Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೭೧. ಮೇಣ್ಡಕಪಞ್ಹಜಾತಕಂ (೮)
471. Meṇḍakapañhajātakaṃ (8)
೯೪.
94.
ಯೇಸಂ ನ ಕದಾಚಿ ಭೂತಪುಬ್ಬಂ, ಸಖ್ಯಂ 1 ಸತ್ತಪದಮ್ಪಿಮಸ್ಮಿ ಲೋಕೇ।
Yesaṃ na kadāci bhūtapubbaṃ, sakhyaṃ 2 sattapadampimasmi loke;
ಜಾತಾ ಅಮಿತ್ತಾ ದುವೇ ಸಹಾಯಾ, ಪಟಿಸನ್ಧಾಯ ಚರನ್ತಿ ಕಿಸ್ಸ ಹೇತು॥
Jātā amittā duve sahāyā, paṭisandhāya caranti kissa hetu.
೯೫.
95.
ಯದಿ ಮೇ ಅಜ್ಜ ಪಾತರಾಸಕಾಲೇ, ಪಞ್ಹಂ ನ ಸಕ್ಕುಣೇಯ್ಯಾಥ ವತ್ತುಮೇತಂ।
Yadi me ajja pātarāsakāle, pañhaṃ na sakkuṇeyyātha vattumetaṃ;
ರಟ್ಠಾ ಪಬ್ಬಾಜಯಿಸ್ಸಾಮಿ ವೋ ಸಬ್ಬೇ, ನ ಹಿ ಮತ್ಥೋ ದುಪ್ಪಞ್ಞಜಾತಿಕೇಹಿ॥
Raṭṭhā pabbājayissāmi vo sabbe, na hi mattho duppaññajātikehi.
೯೬.
96.
ಮಹಾಜನಸಮಾಗಮಮ್ಹಿ ಘೋರೇ, ಜನಕೋಲಾಹಲಸಙ್ಗಮಮ್ಹಿ ಜಾತೇ।
Mahājanasamāgamamhi ghore, janakolāhalasaṅgamamhi jāte;
ವಿಕ್ಖಿತ್ತಮನಾ ಅನೇಕಚಿತ್ತಾ, ಪಞ್ಹಂ ನ ಸಕ್ಕುಣೋಮ ವತ್ತುಮೇತಂ॥
Vikkhittamanā anekacittā, pañhaṃ na sakkuṇoma vattumetaṃ.
೯೭.
97.
ಏಕಗ್ಗಚಿತ್ತಾವ ಏಕಮೇಕಾ, ರಹಸಿ ಗತಾ ಅತ್ಥಂ ನಿಚಿನ್ತಯಿತ್ವಾ 3।
Ekaggacittāva ekamekā, rahasi gatā atthaṃ nicintayitvā 4;
ಪವಿವೇಕೇ ಸಮ್ಮಸಿತ್ವಾನ ಧೀರಾ, ಅಥ ವಕ್ಖನ್ತಿ ಜನಿನ್ದ ಏತಮತ್ಥಂ॥
Paviveke sammasitvāna dhīrā, atha vakkhanti janinda etamatthaṃ.
೯೮.
98.
ಉಗ್ಗಪುತ್ತ-ರಾಜಪುತ್ತಿಯಾನಂ, ಉರಬ್ಭಸ್ಸ ಮಂಸಂ ಪಿಯಂ ಮನಾಪಂ।
Uggaputta-rājaputtiyānaṃ, urabbhassa maṃsaṃ piyaṃ manāpaṃ;
ನ ಸುನಖಸ್ಸ ತೇ ಅದೇನ್ತಿ ಮಂಸಂ, ಅಥ ಮೇಣ್ಡಸ್ಸ ಸುಣೇನ ಸಖ್ಯಮಸ್ಸ॥
Na sunakhassa te adenti maṃsaṃ, atha meṇḍassa suṇena sakhyamassa.
೯೯.
99.
ಚಮ್ಮಂ ವಿಹನನ್ತಿ ಏಳಕಸ್ಸ, ಅಸ್ಸಪಿಟ್ಠತ್ಥರಸ್ಸುಖಸ್ಸ 5 ಹೇತು।
Cammaṃ vihananti eḷakassa, assapiṭṭhattharassukhassa 6 hetu;
ನ ಚ ತೇ ಸುನಖಸ್ಸ ಅತ್ಥರನ್ತಿ, ಅಥ ಮೇಣ್ಡಸ್ಸ ಸುಣೇನ ಸಖ್ಯಮಸ್ಸ॥
Na ca te sunakhassa attharanti, atha meṇḍassa suṇena sakhyamassa.
೧೦೦.
100.
ಆವೇಲ್ಲಿತಸಿಙ್ಗಿಕೋ ಹಿ ಮೇಣ್ಡೋ, ನ ಚ ಸುನಖಸ್ಸ ವಿಸಾಣಕಾನಿ ಅತ್ಥಿ।
Āvellitasiṅgiko hi meṇḍo, na ca sunakhassa visāṇakāni atthi;
ತಿಣಭಕ್ಖೋ ಮಂಸಭೋಜನೋ ಚ, ಅಥ ಮೇಣ್ಡಸ್ಸ ಸುಣೇನ ಸಖ್ಯಮಸ್ಸ॥
Tiṇabhakkho maṃsabhojano ca, atha meṇḍassa suṇena sakhyamassa.
೧೦೧.
101.
ತಿಣಮಾಸಿ ಪಲಾಸಮಾಸಿ ಮೇಣ್ಡೋ, ನ ಚ ಸುನಖೋ ತಿಣಮಾಸಿ ನೋ ಪಲಾಸಂ।
Tiṇamāsi palāsamāsi meṇḍo, na ca sunakho tiṇamāsi no palāsaṃ;
ಗಣ್ಹೇಯ್ಯ ಸುಣೋ ಸಸಂ ಬಿಳಾರಂ, ಅಥ ಮೇಣ್ಡಸ್ಸ ಸುಣೇನ ಸಖ್ಯಮಸ್ಸ॥
Gaṇheyya suṇo sasaṃ biḷāraṃ, atha meṇḍassa suṇena sakhyamassa.
೧೦೨.
102.
ಅಟ್ಠಡ್ಢಪದೋ ಚತುಪ್ಪದಸ್ಸ, ಮೇಣ್ಡೋ ಅಟ್ಠನಖೋ ಅದಿಸ್ಸಮಾನೋ।
Aṭṭhaḍḍhapado catuppadassa, meṇḍo aṭṭhanakho adissamāno;
ಛಾದಿಯಮಾಹರತೀ ಅಯಂ ಇಮಸ್ಸ, ಮಂಸಂ ಆಹರತೀ ಅಯಂ ಅಮುಸ್ಸ॥
Chādiyamāharatī ayaṃ imassa, maṃsaṃ āharatī ayaṃ amussa.
೧೦೩.
103.
ಪಾಸಾದವರಗತೋ ವಿದೇಹಸೇಟ್ಠೋ, ವಿತಿಹಾರಂ ಅಞ್ಞಮಞ್ಞಭೋಜನಾನಂ।
Pāsādavaragato videhaseṭṭho, vitihāraṃ aññamaññabhojanānaṃ;
೧೦೪.
104.
ಲಾಭಾ ವತ ಮೇ ಅನಪ್ಪರೂಪಾ, ಯಸ್ಸ ಮೇದಿಸಾ ಪಣ್ಡಿತಾ ಕುಲಮ್ಹಿ।
Lābhā vata me anapparūpā, yassa medisā paṇḍitā kulamhi;
ಪಞ್ಹಸ್ಸ ಗಮ್ಭೀರಗತಂ ನಿಪುಣಮತ್ಥಂ, ಪಟಿವಿಜ್ಝನ್ತಿ ಸುಭಾಸಿತೇನ ಧೀರಾ॥
Pañhassa gambhīragataṃ nipuṇamatthaṃ, paṭivijjhanti subhāsitena dhīrā.
೧೦೫.
105.
ಅಸ್ಸತರಿರಥಞ್ಚ ಏಕಮೇಕಂ, ಫೀತಂ ಗಾಮವರಞ್ಚ ಏಕಮೇಕಂ।
Assatarirathañca ekamekaṃ, phītaṃ gāmavarañca ekamekaṃ;
ಸಬ್ಬೇಸಂ ವೋ ದಮ್ಮಿ ಪಣ್ಡಿತಾನಂ, ಪರಮಪ್ಪತೀತಮನೋ ಸುಭಾಸಿತೇನಾತಿ॥
Sabbesaṃ vo dammi paṇḍitānaṃ, paramappatītamano subhāsitenāti.
ಮೇಣ್ಡಕಪಞ್ಹಜಾತಕಂ ಅಟ್ಠಮಂ।
Meṇḍakapañhajātakaṃ aṭṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೭೧] ೮. ಮೇಣ್ಡಕಪಞ್ಹಜಾತಕವಣ್ಣನಾ • [471] 8. Meṇḍakapañhajātakavaṇṇanā