| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਮਿਗਸਾਲਾਸੁਤ੍ਤવਣ੍ਣਨਾ
2. Migasālāsuttavaṇṇanā
੪੪. ਦੁਤਿਯੇ ਸਮਸਮਗਤਿਯਾਤਿ ਕ-ਕਾਰਸ੍ਸ ਯ-ਕਾਰવਸੇਨ ਨਿਦ੍ਦੇਸੋਤਿ ਆਹ ‘‘ਸਮਭਾવੇਨੇવ ਸਮਗਤਿਕਾ’’ਤਿ। ਭવਿਸ੍ਸਨ੍ਤੀਤਿ ਅਤੀਤਤ੍ਥੇ ਅਨਾਗਤવਚਨਂ ਕਤਨ੍ਤਿ ਆਹ ‘‘ਭવਿਸ੍ਸਨ੍ਤੀਤਿ ਜਾਤਾ’’ਤਿ। ਪੁਰਾਣਸ੍ਸ ਹਿ ਇਸਿਦਤ੍ਤਸ੍ਸ ਚ ਸਮਗਤਿਕਂ ਸਨ੍ਧਾਯ ਸਾ ਏવਮਾਹ।
44. Dutiye samasamagatiyāti ka-kārassa ya-kāravasena niddesoti āha ‘‘samabhāveneva samagatikā’’ti. Bhavissantīti atītatthe anāgatavacanaṃ katanti āha ‘‘bhavissantīti jātā’’ti. Purāṇassa hi isidattassa ca samagatikaṃ sandhāya sā evamāha.
ਅਮ੍ਮਕਾਤਿ ਮਾਤੁਗਾਮੋ। ਉਪਚਾਰવਚਨਞ੍ਹੇਤਂ। ਇਤ੍ਥੀਸੁ ਯਦਿਦਂ ਅਮ੍ਮਕਾ ਮਾਤੁਗਾਮੋ ਜਨਨੀ ਜਨਿਕਾਤਿ। ਤੇਨਾਹ ‘‘ਇਤ੍ਥੀ ਹੁਤ੍વਾ ਇਤ੍ਥਿਸਞ੍ਞਾਯ ਏવ ਸਮਨ੍ਨਾਗਤਾ’’ਤਿ।
Ammakāti mātugāmo. Upacāravacanañhetaṃ. Itthīsu yadidaṃ ammakā mātugāmo jananī janikāti. Tenāha ‘‘itthī hutvā itthisaññāya eva samannāgatā’’ti.
ਦਿਟ੍ਠਿਯਾ ਪਟਿવਿਜ੍ਝਿਤਬ੍ਬਂ ਅਪ੍ਪਟਿવਿਦ੍ਧਂ ਹੋਤੀਤਿ ਅਤ੍ਥਤੋ ਕਾਰਣਤੋ ਚ ਪਞ੍ਞਾਯ ਪਟਿવਿਜ੍ਝਿਤਬ੍ਬਂ ਅਪ੍ਪਟਿવਿਦ੍ਧਂ ਹੋਤਿ, ਨਿਜ੍ਜਟਂ ਨਿਗ੍ਗੁਮ੍ਬਂ ਕਤ੍વਾ ਯਾਥਾવਤੋ ਅવਿਦਿਤਂ ਹੋਤਿ। ਸਮਯੇ ਸਮਯੇ ਕਿਲੇਸੇਹਿ વਿਮੁਚ੍ਚਨਕਂ ਪੀਤਿਪਾਮੋਜ੍ਜਂ ਇਧ ਸਾਮਾਯਿਕਂ ਮ-ਕਾਰੇ ਅਕਾਰਸ੍ਸ ਦੀਘਂ ਕਤ੍વਾ। ਤੇਨਾਹ – ‘‘ਸਾਮਾਯਿਕਮ੍ਪਿ વਿਮੁਤ੍ਤਿਂ ਨ ਲਭਤੀਤਿ ਕਾਲਾਨੁਕਾਲਂ ਧਮ੍ਮਸ੍ਸવਨਂ ਨਿਸ੍ਸਾਯ ਪੀਤਿਪਾਮੋਜ੍ਜਂ ਨ ਲਭਤੀ’’ਤਿ। ਪਮਿਣਨ੍ਤੀਤਿ ਏਤ੍ਥ ਆਰਮ੍ਭਤ੍ਥੋ ਪ-ਸਦ੍ਦੋਤਿ ਆਹ ‘‘ਤੁਲੇਤੁਂ ਆਰਭਨ੍ਤੀ’’ਤਿ। ਪਣੀਤੋਤਿ વਿਸਿਟ੍ਠੋ।
Diṭṭhiyā paṭivijjhitabbaṃ appaṭividdhaṃ hotīti atthato kāraṇato ca paññāya paṭivijjhitabbaṃ appaṭividdhaṃ hoti, nijjaṭaṃ niggumbaṃ katvā yāthāvato aviditaṃ hoti. Samaye samaye kilesehi vimuccanakaṃ pītipāmojjaṃ idha sāmāyikaṃ ma-kāre akārassa dīghaṃ katvā. Tenāha – ‘‘sāmāyikampi vimuttiṃ na labhatīti kālānukālaṃ dhammassavanaṃ nissāya pītipāmojjaṃ na labhatī’’ti. Pamiṇantīti ettha ārambhattho pa-saddoti āha ‘‘tuletuṃ ārabhantī’’ti. Paṇītoti visiṭṭho.
ਤਦਨ੍ਤਰਨ੍ਤਿ વਚਨવਿਪਲ੍ਲਾਸੇਨ ਉਪਯੋਗਤ੍ਥੇ ਸਾਮਿવਚਨਂ ਕਤਨ੍ਤਿ ਆਹ ‘‘ਤਂ ਅਨ੍ਤਰਂ ਤਂ ਕਾਰਣ’’ਨ੍ਤਿ । ਲੋਭਸ੍ਸ ਅਪਰਾਪਰੁਪ੍ਪਤ੍ਤਿਯਾ ਬਹੁવਚਨવਸੇਨ ‘‘ਲੋਭਧਮ੍ਮਾ’’ਤਿ વੁਤ੍ਤਾ। ਸੀਲੇਨ વਿਸੇਸੀ ਅਹੋਸਿ ਮੇਥੁਨਧਮ੍ਮવਿਰਤਿਯਾ ਸਮਨ੍ਨਾਗਤਤ੍ਤਾ।
Tadantaranti vacanavipallāsena upayogatthe sāmivacanaṃ katanti āha ‘‘taṃ antaraṃ taṃ kāraṇa’’nti . Lobhassa aparāparuppattiyā bahuvacanavasena ‘‘lobhadhammā’’ti vuttā. Sīlena visesī ahosi methunadhammaviratiyā samannāgatattā.
ਮਿਗਸਾਲਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Migasālāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਮਿਗਸਾਲਾਸੁਤ੍ਤਂ • 2. Migasālāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਮਿਗਸਾਲਾਸੁਤ੍ਤવਣ੍ਣਨਾ • 2. Migasālāsuttavaṇṇanā
