| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[159] 9. мораж̇аад̇агаван̣н̣анаа
[159] 9. Morajātakavaṇṇanā
уд̣̇зд̇аяам̣ жагкумаа згарааж̇аад̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкум̣ аараб̣бха гат̇зси. со хи бхигку бхигкуухи сад̇т̇у санд̇игам̣ нийд̇о ‘‘сажжам̣ гира, д̇вам̣ бхигку, угган̣тид̇о’’д̇и вуд̇д̇з ‘‘сажжам̣, бханд̇з’’д̇и вад̇ваа ‘‘гим̣ д̣̇исваа’’д̇и вуд̇д̇з ‘‘згам̣ алан̇гад̇абадияад̇д̇асарийрам̣ маад̇уг̇аамам̣ ологзд̇ваа’’д̇и ааха. ат̇а нам̣ сад̇т̇аа ‘‘бхигку маад̇уг̇аамо наама гасмаа д̇умхаад̣̇исаанам̣ жид̇д̇ам̣ наалул̣зссад̇и, бораан̣агабан̣д̣ид̇аанамби хи маад̇уг̇аамасса сад̣̇д̣̇ам̣ суд̇ваа сад̇д̇а вассасад̇аани асамуд̣̇аажин̣н̣агилзсаа огаасам̣ лабхид̇ваа кан̣знзва самуд̣̇аажарим̣су. висуд̣̇д̇хааби сад̇д̇аа сам̣гилиссанд̇и, уд̇д̇амаяасасаман̇г̇иноби ааяасагяам̣ баабун̣анд̇и, баг̇зва абарисуд̣̇д̇хаа’’д̇и вад̇ваа ад̇ийд̇ам̣ аахари.
Udetayaṃcakkhumā ekarājāti idaṃ satthā jetavane viharanto ekaṃ ukkaṇṭhitabhikkhuṃ ārabbha kathesi. So hi bhikkhu bhikkhūhi satthu santikaṃ nīto ‘‘saccaṃ kira, tvaṃ bhikkhu, ukkaṇṭhito’’ti vutte ‘‘saccaṃ, bhante’’ti vatvā ‘‘kiṃ disvā’’ti vutte ‘‘ekaṃ alaṅkatapaṭiyattasarīraṃ mātugāmaṃ oloketvā’’ti āha. Atha naṃ satthā ‘‘bhikkhu mātugāmo nāma kasmā tumhādisānaṃ cittaṃ nāluḷessati, porāṇakapaṇḍitānampi hi mātugāmassa saddaṃ sutvā satta vassasatāni asamudāciṇṇakilesā okāsaṃ labhitvā khaṇeneva samudācariṃsu. Visuddhāpi sattā saṃkilissanti, uttamayasasamaṅginopi āyasakyaṃ pāpuṇanti, pageva aparisuddhā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о мораяонияам̣ бадисанд̇хим̣ г̇ахзд̇ваа ан̣д̣агаалзби ган̣игаарамагул̣аван̣н̣аан̣д̣агосо худ̇ваа ан̣д̣ам̣ бхинд̣̇ид̇ваа нигканд̇о суван̣н̣аван̣н̣о ахоси д̣̇ассанийяо баасаад̣̇иго багкаанам̣ анд̇арз сурад̇д̇арааж̇ивирааж̇ид̇о, со ад̇д̇ано ж̇ийвид̇ам̣ рагканд̇о д̇иссо баб̣б̣ад̇арааж̇ияо ад̇иггамма жад̇уд̇т̇ааяа баб̣б̣ад̇арааж̇ияаа згасмим̣ д̣̇ан̣д̣агахиран̃н̃абаб̣б̣ад̇ад̇алз ваасам̣ габбзси. со бабхаад̇ааяа рад̇д̇ияаа баб̣б̣ад̇амад̇т̇агз нисинно суурияам̣ уг̇г̇ажчанд̇ам̣ ологзд̇ваа ад̇д̇ано г̇ожарабхуумияам̣ рагкааваран̣ад̇т̇ааяа б̣рахмаманд̇ам̣ б̣анд̇ханд̇о ‘‘уд̣̇зд̇аяа’’нд̇иаад̣̇имааха.
Atīte bārāṇasiyaṃ brahmadatte rajjaṃ kārente bodhisatto morayoniyaṃ paṭisandhiṃ gahetvā aṇḍakālepi kaṇikāramakuḷavaṇṇaaṇḍakoso hutvā aṇḍaṃ bhinditvā nikkhanto suvaṇṇavaṇṇo ahosi dassanīyo pāsādiko pakkhānaṃ antare surattarājivirājito, so attano jīvitaṃ rakkhanto tisso pabbatarājiyo atikkamma catutthāya pabbatarājiyā ekasmiṃ daṇḍakahiraññapabbatatale vāsaṃ kappesi. So pabhātāya rattiyā pabbatamatthake nisinno sūriyaṃ uggacchantaṃ oloketvā attano gocarabhūmiyaṃ rakkhāvaraṇatthāya brahmamantaṃ bandhanto ‘‘udetaya’’ntiādimāha.
17.
17.
‘‘уд̣̇зд̇аяам̣ жагкумаа згарааж̇аа,
‘‘Udetayaṃ cakkhumā ekarājā,
хариссаван̣н̣о бат̇авиббабхаасо;
Harissavaṇṇo pathavippabhāso;
д̇ам̣ д̇ам̣ намассаами хариссаван̣н̣ам̣ бат̇авиббабхаасам̣,
Taṃ taṃ namassāmi harissavaṇṇaṃ pathavippabhāsaṃ,
д̇аяааж̇ж̇а г̇уд̇д̇аа вихарзму д̣̇иваса’’нд̇и.
Tayājja guttā viharemu divasa’’nti.
д̇ад̇т̇а уд̣̇зд̇ийд̇и баажийналогад̇хаад̇уд̇о уг̇г̇ажчад̇и. жагкумаад̇и сагалажаггаваал̣аваасийнам̣ анд̇хагаарам̣ вид̇хамид̇ваа жагкубадилаабхагаран̣зна яам̣ д̇зна д̇зсам̣ д̣̇иннам̣ жагку, д̇зна жагкунаа жагкумаа. згарааж̇аад̇и сагалажаггаваал̣з аалогагараанам̣ анд̇арз сздтависидтадтзна згарааж̇аа. хариссаван̣н̣од̇и харисамаанаван̣н̣о, суван̣н̣аван̣н̣од̇и ад̇т̇о. бат̇авиббабхаасод̇и бат̇авияаа бабхаасо. д̇ам̣ д̇ам̣ намассаамийд̇и д̇асмаа д̇ам̣ зваруубам̣ бхаванд̇ам̣ намассаами ванд̣̇аами. д̇аяааж̇ж̇а г̇уд̇д̇аа вихарзму д̣̇ивасанд̇и д̇аяаа аж̇ж̇а рагкид̇аа г̇обид̇аа худ̇ваа имам̣ д̣̇ивасам̣ жад̇уирияаабат̇авихаарзна сукам̣ вихарзяяаама.
Tattha udetīti pācīnalokadhātuto uggacchati. Cakkhumāti sakalacakkavāḷavāsīnaṃ andhakāraṃ vidhamitvā cakkhupaṭilābhakaraṇena yaṃ tena tesaṃ dinnaṃ cakkhu, tena cakkhunā cakkhumā. Ekarājāti sakalacakkavāḷe ālokakarānaṃ antare seṭṭhavisiṭṭhaṭṭhena ekarājā. Harissavaṇṇoti harisamānavaṇṇo, suvaṇṇavaṇṇoti attho. Pathavippabhāsoti pathaviyā pabhāso. Taṃ taṃ namassāmīti tasmā taṃ evarūpaṃ bhavantaṃ namassāmi vandāmi. Tayājja guttā viharemu divasanti tayā ajja rakkhitā gopitā hutvā imaṃ divasaṃ catuiriyāpathavihārena sukhaṃ vihareyyāma.
звам̣ б̣од̇хисад̇д̇о имааяа г̇аат̇ааяа суурияам̣ намассид̇ваа д̣̇уд̇ияаг̇аат̇ааяа ад̇ийд̇з бариниб̣б̣уд̇з б̣уд̣̇д̇хз жзва б̣уд̣̇д̇хаг̇ун̣з жа намассад̇и.
Evaṃ bodhisatto imāya gāthāya sūriyaṃ namassitvā dutiyagāthāya atīte parinibbute buddhe ceva buddhaguṇe ca namassati.
‘‘яз б̣раахман̣аа взд̣̇аг̇уу саб̣б̣ад̇хаммз, д̇з мз намо д̇з жа мам̣ баалаяанд̇у;
‘‘Ye brāhmaṇā vedagū sabbadhamme, te me namo te ca maṃ pālayantu;
намад̇т̇у б̣уд̣̇д̇хаанам̣ намад̇т̇у б̣од̇хияаа, намо вимуд̇д̇аанам̣ намо вимуд̇д̇ияаа;
Namatthu buddhānaṃ namatthu bodhiyā, namo vimuttānaṃ namo vimuttiyā;
имам̣ со барид̇д̇ам̣ гад̇ваа, моро жарад̇и зсанаа’’д̇и.
Imaṃ so parittaṃ katvā, moro carati esanā’’ti.
д̇ад̇т̇а яз б̣раахман̣аад̇и яз б̣аахид̇абаабаа висуд̣̇д̇хиб̣раахман̣аа. взд̣̇аг̇ууд̇и взд̣̇аанам̣ баарам̣ г̇ад̇аад̇иби взд̣̇аг̇уу, взд̣̇зхи баарам̣ г̇ад̇аад̇иби взд̣̇аг̇уу. ид̇ха бана саб̣б̣з сан̇кад̇аасан̇кад̇ад̇хаммз вид̣̇ид̇з баагадз гад̇ваа г̇ад̇аад̇и взд̣̇аг̇уу. д̇знзвааха ‘‘саб̣б̣ад̇хаммз’’д̇и. саб̣б̣з канд̇хааяад̇анад̇хаад̇уд̇хаммз салагкан̣асааман̃н̃алагкан̣авасзна ад̇д̇ано н̃аан̣асса вид̣̇ид̇з баагадз гад̇ваа г̇ад̇аа, д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа д̣̇асасахассилогад̇хаад̇ум̣ уннаад̣̇зд̇ваа б̣од̇хид̇алз саммаасамб̣од̇хим̣ бад̇ваа сам̣саарам̣ ваа ад̇игганд̇аад̇и ад̇т̇о. д̇з мз намод̇и д̇з мама имам̣ намаггаарам̣ бадижчанд̇у. д̇з жа мам̣ баалаяанд̇ууд̇и звам̣ маяаа намассид̇аа жа д̇з бхаг̇аванд̇о мам̣ баалзнд̇у рагканд̇у г̇обзнд̇у. намад̇т̇у б̣уд̣̇д̇хаанам̣ намад̇т̇у б̣од̇хияаа, намо вимуд̇д̇аанам̣ намо вимуд̇д̇ияаад̇и аяам̣ мама намаггааро ад̇ийд̇аанам̣ бариниб̣б̣уд̇аанам̣ б̣уд̣̇д̇хаанам̣ ад̇т̇у, д̇зсан̃н̃зва жад̇уусу жа маг̇г̇зсу жад̇уусу палзсу н̃аан̣асан̇каад̇ааяа б̣од̇хияаа ад̇т̇у, д̇ат̇аа д̇зсан̃н̃зва арахад̇д̇апалавимуд̇д̇ияаа вимуд̇д̇аанам̣ ад̇т̇у, яаа жа нзсам̣ д̇ад̣̇ан̇г̇авимуд̇д̇и вигкамбханавимуд̇д̇и самужчзд̣̇авимуд̇д̇и бадиббассад̣̇д̇хивимуд̇д̇и ниссаран̣авимуд̇д̇ийд̇и бан̃жавид̇хаа вимуд̇д̇и, д̇ассаа нзсам̣ вимуд̇д̇ияааби аяам̣ маяхам̣ намаггааро ад̇т̇ууд̇и. ‘‘имам̣ со барид̇д̇ам̣ гад̇ваа, моро жарад̇и зсанаа’’д̇и ид̣̇ам̣ бана бад̣̇ад̣̇ваяам̣ сад̇т̇аа абхисамб̣уд̣̇д̇хо худ̇ваа ааха. д̇ассад̇т̇о – бхигкавз, со моро имам̣ барид̇д̇ам̣ имам̣ рагкам̣ гад̇ваа ад̇д̇ано г̇ожарабхуумияам̣ бубпапалаад̣̇ийнам̣ ад̇т̇ааяа наанаббагаарааяа зсанааяа жарад̇и.
Tattha ye brāhmaṇāti ye bāhitapāpā visuddhibrāhmaṇā. Vedagūti vedānaṃ pāraṃ gatātipi vedagū, vedehi pāraṃ gatātipi vedagū. Idha pana sabbe saṅkhatāsaṅkhatadhamme vidite pākaṭe katvā gatāti vedagū. Tenevāha ‘‘sabbadhamme’’ti. Sabbe khandhāyatanadhātudhamme salakkhaṇasāmaññalakkhaṇavasena attano ñāṇassa vidite pākaṭe katvā gatā, tiṇṇaṃ mārānaṃ matthakaṃ madditvā dasasahassilokadhātuṃ unnādetvā bodhitale sammāsambodhiṃ patvā saṃsāraṃ vā atikkantāti attho. Te me namoti te mama imaṃ namakkāraṃ paṭicchantu. Te ca maṃ pālayantūti evaṃ mayā namassitā ca te bhagavanto maṃ pālentu rakkhantu gopentu. Namatthu buddhānaṃ namatthu bodhiyā, namo vimuttānaṃ namo vimuttiyāti ayaṃ mama namakkāro atītānaṃ parinibbutānaṃ buddhānaṃ atthu, tesaññeva catūsu ca maggesu catūsu phalesu ñāṇasaṅkhātāya bodhiyā atthu, tathā tesaññeva arahattaphalavimuttiyā vimuttānaṃ atthu, yā ca nesaṃ tadaṅgavimutti vikkhambhanavimutti samucchedavimutti paṭippassaddhivimutti nissaraṇavimuttīti pañcavidhā vimutti, tassā nesaṃ vimuttiyāpi ayaṃ mayhaṃ namakkāro atthūti. ‘‘Imaṃ so parittaṃ katvā, moro carati esanā’’ti idaṃ pana padadvayaṃ satthā abhisambuddho hutvā āha. Tassattho – bhikkhave, so moro imaṃ parittaṃ imaṃ rakkhaṃ katvā attano gocarabhūmiyaṃ pupphaphalādīnaṃ atthāya nānappakārāya esanāya carati.
звам̣ д̣̇ивасам̣ жарид̇ваа сааяам̣ баб̣б̣ад̇амад̇т̇агз нисийд̣̇ид̇ваа ад̇т̇ан̇г̇ад̇ам̣ суурияам̣ ологзнд̇о б̣уд̣̇д̇хаг̇ун̣з ааваж̇ж̇зд̇ваа ниваасадтаанз рагкааваран̣ад̇т̇ааяа буна б̣рахмаманд̇ам̣ б̣анд̇ханд̇о ‘‘абзд̇аяа’’нд̇иаад̣̇имааха.
Evaṃ divasaṃ caritvā sāyaṃ pabbatamatthake nisīditvā atthaṅgataṃ sūriyaṃ olokento buddhaguṇe āvajjetvā nivāsaṭṭhāne rakkhāvaraṇatthāya puna brahmamantaṃ bandhanto ‘‘apetaya’’ntiādimāha.
18.
18.
‘‘абзд̇аяам̣ жагкумаа згарааж̇аа, хариссаван̣н̣о бат̇авиббабхаасо;
‘‘Apetayaṃ cakkhumā ekarājā, harissavaṇṇo pathavippabhāso;
д̇ам̣ д̇ам̣ намассаами хариссаван̣н̣ам̣ бат̇авиббабхаасам̣, д̇аяааж̇ж̇а г̇уд̇д̇аа вихарзму рад̇д̇им̣.
Taṃ taṃ namassāmi harissavaṇṇaṃ pathavippabhāsaṃ, tayājja guttā viharemu rattiṃ.
‘‘яз б̣раахман̣аа взд̣̇аг̇уу саб̣б̣ад̇хаммз, д̇з мз намо д̇з жа мам̣ баалаяанд̇у;
‘‘Ye brāhmaṇā vedagū sabbadhamme, te me namo te ca maṃ pālayantu;
намад̇т̇у б̣уд̣̇д̇хаанам̣ намад̇т̇у б̣од̇хияаа, намо вимуд̇д̇аанам̣ намо вимуд̇д̇ияаа;
Namatthu buddhānaṃ namatthu bodhiyā, namo vimuttānaṃ namo vimuttiyā;
имам̣ со барид̇д̇ам̣ гад̇ваа, моро ваасамагаббаяий’’д̇и.
Imaṃ so parittaṃ katvā, moro vāsamakappayī’’ti.
д̇ад̇т̇а абзд̇ийд̇и абаяаад̇и ад̇т̇ам̣ г̇ажчад̇и. имам̣ со барид̇д̇ам̣ гад̇ваа, моро ваасамагаббаяийд̇и ид̣̇амби абхисамб̣уд̣̇д̇хо худ̇ваа ааха. д̇ассад̇т̇о – бхигкавз , со моро имам̣ барид̇д̇ам̣ имам̣ рагкам̣ гад̇ваа ад̇д̇ано ниваасадтаанз ваасам̣ габбаяид̇т̇а, д̇асса рад̇д̇им̣ ваа д̣̇иваа ваа имасса барид̇д̇ассаанубхаавзна нзва бхаяам̣, на ломахам̣со ахоси.
Tattha apetīti apayāti atthaṃ gacchati. Imaṃ so parittaṃ katvā, moro vāsamakappayīti idampi abhisambuddho hutvā āha. Tassattho – bhikkhave , so moro imaṃ parittaṃ imaṃ rakkhaṃ katvā attano nivāsaṭṭhāne vāsaṃ kappayittha, tassa rattiṃ vā divā vā imassa parittassānubhāvena neva bhayaṃ, na lomahaṃso ahosi.
ат̇зго б̣аараан̣асияаа авид̣̇уурз нзсаад̣̇аг̇аамаваасий нзсаад̣̇о химаванд̇абад̣̇зсз вижаранд̇о д̇асмим̣ д̣̇ан̣д̣агахиран̃н̃абаб̣б̣ад̇амад̇т̇агз нисиннам̣ б̣од̇хисад̇д̇ам̣ д̣̇исваа ааг̇анд̇ваа буд̇д̇асса аарожзси. ат̇згад̣̇ивасам̣ кзмаа наама б̣аараан̣асиран̃н̃о д̣̇звий субинзна суван̣н̣аван̣н̣ам̣ морам̣ д̇хаммам̣ д̣̇зсзнд̇ам̣ д̣̇исваа баб̣уд̣̇д̇хагаалз ран̃н̃о аарожзси – ‘‘ахам̣, д̣̇зва, суван̣н̣аван̣н̣асса морасса д̇хаммам̣ сод̇угаамаа’’д̇и. рааж̇аа амажжз бужчи. амажжаа ‘‘б̣раахман̣аа ж̇ааниссанд̇ий’’д̇и аахам̣су. б̣раахман̣аа д̇ам̣ суд̇ваа ‘‘суван̣н̣аван̣н̣аа мораа наама хонд̇ий’’д̇и вад̇ваа ‘‘гад̇т̇а хонд̇ий’’д̇и вуд̇д̇з ‘‘нзсаад̣̇аа ж̇ааниссанд̇ий’’д̇и аахам̣су. рааж̇аа нзсаад̣̇з саннибаад̇зд̇ваа бужчи. ат̇а со нзсаад̣̇абуд̇д̇о ‘‘аама, махаарааж̇а, д̣̇ан̣д̣агахиран̃н̃абаб̣б̣ад̇о наама ад̇т̇и, д̇ад̇т̇а суван̣н̣аван̣н̣о моро васад̇ий’’д̇и ааха. ‘‘д̇зна хи д̇ам̣ морам̣ амаарзд̇ваа б̣анд̇хид̇ваава аанзхий’’д̇и. нзсаад̣̇о г̇анд̇ваа д̇асса г̇ожарабхуумияам̣ баасз од̣д̣зси. морзна агганд̇адтаанзби баасо на сан̃жарад̇и. нзсаад̣̇о г̇ан̣хид̇ум̣ асаггонд̇о сад̇д̇а вассаани вижарид̇ваа д̇ад̇т̇зва гааламагааси. кзмааби д̣̇звий бад̇т̇ид̇ам̣ алабхамаанаа гааламагааси.
Atheko bārāṇasiyā avidūre nesādagāmavāsī nesādo himavantapadese vicaranto tasmiṃ daṇḍakahiraññapabbatamatthake nisinnaṃ bodhisattaṃ disvā āgantvā puttassa ārocesi. Athekadivasaṃ khemā nāma bārāṇasirañño devī supinena suvaṇṇavaṇṇaṃ moraṃ dhammaṃ desentaṃ disvā pabuddhakāle rañño ārocesi – ‘‘ahaṃ, deva, suvaṇṇavaṇṇassa morassa dhammaṃ sotukāmā’’ti. Rājā amacce pucchi. Amaccā ‘‘brāhmaṇā jānissantī’’ti āhaṃsu. Brāhmaṇā taṃ sutvā ‘‘suvaṇṇavaṇṇā morā nāma hontī’’ti vatvā ‘‘kattha hontī’’ti vutte ‘‘nesādā jānissantī’’ti āhaṃsu. Rājā nesāde sannipātetvā pucchi. Atha so nesādaputto ‘‘āma, mahārāja, daṇḍakahiraññapabbato nāma atthi, tattha suvaṇṇavaṇṇo moro vasatī’’ti āha. ‘‘Tena hi taṃ moraṃ amāretvā bandhitvāva ānehī’’ti. Nesādo gantvā tassa gocarabhūmiyaṃ pāse oḍḍesi. Morena akkantaṭṭhānepi pāso na sañcarati. Nesādo gaṇhituṃ asakkonto satta vassāni vicaritvā tattheva kālamakāsi. Khemāpi devī patthitaṃ alabhamānā kālamakāsi.
рааж̇аа ‘‘морам̣ мз ниссааяа д̣̇звий гаалагад̇аа’’д̇и гуж̇жхид̇ваа ‘‘химаванд̇абад̣̇зсз д̣̇ан̣д̣агахиран̃н̃абаб̣б̣ад̇о наама ад̇т̇и, д̇ад̇т̇а суван̣н̣аван̣н̣о моро васад̇и, яз д̇асса мам̣сам̣ каад̣̇анд̇и, д̇з аж̇араа амараа хонд̇ий’’д̇и агкарам̣ суван̣н̣абаддз ликаабзд̇ваа суван̣н̣абаддам̣ ман̃ж̇уусааяа нигкибаабзси. д̇асмим̣ гаалагад̇з ан̃н̃о рааж̇аа раж̇ж̇ам̣ бад̇ваа суван̣н̣абаддам̣ ваажзд̇ваа ‘‘аж̇аро амаро бхависсаамий’’д̇и ан̃н̃ам̣ нзсаад̣̇ам̣ бзсзси. соби г̇анд̇ваа б̣од̇хисад̇д̇ам̣ г̇ахзд̇ум̣ асаггонд̇о д̇ад̇т̇зва гааламагааси. зд̇знзва нияаамзна ча рааж̇абариваддаа г̇ад̇аа. ат̇а сад̇д̇амо рааж̇аа раж̇ж̇ам̣ бад̇ваа згам̣ нзсаад̣̇ам̣ бахин̣и. со г̇анд̇ваа б̣од̇хисад̇д̇зна агганд̇адтаанзби баасасса асан̃жаран̣абхаавам̣, ад̇д̇ано барид̇д̇ам̣ гад̇ваа г̇ожарабхуумиг̇аманабхааван̃жасса н̃ад̇ваа бажжанд̇ам̣ од̇арид̇ваа згам̣ морим̣ г̇ахзд̇ваа яат̇аа хад̇т̇ад̇аал̣асад̣̇д̣̇зна нажжад̇и, ажчараасад̣̇д̣̇зна жа вассад̇и, звам̣ сигкаабзд̇ваа д̇ам̣ аад̣̇ааяа г̇анд̇ваа морзна барид̇д̇з агад̇з баад̇оязва баасаяадтияо робзд̇ваа баасз од̣д̣зд̇ваа морим̣ вассаабзси. моро висабхааг̇ам̣ маад̇уг̇аамасад̣̇д̣̇ам̣ суд̇ваа гилзсаад̇уро худ̇ваа барид̇д̇ам̣ гаад̇ум̣ асаггун̣ид̇ваа г̇анд̇ваа баасз б̣аж̇жхи. ат̇а нам̣ нзсаад̣̇о г̇ахзд̇ваа г̇анд̇ваа б̣аараан̣асиран̃н̃о ад̣̇ааси.
Rājā ‘‘moraṃ me nissāya devī kālakatā’’ti kujjhitvā ‘‘himavantapadese daṇḍakahiraññapabbato nāma atthi, tattha suvaṇṇavaṇṇo moro vasati, ye tassa maṃsaṃ khādanti, te ajarā amarā hontī’’ti akkharaṃ suvaṇṇapaṭṭe likhāpetvā suvaṇṇapaṭṭaṃ mañjūsāya nikkhipāpesi. Tasmiṃ kālakate añño rājā rajjaṃ patvā suvaṇṇapaṭṭaṃ vācetvā ‘‘ajaro amaro bhavissāmī’’ti aññaṃ nesādaṃ pesesi. Sopi gantvā bodhisattaṃ gahetuṃ asakkonto tattheva kālamakāsi. Eteneva niyāmena cha rājaparivaṭṭā gatā. Atha sattamo rājā rajjaṃ patvā ekaṃ nesādaṃ pahiṇi. So gantvā bodhisattena akkantaṭṭhānepi pāsassa asañcaraṇabhāvaṃ, attano parittaṃ katvā gocarabhūmigamanabhāvañcassa ñatvā paccantaṃ otaritvā ekaṃ moriṃ gahetvā yathā hatthatāḷasaddena naccati, accharāsaddena ca vassati, evaṃ sikkhāpetvā taṃ ādāya gantvā morena paritte akate pātoyeva pāsayaṭṭhiyo ropetvā pāse oḍḍetvā moriṃ vassāpesi. Moro visabhāgaṃ mātugāmasaddaṃ sutvā kilesāturo hutvā parittaṃ kātuṃ asakkuṇitvā gantvā pāse bajjhi. Atha naṃ nesādo gahetvā gantvā bārāṇasirañño adāsi.
рааж̇аа д̇асса руубасамбад̇д̇им̣ д̣̇исваа д̇удтамаанасо аасанам̣ д̣̇аабзси. б̣од̇хисад̇д̇о бан̃н̃ад̇д̇аасанз нисийд̣̇ид̇ваа ‘‘махаарааж̇а, гасмаа мам̣ г̇ан̣хаабзсий’’д̇и бужчи. ‘‘яз гира д̇ава мам̣сам̣ каад̣̇анд̇и, д̇з аж̇араа амараа хонд̇и, сваахам̣ д̇ава мам̣сам̣ каад̣̇ид̇ваа аж̇аро амаро ход̇угаамо д̇ам̣ г̇ан̣хаабзси’’нд̇и. ‘‘махаарааж̇а, мама д̇аава мам̣сам̣ каад̣̇анд̇аа аж̇араа амараа хонд̇у, ахам̣ бана мариссаамий’’д̇и ? ‘‘аама, мариссасий’’д̇и. ‘‘маяи маранд̇з бана мама мам̣самзва каад̣̇ид̇ваа гинд̇и гад̇ваа на мариссанд̇ий’’д̇и? ‘‘д̇вам̣ суван̣н̣аван̣н̣о, д̇асмаа гира д̇ава мам̣сам̣ каад̣̇агаа аж̇араа амараа бхависсанд̇ий’’д̇и. ‘‘махаарааж̇а, ахам̣ бана на агааран̣аа суван̣н̣аван̣н̣о ж̇аад̇о, буб̣б̣з банаахам̣ имасмим̣язва наг̇арз жаггавад̇д̇ий рааж̇аа худ̇ваа саяамби бан̃жа сийлаани рагким̣, сагалажаггаваал̣аваасиноби рагкаабзсим̣, сваахам̣ гаалам̣ гарид̇ваа д̇аавад̇им̣сабхаванз ниб̣б̣ад̇д̇о, д̇ад̇т̇а яаавад̇ааяугам̣ тад̇ваа д̇ад̇о жуд̇о ан̃н̃асса агусаласса ниссанд̣̇зна мораяонияам̣ ниб̣б̣ад̇д̇ид̇вааби бораан̣асийлаанубхаавзна суван̣н̣аван̣н̣о ж̇аад̇о’’д̇и. ‘‘‘д̇вам̣ жаггавад̇д̇ий рааж̇аа худ̇ваа сийлам̣ рагкид̇ваа сийлапалзна суван̣н̣аван̣н̣о ж̇аад̇о’д̇и гат̇амид̣̇ам̣ амхзхи сад̣̇д̇хаад̇аб̣б̣ам̣. ад̇т̇и но гожи сагкий’’д̇и ? ‘‘ад̇т̇и, махаарааж̇аа’’д̇и. ‘‘го наамаа’’д̇и? ‘‘махаарааж̇а, ахам̣ жаггавад̇д̇игаалз рад̇анамаяз рат̇з нисийд̣̇ид̇ваа аагаасз вижарим̣, со мз рат̇о ман̇г̇алабогкаран̣ияаа анд̇обхуумияам̣ нид̣̇ахаабид̇о, д̇ам̣ ман̇г̇алабогкаран̣ид̇о угкибаабзхи, со мз сагки бхависсад̇ий’’д̇и.
Rājā tassa rūpasampattiṃ disvā tuṭṭhamānaso āsanaṃ dāpesi. Bodhisatto paññattāsane nisīditvā ‘‘mahārāja, kasmā maṃ gaṇhāpesī’’ti pucchi. ‘‘Ye kira tava maṃsaṃ khādanti, te ajarā amarā honti, svāhaṃ tava maṃsaṃ khāditvā ajaro amaro hotukāmo taṃ gaṇhāpesi’’nti. ‘‘Mahārāja, mama tāva maṃsaṃ khādantā ajarā amarā hontu, ahaṃ pana marissāmī’’ti ? ‘‘Āma, marissasī’’ti. ‘‘Mayi marante pana mama maṃsameva khāditvā kinti katvā na marissantī’’ti? ‘‘Tvaṃ suvaṇṇavaṇṇo, tasmā kira tava maṃsaṃ khādakā ajarā amarā bhavissantī’’ti. ‘‘Mahārāja, ahaṃ pana na akāraṇā suvaṇṇavaṇṇo jāto, pubbe panāhaṃ imasmiṃyeva nagare cakkavattī rājā hutvā sayampi pañca sīlāni rakkhiṃ, sakalacakkavāḷavāsinopi rakkhāpesiṃ, svāhaṃ kālaṃ karitvā tāvatiṃsabhavane nibbatto, tattha yāvatāyukaṃ ṭhatvā tato cuto aññassa akusalassa nissandena morayoniyaṃ nibbattitvāpi porāṇasīlānubhāvena suvaṇṇavaṇṇo jāto’’ti. ‘‘‘Tvaṃ cakkavattī rājā hutvā sīlaṃ rakkhitvā sīlaphalena suvaṇṇavaṇṇo jāto’ti kathamidaṃ amhehi saddhātabbaṃ. Atthi no koci sakkhī’’ti ? ‘‘Atthi, mahārājā’’ti. ‘‘Ko nāmā’’ti? ‘‘Mahārāja, ahaṃ cakkavattikāle ratanamaye rathe nisīditvā ākāse vicariṃ, so me ratho maṅgalapokkharaṇiyā antobhūmiyaṃ nidahāpito, taṃ maṅgalapokkharaṇito ukkhipāpehi, so me sakkhi bhavissatī’’ti.
рааж̇аа ‘‘саад̇хуу’’д̇и бадиссун̣ид̇ваа богкаран̣ид̇о уд̣̇агам̣ хараабзд̇ваа рат̇ам̣ нийхараабзд̇ваа б̣од̇хисад̇д̇асса сад̣̇д̣̇ахи. б̣од̇хисад̇д̇о ‘‘махаарааж̇а, табзд̇ваа амад̇амахааниб̣б̣аанам̣ авасзсаа саб̣б̣з сан̇кад̇ад̇хаммаа худ̇ваа абхаавино анижжаа каяаваяад̇хаммааязваа’’д̇и ран̃н̃о д̇хаммам̣ д̣̇зсзд̇ваа рааж̇аанам̣ бан̃жасу сийлзсу бад̇идтаабзси. рааж̇аа басанно б̣од̇хисад̇д̇ам̣ раж̇ж̇зна бууж̇зд̇ваа маханд̇ам̣ саггаарам̣ агааси. со раж̇ж̇ам̣ д̇ассзва бадинияяаад̣̇зд̇ваа гад̇ибаахам̣ васид̇ваа ‘‘аббамад̇д̇о хохи, махаарааж̇аа’’д̇и овад̣̇ид̇ваа аагаасз уббад̇ид̇ваа д̣̇ан̣д̣агахиран̃н̃абаб̣б̣ад̇амзва аг̇амааси. рааж̇ааби б̣од̇хисад̇д̇асса оваад̣̇з тад̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о.
Rājā ‘‘sādhū’’ti paṭissuṇitvā pokkharaṇito udakaṃ harāpetvā rathaṃ nīharāpetvā bodhisattassa saddahi. Bodhisatto ‘‘mahārāja, ṭhapetvā amatamahānibbānaṃ avasesā sabbe saṅkhatadhammā hutvā abhāvino aniccā khayavayadhammāyevā’’ti rañño dhammaṃ desetvā rājānaṃ pañcasu sīlesu patiṭṭhāpesi. Rājā pasanno bodhisattaṃ rajjena pūjetvā mahantaṃ sakkāraṃ akāsi. So rajjaṃ tasseva paṭiniyyādetvā katipāhaṃ vasitvā ‘‘appamatto hohi, mahārājā’’ti ovaditvā ākāse uppatitvā daṇḍakahiraññapabbatameva agamāsi. Rājāpi bodhisattassa ovāde ṭhatvā dānādīni puññāni katvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку арахад̇д̇з бад̇идтахи. ‘‘д̇ад̣̇аа рааж̇аа аананд̣̇о ахоси, суван̣н̣аморо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu arahatte patiṭṭhahi. ‘‘Tadā rājā ānando ahosi, suvaṇṇamoro pana ahameva ahosi’’nti.
мораж̇аад̇агаван̣н̣анаа навамаа.
Morajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 159. мораж̇аад̇агам̣ • 159. Morajātakaṃ
