| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౩. మిత్తసుత్తవణ్ణనా
3. Mittasuttavaṇṇanā
౫౩. తతియే సత్థోతి సద్ధించరో, జఙ్ఘసత్థో వా సకటసత్థో వా. మిత్తన్తి రోగే ఉప్పన్నే పాటఙ్కియా వా అఞ్ఞేన వా యానేన హరిత్వా ఖేమన్తసమ్పాపనేన మిత్తం. సకే ఘరేతి అత్తనో గేహే . తథారూపే రోగే జాతే పుత్తభరియాదయో జిగుచ్ఛన్తి, మాతా పన అసుచిమ్పి చన్దనం వియ మఞ్ఞతి. తస్మా సా సకే ఘరే మిత్తం. సహాయో అత్థజాతస్సాతి ఉప్పన్నకిచ్చస్స యో తం కిచ్చం వహతి నిత్థరతి, సో కిచ్చేసు సహ అయనభావేన సహాయో మిత్తం, సురాపానాదిసహాయా పన న మిత్తా. సమ్పరాయికన్తి సమ్పరాయహితం. తతియం.
53. Tatiye satthoti saddhiṃcaro, jaṅghasattho vā sakaṭasattho vā. Mittanti roge uppanne pāṭaṅkiyā vā aññena vā yānena haritvā khemantasampāpanena mittaṃ. Sake ghareti attano gehe . Tathārūpe roge jāte puttabhariyādayo jigucchanti, mātā pana asucimpi candanaṃ viya maññati. Tasmā sā sake ghare mittaṃ. Sahāyo atthajātassāti uppannakiccassa yo taṃ kiccaṃ vahati nittharati, so kiccesu saha ayanabhāvena sahāyo mittaṃ, surāpānādisahāyā pana na mittā. Samparāyikanti samparāyahitaṃ. Tatiyaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. మిత్తసుత్తం • 3. Mittasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౩. మిత్తసుత్తవణ్ణనా • 3. Mittasuttavaṇṇanā
