| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā |
੮. ਮੋਨੇਯ੍ਯਸੁਤ੍ਤવਣ੍ਣਨਾ
8. Moneyyasuttavaṇṇanā
੬੭. ਅਟ੍ਠਮੇ ਮੋਨੇਯ੍ਯਾਨੀਤਿ ਏਤ੍ਥ ਇਧਲੋਕਪਰਲੋਕਂ ਅਤ੍ਤਹਿਤਪਰਹਿਤਞ੍ਚ ਮੁਨਾਤੀਤਿ ਮੁਨਿ, ਕਲ੍ਯਾਣਪੁਥੁਜ੍ਜਨੇਨ ਸਦ੍ਧਿਂ ਸਤ੍ਤ ਸੇਕ੍ਖਾ ਅਰਹਾ ਚ। ਇਧ ਪਨ ਅਰਹਾવ ਅਧਿਪ੍ਪੇਤੋ। ਮੁਨਿਨੋ ਭਾવਾਤਿ ਮੋਨੇਯ੍ਯਾਨਿ, ਅਰਹਤੋ ਕਾਯવਚੀਮਨੋਸਮਾਚਾਰਾ।
67. Aṭṭhame moneyyānīti ettha idhalokaparalokaṃ attahitaparahitañca munātīti muni, kalyāṇaputhujjanena saddhiṃ satta sekkhā arahā ca. Idha pana arahāva adhippeto. Munino bhāvāti moneyyāni, arahato kāyavacīmanosamācārā.
ਅਥ વਾ ਮੁਨਿਭਾવਕਰਾ ਮੋਨੇਯ੍ਯਪਟਿਪਦਾਧਮ੍ਮਾ ਮੋਨੇਯ੍ਯਾਨਿ। ਤੇਸਮਯਂ વਿਤ੍ਥਾਰੋ –
Atha vā munibhāvakarā moneyyapaṭipadādhammā moneyyāni. Tesamayaṃ vitthāro –
‘‘ਤਤ੍ਥ ਕਤਮਂ ਕਾਯਮੋਨੇਯ੍ਯਂ? ਤਿવਿਧਕਾਯਦੁਚ੍ਚਰਿਤਸ੍ਸ ਪਹਾਨਂ ਕਾਯਮੋਨੇਯ੍ਯਂ, ਤਿવਿਧਂ ਕਾਯਸੁਚਰਿਤਂ ਕਾਯਮੋਨੇਯ੍ਯਂ, ਕਾਯਾਰਮ੍ਮਣੇ ਞਾਣਂ ਕਾਯਮੋਨੇਯ੍ਯਂ, ਕਾਯਪਰਿਞ੍ਞਾ ਕਾਯਮੋਨੇਯ੍ਯਂ, ਪਰਿਞ੍ਞਾਸਹਗਤੋ ਮਗ੍ਗੋ ਕਾਯਮੋਨੇਯ੍ਯਂ, ਕਾਯਸ੍ਮਿਂ ਛਨ੍ਦਰਾਗਪ੍ਪਹਾਨਂ ਕਾਯਮੋਨੇਯ੍ਯਂ, ਕਾਯਸਙ੍ਖਾਰਨਿਰੋਧਾ ਚਤੁਤ੍ਥਜ੍ਝਾਨਸਮਾਪਤ੍ਤਿ ਕਾਯਮੋਨੇਯ੍ਯਂ।
‘‘Tattha katamaṃ kāyamoneyyaṃ? Tividhakāyaduccaritassa pahānaṃ kāyamoneyyaṃ, tividhaṃ kāyasucaritaṃ kāyamoneyyaṃ, kāyārammaṇe ñāṇaṃ kāyamoneyyaṃ, kāyapariññā kāyamoneyyaṃ, pariññāsahagato maggo kāyamoneyyaṃ, kāyasmiṃ chandarāgappahānaṃ kāyamoneyyaṃ, kāyasaṅkhāranirodhā catutthajjhānasamāpatti kāyamoneyyaṃ.
‘‘ਤਤ੍ਥ ਕਤਮਂ વਚੀਮੋਨੇਯ੍ਯਂ? ਚਤੁਬ੍ਬਿਧવਚੀਦੁਚ੍ਚਰਿਤਸ੍ਸ ਪਹਾਨਂ વਚੀਮੋਨੇਯ੍ਯਂ, ਚਤੁਬ੍ਬਿਧਂ વਚੀਸੁਚਰਿਤਂ, વਾਚਾਰਮ੍ਮਣੇ ਞਾਣਂ, વਾਚਾਪਰਿਞ੍ਞਾ, ਪਰਿਞ੍ਞਾਸਹਗਤੋ ਮਗ੍ਗੋ, વਾਚਾਯ ਛਨ੍ਦਰਾਗਪ੍ਪਹਾਨਂ, વਚੀਸਙ੍ਖਾਰਨਿਰੋਧਾ ਦੁਤਿਯਜ੍ਝਾਨਸਮਾਪਤ੍ਤਿ વਚੀਮੋਨੇਯ੍ਯਂ।
‘‘Tattha katamaṃ vacīmoneyyaṃ? Catubbidhavacīduccaritassa pahānaṃ vacīmoneyyaṃ, catubbidhaṃ vacīsucaritaṃ, vācārammaṇe ñāṇaṃ, vācāpariññā, pariññāsahagato maggo, vācāya chandarāgappahānaṃ, vacīsaṅkhāranirodhā dutiyajjhānasamāpatti vacīmoneyyaṃ.
‘‘ਤਤ੍ਥ ਕਤਮਂ ਮਨੋਮੋਨੇਯ੍ਯਂ? ਤਿવਿਧਮਨੋਦੁਚ੍ਚਰਿਤਸ੍ਸ ਪਹਾਨਂ ਮਨੋਮੋਨੇਯ੍ਯਂ, ਤਿવਿਧਂ ਮਨੋਸੁਚਰਿਤਂ, ਮਨਾਰਮ੍ਮਣੇ ਞਾਣਂ, ਮਨੋਪਰਿਞ੍ਞਾ, ਪਰਿਞ੍ਞਾਸਹਗਤੋ ਮਗ੍ਗੋ, ਮਨਸ੍ਮਿਂ ਛਨ੍ਦਰਾਗਪ੍ਪਹਾਨਂ, ਚਿਤ੍ਤਸਙ੍ਖਾਰਨਿਰੋਧਾ ਸਞ੍ਞਾવੇਦਯਿਤਨਿਰੋਧਸਮਾਪਤ੍ਤਿ ਮਨੋਮੋਨੇਯ੍ਯ’’ਨ੍ਤਿ (ਮਹਾਨਿ॰ ੧੪; ਚੂਲ਼ਨਿ॰ ਮੇਤ੍ਤਗੂਮਾਣવਪੁਚ੍ਛਾਨਿਦ੍ਦੇਸ ੨੧)।
‘‘Tattha katamaṃ manomoneyyaṃ? Tividhamanoduccaritassa pahānaṃ manomoneyyaṃ, tividhaṃ manosucaritaṃ, manārammaṇe ñāṇaṃ, manopariññā, pariññāsahagato maggo, manasmiṃ chandarāgappahānaṃ, cittasaṅkhāranirodhā saññāvedayitanirodhasamāpatti manomoneyya’’nti (mahāni. 14; cūḷani. mettagūmāṇavapucchāniddesa 21).
ਨਿਨ੍ਹਾਤਪਾਪਕਨ੍ਤਿ ਅਗ੍ਗਮਗ੍ਗਜਲੇਨ ਸੁਟ੍ਠੁ વਿਕ੍ਖਾਲਿਤਪਾਪਮਲਂ।
Ninhātapāpakanti aggamaggajalena suṭṭhu vikkhālitapāpamalaṃ.
ਅਟ੍ਠਮਸੁਤ੍ਤવਣ੍ਣਨਾ ਨਿਟ੍ਠਿਤਾ।
Aṭṭhamasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਇਤਿવੁਤ੍ਤਕਪਾਲ਼ਿ • Itivuttakapāḷi / ੮. ਮੋਨੇਯ੍ਯਸੁਤ੍ਤਂ • 8. Moneyyasuttaṃ
