| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[82] 2. мид̇д̇авинд̣̇агаж̇аад̇агаван̣н̣анаа
[82] 2. Mittavindakajātakavaṇṇanā
ад̇иггамма раман̣аганд̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇уб̣б̣ажабхигкум̣ аараб̣бха гат̇зси. имасса бана ж̇аад̇агасса гассабасаммаасамб̣уд̣̇д̇хагаалигам̣ вад̇т̇у, д̇ам̣ д̣̇асаганибаад̇з махаамид̇д̇авинд̣̇агаж̇аад̇агз (ж̇аа. 1.1.82; 1.5.100 аад̣̇аяо) аави бхависсад̇и. д̇ад̣̇аа бана б̣од̇хисад̇д̇о имам̣ г̇аат̇амааха –
Atikkammaramaṇakanti idaṃ satthā jetavane viharanto ekaṃ dubbacabhikkhuṃ ārabbha kathesi. Imassa pana jātakassa kassapasammāsambuddhakālikaṃ vatthu, taṃ dasakanipāte mahāmittavindakajātake (jā. 1.1.82; 1.5.100 ādayo) āvi bhavissati. Tadā pana bodhisatto imaṃ gāthamāha –
82.
82.
‘‘ад̇иггамма раман̣агам̣, сад̣̇аамад̇д̇ан̃жа д̣̇уубхагам̣;
‘‘Atikkamma ramaṇakaṃ, sadāmattañca dūbhakaṃ;
свааси баасаан̣амаасийно, яасмаа ж̇ийвам̣ на могкасий’’д̇и.
Svāsi pāsāṇamāsīno, yasmā jīvaṃ na mokkhasī’’ti.
д̇ад̇т̇а раман̣аганд̇и д̇асмим̣ гаалз палигасса наамам̣, палигабаасаад̣̇ан̃жа ад̇игганд̇осийд̇и д̣̇ийбзд̇и. сад̣̇аамад̇д̇ан̃жаад̇и раж̇ад̇асса наамам̣, раж̇ад̇абаасаад̣̇ан̃жа ад̇игганд̇осийд̇и д̣̇ийбзд̇и. д̣̇уубхаганд̇и ман̣ино наамам̣, ман̣ибаасаад̣̇ан̃жа ад̇игганд̇осийд̇и д̣̇ийбзд̇и. сваасийд̇и со аси д̇вам̣. баасаан̣амаасийнод̇и куражаггам̣ наама баасаан̣амаяам̣ ваа ход̇и раж̇ад̇амаяам̣ ваа ман̣имаяам̣ ваа, д̇ам̣ бана баасаан̣амаяамзва. со жа д̇зна аасийно ад̇инивидто аж̇жход̇т̇адо. д̇асмаа баасаан̣зна аасийнад̇д̇аа ‘‘баасаан̣аасийно’’д̇и вад̇д̇аб̣б̣з б̣яан̃ж̇анасанд̇хивасзна магаарам̣ аад̣̇ааяа ‘‘баасаан̣амаасийно’’д̇и вуд̇д̇ам̣. баасаан̣ам̣ ваа аасийно, д̇ам̣ куражаггам̣ аасаж̇ж̇а баабун̣ид̇ваа тид̇од̇и ад̇т̇о. яасмаа ж̇ийвам̣ на могкасийд̇и яасмаа куражаггаа яаава д̇з баабам̣ на кийяад̇и, д̇аава ж̇ийванд̇оязва на мужжиссаси, д̇ам̣ аасийносийд̇и.
Tattha ramaṇakanti tasmiṃ kāle phalikassa nāmaṃ, phalikapāsādañca atikkantosīti dīpeti. Sadāmattañcāti rajatassa nāmaṃ, rajatapāsādañca atikkantosīti dīpeti. Dūbhakanti maṇino nāmaṃ, maṇipāsādañca atikkantosīti dīpeti. Svāsīti so asi tvaṃ. Pāsāṇamāsīnoti khuracakkaṃ nāma pāsāṇamayaṃ vā hoti rajatamayaṃ vā maṇimayaṃ vā, taṃ pana pāsāṇamayameva. So ca tena āsīno atiniviṭṭho ajjhotthaṭo. Tasmā pāsāṇena āsīnattā ‘‘pāsāṇāsīno’’ti vattabbe byañjanasandhivasena makāraṃ ādāya ‘‘pāsāṇamāsīno’’ti vuttaṃ. Pāsāṇaṃ vā āsīno, taṃ khuracakkaṃ āsajja pāpuṇitvā ṭhitoti attho. Yasmā jīvaṃ na mokkhasīti yasmā khuracakkā yāva te pāpaṃ na khīyati, tāva jīvantoyeva na muccissasi, taṃ āsīnosīti.
имам̣ г̇аат̇ам̣ вад̇ваа б̣од̇хисад̇д̇о ад̇д̇ано васанадтаанам̣язва г̇ад̇о. мид̇д̇авинд̣̇агоби куражаггам̣ угкибид̇ваа махаад̣̇угкам̣ анубхавамаано баабагаммз баригкийн̣з яат̇аагаммам̣ г̇ад̇о.
Imaṃ gāthaṃ vatvā bodhisatto attano vasanaṭṭhānaṃyeva gato. Mittavindakopi khuracakkaṃ ukkhipitvā mahādukkhaṃ anubhavamāno pāpakamme parikkhīṇe yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа мид̇д̇авинд̣̇аго д̣̇уб̣б̣ажабхигку ахоси, д̣̇зварааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā mittavindako dubbacabhikkhu ahosi, devarājā pana ahameva ahosi’’nti.
мид̇д̇авинд̣̇агаж̇аад̇агаван̣н̣анаа д̣̇уд̇ияаа.
Mittavindakajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 82. мид̇д̇авинд̣̇агаж̇аад̇агам̣ • 82. Mittavindakajātakaṃ
