| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. мол̣ияапаг̇г̇унасуд̇д̇ам̣
2. Moḷiyaphaggunasuttaṃ
12. саавад̇т̇ияам̣ вихарад̇и…бз… ‘‘жад̇д̇ааромз , бхигкавз, аахаараа бхууд̇аанам̣ ваа сад̇д̇аанам̣ тид̇ияаа самбхавзсийнам̣ ваа ануг̇г̇ахааяа. гад̇амз жад̇д̇ааро? габ̣ал̣ийгааро аахааро – ол̣аариго ваа сукумо ваа, пассо д̣̇уд̇ияо, маносан̃жзд̇анаа д̇ад̇ияаа, вин̃н̃аан̣ам̣ жад̇уд̇т̇ам̣. имз ко, бхигкавз, жад̇д̇ааро аахаараа бхууд̇аанам̣ ваа сад̇д̇аанам̣ тид̇ияаа самбхавзсийнам̣ ваа ануг̇г̇ахааяаа’’д̇и.
12. Sāvatthiyaṃ viharati…pe… ‘‘cattārome , bhikkhave, āhārā bhūtānaṃ vā sattānaṃ ṭhitiyā sambhavesīnaṃ vā anuggahāya. Katame cattāro? Kabaḷīkāro āhāro – oḷāriko vā sukhumo vā, phasso dutiyo, manosañcetanā tatiyā, viññāṇaṃ catutthaṃ. Ime kho, bhikkhave, cattāro āhārā bhūtānaṃ vā sattānaṃ ṭhitiyā sambhavesīnaṃ vā anuggahāyā’’ti.
звам̣ вуд̇д̇з, ааяасмаа мол̣ияапаг̇г̇уно бхаг̇аванд̇ам̣ зд̇ад̣̇авожа – ‘‘го ну ко, бханд̇з, вин̃н̃аан̣аахаарам̣ аахаарзд̇ий’’д̇и? ‘‘но галло бан̃хо’’д̇и бхаг̇аваа авожа – ‘‘‘аахаарзд̇ий’д̇и ахам̣ на вад̣̇аами. ‘аахаарзд̇ий’д̇и жаахам̣ вад̣̇зяяам̣, д̇ад̇расса галло бан̃хо – ‘го ну ко, бханд̇з, аахаарзд̇ий’д̇и ? звам̣ жаахам̣ на вад̣̇аами. звам̣ мам̣ авад̣̇анд̇ам̣ яо звам̣ бужчзяяа – ‘гисса ну ко, бханд̇з, вин̃н̃аан̣аахааро’д̇и, зса галло бан̃хо. д̇ад̇ра галлам̣ взяяаагаран̣ам̣ – ‘вин̃н̃аан̣аахааро ааяад̇им̣ бунаб̣бхаваабхиниб̣б̣ад̇д̇ияаа бажжаяо, д̇асмим̣ бхууд̇з сад̇и сал̣ааяад̇анам̣, сал̣ааяад̇анабажжаяаа пассо’’’д̇и.
Evaṃ vutte, āyasmā moḷiyaphagguno bhagavantaṃ etadavoca – ‘‘ko nu kho, bhante, viññāṇāhāraṃ āhāretī’’ti? ‘‘No kallo pañho’’ti bhagavā avoca – ‘‘‘āhāretī’ti ahaṃ na vadāmi. ‘Āhāretī’ti cāhaṃ vadeyyaṃ, tatrassa kallo pañho – ‘ko nu kho, bhante, āhāretī’ti ? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kissa nu kho, bhante, viññāṇāhāro’ti, esa kallo pañho. Tatra kallaṃ veyyākaraṇaṃ – ‘viññāṇāhāro āyatiṃ punabbhavābhinibbattiyā paccayo, tasmiṃ bhūte sati saḷāyatanaṃ, saḷāyatanapaccayā phasso’’’ti.
‘‘го ну ко, бханд̇з, пусад̇ий’’д̇и? ‘‘но галло бан̃хо’’д̇и бхаг̇аваа авожа – ‘‘‘пусад̇ий’д̇и ахам̣ на вад̣̇аами. ‘пусад̇ий’д̇и жаахам̣ вад̣̇зяяам̣, д̇ад̇расса галло бан̃хо – ‘го ну ко, бханд̇з, пусад̇ий’д̇и? звам̣ жаахам̣ на вад̣̇аами. звам̣ мам̣ авад̣̇анд̇ам̣ яо звам̣ бужчзяяа – ‘гим̣бажжаяаа ну ко, бханд̇з, пассо’д̇и, зса галло бан̃хо. д̇ад̇ра галлам̣ взяяаагаран̣ам̣ – ‘сал̣ааяад̇анабажжаяаа пассо, пассабажжаяаа взд̣̇анаа’’’д̇и.
‘‘Ko nu kho, bhante, phusatī’’ti? ‘‘No kallo pañho’’ti bhagavā avoca – ‘‘‘phusatī’ti ahaṃ na vadāmi. ‘Phusatī’ti cāhaṃ vadeyyaṃ, tatrassa kallo pañho – ‘ko nu kho, bhante, phusatī’ti? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kiṃpaccayā nu kho, bhante, phasso’ti, esa kallo pañho. Tatra kallaṃ veyyākaraṇaṃ – ‘saḷāyatanapaccayā phasso, phassapaccayā vedanā’’’ti.
‘‘го ну ко, бханд̇з, взд̣̇аяад̇ий’’д̇и 1? ‘‘но галло бан̃хо’’д̇и бхаг̇аваа авожа – ‘‘‘взд̣̇аяад̇ий’д̇и ахам̣ на вад̣̇аами. ‘взд̣̇аяад̇ий’д̇и жаахам̣ вад̣̇зяяам̣, д̇ад̇расса галло бан̃хо – ‘го ну ко, бханд̇з, взд̣̇аяад̇ий’д̇и? звам̣ жаахам̣ на вад̣̇аами. звам̣ мам̣ авад̣̇анд̇ам̣ яо звам̣ бужчзяяа – ‘гим̣бажжаяаа ну ко, бханд̇з, взд̣̇анаа’д̇и, зса галло бан̃хо. д̇ад̇ра галлам̣ взяяаагаран̣ам̣ – ‘пассабажжаяаа взд̣̇анаа, взд̣̇анаабажжаяаа д̇ан̣хаа’’’д̇и.
‘‘Ko nu kho, bhante, vedayatī’’ti 2? ‘‘No kallo pañho’’ti bhagavā avoca – ‘‘‘vedayatī’ti ahaṃ na vadāmi. ‘Vedayatī’ti cāhaṃ vadeyyaṃ, tatrassa kallo pañho – ‘ko nu kho, bhante, vedayatī’ti? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kiṃpaccayā nu kho, bhante, vedanā’ti, esa kallo pañho. Tatra kallaṃ veyyākaraṇaṃ – ‘phassapaccayā vedanā, vedanāpaccayā taṇhā’’’ti.
‘‘го ну ко, бханд̇з, д̇асад̇ий’’д̇и 3? ‘‘но галло бан̃хо’’д̇и бхаг̇аваа авожа – ‘‘‘д̇асад̇ий’д̇и ахам̣ на вад̣̇аами . ‘д̇асад̇ий’д̇и жаахам̣ вад̣̇зяяам̣, д̇ад̇расса галло бан̃хо – ‘го ну ко, бханд̇з, д̇асад̇ий’д̇и? звам̣ жаахам̣ на вад̣̇аами. звам̣ мам̣ авад̣̇анд̇ам̣ яо звам̣ бужчзяяа – ‘гим̣бажжаяаа ну ко, бханд̇з, д̇ан̣хаа’д̇и, зса галло бан̃хо. д̇ад̇ра галлам̣ взяяаагаран̣ам̣ – ‘взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аана’’’нд̇и.
‘‘Ko nu kho, bhante, tasatī’’ti 4? ‘‘No kallo pañho’’ti bhagavā avoca – ‘‘‘tasatī’ti ahaṃ na vadāmi . ‘Tasatī’ti cāhaṃ vadeyyaṃ, tatrassa kallo pañho – ‘ko nu kho, bhante, tasatī’ti? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kiṃpaccayā nu kho, bhante, taṇhā’ti, esa kallo pañho. Tatra kallaṃ veyyākaraṇaṃ – ‘vedanāpaccayā taṇhā, taṇhāpaccayā upādāna’’’nti.
‘‘го ну ко, бханд̇з, убаад̣̇ияад̇ий’’д̇и? ‘‘но галло бан̃хо’’д̇и бхаг̇аваа авожа – ‘‘‘убаад̣̇ияад̇ий’д̇и ахам̣ на вад̣̇аами. ‘убаад̣̇ияад̇ий’д̇и жаахам̣ вад̣̇зяяам̣, д̇ад̇расса галло бан̃хо – ‘го ну ко, бханд̇з, убаад̣̇ияад̇ий’д̇и? звам̣ жаахам̣ на вад̣̇аами. звам̣ мам̣ авад̣̇анд̇ам̣ яо звам̣ бужчзяяа – ‘гим̣бажжаяаа ну ко, бханд̇з, убаад̣̇аана’нд̇и, зса галло бан̃хо. д̇ад̇ра галлам̣ взяяаагаран̣ам̣ – ‘д̇ан̣хаабажжаяаа убаад̣̇аанам̣; убаад̣̇аанабажжаяаа бхаво’д̇и…бз… звамзд̇асса гзваласса д̣̇угкагканд̇хасса самуд̣̇аяо ход̇и.
‘‘Ko nu kho, bhante, upādiyatī’’ti? ‘‘No kallo pañho’’ti bhagavā avoca – ‘‘‘upādiyatī’ti ahaṃ na vadāmi. ‘Upādiyatī’ti cāhaṃ vadeyyaṃ, tatrassa kallo pañho – ‘ko nu kho, bhante, upādiyatī’ti? Evaṃ cāhaṃ na vadāmi. Evaṃ maṃ avadantaṃ yo evaṃ puccheyya – ‘kiṃpaccayā nu kho, bhante, upādāna’nti, esa kallo pañho. Tatra kallaṃ veyyākaraṇaṃ – ‘taṇhāpaccayā upādānaṃ; upādānapaccayā bhavo’ti…pe… evametassa kevalassa dukkhakkhandhassa samudayo hoti.
‘‘чаннам̣ д̇взва, паг̇г̇уна, пассааяад̇анаанам̣ асзсавирааг̇анирод̇хаа пассанирод̇хо; пассанирод̇хаа взд̣̇анаанирод̇хо; взд̣̇анаанирод̇хаа д̇ан̣хаанирод̇хо; д̇ан̣хаанирод̇хаа убаад̣̇аананирод̇хо; убаад̣̇аананирод̇хаа бхаванирод̇хо; бхаванирод̇хаа ж̇аад̇инирод̇хо; ж̇аад̇инирод̇хаа ж̇араамаран̣ам̣ согабарид̣̇звад̣̇угкад̣̇оманассубааяаасаа нируж̇жханд̇и. звамзд̇асса гзваласса д̣̇угкагканд̇хасса нирод̇хо ход̇ий’’д̇и. д̣̇уд̇ияам̣.
‘‘Channaṃ tveva, phagguna, phassāyatanānaṃ asesavirāganirodhā phassanirodho; phassanirodhā vedanānirodho; vedanānirodhā taṇhānirodho; taṇhānirodhā upādānanirodho; upādānanirodhā bhavanirodho; bhavanirodhā jātinirodho; jātinirodhā jarāmaraṇaṃ sokaparidevadukkhadomanassupāyāsā nirujjhanti. Evametassa kevalassa dukkhakkhandhassa nirodho hotī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. мол̣ияапаг̇г̇унасуд̇д̇аван̣н̣анаа • 2. Moḷiyaphaggunasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. мол̣ияапаг̇г̇унасуд̇д̇аван̣н̣анаа • 2. Moḷiyaphaggunasuttavaṇṇanā
