| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၃. မာတုဂာမသံယုတ္တံ
3. Mātugāmasaṃyuttaṃ
၁. ပဌမပေယ္ယာလဝဂ္ဂော
1. Paṭhamapeyyālavaggo
၁. မာတုဂာမသုတ္တံ
1. Mātugāmasuttaṃ
၂၈၀. ‘‘ပဉ္စဟိ , ဘိက္ခဝေ, အင္ဂေဟိ သမန္နာဂတော မာတုဂာမော ဧကန္တအမနာပော ဟောတိ ပုရိသသ္သ။ ကတမေဟိ ပဉ္စဟိ? န စ ရူပဝာ ဟောတိ, န စ ဘောဂဝာ ဟောတိ, န စ သီလဝာ ဟောတိ, အလသော စ ဟောတိ, ပဇဉ္စသ္သ န လဘတိ – ဣမေဟိ ခော, ဘိက္ခဝေ, ပဉ္စဟိ အင္ဂေဟိ သမန္နာဂတော မာတုဂာမော ဧကန္တအမနာပော ဟောတိ ပုရိသသ္သ။ ပဉ္စဟိ, ဘိက္ခဝေ, အင္ဂေဟိ သမန္နာဂတော မာတုဂာမော ဧကန္တမနာပော ဟောတိ ပုရိသသ္သ။ ကတမေဟိ ပဉ္စဟိ? ရူပဝာ စ ဟောတိ, ဘောဂဝာ စ ဟောတိ, သီလဝာ စ ဟောတိ, ဒက္ခော စ ဟောတိ အနလသော, ပဇဉ္စသ္သ လဘတိ – ဣမေဟိ ခော, ဘိက္ခဝေ, ပဉ္စဟိ အင္ဂေဟိ သမန္နာဂတော မာတုဂာမော ဧကန္တမနာပော ဟောတိ ပုရိသသ္သာ’’တိ။ ပဌမံ။
280. ‘‘Pañcahi , bhikkhave, aṅgehi samannāgato mātugāmo ekantaamanāpo hoti purisassa. Katamehi pañcahi? Na ca rūpavā hoti, na ca bhogavā hoti, na ca sīlavā hoti, alaso ca hoti, pajañcassa na labhati – imehi kho, bhikkhave, pañcahi aṅgehi samannāgato mātugāmo ekantaamanāpo hoti purisassa. Pañcahi, bhikkhave, aṅgehi samannāgato mātugāmo ekantamanāpo hoti purisassa. Katamehi pañcahi? Rūpavā ca hoti, bhogavā ca hoti, sīlavā ca hoti, dakkho ca hoti analaso, pajañcassa labhati – imehi kho, bhikkhave, pañcahi aṅgehi samannāgato mātugāmo ekantamanāpo hoti purisassā’’ti. Paṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၂. မာတုဂာမသုတ္တာဒိဝဏ္ဏနာ • 1-2. Mātugāmasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁-၂. မာတုဂာမသုတ္တာဒိဝဏ္ဏနာ • 1-2. Mātugāmasuttādivaṇṇanā
