| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[372] 2. миг̇абод̇агаж̇аад̇агаван̣н̣анаа
[372] 2. Migapotakajātakavaṇṇanā
аг̇аараа бажжубзд̇ассаад̇и ид̣̇ам̣ сад̇т̇аа ж̇зд̇аванз вихаранд̇о згам̣ махаллагам̣ аараб̣бха гат̇зси. со гирзгам̣ д̣̇аарагам̣ баб̣б̣ааж̇зси. сааман̣зро д̇ам̣ саггажжам̣ убадтахид̇ваа абарабхааг̇з апаасугзна гааламагааси. д̇асса гаалагирияааяа махаллаго согаабхибхууд̇о маханд̇зна сад̣̇д̣̇зна барид̣̇званд̇о вижари. бхигкуу сан̃н̃аабзд̇ум̣ асаггонд̇аа д̇хаммасабхааяам̣ гат̇ам̣ самудтаабзсум̣ ‘‘аавусо, асуго наама махаллаго сааман̣зрасса гаалагирияааяа барид̣̇званд̇о вижарад̇и, маран̣ассад̇ибхааванааяа бариб̣аахиро зсо бхависсад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса зд̇асмим̣ мад̇з барид̣̇званд̇о вижарий’’д̇и вад̇ваа ад̇ийд̇ам̣ аахари.
Agārā paccupetassāti idaṃ satthā jetavane viharanto ekaṃ mahallakaṃ ārabbha kathesi. So kirekaṃ dārakaṃ pabbājesi. Sāmaṇero taṃ sakkaccaṃ upaṭṭhahitvā aparabhāge aphāsukena kālamakāsi. Tassa kālakiriyāya mahallako sokābhibhūto mahantena saddena paridevanto vicari. Bhikkhū saññāpetuṃ asakkontā dhammasabhāyaṃ kathaṃ samuṭṭhāpesuṃ ‘‘āvuso, asuko nāma mahallako sāmaṇerassa kālakiriyāya paridevanto vicarati, maraṇassatibhāvanāya paribāhiro eso bhavissatī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa etasmiṃ mate paridevanto vicarī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о саггад̇д̇ам̣ гаарзси. д̇ад̣̇аа зго гаасирадтаваасий б̣раахман̣о химаванд̇ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа палаапалзхи яаабзси. со згад̣̇ивасам̣ аран̃н̃з згам̣ мад̇амаад̇игам̣ миг̇абод̇агам̣ д̣̇исваа ассамам̣ аанзд̇ваа г̇ожарам̣ д̣̇ад̇ваа босзси. миг̇абод̇аго вад̣дханд̇о абхируубо ахоси собхаг̇г̇аббад̇д̇о. д̇аабасо д̇ам̣ ад̇д̇ано буд̇д̇агам̣ гад̇ваа барихарад̇и. згад̣̇ивасам̣ миг̇абод̇аго б̣ахум̣ д̇ин̣ам̣ каад̣̇ид̇ваа аж̇ийрагзна гааламагааси. д̇аабасо ‘‘буд̇д̇о мз мад̇о’’д̇и барид̣̇званд̇о вижарад̇и. д̇ад̣̇аа сагго д̣̇зварааж̇аа логам̣ бариг̇г̇ан̣ханд̇о д̇ам̣ д̇аабасам̣ д̣̇исваа ‘‘сам̣взж̇зссаами на’’нд̇и ааг̇анд̇ваа аагаасз тид̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto sakkattaṃ kāresi. Tadā eko kāsiraṭṭhavāsī brāhmaṇo himavantaṃ pavisitvā isipabbajjaṃ pabbajitvā phalāphalehi yāpesi. So ekadivasaṃ araññe ekaṃ matamātikaṃ migapotakaṃ disvā assamaṃ ānetvā gocaraṃ datvā posesi. Migapotako vaḍḍhanto abhirūpo ahosi sobhaggappatto. Tāpaso taṃ attano puttakaṃ katvā pariharati. Ekadivasaṃ migapotako bahuṃ tiṇaṃ khāditvā ajīrakena kālamakāsi. Tāpaso ‘‘putto me mato’’ti paridevanto vicarati. Tadā sakko devarājā lokaṃ pariggaṇhanto taṃ tāpasaṃ disvā ‘‘saṃvejessāmi na’’nti āgantvā ākāse ṭhito paṭhamaṃ gāthamāha –
116.
116.
‘‘аг̇аараа бажжубзд̇асса, анаг̇аарасса д̇з сад̇о;
‘‘Agārā paccupetassa, anagārassa te sato;
саман̣асса на д̇ам̣ саад̇ху, яам̣ бзд̇аманусожасий’’д̇и.
Samaṇassa na taṃ sādhu, yaṃ petamanusocasī’’ti.
д̇ам̣ суд̇ваа д̇аабасо д̣̇уд̇ияам̣ г̇аат̇амааха –
Taṃ sutvā tāpaso dutiyaṃ gāthamāha –
117.
117.
‘‘сам̣ваасзна хавз сагга, мануссасса миг̇асса ваа;
‘‘Saṃvāsena have sakka, manussassa migassa vā;
хад̣̇аяз ж̇ааяад̇з бзмам̣, на д̇ам̣ саггаа асожид̇у’’нд̇и.
Hadaye jāyate pemaṃ, na taṃ sakkā asocitu’’nti.
д̇ад̇т̇а на д̇ам̣ саггаад̇и д̇ам̣ мануссам̣ ваа д̇иражчаанам̣ ваа на саггаа асожид̇ум̣, сожаамиязвааханд̇и.
Tattha na taṃ sakkāti taṃ manussaṃ vā tiracchānaṃ vā na sakkā asocituṃ, socāmiyevāhanti.
д̇ад̇о сагго д̣̇вз г̇аат̇аа абхааси –
Tato sakko dve gāthā abhāsi –
118.
118.
‘‘мад̇ам̣ мариссам̣ род̣̇анд̇и, яз руд̣̇анд̇и лабанд̇и жа;
‘‘Mataṃ marissaṃ rodanti, ye rudanti lapanti ca;
д̇асмаа д̇вам̣ иси маа род̣̇и, род̣̇ид̇ам̣ могхамааху санд̇о.
Tasmā tvaṃ isi mā rodi, roditaṃ moghamāhu santo.
119.
119.
‘‘род̣̇ид̇зна хавз б̣рахмз, мад̇о бзд̇о самудтахз;
‘‘Roditena have brahme, mato peto samuṭṭhahe;
саб̣б̣з сан̇г̇амма род̣̇аама, ан̃н̃аман̃н̃асса н̃аад̇агз’’д̇и.
Sabbe saṅgamma rodāma, aññamaññassa ñātake’’ti.
д̇ад̇т̇а мариссанд̇и яо ид̣̇аани мариссад̇и, д̇ам̣. лабанд̇и жаад̇и вилабанд̇и жа. ид̣̇ам̣ вуд̇д̇ам̣ ход̇и – яз логз мад̇ан̃жа мариссанд̇ан̃жа род̣̇анд̇и, д̇з руд̣̇анд̇и жзва вилабанд̇и жа, д̇зсам̣ ассубажчиж̇ж̇анад̣̇ивасо наама над̇т̇и. гим̣гааран̣аа? сад̣̇ааби мад̇аанан̃жа мариссанд̇аанан̃жа ад̇т̇ид̇ааяа. д̇асмаа д̇вам̣ иси маа род̣̇и. гим̣гааран̣аа ? род̣̇ид̇ам̣ могхамааху санд̇од̇и, б̣уд̣̇д̇хаад̣̇аяо бана бан̣д̣ид̇аа род̣̇ид̇ам̣ ‘‘могха’’нд̇и вад̣̇анд̇и. мад̇о бзд̇од̇и яо зса мад̇о бзд̇од̇и вужжад̇и, яад̣̇и со род̣̇ид̇зна самудтахзяяа, звам̣ санд̇з гим̣ ниггаммаа ажчаама, саб̣б̣зва самааг̇амма ан̃н̃аман̃н̃асса н̃аад̇агз род̣̇аама. яасмаа бана д̇з род̣̇ид̇агааран̣аа на удтаханд̇и, д̇асмаа род̣̇ид̇асса могхабхаавам̣ саад̇хзд̇и.
Tattha marissanti yo idāni marissati, taṃ. Lapanti cāti vilapanti ca. Idaṃ vuttaṃ hoti – ye loke matañca marissantañca rodanti, te rudanti ceva vilapanti ca, tesaṃ assupacchijjanadivaso nāma natthi. Kiṃkāraṇā? Sadāpi matānañca marissantānañca atthitāya. Tasmā tvaṃ isi mā rodi. Kiṃkāraṇā ? Roditaṃ moghamāhu santoti, buddhādayo pana paṇḍitā roditaṃ ‘‘mogha’’nti vadanti. Mato petoti yo esa mato petoti vuccati, yadi so roditena samuṭṭhaheyya, evaṃ sante kiṃ nikkammā acchāma, sabbeva samāgamma aññamaññassa ñātake rodāma. Yasmā pana te roditakāraṇā na uṭṭhahanti, tasmā roditassa moghabhāvaṃ sādheti.
звам̣ саггасса гат̇знд̇асса д̇аабасо ‘‘нирад̇т̇агам̣ род̣̇ид̇а’’нд̇и саллагкзд̇ваа саггасса т̇уд̇им̣ гаронд̇о д̇иссо г̇аат̇аа абхааси –
Evaṃ sakkassa kathentassa tāpaso ‘‘niratthakaṃ rodita’’nti sallakkhetvā sakkassa thutiṃ karonto tisso gāthā abhāsi –
120.
120.
‘‘аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;
‘‘Ādittaṃ vata maṃ santaṃ, ghatasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
121.
121.
‘‘аб̣б̣ахи вад̇а мз саллам̣, яамааси хад̣̇аяассид̇ам̣;
‘‘Abbahi vata me sallaṃ, yamāsi hadayassitaṃ;
яо мз согабарзд̇асса, буд̇д̇асогам̣ абаануд̣̇и.
Yo me sokaparetassa, puttasokaṃ apānudi.
122.
122.
‘‘сохам̣ аб̣б̣уул̣хасаллосми, вийд̇асого анаавило;
‘‘Sohaṃ abbūḷhasallosmi, vītasoko anāvilo;
на сожаами на род̣̇аами, д̇ава суд̇ваана ваасаваа’’д̇и.
Na socāmi na rodāmi, tava sutvāna vāsavā’’ti.
д̇ад̇т̇а яамаасийд̇и яам̣ мз ааси. хад̣̇аяассид̇анд̇и хад̣̇аяз ниссид̇ам̣. абаануд̣̇ийд̇и нийхари. сагго д̇аабасасса оваад̣̇ам̣ д̣̇ад̇ваа сагадтаанамзва г̇ад̇о.
Tattha yamāsīti yaṃ me āsi. Hadayassitanti hadaye nissitaṃ. Apānudīti nīhari. Sakko tāpasassa ovādaṃ datvā sakaṭṭhānameva gato.
сад̇т̇аа ид̇хам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̇аабасо махаллаго ахоси, миг̇о сааман̣зро, сагго бана ахамзва ахоси’’нд̇и.
Satthā idhaṃ dhammadesanaṃ āharitvā jātakaṃ samodhānesi – ‘‘tadā tāpaso mahallako ahosi, migo sāmaṇero, sakko pana ahameva ahosi’’nti.
миг̇абод̇агаж̇аад̇агаван̣н̣анаа д̣̇уд̇ияаа.
Migapotakajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 372. миг̇абод̇агаж̇аад̇агам̣ • 372. Migapotakajātakaṃ
