| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[262] 2. муд̣̇убаан̣иж̇аад̇агаван̣н̣анаа
[262] 2. Mudupāṇijātakavaṇṇanā
баан̣и жз муд̣̇уго жассаад̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкум̣ аараб̣бха гат̇зси. д̇ан̃хи сад̇т̇аа д̇хаммасабхам̣ аанийд̇ам̣ ‘‘сажжам̣ гира д̇вам̣, бхигку, угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘бхигку, ид̇т̇ияо наамзд̇аа гилзсавасзна г̇аманад̇о арагкияаа, бораан̣агабан̣д̣ид̇ааби ад̇д̇ано д̇хийд̇арам̣ рагкид̇ум̣ наасагким̣су, бид̇араа хад̇т̇з г̇ахзд̇ваа тид̇аава бид̇арам̣ аж̇аанаабзд̇ваа гилзсавасзна бурисзна сад̣̇д̇хим̣ балааяий’’д̇и вад̇ваа ад̇ийд̇ам̣ аахари.
Pāṇi ce muduko cassāti idaṃ satthā jetavane viharanto ekaṃ ukkaṇṭhitabhikkhuṃ ārabbha kathesi. Tañhi satthā dhammasabhaṃ ānītaṃ ‘‘saccaṃ kira tvaṃ, bhikkhu, ukkaṇṭhitosī’’ti pucchitvā ‘‘saccaṃ, bhante’’ti vutte ‘‘bhikkhu, itthiyo nāmetā kilesavasena gamanato arakkhiyā, porāṇakapaṇḍitāpi attano dhītaraṃ rakkhituṃ nāsakkhiṃsu, pitarā hatthe gahetvā ṭhitāva pitaraṃ ajānāpetvā kilesavasena purisena saddhiṃ palāyī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа бид̇у ажжаязна раж̇ж̇з бад̇идтааяа д̇хаммзна раж̇ж̇ам̣ гаарзси. со д̇хийд̇аран̃жа бхааг̇инзяяан̃жа д̣̇взби анд̇онивзсанз босзнд̇о згад̣̇ивасам̣ амажжзхи сад̣̇д̇хим̣ нисинно ‘‘мамажжаязна маяхам̣ бхааг̇инзяяо рааж̇аа бхависсад̇и, д̇хийд̇ааби мз д̇асса аг̇г̇амахзсий бхависсад̇ий’’д̇и вад̇ваа абарабхааг̇з бхааг̇инзяяасса ваяаббад̇д̇агаалз буна амажжзхи сад̣̇д̇хим̣ нисинно ‘‘маяхам̣ бхааг̇инзяяасса ан̃н̃асса ран̃н̃о д̇хийд̇арам̣ аанзссаама, маяхам̣ д̇хийд̇арамби ан̃н̃асмим̣ рааж̇агулз д̣̇ассаама, звам̣ но н̃аад̇агаа б̣ахуд̇араа бхависсанд̇ий’’д̇и ааха. амажжаа самбадижчим̣су.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbattitvā vayappatto takkasilāyaṃ sabbasippāni uggaṇhitvā pitu accayena rajje patiṭṭhāya dhammena rajjaṃ kāresi. So dhītarañca bhāgineyyañca dvepi antonivesane posento ekadivasaṃ amaccehi saddhiṃ nisinno ‘‘mamaccayena mayhaṃ bhāgineyyo rājā bhavissati, dhītāpi me tassa aggamahesī bhavissatī’’ti vatvā aparabhāge bhāgineyyassa vayappattakāle puna amaccehi saddhiṃ nisinno ‘‘mayhaṃ bhāgineyyassa aññassa rañño dhītaraṃ ānessāma, mayhaṃ dhītarampi aññasmiṃ rājakule dassāma, evaṃ no ñātakā bahutarā bhavissantī’’ti āha. Amaccā sampaṭicchiṃsu.
ат̇а рааж̇аа бхааг̇инзяяасса б̣ахиг̇зхам̣ д̣̇аабзси, анд̇о бавзсанам̣ ниваарзси. д̇з бана ан̃н̃аман̃н̃ам̣ бадиб̣ад̣̇д̇хажид̇д̇аа ахзсум̣. гумааро ‘‘гзна ну ко убааязна рааж̇ад̇хийд̇арам̣ б̣ахи нийхараабзяяа’’нд̇и жинд̇знд̇о ‘‘ад̇т̇и убааяо’’д̇и д̇хаад̇ияаа лан̃ж̇ам̣ д̣̇ад̇ваа ‘‘гим̣, аяяабуд̇д̇а, гижжа’’нд̇и вуд̇д̇з ‘‘амма, гат̇ам̣ ну ко рааж̇ад̇хийд̇арам̣ б̣ахи гаад̇ум̣ огаасам̣ лабхзяяаамаа’’д̇и ааха. ‘‘рааж̇ад̇хийд̇ааяа сад̣̇д̇хим̣ гат̇зд̇ваа ж̇ааниссаамий’’д̇и. ‘‘саад̇ху, аммаа’’д̇и. саа г̇анд̇ваа ‘‘зхи, амма, сийсз д̇з уугаа г̇ан̣хиссаамий’’д̇и д̇ам̣ нийжабийтагз нисийд̣̇аабзд̇ваа саяам̣ ужжз нисийд̣̇ид̇ваа д̇ассаа сийсам̣ ад̇д̇ано ууруусу табзд̇ваа уугаа г̇ан̣хаяамаанаа рааж̇ад̇хийд̇ааяа сийсам̣ накзхи виж̇жхи . рааж̇ад̇хийд̇аа ‘‘нааяам̣ ад̇д̇ано накзхи виж̇жхад̇и, бид̇ужчаабуд̇д̇асса мз гумаарасса накзхи виж̇жхад̇ий’’д̇и н̃ад̇ваа ‘‘амма, д̇вам̣ гумаарасса санд̇игам̣ аг̇амаасий’’д̇и бужчи. ‘‘аама, аммаа’’д̇и. ‘‘гим̣ д̇зна саасанам̣ гат̇ид̇а’’нд̇и? ‘‘д̇ава б̣ахигаран̣уубааяам̣ бужчад̇и, аммаа’’д̇и. рааж̇ад̇хийд̇аа ‘‘бан̣д̣ид̇о хонд̇о ж̇ааниссад̇ий’’д̇и батамам̣ г̇аат̇ам̣ б̣анд̇хид̇ваа ‘‘амма, имам̣ уг̇г̇ахзд̇ваа гумаарасса гат̇зхий’’д̇и ааха.
Atha rājā bhāgineyyassa bahigehaṃ dāpesi, anto pavesanaṃ nivāresi. Te pana aññamaññaṃ paṭibaddhacittā ahesuṃ. Kumāro ‘‘kena nu kho upāyena rājadhītaraṃ bahi nīharāpeyya’’nti cintento ‘‘atthi upāyo’’ti dhātiyā lañjaṃ datvā ‘‘kiṃ, ayyaputta, kicca’’nti vutte ‘‘amma, kathaṃ nu kho rājadhītaraṃ bahi kātuṃ okāsaṃ labheyyāmā’’ti āha. ‘‘Rājadhītāya saddhiṃ kathetvā jānissāmī’’ti. ‘‘Sādhu, ammā’’ti. Sā gantvā ‘‘ehi, amma, sīse te ūkā gaṇhissāmī’’ti taṃ nīcapīṭhake nisīdāpetvā sayaṃ ucce nisīditvā tassā sīsaṃ attano ūrūsu ṭhapetvā ūkā gaṇhayamānā rājadhītāya sīsaṃ nakhehi vijjhi . Rājadhītā ‘‘nāyaṃ attano nakhehi vijjhati, pitucchāputtassa me kumārassa nakhehi vijjhatī’’ti ñatvā ‘‘amma, tvaṃ kumārassa santikaṃ agamāsī’’ti pucchi. ‘‘Āma, ammā’’ti. ‘‘Kiṃ tena sāsanaṃ kathita’’nti? ‘‘Tava bahikaraṇūpāyaṃ pucchati, ammā’’ti. Rājadhītā ‘‘paṇḍito honto jānissatī’’ti paṭhamaṃ gāthaṃ bandhitvā ‘‘amma, imaṃ uggahetvā kumārassa kathehī’’ti āha.
34.
34.
‘‘баан̣и жз муд̣̇уго жасса, нааг̇о жасса сугаарид̇о;
‘‘Pāṇi ce muduko cassa, nāgo cassa sukārito;
анд̇хагааро жа вассзяяа, ат̇а нууна д̇ад̣̇аа сияаа’’д̇и.
Andhakāro ca vasseyya, atha nūna tadā siyā’’ti.
саа д̇ам̣ уг̇г̇ан̣хид̇ваа гумаарасса санд̇игам̣ г̇анд̇ваа ‘‘амма, рааж̇ад̇хийд̇аа гимаахаа’’д̇и вуд̇д̇з ‘‘аяяабуд̇д̇а, ан̃н̃ам̣ гин̃жи авад̇ваа имам̣ г̇аат̇ам̣ бахин̣ий’’д̇и д̇ам̣ г̇аат̇ам̣ уд̣̇аахааси. гумааро жа д̇ассад̇т̇ам̣ н̃ад̇ваа ‘‘г̇ажча, аммаа’’д̇и д̇ам̣ уяяож̇зси.
Sā taṃ uggaṇhitvā kumārassa santikaṃ gantvā ‘‘amma, rājadhītā kimāhā’’ti vutte ‘‘ayyaputta, aññaṃ kiñci avatvā imaṃ gāthaṃ pahiṇī’’ti taṃ gāthaṃ udāhāsi. Kumāro ca tassatthaṃ ñatvā ‘‘gaccha, ammā’’ti taṃ uyyojesi.
г̇аат̇ааяад̇т̇о – сажз д̇з згиссаа жуул̣убадтаагааяа мама хад̇т̇о вияа хад̇т̇о муд̣̇у асса, яад̣̇и жа д̇з аанзн̃ж̇агааран̣ам̣ сугаарид̇о зго хад̇т̇ий асса, яад̣̇и жа д̇ам̣ д̣̇ивасам̣ жад̇уран̇г̇асаманнааг̇ад̇о ад̇ивияа б̣ахало анд̇хагааро асса, д̣̇зво жа вассзяяа. ат̇а нууна д̇ад̣̇аа сияаад̇и д̇аад̣̇исз гаалз имз жад̇д̇ааро бажжаяз ааг̇амма згам̣сзна д̇з манорат̇асса мад̇т̇агаг̇аманам̣ сияаад̇и.
Gāthāyattho – sace te ekissā cūḷupaṭṭhākāya mama hattho viya hattho mudu assa, yadi ca te āneñjakāraṇaṃ sukārito eko hatthī assa, yadi ca taṃ divasaṃ caturaṅgasamannāgato ativiya bahalo andhakāro assa, devo ca vasseyya. Atha nūna tadā siyāti tādise kāle ime cattāro paccaye āgamma ekaṃsena te manorathassa matthakagamanaṃ siyāti.
гумааро зд̇амад̇т̇ам̣ д̇ат̇ад̇о н̃ад̇ваа згам̣ абхируубам̣ муд̣̇ухад̇т̇ам̣ жуул̣убадтаагам̣ саж̇ж̇ам̣ гад̇ваа ман̇г̇алахад̇т̇иг̇обагасса лан̃ж̇ам̣ д̣̇ад̇ваа хад̇т̇им̣ аанзн̃ж̇агааран̣ам̣ гаарзд̇ваа гаалам̣ ааг̇амзнд̇о ажчи.
Kumāro etamatthaṃ tathato ñatvā ekaṃ abhirūpaṃ muduhatthaṃ cūḷupaṭṭhākaṃ sajjaṃ katvā maṅgalahatthigopakassa lañjaṃ datvā hatthiṃ āneñjakāraṇaṃ kāretvā kālaṃ āgamento acchi.
ат̇згасмим̣ гаал̣абагкубосат̇ад̣̇ивасз маж̇жхимаяаамасамананд̇арз гханагаал̣амзгхо васси. со ‘‘аяам̣ д̣̇аани рааж̇ад̇хийд̇ааяа вуд̇д̇ад̣̇ивасо’’д̇и вааран̣ам̣ абхирухид̇ваа муд̣̇ухад̇т̇агам̣ жуул̣убадтаагам̣ хад̇т̇ибидтз нисийд̣̇аабзд̇ваа г̇анд̇ваа рааж̇анивзсанасса аагаасан̇г̇ан̣аабхимукз таанз хад̇т̇им̣ махаабхид̇д̇ияам̣ аллийяаабзд̇ваа ваад̇абаанасамийбз д̇змзнд̇о адтааси. рааж̇ааби д̇хийд̇арам̣ рагканд̇о ан̃н̃ад̇т̇а саяид̇ум̣ на д̣̇зд̇и, ад̇д̇ано санд̇игз жуул̣асаяанз саяаабзд̇и. сааби ‘‘аж̇ж̇а гумааро ааг̇амиссад̇ий’’д̇и н̃ад̇ваа нид̣̇д̣̇ам̣ аноггамид̇ваава нибаннаа ‘‘д̇аад̇а нхааяид̇угаамаамхий’’д̇и ааха. рааж̇аа ‘‘зхи, аммаа’’д̇и д̇ам̣ хад̇т̇з г̇ахзд̇ваа ваад̇абаанасамийбам̣ нзд̇ваа ‘‘нхааяаахи, аммаа’’д̇и угкибид̇ваа ваад̇абаанасса б̣ахибассз бамукз табзд̇ваа згасмим̣ хад̇т̇з г̇ахзд̇ваа адтааси. саа нхааяамаанаава гумаарасса хад̇т̇ам̣ басаарзси, со д̇ассаа хад̇т̇ад̇о аабхаран̣аани омун̃жид̇ваа убадтаагааяа хад̇т̇з бил̣анд̇хид̇ваа д̇ам̣ угкибид̇ваа рааж̇ад̇хийд̇арам̣ ниссааяа бамукз табзси . саа д̇ассаа хад̇т̇ам̣ г̇ахзд̇ваа бид̇у хад̇т̇з табзси, со д̇ассаа хад̇т̇ам̣ г̇ахзд̇ваа д̇хийд̇у хад̇т̇ам̣ мун̃жи, саа ид̇арасмааби хад̇т̇аа аабхаран̣аани омун̃жид̇ваа д̇ассаа д̣̇уд̇ияахад̇т̇з бил̣анд̇хид̇ваа бид̇у хад̇т̇з табзд̇ваа гумаарзна сад̣̇д̇хим̣ аг̇амааси. рааж̇аа ‘‘д̇хийд̇ааязва мз’’д̇и сан̃н̃ааяа д̇ам̣ д̣̇ааригам̣ нхаанабарияосаанз сириг̇аб̣бхз саяаабзд̇ваа д̣̇ваарам̣ бид̇хааяа лан̃чзд̇ваа аарагкам̣ д̣̇ад̇ваа ад̇д̇ано саяанам̣ г̇анд̇ваа нибаж̇ж̇и.
Athekasmiṃ kāḷapakkhuposathadivase majjhimayāmasamanantare ghanakāḷamegho vassi. So ‘‘ayaṃ dāni rājadhītāya vuttadivaso’’ti vāraṇaṃ abhiruhitvā muduhatthakaṃ cūḷupaṭṭhākaṃ hatthipiṭṭhe nisīdāpetvā gantvā rājanivesanassa ākāsaṅgaṇābhimukhe ṭhāne hatthiṃ mahābhittiyaṃ allīyāpetvā vātapānasamīpe temento aṭṭhāsi. Rājāpi dhītaraṃ rakkhanto aññattha sayituṃ na deti, attano santike cūḷasayane sayāpeti. Sāpi ‘‘ajja kumāro āgamissatī’’ti ñatvā niddaṃ anokkamitvāva nipannā ‘‘tāta nhāyitukāmāmhī’’ti āha. Rājā ‘‘ehi, ammā’’ti taṃ hatthe gahetvā vātapānasamīpaṃ netvā ‘‘nhāyāhi, ammā’’ti ukkhipitvā vātapānassa bahipasse pamukhe ṭhapetvā ekasmiṃ hatthe gahetvā aṭṭhāsi. Sā nhāyamānāva kumārassa hatthaṃ pasāresi, so tassā hatthato ābharaṇāni omuñcitvā upaṭṭhākāya hatthe piḷandhitvā taṃ ukkhipitvā rājadhītaraṃ nissāya pamukhe ṭhapesi . Sā tassā hatthaṃ gahetvā pitu hatthe ṭhapesi, so tassā hatthaṃ gahetvā dhītu hatthaṃ muñci, sā itarasmāpi hatthā ābharaṇāni omuñcitvā tassā dutiyahatthe piḷandhitvā pitu hatthe ṭhapetvā kumārena saddhiṃ agamāsi. Rājā ‘‘dhītāyeva me’’ti saññāya taṃ dārikaṃ nhānapariyosāne sirigabbhe sayāpetvā dvāraṃ pidhāya lañchetvā ārakkhaṃ datvā attano sayanaṃ gantvā nipajji.
со бабхаад̇ааяа рад̇д̇ияаа д̣̇ваарам̣ виварид̇ваа д̇ам̣ д̣̇ааригам̣ д̣̇исваа ‘‘гимзд̇а’’нд̇и бужчи. саа д̇ассаа гумаарзна сад̣̇д̇хим̣ г̇ад̇абхаавам̣ гат̇зси. рааж̇аа виббадисаарий худ̇ваа ‘‘хад̇т̇з г̇ахзд̇ваа жаранд̇знаби маад̇уг̇аамам̣ рагкид̇ум̣ на саггаа, звам̣ арагкияаа наамид̇т̇ияо’’д̇и жинд̇зд̇ваа ид̇араа д̣̇вз г̇аат̇аа авожа –
So pabhātāya rattiyā dvāraṃ vivaritvā taṃ dārikaṃ disvā ‘‘kimeta’’nti pucchi. Sā tassā kumārena saddhiṃ gatabhāvaṃ kathesi. Rājā vippaṭisārī hutvā ‘‘hatthe gahetvā carantenapi mātugāmaṃ rakkhituṃ na sakkā, evaṃ arakkhiyā nāmitthiyo’’ti cintetvā itarā dve gāthā avoca –
35.
35.
‘‘аналаа муд̣̇усамбхаасаа, д̣̇уббуураа д̇аа над̣̇ийсамаа;
‘‘Analā mudusambhāsā, duppūrā tā nadīsamā;
сийд̣̇анд̇и нам̣ вид̣̇ид̇ваана, аарагаа бариваж̇ж̇аяз.
Sīdanti naṃ viditvāna, ārakā parivajjaye.
36.
36.
‘‘яам̣ зд̇аа убасзванд̇и, чанд̣̇асаа ваа д̇ханзна ваа;
‘‘Yaṃ etā upasevanti, chandasā vā dhanena vā;
ж̇аад̇авзд̣̇ова сам̣ таанам̣, киббам̣ ануд̣̇аханд̇и на’’нд̇и.
Jātavedova saṃ ṭhānaṃ, khippaṃ anudahanti na’’nti.
д̇ад̇т̇а аналаа муд̣̇усамбхаасаад̇и муд̣̇уважанзнаби асаггун̣зяяаа, нзва саггаа сан̣хаваажааяа сан̇г̇ан̣хид̇унд̇и ад̇т̇о. бурисзхи ваа зд̇аасам̣ на аланд̇и аналаа. муд̣̇усамбхаасаад̇и хад̣̇аяз т̇ад̣̇д̇хзби самбхаасаава муд̣̇у зд̇аасанд̇и муд̣̇усамбхаасаа. д̣̇уббуураа д̇аа над̣̇ийсамаад̇и яат̇аа над̣̇ий ааг̇ад̇ааг̇ад̇асса уд̣̇агасса санд̣̇анад̇о уд̣̇агзна д̣̇уббуураа, звам̣ анубхууд̇аанубхууд̇зхи мзт̇унаад̣̇ийхи абарид̇уссанад̇о д̣̇уббуураа. д̇зна вуд̇д̇ам̣ –
Tattha analā mudusambhāsāti muduvacanenapi asakkuṇeyyā, neva sakkā saṇhavācāya saṅgaṇhitunti attho. Purisehi vā etāsaṃ na alanti analā. Mudusambhāsāti hadaye thaddhepi sambhāsāva mudu etāsanti mudusambhāsā. Duppūrā tā nadīsamāti yathā nadī āgatāgatassa udakassa sandanato udakena duppūrā, evaṃ anubhūtānubhūtehi methunādīhi aparitussanato duppūrā. Tena vuttaṃ –
‘‘д̇ин̣н̣ам̣, бхигкавз, д̇хаммаанам̣ ад̇ид̇д̇о аббадиваано маад̇уг̇аамо гаалам̣ гарод̇и. гад̇амзсам̣ д̇ин̣н̣ам̣? мзт̇унасамаабад̇д̇ияаа жа виж̇ааяанасса жа алан̇гаарасса жа. имзсам̣ ко, бхигкавз, д̇ин̣н̣ам̣ д̇хаммаанам̣ ад̇ид̇д̇о аббадиваано маад̇уг̇аамо гаалам̣ гарод̇ий’’д̇и.
‘‘Tiṇṇaṃ, bhikkhave, dhammānaṃ atitto appaṭivāno mātugāmo kālaṃ karoti. Katamesaṃ tiṇṇaṃ? Methunasamāpattiyā ca vijāyanassa ca alaṅkārassa ca. Imesaṃ kho, bhikkhave, tiṇṇaṃ dhammānaṃ atitto appaṭivāno mātugāmo kālaṃ karotī’’ti.
сийд̣̇анд̇ийд̇и адтасу махаанираязсу сол̣асасу уссад̣̇анираязсу нимуж̇ж̇анд̇и. нанд̇и нибаад̇амад̇д̇ам̣ . вид̣̇ид̇ваанаад̇и звам̣ ж̇аанид̇ваа. аарагаа бариваж̇ж̇аязд̇и ‘‘зд̇аа ид̇т̇ияо наама мзт̇унад̇хаммаад̣̇ийхи ад̇ид̇д̇аа гаалам̣ гад̇ваа зд̇зсу нираязсу сийд̣̇анд̇и, зд̇аа звам̣ ад̇д̇анаа сийд̣̇амаанаа гассан̃н̃асса сукааяа бхависсанд̇ий’’д̇и звам̣ н̃ад̇ваа бан̣д̣ид̇о бурисо д̣̇уурад̇ова д̇аа бариваж̇ж̇аязд̇и д̣̇ийбзд̇и. чанд̣̇асаа ваа д̇ханзна ваад̇и ад̇д̇ано ваа чанд̣̇зна ружияаа бзмзна, бхад̇ивасзна лад̣̇д̇хад̇ханзна ваа яам̣ бурисам̣ зд̇аа ид̇т̇ияо убасзванд̇и бхаж̇анд̇и. ж̇аад̇авзд̣̇од̇и аг̇г̇и. со хи ж̇аад̇амад̇д̇ова взд̣̇ияад̇и, вид̣̇ид̇о баагадо ход̇ийд̇и ж̇аад̇авзд̣̇о. со яат̇аа ад̇д̇ано таанам̣ гааран̣ам̣ огаасам̣ ануд̣̇ахад̇и, звамзд̇ааби яам̣ убасзванд̇и, д̇ам̣ бурисам̣ д̇ханаяасасийлабан̃н̃аасаманнааг̇ад̇амби д̇зсам̣ саб̣б̣зсам̣ д̇ханаад̣̇ийнам̣ винаасанад̇о буна д̇ааяа самбад̇д̇ияаа абхаб̣б̣уббад̇д̇игам̣ гурумаанаа киббам̣ ануд̣̇аханд̇и жхаабзнд̇и. вуд̇д̇амби жзд̇ам̣ –
Sīdantīti aṭṭhasu mahānirayesu soḷasasu ussadanirayesu nimujjanti. Nanti nipātamattaṃ . Viditvānāti evaṃ jānitvā. Ārakā parivajjayeti ‘‘etā itthiyo nāma methunadhammādīhi atittā kālaṃ katvā etesu nirayesu sīdanti, etā evaṃ attanā sīdamānā kassaññassa sukhāya bhavissantī’’ti evaṃ ñatvā paṇḍito puriso dūratova tā parivajjayeti dīpeti. Chandasā vā dhanena vāti attano vā chandena ruciyā pemena, bhativasena laddhadhanena vā yaṃ purisaṃ etā itthiyo upasevanti bhajanti. Jātavedoti aggi. So hi jātamattova vediyati, vidito pākaṭo hotīti jātavedo. So yathā attano ṭhānaṃ kāraṇaṃ okāsaṃ anudahati, evametāpi yaṃ upasevanti, taṃ purisaṃ dhanayasasīlapaññāsamannāgatampi tesaṃ sabbesaṃ dhanādīnaṃ vināsanato puna tāya sampattiyā abhabbuppattikaṃ kurumānā khippaṃ anudahanti jhāpenti. Vuttampi cetaṃ –
‘‘б̣алаванд̇о д̣̇уб̣б̣алаа хонд̇и, т̇аамаванд̇оби хааяарз;
‘‘Balavanto dubbalā honti, thāmavantopi hāyare;
жагкумаа анд̇хагаа хонд̇и, маад̇уг̇аамавасам̣ г̇ад̇аа.
Cakkhumā andhakā honti, mātugāmavasaṃ gatā.
‘‘г̇ун̣аванд̇о ниг̇г̇ун̣аа хонд̇и, бан̃н̃аванд̇оби хааяарз;
‘‘Guṇavanto nigguṇā honti, paññavantopi hāyare;
бамад̇д̇аа б̣анд̇ханз сзнд̇и, маад̇уг̇аамавасам̣ г̇ад̇аа.
Pamattā bandhane senti, mātugāmavasaṃ gatā.
‘‘аж̇жхзнан̃жа д̇абам̣ сийлам̣, сажжам̣ жааг̇ам̣ сад̇им̣ мад̇им̣;
‘‘Ajjhenañca tapaṃ sīlaṃ, saccaṃ cāgaṃ satiṃ matiṃ;
ажчинд̣̇анд̇и бамад̇д̇асса, бант̇ад̣̇уубхийва д̇аггараа.
Acchindanti pamattassa, panthadūbhīva takkarā.
‘‘яасам̣ гид̇д̇им̣ д̇хид̇им̣ суурам̣, б̣аахусажжам̣ баж̇аананам̣;
‘‘Yasaṃ kittiṃ dhitiṃ sūraṃ, bāhusaccaṃ pajānanaṃ;
кзбаяанд̇и бамад̇д̇асса, гадтабун̃ж̇ам̣ва бааваго’’д̇и.
Khepayanti pamattassa, kaṭṭhapuñjaṃva pāvako’’ti.
звам̣ вад̇ваа махаасад̇д̇о ‘‘бхааг̇инзяяоби маяаава босзд̇аб̣б̣о’’д̇и маханд̇зна саггаарзна д̇хийд̇арам̣ д̇ассзва д̣̇ад̇ваа д̇ам̣ обараж̇ж̇з бад̇идтабзси. соби маад̇уласса ажжаязна раж̇ж̇з бад̇идтахи.
Evaṃ vatvā mahāsatto ‘‘bhāgineyyopi mayāva posetabbo’’ti mahantena sakkārena dhītaraṃ tasseva datvā taṃ oparajje patiṭṭhapesi. Sopi mātulassa accayena rajje patiṭṭhahi.
сад̇т̇аа имам̣ д̇хаммад̣̇зсзнам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. ‘‘д̇ад̣̇аа рааж̇аа ахамзва ахоси’’нд̇и.
Satthā imaṃ dhammadesenaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. ‘‘Tadā rājā ahameva ahosi’’nti.
муд̣̇убаан̣иж̇аад̇агаван̣н̣анаа д̣̇уд̇ияаа.
Mudupāṇijātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 262. муд̣̇убаан̣иж̇аад̇агам̣ • 262. Mudupāṇijātakaṃ
