| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[104] 4. мид̇д̇авинд̣̇агаж̇аад̇агаван̣н̣анаа
[104] 4. Mittavindakajātakavaṇṇanā
жад̇уб̣бхи адтаж̇жхаг̇амаад̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇уб̣б̣ажабхигкум̣ аараб̣бха гат̇зси. вад̇т̇у хздтаа мид̇д̇авинд̣̇агаж̇аад̇агз вуд̇д̇анаязна вид̇т̇аарзд̇аб̣б̣ам̣. ид̣̇ам̣ бана ж̇аад̇агам̣ гассабаб̣уд̣̇д̇хагаалигам̣. д̇асмин̃хи гаалз уражаггам̣ угкибид̇ваа нираяз бажжамаано зго нзраяигасад̇д̇о ‘‘бханд̇з, гим̣ ну ко баабагаммам̣ агааси’’нд̇и б̣од̇хисад̇д̇ам̣ бужчи. б̣од̇хисад̇д̇о ‘‘д̇аяаа ид̣̇ан̃жид̣̇ан̃жа баабагаммам̣ гад̇а’’нд̇и вад̇ваа имам̣ г̇аат̇амааха –
Catubbhi aṭṭhajjhagamāti idaṃ satthā jetavane viharanto ekaṃ dubbacabhikkhuṃ ārabbha kathesi. Vatthu heṭṭhā mittavindakajātake vuttanayena vitthāretabbaṃ. Idaṃ pana jātakaṃ kassapabuddhakālikaṃ. Tasmiñhi kāle uracakkaṃ ukkhipitvā niraye paccamāno eko nerayikasatto ‘‘bhante, kiṃ nu kho pāpakammaṃ akāsi’’nti bodhisattaṃ pucchi. Bodhisatto ‘‘tayā idañcidañca pāpakammaṃ kata’’nti vatvā imaṃ gāthamāha –
104.
104.
‘‘жад̇уб̣бхи адтаж̇жхаг̇амаа, адтаахиби жа сол̣аса;
‘‘Catubbhi aṭṭhajjhagamā, aṭṭhāhipi ca soḷasa;
сол̣асаахи жа б̣аад̇д̇им̣са, ад̇рижчам̣ жаггамаасад̣̇о;
Soḷasāhi ca bāttiṃsa, atricchaṃ cakkamāsado;
ижчаахад̇асса босасса, жаггам̣ бхамад̇и мад̇т̇агз’’д̇и.
Icchāhatassa posassa, cakkaṃ bhamati matthake’’ti.
д̇ад̇т̇а жад̇уб̣бхи адтаж̇жхаг̇амаад̇и самуд̣̇д̣̇анд̇арз жад̇ассо вимаанабзд̇ияо лабхид̇ваа д̇аахи асанд̇удто ад̇рижчад̇ааяа барад̇о г̇анд̇ваа абараа адта ад̇хиг̇ад̇осийд̇и ад̇т̇о. сзсабад̣̇ад̣̇ваязби зсзва наяо. ад̇рижчам̣ жаггамаасад̣̇од̇и звам̣ сагалаабхзна асанд̇удто ад̇ра ад̇ра ижчанд̇о барад̇о барад̇о лаабхам̣ бад̇т̇знд̇о ид̣̇аани жаггамаасад̣̇о ид̣̇ам̣ уражаггам̣ бад̇д̇оси. д̇асса д̇з звам̣ ижчаахад̇асса босасса д̇ан̣хааяа хад̇асса убахад̇асса д̇ава жаггам̣ бхамад̇и мад̇т̇агз. баасаан̣ажаггам̣, аяажагганд̇и имзсу д̣̇вийсу курад̇хаарам̣ аяажаггам̣ д̇асса мад̇т̇агз бунаббунам̣ бад̇анавасзна бхаманд̇ам̣ д̣̇исваа звамааха. вад̇ваа жа бана ад̇д̇ано д̣̇звалогамзва г̇ад̇о. соби нзраяигасад̇д̇о ад̇д̇ано баабз кийн̣з яат̇аагаммам̣ г̇ад̇о.
Tattha catubbhi aṭṭhajjhagamāti samuddantare catasso vimānapetiyo labhitvā tāhi asantuṭṭho atricchatāya parato gantvā aparā aṭṭha adhigatosīti attho. Sesapadadvayepi eseva nayo. Atricchaṃ cakkamāsadoti evaṃ sakalābhena asantuṭṭho atra atra icchanto parato parato lābhaṃ patthento idāni cakkamāsado idaṃ uracakkaṃ pattosi. Tassa te evaṃ icchāhatassa posassa taṇhāya hatassa upahatassa tava cakkaṃ bhamati matthake. Pāsāṇacakkaṃ, ayacakkanti imesu dvīsu khuradhāraṃ ayacakkaṃ tassa matthake punappunaṃ patanavasena bhamantaṃ disvā evamāha. Vatvā ca pana attano devalokameva gato. Sopi nerayikasatto attano pāpe khīṇe yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа мид̇д̇авинд̣̇аго д̣̇уб̣б̣ажабхигку ахоси, д̣̇звабуд̇д̇о бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā mittavindako dubbacabhikkhu ahosi, devaputto pana ahameva ahosi’’nti.
мид̇д̇авинд̣̇агаж̇аад̇агаван̣н̣анаа жад̇уд̇т̇аа.
Mittavindakajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 104. мид̇д̇авинд̣̇агаж̇аад̇агам̣ • 104. Mittavindakajātakaṃ
