| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૪૭૧. મેણ્ડકપઞ્હજાતકં (૮)
471. Meṇḍakapañhajātakaṃ (8)
૯૪.
94.
યેસં ન કદાચિ ભૂતપુબ્બં, સખ્યં 1 સત્તપદમ્પિમસ્મિ લોકે;
Yesaṃ na kadāci bhūtapubbaṃ, sakhyaṃ 2 sattapadampimasmi loke;
જાતા અમિત્તા દુવે સહાયા, પટિસન્ધાય ચરન્તિ કિસ્સ હેતુ.
Jātā amittā duve sahāyā, paṭisandhāya caranti kissa hetu.
૯૫.
95.
યદિ મે અજ્જ પાતરાસકાલે, પઞ્હં ન સક્કુણેય્યાથ વત્તુમેતં;
Yadi me ajja pātarāsakāle, pañhaṃ na sakkuṇeyyātha vattumetaṃ;
રટ્ઠા પબ્બાજયિસ્સામિ વો સબ્બે, ન હિ મત્થો દુપ્પઞ્ઞજાતિકેહિ.
Raṭṭhā pabbājayissāmi vo sabbe, na hi mattho duppaññajātikehi.
૯૬.
96.
મહાજનસમાગમમ્હિ ઘોરે, જનકોલાહલસઙ્ગમમ્હિ જાતે;
Mahājanasamāgamamhi ghore, janakolāhalasaṅgamamhi jāte;
વિક્ખિત્તમના અનેકચિત્તા, પઞ્હં ન સક્કુણોમ વત્તુમેતં.
Vikkhittamanā anekacittā, pañhaṃ na sakkuṇoma vattumetaṃ.
૯૭.
97.
એકગ્ગચિત્તાવ એકમેકા, રહસિ ગતા અત્થં નિચિન્તયિત્વા 3;
Ekaggacittāva ekamekā, rahasi gatā atthaṃ nicintayitvā 4;
પવિવેકે સમ્મસિત્વાન ધીરા, અથ વક્ખન્તિ જનિન્દ એતમત્થં.
Paviveke sammasitvāna dhīrā, atha vakkhanti janinda etamatthaṃ.
૯૮.
98.
ઉગ્ગપુત્ત-રાજપુત્તિયાનં, ઉરબ્ભસ્સ મંસં પિયં મનાપં;
Uggaputta-rājaputtiyānaṃ, urabbhassa maṃsaṃ piyaṃ manāpaṃ;
ન સુનખસ્સ તે અદેન્તિ મંસં, અથ મેણ્ડસ્સ સુણેન સખ્યમસ્સ.
Na sunakhassa te adenti maṃsaṃ, atha meṇḍassa suṇena sakhyamassa.
૯૯.
99.
ચમ્મં વિહનન્તિ એળકસ્સ, અસ્સપિટ્ઠત્થરસ્સુખસ્સ 5 હેતુ;
Cammaṃ vihananti eḷakassa, assapiṭṭhattharassukhassa 6 hetu;
ન ચ તે સુનખસ્સ અત્થરન્તિ, અથ મેણ્ડસ્સ સુણેન સખ્યમસ્સ.
Na ca te sunakhassa attharanti, atha meṇḍassa suṇena sakhyamassa.
૧૦૦.
100.
આવેલ્લિતસિઙ્ગિકો હિ મેણ્ડો, ન ચ સુનખસ્સ વિસાણકાનિ અત્થિ;
Āvellitasiṅgiko hi meṇḍo, na ca sunakhassa visāṇakāni atthi;
તિણભક્ખો મંસભોજનો ચ, અથ મેણ્ડસ્સ સુણેન સખ્યમસ્સ.
Tiṇabhakkho maṃsabhojano ca, atha meṇḍassa suṇena sakhyamassa.
૧૦૧.
101.
તિણમાસિ પલાસમાસિ મેણ્ડો, ન ચ સુનખો તિણમાસિ નો પલાસં;
Tiṇamāsi palāsamāsi meṇḍo, na ca sunakho tiṇamāsi no palāsaṃ;
ગણ્હેય્ય સુણો સસં બિળારં, અથ મેણ્ડસ્સ સુણેન સખ્યમસ્સ.
Gaṇheyya suṇo sasaṃ biḷāraṃ, atha meṇḍassa suṇena sakhyamassa.
૧૦૨.
102.
અટ્ઠડ્ઢપદો ચતુપ્પદસ્સ, મેણ્ડો અટ્ઠનખો અદિસ્સમાનો;
Aṭṭhaḍḍhapado catuppadassa, meṇḍo aṭṭhanakho adissamāno;
છાદિયમાહરતી અયં ઇમસ્સ, મંસં આહરતી અયં અમુસ્સ.
Chādiyamāharatī ayaṃ imassa, maṃsaṃ āharatī ayaṃ amussa.
૧૦૩.
103.
પાસાદવરગતો વિદેહસેટ્ઠો, વિતિહારં અઞ્ઞમઞ્ઞભોજનાનં;
Pāsādavaragato videhaseṭṭho, vitihāraṃ aññamaññabhojanānaṃ;
૧૦૪.
104.
લાભા વત મે અનપ્પરૂપા, યસ્સ મેદિસા પણ્ડિતા કુલમ્હિ;
Lābhā vata me anapparūpā, yassa medisā paṇḍitā kulamhi;
પઞ્હસ્સ ગમ્ભીરગતં નિપુણમત્થં, પટિવિજ્ઝન્તિ સુભાસિતેન ધીરા.
Pañhassa gambhīragataṃ nipuṇamatthaṃ, paṭivijjhanti subhāsitena dhīrā.
૧૦૫.
105.
અસ્સતરિરથઞ્ચ એકમેકં, ફીતં ગામવરઞ્ચ એકમેકં;
Assatarirathañca ekamekaṃ, phītaṃ gāmavarañca ekamekaṃ;
સબ્બેસં વો દમ્મિ પણ્ડિતાનં, પરમપ્પતીતમનો સુભાસિતેનાતિ.
Sabbesaṃ vo dammi paṇḍitānaṃ, paramappatītamano subhāsitenāti.
મેણ્ડકપઞ્હજાતકં અટ્ઠમં.
Meṇḍakapañhajātakaṃ aṭṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૪૭૧] ૮. મેણ્ડકપઞ્હજાતકવણ્ણના • [471] 8. Meṇḍakapañhajātakavaṇṇanā
