| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. મિચ્છાવાયામસુત્તં
10. Micchāvāyāmasuttaṃ
૧૨૦. ‘‘પઞ્ચહિ , ભિક્ખવે, ધમ્મેહિ સમન્નાગતા ભિક્ખુની યથાભતં નિક્ખિત્તા એવં નિરયે. કતમેહિ પઞ્ચહિ? અનનુવિચ્ચ અપરિયોગાહેત્વા અવણ્ણારહસ્સ વણ્ણં ભાસતિ, અનનુવિચ્ચ અપરિયોગાહેત્વા વણ્ણારહસ્સ અવણ્ણં ભાસતિ, મિચ્છાવાયામા ચ હોતિ, મિચ્છાસતિની ચ 1, સદ્ધાદેય્યં વિનિપાતેતિ. ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતા ભિક્ખુની યથાભતં નિક્ખિત્તા એવં નિરયે.
120. ‘‘Pañcahi , bhikkhave, dhammehi samannāgatā bhikkhunī yathābhataṃ nikkhittā evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati, ananuvicca apariyogāhetvā vaṇṇārahassa avaṇṇaṃ bhāsati, micchāvāyāmā ca hoti, micchāsatinī ca 2, saddhādeyyaṃ vinipāteti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ niraye.
‘‘પઞ્ચહિ, ભિક્ખવે, ધમ્મેહિ સમન્નાગતા ભિક્ખુની યથાભતં નિક્ખિત્તા એવં સગ્ગે. કતમેહિ પઞ્ચહિ? અનુવિચ્ચ પરિયોગાહેત્વા અવણ્ણારહસ્સ અવણ્ણં ભાસતિ, અનુવિચ્ચ પરિયોગાહેત્વા વણ્ણારહસ્સ વણ્ણં ભાસતિ, સમ્માવાયામા ચ હોતિ, સમ્માસતિની ચ, સદ્ધાદેય્યં ન વિનિપાતેતિ. ઇમેહિ ખો, ભિક્ખવે, પઞ્ચહિ ધમ્મેહિ સમન્નાગતા ભિક્ખુની યથાભતં નિક્ખિત્તા એવં સગ્ગે’’તિ. દસમં.
‘‘Pañcahi, bhikkhave, dhammehi samannāgatā bhikkhunī yathābhataṃ nikkhittā evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati, anuvicca pariyogāhetvā vaṇṇārahassa vaṇṇaṃ bhāsati, sammāvāyāmā ca hoti, sammāsatinī ca, saddhādeyyaṃ na vinipāteti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ sagge’’ti. Dasamaṃ.
અન્ધકવિન્દવગ્ગો દુતિયો.
Andhakavindavaggo dutiyo.
તસ્સુદ્દાનં –
Tassuddānaṃ –
કુલૂપકો પચ્છાસમણો, સમાધિઅન્ધકવિન્દં;
Kulūpako pacchāsamaṇo, samādhiandhakavindaṃ;
મચ્છરી વણ્ણના ઇસ્સા, દિટ્ઠિવાચાય વાયમાતિ.
Maccharī vaṇṇanā issā, diṭṭhivācāya vāyamāti.
Footnotes:
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫-૧૩. મચ્છરિનીસુત્તાદિવણ્ણના • 5-13. Maccharinīsuttādivaṇṇanā
