Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೪೯. ಮಟ್ಠಕುಣ್ಡಲೀಜಾತಕಂ (೧೧)
449. Maṭṭhakuṇḍalījātakaṃ (11)
೧೧೫.
115.
ಬಾಹಾ ಪಗ್ಗಯ್ಹ ಕನ್ದಸಿ, ವನಮಜ್ಝೇ ಕಿಂ ದುಕ್ಖಿತೋ ತುವಂ॥
Bāhā paggayha kandasi, vanamajjhe kiṃ dukkhito tuvaṃ.
೧೧೬.
116.
ಸೋವಣ್ಣಮಯೋ ಪಭಸ್ಸರೋ, ಉಪ್ಪನ್ನೋ ರಥಪಞ್ಜರೋ ಮಮ।
Sovaṇṇamayo pabhassaro, uppanno rathapañjaro mama;
ತಸ್ಸ ಚಕ್ಕಯುಗಂ ನ ವಿನ್ದಾಮಿ, ತೇನ ದುಕ್ಖೇನ ಜಹಾಮಿ ಜೀವಿತಂ॥
Tassa cakkayugaṃ na vindāmi, tena dukkhena jahāmi jīvitaṃ.
೧೧೭.
117.
ಸೋವಣ್ಣಮಯಂ ಮಣೀಮಯಂ, ಲೋಹಮಯಂ ಅಥ ರೂಪಿಯಾಮಯಂ।
Sovaṇṇamayaṃ maṇīmayaṃ, lohamayaṃ atha rūpiyāmayaṃ;
೧೧೮.
118.
ಸೋವಣ್ಣಮಯೋ ರಥೋ ಮಮ, ತೇನ ಚಕ್ಕಯುಗೇನ ಸೋಭತಿ॥
Sovaṇṇamayo ratho mama, tena cakkayugena sobhati.
೧೧೯.
119.
ಬಾಲೋ ಖೋ ತ್ವಂಸಿ ಮಾಣವ, ಯೋ ತ್ವಂ ಪತ್ಥಯಸೇ ಅಪತ್ಥಿಯಂ।
Bālo kho tvaṃsi māṇava, yo tvaṃ patthayase apatthiyaṃ;
ಮಞ್ಞಾಮಿ ತುವಂ ಮರಿಸ್ಸಸಿ, ನ ಹಿ ತ್ವಂ ಲಚ್ಛಸಿ ಚನ್ದಸೂರಿಯೇ॥
Maññāmi tuvaṃ marissasi, na hi tvaṃ lacchasi candasūriye.
೧೨೦.
120.
ಗಮನಾಗಮನಮ್ಪಿ ದಿಸ್ಸತಿ, ವಣ್ಣಧಾತು ಉಭಯೇತ್ಥ ವೀಥಿಯೋ।
Gamanāgamanampi dissati, vaṇṇadhātu ubhayettha vīthiyo;
ಪೇತೋ ಪನ ನೇವ ದಿಸ್ಸತಿ, ಕೋ ನು ಖೋ 17 ಕನ್ದತಂ ಬಾಲ್ಯತರೋ॥
Peto pana neva dissati, ko nu kho 18 kandataṃ bālyataro.
೧೨೧.
121.
ಸಚ್ಚಂ ಖೋ ವದೇಸಿ ಮಾಣವ, ಅಹಮೇವ ಕನ್ದತಂ ಬಾಲ್ಯತರೋ।
Saccaṃ kho vadesi māṇava, ahameva kandataṃ bālyataro;
ಚನ್ದಂ ವಿಯ ದಾರಕೋ ರುದಂ, ಪೇತಂ ಕಾಲಕತಾಭಿಪತ್ಥಯೇ॥
Candaṃ viya dārako rudaṃ, petaṃ kālakatābhipatthaye.
೧೨೨.
122.
ಆದಿತ್ತಂ ವತ ಮಂ ಸನ್ತಂ, ಘತಸಿತ್ತಂವ ಪಾವಕಂ।
Ādittaṃ vata maṃ santaṃ, ghatasittaṃva pāvakaṃ;
ವಾರಿನಾ ವಿಯ ಓಸಿಞ್ಚಂ, ಸಬ್ಬಂ ನಿಬ್ಬಾಪಯೇ ದರಂ॥
Vārinā viya osiñcaṃ, sabbaṃ nibbāpaye daraṃ.
೧೨೩.
123.
ಯೋ ಮೇ ಸೋಕಪರೇತಸ್ಸ, ಪುತ್ತಸೋಕಂ ಅಪಾನುದಿ॥
Yo me sokaparetassa, puttasokaṃ apānudi.
೧೨೪.
124.
ಸೋಹಂ ಅಬ್ಬೂಳ್ಹಸಲ್ಲೋಸ್ಮಿ, ವೀತಸೋಕೋ ಅನಾವಿಲೋ।
Sohaṃ abbūḷhasallosmi, vītasoko anāvilo;
ನ ಸೋಚಾಮಿ ನ ರೋದಾಮಿ, ತವ ಸುತ್ವಾನ ಮಾಣವಾತಿ॥
Na socāmi na rodāmi, tava sutvāna māṇavāti.
ಮಟ್ಠಕುಣ್ಡಲೀಜಾತಕಂ ಏಕಾದಸಮಂ।
Maṭṭhakuṇḍalījātakaṃ ekādasamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೪೯] ೧೧. ಮಟ್ಠಕುಣ್ಡಲೀಜಾತಕವಣ್ಣನಾ • [449] 11. Maṭṭhakuṇḍalījātakavaṇṇanā