| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
3. மிச்சா²தி³ட்டி²னித்³தே³ஸோ
3. Micchādiṭṭhiniddeso
136. மிச்சா²தி³ட்டி²யா கதமேஹி த³ஸஹாகாரேஹி அபி⁴னிவேஸோ ஹோதி? ‘‘நத்தி² தி³ன்ன’’ந்தி – வத்து² 1. ஏவங்வாதோ³ மிச்சா²பி⁴னிவேஸபராமாஸோ 2 தி³ட்டி². தி³ட்டி² ந வத்து², வத்து² ந தி³ட்டி². அஞ்ஞா தி³ட்டி², அஞ்ஞங் வத்து². யா ச தி³ட்டி² யஞ்ச வத்து² – அயங் பட²மா மிச்சா²வத்து²கா மிச்சா²தி³ட்டி². மிச்சா²தி³ட்டி² தி³ட்டி²விபத்தி…பே॰… இமானி ஸஞ்ஞோஜனானி, ந ச தி³ட்டி²யோ. ‘‘நத்தி² யிட்ட²’’ந்தி – வத்து²…பே॰… ‘‘நத்தி² ஹுத’’ந்தி – வத்து²… ‘‘நத்தி² ஸுகதது³க்கடானங் கம்மானங் ப²லங் விபாகோ’’தி – வத்து²… ‘‘நத்தி² அயங் லோகோ’’தி – வத்து²… ‘‘நத்தி² பரோ லோகோ’’தி – வத்து²… ‘‘நத்தி² மாதா’’தி – வத்து²… ‘‘நத்தி² பிதா’’தி – வத்து²… ‘‘நத்தி² ஸத்தா ஓபபாதிகா’’தி – வத்து²… ‘‘நத்தி² லோகே ஸமணப்³ராஹ்மணா ஸம்மக்³க³தா 3 ஸம்மாபடிபன்னா, யே இமஞ்ச லோகங், பரஞ்ச லோகங் ஸயங் அபி⁴ஞ்ஞா ஸச்சி²கத்வா பவேதெ³ந்தீ’’தி – வத்து². ஏவங்வாதோ³ மிச்சா²பி⁴னிவேஸபராமாஸோ தி³ட்டி². தி³ட்டி² ந வத்து², வத்து² ந தி³ட்டி². அஞ்ஞா தி³ட்டி², அஞ்ஞங் வத்து². யா ச தி³ட்டி² யஞ்ச வத்து² – அயங் த³ஸமா மிச்சா²வத்து²கா மிச்சா²தி³ட்டி². மிச்சா²தி³ட்டி² தி³ட்டி²விபத்தி…பே॰… மிச்சா²தி³ட்டி²கஸ்ஸ புரிஸபுக்³க³லஸ்ஸ த்³வேவ க³தியோ…பே॰… இமானி ஸஞ்ஞோஜனானி, ந ச தி³ட்டி²யோ. மிச்சா²தி³ட்டி²யா இமேஹி த³ஸஹாகாரேஹி அபி⁴னிவேஸோ ஹோதி.
136. Micchādiṭṭhiyā katamehi dasahākārehi abhiniveso hoti? ‘‘Natthi dinna’’nti – vatthu 4. Evaṃvādo micchābhinivesaparāmāso 5 diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā micchāvatthukā micchādiṭṭhi. Micchādiṭṭhi diṭṭhivipatti…pe… imāni saññojanāni, na ca diṭṭhiyo. ‘‘Natthi yiṭṭha’’nti – vatthu…pe… ‘‘natthi huta’’nti – vatthu… ‘‘natthi sukatadukkaṭānaṃ kammānaṃ phalaṃ vipāko’’ti – vatthu… ‘‘natthi ayaṃ loko’’ti – vatthu… ‘‘natthi paro loko’’ti – vatthu… ‘‘natthi mātā’’ti – vatthu… ‘‘natthi pitā’’ti – vatthu… ‘‘natthi sattā opapātikā’’ti – vatthu… ‘‘natthi loke samaṇabrāhmaṇā sammaggatā 6 sammāpaṭipannā, ye imañca lokaṃ, parañca lokaṃ sayaṃ abhiññā sacchikatvā pavedentī’’ti – vatthu. Evaṃvādo micchābhinivesaparāmāso diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ dasamā micchāvatthukā micchādiṭṭhi. Micchādiṭṭhi diṭṭhivipatti…pe… micchādiṭṭhikassa purisapuggalassa dveva gatiyo…pe… imāni saññojanāni, na ca diṭṭhiyo. Micchādiṭṭhiyā imehi dasahākārehi abhiniveso hoti.
மிச்சா²தி³ட்டி²னித்³தே³ஸோ ததியோ.
Micchādiṭṭhiniddeso tatiyo.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 3. மிச்சா²தி³ட்டி²னித்³தே³ஸவண்ணனா • 3. Micchādiṭṭhiniddesavaṇṇanā
