̇аа. саб̣б̣аа бан̃н̃ад̇д̇ияод̇и убаад̣̇ааяабан̃н̃ад̇д̇игижжабан̃н̃ад̇д̇иаад̣̇аяо саб̣б̣аа бан̃н̃ад̇д̇ияо. яад̣̇и саб̣б̣аа бан̃н̃ад̇д̇ияо ид̇ха д̣̇ассид̇аа хонд̇и, гат̇ам̣ ‘‘буг̇г̇алабан̃н̃ад̇д̇ий’’д̇и наамам̣ ж̇аад̇анд̇и ааха ‘‘канд̇хаад̣̇ибан̃н̃ад̇д̇ийсуу’’д̇иаад̣̇и. ан̃н̃ад̇т̇аад̇и д̇хаммасан̇г̇ахаад̣̇ийсу. яз д̇хаммзд̇и яз канд̇хаад̣̇ид̇хаммз. бан̃н̃ад̇д̇ияаа вад̇т̇убхаавзнаад̇и бан̃н̃аабанасса ад̇хидтаанабхаавзна. ад̇хидтаанан̃хи бан̃н̃аабзд̇аб̣б̣ад̇хаммаа бан̃н̃аабанасса. зван̃жа гад̇ваа канд̇хаад̣̇ийхи сад̣̇д̇хим̣ буг̇г̇ало г̇ахид̇о. яз д̇хаммзд̇и ваа яз бан̃н̃ад̇д̇ид̇хаммз. бан̃н̃аабзд̇угаамод̇и нигкибид̇угаамо вад̇т̇убхзд̣̇ад̇о асан̇гарад̇о табзд̇угаамо. бан̃н̃ад̇д̇ибарижчзд̣̇анд̇и жа вад̇т̇убхзд̣̇абхиннам̣ бан̃н̃ад̇д̇ибхууд̇ам̣ барижчзд̣̇ам̣. звамзд̇т̇а ад̇т̇о д̣̇адтаб̣б̣о.
Vijjamānapaññatti pana ‘‘sabhāvapaññattī’’ti vuttā, avijjamānapaññatti ‘‘asabhāvapaññattī’’ti vuttā. Sabbā paññattiyoti upādāyapaññattikiccapaññattiādayo sabbā paññattiyo. Yadi sabbā paññattiyo idha dassitā honti, kathaṃ ‘‘puggalapaññattī’’ti nāmaṃ jātanti āha ‘‘khandhādipaññattīsū’’tiādi. Aññatthāti dhammasaṅgahādīsu. Ye dhammeti ye khandhādidhamme. Paññattiyā vatthubhāvenāti paññāpanassa adhiṭṭhānabhāvena. Adhiṭṭhānañhi paññāpetabbadhammā paññāpanassa. Evañca katvā khandhādīhi saddhiṃ puggalo gahito. Ye dhammeti vā ye paññattidhamme. Paññāpetukāmoti nikkhipitukāmo vatthubhedato asaṅkarato ṭhapetukāmo. Paññattiparicchedanti ca vatthubhedabhinnaṃ paññattibhūtaṃ paricchedaṃ. Evamettha attho daṭṭhabbo.
сааман̃н̃аббабхзд̣̇абан̃н̃аабанаад̇и сааман̃н̃абхууд̇аанам̣ висзсабхууд̇аанан̃жа ад̇т̇аанам̣ бан̃н̃аабанаа. д̇зсанд̇и ад̇т̇а-сад̣̇д̣̇аабзгкааяа буллин̇г̇анид̣̇д̣̇зсо. д̇ад̇т̇аад̇и бан̃н̃аабанааяа ад̇т̇ад̣̇ассанабхууд̇зсу д̣̇ассанаад̣̇ийсу. ид̣̇амзвам̣наамаганд̇и ид̣̇ам̣ руббанаад̣̇иад̇т̇аж̇аад̇ам̣ ид̇т̇аннаамагам̣ руубагканд̇хавзд̣̇анаагканд̇хаад̣̇исаман̃н̃ам̣. д̇ам̣д̇ам̣годтаасигагаран̣анд̇и руубавзд̣̇анаад̣̇ид̇ам̣д̇ам̣ад̇т̇авибхааг̇абарияаабаннад̇аабаад̣̇анам̣. д̇ат̇аа сан̃н̃уббаад̣̇аанамзваад̇и ааха ‘‘б̣од̇ханамзва нигкибанаа’’д̇и. б̣од̇ханан̃хи б̣од̇ханзяяасанд̇аанз б̣од̇хзд̇аб̣б̣асса ад̇т̇асса табананд̇и гад̇ваа ‘‘нигкибанаа’’д̇и вуд̇д̇ам̣. ‘‘бан̃н̃аабанаа’’д̇иаад̣̇инаа бхаавасаад̇ханзна вад̇ваа саад̇хананд̇араамасанзна ад̇т̇анд̇арабаригаббаасан̇гаа сияаад̇и д̇ам̣ ниваарзд̇ум̣ ‘‘яо банааяам̣…бз… взд̣̇ид̇аб̣б̣о’’д̇и ааха. д̇зсам̣ д̇зсам̣ д̇хаммаананд̇и д̇ам̣д̇ам̣бан̃н̃аабзд̇аб̣б̣ад̇хаммаанам̣. д̣̇ассанабхууд̇ааяа наамабан̃н̃ад̇д̇ияаа д̣̇идтад̇ааяа, табанабхууд̇ааяа табид̇ад̇ааяа. д̇ам̣нимид̇д̇ад̇анд̇и д̇асса д̣̇ассанасса табанасса жа нимид̇д̇агааран̣ад̇ам̣. нимид̇д̇ан̃хи гад̇д̇убхаавзна вохарийяад̇и яат̇аа ‘‘бхигкаа ваасзд̇ий’’д̇и, ‘‘арияабхаавагараани сажжаани арияасажжааний’’д̇и жа.
Sāmaññappabhedapaññāpanāti sāmaññabhūtānaṃ visesabhūtānañca atthānaṃ paññāpanā. Tesanti attha-saddāpekkhāya pulliṅganiddeso. Tatthāti paññāpanāya atthadassanabhūtesu dassanādīsu. Idamevaṃnāmakanti idaṃ ruppanādiatthajātaṃ itthannāmakaṃ rūpakkhandhavedanākkhandhādisamaññaṃ. Taṃtaṃkoṭṭhāsikakaraṇanti rūpavedanāditaṃtaṃatthavibhāgapariyāpannatāpādanaṃ. Tathā saññuppādānamevāti āha ‘‘bodhanameva nikkhipanā’’ti. Bodhanañhi bodhaneyyasantāne bodhetabbassa atthassa ṭhapananti katvā ‘‘nikkhipanā’’ti vuttaṃ. ‘‘Paññāpanā’’tiādinā bhāvasādhanena vatvā sādhanantarāmasanena atthantaraparikappāsaṅkā siyāti taṃ nivāretuṃ ‘‘yo panāyaṃ…pe… veditabbo’’ti āha. Tesaṃ tesaṃ dhammānanti taṃtaṃpaññāpetabbadhammānaṃ. Dassanabhūtāya nāmapaññattiyā diṭṭhatāya, ṭhapanabhūtāya ṭhapitatāya. Taṃnimittatanti tassa dassanassa ṭhapanassa ca nimittakāraṇataṃ. Nimittañhi kattubhāvena voharīyati yathā ‘‘bhikkhā vāsetī’’ti, ‘‘ariyabhāvakarāni saccāni ariyasaccānī’’ti ca.
баал̣ияам̣ анааг̇ад̇ад̇анд̇и виж̇ж̇амаанад̇аад̣̇ивисзсаважанзна саха баатаанаарул̣хад̇ам̣. виж̇ж̇амаанасса сад̇од̇и виж̇ж̇амаанасса самаанассаад̇и имамад̇т̇ам̣ д̣̇ассзнд̇о ‘‘виж̇ж̇амаанабхууд̇ассаад̇и ад̇т̇о’’д̇и ааха. д̇ат̇аад̇и сажжигадтабарамад̇т̇авасзна авиж̇ж̇амаанасса анубалаб̣бхамаанасса. д̇ам̣ бана анубалаб̣бхамаанад̇ам̣ д̇ат̇аа-сад̣̇д̣̇зна б̣яад̇ирзгавасзна д̣̇ийбид̇ам̣ баагадад̇арам̣ гаад̇ум̣ ‘‘яат̇аа гусалаад̣̇ийний’’д̇иаад̣̇имааха. д̇ад̇т̇а винивад̇д̇асабхааваанийд̇и вибхад̇д̇асабхааваани. убалад̣̇д̇хийд̇и г̇ахан̣ам̣. д̇знаагаарзнаад̇и д̇зна руубавзд̣̇анаад̣̇иаагаарзна авиж̇ж̇амаанасса. ан̃н̃знаагаарзнаад̇и д̇ад̇о руубавзд̣̇анаад̣̇ид̇о ан̃н̃зна д̇аб̣б̣инимуд̇д̇зна бан̃н̃аабзд̇аб̣б̣абан̃н̃аабанаагаарзна виж̇ж̇амаанасса. бан̃н̃ад̇д̇ид̣̇угз вуд̇д̇амзва ‘‘аяан̃жа ваад̣̇о сзвад̇т̇игат̇ааяа бадисид̣̇д̇хо’’д̇иаад̣̇инаа. логанируд̇д̇имад̇д̇асид̣̇д̇хассаад̇и зд̇т̇а мад̇д̇аг̇г̇ахан̣ам̣ д̇асса бан̃н̃ад̇д̇ивад̇т̇усса на гзвалам̣ виж̇ж̇амаанасабхаавад̇аанивад̇д̇анад̇т̇амзва, ат̇а ко вибарийд̇аг̇г̇ааханивад̇д̇анад̇т̇амбийд̇и д̣̇ассзнд̇о ‘‘анабхинивзсзна жид̇д̇знаа’’д̇и ааха. жад̇усажжабан̃жагканд̇хаад̣̇ивинимуд̇д̇ам̣ сажжанд̇араканд̇ханд̇араад̣̇игам̣ бан̃жамасажжаад̣̇игам̣. сажз д̇ам̣ гожи ад̇т̇ийд̇и бадиж̇аанзяяа, аяаат̇ааваг̇ахид̇асса д̇ам̣ ваажаавад̇т̇умад̇д̇амзвассаад̇и д̣̇ассзнд̇о ааха ‘‘саабхинивзсзна…бз… вуд̇д̇а’’нд̇и. уд̣̇д̣̇зсз нид̣̇д̣̇зсз жа сад̇д̇аванд̇ам̣ бад̇хаанабхаавзна ааг̇аманам̣ санд̇хааяааха ‘‘саруубад̇о д̇иссаннам̣ ааг̇ад̇ад̇а’’нд̇и. г̇ун̣абхаавзна бана уд̣̇д̇хам̣сод̇абан̃н̃аавимуд̇д̇абаасаан̣алзкаад̣̇иг̇г̇ахан̣зсу ид̇арааби д̇иссо бан̃н̃ад̇д̇ияо имасмим̣ багаран̣з ааг̇ад̇аа зва.
Pāḷiyaṃanāgatatanti vijjamānatādivisesavacanena saha pāṭhānāruḷhataṃ. Vijjamānassa satoti vijjamānassa samānassāti imamatthaṃ dassento ‘‘vijjamānabhūtassāti attho’’ti āha. Tathāti saccikaṭṭhaparamatthavasena avijjamānassa anupalabbhamānassa. Taṃ pana anupalabbhamānataṃ tathā-saddena byatirekavasena dīpitaṃ pākaṭataraṃ kātuṃ ‘‘yathā kusalādīnī’’tiādimāha. Tattha vinivattasabhāvānīti vibhattasabhāvāni. Upaladdhīti gahaṇaṃ. Tenākārenāti tena rūpavedanādiākārena avijjamānassa. Aññenākārenāti tato rūpavedanādito aññena tabbinimuttena paññāpetabbapaññāpanākārena vijjamānassa. Paññattiduke vuttameva ‘‘ayañca vādo sevatthikathāya paṭisiddho’’tiādinā. Lokaniruttimattasiddhassāti ettha mattaggahaṇaṃ tassa paññattivatthussa na kevalaṃ vijjamānasabhāvatānivattanatthameva, atha kho viparītaggāhanivattanatthampīti dassento ‘‘anabhinivesena cittenā’’ti āha. Catusaccapañcakkhandhādivinimuttaṃ saccantarakhandhantarādikaṃ pañcamasaccādikaṃ. Sace taṃ koci atthīti paṭijāneyya, ayāthāvagahitassa taṃ vācāvatthumattamevassāti dassento āha ‘‘sābhinivesena…pe… vutta’’nti. Uddese niddese ca sattavantaṃ padhānabhāvena āgamanaṃ sandhāyāha ‘‘sarūpato tissannaṃ āgatata’’nti. Guṇabhāvena pana uddhaṃsotapaññāvimuttapāsāṇalekhādiggahaṇesu itarāpi tisso paññattiyo imasmiṃ pakaraṇe āgatā eva.
яат̇аавуд̇д̇асса…бз… авирод̇хзнаад̇и ‘‘виж̇ж̇амаанабан̃н̃ад̇д̇и авиж̇ж̇амаанабан̃н̃ад̇д̇ий’’д̇и звам̣ вуд̇д̇аббагаарасса авиломанзна. аажарияаваад̣̇аад̇и жзд̇т̇а ад̇д̇аномад̇ияо взд̣̇ид̇аб̣б̣аа, ан̃н̃ад̇т̇а бана адтагат̇аа жа. яат̇аа жа авирод̇хо ход̇и, д̇ам̣ д̣̇ассзнд̇о ‘‘д̇асмаа’’д̇иаад̣̇имааха. д̇ад̇т̇а авиж̇ж̇амаанад̇д̇аа бан̃н̃аабзд̇аб̣б̣амад̇д̇ад̇т̇зна бан̃н̃ад̇д̇ийд̇и зд̇зна ‘‘авиж̇ж̇амаанаа бан̃н̃ад̇д̇и авиж̇ж̇амаанабан̃н̃ад̇д̇ий’’д̇и имам̣ самаасавигаббамааха. авиж̇ж̇амаанабан̃н̃ад̇д̇ийд̇и зд̇т̇а хи д̣̇вз самаасаа авиж̇ж̇амаанасса, авиж̇ж̇амаанаа ваа бан̃н̃ад̇д̇ийд̇и авиж̇ж̇амаанабан̃н̃ад̇д̇и. д̇зсу буримзна наамабан̃н̃ад̇д̇и вуд̇д̇аа, д̣̇уд̇иязна убаад̣̇аабан̃н̃ад̇д̇иаад̣̇ибхзд̣̇аа ид̇арааби. сасабхаавам̣ взд̣̇анаад̣̇игам̣. д̇аж̇ж̇абарамад̇т̇анаамалаабхад̇од̇и д̇аж̇ж̇асса д̇ад̣̇ануруубасса барамад̇т̇асса анвад̇т̇асса наамасса лабханад̇о, анубхаванаад̣̇исабхааваанам̣ д̇хаммаанам̣ барамад̇т̇игасса взд̣̇анаад̣̇инаамасса лабханад̇д̇аад̇и ад̇т̇о . зд̇зна висзсанивад̇д̇иад̇т̇о мад̇д̇а-сад̣̇д̣̇о, д̇зна жааяам̣ висзсо нивад̇д̇ид̇од̇и д̣̇ассзд̇и. барад̇о лабхид̇аб̣б̣анд̇и барам̣ убаад̣̇ааяа лад̣̇д̇хаб̣б̣ам̣ яат̇аа руубаад̣̇игз убаад̣̇ааяа сад̇д̇од̇и ниссабхаавасамуухасанд̇аанаад̣̇и бан̃н̃ад̇д̇ивад̇т̇у. згад̇д̇знаад̇и анан̃н̃ад̇д̇зна. анубалаб̣бхасабхаавад̇аа н̃аан̣зна аг̇г̇ахзд̇аб̣б̣асабхаавад̇аа, яад̇о д̇з навад̇д̇аб̣б̣аад̇и вужжанд̇и.
Yathāvuttassa…pe… avirodhenāti ‘‘vijjamānapaññatti avijjamānapaññattī’’ti evaṃ vuttappakārassa avilomanena. Ācariyavādāti cettha attanomatiyo veditabbā, aññattha pana aṭṭhakathā ca. Yathā ca avirodho hoti, taṃ dassento ‘‘tasmā’’tiādimāha. Tattha avijjamānattā paññāpetabbamattatthena paññattīti etena ‘‘avijjamānā paññatti avijjamānapaññattī’’ti imaṃ samāsavikappamāha. Avijjamānapaññattīti ettha hi dve samāsā avijjamānassa, avijjamānā vā paññattīti avijjamānapaññatti. Tesu purimena nāmapaññatti vuttā, dutiyena upādāpaññattiādibhedā itarāpi. Sasabhāvaṃ vedanādikaṃ. Tajjaparamatthanāmalābhatoti tajjassa tadanurūpassa paramatthassa anvatthassa nāmassa labhanato, anubhavanādisabhāvānaṃ dhammānaṃ paramatthikassa vedanādināmassa labhanattāti attho . Etena visesanivattiattho matta-saddo, tena cāyaṃ viseso nivattitoti dasseti. Parato labhitabbanti paraṃ upādāya laddhabbaṃ yathā rūpādike upādāya sattoti nissabhāvasamūhasantānādi paññattivatthu. Ekattenāti anaññattena. Anupalabbhasabhāvatā ñāṇena aggahetabbasabhāvatā, yato te navattabbāti vuccanti.
сасуугасаалираасиаад̣̇иаагаарзна сам̣гужид̇аг̇г̇о ваасававаасуд̣̇зваад̣̇ийнам̣ вияа моливисзсо гирийдам̣, со бана магудависзсоби ход̇иязваад̇и ааха ‘‘гирийдам̣ магуда’’нд̇и. саб̣б̣асамород̇ход̇и саб̣б̣аасам̣ виж̇ж̇амаанабан̃н̃ад̇д̇иаад̣̇ийнам̣ чаннам̣ бан̃н̃ад̇д̇ийнам̣ анд̇огаран̣ам̣. сан̇каад̇аб̣б̣аббад̇хаанад̇д̇аад̇и ид̣̇ам̣ лагкан̣аважанам̣. на хи саб̣б̣ааби убанид̇хаабан̃н̃ад̇д̇исан̇каавасзна бавад̇д̇аа, нааби саб̣б̣аа сан̇каад̇аб̣б̣аббад̇хаанаа. д̣̇уд̇ияам̣ д̇ад̇ияанд̇иаад̣̇игам̣ бана убанид̇хаабан̃н̃ад̇д̇ияаа, д̣̇вз д̇ийн̣ийд̇иаад̣̇игам̣ убанигкид̇д̇абан̃н̃ад̇д̇ияаа згад̣̇зсам̣ убалагкан̣авасзна д̣̇ассзнд̇о д̇асса жа сан̇кязяяаббад̇хаанад̇ааяааха ‘‘сан̇каад̇аб̣б̣аббад̇хаанад̇д̇аа’’д̇и. бууран̣ад̇т̇о хи сад̣̇д̣̇о д̇ад̣̇ад̇т̇ад̣̇ийбанамукзна буурзд̇аб̣б̣амад̇т̇ам̣ д̣̇ийбзд̇и. со жа сан̇каависаяо бад̇хаановаад̇и д̣̇уд̇ияаад̣̇ийнам̣ бан̃н̃ад̇д̇ийнам̣ сан̇каад̇аб̣б̣аббад̇хаанад̇аа вуд̇д̇аа. яаава хи д̣̇асасан̇каа сан̇кязяяаббад̇хаанаад̇и. д̇ат̇аа д̣̇вз д̇ийн̣ийд̇иаад̣̇ийнамби бан̃н̃ад̇д̇ийнам̣. сан̇каад̇аб̣б̣о бана ад̇т̇о гожи виж̇ж̇амаано, гожи авиж̇ж̇амаано, гожи саха висун̃жа д̇ад̣̇убхаяам̣ миссод̇и чаби бан̃н̃ад̇д̇ияо бхаж̇ад̇ийд̇и.
Sasūkasālirāsiādiākārena saṃkucitaggo vāsavavāsudevādīnaṃ viya moliviseso kirīṭaṃ, so pana makuṭavisesopi hotiyevāti āha ‘‘kirīṭaṃ makuṭa’’nti. Sabbasamorodhoti sabbāsaṃ vijjamānapaññattiādīnaṃ channaṃ paññattīnaṃ antokaraṇaṃ. Saṅkhātabbappadhānattāti idaṃ lakkhaṇavacanaṃ. Na hi sabbāpi upanidhāpaññattisaṅkhāvasena pavattā, nāpi sabbā saṅkhātabbappadhānā. Dutiyaṃ tatiyantiādikaṃ pana upanidhāpaññattiyā, dve tīṇītiādikaṃ upanikkhittapaññattiyā ekadesaṃ upalakkhaṇavasena dassento tassa ca saṅkhyeyyappadhānatāyāha ‘‘saṅkhātabbappadhānattā’’ti. Pūraṇattho hi saddo tadatthadīpanamukhena pūretabbamatthaṃ dīpeti. So ca saṅkhāvisayo padhānovāti dutiyādīnaṃ paññattīnaṃ saṅkhātabbappadhānatā vuttā. Yāva hi dasasaṅkhā saṅkhyeyyappadhānāti. Tathā dve tīṇītiādīnampi paññattīnaṃ. Saṅkhātabbo pana attho koci vijjamāno, koci avijjamāno, koci saha visuñca tadubhayaṃ missoti chapi paññattiyo bhajatīti.
ид̇араад̇и убаад̣̇аасамод̇хаанад̇аж̇ж̇аасанд̇ад̇ибан̃н̃ад̇д̇ияо вуд̇д̇аавасзсаа убанид̇хаабан̃н̃ад̇д̇иубанигкид̇д̇абан̃н̃ад̇д̇ияо жа. сад̇д̇арат̇аад̣̇ибхзд̣̇аа убаад̣̇аабан̃н̃ад̇д̇и, д̣̇ийгхарассаад̣̇ибхзд̣̇аа убанид̇хаабан̃н̃ад̇д̇и жа авиж̇ж̇амаанабан̃н̃ад̇д̇и. хад̇т̇аг̇ад̇аад̣̇ивисидтаа убанид̇хаабан̃н̃ад̇д̇и, самод̇хаанабан̃н̃ад̇д̇и жа авиж̇ж̇амаанзнаавиж̇ж̇амаанабан̃н̃ад̇д̇и. д̇ат̇зва ‘‘суван̣н̣аван̣н̣о б̣рахмассаро’’д̇иаад̣̇игаа виж̇ж̇амаанаг̇аб̣бхаа виж̇ж̇амаанзнаавиж̇ж̇амаанабан̃н̃ад̇д̇им̣ бхаж̇анд̇ийд̇и ааха ‘‘яат̇ааяог̇ам̣ д̇ам̣ д̇ам̣ бан̃н̃ад̇д̇и’’нд̇и. д̇зна вуд̇д̇ам̣ ‘‘д̣̇уд̇ияам̣ д̇ад̇ияам̣…бз… бхаж̇анд̇ий’’д̇и. яан̃хийд̇иаад̣̇и яат̇аавуд̇д̇аубанид̇хааубанигкид̇д̇абан̃н̃ад̇д̇ийнам̣ авиж̇ж̇амаанзнаавиж̇ж̇амаанабан̃н̃ад̇д̇ибхаавасамад̇т̇анам̣. д̇ад̇т̇а д̇ан̃жа сан̇каананд̇и яам̣ ‘‘батамам̣ зга’’нд̇иаад̣̇игам̣ сан̇каанам̣, д̇ан̃жа сан̇каамукзна г̇ахзд̇аб̣б̣аруубам̣. жа-сад̣̇д̣̇зна сан̇кязяяам̣ сан̇г̇ан̣хаад̇и. д̇амби хи бан̃н̃аабзд̇аб̣б̣ам̣ бан̃н̃ад̇д̇ийд̇и. д̇ассаа бана барамад̇т̇ад̇о абхааво вуд̇д̇оязва. гин̃жи над̇т̇ийд̇и барамад̇т̇ад̇о гин̃жи над̇т̇и. д̇ат̇аад̇и иминаа авиж̇ж̇амаанзнаавиж̇ж̇амаанабхааванд̇и зд̇ам̣ аагад̣дхад̇и. д̇знааха ‘‘на хи…бз… виж̇ж̇амаано’’д̇и.
Itarāti upādāsamodhānatajjāsantatipaññattiyo vuttāvasesā upanidhāpaññattiupanikkhittapaññattiyo ca. Sattarathādibhedā upādāpaññatti, dīgharassādibhedā upanidhāpaññatti ca avijjamānapaññatti. Hatthagatādivisiṭṭhā upanidhāpaññatti, samodhānapaññatti ca avijjamānenaavijjamānapaññatti. Tatheva ‘‘suvaṇṇavaṇṇo brahmassaro’’tiādikā vijjamānagabbhā vijjamānenaavijjamānapaññattiṃ bhajantīti āha ‘‘yathāyogaṃ taṃ taṃ paññatti’’nti. Tena vuttaṃ ‘‘dutiyaṃ tatiyaṃ…pe… bhajantī’’ti. Yañhītiādi yathāvuttaupanidhāupanikkhittapaññattīnaṃ avijjamānenaavijjamānapaññattibhāvasamatthanaṃ. Tattha tañca saṅkhānanti yaṃ ‘‘paṭhamaṃ eka’’ntiādikaṃ saṅkhānaṃ, tañca saṅkhāmukhena gahetabbarūpaṃ. Ca-saddena saṅkhyeyyaṃ saṅgaṇhāti. Tampi hi paññāpetabbaṃ paññattīti. Tassā pana paramatthato abhāvo vuttoyeva. Kiñcinatthīti paramatthato kiñci natthi. Tathāti iminā avijjamānenaavijjamānabhāvanti etaṃ ākaḍḍhati. Tenāha ‘‘na hi…pe… vijjamāno’’ti.
огаасзд̇и авийжибараниммид̇авасавад̇д̇ийбарижчиннз бад̣̇зсз. со хи гаамаад̇хидтаанад̇о ‘‘гаамо’’д̇и вужжад̇и. гамманиб̣б̣ад̇д̇агканд̇хзсууд̇и иминаа уд̇д̇арабад̣̇алобзна гаамабхавам̣ ‘‘гаамо’’д̇и вад̣̇ад̇и. бхан̣анам̣ сад̣̇д̣̇о жзд̇анаа ваа, д̇ам̣саман̇г̇ид̇ааяа д̇аб̣б̣исидтз буг̇г̇алз бхаан̣агод̇и бан̃н̃ад̇д̇ийд̇и ааха ‘‘виж̇ж̇амаанзнаавиж̇ж̇амаанабан̃н̃ад̇д̇ибагкам̣ бхаж̇ад̇ий’’д̇и. язбхуяязна руубааяад̇анаг̇г̇ахан̣амукзна руубасан̇каад̇зна сан̣таанам̣ г̇аяхад̇ийд̇и д̇асса д̇зна абхзд̣̇обажаарам̣ гад̇ваа вуд̇д̇ам̣ ‘‘руубааяад̇анасан̇каад̇зна сан̣таанзнаа’’д̇и. яам̣ абхзд̣̇обажаарам̣ бхинд̣̇ид̇ум̣ аж̇аананд̇аа нигааяанд̇арияаа руубааяад̇анам̣ сан̣таанасабхаавам̣ бадиж̇аананд̇и. ‘‘гисо буг̇г̇ало, т̇ууло буг̇г̇ало, гисо д̣̇ан̣д̣о, т̇ууло д̣̇ан̣д̣о’’д̇иаад̣̇инаа буг̇г̇алаад̣̇ийнам̣ бан̃н̃аабанаа д̇ат̇аад̇ат̇аасаннивидтз руубасан̇каад̇з гисаад̣̇исан̣таанабан̃н̃ад̇д̇и, на руубааяад̇анамад̇д̇зд̇и ааха ‘‘сан̣таананд̇и ваа руубааяад̇анз аг̇г̇ахид̇з’’д̇и. бажжад̇д̇ад̇хамманаамавасзнаад̇и ‘‘бат̇авий пассо’’д̇иаад̣̇инаа д̇хаммаанам̣ д̇ам̣д̇ам̣наамавасзна. гижжабан̃н̃ад̇д̇иаад̣̇ивибхааг̇зна бавад̇д̇о аяамби аажарияаваад̣̇о ‘‘гижжабан̃н̃ад̇д̇и згажжаа бхуумибан̃н̃ад̇д̇и бажжад̇д̇абан̃н̃ад̇д̇и асан̇кад̇абан̃н̃ад̇д̇и жа виж̇ж̇амаанабан̃н̃ад̇д̇и, лин̇г̇абан̃н̃ад̇д̇и згажжаа бажжад̇д̇абан̃н̃ад̇д̇и жа авиж̇ж̇амаанабан̃н̃ад̇д̇и, згажжаа гижжабан̃н̃ад̇д̇и виж̇ж̇амаанзнаавиж̇ж̇амаанабан̃н̃ад̇д̇и, згажжаа бхуумисан̣таанабан̃н̃ад̇д̇и виж̇ж̇амаанзна ваа авиж̇ж̇амаанзна ваа авиж̇ж̇амаанабан̃н̃ад̇д̇ий’’д̇и д̣̇ассид̇ад̇д̇аа ‘‘д̇хаммагат̇аа ид̇т̇илин̇г̇а’’нд̇иаад̣̇ийнам̣ виж̇ж̇амаанзнавиж̇ж̇амаанабан̃н̃ад̇д̇ибхааво, авиж̇ж̇амаанзнаавиж̇ж̇амаанабан̃н̃ад̇д̇ибхааво жа д̣̇ассид̇анаяод̇и ааха ‘‘саб̣б̣асан̇г̇аахагод̇и д̣̇адтаб̣б̣о’’д̇и. убаад̣̇аабан̃н̃ад̇д̇иаад̣̇ибхааво жзд̇т̇а гижжабан̃н̃ад̇д̇иаад̣̇ийнам̣ гижжабан̃н̃ад̇д̇иаад̣̇ибхааво жа д̇аасам̣ яат̇аарахам̣ вибхаавзд̇аб̣б̣о.
Okāseti avīciparanimmitavasavattīparicchinne padese. So hi kāmādhiṭṭhānato ‘‘kāmo’’ti vuccati. Kammanibbattakkhandhesūti iminā uttarapadalopena kāmabhavaṃ ‘‘kāmo’’ti vadati. Bhaṇanaṃ saddo cetanā vā, taṃsamaṅgitāya tabbisiṭṭhe puggale bhāṇakoti paññattīti āha ‘‘vijjamānenaavijjamānapaññattipakkhaṃ bhajatī’’ti. Yebhuyyena rūpāyatanaggahaṇamukhena rūpasaṅkhātena saṇṭhānaṃ gayhatīti tassa tena abhedopacāraṃ katvā vuttaṃ ‘‘rūpāyatanasaṅkhātena saṇṭhānenā’’ti. Yaṃ abhedopacāraṃ bhindituṃ ajānantā nikāyantariyā rūpāyatanaṃ saṇṭhānasabhāvaṃ paṭijānanti. ‘‘Kiso puggalo, thūlo puggalo, kiso daṇḍo, thūlo daṇḍo’’tiādinā puggalādīnaṃ paññāpanā tathātathāsanniviṭṭhe rūpasaṅkhāte kisādisaṇṭhānapaññatti, na rūpāyatanamatteti āha ‘‘saṇṭhānanti vā rūpāyatane aggahite’’ti. Paccattadhammanāmavasenāti ‘‘pathavī phasso’’tiādinā dhammānaṃ taṃtaṃnāmavasena. Kiccapaññattiādivibhāgena pavatto ayampi ācariyavādo ‘‘kiccapaññatti ekaccā bhūmipaññatti paccattapaññatti asaṅkhatapaññatti ca vijjamānapaññatti, liṅgapaññatti ekaccā paccattapaññatti ca avijjamānapaññatti, ekaccā kiccapaññatti vijjamānenaavijjamānapaññatti, ekaccā bhūmisaṇṭhānapaññatti vijjamānena vā avijjamānena vā avijjamānapaññattī’’ti dassitattā ‘‘dhammakathā itthiliṅga’’ntiādīnaṃ vijjamānenavijjamānapaññattibhāvo, avijjamānenaavijjamānapaññattibhāvo ca dassitanayoti āha ‘‘sabbasaṅgāhakoti daṭṭhabbo’’ti. Upādāpaññattiādibhāvo cettha kiccapaññattiādīnaṃ kiccapaññattiādibhāvo ca tāsaṃ yathārahaṃ vibhāvetabbo.
2. сан̇кзбаббабхзд̣̇авасзнаад̇и ‘‘яаавад̇аа бан̃жагканд̇хаа’’д̇и саб̣б̣зби канд̇хз канд̇хабхаавасааман̃н̃зна сам̣кибанавасзна, ‘‘яаавад̇аа руубагканд̇хо’’д̇иаад̣̇инаа канд̇хаанам̣ д̇ад̇о сааман̃н̃ад̇о багаарзхи бхинд̣̇анавасзна жа. аяам̣ ад̇т̇од̇и аяам̣ бан̃н̃ад̇д̇исан̇каад̇о ад̇т̇о. сааман̃н̃ад̇о ваа хи д̇хаммаанам̣ бан̃н̃аабанам̣ ход̇и висзсад̇о ваа. висзсо жзд̇т̇а ад̇д̇ано сааман̃н̃аабзгкааяа взд̣̇ид̇аб̣б̣о, висзсаабзгкааяа бана соби сааман̃н̃ам̣ самбаж̇ж̇ад̇ийд̇и ‘‘гид̇д̇аавад̇аа канд̇хаанам̣ канд̇хабан̃н̃ад̇д̇ий’’д̇и бужчааяа сан̇кзбад̇о виссаж̇ж̇анавасзна ‘‘яаавад̇аа бан̃жагканд̇хаа’’д̇и вуд̇д̇анд̇и д̇ад̇т̇ааби ‘‘канд̇хаанам̣ канд̇хабан̃н̃ад̇д̇ий’’д̇и аанзд̇ваа яож̇зд̇аб̣б̣анд̇и ааха ‘‘яаавад̇аа…бз… бан̃н̃ад̇д̇ий’’д̇и. ‘‘яаавад̇аа бан̃жагканд̇хаа, зд̇д̇аавад̇аа канд̇хаанам̣ канд̇хабан̃н̃ад̇д̇и. яаавад̇аа руубагканд̇хо…бз… вин̃н̃аан̣агканд̇хо, зд̇д̇аавад̇аа канд̇хаанам̣ канд̇хабан̃н̃ад̇д̇ий’’д̇и звамзд̇т̇а баал̣ияож̇анаа гаад̇аб̣б̣аа. зван̃хи сан̇кзбад̇о бабхзд̣̇ад̇о жа канд̇хабан̃н̃ад̇д̇и виссаж̇ж̇ид̇аа ход̇и. д̇ат̇аа хи имассзва ад̇т̇асса адтагат̇ааяам̣ вуд̇д̇абхаавам̣ д̣̇ассзнд̇о ‘‘яад̇д̇агзна…бз… аад̣̇игзнаа’’д̇и ааха. д̇ад̇т̇аад̇и д̇асмим̣ виссаж̇ж̇анасса ад̇т̇аважанз, д̇асмим̣ ваа виссаж̇ж̇анабаатз д̇ад̣̇ад̇т̇аважанз жа. бабхзд̣̇анид̣̇ассанамад̇д̇анд̇и бабхзд̣̇асса уд̣̇аахаран̣амад̇д̇ам̣. авуд̇д̇оби саб̣б̣о бхууд̇убаад̣̇иго, сукаад̣̇иго жа бабхзд̣̇о. д̇ам̣ бана бхуумимукзна д̣̇ассзд̇ум̣ ‘‘руубагканд̇хо гаамааважаро’’д̇иаад̣̇и вуд̇д̇анд̇и д̣̇адтаб̣б̣ам̣.
2. Saṅkhepappabhedavasenāti ‘‘yāvatā pañcakkhandhā’’ti sabbepi khandhe khandhabhāvasāmaññena saṃkhipanavasena, ‘‘yāvatā rūpakkhandho’’tiādinā khandhānaṃ tato sāmaññato pakārehi bhindanavasena ca. Ayaṃ atthoti ayaṃ paññattisaṅkhāto attho. Sāmaññato vā hi dhammānaṃ paññāpanaṃ hoti visesato vā. Viseso cettha attano sāmaññāpekkhāya veditabbo, visesāpekkhāya pana sopi sāmaññaṃ sampajjatīti ‘‘kittāvatā khandhānaṃ khandhapaññattī’’ti pucchāya saṅkhepato vissajjanavasena ‘‘yāvatā pañcakkhandhā’’ti vuttanti tatthāpi ‘‘khandhānaṃ khandhapaññattī’’ti ānetvā yojetabbanti āha ‘‘yāvatā…pe… paññattī’’ti. ‘‘Yāvatā pañcakkhandhā, ettāvatā khandhānaṃ khandhapaññatti. Yāvatā rūpakkhandho…pe… viññāṇakkhandho, ettāvatā khandhānaṃ khandhapaññattī’’ti evamettha pāḷiyojanā kātabbā. Evañhi saṅkhepato pabhedato ca khandhapaññatti vissajjitā hoti. Tathā hi imasseva atthassa aṭṭhakathāyaṃ vuttabhāvaṃ dassento ‘‘yattakena…pe… ādikenā’’ti āha. Tatthāti tasmiṃ vissajjanassa atthavacane, tasmiṃ vā vissajjanapāṭhe tadatthavacane ca. Pabhedanidassanamattanti pabhedassa udāharaṇamattaṃ. Avuttopi sabbo bhūtupādiko, sukhādiko ca pabhedo. Taṃ pana bhūmimukhena dassetuṃ ‘‘rūpakkhandho kāmāvacaro’’tiādi vuttanti daṭṭhabbaṃ.
звам̣ адтагат̇ааяам̣ ааг̇ад̇анаязна баал̣ияаа ад̇т̇аяож̇анам̣ д̣̇ассзд̇ваа ид̣̇аани д̇ам̣ багааранд̇арзна д̣̇ассзд̇ум̣ ‘‘аяам̣ ваа’’д̇иаад̣̇и вуд̇д̇ам̣. д̇ад̇т̇а аяам̣ ваад̇и вужжамаанам̣ санд̇хааяааха. зд̇т̇аад̇и зд̇асмим̣ канд̇хабан̃н̃ад̇д̇ивиссаж̇ж̇анз. ид̣̇анд̇и ид̣̇ам̣ бад̣̇ам̣. яад̇д̇аго…бз… канд̇хабан̃н̃ад̇д̇ияаа бабхзд̣̇од̇и иминаа сан̇кзбад̇о вид̇т̇аарад̇о жа канд̇хаанам̣ бабхзд̣̇ам̣ бад̇и бан̃н̃ад̇д̇ивибхааг̇од̇и д̣̇ассид̇ам̣ ход̇и. д̇знааха ‘‘вад̇т̇убхзд̣̇зна…бз… д̣̇ассзд̇ий’’д̇и. багаран̣анд̇арзд̇и вибхан̇г̇абагаран̣з. д̇ад̇т̇а хи саад̇исаяам̣ канд̇хаанам̣ вибхааг̇абан̃н̃ад̇д̇и вуд̇д̇аа. д̇знааха адтагат̇ааяам̣ ‘‘саммаасамб̣уд̣̇д̇хзна хи…бз… гат̇ид̇аа’’д̇и. зд̇т̇а жа батаманаяз самукзна, д̣̇уд̇ияз вад̇т̇умукзна бан̃н̃ад̇д̇ияаа вибхааг̇аа д̣̇ассид̇аад̇и аяамзд̇зсам̣ висзсо.
Evaṃ aṭṭhakathāyaṃ āgatanayena pāḷiyā atthayojanaṃ dassetvā idāni taṃ pakārantarena dassetuṃ ‘‘ayaṃ vā’’tiādi vuttaṃ. Tattha ayaṃ vāti vuccamānaṃ sandhāyāha. Etthāti etasmiṃ khandhapaññattivissajjane. Idanti idaṃ padaṃ. Yattako…pe… khandhapaññattiyā pabhedoti iminā saṅkhepato vitthārato ca khandhānaṃ pabhedaṃ pati paññattivibhāgoti dassitaṃ hoti. Tenāha ‘‘vatthubhedena…pe… dassetī’’ti. Pakaraṇantareti vibhaṅgapakaraṇe. Tattha hi sātisayaṃ khandhānaṃ vibhāgapaññatti vuttā. Tenāha aṭṭhakathāyaṃ ‘‘sammāsambuddhena hi…pe… kathitā’’ti. Ettha ca paṭhamanaye samukhena, dutiye vatthumukhena paññattiyā vibhāgā dassitāti ayametesaṃ viseso.
зса наяод̇и иминаа канд̇хабан̃н̃ад̇д̇ияаа вуд̇д̇амад̇т̇ам̣ ааяад̇анабан̃н̃ад̇д̇ияаад̣̇ийсу ад̇ид̣̇исад̇и. д̇ад̇т̇а ‘‘яаавад̇аа бан̃жагканд̇хаа’’д̇и, ‘‘канд̇хаанам̣ канд̇хабан̃н̃ад̇д̇ий’’д̇и ид̣̇ам̣ бан̃н̃ад̇д̇инид̣̇д̣̇зсабаал̣ияаа аад̣̇ибарияосаанаг̇г̇ахан̣амукзна д̣̇ассанам̣. ‘‘яаавад̇аа д̣̇ваад̣̇асааяад̇анааний’’д̇и, ‘‘ааяад̇анаанам̣ ааяад̇анабан̃н̃ад̇д̇ий’’д̇и имасса ад̇т̇о ‘‘яад̇д̇агзна бан̃н̃аабанзна сан̇кзбад̇о д̣̇ваад̣̇асааяад̇анааний’’д̇и зд̇зна д̣̇ассид̇о, ‘‘яаавад̇аа жагкааяад̇ана’’нд̇иаад̣̇игасса бана ‘‘бабхзд̣̇ад̇о жагкааяад̇ана’’нд̇иаад̣̇игзнаад̇и. д̇ад̇т̇а ‘‘жагкааяад̇анам̣…бз… д̇хаммааяад̇ана’’нд̇и бабхзд̣̇анид̣̇ассанамад̇д̇амзд̇ам̣. зд̇зна авуд̇д̇оби саб̣б̣о сан̇г̇ахид̇о ход̇ийд̇и ‘‘д̇ад̇рааби д̣̇асааяад̇анаа гаамааважараа’’д̇иаад̣̇и вуд̇д̇ам̣. аяам̣ ваа зд̇т̇а баал̣ияаа ад̇т̇аяож̇анаа – ‘‘яаавад̇аа’’д̇и ид̣̇ам̣ саб̣б̣зхи бад̣̇зхи яож̇зд̇ваа ‘‘яад̇д̇агаани д̣̇ваад̣̇асааяад̇анаани…бз… яад̇д̇аго д̣̇ваад̣̇асаннам̣ ааяад̇анаанам̣, д̇аббабхзд̣̇аанан̃жа жагкааяад̇анаад̣̇ийнам̣ бабхзд̣̇о, д̇ад̇д̇аго ааяад̇анаанам̣ ааяад̇анабан̃н̃ад̇д̇ияаа бабхзд̣̇о’’д̇и багаран̣анд̇арз вуд̇д̇зна вад̇т̇убабхзд̣̇зна ааяад̇анабан̃н̃ад̇д̇ияаа бабхзд̣̇ам̣ д̣̇ассзд̇ийд̇иаад̣̇инаа ид̇арабан̃н̃ад̇д̇ийсуби наяо яож̇зд̇аб̣б̣о.
Esa nayoti iminā khandhapaññattiyā vuttamatthaṃ āyatanapaññattiyādīsu atidisati. Tattha ‘‘yāvatā pañcakkhandhā’’ti, ‘‘khandhānaṃ khandhapaññattī’’ti idaṃ paññattiniddesapāḷiyā ādipariyosānaggahaṇamukhena dassanaṃ. ‘‘Yāvatā dvādasāyatanānī’’ti, ‘‘āyatanānaṃ āyatanapaññattī’’ti imassa attho ‘‘yattakena paññāpanena saṅkhepato dvādasāyatanānī’’ti etena dassito, ‘‘yāvatā cakkhāyatana’’ntiādikassa pana ‘‘pabhedato cakkhāyatana’’ntiādikenāti. Tattha ‘‘cakkhāyatanaṃ…pe… dhammāyatana’’nti pabhedanidassanamattametaṃ. Etena avuttopi sabbo saṅgahito hotīti ‘‘tatrāpi dasāyatanā kāmāvacarā’’tiādi vuttaṃ. Ayaṃ vā ettha pāḷiyā atthayojanā – ‘‘yāvatā’’ti idaṃ sabbehi padehi yojetvā ‘‘yattakāni dvādasāyatanāni…pe… yattako dvādasannaṃ āyatanānaṃ, tappabhedānañca cakkhāyatanādīnaṃ pabhedo, tattako āyatanānaṃ āyatanapaññattiyā pabhedo’’ti pakaraṇantare vuttena vatthupabhedena āyatanapaññattiyā pabhedaṃ dassetītiādinā itarapaññattīsupi nayo yojetabbo.
7. ‘‘ча бан̃н̃ад̇д̇ияо…бз… буг̇г̇алабан̃н̃ад̇д̇ий’’д̇и имам̣ абзгкид̇ваа ‘‘гид̇д̇аавад̇аа…бз… зд̇д̇аавад̇аа инд̣̇рияаанам̣ инд̣̇рияабан̃н̃ад̇д̇ий’’д̇и аяам̣ баал̣ибад̣̇зсо нид̣̇д̣̇зсоби самаано багаран̣анд̇арз вад̇т̇убхзд̣̇зна вуд̇д̇ам̣ канд̇хаад̣̇ибан̃н̃ад̇д̇иббабхзд̣̇ам̣ убаад̣̇ааяа уд̣̇д̣̇зсоязва ход̇ийд̇и ааха ‘‘уд̣̇д̣̇зсамад̇д̇знзваад̇и ад̇т̇о’’д̇и.
7. ‘‘Cha paññattiyo…pe… puggalapaññattī’’ti imaṃ apekkhitvā ‘‘kittāvatā…pe… ettāvatā indriyānaṃ indriyapaññattī’’ti ayaṃ pāḷipadeso niddesopi samāno pakaraṇantare vatthubhedena vuttaṃ khandhādipaññattippabhedaṃ upādāya uddesoyeva hotīti āha ‘‘uddesamattenevāti attho’’ti.
маад̇игааван̣н̣анаа нидтид̇аа.
Mātikāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / буг̇г̇алабан̃н̃ад̇д̇ибаал̣и • Puggalapaññattipāḷi / 1. згагауд̣̇д̣̇зсо • 1. Ekakauddeso
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 1. маад̇игааван̣н̣анаа • 1. Mātikāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. маад̇игааван̣н̣анаа • 1. Mātikāvaṇṇanā
