| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
3. мад̇д̇аабзд̇ивад̇т̇у
3. Mattāpetivatthu
134.
134.
‘‘наг̇г̇аа д̣̇уб̣б̣ан̣н̣аруубааси, гисаа д̇хаманисант̇ад̇аа;
‘‘Naggā dubbaṇṇarūpāsi, kisā dhamanisanthatā;
убпаасулигз гисигз, гаа ну д̇вам̣ ид̇ха д̇идтасий’’д̇и.
Upphāsulike kisike, kā nu tvaṃ idha tiṭṭhasī’’ti.
135.
135.
‘‘ахам̣ мад̇д̇аа д̇увам̣ д̇иссаа, сабад̇д̇ий д̇з бурз ахум̣;
‘‘Ahaṃ mattā tuvaṃ tissā, sapattī te pure ahuṃ;
баабагаммам̣ гарид̇ваана, бзд̇алогам̣ ид̇о г̇ад̇аа’’д̇и.
Pāpakammaṃ karitvāna, petalokaṃ ito gatā’’ti.
136.
136.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гисса гаммавибаагзна, бзд̇алогам̣ ид̇о г̇ад̇аа’’д̇и.
Kissa kammavipākena, petalokaṃ ito gatā’’ti.
137.
137.
‘‘жан̣д̣ий жа парусаа жаасим̣, иссугий мажчарий сатаа 1;
‘‘Caṇḍī ca pharusā cāsiṃ, issukī maccharī saṭhā 2;
д̇аахам̣ д̣̇уруд̇д̇ам̣ вад̇ваана, бзд̇алогам̣ ид̇о г̇ад̇аа’’д̇и.
Tāhaṃ duruttaṃ vatvāna, petalokaṃ ito gatā’’ti.
138.
138.
саб̣б̣ам̣ 3 ахамби ж̇аанаами, яат̇аа д̇вам̣ жан̣д̣игаа аху;
Sabbaṃ 4 ahampi jānāmi, yathā tvaṃ caṇḍikā ahu;
ан̃н̃ан̃жа ко д̇ам̣ бужчаами, гзнааси бам̣сугунт̇ид̇аа’’д̇и.
Aññañca kho taṃ pucchāmi, kenāsi paṃsukunthitā’’ti.
139.
139.
‘‘сийсам̣нхаад̇аа д̇увам̣ ааси, суживад̇т̇аа алан̇гад̇аа;
‘‘Sīsaṃnhātā tuvaṃ āsi, sucivatthā alaṅkatā;
ахан̃жа ко 5 ад̇химад̇д̇ам̣, самалан̇гад̇ад̇араа д̇аяаа.
Ahañca kho 6 adhimattaṃ, samalaṅkatatarā tayā.
140.
140.
‘‘д̇ассаа мз бзгкамаанааяа, саамигзна саманд̇аяи;
‘‘Tassā me pekkhamānāya, sāmikena samantayi;
д̇ад̇о мз иссаа вибулаа, год̇хо мз самаж̇ааяат̇а.
Tato me issā vipulā, kodho me samajāyatha.
141.
141.
‘‘д̇ад̇о бам̣сум̣ г̇ахзд̇ваана, бам̣сунаа д̇ам̣ хи огирим̣ 7;
‘‘Tato paṃsuṃ gahetvāna, paṃsunā taṃ hi okiriṃ 8;
д̇асса гаммавибаагзна, д̇знамхи бам̣сугунт̇ид̇аа’’д̇и.
Tassa kammavipākena, tenamhi paṃsukunthitā’’ti.
142.
142.
‘‘сажжам̣ ахамби ж̇аанаами, бам̣сунаа мам̣ д̇вамогири;
‘‘Saccaṃ ahampi jānāmi, paṃsunā maṃ tvamokiri;
ан̃н̃ан̃жа ко д̇ам̣ бужчаами, гзна каж̇ж̇аси гажчуяаа’’д̇и.
Aññañca kho taṃ pucchāmi, kena khajjasi kacchuyā’’ti.
143.
143.
‘‘бхзсаж̇ж̇ахаарий убхаяо, вананд̇ам̣ аг̇амимхасз;
‘‘Bhesajjahārī ubhayo, vanantaṃ agamimhase;
д̇ван̃жа бхзсаж̇ж̇амаахари, ахан̃жа габигажчуно.
Tvañca bhesajjamāhari, ahañca kapikacchuno.
144.
144.
‘‘д̇ассаа д̇яааж̇аанамаанааяа, сзяяам̣ д̇яаахам̣ самогирим̣;
‘‘Tassā tyājānamānāya, seyyaṃ tyāhaṃ samokiriṃ;
д̇асса гаммавибаагзна, д̇зна каж̇ж̇аами гажчуяаа’’д̇и.
Tassa kammavipākena, tena khajjāmi kacchuyā’’ti.
145.
145.
‘‘сажжам̣ ахамби ж̇аанаами, сзяяам̣ мз д̇вам̣ самогири;
‘‘Saccaṃ ahampi jānāmi, seyyaṃ me tvaṃ samokiri;
ан̃н̃ан̃жа ко д̇ам̣ бужчаами, гзнааси наг̇г̇ияаа д̇ува’’нд̇и.
Aññañca kho taṃ pucchāmi, kenāsi naggiyā tuva’’nti.
146.
146.
‘‘сахааяаанам̣ самаяо ааси, н̃аад̇ийнам̣ самид̇ий аху;
‘‘Sahāyānaṃ samayo āsi, ñātīnaṃ samitī ahu;
д̇ван̃жа ааманд̇ид̇аа ааси, сасааминий но жа ко ахам̣.
Tvañca āmantitā āsi, sasāminī no ca kho ahaṃ.
147.
147.
‘‘д̇ассаа д̇яааж̇аанамаанааяа, д̣̇уссам̣ д̇яаахам̣ абаануд̣̇им̣;
‘‘Tassā tyājānamānāya, dussaṃ tyāhaṃ apānudiṃ;
д̇асса гаммавибаагзна, д̇знамхи наг̇г̇ияаа аха’’нд̇и.
Tassa kammavipākena, tenamhi naggiyā aha’’nti.
148.
148.
‘‘сажжам̣ ахамби ж̇аанаами, д̣̇уссам̣ мз д̇вам̣ абаануд̣̇и;
‘‘Saccaṃ ahampi jānāmi, dussaṃ me tvaṃ apānudi;
ан̃н̃ан̃жа ко д̇ам̣ бужчаами, гзнааси г̇уут̇аг̇анд̇хиний’’д̇и.
Aññañca kho taṃ pucchāmi, kenāsi gūthagandhinī’’ti.
149.
149.
‘‘д̇ава г̇анд̇хан̃жа маалан̃жа, бажжаг̇гхан̃жа вилзбанам̣;
‘‘Tava gandhañca mālañca, paccagghañca vilepanaṃ;
г̇уут̇агуубз ад̇хаарзсим̣ 9, д̇ам̣ баабам̣ багад̇ам̣ маяаа;
Gūthakūpe adhāresiṃ 10, taṃ pāpaṃ pakataṃ mayā;
д̇асса гаммавибаагзна, д̇знамхи г̇уут̇аг̇анд̇хиний’’д̇и.
Tassa kammavipākena, tenamhi gūthagandhinī’’ti.
150.
150.
‘‘сажжам̣ ахамби ж̇аанаами, д̇ам̣ баабам̣ багад̇ам̣ д̇аяаа;
‘‘Saccaṃ ahampi jānāmi, taṃ pāpaṃ pakataṃ tayā;
ан̃н̃ан̃жа ко д̇ам̣ бужчаами, гзнааси д̣̇уг̇г̇ад̇аа д̇ува’’нд̇и.
Aññañca kho taṃ pucchāmi, kenāsi duggatā tuva’’nti.
151.
151.
‘‘убхиннам̣ самагам̣ ааси, яам̣ г̇зхз виж̇ж̇ад̇з д̇ханам̣;
‘‘Ubhinnaṃ samakaṃ āsi, yaṃ gehe vijjate dhanaṃ;
санд̇зсу д̣̇зяяад̇хаммзсу, д̣̇ийбам̣ наагаасимад̇д̇ано;
Santesu deyyadhammesu, dīpaṃ nākāsimattano;
д̇асса гаммавибаагзна, д̇знамхи д̣̇уг̇г̇ад̇аа ахам̣.
Tassa kammavipākena, tenamhi duggatā ahaṃ.
152.
152.
‘‘д̇ад̣̇зва мам̣ д̇вам̣ аважа, ‘баабагаммам̣ нисзваси;
‘‘Tadeva maṃ tvaṃ avaca, ‘pāpakammaṃ nisevasi;
на хи баабзхи гаммзхи, сулабхаа ход̇и суг̇г̇ад̇ий’’’д̇и.
Na hi pāpehi kammehi, sulabhā hoti suggatī’’’ti.
153.
153.
‘‘ваамад̇о мам̣ д̇вам̣ бажжзси, ат̇оби мам̣ усууяаси;
‘‘Vāmato maṃ tvaṃ paccesi, athopi maṃ usūyasi;
басса баабаанам̣ гаммаанам̣, вибааго ход̇и яаад̣̇исо.
Passa pāpānaṃ kammānaṃ, vipāko hoti yādiso.
154.
154.
‘‘д̇з гхараа д̇аа жа д̣̇аасияо 11, д̇аанзваабхаран̣аанимз;
‘‘Te gharā tā ca dāsiyo 12, tānevābharaṇānime;
д̇з ан̃н̃з барижаарзнд̇и, на бхог̇аа хонд̇и сассад̇аа.
Te aññe paricārenti, na bhogā honti sassatā.
155.
155.
‘‘ид̣̇аани бхууд̇асса бид̇аа, аабан̣аа г̇зхамзхид̇и;
‘‘Idāni bhūtassa pitā, āpaṇā gehamehiti;
аббзва д̇з д̣̇ад̣̇з гин̃жи, маа су д̇аава ид̇о аг̇аа’’д̇и.
Appeva te dade kiñci, mā su tāva ito agā’’ti.
156.
156.
‘‘наг̇г̇аа д̣̇уб̣б̣ан̣н̣аруубаамхи, гисаа д̇хаманисант̇ад̇аа;
‘‘Naggā dubbaṇṇarūpāmhi, kisā dhamanisanthatā;
гобийнамзд̇ам̣ ид̇т̇ийнам̣, маа мам̣ бхууд̇абид̇аад̣̇д̣̇асаа’’д̇и.
Kopīnametaṃ itthīnaṃ, mā maṃ bhūtapitāddasā’’ti.
157.
157.
язна д̇вам̣ сукид̇аа асса, саб̣б̣агаамасамид̣̇д̇хиний’’д̇и.
Yena tvaṃ sukhitā assa, sabbakāmasamiddhinī’’ti.
158.
158.
‘‘жад̇д̇ааро бхигкуу сан̇гхад̇о, жад̇д̇ааро бана буг̇г̇алаа;
‘‘Cattāro bhikkhū saṅghato, cattāro pana puggalā;
адта бхигкуу бхож̇аяид̇ваа, мама д̣̇агкин̣амаад̣̇иса;
Aṭṭha bhikkhū bhojayitvā, mama dakkhiṇamādisa;
д̇ад̣̇аахам̣ сукид̇аа хзссам̣, саб̣б̣агаамасамид̣̇д̇хиний’’д̇и.
Tadāhaṃ sukhitā hessaṃ, sabbakāmasamiddhinī’’ti.
159.
159.
саад̇хууд̇и саа бадиссуд̇ваа, бхож̇аяид̇ваадта бхигкаво;
Sādhūti sā paṭissutvā, bhojayitvāṭṭha bhikkhavo;
вад̇т̇зхажчаад̣̇аяид̇ваана, д̇ассаа д̣̇агкин̣амаад̣̇исий.
Vatthehacchādayitvāna, tassā dakkhiṇamādisī.
160.
160.
самананд̇араануд̣̇д̣̇идтз , вибааго уд̣̇абаж̇ж̇ат̇а;
Samanantarānuddiṭṭhe , vipāko udapajjatha;
бхож̇анажчаад̣̇анабаанийяам̣, д̣̇агкин̣ааяа ид̣̇ам̣ палам̣.
Bhojanacchādanapānīyaṃ, dakkhiṇāya idaṃ phalaṃ.
161.
161.
д̇ад̇о суд̣̇д̇хаа суживасанаа, гаасигуд̇д̇амад̇хаариний;
Tato suddhā sucivasanā, kāsikuttamadhārinī;
вижид̇д̇авад̇т̇аабхаран̣аа, сабад̇д̇им̣ убасан̇гами.
Vicittavatthābharaṇā, sapattiṃ upasaṅkami.
162.
162.
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
163.
163.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
164.
164.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
165.
165.
‘‘ахам̣ мад̇д̇аа д̇увам̣ д̇иссаа, сабад̇д̇ий д̇з бурз ахум̣;
‘‘Ahaṃ mattā tuvaṃ tissā, sapattī te pure ahuṃ;
баабагаммам̣ гарид̇ваана, бзд̇алогам̣ ид̇о г̇ад̇аа.
Pāpakammaṃ karitvāna, petalokaṃ ito gatā.
166.
166.
‘‘д̇ава д̣̇иннзна д̣̇аанзна, мод̣̇аами агуд̇обхаяаа;
‘‘Tava dinnena dānena, modāmi akutobhayā;
жийрам̣ ж̇ийваахи бхаг̇ини, саха саб̣б̣зхи н̃аад̇ибхи;
Cīraṃ jīvāhi bhagini, saha sabbehi ñātibhi;
асогам̣ вираж̇ам̣ таанам̣, ааваасам̣ васавад̇д̇инам̣.
Asokaṃ virajaṃ ṭhānaṃ, āvāsaṃ vasavattinaṃ.
167.
167.
‘‘ид̇ха д̇хаммам̣ жарид̇ваана, д̣̇аанам̣ д̣̇ад̇ваана собханз;
‘‘Idha dhammaṃ caritvāna, dānaṃ datvāna sobhane;
винзяяа мажчзрамалам̣ самуулам̣, анинд̣̇ид̇аа саг̇г̇амубзхи таана’’нд̇и.
Vineyya maccheramalaṃ samūlaṃ, aninditā saggamupehi ṭhāna’’nti.
мад̇д̇аабзд̇ивад̇т̇у д̇ад̇ияам̣.
Mattāpetivatthu tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 3. мад̇д̇аабзд̇ивад̇т̇уван̣н̣анаа • 3. Mattāpetivatthuvaṇṇanā
