| Library / Tipiṭaka / ತಿಪಿಟಕ • Tipiṭaka / ಪಟಿಸಮ್ಭಿದಾಮಗ್ಗಪಾಳಿ • Paṭisambhidāmaggapāḷi |
೩. ಮಿಚ್ಛಾದಿಟ್ಠಿನಿದ್ದೇಸೋ
3. Micchādiṭṭhiniddeso
೧೩೬. ಮಿಚ್ಛಾದಿಟ್ಠಿಯಾ ಕತಮೇಹಿ ದಸಹಾಕಾರೇಹಿ ಅಭಿನಿವೇಸೋ ಹೋತಿ? ‘‘ನತ್ಥಿ ದಿನ್ನ’’ನ್ತಿ – ವತ್ಥು 1। ಏವಂವಾದೋ ಮಿಚ್ಛಾಭಿನಿವೇಸಪರಾಮಾಸೋ 2 ದಿಟ್ಠಿ। ದಿಟ್ಠಿ ನ ವತ್ಥು, ವತ್ಥು ನ ದಿಟ್ಠಿ। ಅಞ್ಞಾ ದಿಟ್ಠಿ, ಅಞ್ಞಂ ವತ್ಥು। ಯಾ ಚ ದಿಟ್ಠಿ ಯಞ್ಚ ವತ್ಥು – ಅಯಂ ಪಠಮಾ ಮಿಚ್ಛಾವತ್ಥುಕಾ ಮಿಚ್ಛಾದಿಟ್ಠಿ। ಮಿಚ್ಛಾದಿಟ್ಠಿ ದಿಟ್ಠಿವಿಪತ್ತಿ…ಪೇ॰… ಇಮಾನಿ ಸಞ್ಞೋಜನಾನಿ, ನ ಚ ದಿಟ್ಠಿಯೋ। ‘‘ನತ್ಥಿ ಯಿಟ್ಠ’’ನ್ತಿ – ವತ್ಥು…ಪೇ॰… ‘‘ನತ್ಥಿ ಹುತ’’ನ್ತಿ – ವತ್ಥು… ‘‘ನತ್ಥಿ ಸುಕತದುಕ್ಕಟಾನಂ ಕಮ್ಮಾನಂ ಫಲಂ ವಿಪಾಕೋ’’ತಿ – ವತ್ಥು… ‘‘ನತ್ಥಿ ಅಯಂ ಲೋಕೋ’’ತಿ – ವತ್ಥು… ‘‘ನತ್ಥಿ ಪರೋ ಲೋಕೋ’’ತಿ – ವತ್ಥು… ‘‘ನತ್ಥಿ ಮಾತಾ’’ತಿ – ವತ್ಥು… ‘‘ನತ್ಥಿ ಪಿತಾ’’ತಿ – ವತ್ಥು… ‘‘ನತ್ಥಿ ಸತ್ತಾ ಓಪಪಾತಿಕಾ’’ತಿ – ವತ್ಥು… ‘‘ನತ್ಥಿ ಲೋಕೇ ಸಮಣಬ್ರಾಹ್ಮಣಾ ಸಮ್ಮಗ್ಗತಾ 3 ಸಮ್ಮಾಪಟಿಪನ್ನಾ, ಯೇ ಇಮಞ್ಚ ಲೋಕಂ, ಪರಞ್ಚ ಲೋಕಂ ಸಯಂ ಅಭಿಞ್ಞಾ ಸಚ್ಛಿಕತ್ವಾ ಪವೇದೇನ್ತೀ’’ತಿ – ವತ್ಥು। ಏವಂವಾದೋ ಮಿಚ್ಛಾಭಿನಿವೇಸಪರಾಮಾಸೋ ದಿಟ್ಠಿ। ದಿಟ್ಠಿ ನ ವತ್ಥು, ವತ್ಥು ನ ದಿಟ್ಠಿ। ಅಞ್ಞಾ ದಿಟ್ಠಿ, ಅಞ್ಞಂ ವತ್ಥು। ಯಾ ಚ ದಿಟ್ಠಿ ಯಞ್ಚ ವತ್ಥು – ಅಯಂ ದಸಮಾ ಮಿಚ್ಛಾವತ್ಥುಕಾ ಮಿಚ್ಛಾದಿಟ್ಠಿ। ಮಿಚ್ಛಾದಿಟ್ಠಿ ದಿಟ್ಠಿವಿಪತ್ತಿ…ಪೇ॰… ಮಿಚ್ಛಾದಿಟ್ಠಿಕಸ್ಸ ಪುರಿಸಪುಗ್ಗಲಸ್ಸ ದ್ವೇವ ಗತಿಯೋ…ಪೇ॰… ಇಮಾನಿ ಸಞ್ಞೋಜನಾನಿ, ನ ಚ ದಿಟ್ಠಿಯೋ। ಮಿಚ್ಛಾದಿಟ್ಠಿಯಾ ಇಮೇಹಿ ದಸಹಾಕಾರೇಹಿ ಅಭಿನಿವೇಸೋ ಹೋತಿ।
136. Micchādiṭṭhiyā katamehi dasahākārehi abhiniveso hoti? ‘‘Natthi dinna’’nti – vatthu 4. Evaṃvādo micchābhinivesaparāmāso 5 diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā micchāvatthukā micchādiṭṭhi. Micchādiṭṭhi diṭṭhivipatti…pe… imāni saññojanāni, na ca diṭṭhiyo. ‘‘Natthi yiṭṭha’’nti – vatthu…pe… ‘‘natthi huta’’nti – vatthu… ‘‘natthi sukatadukkaṭānaṃ kammānaṃ phalaṃ vipāko’’ti – vatthu… ‘‘natthi ayaṃ loko’’ti – vatthu… ‘‘natthi paro loko’’ti – vatthu… ‘‘natthi mātā’’ti – vatthu… ‘‘natthi pitā’’ti – vatthu… ‘‘natthi sattā opapātikā’’ti – vatthu… ‘‘natthi loke samaṇabrāhmaṇā sammaggatā 6 sammāpaṭipannā, ye imañca lokaṃ, parañca lokaṃ sayaṃ abhiññā sacchikatvā pavedentī’’ti – vatthu. Evaṃvādo micchābhinivesaparāmāso diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ dasamā micchāvatthukā micchādiṭṭhi. Micchādiṭṭhi diṭṭhivipatti…pe… micchādiṭṭhikassa purisapuggalassa dveva gatiyo…pe… imāni saññojanāni, na ca diṭṭhiyo. Micchādiṭṭhiyā imehi dasahākārehi abhiniveso hoti.
ಮಿಚ್ಛಾದಿಟ್ಠಿನಿದ್ದೇಸೋ ತತಿಯೋ।
Micchādiṭṭhiniddeso tatiyo.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಪಟಿಸಮ್ಭಿದಾಮಗ್ಗ-ಅಟ್ಠಕಥಾ • Paṭisambhidāmagga-aṭṭhakathā / ೩. ಮಿಚ್ಛಾದಿಟ್ಠಿನಿದ್ದೇಸವಣ್ಣನಾ • 3. Micchādiṭṭhiniddesavaṇṇanā
