| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[390] 5. маяхагаж̇аад̇агаван̣н̣анаа
[390] 5. Mayhakajātakavaṇṇanā
сагун̣о маяхаго наамаад̇и ид̣̇ам̣ сад̇т̇аа ж̇зд̇аванз вихаранд̇о ааг̇анд̇угасздтим̣ аараб̣бха гат̇зси. саавад̇т̇ияан̃хи ааг̇анд̇угасздти наама ад̣дхо ахоси махад̣̇д̇хано. со нзва ад̇д̇анаа бхог̇з бхун̃ж̇и, на барзсам̣ ад̣̇ааси, наанаг̇г̇арасз бан̣ийд̇з бхож̇анз убанийд̇з д̇ам̣ на бхун̃ж̇ад̇и, б̣илан̇г̇ад̣̇уд̇ияам̣ ган̣ааж̇агам̣ зва бхун̃ж̇ад̇и, д̇хуубид̇аваасид̇зсу гаасигавад̇т̇зсу убанийд̇зсу д̇аани хаарзд̇ваа т̇уулат̇ууласаадагз ниваасзд̇и, ааж̇аанийяаяуд̇д̇з ман̣иганагавижид̇д̇з рат̇з убанийд̇з д̇амби хараабзд̇ваа гад̇д̇арарат̇агзна г̇ажчад̇и, суван̣н̣ажчад̇д̇з д̇хаарияамаанз д̇ам̣ абанзд̇ваа бан̣н̣ажчад̇д̇зна д̇хаарияамаанзна. со яааваж̇ийвам̣ д̣̇аанаад̣̇ийсу бун̃н̃зсу згамби агад̇ваа гаалам̣ гад̇ваа роруванираяз ниб̣б̣ад̇д̇и. д̇асса абуд̇д̇агам̣ саабад̇зяяам̣ рааж̇аб̣алам̣ сад̇д̇ахи рад̇д̇ид̣̇ивасзхи рааж̇агулам̣ бавзсзси. д̇асмим̣ бавзсид̇з рааж̇аа бхуд̇д̇абаад̇араасо ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа нисинно ‘‘гим̣, махаарааж̇а, б̣уд̣̇д̇хубадтаанам̣ на гаросий’’д̇и вуд̇д̇з ‘‘бханд̇з, саавад̇т̇ияам̣ ааг̇анд̇угасздтино наама гаалагад̇асса ассаамигад̇ханз амхаагам̣ гхарз аахарияамаанзязва сад̇д̇а рад̇д̇ид̣̇ивасаа г̇ад̇аа, со бана зд̇ам̣ д̇ханам̣ лабхид̇вааби нзва ад̇д̇анаа барибхун̃ж̇и, на барзсам̣ ад̣̇ааси, рагкасабариг̇г̇ахид̇абогкаран̣ий вияасса д̇ханам̣ ахоси, со згад̣̇ивасамби бан̣ийд̇абхож̇анаад̣̇ийнам̣ расам̣ ананубхавид̇ваава маран̣амукам̣ бавидто, звам̣ мажчарий абун̃н̃асад̇д̇о гим̣ гад̇ваа зд̇д̇агам̣ д̇ханам̣ лабхи, гзна жасса бхог̇зсу жид̇д̇ам̣ на рамий’’д̇и сад̇т̇аарам̣ бужчи. сад̇т̇аа ‘‘махаарааж̇а, д̇ханалаабхо жа, д̇ханам̣ лад̣̇д̇хаа абарибхун̃ж̇анагааран̣ан̃жа д̇знзва гад̇а’’нд̇и вад̇ваа д̇зна яаажид̇о ад̇ийд̇ам̣ аахари.
Sakuṇomayhako nāmāti idaṃ satthā jetavane viharanto āgantukaseṭṭhiṃ ārabbha kathesi. Sāvatthiyañhi āgantukaseṭṭhi nāma aḍḍho ahosi mahaddhano. So neva attanā bhoge bhuñji, na paresaṃ adāsi, nānaggarase paṇīte bhojane upanīte taṃ na bhuñjati, bilaṅgadutiyaṃ kaṇājakaṃ eva bhuñjati, dhūpitavāsitesu kāsikavatthesu upanītesu tāni hāretvā thūlathūlasāṭake nivāseti, ājānīyayutte maṇikanakavicitte rathe upanīte tampi harāpetvā kattararathakena gacchati, suvaṇṇacchatte dhāriyamāne taṃ apanetvā paṇṇacchattena dhāriyamānena. So yāvajīvaṃ dānādīsu puññesu ekampi akatvā kālaṃ katvā roruvaniraye nibbatti. Tassa aputtakaṃ sāpateyyaṃ rājabalaṃ sattahi rattidivasehi rājakulaṃ pavesesi. Tasmiṃ pavesite rājā bhuttapātarāso jetavanaṃ gantvā satthāraṃ vanditvā nisinno ‘‘kiṃ, mahārāja, buddhupaṭṭhānaṃ na karosī’’ti vutte ‘‘bhante, sāvatthiyaṃ āgantukaseṭṭhino nāma kālakatassa assāmikadhane amhākaṃ ghare āhariyamāneyeva satta rattidivasā gatā, so pana etaṃ dhanaṃ labhitvāpi neva attanā paribhuñji, na paresaṃ adāsi, rakkhasapariggahitapokkharaṇī viyassa dhanaṃ ahosi, so ekadivasampi paṇītabhojanādīnaṃ rasaṃ ananubhavitvāva maraṇamukhaṃ paviṭṭho, evaṃ maccharī apuññasatto kiṃ katvā ettakaṃ dhanaṃ labhi, kena cassa bhogesu cittaṃ na ramī’’ti satthāraṃ pucchi. Satthā ‘‘mahārāja, dhanalābho ca, dhanaṃ laddhā aparibhuñjanakāraṇañca teneva kata’’nti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣аараан̣асисздти ассад̣̇д̇хо ахоси мажчарий, на гассажи гин̃жи д̣̇зд̇и, на ган̃жи сан̇г̇ан̣хаад̇и. со згад̣̇ивасам̣ рааж̇убадтаанам̣ г̇ажчанд̇о д̇аг̇арасиким̣ наама бажжзгаб̣уд̣̇д̇хам̣ бин̣д̣ааяа жаранд̇ам̣ д̣̇исваа ванд̣̇ид̇ваа ‘‘лад̣̇д̇хаа, бханд̇з, бхигкаа’’д̇и бужчид̇ваа ‘‘нану жараама махаасздтий’’д̇и вуд̇д̇з бурисам̣ аан̣аабзси ‘‘г̇ажча, имам̣ амхаагам̣ гхарам̣ аанзд̇ваа мама баллан̇гз нисийд̣̇аабзд̇ваа амхаагам̣ бадияад̇д̇абхад̇д̇асса бад̇д̇ам̣ буурзд̇ваа д̣̇аабзхий’’д̇и. со бажжзгаб̣уд̣̇д̇хам̣ гхарам̣ нзд̇ваа нисийд̣̇аабзд̇ваа сздтибхарияааяа аажигки. саа наанаг̇г̇арасабхад̇д̇асса бад̇д̇ам̣ буурзд̇ваа д̇асса ад̣̇ааси. со бхад̇д̇ам̣ г̇ахзд̇ваа сздтинивзсанаа нигкамид̇ваа анд̇аравийт̇ияам̣ бадибаж̇ж̇и. сздти рааж̇агулад̇о бажжааг̇ажчанд̇о д̇ам̣ д̣̇исваа ванд̣̇ид̇ваа ‘‘лад̣̇д̇хам̣, бханд̇з, бхад̇д̇а’’нд̇и бужчи. ‘‘лад̣̇д̇хам̣ махаасздтий’’д̇и. со бад̇д̇ам̣ ологзд̇ваа жид̇д̇ам̣ басаад̣̇зд̇ум̣ наасагки , ‘‘имам̣ мз бхад̇д̇ам̣ д̣̇аасаа ваа гаммагараа ваа бхун̃ж̇ид̇ваа д̣̇уггарамби гаммам̣ гарзяяум̣, ахо вад̇а мз ж̇ааний’’д̇и абаражзд̇анам̣ барибун̣н̣ам̣ гаад̇ум̣ наасагки. д̣̇аанан̃хи наама д̇иссо жзд̇анаа барибун̣н̣ам̣ гаад̇ум̣ саггонд̇ассзва махабпалам̣ ход̇и.
Atīte bārāṇasiyaṃ brahmadatte rajjaṃ kārente bārāṇasiseṭṭhi assaddho ahosi maccharī, na kassaci kiñci deti, na kañci saṅgaṇhāti. So ekadivasaṃ rājupaṭṭhānaṃ gacchanto tagarasikhiṃ nāma paccekabuddhaṃ piṇḍāya carantaṃ disvā vanditvā ‘‘laddhā, bhante, bhikkhā’’ti pucchitvā ‘‘nanu carāma mahāseṭṭhī’’ti vutte purisaṃ āṇāpesi ‘‘gaccha, imaṃ amhākaṃ gharaṃ ānetvā mama pallaṅke nisīdāpetvā amhākaṃ paṭiyattabhattassa pattaṃ pūretvā dāpehī’’ti. So paccekabuddhaṃ gharaṃ netvā nisīdāpetvā seṭṭhibhariyāya ācikkhi. Sā nānaggarasabhattassa pattaṃ pūretvā tassa adāsi. So bhattaṃ gahetvā seṭṭhinivesanā nikkhamitvā antaravīthiyaṃ paṭipajji. Seṭṭhi rājakulato paccāgacchanto taṃ disvā vanditvā ‘‘laddhaṃ, bhante, bhatta’’nti pucchi. ‘‘Laddhaṃ mahāseṭṭhī’’ti. So pattaṃ oloketvā cittaṃ pasādetuṃ nāsakkhi , ‘‘imaṃ me bhattaṃ dāsā vā kammakarā vā bhuñjitvā dukkarampi kammaṃ kareyyuṃ, aho vata me jānī’’ti aparacetanaṃ paripuṇṇaṃ kātuṃ nāsakkhi. Dānañhi nāma tisso cetanā paripuṇṇaṃ kātuṃ sakkontasseva mahapphalaṃ hoti.
‘‘буб̣б̣зва д̣̇аанаа суманаа бхаваама, д̣̇ад̣̇амби вз ад̇д̇аманаа бхаваама;
‘‘Pubbeva dānā sumanā bhavāma, dadampi ve attamanā bhavāma;
д̣̇ад̇вааби вз наануд̇аббаама бажчаа, д̇асмаа хи амхам̣ д̣̇ахараа намияяарз. (ж̇аа. 1.10.95);
Datvāpi ve nānutappāma pacchā, tasmā hi amhaṃ daharā namiyyare. (jā. 1.10.95);
‘‘буб̣б̣зва д̣̇аанаа сумано, д̣̇ад̣̇ам̣ жид̇д̇ам̣ басаад̣̇аяз;
‘‘Pubbeva dānā sumano, dadaṃ cittaṃ pasādaye;
д̣̇ад̇ваа ад̇д̇амано ход̇и, зсаа яан̃н̃асса самбад̣̇аа’’. (а. ни. 6.37; бз. ва. 305);
Datvā attamano hoti, esā yaññassa sampadā’’. (a. ni. 6.37; pe. va. 305);
ид̇и, махаарааж̇а, ааг̇анд̇угасздти д̇аг̇арасикибажжзгаб̣уд̣̇д̇хасса д̣̇иннабажжаязна б̣ахум̣ д̇ханам̣ лабхи, д̣̇ад̇ваа абаражзд̇анам̣ бан̣ийд̇ам̣ гаад̇ум̣ асамад̇т̇ад̇ааяа бхог̇з бхун̃ж̇ид̇ум̣ наасагкийд̇и. ‘‘буд̇д̇ам̣ бана гасмаа на лабхи, бханд̇з’’д̇и? сад̇т̇аа ‘‘буд̇д̇асса алабханагааран̣амби д̇знзва гад̇ам̣, махаарааж̇аа’’д̇и вад̇ваа д̇зна яаажид̇о ад̇ийд̇ам̣ аахари.
Iti, mahārāja, āgantukaseṭṭhi tagarasikhipaccekabuddhassa dinnapaccayena bahuṃ dhanaṃ labhi, datvā aparacetanaṃ paṇītaṃ kātuṃ asamatthatāya bhoge bhuñjituṃ nāsakkhīti. ‘‘Puttaṃ pana kasmā na labhi, bhante’’ti? Satthā ‘‘puttassa alabhanakāraṇampi teneva kataṃ, mahārājā’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о асийд̇игодивибхавз сздтигулз ниб̣б̣ад̇д̇ид̇ваа ваяаббад̇д̇о маад̇аабид̇уунам̣ ажжаязна ганидтам̣ сан̇г̇ан̣хид̇ваа гудумб̣ам̣ вижаарзнд̇о гхарад̣̇ваарз д̣̇аанасаалам̣ гаарзд̇ваа махаад̣̇аанам̣ бавад̇д̇знд̇о аг̇аарам̣ аж̇жхааваси. ат̇асса зго буд̇д̇о ж̇ааяи. со д̇асса бад̣̇асаа г̇аманагаалз гаамзсу аад̣̇ийнавам̣ нзгкаммз жаанисам̣сам̣ д̣̇исваа сад̣̇д̇хим̣ буд̇д̇ад̣̇аарзна саб̣б̣ам̣ гхаравибхавам̣ ганидтасса нияяаад̇зд̇ваа ‘‘аббамад̇д̇о д̣̇аанам̣ бавад̇д̇зхий’’д̇и оваад̣̇ам̣ д̣̇ад̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа химаванд̇абад̣̇зсз вихааси. ганидтобисса згам̣ буд̇д̇ам̣ бадилабхи. со д̇ам̣ вад̣дханд̇ам̣ д̣̇исваа жинд̇зси ‘‘мама бхаад̇у буд̇д̇з ж̇ийванд̇з гудумб̣ам̣ бхинд̣̇ид̇ваа д̣̇вид̇хаа бхависсад̇и, бхаад̇у буд̇д̇ам̣ маарзссаамий’’д̇и. ат̇а нам̣ згад̣̇ивасам̣ над̣̇ияам̣ обилаабзд̇ваа маарзси. д̇амзнам̣ нхад̇ваа ааг̇ад̇ам̣ бхаад̇у ж̇ааяаа ‘‘гухим̣ мама буд̇д̇о’’д̇и бужчи. ‘‘над̣̇ияам̣ уд̣̇агам̣ гийл̣и, ат̇а нам̣ уд̣̇агз вижинанд̇о наад̣̇д̣̇аса’’нд̇и. саа род̣̇ид̇ваа ганд̣̇ид̇ваа д̇ун̣хий ахоси.
Atīte bārāṇasiyaṃ brahmadatte rajjaṃ kārente bodhisatto asītikoṭivibhave seṭṭhikule nibbattitvā vayappatto mātāpitūnaṃ accayena kaniṭṭhaṃ saṅgaṇhitvā kuṭumbaṃ vicārento gharadvāre dānasālaṃ kāretvā mahādānaṃ pavattento agāraṃ ajjhāvasi. Athassa eko putto jāyi. So tassa padasā gamanakāle kāmesu ādīnavaṃ nekkhamme cānisaṃsaṃ disvā saddhiṃ puttadārena sabbaṃ gharavibhavaṃ kaniṭṭhassa niyyātetvā ‘‘appamatto dānaṃ pavattehī’’ti ovādaṃ datvā isipabbajjaṃ pabbajitvā abhiññā ca samāpattiyo ca nibbattetvā himavantapadese vihāsi. Kaniṭṭhopissa ekaṃ puttaṃ paṭilabhi. So taṃ vaḍḍhantaṃ disvā cintesi ‘‘mama bhātu putte jīvante kuṭumbaṃ bhinditvā dvidhā bhavissati, bhātu puttaṃ māressāmī’’ti. Atha naṃ ekadivasaṃ nadiyaṃ opilāpetvā māresi. Tamenaṃ nhatvā āgataṃ bhātu jāyā ‘‘kuhiṃ mama putto’’ti pucchi. ‘‘Nadiyaṃ udakaṃ kīḷi, atha naṃ udake vicinanto nāddasa’’nti. Sā roditvā kanditvā tuṇhī ahosi.
б̣од̇хисад̇д̇о д̇ам̣ бавад̇д̇им̣ н̃ад̇ваа ‘‘ид̣̇ам̣ гижжам̣ баагадам̣ гариссаамий’’д̇и аагаасзнааг̇анд̇ваа б̣аараан̣асияам̣ од̇арид̇ваа сунивад̇т̇о субааруд̇о д̇асса гхарад̣̇ваарз тад̇ваа д̣̇аанасаалам̣ ад̣̇исваа ‘‘д̣̇аанасаалааби иминаа асаббурисзна наасид̇аа’’д̇и жинд̇зси. ганидто д̇асса ааг̇ад̇абхаавам̣ н̃ад̇ваа ааг̇анд̇ваа махаасад̇д̇ам̣ ванд̣̇ид̇ваа баасаад̣̇ам̣ ааробзд̇ваа субхож̇анам̣ бхож̇зси. со бхад̇д̇агижжаавасаанз сукагат̇ааяа нисинно ‘‘д̣̇аараго на бан̃н̃ааяад̇и, гахам̣ ну ко’’д̇и бужчи. ‘‘мад̇о, бханд̇з’’д̇и. ‘‘гзна гааран̣знаа’’д̇и? ‘‘уд̣̇агагийл̣анадтаанз асугагааран̣знаад̇и на ж̇аанаамий’’д̇и. ‘‘гим̣ д̇вам̣ асаббуриса на ж̇ааниссаси, д̇аяаа гад̇агижжам̣ маяхам̣ баагадам̣, нану д̇вам̣ иминаа наама гааран̣зна д̇ам̣ маарзси, гим̣ ну д̇вам̣ рааж̇аад̣̇ийнам̣ васзна нассамаанам̣ д̇ханам̣ рагкид̇ум̣ саггун̣зяяааси, маяхагасагун̣асса жа д̇уяхан̃жа гим̣ наанаагаран̣а’’нд̇и? ат̇асса махаасад̇д̇о б̣уд̣̇д̇халийл̣ааяа д̇хаммам̣ д̣̇зсзнд̇о имаа г̇аат̇аа абхааси –
Bodhisatto taṃ pavattiṃ ñatvā ‘‘idaṃ kiccaṃ pākaṭaṃ karissāmī’’ti ākāsenāgantvā bārāṇasiyaṃ otaritvā sunivattho supāruto tassa gharadvāre ṭhatvā dānasālaṃ adisvā ‘‘dānasālāpi iminā asappurisena nāsitā’’ti cintesi. Kaniṭṭho tassa āgatabhāvaṃ ñatvā āgantvā mahāsattaṃ vanditvā pāsādaṃ āropetvā subhojanaṃ bhojesi. So bhattakiccāvasāne sukhakathāya nisinno ‘‘dārako na paññāyati, kahaṃ nu kho’’ti pucchi. ‘‘Mato, bhante’’ti. ‘‘Kena kāraṇenā’’ti? ‘‘Udakakīḷanaṭṭhāne asukakāraṇenāti na jānāmī’’ti. ‘‘Kiṃ tvaṃ asappurisa na jānissasi, tayā katakiccaṃ mayhaṃ pākaṭaṃ, nanu tvaṃ iminā nāma kāraṇena taṃ māresi, kiṃ nu tvaṃ rājādīnaṃ vasena nassamānaṃ dhanaṃ rakkhituṃ sakkuṇeyyāsi, mayhakasakuṇassa ca tuyhañca kiṃ nānākaraṇa’’nti? Athassa mahāsatto buddhalīḷāya dhammaṃ desento imā gāthā abhāsi –
102.
102.
‘‘сагун̣о маяхаго наама, г̇ирисаануд̣̇арийжаро;
‘‘Sakuṇo mayhako nāma, girisānudarīcaro;
баггам̣ бибпалимааруяха, ‘маяхам̣ маяха’нд̇и ганд̣̇ад̇и.
Pakkaṃ pipphalimāruyha, ‘mayhaṃ mayha’nti kandati.
103.
103.
‘‘д̇ассзвам̣ вилабанд̇асса, д̣̇иж̇асан̇гхаа самааг̇ад̇аа;
‘‘Tassevaṃ vilapantassa, dijasaṅghā samāgatā;
бхуд̇ваана бибпалим̣ яанд̇и, вилабад̇взва со д̣̇иж̇о.
Bhutvāna pipphaliṃ yanti, vilapatveva so dijo.
104.
104.
‘‘звамзва ид̇хзгажжо, сан̇гхарид̇ваа б̣ахум̣ д̇ханам̣;
‘‘Evameva idhekacco, saṅgharitvā bahuṃ dhanaṃ;
нзвад̇д̇ано на н̃аад̇ийнам̣, яат̇од̇хим̣ бадибаж̇ж̇ад̇и.
Nevattano na ñātīnaṃ, yathodhiṃ paṭipajjati.
105.
105.
‘‘на со ажчаад̣̇анам̣ бхад̇д̇ам̣, на маалам̣ на вилзбанам̣;
‘‘Na so acchādanaṃ bhattaṃ, na mālaṃ na vilepanaṃ;
анубход̇и сагим̣ гин̃жи, на сан̇г̇ан̣хаад̇и н̃аад̇агз.
Anubhoti sakiṃ kiñci, na saṅgaṇhāti ñātake.
106.
106.
‘‘д̇ассзвам̣ вилабанд̇асса, маяхам̣ маяханд̇и рагкад̇о;
‘‘Tassevaṃ vilapantassa, mayhaṃ mayhanti rakkhato;
рааж̇аано ат̇а ваа жораа, д̣̇ааяаад̣̇аа язва аббияаа;
Rājāno atha vā corā, dāyādā yeva appiyā;
д̇ханамаад̣̇ааяа г̇ажчанд̇и, вилабад̇взва со наро.
Dhanamādāya gacchanti, vilapatveva so naro.
107.
107.
‘‘д̇хийро бхог̇з ад̇хиг̇амма, сан̇г̇ан̣хаад̇и жа н̃аад̇агз;
‘‘Dhīro bhoge adhigamma, saṅgaṇhāti ca ñātake;
д̇зна со гид̇д̇им̣ баббод̇и, бзжжа саг̇г̇з бамод̣̇ад̇ий’’д̇и.
Tena so kittiṃ pappoti, pecca sagge pamodatī’’ti.
д̇ад̇т̇а маяхагод̇и ‘‘маяхам̣ маяха’’нд̇и вираванавасзна звам̣лад̣̇д̇ханаамо. г̇ирисаануд̣̇арийсу жарад̇ийд̇и г̇ирисаануд̣̇арийжаро. баггам̣ бибпалинд̇и химаванд̇абад̣̇зсз згам̣ палабхарид̇ам̣ бибпалиругкам̣. ганд̣̇ад̇ийд̇и д̣̇иж̇аг̇ан̣з д̇ам̣ ругкам̣ бариваарзд̇ваа баггаани каад̣̇анд̇з ваарзд̇ум̣ ‘‘маяхам̣ маяха’’нд̇и барид̣̇званд̇о вижарад̇и. д̇ассзвам̣ вилабанд̇ассаад̇и д̇асса вилабанд̇ассзва. бхуд̇ваана вибпалим̣ яанд̇ийд̇и д̇ам̣ бибпалиругкам̣ барибхун̃ж̇ид̇ваа ан̃н̃ам̣ паласамбаннам̣ ругкам̣ г̇ажчанд̇и. вилабад̇взваад̇и со бана д̣̇иж̇о вилабад̇иязва. яат̇од̇хинд̇и яат̇аагодтаасам̣, маад̇аабид̇аабхаад̇убхаг̇инийбуд̇д̇ад̇хийд̇аад̣̇ийнам̣ убабхог̇абарибхог̇авасзна яо яо годтаасо д̣̇аад̇аб̣б̣о, д̇ам̣ д̇ам̣ на д̣̇зд̇ийд̇и ад̇т̇о.
Tattha mayhakoti ‘‘mayhaṃ mayha’’nti viravanavasena evaṃladdhanāmo. Girisānudarīsu caratīti girisānudarīcaro. Pakkaṃ pipphalinti himavantapadese ekaṃ phalabharitaṃ pipphalirukkhaṃ. Kandatīti dijagaṇe taṃ rukkhaṃ parivāretvā pakkāni khādante vāretuṃ ‘‘mayhaṃ mayha’’nti paridevanto vicarati. Tassevaṃ vilapantassāti tassa vilapantasseva. Bhutvāna vipphaliṃ yantīti taṃ pipphalirukkhaṃ paribhuñjitvā aññaṃ phalasampannaṃ rukkhaṃ gacchanti. Vilapatvevāti so pana dijo vilapatiyeva. Yathodhinti yathākoṭṭhāsaṃ, mātāpitābhātubhaginīputtadhītādīnaṃ upabhogaparibhogavasena yo yo koṭṭhāso dātabbo, taṃ taṃ na detīti attho.
сагинд̇и згаваарамби наанубход̇и. ‘‘сага’’нд̇иби баато, ад̇д̇ано санд̇агамбийд̇и ад̇т̇о. на сан̇г̇ан̣хаад̇ийд̇и бхад̇д̇ажчаад̣̇анаб̣ийж̇анан̇г̇алаад̣̇ид̣̇аанавасзна на сан̇г̇ан̣хаад̇и. вилабад̇взва со народ̇и зд̇зсу рааж̇аад̣̇ийсу д̇ханам̣ г̇ахзд̇ваа г̇ажчанд̇зсу гзвалам̣ со бурисо вилабад̇иязва. д̇хийрод̇и бан̣д̣ид̇о. сан̇г̇ан̣хаад̇ийд̇и ад̇д̇ано санд̇игам̣ ааг̇ад̇з д̣̇уб̣б̣алан̃аад̇агз бхад̇д̇ажчаад̣̇анаб̣ийж̇анан̇г̇алаад̣̇ид̣̇аанзна сан̇г̇ан̣хаад̇и. д̇знаад̇и со бурисо д̇зна н̃аад̇исан̇г̇ахзна жад̇убарисамаж̇жхз гид̇д̇ин̃жа ад̇д̇ано ван̣н̣абхан̣анан̃жа баабун̣аад̇и, бзжжа саг̇г̇з д̣̇званаг̇арз бамод̣̇ад̇и.
Sakinti ekavārampi nānubhoti. ‘‘Saka’’ntipi pāṭho, attano santakampīti attho. Na saṅgaṇhātīti bhattacchādanabījanaṅgalādidānavasena na saṅgaṇhāti. Vilapatveva so naroti etesu rājādīsu dhanaṃ gahetvā gacchantesu kevalaṃ so puriso vilapatiyeva. Dhīroti paṇḍito. Saṅgaṇhātīti attano santikaṃ āgate dubbalañātake bhattacchādanabījanaṅgalādidānena saṅgaṇhāti. Tenāti so puriso tena ñātisaṅgahena catuparisamajjhe kittiñca attano vaṇṇabhaṇanañca pāpuṇāti, pecca sagge devanagare pamodati.
звам̣ махаасад̇д̇о д̇асса д̇хаммам̣ д̣̇зсзд̇ваа д̣̇аанам̣ баагад̇игам̣ гаарзд̇ваа химаванд̇амзва г̇анд̇ваа абарихийнаж̇жхаано б̣рахмалогуубаг̇о ахоси.
Evaṃ mahāsatto tassa dhammaṃ desetvā dānaṃ pākatikaṃ kāretvā himavantameva gantvā aparihīnajjhāno brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа ‘‘ид̇и ко, махаарааж̇а, ааг̇анд̇угасздти бхаад̇у буд̇д̇асса маарид̇ад̇д̇аа зд̇д̇агам̣ гаалам̣ нзва буд̇д̇ам̣, на д̇хийд̇арам̣ алабхий’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа ганидто ааг̇анд̇угасздти ахоси, ж̇здтаго бана ахамзва ахоси’’нд̇и.
Satthā imaṃ dhammadesanaṃ āharitvā ‘‘iti kho, mahārāja, āgantukaseṭṭhi bhātu puttassa māritattā ettakaṃ kālaṃ neva puttaṃ, na dhītaraṃ alabhī’’ti vatvā jātakaṃ samodhānesi – ‘‘tadā kaniṭṭho āgantukaseṭṭhi ahosi, jeṭṭhako pana ahameva ahosi’’nti.
маяхагаж̇аад̇агаван̣н̣анаа бан̃жамаа.
Mayhakajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 390. маяхагаж̇аад̇агам̣ • 390. Mayhakajātakaṃ
