| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૩. મિચ્છત્તસુત્તં
3. Micchattasuttaṃ
૧૦૩. ‘‘મિચ્છત્તં , ભિક્ખવે, આગમ્મ વિરાધના હોતિ, નો આરાધના. કથઞ્ચ, ભિક્ખવે, મિચ્છત્તં આગમ્મ વિરાધના હોતિ, નો આરાધના? મિચ્છાદિટ્ઠિકસ્સ, ભિક્ખવે, મિચ્છાસઙ્કપ્પો પહોતિ, મિચ્છાસઙ્કપ્પસ્સ મિચ્છાવાચા પહોતિ, મિચ્છાવાચસ્સ મિચ્છાકમ્મન્તો પહોતિ, મિચ્છાકમ્મન્તસ્સ મિચ્છાઆજીવો પહોતિ, મિચ્છાઆજીવસ્સ મિચ્છાવાયામો પહોતિ, મિચ્છાવાયામસ્સ મિચ્છાસતિ પહોતિ, મિચ્છાસતિસ્સ મિચ્છાસમાધિ પહોતિ, મિચ્છાસમાધિસ્સ મિચ્છાઞાણં પહોતિ, મિચ્છાઞાણિસ્સ 1 મિચ્છાવિમુત્તિ પહોતિ. એવં ખો, ભિક્ખવે, મિચ્છત્તં આગમ્મ વિરાધના હોતિ, નો આરાધના.
103. ‘‘Micchattaṃ , bhikkhave, āgamma virādhanā hoti, no ārādhanā. Kathañca, bhikkhave, micchattaṃ āgamma virādhanā hoti, no ārādhanā? Micchādiṭṭhikassa, bhikkhave, micchāsaṅkappo pahoti, micchāsaṅkappassa micchāvācā pahoti, micchāvācassa micchākammanto pahoti, micchākammantassa micchāājīvo pahoti, micchāājīvassa micchāvāyāmo pahoti, micchāvāyāmassa micchāsati pahoti, micchāsatissa micchāsamādhi pahoti, micchāsamādhissa micchāñāṇaṃ pahoti, micchāñāṇissa 2 micchāvimutti pahoti. Evaṃ kho, bhikkhave, micchattaṃ āgamma virādhanā hoti, no ārādhanā.
‘‘સમ્મત્તં, ભિક્ખવે, આગમ્મ આરાધના હોતિ, નો વિરાધના. કથઞ્ચ, ભિક્ખવે, સમ્મત્તં આગમ્મ આરાધના હોતિ, નો વિરાધના? સમ્માદિટ્ઠિકસ્સ, ભિક્ખવે, સમ્માસઙ્કપ્પો પહોતિ, સમ્માસઙ્કપ્પસ્સ સમ્માવાચા પહોતિ, સમ્માવાચસ્સ સમ્માકમ્મન્તો પહોતિ, સમ્માકમ્મન્તસ્સ સમ્માઆજીવો પહોતિ, સમ્માઆજીવસ્સ સમ્માવાયામો પહોતિ, સમ્માવાયામસ્સ સમ્માસતિ પહોતિ, સમ્માસતિસ્સ સમ્માસમાધિ પહોતિ, સમ્માસમાધિસ્સ સમ્માઞાણં પહોતિ, સમ્માઞાણિસ્સ 3 સમ્માવિમુત્તિ પહોતિ. એવં ખો, ભિક્ખવે, સમ્મત્તં આગમ્મ આરાધના હોતિ, નો વિરાધના’’તિ. તતિયં.
‘‘Sammattaṃ, bhikkhave, āgamma ārādhanā hoti, no virādhanā. Kathañca, bhikkhave, sammattaṃ āgamma ārādhanā hoti, no virādhanā? Sammādiṭṭhikassa, bhikkhave, sammāsaṅkappo pahoti, sammāsaṅkappassa sammāvācā pahoti, sammāvācassa sammākammanto pahoti, sammākammantassa sammāājīvo pahoti, sammāājīvassa sammāvāyāmo pahoti, sammāvāyāmassa sammāsati pahoti, sammāsatissa sammāsamādhi pahoti, sammāsamādhissa sammāñāṇaṃ pahoti, sammāñāṇissa 4 sammāvimutti pahoti. Evaṃ kho, bhikkhave, sammattaṃ āgamma ārādhanā hoti, no virādhanā’’ti. Tatiyaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૩. મિચ્છત્તસુત્તવણ્ણના • 3. Micchattasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૨. સમણસઞ્ઞાસુત્તાદિવણ્ણના • 1-12. Samaṇasaññāsuttādivaṇṇanā
