Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā)

    намо д̇асса бхаг̇авад̇о арахад̇о саммаасамб̣уд̣̇д̇хасса

    Namo tassa bhagavato arahato sammāsambuddhassa

    маж̇жхиманигааяз

    Majjhimanikāye

    муулабан̣н̣ааса-адтагат̇аа

    Mūlapaṇṇāsa-aṭṭhakathā

    (батамо бхааг̇о)

    (Paṭhamo bhāgo)

    г̇ант̇аарамбхагат̇аа

    Ganthārambhakathā

    гарун̣аасийд̇алахад̣̇аяам̣ , бан̃н̃аабаж̇ж̇од̇авихад̇амохад̇амам̣;

    Karuṇāsītalahadayaṃ , paññāpajjotavihatamohatamaṃ;

    санараамаралогаг̇арум̣, ванд̣̇з суг̇ад̇ам̣ г̇ад̇ивимуд̇д̇ам̣.

    Sanarāmaralokagaruṃ, vande sugataṃ gativimuttaṃ.

    б̣уд̣̇д̇хоби б̣уд̣̇д̇хабхаавам̣, бхаавзд̇ваа жзва сажчигад̇ваа жа;

    Buddhopi buddhabhāvaṃ, bhāvetvā ceva sacchikatvā ca;

    яам̣ убаг̇ад̇о г̇ад̇амалам̣, ванд̣̇з д̇амануд̇д̇арам̣ д̇хаммам̣.

    Yaṃ upagato gatamalaṃ, vande tamanuttaraṃ dhammaṃ.

    суг̇ад̇асса орасаанам̣, буд̇д̇аанам̣ маарасзнамат̇анаанам̣;

    Sugatassa orasānaṃ, puttānaṃ mārasenamathanānaṃ;

    адтаннамби самуухам̣, сирасаа ванд̣̇з арияасан̇гхам̣.

    Aṭṭhannampi samūhaṃ, sirasā vande ariyasaṅghaṃ.

    ид̇и мз басаннамад̇ино, рад̇анад̇д̇аяаванд̣̇анаамаяам̣ бун̃н̃ам̣;

    Iti me pasannamatino, ratanattayavandanāmayaṃ puññaṃ;

    яам̣ сувихад̇анд̇арааяо, худ̇ваа д̇ассаанубхаавзна.

    Yaṃ suvihatantarāyo, hutvā tassānubhāvena.

    маж̇жхимабамаан̣асуд̇д̇ан̇гид̇асса ид̇ха маж̇жхимааг̇амаварасса;

    Majjhimapamāṇasuttaṅkitassa idha majjhimāgamavarassa;

    б̣уд̣̇д̇хаануб̣уд̣̇д̇хасам̣ван̣н̣ид̇асса бараваад̣̇амат̇анасса.

    Buddhānubuddhasaṃvaṇṇitassa paravādamathanassa.

    ад̇т̇аббагаасанад̇т̇ам̣, адтагат̇аа аад̣̇ид̇о васисад̇зхи;

    Atthappakāsanatthaṃ, aṭṭhakathā ādito vasisatehi;

    бан̃жахи яаа сан̇г̇ийд̇аа, анусан̇г̇ийд̇аа жа бажчааби.

    Pañcahi yā saṅgītā, anusaṅgītā ca pacchāpi.

    сийхал̣ад̣̇ийбам̣ бана аабхад̇аат̇а васинаа махаамахинд̣̇зна;

    Sīhaḷadīpaṃ pana ābhatātha vasinā mahāmahindena;

    табид̇аа сийхал̣абхаасааяа, д̣̇ийбаваасийнамад̇т̇ааяа.

    Ṭhapitā sīhaḷabhāsāya, dīpavāsīnamatthāya.

    абанзд̇ваана д̇ад̇охам̣, сийхал̣абхаасам̣ манорамам̣ бхаасам̣;

    Apanetvāna tatohaṃ, sīhaḷabhāsaṃ manoramaṃ bhāsaṃ;

    д̇анд̇инаяаанужчавигам̣, ааробзнд̇о виг̇ад̇ад̣̇осам̣.

    Tantinayānucchavikaṃ, āropento vigatadosaṃ.

    самаяам̣ авиломзнд̇о, т̇зраанам̣ т̇зравам̣сад̣̇ийбаанам̣;

    Samayaṃ avilomento, therānaṃ theravaṃsadīpānaṃ;

    сунибун̣авинижчаяаанам̣, махаавихаарз ниваасийнам̣.

    Sunipuṇavinicchayānaṃ, mahāvihāre nivāsīnaṃ.

    хид̇ваа бунаббунааг̇ад̇амад̇т̇ам̣, ад̇т̇ам̣ багаасаяиссаами;

    Hitvā punappunāgatamatthaṃ, atthaṃ pakāsayissāmi;

    суж̇анасса жа д̇удтад̇т̇ам̣, жирадтид̇ад̇т̇ан̃жа д̇хаммасса.

    Sujanassa ca tuṭṭhatthaṃ, ciraṭṭhitatthañca dhammassa.

    сийлагат̇аа д̇худ̇ад̇хаммаа, гаммадтаанаани жзва саб̣б̣аани;

    Sīlakathā dhutadhammā, kammaṭṭhānāni ceva sabbāni;

    жарияаавид̇хаанасахид̇о, жхаанасамаабад̇д̇ивид̇т̇ааро.

    Cariyāvidhānasahito, jhānasamāpattivitthāro.

    саб̣б̣аа жа абхин̃н̃ааяо, бан̃н̃аасан̇галананижчаяо жзва;

    Sabbā ca abhiññāyo, paññāsaṅkalananicchayo ceva;

    канд̇хаад̇хаад̇ааяад̇анинд̣̇рияаани арияаани жзва жад̇д̇аари.

    Khandhādhātāyatanindriyāni ariyāni ceva cattāri.

    сажжаани бажжаяаагаарад̣̇зсанаа субарисуд̣̇д̇ханибун̣анаяаа;

    Saccāni paccayākāradesanā suparisuddhanipuṇanayā;

    авимуд̇д̇ад̇анд̇имаг̇г̇аа, вибассанаабхааванаа жзва.

    Avimuttatantimaggā, vipassanābhāvanā ceva.

    ид̇и бана саб̣б̣ам̣ яасмаа, висуд̣̇д̇химаг̇г̇з маяаа субарисуд̣̇д̇хам̣;

    Iti pana sabbaṃ yasmā, visuddhimagge mayā suparisuddhaṃ;

    вуд̇д̇ам̣ д̇асмаа бхияяо, на д̇ам̣ ид̇ха вижаараяиссаами.

    Vuttaṃ tasmā bhiyyo, na taṃ idha vicārayissāmi.

    ‘‘маж̇жхз висуд̣̇д̇химаг̇г̇о, зса жад̇уннамби ааг̇амаанан̃хи;

    ‘‘Majjhe visuddhimaggo, esa catunnampi āgamānañhi;

    тад̇ваа багаасаяиссад̇и, д̇ад̇т̇а яат̇аабхаасид̇амад̇т̇ам̣’’.

    Ṭhatvā pakāsayissati, tattha yathābhāsitamatthaṃ’’.

    ижжзва гад̇о д̇асмаа, д̇амби г̇ахзд̇ваана сад̣̇д̇химзд̇ааяа;

    Icceva kato tasmā, tampi gahetvāna saddhimetāya;

    адтагат̇ааяа виж̇аанат̇а, маж̇жхимасан̇г̇ийд̇ияаа ад̇т̇анд̇и.

    Aṭṭhakathāya vijānatha, majjhimasaṅgītiyā atthanti.

    нид̣̇аанагат̇аа

    Nidānakathā

    1. д̇ад̇т̇а маж̇жхимасан̇г̇ийд̇и наама бан̣н̣аасад̇о муулабан̣н̣аасаа маж̇жхимабан̣н̣аасаа убарибан̣н̣аасаад̇и бан̣н̣аасад̇д̇аяасан̇г̇ахаа. ваг̇г̇ад̇о згзгааяа бан̣н̣аасааяа бан̃жа бан̃жа ваг̇г̇з гад̇ваа баннарасаваг̇г̇асамааяог̇аа. суд̇д̇ад̇о д̣̇ияад̣дхасуд̇д̇асад̇ам̣ д̣̇вз жа суд̇д̇анд̇аа. бад̣̇ад̇о д̇звийсуд̇д̇арабан̃жасад̇аад̇хигаани асийд̇ибад̣̇асахассаани. д̇знааху бораан̣аа –

    1. Tattha majjhimasaṅgīti nāma paṇṇāsato mūlapaṇṇāsā majjhimapaṇṇāsā uparipaṇṇāsāti paṇṇāsattayasaṅgahā. Vaggato ekekāya paṇṇāsāya pañca pañca vagge katvā pannarasavaggasamāyogā. Suttato diyaḍḍhasuttasataṃ dve ca suttantā. Padato tevīsuttarapañcasatādhikāni asītipadasahassāni. Tenāhu porāṇā –

    ‘‘асийд̇ибад̣̇асахассаани, бхияяо бан̃жасад̇аани жа;

    ‘‘Asītipadasahassāni, bhiyyo pañcasatāni ca;

    буна д̇звийсад̇и вуд̇д̇аа, бад̣̇амзвам̣ вавад̇т̇ид̇а’’нд̇и.

    Puna tevīsati vuttā, padamevaṃ vavatthita’’nti.

    агкарад̇о сад̇д̇а агкарасад̇асахассаани жад̇д̇аалийсан̃жа сахассаани д̇збан̃н̃аасан̃жа агкараани. бхаан̣аваарад̇о асийд̇и бхаан̣аваараа д̇звийсабад̣̇аад̇хиго жа убад̣дхабхаан̣авааро. анусанд̇хид̇о бужчаанусанд̇хи-аж̇жхаасаяаанусанд̇хи-яат̇аанусанд̇хивасзна сан̇кзбад̇о д̇ивид̇хо анусанд̇хи. вид̇т̇аарад̇о банзд̇т̇а д̇ийн̣и анусанд̇хисахассаани нава жа сад̇аани хонд̇и. д̇знааху бораан̣аа –

    Akkharato satta akkharasatasahassāni cattālīsañca sahassāni tepaññāsañca akkharāni. Bhāṇavārato asīti bhāṇavārā tevīsapadādhiko ca upaḍḍhabhāṇavāro. Anusandhito pucchānusandhi-ajjhāsayānusandhi-yathānusandhivasena saṅkhepato tividho anusandhi. Vitthārato panettha tīṇi anusandhisahassāni nava ca satāni honti. Tenāhu porāṇā –

    ‘‘д̇ийн̣и санд̇хисахассаани, д̇ат̇аа навасад̇аани жа;

    ‘‘Tīṇi sandhisahassāni, tathā navasatāni ca;

    анусанд̇хинаяаа зд̇з, маж̇жхимасса багаасид̇аа’’д̇и.

    Anusandhinayā ete, majjhimassa pakāsitā’’ti.

    д̇ад̇т̇а бан̣н̣аасаасу муулабан̣н̣аасаа аад̣̇и, ваг̇г̇зсу муулабарияааяаваг̇г̇о, суд̇д̇зсу муулабарияааяасуд̇д̇ам̣. д̇ассааби ‘‘звам̣ мз суд̇а’’нд̇иаад̣̇игам̣ ааяасмад̇аа аананд̣̇зна батамамахаасан̇г̇ийд̇игаалз вуд̇д̇ам̣ нид̣̇аанамаад̣̇и. саа банзсаа батамамахаасан̇г̇ийд̇и суман̇г̇алавилаасинияаа д̣̇ийгханигааяадтагат̇ааяа аад̣̇имхи вид̇т̇аарид̇аа. д̇асмаа саа д̇ад̇т̇а вид̇т̇аарид̇анаязнзва взд̣̇ид̇аб̣б̣аа.

    Tattha paṇṇāsāsu mūlapaṇṇāsā ādi, vaggesu mūlapariyāyavaggo, suttesu mūlapariyāyasuttaṃ. Tassāpi ‘‘evaṃ me suta’’ntiādikaṃ āyasmatā ānandena paṭhamamahāsaṅgītikāle vuttaṃ nidānamādi. Sā panesā paṭhamamahāsaṅgīti sumaṅgalavilāsiniyā dīghanikāyaṭṭhakathāya ādimhi vitthāritā. Tasmā sā tattha vitthāritanayeneva veditabbā.

    1. муулабарияааяаваг̇г̇о

    1. Mūlapariyāyavaggo

    1. муулабарияааяасуд̇д̇аван̣н̣анаа

    1. Mūlapariyāyasuttavaṇṇanā

    1. яам̣ банзд̇ам̣ ‘‘звам̣ мз суд̇а’’нд̇иаад̣̇игам̣ нид̣̇аанам̣. д̇ад̇т̇а званд̇и нибаад̇абад̣̇ам̣. мзд̇иаад̣̇ийни наамабад̣̇аани. уггадтааяам̣ вихарад̇ийд̇и зд̇т̇а вийд̇и убасаг̇г̇абад̣̇ам̣, харад̇ийд̇и аакяаад̇абад̣̇анд̇и иминаа д̇аава наязна бад̣̇авибхааг̇о взд̣̇ид̇аб̣б̣о.

    1. Yaṃ panetaṃ ‘‘evaṃ me suta’’ntiādikaṃ nidānaṃ. Tattha evanti nipātapadaṃ. Metiādīni nāmapadāni. Ukkaṭṭhāyaṃ viharatīti ettha vīti upasaggapadaṃ, haratīti ākhyātapadanti iminā tāva nayena padavibhāgo veditabbo.

    ад̇т̇ад̇о бана звам̣-сад̣̇д̣̇о д̇аава убамуубад̣̇зсасамбахам̣санаг̇арахан̣аважанасамбадиг̇г̇ахаагааранид̣̇ассанаавад̇хааран̣аад̣̇ианзгад̇т̇аббабхзд̣̇о. д̇ат̇аахзса – ‘‘звам̣ ж̇аад̇зна мажжзна гад̇д̇аб̣б̣ам̣ гусалам̣ б̣аху’’нд̇и звамаад̣̇ийсу (д̇ха. ба. 53) убамааяам̣ ааг̇ад̇о. ‘‘звам̣ д̇з абхиггамид̇аб̣б̣ам̣, звам̣ д̇з бадиггамид̇аб̣б̣а’’нд̇иаад̣̇ийсу (а. ни. 4.122) убад̣̇зсз. ‘‘звамзд̇ам̣ бхаг̇аваа, звамзд̇ам̣ суг̇ад̇аа’’д̇иаад̣̇ийсу (а. ни. 3.66) самбахам̣санз. ‘‘звамзвам̣ банааяам̣ васалий яасмим̣ ваа д̇асмим̣ ваа д̇асса мун̣д̣агасса саман̣агасса ван̣н̣ам̣ бхаасад̇ий’’д̇иаад̣̇ийсу (сам̣. ни. 1.187) г̇арахан̣з. ‘‘звам̣ бханд̇зд̇и ко д̇з бхигкуу бхаг̇авад̇о бажжассосу’’нд̇иаад̣̇ийсу (ма. ни. 1.1) важанасамбадиг̇г̇ахз. ‘‘звам̣ б̣яаако ахам̣, бханд̇з, бхаг̇авад̇аа д̇хаммам̣ д̣̇зсид̇ам̣ ааж̇аанаамий’’д̇иаад̣̇ийсу (ма. ни. 1.398) аагаарз. ‘‘зхи д̇вам̣, маан̣авага, язна саман̣о аананд̣̇о д̇знубасан̇гама, убасан̇гамид̇ваа мама важанзна саман̣ам̣, аананд̣̇ам̣, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужча – ‘субхо маан̣аво д̇од̣̇зяяабуд̇д̇о, бхаванд̇ам̣ аананд̣̇ам̣, аббааб̣аад̇хам̣ аббаад̇ан̇гам̣ лахудтаанам̣ б̣алам̣ паасувихаарам̣ бужчад̇ий’д̇и, зван̃жа вад̣̇зхи саад̇ху гира бхавам̣ аананд̣̇о язна субхасса маан̣авасса д̇од̣̇зяяабуд̇д̇асса нивзсанам̣, д̇знубасан̇гамад̇у анугамбам̣ убаад̣̇ааяаа’’д̇иаад̣̇ийсу (д̣̇ий. ни. 1.445) нид̣̇ассанз. ‘‘д̇ам̣ гим̣ ман̃н̃ат̇а, гаалаамаа, имз д̇хаммаа гусалаа ваа агусалаа ваад̇и? агусалаа, бханд̇з. сааваж̇ж̇аа ваа анаваж̇ж̇аа ваад̇и? сааваж̇ж̇аа, бханд̇з. вин̃н̃уг̇арахид̇аа ваа вин̃н̃уббасад̇т̇аа ваад̇и? вин̃н̃уг̇арахид̇аа, бханд̇з. самад̇д̇аа самаад̣̇иннаа ахид̇ааяа д̣̇угкааяа сам̣вад̇д̇анд̇и но ваа, гат̇ам̣ во зд̇т̇а ход̇ийд̇и? самад̇д̇аа, бханд̇з, самаад̣̇иннаа ахид̇ааяа д̣̇угкааяа сам̣вад̇д̇анд̇и, звам̣ но зд̇т̇а ход̇ий’’д̇иаад̣̇ийсу (а. ни. 3.66) авад̇хааран̣з. свааяамид̇ха аагааранид̣̇ассанаавад̇хааран̣зсу д̣̇адтаб̣б̣о.

    Atthato pana evaṃ-saddo tāva upamūpadesasampahaṃsanagarahaṇavacanasampaṭiggahākāranidassanāvadhāraṇādianekatthappabhedo. Tathāhesa – ‘‘evaṃ jātena maccena kattabbaṃ kusalaṃ bahu’’nti evamādīsu (dha. pa. 53) upamāyaṃ āgato. ‘‘Evaṃ te abhikkamitabbaṃ, evaṃ te paṭikkamitabba’’ntiādīsu (a. ni. 4.122) upadese. ‘‘Evametaṃ bhagavā, evametaṃ sugatā’’tiādīsu (a. ni. 3.66) sampahaṃsane. ‘‘Evamevaṃ panāyaṃ vasalī yasmiṃ vā tasmiṃ vā tassa muṇḍakassa samaṇakassa vaṇṇaṃ bhāsatī’’tiādīsu (saṃ. ni. 1.187) garahaṇe. ‘‘Evaṃ bhanteti kho te bhikkhū bhagavato paccassosu’’ntiādīsu (ma. ni. 1.1) vacanasampaṭiggahe. ‘‘Evaṃ byākho ahaṃ, bhante, bhagavatā dhammaṃ desitaṃ ājānāmī’’tiādīsu (ma. ni. 1.398) ākāre. ‘‘Ehi tvaṃ, māṇavaka, yena samaṇo ānando tenupasaṅkama, upasaṅkamitvā mama vacanena samaṇaṃ, ānandaṃ, appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘subho māṇavo todeyyaputto, bhavantaṃ ānandaṃ, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti, evañca vadehi sādhu kira bhavaṃ ānando yena subhassa māṇavassa todeyyaputtassa nivesanaṃ, tenupasaṅkamatu anukampaṃ upādāyā’’tiādīsu (dī. ni. 1.445) nidassane. ‘‘Taṃ kiṃ maññatha, kālāmā, ime dhammā kusalā vā akusalā vāti? Akusalā, bhante. Sāvajjā vā anavajjā vāti? Sāvajjā, bhante. Viññugarahitā vā viññuppasatthā vāti? Viññugarahitā, bhante. Samattā samādinnā ahitāya dukkhāya saṃvattanti no vā, kathaṃ vo ettha hotīti? Samattā, bhante, samādinnā ahitāya dukkhāya saṃvattanti, evaṃ no ettha hotī’’tiādīsu (a. ni. 3.66) avadhāraṇe. Svāyamidha ākāranidassanāvadhāraṇesu daṭṭhabbo.

    д̇ад̇т̇а аагаарадтзна звам̣сад̣̇д̣̇зна зд̇амад̇т̇ам̣ д̣̇ийбзд̇и – наанаанаяанибун̣ам̣ анзгаж̇жхаасаяасамудтаанам̣ ад̇т̇аб̣яан̃ж̇анасамбаннам̣ вивид̇хабаадихаарияам̣ д̇хаммад̇т̇ад̣̇зсанаабадивзд̇хаг̇амбхийрам̣ саб̣б̣асад̇д̇аанам̣ сагасагабхаасаануруубад̇о сод̇абат̇амааг̇ажчанд̇ам̣ д̇асса бхаг̇авад̇о важанам̣ саб̣б̣аббагаарзна го самад̇т̇о вин̃н̃аад̇ум̣, саб̣б̣ат̇аамзна бана сод̇угаамад̇ам̣ ж̇анзд̇вааби звам̣ мз суд̇ам̣, маяааби згзнаагаарзна суд̇анд̇и.

    Tattha ākāraṭṭhena evaṃsaddena etamatthaṃ dīpeti – nānānayanipuṇaṃ anekajjhāsayasamuṭṭhānaṃ atthabyañjanasampannaṃ vividhapāṭihāriyaṃ dhammatthadesanāpaṭivedhagambhīraṃ sabbasattānaṃ sakasakabhāsānurūpato sotapathamāgacchantaṃ tassa bhagavato vacanaṃ sabbappakārena ko samattho viññātuṃ, sabbathāmena pana sotukāmataṃ janetvāpi evaṃ me sutaṃ, mayāpi ekenākārena sutanti.

    нид̣̇ассанадтзна ‘‘наахам̣ саяамбхуу, на маяаа ид̣̇ам̣ сажчигад̇а’’нд̇и ад̇д̇аанам̣ бариможзнд̇о звам̣ мз суд̇ам̣, маяааби звам̣ суд̇анд̇и ид̣̇аани вад̇д̇аб̣б̣ам̣ сагалам̣ суд̇д̇ам̣ нид̣̇ассзд̇и.

    Nidassanaṭṭhena ‘‘nāhaṃ sayambhū, na mayā idaṃ sacchikata’’nti attānaṃ parimocento evaṃ me sutaṃ, mayāpi evaṃ sutanti idāni vattabbaṃ sakalaṃ suttaṃ nidasseti.

    авад̇хааран̣адтзна ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ б̣ахуссуд̇аанам̣ яад̣̇ид̣̇ам̣ аананд̣̇о, г̇ад̇иманд̇аанам̣, сад̇иманд̇аанам̣, д̇хид̇иманд̇аанам̣, убадтаагаанам̣ яад̣̇ид̣̇ам̣ аананд̣̇о’’д̇и (а. ни. 1.219-223) звам̣ бхаг̇авад̇аа, ‘‘ааяасмаа аананд̣̇о ад̇т̇агусало д̇хаммагусало б̣яан̃ж̇анагусало нируд̇д̇игусало буб̣б̣аабарагусало’’д̇и (а. ни. 5.169) звам̣ д̇хаммасзнаабад̇инаа жа басад̇т̇абхааваануруубам̣ ад̇д̇ано д̇хааран̣аб̣алам̣ д̣̇ассзнд̇о сад̇д̇аанам̣ сод̇угамяад̇ам̣ ж̇анзд̇и ‘‘звам̣ мз суд̇ам̣, д̇ан̃жа ко ад̇т̇ад̇о ваа б̣яан̃ж̇анад̇о ваа ануунаманад̇хигам̣, звамзва на ан̃н̃ат̇аа д̣̇адтаб̣б̣а’’нд̇и.

    Avadhāraṇaṭṭhena ‘‘etadaggaṃ, bhikkhave, mama sāvakānaṃ bhikkhūnaṃ bahussutānaṃ yadidaṃ ānando, gatimantānaṃ, satimantānaṃ, dhitimantānaṃ, upaṭṭhākānaṃ yadidaṃ ānando’’ti (a. ni. 1.219-223) evaṃ bhagavatā, ‘‘āyasmā ānando atthakusalo dhammakusalo byañjanakusalo niruttikusalo pubbāparakusalo’’ti (a. ni. 5.169) evaṃ dhammasenāpatinā ca pasatthabhāvānurūpaṃ attano dhāraṇabalaṃ dassento sattānaṃ sotukamyataṃ janeti ‘‘evaṃ me sutaṃ, tañca kho atthato vā byañjanato vā anūnamanadhikaṃ, evameva na aññathā daṭṭhabba’’nti.

    мз-сад̣̇д̣̇о д̇ийсу ад̇т̇зсу д̣̇иссад̇и. д̇ат̇аа хисса ‘‘г̇аат̇аабхиг̇ийд̇ам̣ мз абхож̇анзяяа’’нд̇иаад̣̇ийсу (су. ни. 81) маяаад̇и ад̇т̇о. ‘‘саад̇ху мз, бханд̇з бхаг̇аваа, сам̣кид̇д̇зна д̇хаммам̣ д̣̇зсзд̇уу’’д̇иаад̣̇ийсу (сам̣. ни. 4.88) маяханд̇и ад̇т̇о. ‘‘д̇хаммад̣̇ааяаад̣̇аа мз, бхигкавз, бхават̇аа’’д̇иаад̣̇ийсу (ма. ни. 1.29) мамаад̇и ад̇т̇о. ид̇ха бана ‘‘маяаа суд̇а’’нд̇и жа ‘‘мама суд̇а’’нд̇и жа ад̇т̇ад̣̇ваяз яуж̇ж̇ад̇и.

    Me-saddo tīsu atthesu dissati. Tathā hissa ‘‘gāthābhigītaṃ me abhojaneyya’’ntiādīsu (su. ni. 81) mayāti attho. ‘‘Sādhu me, bhante bhagavā, saṃkhittena dhammaṃ desetū’’tiādīsu (saṃ. ni. 4.88) mayhanti attho. ‘‘Dhammadāyādā me, bhikkhave, bhavathā’’tiādīsu (ma. ni. 1.29) mamāti attho. Idha pana ‘‘mayā suta’’nti ca ‘‘mama suta’’nti ca atthadvaye yujjati.

    суд̇анд̇и аяам̣ суд̇а-сад̣̇д̣̇о саубасаг̇г̇о жа анубасаг̇г̇о жа г̇амана-виссуд̇а-гилинна-убажид̇аануяог̇а-сод̇авин̃н̃зяяа-сод̇ад̣̇ваараанусааравин̃н̃аад̇аад̣̇ианзгад̇т̇аббабхзд̣̇о. д̇ат̇аа хисса ‘‘сзнааяа басуд̇о’’д̇иаад̣̇ийсу г̇ажчанд̇од̇и ад̇т̇о. ‘‘суд̇ад̇хаммасса бассад̇о’’д̇иаад̣̇ийсу (уд̣̇аа. 11) виссуд̇ад̇хаммассаад̇и ад̇т̇о, ‘‘авассуд̇аа авассуд̇ассаад̇и’’аад̣̇ийсу (баажи. 657) гилиннаа гилиннассаад̇и ад̇т̇о. ‘‘д̇умхзхи бун̃н̃ам̣ басуд̇ам̣ анаббага’’нд̇иаад̣̇ийсу (ку. баа. 7.12) убажид̇анд̇и ад̇т̇о. ‘‘яз жхаанабасуд̇аа д̇хийраа’’д̇иаад̣̇ийсу (д̇ха. ба. 181) жхаанаануяуд̇д̇аад̇и ад̇т̇о. ‘‘д̣̇идтам̣ суд̇ам̣ муд̇а’’нд̇иаад̣̇ийсу (ма. ни. 1.241) сод̇авин̃н̃зяяанд̇и ад̇т̇о. ‘‘суд̇ад̇харо суд̇асаннижаяо’’д̇иаад̣̇ийсу (ма. ни. 1.339) сод̇ад̣̇ваараанусааравин̃н̃аад̇ад̇харод̇и ад̇т̇о. ид̇ха банасса сод̇ад̣̇ваараанусаарзна ‘‘убад̇хаарид̇а’’нд̇и ваа ‘‘убад̇хааран̣а’’нд̇и ваад̇и ад̇т̇о. мз-сад̣̇д̣̇асса хи маяаад̇и ад̇т̇з сад̇и ‘‘звам̣ маяаа суд̇ам̣ сод̇ад̣̇ваараанусаарзна убад̇хаарид̇а’’нд̇и яуж̇ж̇ад̇и. мамаад̇и ад̇т̇з сад̇и ‘‘звам̣ мама суд̇ам̣ сод̇ад̣̇ваараанусаарзна убад̇хааран̣а’’нд̇и яуж̇ж̇ад̇и.

    Sutanti ayaṃ suta-saddo saupasaggo ca anupasaggo ca gamana-vissuta-kilinna-upacitānuyoga-sotaviññeyya-sotadvārānusāraviññātādianekatthappabhedo. Tathā hissa ‘‘senāya pasuto’’tiādīsu gacchantoti attho. ‘‘Sutadhammassa passato’’tiādīsu (udā. 11) vissutadhammassāti attho, ‘‘avassutā avassutassāti’’ādīsu (pāci. 657) kilinnā kilinnassāti attho. ‘‘Tumhehi puññaṃ pasutaṃ anappaka’’ntiādīsu (khu. pā. 7.12) upacitanti attho. ‘‘Ye jhānapasutā dhīrā’’tiādīsu (dha. pa. 181) jhānānuyuttāti attho. ‘‘Diṭṭhaṃ sutaṃ muta’’ntiādīsu (ma. ni. 1.241) sotaviññeyyanti attho. ‘‘Sutadharo sutasannicayo’’tiādīsu (ma. ni. 1.339) sotadvārānusāraviññātadharoti attho. Idha panassa sotadvārānusārena ‘‘upadhārita’’nti vā ‘‘upadhāraṇa’’nti vāti attho. Me-saddassa hi mayāti atthe sati ‘‘evaṃ mayā sutaṃ sotadvārānusārena upadhārita’’nti yujjati. Mamāti atthe sati ‘‘evaṃ mama sutaṃ sotadvārānusārena upadhāraṇa’’nti yujjati.

    звамзд̇зсу д̇ийсу бад̣̇зсу званд̇и сод̇авин̃н̃аан̣аад̣̇ивин̃н̃аан̣агижжанид̣̇ассанам̣. мзд̇и вуд̇д̇авин̃н̃аан̣асаман̇г̇ибуг̇г̇аланид̣̇ассанам̣. суд̇анд̇и ассаванабхааваббадигкзбад̇о ануунаанад̇хигаавибарийд̇аг̇г̇ахан̣анид̣̇ассанам̣. д̇ат̇аа званд̇и д̇ассаа сод̇ад̣̇ваараанусаарзна бавад̇д̇ааяа вин̃н̃аан̣авийт̇ияаа наанаббагаарзна аарамман̣з бавад̇д̇ибхааваббагаасанам̣. мзд̇и ад̇д̇аббагаасанам̣. суд̇анд̇и д̇хаммаббагаасанам̣. аяан̃хзд̇т̇а сан̇кзбо ‘‘наанаббагаарзна аарамман̣з бавад̇д̇ааяа вин̃н̃аан̣авийт̇ияаа маяаа на ан̃н̃ам̣ гад̇ам̣, ид̣̇ам̣ бана гад̇ам̣, аяам̣ д̇хаммо суд̇о’’д̇и.

    Evametesu tīsu padesu evanti sotaviññāṇādiviññāṇakiccanidassanaṃ. Meti vuttaviññāṇasamaṅgipuggalanidassanaṃ. Sutanti assavanabhāvappaṭikkhepato anūnānadhikāviparītaggahaṇanidassanaṃ. Tathā evanti tassā sotadvārānusārena pavattāya viññāṇavīthiyā nānappakārena ārammaṇe pavattibhāvappakāsanaṃ. Meti attappakāsanaṃ. Sutanti dhammappakāsanaṃ. Ayañhettha saṅkhepo ‘‘nānappakārena ārammaṇe pavattāya viññāṇavīthiyā mayā na aññaṃ kataṃ, idaṃ pana kataṃ, ayaṃ dhammo suto’’ti.

    д̇ат̇аа званд̇и нид̣̇д̣̇исид̇аб̣б̣аббагаасанам̣. мзд̇и буг̇г̇алаббагаасанам̣. суд̇анд̇и буг̇г̇алагижжаббагаасанам̣. ид̣̇ам̣ вуд̇д̇ам̣ ход̇и – яам̣ суд̇д̇ам̣ нид̣̇д̣̇исиссаами, д̇ам̣ маяаа звам̣ суд̇анд̇и.

    Tathā evanti niddisitabbappakāsanaṃ. Meti puggalappakāsanaṃ. Sutanti puggalakiccappakāsanaṃ. Idaṃ vuttaṃ hoti – yaṃ suttaṃ niddisissāmi, taṃ mayā evaṃ sutanti.

    д̇ат̇аа званд̇и яасса жид̇д̇асанд̇аанасса наанаагаараббавад̇д̇ияаа наанад̇т̇аб̣яан̃ж̇анаг̇г̇ахан̣ам̣ ход̇и, д̇асса наанаагааранид̣̇д̣̇зсо. званд̇и хи аяам̣ аагаарабан̃н̃ад̇д̇и, мзд̇и гад̇д̇унид̣̇д̣̇зсо, суд̇анд̇и висаяанид̣̇д̣̇зсо. зд̇д̇аавад̇аа наанаагаараббавад̇д̇зна жид̇д̇асанд̇аанзна д̇ам̣саман̇г̇ино гад̇д̇увисаяз г̇ахан̣асаннидтаанам̣ гад̇ам̣ ход̇и.

    Tathā evanti yassa cittasantānassa nānākārappavattiyā nānatthabyañjanaggahaṇaṃ hoti, tassa nānākāraniddeso. Evanti hi ayaṃ ākārapaññatti, meti kattuniddeso, sutanti visayaniddeso. Ettāvatā nānākārappavattena cittasantānena taṃsamaṅgino kattuvisaye gahaṇasanniṭṭhānaṃ kataṃ hoti.

    ат̇а ваа званд̇и буг̇г̇алагижжанид̣̇д̣̇зсо. суд̇анд̇и вин̃н̃аан̣агижжанид̣̇д̣̇зсо. мзд̇и убхаяагижжаяуд̇д̇абуг̇г̇аланид̣̇д̣̇зсо. аяам̣ банзд̇т̇а сан̇кзбо – маяаа саванагижжавин̃н̃аан̣асаман̇г̇инаа буг̇г̇алзна вин̃н̃аан̣авасзна лад̣̇д̇хасаванагижжавохаарзна суд̇анд̇и.

    Atha vā evanti puggalakiccaniddeso. Sutanti viññāṇakiccaniddeso. Meti ubhayakiccayuttapuggalaniddeso. Ayaṃ panettha saṅkhepo – mayā savanakiccaviññāṇasamaṅginā puggalena viññāṇavasena laddhasavanakiccavohārena sutanti.

    д̇ад̇т̇а званд̇и жа мзд̇и жа сажжигадтабарамад̇т̇авасзна авиж̇ж̇амаанабан̃н̃ад̇д̇и. гин̃хзд̇т̇а д̇ам̣ барамад̇т̇ад̇о ад̇т̇и, яам̣ званд̇и ваа мзд̇и ваа нид̣̇д̣̇зсам̣ лабхзт̇а? суд̇анд̇и виж̇ж̇амаанабан̃н̃ад̇д̇и. яан̃хи д̇амзд̇т̇а сод̇зна убалад̣̇д̇хам̣, д̇ам̣ барамад̇т̇ад̇о виж̇ж̇амаананд̇и.

    Tattha evanti ca meti ca saccikaṭṭhaparamatthavasena avijjamānapaññatti. Kiñhettha taṃ paramatthato atthi, yaṃ evanti vā meti vā niddesaṃ labhetha? Sutanti vijjamānapaññatti. Yañhi tamettha sotena upaladdhaṃ, taṃ paramatthato vijjamānanti.

    д̇ат̇аа званд̇и жа мзд̇и жа д̇ам̣ д̇ам̣ убаад̣̇ааяа вад̇д̇аб̣б̣ад̇о убаад̣̇аабан̃н̃ад̇д̇и. суд̇анд̇и д̣̇идтаад̣̇ийни убанид̇хааяа вад̇д̇аб̣б̣ад̇о убанид̇хаабан̃н̃ад̇д̇и. зд̇т̇а жа званд̇и важанзна асаммохам̣ д̣̇ийбзд̇и. на хи саммуул̣хо наанаббагаарабадивзд̇хасамад̇т̇о ход̇и. суд̇анд̇и важанзна суд̇асса асаммосам̣ д̣̇ийбзд̇и. яасса хи суд̇ам̣ саммудтам̣ ход̇и , на со гааланд̇арзна маяаа суд̇анд̇и бадиж̇аанаад̇и. ижжасса асаммохзна бан̃н̃аасид̣̇д̇хи, асаммосзна бана сад̇исид̣̇д̇хи. д̇ад̇т̇а бан̃н̃аа буб̣б̣ан̇г̇амааяа сад̇ияаа б̣яан̃ж̇анаавад̇хааран̣асамад̇т̇ад̇аа, сад̇ибуб̣б̣ан̇г̇амааяа бан̃н̃ааяа ад̇т̇абадивзд̇хасамад̇т̇ад̇аа, д̇ад̣̇убхаяасамад̇т̇ад̇ааяог̇зна ад̇т̇аб̣яан̃ж̇анасамбаннасса д̇хаммагосасса анубааланасамад̇т̇ад̇о д̇хаммабхан̣д̣ааг̇ааригад̇д̇асид̣̇д̇хи.

    Tathā evanti ca meti ca taṃ taṃ upādāya vattabbato upādāpaññatti. Sutanti diṭṭhādīni upanidhāya vattabbato upanidhāpaññatti. Ettha ca evanti vacanena asammohaṃ dīpeti. Na hi sammūḷho nānappakārapaṭivedhasamattho hoti. Sutanti vacanena sutassa asammosaṃ dīpeti. Yassa hi sutaṃ sammuṭṭhaṃ hoti , na so kālantarena mayā sutanti paṭijānāti. Iccassa asammohena paññāsiddhi, asammosena pana satisiddhi. Tattha paññā pubbaṅgamāya satiyā byañjanāvadhāraṇasamatthatā, satipubbaṅgamāya paññāya atthapaṭivedhasamatthatā, tadubhayasamatthatāyogena atthabyañjanasampannassa dhammakosassa anupālanasamatthato dhammabhaṇḍāgārikattasiddhi.

    абаро наяо – званд̇и важанзна яонисо манасигаарам̣ д̣̇ийбзд̇и, аяонисо манасигарод̇о хи наанаббагаарабадивзд̇хаабхаавад̇о. суд̇анд̇и важанзна авигкзбам̣ д̣̇ийбзд̇и, вигкид̇д̇ажид̇д̇асса саванаабхаавад̇о. д̇ат̇аа хи вигкид̇д̇ажид̇д̇о буг̇г̇ало саб̣б̣асамбад̇д̇ияаа вужжамааноби ‘‘на маяаа суд̇ам̣, буна бхан̣ат̇аа’’д̇и бхан̣ад̇и. яонисо манасигаарзна жзд̇т̇а ад̇д̇асаммаабан̣ид̇хим̣ буб̣б̣з жа гад̇абун̃н̃ад̇ам̣ саад̇хзд̇и, саммаа абан̣ихид̇ад̇д̇асса буб̣б̣з агад̇абун̃н̃асса ваа д̇ад̣̇абхаавад̇о. авигкзбзна бана сад̣̇д̇хаммассаванам̣ саббурисуубаниссаяан̃жа саад̇хзд̇и. на хи вигкид̇д̇ажид̇д̇о сод̇ум̣ саггод̇и, на жа саббурисз анубассаяамаанасса саванам̣ ад̇т̇ийд̇и.

    Aparo nayo – evanti vacanena yoniso manasikāraṃ dīpeti, ayoniso manasikaroto hi nānappakārapaṭivedhābhāvato. Sutanti vacanena avikkhepaṃ dīpeti, vikkhittacittassa savanābhāvato. Tathā hi vikkhittacitto puggalo sabbasampattiyā vuccamānopi ‘‘na mayā sutaṃ, puna bhaṇathā’’ti bhaṇati. Yoniso manasikārena cettha attasammāpaṇidhiṃ pubbe ca katapuññataṃ sādheti, sammā apaṇihitattassa pubbe akatapuññassa vā tadabhāvato. Avikkhepena pana saddhammassavanaṃ sappurisūpanissayañca sādheti. Na hi vikkhittacitto sotuṃ sakkoti, na ca sappurise anupassayamānassa savanaṃ atthīti.

    абаро наяо – яасмаа званд̇и яасса жид̇д̇асанд̇аанасса наанаагаараббавад̇д̇ияаа наанад̇т̇аб̣яан̃ж̇анаг̇г̇ахан̣ам̣ ход̇и, д̇асса наанаагааранид̣̇д̣̇зсод̇и вуд̇д̇ам̣. со жа звам̣ бхад̣̇д̣̇аго аагааро на саммаа аббан̣ихид̇ад̇д̇ано буб̣б̣з агад̇абун̃н̃асса ваа ход̇и, д̇асмаа званд̇и иминаа бхад̣̇д̣̇агзна аагаарзна бажчимажаггад̣̇ваяасамбад̇д̇им̣ ад̇д̇ано д̣̇ийбзд̇и, суд̇анд̇и саванаяог̇зна буримажаггад̣̇ваяасамбад̇д̇им̣. на хи аббад̇ируубад̣̇зсз васад̇о саббурисуубаниссаяавирахид̇асса ваа саванам̣ ад̇т̇и. ижжасса бажчимажаггад̣̇ваяасид̣̇д̇хияаа аасаяасуд̣̇д̇хи сид̣̇д̇хаа ход̇и. буримажаггад̣̇ваяасид̣̇д̇хияаа баяог̇асуд̣̇д̇хи. д̇ааяа жа аасаяасуд̣̇д̇хияаа ад̇хиг̇амаб̣яад̇д̇исид̣̇д̇хи, баяог̇асуд̣̇д̇хияаа ааг̇амаб̣яад̇д̇исид̣̇д̇хи. ид̇и баяог̇аасаяасуд̣̇д̇хасса ааг̇амаад̇хиг̇амасамбаннасса важанам̣ арун̣уг̇г̇ам̣ вияа суурияасса уд̣̇аяад̇о яонисоманасигааро вияа жа гусалагаммасса арахад̇и бхаг̇авад̇о важанасса буб̣б̣ан̇г̇амам̣ бхавид̇унд̇и таанз нид̣̇аанам̣ табзнд̇о звам̣ мз суд̇анд̇иаад̣̇имааха.

    Aparo nayo – yasmā evanti yassa cittasantānassa nānākārappavattiyā nānatthabyañjanaggahaṇaṃ hoti, tassa nānākāraniddesoti vuttaṃ. So ca evaṃ bhaddako ākāro na sammā appaṇihitattano pubbe akatapuññassa vā hoti, tasmā evanti iminā bhaddakena ākārena pacchimacakkadvayasampattiṃ attano dīpeti, sutanti savanayogena purimacakkadvayasampattiṃ. Na hi appatirūpadese vasato sappurisūpanissayavirahitassa vā savanaṃ atthi. Iccassa pacchimacakkadvayasiddhiyā āsayasuddhi siddhā hoti. Purimacakkadvayasiddhiyā payogasuddhi. Tāya ca āsayasuddhiyā adhigamabyattisiddhi, payogasuddhiyā āgamabyattisiddhi. Iti payogāsayasuddhassa āgamādhigamasampannassa vacanaṃ aruṇuggaṃ viya sūriyassa udayato yonisomanasikāro viya ca kusalakammassa arahati bhagavato vacanassa pubbaṅgamaṃ bhavitunti ṭhāne nidānaṃ ṭhapento evaṃ me sutantiādimāha.

    абаро наяо – званд̇и иминаа наанаббагаарабадивзд̇хад̣̇ийбагзна важанзна ад̇д̇ано ад̇т̇абадибхаанабадисамбхид̣̇аасамбад̇д̇исаб̣бхаавам̣ д̣̇ийбзд̇и. суд̇анд̇и иминаа сод̇аб̣б̣абхзд̣̇абадивзд̇хад̣̇ийбагзна д̇хамманируд̇д̇ибадисамбхид̣̇аасамбад̇д̇исаб̣бхаавам̣ . званд̇и жа ид̣̇ам̣ яонисоманасигаарад̣̇ийбагам̣ важанам̣ бхаасамаано – ‘‘зд̇з маяаа д̇хаммаа манасаанубзгкид̇аа д̣̇идтияаа суббадивид̣̇д̇хаа’’д̇и д̣̇ийбзд̇и. суд̇анд̇и ид̣̇ам̣ саванаяог̇ад̣̇ийбагам̣ важанам̣ бхаасамаано – ‘‘б̣ахуу маяаа д̇хаммаа суд̇аа д̇хаад̇аа важасаа барижид̇аа’’д̇и д̣̇ийбзд̇и. д̇ад̣̇убхаязнаби ад̇т̇аб̣яан̃ж̇анабаарибуурим̣ д̣̇ийбзнд̇о саванз аад̣̇арам̣ ж̇анзд̇и. ад̇т̇аб̣яан̃ж̇анабарибун̣н̣ан̃хи д̇хаммам̣ аад̣̇арзна ассун̣анд̇о махад̇аа хид̇аа бариб̣аахиро ход̇ийд̇и аад̣̇арам̣ ж̇анзд̇ваа саггажжам̣ д̇хаммо сод̇аб̣б̣од̇и.

    Aparo nayo – evanti iminā nānappakārapaṭivedhadīpakena vacanena attano atthapaṭibhānapaṭisambhidāsampattisabbhāvaṃ dīpeti. Sutanti iminā sotabbabhedapaṭivedhadīpakena dhammaniruttipaṭisambhidāsampattisabbhāvaṃ . Evanti ca idaṃ yonisomanasikāradīpakaṃ vacanaṃ bhāsamāno – ‘‘ete mayā dhammā manasānupekkhitā diṭṭhiyā suppaṭividdhā’’ti dīpeti. Sutanti idaṃ savanayogadīpakaṃ vacanaṃ bhāsamāno – ‘‘bahū mayā dhammā sutā dhātā vacasā paricitā’’ti dīpeti. Tadubhayenapi atthabyañjanapāripūriṃ dīpento savane ādaraṃ janeti. Atthabyañjanaparipuṇṇañhi dhammaṃ ādarena assuṇanto mahatā hitā paribāhiro hotīti ādaraṃ janetvā sakkaccaṃ dhammo sotabboti.

    ‘‘звам̣ мз суд̇а’’нд̇и иминаа бана сагалзна важанзна ааяасмаа аананд̣̇о д̇ат̇ааг̇ад̇аббавзд̣̇ид̇ам̣ д̇хаммам̣ ад̇д̇ано ад̣̇аханд̇о асаббурисабхуумим̣ ад̇иггамад̇и, саавагад̇д̇ам̣ бадиж̇аананд̇о саббурисабхуумим̣ оггамад̇и. д̇ат̇аа асад̣̇д̇хаммаа жид̇д̇ам̣ вудтаабзд̇и, сад̣̇д̇хаммз жид̇д̇ам̣ бад̇идтаабзд̇и. ‘‘гзвалам̣ суд̇амзвзд̇ам̣ маяаа д̇ассзва бана бхаг̇авад̇о важана’’нд̇и д̣̇ийбзнд̇о ад̇д̇аанам̣ бариможзд̇и, сад̇т̇аарам̣ абад̣̇исад̇и, ж̇инаважанам̣ аббзд̇и, д̇хамманзд̇д̇им̣ бад̇идтаабзд̇и.

    ‘‘Evaṃ me suta’’nti iminā pana sakalena vacanena āyasmā ānando tathāgatappaveditaṃ dhammaṃ attano adahanto asappurisabhūmiṃ atikkamati, sāvakattaṃ paṭijānanto sappurisabhūmiṃ okkamati. Tathā asaddhammā cittaṃ vuṭṭhāpeti, saddhamme cittaṃ patiṭṭhāpeti. ‘‘Kevalaṃ sutamevetaṃ mayā tasseva pana bhagavato vacana’’nti dīpento attānaṃ parimoceti, satthāraṃ apadisati, jinavacanaṃ appeti, dhammanettiṃ patiṭṭhāpeti.

    абижа ‘‘звам̣ мз суд̇а’’нд̇и ад̇д̇анаа уббаад̣̇ид̇абхаавам̣ аббадиж̇аананд̇о буримаважанам̣ виваранд̇о ‘‘саммукаа бадиг̇г̇ахид̇амид̣̇ам̣ маяаа д̇асса бхаг̇авад̇о жад̇увзсаараж̇ж̇ависаарад̣̇асса д̣̇асаб̣алад̇харасса аасабхадтаанадтааяино сийханаад̣̇анаад̣̇ино саб̣б̣асад̇д̇уд̇д̇амасса д̇хаммиссарасса д̇хаммарааж̇асса д̇хаммаад̇хибад̇ино д̇хаммад̣̇ийбасса д̇хаммасаран̣асса сад̣̇д̇хаммаваражаггавад̇д̇ино саммаасамб̣уд̣̇д̇хасса важанам̣, на зд̇т̇а ад̇т̇з ваа д̇хаммз ваа бад̣̇з ваа б̣яан̃ж̇анз ваа ган̇каа ваа вимад̇и ваа гад̇д̇аб̣б̣аа’’д̇и саб̣б̣ад̣̇звамануссаанам̣ имасмим̣ д̇хаммз ассад̣̇д̇хияам̣ винаасзд̇и, сад̣̇д̇хаасамбад̣̇ам̣ уббаад̣̇зд̇ийд̇и. д̇знзд̇ам̣ вужжад̇и –

    Apica ‘‘evaṃ me suta’’nti attanā uppāditabhāvaṃ appaṭijānanto purimavacanaṃ vivaranto ‘‘sammukhā paṭiggahitamidaṃ mayā tassa bhagavato catuvesārajjavisāradassa dasabaladharassa āsabhaṭṭhānaṭṭhāyino sīhanādanādino sabbasattuttamassa dhammissarassa dhammarājassa dhammādhipatino dhammadīpassa dhammasaraṇassa saddhammavaracakkavattino sammāsambuddhassa vacanaṃ, na ettha atthe vā dhamme vā pade vā byañjane vā kaṅkhā vā vimati vā kattabbā’’ti sabbadevamanussānaṃ imasmiṃ dhamme assaddhiyaṃ vināseti, saddhāsampadaṃ uppādetīti. Tenetaṃ vuccati –

    ‘‘винаасаяад̇и ассад̣̇д̇хам̣, сад̣̇д̇хам̣ вад̣дхзд̇и саасанз;

    ‘‘Vināsayati assaddhaṃ, saddhaṃ vaḍḍheti sāsane;

    звам̣ мз суд̇амижжзвам̣, вад̣̇ам̣ г̇од̇амасааваго’’д̇и.

    Evaṃ me sutamiccevaṃ, vadaṃ gotamasāvako’’ti.

    зганд̇и г̇ан̣анабарижчзд̣̇анид̣̇д̣̇зсо. самаяанд̇и барижчиннанид̣̇д̣̇зсо. згам̣ самаяанд̇и анияамид̇абарид̣̇ийбанам̣. д̇ад̇т̇а самаяасад̣̇д̣̇о –

    Ekanti gaṇanaparicchedaniddeso. Samayanti paricchinnaniddeso. Ekaṃ samayanti aniyamitaparidīpanaṃ. Tattha samayasaddo –

    самавааяз кан̣з гаалз, самуухз хзд̇уд̣̇идтису;

    Samavāye khaṇe kāle, samūhe hetudiṭṭhisu;

    бадилаабхз бахаанз жа, бадивзд̇хз жа д̣̇иссад̇и.

    Paṭilābhe pahāne ca, paṭivedhe ca dissati.

    д̇ат̇аа хисса ‘‘аббзва наама свзби убасан̇гамзяяаама гаалан̃жа самаяан̃жа убаад̣̇ааяаа’’д̇и звамаад̣̇ийсу (д̣̇ий. ни. 1.447) самавааяо ад̇т̇о. ‘‘згова ко, бхигкавз, кан̣о жа самаяо жа б̣рахмажарияаваасааяаа’’д̇иаад̣̇ийсу (а. ни. 8.29) кан̣о. ‘‘ун̣хасамаяо барил̣аахасамаяо’’д̇иаад̣̇ийсу (баажи. 358) гаало. ‘‘махаасамаяо баванасми’’нд̇иаад̣̇ийсу самуухо. ‘‘самаяоби ко д̇з, бхад̣̇д̣̇аали, аббадивид̣̇д̇хо ахоси, бхаг̇аваа ко саавад̇т̇ияам̣ вихарад̇и, бхаг̇авааби мам̣ ж̇ааниссад̇и, ‘бхад̣̇д̣̇аали, наама бхигку сад̇т̇усаасанз сигкааяа на барибуурагаарий’д̇и, аяамби ко д̇з, бхад̣̇д̣̇аали, самаяо аббадивид̣̇д̇хо ахосий’’д̇иаад̣̇ийсу (ма. ни. 2.135) хзд̇у . ‘‘д̇зна ко бана самаязна уг̇г̇аахамаано бариб̣б̣ааж̇аго саман̣амун̣д̣игаабуд̇д̇о самаяаббаваад̣̇агз д̇инд̣̇угаажийрз згасаалагз маллигааяа аараамз бадивасад̇ий’’д̇иаад̣̇ийсу (ма. ни. 2.260) д̣̇идти.

    Tathā hissa ‘‘appeva nāma svepi upasaṅkameyyāma kālañca samayañca upādāyā’’ti evamādīsu (dī. ni. 1.447) samavāyo attho. ‘‘Ekova kho, bhikkhave, khaṇo ca samayo ca brahmacariyavāsāyā’’tiādīsu (a. ni. 8.29) khaṇo. ‘‘Uṇhasamayo pariḷāhasamayo’’tiādīsu (pāci. 358) kālo. ‘‘Mahāsamayo pavanasmi’’ntiādīsu samūho. ‘‘Samayopi kho te, bhaddāli, appaṭividdho ahosi, bhagavā kho sāvatthiyaṃ viharati, bhagavāpi maṃ jānissati, ‘bhaddāli, nāma bhikkhu satthusāsane sikkhāya na paripūrakārī’ti, ayampi kho te, bhaddāli, samayo appaṭividdho ahosī’’tiādīsu (ma. ni. 2.135) hetu . ‘‘Tena kho pana samayena uggāhamāno paribbājako samaṇamuṇḍikāputto samayappavādake tindukācīre ekasālake mallikāya ārāme paṭivasatī’’tiādīsu (ma. ni. 2.260) diṭṭhi.

    ‘‘д̣̇идтз д̇хаммз жа яо ад̇т̇о, яо жад̇т̇о самбарааяиго;

    ‘‘Diṭṭhe dhamme ca yo attho, yo cattho samparāyiko;

    ад̇т̇аабхисамаяаа д̇хийро, бан̣д̣ид̇од̇и бавужжад̇ий’’д̇и. –

    Atthābhisamayā dhīro, paṇḍitoti pavuccatī’’ti. –

    аад̣̇ийсу (сам̣. ни. 1.129) бадилаабхо. ‘‘саммаа маанаабхисамаяаа анд̇амагааси д̣̇угкассаа’’д̇иаад̣̇ийсу (ма. ни. 1.24) бахаанам̣. ‘‘д̣̇угкасса бийл̣анадто сан̇кад̇адто санд̇аабадто вибарин̣аамадто абхисамаяадто’’д̇иаад̣̇ийсу (бади. ма. 3.1) бадивзд̇хо. ид̇ха банасса гаало ад̇т̇о. д̇зна сам̣важчара-уд̇у-маасад̣дхамааса-рад̇д̇и-д̣̇ива-буб̣б̣ан̣ха-маж̇жханхига-сааяанха- батамамаж̇жхимабажчимаяаама-мухуд̇д̇аад̣̇ийсу гаалаббабхзд̣̇абхууд̇зсу самаязсу згам̣ самаяанд̇и д̣̇ийбзд̇и.

    Ādīsu (saṃ. ni. 1.129) paṭilābho. ‘‘Sammā mānābhisamayā antamakāsi dukkhassā’’tiādīsu (ma. ni. 1.24) pahānaṃ. ‘‘Dukkhassa pīḷanaṭṭho saṅkhataṭṭho santāpaṭṭho vipariṇāmaṭṭho abhisamayaṭṭho’’tiādīsu (paṭi. ma. 3.1) paṭivedho. Idha panassa kālo attho. Tena saṃvacchara-utu-māsaḍḍhamāsa-ratti-diva-pubbaṇha-majjhanhika-sāyanha- paṭhamamajjhimapacchimayāma-muhuttādīsu kālappabhedabhūtesu samayesu ekaṃ samayanti dīpeti.

    д̇ад̇т̇а гин̃жааби зд̇зсу сам̣важчараад̣̇ийсу самаязсу яам̣ яам̣ суд̇д̇ам̣ яамхи яамхи сам̣важчарз уд̇умхи маасз багкз рад̇д̇ибхааг̇з д̣̇ивасабхааг̇з ваа вуд̇д̇ам̣, саб̣б̣ам̣ д̇ам̣ т̇зрасса сувид̣̇ид̇ам̣ сувавад̇т̇аабид̇ам̣ бан̃н̃ааяа. яасмаа бана ‘‘звам̣ мз суд̇ам̣ асугасам̣важчарз асугауд̇умхи асугамаасз асугабагкз асугарад̇д̇ибхааг̇з асугад̣̇ивасабхааг̇з ваа’’д̇и звам̣ вуд̇д̇з на саггаа сукзна д̇хаарзд̇ум̣ ваа уд̣̇д̣̇исид̇ум̣ ваа уд̣̇д̣̇исаабзд̇ум̣ ваа, б̣аху жа вад̇д̇аб̣б̣ам̣ ход̇и, д̇асмаа згзнзва бад̣̇зна д̇амад̇т̇ам̣ самод̇хаанзд̇ваа ‘‘згам̣ самаяа’’нд̇и ааха.

    Tattha kiñcāpi etesu saṃvaccharādīsu samayesu yaṃ yaṃ suttaṃ yamhi yamhi saṃvacchare utumhi māse pakkhe rattibhāge divasabhāge vā vuttaṃ, sabbaṃ taṃ therassa suviditaṃ suvavatthāpitaṃ paññāya. Yasmā pana ‘‘evaṃ me sutaṃ asukasaṃvacchare asukautumhi asukamāse asukapakkhe asukarattibhāge asukadivasabhāge vā’’ti evaṃ vutte na sakkā sukhena dhāretuṃ vā uddisituṃ vā uddisāpetuṃ vā, bahu ca vattabbaṃ hoti, tasmā ekeneva padena tamatthaṃ samodhānetvā ‘‘ekaṃ samaya’’nti āha.

    яз ваа имз г̇аб̣бхогганд̇исамаяо ж̇аад̇исамаяо сам̣взг̇асамаяо абхинигкаманасамаяо д̣̇уггарагааригасамаяо мааравиж̇аяасамаяо абхисамб̣од̇хисамаяо д̣̇идтад̇хаммасукавихаарасамаяо д̣̇зсанаасамаяо бариниб̣б̣аанасамаяод̇и звамаад̣̇аяо бхаг̇авад̇о д̣̇звамануссзсу ад̇ивияа суббагаасаа анзгагаалаббабхзд̣̇аа зва самаяаа, д̇зсу самаязсу д̣̇зсанаасамаяасан̇каад̇ам̣ згам̣ самаяанд̇и д̣̇ийбзд̇и. яо жааяам̣ н̃аан̣агарун̣аагижжасамаязсу арун̣аагижжасамаяо, ад̇д̇ахид̇абарахид̇абадибад̇д̇исамаязсу барахид̇абадибад̇д̇исамаяо, саннибад̇ид̇аанам̣ гаран̣ийяад̣̇ваяасамаязсу д̇хаммигат̇аасамаяо, д̣̇зсанаабадибад̇д̇исамаязсу д̣̇зсанаасамаяо, д̇зсуби самаязсу ан̃н̃ад̇арам̣ санд̇хааяа ‘‘згам̣ самаяа’’нд̇и ааха.

    Ye vā ime gabbhokkantisamayo jātisamayo saṃvegasamayo abhinikkhamanasamayo dukkarakārikasamayo māravijayasamayo abhisambodhisamayo diṭṭhadhammasukhavihārasamayo desanāsamayo parinibbānasamayoti evamādayo bhagavato devamanussesu ativiya suppakāsā anekakālappabhedā eva samayā, tesu samayesu desanāsamayasaṅkhātaṃ ekaṃ samayanti dīpeti. Yo cāyaṃ ñāṇakaruṇākiccasamayesu aruṇākiccasamayo, attahitaparahitapaṭipattisamayesu parahitapaṭipattisamayo, sannipatitānaṃ karaṇīyadvayasamayesu dhammikathāsamayo, desanāpaṭipattisamayesu desanāsamayo, tesupi samayesu aññataraṃ sandhāya ‘‘ekaṃ samaya’’nti āha.

    гасмаа банзд̇т̇а яат̇аа абхид̇хаммз ‘‘яасмим̣ самаяз гаамааважара’’нд̇и жа ид̇о ан̃н̃зсу суд̇д̇абад̣̇зсу ‘‘яасмим̣ самаяз, бхигкавз, бхигку вивижжзва гаамзхий’’д̇и жа бхуммаважанзна нид̣̇д̣̇зсо гад̇о, винаяз жа ‘‘д̇зна самаязна б̣уд̣̇д̇хо бхаг̇аваа’’д̇и гаран̣аважанзна, д̇ат̇аа агад̇ваа ‘‘згам̣ самаяа’’нд̇и убаяог̇аважананид̣̇д̣̇зсо гад̇од̇и. д̇ад̇т̇а д̇ат̇аа ид̇ха жа ан̃н̃ат̇аа ад̇т̇асамбхавад̇о. д̇ад̇т̇а хи абхид̇хаммз ид̇о ан̃н̃зсу суд̇д̇абад̣̇зсу жа ад̇хигаран̣ад̇т̇о бхаавзнабхаавалагкан̣ад̇т̇о жа самбхавад̇и. ад̇хигаран̣ан̃хи гаалад̇т̇о жа самуухад̇т̇о жа самаяо, д̇ад̇т̇а вуд̇д̇аанам̣ пассаад̣̇ид̇хаммаанам̣ кан̣асамавааяахзд̇усан̇каад̇асса жа самаяасса бхаавзна д̇зсам̣ бхааво лагкийяад̇и, д̇асмаа д̇ад̣̇ад̇т̇аж̇од̇анад̇т̇ам̣ д̇ад̇т̇а бхуммаважананид̣̇д̣̇зсо гад̇о.

    Kasmā panettha yathā abhidhamme ‘‘yasmiṃ samaye kāmāvacara’’nti ca ito aññesu suttapadesu ‘‘yasmiṃ samaye, bhikkhave, bhikkhu vivicceva kāmehī’’ti ca bhummavacanena niddeso kato, vinaye ca ‘‘tena samayena buddho bhagavā’’ti karaṇavacanena, tathā akatvā ‘‘ekaṃ samaya’’nti upayogavacananiddeso katoti. Tattha tathā idha ca aññathā atthasambhavato. Tattha hi abhidhamme ito aññesu suttapadesu ca adhikaraṇattho bhāvenabhāvalakkhaṇattho ca sambhavati. Adhikaraṇañhi kālattho ca samūhattho ca samayo, tattha vuttānaṃ phassādidhammānaṃ khaṇasamavāyahetusaṅkhātassa ca samayassa bhāvena tesaṃ bhāvo lakkhīyati, tasmā tadatthajotanatthaṃ tattha bhummavacananiddeso kato.

    винаяз жа хзд̇уад̇т̇о гаран̣ад̇т̇о жа самбхавад̇и. яо хи со сигкаабад̣̇абан̃н̃ад̇д̇исамаяо саарибуд̇д̇аад̣̇ийхиби д̣̇уб̣б̣ин̃н̃зяяо, д̇зна самаязна хзд̇убхууд̇зна гаран̣абхууд̇зна жа сигкаабад̣̇аани бан̃н̃аабаяанд̇о сигкаабад̣̇абан̃н̃ад̇д̇ихзд̇ун̃жа абзгкамаано бхаг̇аваа д̇ад̇т̇а д̇ад̇т̇а вихааси, д̇асмаа д̇ад̣̇ад̇т̇аж̇од̇анад̇т̇ам̣ д̇ад̇т̇а гаран̣аважанзна нид̣̇д̣̇зсо гад̇о.

    Vinaye ca hetuattho karaṇattho ca sambhavati. Yo hi so sikkhāpadapaññattisamayo sāriputtādīhipi dubbiññeyyo, tena samayena hetubhūtena karaṇabhūtena ca sikkhāpadāni paññāpayanto sikkhāpadapaññattihetuñca apekkhamāno bhagavā tattha tattha vihāsi, tasmā tadatthajotanatthaṃ tattha karaṇavacanena niddeso kato.

    ид̇ха бана ан̃н̃асмин̃жа звам̣ж̇аад̇игз ажжанд̇асам̣яог̇ад̇т̇о самбхавад̇и. яан̃хи самаяам̣ бхаг̇аваа имам̣ ан̃н̃ам̣ ваа суд̇д̇анд̇ам̣ д̣̇зсзси, ажжанд̇амзва д̇ам̣ самаяам̣ гарун̣аавихаарзна вихааси, д̇асмаа д̇ад̣̇ад̇т̇аж̇од̇анад̇т̇ам̣ ид̇ха убаяог̇аважананид̣̇д̣̇зсо гад̇од̇и.

    Idha pana aññasmiñca evaṃjātike accantasaṃyogattho sambhavati. Yañhi samayaṃ bhagavā imaṃ aññaṃ vā suttantaṃ desesi, accantameva taṃ samayaṃ karuṇāvihārena vihāsi, tasmā tadatthajotanatthaṃ idha upayogavacananiddeso katoti.

    д̇знзд̇ам̣ вужжад̇и –

    Tenetaṃ vuccati –

    ‘‘д̇ам̣ д̇ам̣ ад̇т̇амабзгкид̇ваа, бхуммзна гаран̣зна жа;

    ‘‘Taṃ taṃ atthamapekkhitvā, bhummena karaṇena ca;

    ан̃н̃ад̇ра самаяо вуд̇д̇о, убаяог̇зна со ид̇хаа’’д̇и.

    Aññatra samayo vutto, upayogena so idhā’’ti.

    бораан̣аа бана ван̣н̣аяанд̇и – ‘‘д̇асмим̣ самаяз’’д̇и ваа – ‘‘д̇зна самаязнаа’’д̇и ваа – ‘‘згам̣ самаяа’’нд̇и ваа абхилаабамад̇д̇абхзд̣̇о зса, саб̣б̣ад̇т̇а бхуммамзва ад̇т̇од̇и. д̇асмаа ‘‘згам̣ самаяа’’нд̇и вуд̇д̇зби ‘‘згасмим̣ самаяз’’д̇и ад̇т̇о взд̣̇ид̇аб̣б̣о.

    Porāṇā pana vaṇṇayanti – ‘‘tasmiṃ samaye’’ti vā – ‘‘tena samayenā’’ti vā – ‘‘ekaṃ samaya’’nti vā abhilāpamattabhedo esa, sabbattha bhummameva atthoti. Tasmā ‘‘ekaṃ samaya’’nti vuttepi ‘‘ekasmiṃ samaye’’ti attho veditabbo.

    бхаг̇аваад̇и г̇ару. г̇арун̃хи логз ‘‘бхаг̇аваа’’д̇и вад̣̇анд̇и. аяан̃жа саб̣б̣аг̇ун̣ависидтад̇ааяа саб̣б̣асад̇д̇аанам̣ г̇ару, д̇асмаа ‘‘бхаг̇аваа’’д̇и взд̣̇ид̇аб̣б̣о. бораан̣зхиби вуд̇д̇ам̣ –

    Bhagavāti garu. Garuñhi loke ‘‘bhagavā’’ti vadanti. Ayañca sabbaguṇavisiṭṭhatāya sabbasattānaṃ garu, tasmā ‘‘bhagavā’’ti veditabbo. Porāṇehipi vuttaṃ –

    ‘‘бхаг̇аваад̇и важанам̣ сздтам̣, бхаг̇аваад̇и важанамуд̇д̇амам̣;

    ‘‘Bhagavāti vacanaṃ seṭṭhaṃ, bhagavāti vacanamuttamaṃ;

    г̇аруг̇аараваяуд̇д̇о со, бхаг̇аваа д̇зна вужжад̇ий’’д̇и.

    Garugāravayutto so, bhagavā tena vuccatī’’ti.

    абижа –

    Apica –

    ‘‘бхааг̇яаваа бхаг̇г̇аваа яуд̇д̇о, бхаг̇зхи жа вибхад̇д̇аваа;

    ‘‘Bhāgyavā bhaggavā yutto, bhagehi ca vibhattavā;

    бхад̇д̇аваа ванд̇аг̇амано, бхавзсу бхаг̇аваа д̇ад̇о’’д̇и. –

    Bhattavā vantagamano, bhavesu bhagavā tato’’ti. –

    имиссаа г̇аат̇ааяа васзнасса бад̣̇асса вид̇т̇аарад̇о ад̇т̇о взд̣̇ид̇аб̣б̣о. со жа висуд̣̇д̇химаг̇г̇з б̣уд̣̇д̇хаануссад̇инид̣̇д̣̇зсз вуд̇д̇оязва.

    Imissā gāthāya vasenassa padassa vitthārato attho veditabbo. So ca visuddhimagge buddhānussatiniddese vuttoyeva.

    зд̇д̇аавад̇аа жзд̇т̇а звам̣ мз суд̇анд̇и важанзна яат̇аасуд̇ам̣ д̇хаммам̣ д̣̇ассзнд̇о бхаг̇авад̇о д̇хаммасарийрам̣ бажжагкам̣ гарод̇и. д̇зна – ‘‘наяид̣̇ам̣ ад̇игганд̇асад̇т̇угам̣ бааважанам̣, аяам̣ во сад̇т̇аа’’д̇и сад̇т̇у ад̣̇ассанзна угган̣тид̇ам̣ ж̇анам̣ самассаасзд̇и.

    Ettāvatā cettha evaṃ me sutanti vacanena yathāsutaṃ dhammaṃ dassento bhagavato dhammasarīraṃ paccakkhaṃ karoti. Tena – ‘‘nayidaṃ atikkantasatthukaṃ pāvacanaṃ, ayaṃ vo satthā’’ti satthu adassanena ukkaṇṭhitaṃ janaṃ samassāseti.

    згам̣ самаяам̣ бхаг̇аваад̇и важанзна д̇асмим̣ самаяз бхаг̇авад̇о авиж̇ж̇амаанабхаавам̣ д̣̇ассзнд̇о руубагааяабариниб̣б̣аанам̣ саад̇хзд̇и. д̇зна ‘‘звам̣вид̇хасса наама арияад̇хаммасса д̣̇зсаго д̣̇асаб̣алад̇харо важ̇ирасан̇гхаад̇асамаанагааяо, соби бхаг̇аваа бариниб̣б̣уд̇о, гзна ан̃н̃зна ж̇ийвид̇з аасаа ж̇анзд̇аб̣б̣аа’’д̇и ж̇ийвид̇амад̣̇амад̇д̇ам̣ ж̇анам̣ сам̣взж̇зд̇и, сад̣̇д̇хаммз жасса уссаахам̣ ж̇анзд̇и.

    Ekaṃ samayaṃ bhagavāti vacanena tasmiṃ samaye bhagavato avijjamānabhāvaṃ dassento rūpakāyaparinibbānaṃ sādheti. Tena ‘‘evaṃvidhassa nāma ariyadhammassa desako dasabaladharo vajirasaṅghātasamānakāyo, sopi bhagavā parinibbuto, kena aññena jīvite āsā janetabbā’’ti jīvitamadamattaṃ janaṃ saṃvejeti, saddhamme cassa ussāhaṃ janeti.

    званд̇и жа бхан̣анд̇о д̣̇зсанаасамбад̇д̇им̣ нид̣̇д̣̇исад̇и. мз суд̇анд̇и саавагасамбад̇д̇им̣. згам̣ самаяанд̇и гааласамбад̇д̇им̣. бхаг̇аваад̇и д̣̇зсагасамбад̇д̇им̣.

    Evanti ca bhaṇanto desanāsampattiṃ niddisati. Me sutanti sāvakasampattiṃ. Ekaṃ samayanti kālasampattiṃ. Bhagavāti desakasampattiṃ.

    уггадтааяам̣ вихарад̇ийд̇и зд̇т̇а уггаад̇и д̣̇ийбигаа, д̇ан̃жа наг̇арам̣ ‘‘ман̇г̇алад̣̇ивасо сукан̣о сунагкад̇д̇ам̣ маа ад̇иггамий’’д̇и рад̇д̇имби уггаасу тид̇аасу маабид̇ад̇д̇аа уггадтаад̇и вужжад̇и. д̣̇ан̣д̣ад̣̇ийбигаасу ж̇аалзд̇ваа д̇хаарийяамаанаасу маабид̇ад̇д̇аад̇и вуд̇д̇ам̣ ход̇и, д̇ассам̣ уггадтааяам̣. самийбад̇т̇з жзд̇ам̣ бхуммаважанам̣. вихарад̇ийд̇и ависзсзна ирияаабат̇ад̣̇иб̣б̣аб̣рахмаарияавихаарзсу ан̃н̃ад̇аравихаарасаман̇г̇ибарид̣̇ийбанамзд̇ам̣. ид̇ха бана таанаг̇амананисиннасаяанаббабхзд̣̇зсу рияаабат̇зсу ан̃н̃ад̇араирияаабат̇асамааяог̇абарид̣̇ийбанам̣. д̇зна тид̇оби г̇ажчанд̇оби нисинноби саяааноби бхаг̇аваа вихарад̇ижжзва взд̣̇ид̇аб̣б̣о. со хи бхаг̇аваа згам̣ ирияаабат̇аб̣аад̇ханам̣ ан̃н̃зна ирияаабат̇зна вижчинд̣̇ид̇ваа абарибад̇анд̇ам̣ ад̇д̇абхаавам̣ харад̇и бавад̇д̇зд̇и, д̇асмаа вихарад̇ийд̇и вужжад̇и.

    Ukkaṭṭhāyaṃ viharatīti ettha ukkāti dīpikā, tañca nagaraṃ ‘‘maṅgaladivaso sukhaṇo sunakkhattaṃ mā atikkamī’’ti rattimpi ukkāsu ṭhitāsu māpitattā ukkaṭṭhāti vuccati. Daṇḍadīpikāsu jāletvā dhārīyamānāsu māpitattāti vuttaṃ hoti, tassaṃ ukkaṭṭhāyaṃ. Samīpatthe cetaṃ bhummavacanaṃ. Viharatīti avisesena iriyāpathadibbabrahmaariyavihāresu aññataravihārasamaṅgiparidīpanametaṃ. Idha pana ṭhānagamananisinnasayanappabhedesu riyāpathesu aññatarairiyāpathasamāyogaparidīpanaṃ. Tena ṭhitopi gacchantopi nisinnopi sayānopi bhagavā viharaticceva veditabbo. So hi bhagavā ekaṃ iriyāpathabādhanaṃ aññena iriyāpathena vicchinditvā aparipatantaṃ attabhāvaṃ harati pavatteti, tasmā viharatīti vuccati.

    субхаг̇аванзд̇и зд̇т̇а субхаг̇ад̇д̇аа субхаг̇ам̣, сунд̣̇арасиригад̇д̇аа сунд̣̇арагаамад̇д̇аа жаад̇и вуд̇д̇ам̣ ход̇и. д̇асса хи ванасса сирисамбад̇д̇ияаа мануссаа аннабаанаад̣̇ийни аад̣̇ааяа д̣̇ивасам̣ д̇ад̇т̇зва чан̣асамаж̇ж̇ауссавз гаронд̇аа бхог̇асукам̣ анубхонд̇и, сунд̣̇арасунд̣̇арз жзд̇т̇а гаамз бад̇т̇знд̇и ‘‘буд̇д̇ам̣ лабхаама, д̇хийд̇арам̣ лабхаамаа’’д̇и, д̇зсам̣ д̇ам̣ д̇ат̇зва ход̇и, звам̣ д̇ам̣ сунд̣̇арасиригад̇д̇аа сунд̣̇арагаамад̇д̇аа жа субхаг̇ам̣. абижа б̣ахуж̇анаганд̇ад̇ааяаби субхаг̇ам̣. ванаяад̇ийд̇и ванам̣, ад̇д̇асамбад̣̇ааяа сад̇д̇аанам̣ бхад̇д̇им̣ гаарзд̇и, ад̇д̇ани синзхам̣ уббаад̣̇зд̇ийд̇и ад̇т̇о. вануд̇з ид̇и ваа ванам̣, наанаавид̇хагусума-г̇анд̇хасаммод̣̇амад̇д̇агогилаад̣̇ивихан̇г̇амаабхируд̇зхи манд̣̇амаалуд̇ажалид̇аругкасаакаавидабабаллавабалаасзхи жа ‘‘зт̇а мам̣ барибхун̃ж̇ат̇аа’’д̇и саб̣б̣абаан̣ино яаажад̇и вияаад̇и ад̇т̇о. субхаг̇ан̃жа д̇ам̣ ванан̃жаад̇и субхаг̇аванам̣. д̇асмим̣ субхаг̇аванз. ванан̃жа наама робимам̣, саяам̣ж̇аад̇анд̇и д̣̇увид̇хам̣. д̇ад̇т̇а взл̣уванаж̇зд̇аванаад̣̇ийни робимаани. анд̇хаванамахааванаан̃ж̇анаванаад̣̇ийни саяам̣ ж̇аад̇аани. ид̣̇амби саяам̣ж̇аад̇анд̇и взд̣̇ид̇аб̣б̣ам̣.

    Subhagavaneti ettha subhagattā subhagaṃ, sundarasirikattā sundarakāmattā cāti vuttaṃ hoti. Tassa hi vanassa sirisampattiyā manussā annapānādīni ādāya divasaṃ tattheva chaṇasamajjaussave karontā bhogasukhaṃ anubhonti, sundarasundare cettha kāme patthenti ‘‘puttaṃ labhāma, dhītaraṃ labhāmā’’ti, tesaṃ taṃ tatheva hoti, evaṃ taṃ sundarasirikattā sundarakāmattā ca subhagaṃ. Apica bahujanakantatāyapi subhagaṃ. Vanayatīti vanaṃ, attasampadāya sattānaṃ bhattiṃ kāreti, attani sinehaṃ uppādetīti attho. Vanute iti vā vanaṃ, nānāvidhakusuma-gandhasammodamattakokilādivihaṅgamābhirutehi mandamālutacalitarukkhasākhāviṭapapallavapalāsehi ca ‘‘etha maṃ paribhuñjathā’’ti sabbapāṇino yācati viyāti attho. Subhagañca taṃ vanañcāti subhagavanaṃ. Tasmiṃ subhagavane. Vanañca nāma ropimaṃ, sayaṃjātanti duvidhaṃ. Tattha veḷuvanajetavanādīni ropimāni. Andhavanamahāvanaañjanavanādīni sayaṃ jātāni. Idampi sayaṃjātanti veditabbaṃ.

    сааларааж̇амуулзд̇и зд̇т̇а сааларугкоби саалод̇и вужжад̇и. яат̇ааха ‘‘сзяяат̇ааби, бхигкавз, г̇аамасса ваа ниг̇амасса ваа авид̣̇уурз маханд̇ам̣ саалаванам̣, д̇ан̃жасса зл̣ан̣д̣зхи сан̃чанна’’нд̇и (ма. ни. 1.225) ‘‘анд̇арзна яамагасаалаана’’нд̇и жа (д̣̇ий. ни. 2.195) ванаббад̇иж̇здтагаругкоби. яат̇ааха –

    Sālarājamūleti ettha sālarukkhopi sāloti vuccati. Yathāha ‘‘seyyathāpi, bhikkhave, gāmassa vā nigamassa vā avidūre mahantaṃ sālavanaṃ, tañcassa eḷaṇḍehi sañchanna’’nti (ma. ni. 1.225) ‘‘antarena yamakasālāna’’nti ca (dī. ni. 2.195) vanappatijeṭṭhakarukkhopi. Yathāha –

    ‘‘д̇авзва д̣̇зва виж̇ид̇з, д̇авзвуяяаанабхуумияаа;

    ‘‘Taveva deva vijite, tavevuyyānabhūmiyā;

    уж̇увам̣саа махаасаалаа, нийлобхаасаа манорамаа’’д̇и. (ж̇аа. 2.19.4);

    Ujuvaṃsā mahāsālā, nīlobhāsā manoramā’’ti. (jā. 2.19.4);

    яо гожи ругкоби. яат̇ааха ‘‘ат̇а ко д̇ам̣, бхигкавз, маалуваб̣ийж̇ам̣ ан̃н̃ад̇арасмим̣ сааламуулз нибад̇зяяаа’’д̇и (ма. ни. 1.469). ид̇ха бана ванаббад̇иж̇здтагаругко ад̇хиббзд̇о. рааж̇асад̣̇д̣̇о банасса д̇амзва ж̇здтагабхаавам̣ саад̇хзд̇и. яат̇ааха ‘‘суббад̇идтид̇асса ко б̣раахман̣а д̇хаммига ниг̇род̇харааж̇ассаа’’д̇и (а. ни. 6.54). д̇ад̇т̇а д̣̇взд̇хаа самаасо, саалаанам̣ рааж̇аад̇иби сааларааж̇аа, саало жа со ж̇здтагадтзна рааж̇аа жа ид̇иби сааларааж̇аа. мууланд̇и самийбам̣. аяан̃хи мууласад̣̇д̣̇о, ‘‘муулаани уд̣̇д̇харзяяа, анд̇амасо усиранаал̣имад̇д̇аанибий’’д̇иаад̣̇ийсу (а. ни. 4.195) мууламуулз д̣̇иссад̇и. ‘‘лобхо агусаламуула’’нд̇иаад̣̇ийсу (д̣̇ий. ни. 3.305) асаад̇хааран̣ахзд̇умхи. ‘‘яаава маж̇жханхигз гаалз чааяаа парад̇и, ниваад̇з бан̣н̣аани бад̇анд̇и, зд̇д̇аавад̇аа ругкамуула’’нд̇иаад̣̇ийсу самийбз. ид̇ха бана самийбз ад̇хиббзд̇о, д̇асмаа сааларааж̇асса самийбзд̇и звамзд̇т̇а ад̇т̇о д̣̇адтаб̣б̣о.

    Yo koci rukkhopi. Yathāha ‘‘atha kho taṃ, bhikkhave, māluvabījaṃ aññatarasmiṃ sālamūle nipateyyā’’ti (ma. ni. 1.469). Idha pana vanappatijeṭṭhakarukkho adhippeto. Rājasaddo panassa tameva jeṭṭhakabhāvaṃ sādheti. Yathāha ‘‘suppatiṭṭhitassa kho brāhmaṇa dhammika nigrodharājassā’’ti (a. ni. 6.54). Tattha dvedhā samāso, sālānaṃ rājātipi sālarājā, sālo ca so jeṭṭhakaṭṭhena rājā ca itipi sālarājā. Mūlanti samīpaṃ. Ayañhi mūlasaddo, ‘‘mūlāni uddhareyya, antamaso usiranāḷimattānipī’’tiādīsu (a. ni. 4.195) mūlamūle dissati. ‘‘Lobho akusalamūla’’ntiādīsu (dī. ni. 3.305) asādhāraṇahetumhi. ‘‘Yāva majjhanhike kāle chāyā pharati, nivāte paṇṇāni patanti, ettāvatā rukkhamūla’’ntiādīsu samīpe. Idha pana samīpe adhippeto, tasmā sālarājassa samīpeti evamettha attho daṭṭhabbo.

    д̇ад̇т̇а сияаа – яад̣̇и д̇аава бхаг̇аваа уггадтааяам̣ вихарад̇и, ‘‘субхаг̇аванз сааларааж̇амуулз’’д̇и на вад̇д̇аб̣б̣ам̣, ат̇а д̇ад̇т̇а вихарад̇и, ‘‘уггадтааяа’’нд̇и на вад̇д̇аб̣б̣ам̣, на хи саггаа убхаяад̇т̇а згам̣ самаяам̣ вихарид̇унд̇и. на ко банзд̇ам̣ звам̣ д̣̇адтаб̣б̣ам̣.

    Tattha siyā – yadi tāva bhagavā ukkaṭṭhāyaṃ viharati, ‘‘subhagavane sālarājamūle’’ti na vattabbaṃ, atha tattha viharati, ‘‘ukkaṭṭhāya’’nti na vattabbaṃ, na hi sakkā ubhayattha ekaṃ samayaṃ viharitunti. Na kho panetaṃ evaṃ daṭṭhabbaṃ.

    нану авожумха ‘‘самийбад̇т̇з жзд̇ам̣ бхуммаважана’’нд̇и. д̇асмаа яат̇аа г̇ан̇г̇ааяамунаад̣̇ийнам̣ самийбз г̇ояуут̇аани жаранд̇аани ‘‘г̇ан̇г̇ааяа жаранд̇и, яамунааяа жаранд̇ий’’д̇и вужжанд̇и, звамид̇хааби яад̣̇ид̣̇ам̣ уггадтааяа самийбз субхаг̇аванам̣ сааларааж̇амуулам̣, д̇ад̇т̇а вихаранд̇о вужжад̇и ‘‘уггадтааяам̣ вихарад̇и субхаг̇аванз сааларааж̇амуулз’’д̇и. г̇ожараг̇ааманид̣̇ассанад̇т̇ан̃хисса уггадтааважанам̣, баб̣б̣аж̇ид̇аануруубаниваасадтаананид̣̇ассанад̇т̇ам̣ сзсаважанам̣.

    Nanu avocumha ‘‘samīpatthe cetaṃ bhummavacana’’nti. Tasmā yathā gaṅgāyamunādīnaṃ samīpe goyūthāni carantāni ‘‘gaṅgāya caranti, yamunāya carantī’’ti vuccanti, evamidhāpi yadidaṃ ukkaṭṭhāya samīpe subhagavanaṃ sālarājamūlaṃ, tattha viharanto vuccati ‘‘ukkaṭṭhāyaṃ viharati subhagavane sālarājamūle’’ti. Gocaragāmanidassanatthañhissa ukkaṭṭhāvacanaṃ, pabbajitānurūpanivāsaṭṭhānanidassanatthaṃ sesavacanaṃ.

    д̇ад̇т̇а уггадтаагид̇д̇анзна ааяасмаа аананд̣̇о бхаг̇авад̇о г̇ахадтаануг̇г̇ахагаран̣ам̣ д̣̇ассзд̇и, субхаг̇аванаад̣̇игид̇д̇анзна баб̣б̣аж̇ид̇аануг̇г̇ахагаран̣ам̣. д̇ат̇аа буримзна бажжаяаг̇г̇ахан̣ад̇о ад̇д̇агиламат̇аануяог̇авиваж̇ж̇анам̣, бажчимзна вад̇т̇угаамаббахаанад̇о гаамасукаллигаануяог̇авиваж̇ж̇анубааяад̣̇ассанам̣. буримзна жа д̇хаммад̣̇зсанаабхияог̇ам̣, бажчимзна вивзгаад̇химуд̇д̇им̣. буримзна гарун̣ааяа убаг̇аманам̣, бажчимзна бан̃н̃ааяа абаг̇аманам̣. буримзна сад̇д̇аанам̣ хид̇асуканибпаад̣̇анаад̇химуд̇д̇ад̇ам̣, бажчимзна барахид̇асукагаран̣з нирубалзбанам̣. буримзна д̇хаммигасукаабарижжааг̇анимид̇д̇ам̣ паасувихаарам̣, бажчимзна уд̇д̇аримануссад̇хаммаануяог̇анимид̇д̇ам̣ . буримзна мануссаанам̣ убагаараб̣ахулад̇ам̣, бажчимзна д̣̇зваанам̣. буримзна логз ж̇аад̇асса логз сам̣вад̣дхабхаавам̣, бажчимзна логзна анубалид̇д̇ад̇ам̣. буримзна ‘‘згабуг̇г̇ало, бхигкавз, логз уббаж̇ж̇амаано уббаж̇ж̇ад̇и б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. гад̇амо згабуг̇г̇ало, д̇ат̇ааг̇ад̇о арахам̣ саммаасамб̣уд̣̇д̇хо’’д̇и (а. ни. 1.170) важанад̇о яад̣̇ад̇т̇ам̣ бхаг̇аваа уббанно, д̇ад̣̇ад̇т̇абаринибпаад̣̇анам̣, бажчимзна яад̇т̇а уббанно, д̇ад̣̇ануруубавихаарам̣. бхаг̇аваа хи батамам̣ лумб̣иниванз, д̣̇уд̇ияам̣ б̣од̇химан̣д̣зд̇и логияалогуд̇д̇арааяа уббад̇д̇ияаа ванзязва уббанно, д̇знасса ванзязва вихаарам̣ д̣̇ассзд̇ийд̇и звамаад̣̇инаа наязнзд̇т̇а ад̇т̇аяож̇анаа взд̣̇ид̇аб̣б̣аа.

    Tattha ukkaṭṭhākittanena āyasmā ānando bhagavato gahaṭṭhānuggahakaraṇaṃ dasseti, subhagavanādikittanena pabbajitānuggahakaraṇaṃ. Tathā purimena paccayaggahaṇato attakilamathānuyogavivajjanaṃ, pacchimena vatthukāmappahānato kāmasukhallikānuyogavivajjanupāyadassanaṃ. Purimena ca dhammadesanābhiyogaṃ, pacchimena vivekādhimuttiṃ. Purimena karuṇāya upagamanaṃ, pacchimena paññāya apagamanaṃ. Purimena sattānaṃ hitasukhanipphādanādhimuttataṃ, pacchimena parahitasukhakaraṇe nirupalepanaṃ. Purimena dhammikasukhāpariccāganimittaṃ phāsuvihāraṃ, pacchimena uttarimanussadhammānuyoganimittaṃ . Purimena manussānaṃ upakārabahulataṃ, pacchimena devānaṃ. Purimena loke jātassa loke saṃvaḍḍhabhāvaṃ, pacchimena lokena anupalittataṃ. Purimena ‘‘ekapuggalo, bhikkhave, loke uppajjamāno uppajjati bahujanahitāya bahujanasukhāya lokānukampāya atthāya hitāya sukhāya devamanussānaṃ. Katamo ekapuggalo, tathāgato arahaṃ sammāsambuddho’’ti (a. ni. 1.170) vacanato yadatthaṃ bhagavā uppanno, tadatthaparinipphādanaṃ, pacchimena yattha uppanno, tadanurūpavihāraṃ. Bhagavā hi paṭhamaṃ lumbinivane, dutiyaṃ bodhimaṇḍeti lokiyalokuttarāya uppattiyā vaneyeva uppanno, tenassa vaneyeva vihāraṃ dassetīti evamādinā nayenettha atthayojanā veditabbā.

    д̇ад̇раад̇и д̣̇зсагаалабарид̣̇ийбанам̣. д̇ан̃хи яам̣ самаяам̣ вихарад̇и, д̇ад̇ра самаяз. яасмин̃жа сааларааж̇амуулз вихарад̇и, д̇ад̇ра сааларааж̇амуулзд̇и д̣̇ийбзд̇и. бхаасид̇аб̣б̣аяуд̇д̇з ваа д̣̇зсагаалз д̣̇ийбзд̇и. на хи бхаг̇аваа аяуд̇д̇з д̣̇зсз гаалз ваа д̇хаммам̣ бхаасад̇и. ‘‘агаало ко д̇аава б̣аахияаа’’д̇и (уд̣̇аа. 10) аад̣̇ижзд̇т̇а саад̇хагам̣. код̇и бад̣̇абууран̣амад̇д̇з авад̇хааран̣з аад̣̇игаалад̇т̇з ваа нибаад̇о. бхаг̇аваад̇и логаг̇аруд̣̇ийбанам̣. бхигкууд̇и гат̇аасаванаяуд̇д̇абуг̇г̇алаважанам̣. абижзд̇т̇а, ‘‘бхигкагод̇и бхигку, бхигкаажарияам̣ аж̇жхубаг̇ад̇од̇и бхигкуу’’д̇иаад̣̇инаа (баараа. 45) наязна важанад̇т̇о взд̣̇ид̇аб̣б̣о. ааманд̇зсийд̇и аалаби абхааси самб̣од̇хзсийд̇и аяамзд̇т̇а ад̇т̇о. ан̃н̃ад̇ра бана н̃аабанзби ход̇и. яат̇ааха ‘‘ааманд̇аяаами во, бхигкавз, бадивзд̣̇аяаами во, бхигкавз’’д̇и. баггосанзби. яат̇ааха ‘‘зхи д̇вам̣ бхигку мама важанзна саарибуд̇д̇ам̣ ааманд̇зхий’’д̇и (а. ни. 9.11).

    Tatrāti desakālaparidīpanaṃ. Tañhi yaṃ samayaṃ viharati, tatra samaye. Yasmiñca sālarājamūle viharati, tatra sālarājamūleti dīpeti. Bhāsitabbayutte vā desakāle dīpeti. Na hi bhagavā ayutte dese kāle vā dhammaṃ bhāsati. ‘‘Akālo kho tāva bāhiyā’’ti (udā. 10) ādicettha sādhakaṃ. Khoti padapūraṇamatte avadhāraṇe ādikālatthe vā nipāto. Bhagavāti lokagarudīpanaṃ. Bhikkhūti kathāsavanayuttapuggalavacanaṃ. Apicettha, ‘‘bhikkhakoti bhikkhu, bhikkhācariyaṃ ajjhupagatoti bhikkhū’’tiādinā (pārā. 45) nayena vacanattho veditabbo. Āmantesīti ālapi abhāsi sambodhesīti ayamettha attho. Aññatra pana ñāpanepi hoti. Yathāha ‘‘āmantayāmi vo, bhikkhave, paṭivedayāmi vo, bhikkhave’’ti. Pakkosanepi. Yathāha ‘‘ehi tvaṃ bhikkhu mama vacanena sāriputtaṃ āmantehī’’ti (a. ni. 9.11).

    бхигкавод̇и ааманд̇анаагаарад̣̇ийбанам̣. д̇ан̃жа бхигканасийлад̇аад̣̇иг̇ун̣аяог̇асид̣̇д̇хад̇д̇аа вуд̇д̇ам̣. бхигканасийлад̇ааг̇ун̣аяуд̇д̇оби хи бхигку бхигканад̇хаммад̇ааг̇ун̣аяуд̇д̇оби. бхигканз саад̇хугаарид̇ааг̇ун̣аяуд̇д̇обийд̇и сад̣̇д̣̇авид̣̇уу ман̃н̃анд̇и. д̇зна жа нзсам̣ бхигканасийлад̇аад̣̇иг̇ун̣аяог̇асид̣̇д̇хзна важанзна хийнаад̇хигаж̇анасзвид̇ам̣ вуд̇д̇им̣ багаасзнд̇о уд̣̇д̇хад̇ад̣̇ийнабхааваниг̇г̇ахам̣ гарод̇и. бхигкавод̇и иминаа жа гарун̣аавибпаарасоммахад̣̇аяанаяананибаад̇абуб̣б̣ан̇г̇амзна важанзна д̇з ад̇д̇ано мукаабхимукз гарод̇и. д̇знзва жа гат̇зд̇угамяад̇аад̣̇ийбагзна важанзна нзсам̣ сод̇угамяад̇ам̣ ж̇анзд̇и. д̇знзва жа самб̣од̇ханадтзна саад̇хугам̣ саванаманасигаарзби нз нияож̇зд̇и. саад̇хугасаванаманасигаарааяад̇д̇аа хи саасанасамбад̇д̇и.

    Bhikkhavoti āmantanākāradīpanaṃ. Tañca bhikkhanasīlatādiguṇayogasiddhattā vuttaṃ. Bhikkhanasīlatāguṇayuttopi hi bhikkhu bhikkhanadhammatāguṇayuttopi. Bhikkhane sādhukāritāguṇayuttopīti saddavidū maññanti. Tena ca nesaṃ bhikkhanasīlatādiguṇayogasiddhena vacanena hīnādhikajanasevitaṃ vuttiṃ pakāsento uddhatadīnabhāvaniggahaṃ karoti. Bhikkhavoti iminā ca karuṇāvipphārasommahadayanayananipātapubbaṅgamena vacanena te attano mukhābhimukhe karoti. Teneva ca kathetukamyatādīpakena vacanena nesaṃ sotukamyataṃ janeti. Teneva ca sambodhanaṭṭhena sādhukaṃ savanamanasikārepi ne niyojeti. Sādhukasavanamanasikārāyattā hi sāsanasampatti.

    абарзсуби д̣̇звамануссзсу виж̇ж̇амаанзсу гасмаа бхигкууязва ааманд̇зсийд̇и жз. ж̇здтасздтаасаннасад̣̇аасаннихид̇абхаавад̇о. саб̣б̣абарисасаад̇хааран̣аа хи бхаг̇авад̇о д̇хаммад̣̇зсанаа. барисааяа жа ж̇здтаа бхигкуу, батамуббаннад̇д̇аа. сздтаа, анаг̇аарияабхаавам̣ аад̣̇им̣ гад̇ваа сад̇т̇ужарияаанувид̇хааяагад̇д̇аа сагаласаасанабадиг̇г̇аахагад̇д̇аа жа. аасаннаа, д̇ад̇т̇а нисиннзсу сад̇т̇усанд̇игад̇д̇аа. сад̣̇аасаннихид̇аа, сад̇т̇усанд̇игааважарад̇д̇аад̇и. абижа д̇з д̇хаммад̣̇зсанааяа бхааж̇анам̣, яат̇аанусидтам̣ бадибад̇д̇исаб̣бхаавад̇о. висзсад̇о жа згажжз бхигкууязва санд̇хааяа аяам̣ д̣̇зсанаад̇иби д̇з зва ааманд̇зси.

    Aparesupi devamanussesu vijjamānesu kasmā bhikkhūyeva āmantesīti ce. Jeṭṭhaseṭṭhāsannasadāsannihitabhāvato. Sabbaparisasādhāraṇā hi bhagavato dhammadesanā. Parisāya ca jeṭṭhā bhikkhū, paṭhamuppannattā. Seṭṭhā, anagāriyabhāvaṃ ādiṃ katvā satthucariyānuvidhāyakattā sakalasāsanapaṭiggāhakattā ca. Āsannā, tattha nisinnesu satthusantikattā. Sadāsannihitā, satthusantikāvacarattāti. Apica te dhammadesanāya bhājanaṃ, yathānusiṭṭhaṃ paṭipattisabbhāvato. Visesato ca ekacce bhikkhūyeva sandhāya ayaṃ desanātipi te eva āmantesi.

    д̇ад̇т̇а сияаа – гимад̇т̇ам̣ бана бхаг̇аваа д̇хаммам̣ д̣̇зсзнд̇о батамам̣ бхигкуу ааманд̇зси, на д̇хаммамзва д̣̇зсзд̇ийд̇и. сад̇иж̇ананад̇т̇ам̣. бхигкуу хи ан̃н̃ам̣ жинд̇знд̇ааби вигкид̇д̇ажид̇д̇ааби д̇хаммам̣ бажжавзгканд̇ааби гаммадтаанам̣ манасигаронд̇ааби нисиннаа хонд̇и, д̇з анааманд̇зд̇ваа д̇хаммз д̣̇зсияамаанз – ‘‘аяам̣ д̣̇зсанаа гиннид̣̇аанаа гим̣бажжаяаа гад̇амааяа адтуббад̇д̇ияаа д̣̇зсид̇аа’’д̇и саллагкзд̇ум̣ асаггонд̇аа д̣̇уг̇г̇ахид̇ам̣ ваа г̇ан̣хзяяум̣, на ваа г̇ан̣хзяяум̣. д̇зна нзсам̣ сад̇иж̇ананад̇т̇ам̣ бхаг̇аваа батамам̣ ааманд̇зд̇ваа бажчаа д̇хаммам̣ д̣̇зсзд̇и.

    Tattha siyā – kimatthaṃ pana bhagavā dhammaṃ desento paṭhamaṃ bhikkhū āmantesi, na dhammameva desetīti. Satijananatthaṃ. Bhikkhū hi aññaṃ cintentāpi vikkhittacittāpi dhammaṃ paccavekkhantāpi kammaṭṭhānaṃ manasikarontāpi nisinnā honti, te anāmantetvā dhamme desiyamāne – ‘‘ayaṃ desanā kinnidānā kiṃpaccayā katamāya aṭṭhuppattiyā desitā’’ti sallakkhetuṃ asakkontā duggahitaṃ vā gaṇheyyuṃ, na vā gaṇheyyuṃ. Tena nesaṃ satijananatthaṃ bhagavā paṭhamaṃ āmantetvā pacchā dhammaṃ deseti.

    бхад̣̇анд̇зд̇и г̇аарававажанамзд̇ам̣, сад̇т̇уно бадиважанад̣̇аанам̣ ваа, абижзд̇т̇а бхигкавод̇и вад̣̇амаано бхаг̇аваа д̇з бхигкуу аалабад̇и. бхад̣̇анд̇зд̇и вад̣̇амаанаа д̇з бхаг̇аванд̇ам̣ бажжаалабанд̇и. д̇ат̇аа бхигкавод̇и бхаг̇аваа аабхаасад̇и. бхад̣̇анд̇зд̇и д̇з бажжаабхаасанд̇и. бхигкавод̇и бадиважанам̣ д̣̇аабзд̇и, бхад̣̇анд̇зд̇и бадиважанам̣ д̣̇знд̇и. д̇з бхигкууд̇и яз бхаг̇аваа ааманд̇зси. бхаг̇авад̇о бажжассосунд̇и бхаг̇авад̇о ааманд̇анам̣ бадиассосум̣, абхимукаа худ̇ваа сун̣им̣су самбадижчим̣су бадиг̇г̇ахзсунд̇и ад̇т̇о. бхаг̇аваа зд̇ад̣̇авожаад̇и бхаг̇аваа зд̇ам̣ ид̣̇аани вад̇д̇аб̣б̣ам̣ сагалам̣ суд̇д̇ам̣ авожа.

    Bhadanteti gāravavacanametaṃ, satthuno paṭivacanadānaṃ vā, apicettha bhikkhavoti vadamāno bhagavā te bhikkhū ālapati. Bhadanteti vadamānā te bhagavantaṃ paccālapanti. Tathā bhikkhavoti bhagavā ābhāsati. Bhadanteti te paccābhāsanti. Bhikkhavoti paṭivacanaṃ dāpeti, bhadanteti paṭivacanaṃ denti. Te bhikkhūti ye bhagavā āmantesi. Bhagavato paccassosunti bhagavato āmantanaṃ paṭiassosuṃ, abhimukhā hutvā suṇiṃsu sampaṭicchiṃsu paṭiggahesunti attho. Bhagavā etadavocāti bhagavā etaṃ idāni vattabbaṃ sakalaṃ suttaṃ avoca.

    зд̇д̇аавад̇аа жа яам̣ ааяасмад̇аа аананд̣̇зна гамалагувалаяуж̇ж̇алавималасаад̣̇урасасалилааяа богкаран̣ияаа сукаавад̇аран̣ад̇т̇ам̣ ниммаласилаад̇аларажанавилаасасобхид̇арад̇анасобаанам̣ виббагин̣н̣амуд̇д̇аад̇аласад̣̇исаваалигаагин̣н̣абан̣д̣арабхуумибхааг̇ам̣ д̇ид̇т̇ам̣ вияа сувибхад̇д̇абхид̇д̇ивижид̇равзд̣̇игаабаригкид̇д̇асса нагкад̇д̇абат̇ам̣ пусид̇угаамад̇ааяа вияа, виж̇амбхид̇асамуссаяасса баасаад̣̇аварасса сукаарохан̣ад̇т̇ам̣ д̣̇анд̇амаяа-сан̣хамуд̣̇упалага-ган̃жаналад̇аавинад̣̇д̇ха- ман̣иг̇ан̣аббабхаасамуд̣̇аяуж̇ж̇аласобхам̣ собаанам̣ вияа, суван̣н̣авалаяаануубураад̣̇исан̇гхадданасад̣̇д̣̇асаммиссид̇агат̇ид̇ахасид̇амад̇хурассараг̇зхаж̇анавижарид̇асса ул̣аараиссарияавибхавасобхид̇асса махаагхарасса сукаббавзсанад̇т̇ам̣ суван̣н̣араж̇ад̇аман̣имуд̇д̇аабаваал̣аад̣̇иж̇уд̇ивиссаравиж̇ж̇од̇ид̇а-суббад̇идтид̇ависаалад̣̇ваараб̣аахам̣ махаад̣̇ваарам̣ вияа жа ад̇т̇аб̣яан̃ж̇анасамбаннасса б̣уд̣̇д̇хаанам̣ д̣̇зсанаан̃аан̣аг̇амбхийрабхаавасам̣суужагасса имасса суд̇д̇асса сукааваг̇аахан̣ад̇т̇ам̣ гаалад̣̇зсад̣̇зсагавад̇т̇убарисаабад̣̇зсабадиман̣д̣ид̇ам̣ нид̣̇аанам̣ бхаасид̇ам̣, д̇асса ад̇т̇аван̣н̣анаа самад̇д̇аа.

    Ettāvatā ca yaṃ āyasmatā ānandena kamalakuvalayujjalavimalasādurasasalilāya pokkharaṇiyā sukhāvataraṇatthaṃ nimmalasilātalaracanavilāsasobhitaratanasopānaṃ vippakiṇṇamuttātalasadisavālikākiṇṇapaṇḍarabhūmibhāgaṃ titthaṃ viya suvibhattabhittivicitravedikāparikkhittassa nakkhattapathaṃ phusitukāmatāya viya, vijambhitasamussayassa pāsādavarassa sukhārohaṇatthaṃ dantamaya-saṇhamuduphalaka-kañcanalatāvinaddha- maṇigaṇappabhāsamudayujjalasobhaṃ sopānaṃ viya, suvaṇṇavalayānūpurādisaṅghaṭṭanasaddasammissitakathitahasitamadhurassaragehajanavicaritassa uḷāraissariyavibhavasobhitassa mahāgharassa sukhappavesanatthaṃ suvaṇṇarajatamaṇimuttāpavāḷādijutivissaravijjotita-suppatiṭṭhitavisāladvārabāhaṃ mahādvāraṃ viya ca atthabyañjanasampannassa buddhānaṃ desanāñāṇagambhīrabhāvasaṃsūcakassa imassa suttassa sukhāvagāhaṇatthaṃ kāladesadesakavatthuparisāpadesapaṭimaṇḍitaṃ nidānaṃ bhāsitaṃ, tassa atthavaṇṇanā samattā.

    суд̇д̇анигкзбаван̣н̣анаа

    Suttanikkhepavaṇṇanā

    ид̣̇аани ‘‘саб̣б̣ад̇хаммамуулабарияааяам̣ во’’д̇иаад̣̇инаа наязна бхаг̇авад̇аа нигкид̇д̇асса суд̇д̇асса ван̣н̣анааяа огаасо ануббад̇д̇о. саа банзсаа суд̇д̇аван̣н̣анаа яасмаа суд̇д̇анигкзбам̣ вижаарзд̇ваа вужжамаанаа баагадаа ход̇и, д̇асмаа суд̇д̇анигкзбам̣ д̇аава вижаараяиссаама. жад̇д̇ааро хи суд̇д̇анигкзбаа ад̇д̇аж̇жхаасаяо бараж̇жхаасаяо бужчаавасиго адтуббад̇д̇игод̇и.

    Idāni ‘‘sabbadhammamūlapariyāyaṃ vo’’tiādinā nayena bhagavatā nikkhittassa suttassa vaṇṇanāya okāso anuppatto. Sā panesā suttavaṇṇanā yasmā suttanikkhepaṃ vicāretvā vuccamānā pākaṭā hoti, tasmā suttanikkhepaṃ tāva vicārayissāma. Cattāro hi suttanikkhepā attajjhāsayo parajjhāsayo pucchāvasiko aṭṭhuppattikoti.

    д̇ад̇т̇а яаани суд̇д̇аани бхаг̇аваа барзхи анаж̇жхидто гзвалам̣ ад̇д̇ано аж̇жхаасаязнзва гат̇зси. сзяяат̇ид̣̇ам̣, ааган̇кзяяасуд̇д̇ам̣, вад̇т̇асуд̇д̇ам̣, махаасад̇ибадтаанасуд̇д̇ам̣, махаасал̣ааяад̇анавибхан̇г̇асуд̇д̇ам̣, арияавам̣сасуд̇д̇ам̣, саммаббад̇хаанасуд̇д̇анд̇ахаараго, ид̣̇д̇хибаад̣̇аинд̣̇рияаб̣алаб̣ож̇жхан̇г̇амаг̇г̇ан̇г̇асуд̇д̇анд̇ахаарагод̇и звамаад̣̇ийни. д̇зсам̣ ад̇д̇аж̇жхаасаяо нигкзбо.

    Tattha yāni suttāni bhagavā parehi anajjhiṭṭho kevalaṃ attano ajjhāsayeneva kathesi. Seyyathidaṃ, ākaṅkheyyasuttaṃ, vatthasuttaṃ, mahāsatipaṭṭhānasuttaṃ, mahāsaḷāyatanavibhaṅgasuttaṃ, ariyavaṃsasuttaṃ, sammappadhānasuttantahārako, iddhipādaindriyabalabojjhaṅgamaggaṅgasuttantahārakoti evamādīni. Tesaṃ attajjhāsayo nikkhepo.

    яаани бана ‘‘барибаггаа ко раахуласса вимуд̇д̇ибарибаажанийяаа д̇хаммаа, яам̣нуунаахам̣ раахулам̣ уд̇д̇ари аасаваанам̣ каяз винзяяа’’нд̇и (сам̣. ни. 4.121) звам̣ барзсам̣ аж̇жхаасаяам̣ канд̇им̣ манам̣ абхинийхаарам̣ б̣уж̇жханабхааван̃жа авзгкид̇ваа бараж̇жхаасаяавасзна гат̇ид̇аани. сзяяат̇ид̣̇ам̣, жуул̣араахуловаад̣̇асуд̇д̇ам̣, махаараахуловаад̣̇асуд̇д̇ам̣, д̇хаммажаггаббавад̇д̇анам̣, д̇хаад̇увибхан̇г̇асуд̇д̇анд̇и звамаад̣̇ийни. д̇зсам̣ бараж̇жхаасаяо нигкзбо.

    Yāni pana ‘‘paripakkā kho rāhulassa vimuttiparipācanīyā dhammā, yaṃnūnāhaṃ rāhulaṃ uttari āsavānaṃ khaye vineyya’’nti (saṃ. ni. 4.121) evaṃ paresaṃ ajjhāsayaṃ khantiṃ manaṃ abhinīhāraṃ bujjhanabhāvañca avekkhitvā parajjhāsayavasena kathitāni. Seyyathidaṃ, cūḷarāhulovādasuttaṃ, mahārāhulovādasuttaṃ, dhammacakkappavattanaṃ, dhātuvibhaṅgasuttanti evamādīni. Tesaṃ parajjhāsayo nikkhepo.

    бхаг̇аванд̇ам̣ бана убасан̇гамид̇ваа жад̇ассо барисаа жад̇д̇ааро ван̣н̣аа нааг̇аа субан̣н̣аа г̇анд̇хаб̣б̣аа асураа яагкаа махаарааж̇аано д̇аавад̇им̣саад̣̇аяо д̣̇зваа махааб̣рахмаад̇и звамаад̣̇аяо ‘‘б̣ож̇жхан̇г̇аа б̣ож̇жхан̇г̇аа’’д̇и, бханд̇з, вужжанд̇и. ‘‘нийваран̣аа нийваран̣аа’’д̇и, бханд̇з, вужжанд̇и. имз ну ко, бханд̇з, бан̃жубаад̣̇аанагканд̇хаа. ‘‘гим̣ сууд̇ха вид̇д̇ам̣ бурисасса сздта’’нд̇иаад̣̇инаа (су. ни. 183) наязна бан̃хам̣ бужчанд̇и. звам̣ будтзна бхаг̇авад̇аа яаани гат̇ид̇аани б̣ож̇жхан̇г̇асам̣яуд̇д̇аад̣̇ийни. яаани ваа банан̃н̃ааниби д̣̇звад̇аасам̣яуд̇д̇а-маарасам̣яуд̇д̇а-б̣рахмасам̣яуд̇д̇а-саггабан̃ха-жуул̣авзд̣̇алла-махаавзд̣̇алла-сааман̃н̃апала- аал̣авага-суужилома-караломасуд̇д̇аад̣̇ийни, д̇зсам̣ бужчаавасиго нигкзбо.

    Bhagavantaṃ pana upasaṅkamitvā catasso parisā cattāro vaṇṇā nāgā supaṇṇā gandhabbā asurā yakkhā mahārājāno tāvatiṃsādayo devā mahābrahmāti evamādayo ‘‘bojjhaṅgā bojjhaṅgā’’ti, bhante, vuccanti. ‘‘Nīvaraṇā nīvaraṇā’’ti, bhante, vuccanti. Ime nu kho, bhante, pañcupādānakkhandhā. ‘‘Kiṃ sūdha vittaṃ purisassa seṭṭha’’ntiādinā (su. ni. 183) nayena pañhaṃ pucchanti. Evaṃ puṭṭhena bhagavatā yāni kathitāni bojjhaṅgasaṃyuttādīni. Yāni vā panaññānipi devatāsaṃyutta-mārasaṃyutta-brahmasaṃyutta-sakkapañha-cūḷavedalla-mahāvedalla-sāmaññaphala- āḷavaka-sūciloma-kharalomasuttādīni, tesaṃ pucchāvasiko nikkhepo.

    яаани банзд̇аани уббаннам̣ гааран̣ам̣ бадижжа гат̇ид̇аани. сзяяат̇ид̣̇ам̣, д̇хаммад̣̇ааяаад̣̇ам̣ жуул̣асийханаад̣̇ам̣ жанд̣̇уубамам̣ буд̇д̇амам̣суубамам̣ д̣̇ааругканд̇хуубамам̣ аг̇г̇игканд̇хуубамам̣ пзн̣абин̣д̣уубамам̣ баарижчад̇д̇агуубаманд̇и звамаад̣̇ийни. д̇зсам̣ адтуббад̇д̇иго нигкзбо.

    Yāni panetāni uppannaṃ kāraṇaṃ paṭicca kathitāni. Seyyathidaṃ, dhammadāyādaṃ cūḷasīhanādaṃ candūpamaṃ puttamaṃsūpamaṃ dārukkhandhūpamaṃ aggikkhandhūpamaṃ pheṇapiṇḍūpamaṃ pāricchattakūpamanti evamādīni. Tesaṃ aṭṭhuppattiko nikkhepo.

    звамимзсу жад̇уусу нигкзбзсу имасса суд̇д̇асса адтуббад̇д̇иго нигкзбо. адтуббад̇д̇ияан̃хи ид̣̇ам̣ бхаг̇авад̇аа нигкид̇д̇ам̣. гад̇арааяа адтуббад̇д̇ияаа? барияад̇д̇им̣ ниссааяа уббаннз маанз. бан̃жасад̇аа гира б̣раахман̣аа д̇ин̣н̣ам̣ взд̣̇аанам̣ баараг̇уу абарабхааг̇з бхаг̇авад̇о д̇хаммад̣̇зсанам̣ суд̇ваа гаамзсу аад̣̇ийнавам̣ нзгкаммз жа аанисам̣сам̣ самбассамаанаа бхаг̇авад̇о санд̇игз баб̣б̣аж̇ид̇ваа нажирассзва саб̣б̣ам̣ б̣уд̣̇д̇хаважанам̣ уг̇г̇ан̣хид̇ваа барияад̇д̇им̣ ниссааяа маанам̣ уббаад̣̇зсум̣ ‘‘яам̣ яам̣ бхаг̇аваа гат̇зд̇и, д̇ам̣ д̇ам̣ маяам̣ киббамзва ж̇аанаама, бхаг̇аваа хи д̇ийн̣и лин̇г̇аани жад̇д̇аари бад̣̇аани сад̇д̇а вибхад̇д̇ияо мун̃жид̇ваа на гин̃жи гат̇зд̇и, звам̣ гат̇ид̇з жа амхаагам̣ г̇ан̣тибад̣̇ам̣ наама над̇т̇ий’’д̇и. д̇з бхаг̇авад̇и аг̇аараваа худ̇ваа д̇ад̇о бадтааяа бхаг̇авад̇о убадтаанамби д̇хаммассаванамби абхин̣хам̣ на г̇ажчанд̇и. бхаг̇аваа д̇зсам̣ д̇ам̣ жид̇д̇ажаарам̣ н̃ад̇ваа ‘‘абхаб̣б̣аа имз имам̣ маанакилам̣ анубахажжа маг̇г̇ам̣ ваа палам̣ ваа сажчигаад̇у’’нд̇и д̇зсам̣ суд̇абарияад̇д̇им̣ ниссааяа уббаннам̣ маанам̣ адтуббад̇д̇им̣ гад̇ваа д̣̇зсанаагусало бхаг̇аваа маанабхан̃ж̇анад̇т̇ам̣ саб̣б̣ад̇хаммамуулабарияааяанд̇и д̣̇зсанам̣ аарабхи.

    Evamimesu catūsu nikkhepesu imassa suttassa aṭṭhuppattiko nikkhepo. Aṭṭhuppattiyañhi idaṃ bhagavatā nikkhittaṃ. Katarāya aṭṭhuppattiyā? Pariyattiṃ nissāya uppanne māne. Pañcasatā kira brāhmaṇā tiṇṇaṃ vedānaṃ pāragū aparabhāge bhagavato dhammadesanaṃ sutvā kāmesu ādīnavaṃ nekkhamme ca ānisaṃsaṃ sampassamānā bhagavato santike pabbajitvā nacirasseva sabbaṃ buddhavacanaṃ uggaṇhitvā pariyattiṃ nissāya mānaṃ uppādesuṃ ‘‘yaṃ yaṃ bhagavā katheti, taṃ taṃ mayaṃ khippameva jānāma, bhagavā hi tīṇi liṅgāni cattāri padāni satta vibhattiyo muñcitvā na kiñci katheti, evaṃ kathite ca amhākaṃ gaṇṭhipadaṃ nāma natthī’’ti. Te bhagavati agāravā hutvā tato paṭṭhāya bhagavato upaṭṭhānampi dhammassavanampi abhiṇhaṃ na gacchanti. Bhagavā tesaṃ taṃ cittacāraṃ ñatvā ‘‘abhabbā ime imaṃ mānakhilaṃ anupahacca maggaṃ vā phalaṃ vā sacchikātu’’nti tesaṃ sutapariyattiṃ nissāya uppannaṃ mānaṃ aṭṭhuppattiṃ katvā desanākusalo bhagavā mānabhañjanatthaṃ sabbadhammamūlapariyāyanti desanaṃ ārabhi.

    д̇ад̇т̇а саб̣б̣ад̇хаммамуулабарияааяанд̇и саб̣б̣зсам̣ д̇хаммаанам̣ муулабарияааяам̣. саб̣б̣зсанд̇и анавасзсаанам̣. анавасзсаваажаго хи аяам̣ саб̣б̣а-сад̣̇д̣̇о. со язна язна самб̣анд̇хам̣ г̇ажчад̇и, д̇асса д̇асса анавасзсад̇ам̣ д̣̇ийбзд̇и. яат̇аа, ‘‘саб̣б̣ам̣ руубам̣ анижжам̣ саб̣б̣аа взд̣̇анаа анижжаа саб̣б̣асаггааяабарияаабаннзсу д̇хаммзсуу’’д̇и. д̇хамма-сад̣̇д̣̇о банааяам̣ барияад̇д̇и-сажжа-самаад̇хи-бан̃н̃аа-багад̇и-сабхаавасун̃н̃ад̇аа-бун̃н̃аабад̇д̇и-н̃зяяаад̣̇ийсу д̣̇иссад̇и. ‘‘ид̇ха бхигку д̇хаммам̣ барияаабун̣аад̇и суд̇д̇ам̣ г̇зяяа’’нд̇иаад̣̇ийсу (а. ни. 5.73) хи д̇хаммасад̣̇д̣̇о барияад̇д̇ияам̣ вад̇д̇ад̇и. ‘‘д̣̇идтад̇хаммо вид̣̇ид̇ад̇хаммо’’д̇иаад̣̇ийсу (д̣̇ий. ни. 1.299) сажжзсу. ‘‘звам̣ д̇хаммаа д̇з бхаг̇аванд̇о’’д̇иаад̣̇ийсу самаад̇химхи.

    Tattha sabbadhammamūlapariyāyanti sabbesaṃ dhammānaṃ mūlapariyāyaṃ. Sabbesanti anavasesānaṃ. Anavasesavācako hi ayaṃ sabba-saddo. So yena yena sambandhaṃ gacchati, tassa tassa anavasesataṃ dīpeti. Yathā, ‘‘sabbaṃ rūpaṃ aniccaṃ sabbā vedanā aniccā sabbasakkāyapariyāpannesu dhammesū’’ti. Dhamma-saddo panāyaṃ pariyatti-sacca-samādhi-paññā-pakati-sabhāvasuññatā-puññāpatti-ñeyyādīsu dissati. ‘‘Idha bhikkhu dhammaṃ pariyāpuṇāti suttaṃ geyya’’ntiādīsu (a. ni. 5.73) hi dhammasaddo pariyattiyaṃ vattati. ‘‘Diṭṭhadhammo viditadhammo’’tiādīsu (dī. ni. 1.299) saccesu. ‘‘Evaṃ dhammā te bhagavanto’’tiādīsu samādhimhi.

    ‘‘яассзд̇з жад̇уро д̇хаммаа, ваанаринд̣̇а яат̇аа д̇ава;

    ‘‘Yassete caturo dhammā, vānarinda yathā tava;

    сажжам̣ д̇хаммо д̇хид̇и жааг̇о, д̣̇идтам̣ со ад̇ивад̇д̇ад̇ий’’д̇и. –

    Saccaṃ dhammo dhiti cāgo, diṭṭhaṃ so ativattatī’’ti. –

    аад̣̇ийсу (ж̇аа. 1.1.57) бан̃н̃ааяа.

    Ādīsu (jā. 1.1.57) paññāya.

    ‘‘ж̇аад̇ид̇хаммаа ж̇араад̇хаммаа, ат̇о маран̣ад̇хаммино’’д̇иаад̣̇ийсу багад̇ияам̣. ‘‘гусалаа д̇хаммаа’’д̇иаад̣̇ийсу (д̇ха. са. 1.д̇игамаад̇игаа) сабхаавз. ‘‘д̇асмим̣ ко бана самаяз д̇хаммаа хонд̇ий’’д̇иаад̣̇ийсу (д̇ха. са. 121) сун̃н̃ад̇ааяам̣. ‘‘д̇хаммо сужин̣н̣о сукамаавахаад̇ий’’д̇иаад̣̇ийсу (ж̇аа. 1.10.102) бун̃н̃з. ‘‘д̣̇вз анияад̇аа д̇хаммаа’’д̇иаад̣̇ийсу (баараа. 443) аабад̇д̇ияам̣. ‘‘саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇ам̣ ааг̇ажчанд̇ий’’д̇иаад̣̇ийсу н̃зяяз. ид̇ха банааяам̣ сабхаавз вад̇д̇ад̇и. д̇ад̇рааяам̣ важанад̇т̇о – ад̇д̇ано лагкан̣ам̣ д̇хаарзнд̇ийд̇и д̇хаммаа. муула-сад̣̇д̣̇о вид̇т̇аарид̇о зва. ид̇ха банааяам̣ асаад̇хааран̣ахзд̇умхи д̣̇адтаб̣б̣о.

    ‘‘Jātidhammā jarādhammā, atho maraṇadhammino’’tiādīsu pakatiyaṃ. ‘‘Kusalā dhammā’’tiādīsu (dha. sa. 1.tikamātikā) sabhāve. ‘‘Tasmiṃ kho pana samaye dhammā hontī’’tiādīsu (dha. sa. 121) suññatāyaṃ. ‘‘Dhammo suciṇṇo sukhamāvahātī’’tiādīsu (jā. 1.10.102) puññe. ‘‘Dve aniyatā dhammā’’tiādīsu (pārā. 443) āpattiyaṃ. ‘‘Sabbe dhammā sabbākārena buddhassa bhagavato ñāṇamukhe āpāthaṃ āgacchantī’’tiādīsu ñeyye. Idha panāyaṃ sabhāve vattati. Tatrāyaṃ vacanattho – attano lakkhaṇaṃ dhārentīti dhammā. Mūla-saddo vitthārito eva. Idha panāyaṃ asādhāraṇahetumhi daṭṭhabbo.

    барияааяасад̣̇д̣̇о ‘‘мад̇хубин̣д̣игабарияааяод̇и нам̣ д̇хаарзхий’’д̇иаад̣̇ийсу (ма. ни. 1.205) д̣̇зсанааяам̣ вад̇д̇ад̇и. ‘‘ад̇т̇и квзса б̣раахман̣а, барияааяо, язна мам̣ барияааязна саммаа вад̣̇амаано вад̣̇зяяа агирияаваад̣̇о саман̣о г̇од̇амо’’д̇иаад̣̇ийсу (баараа. 3) гааран̣з. ‘‘гасса ну ко, аананд̣̇а, аж̇ж̇а барияааяо бхигкунияо овад̣̇ид̇у’’нд̇иаад̣̇ийсу (ма. ни. 3.398) ваарз. ид̇ха бана гааран̣зби д̣̇зсанааяамби вад̇д̇ад̇и. д̇асмаа ‘‘саб̣б̣ад̇хаммамуулабарияааяа’’нд̇и зд̇т̇а саб̣б̣зсам̣ д̇хаммаанам̣ асаад̇хааран̣ахзд̇усан̃н̃ид̇ам̣ гааран̣анд̇и ваа саб̣б̣зсам̣ д̇хаммаанам̣ гааран̣ад̣̇зсананд̇и ваа звам̣ ад̇т̇о д̣̇адтаб̣б̣о. нзяяад̇т̇ад̇д̇аа жасса суд̇д̇асса, на жад̇убхуумагааби сабхаавад̇хаммаа саб̣б̣ад̇хаммаад̇и взд̣̇ид̇аб̣б̣аа. саггааяабарияаабаннаа бана д̇збхуумагаа д̇хаммаава анавасзсад̇о взд̣̇ид̇аб̣б̣аа, аяамзд̇т̇а ад̇хиббааяод̇и.

    Pariyāyasaddo ‘‘madhupiṇḍikapariyāyoti naṃ dhārehī’’tiādīsu (ma. ni. 1.205) desanāyaṃ vattati. ‘‘Atthi khvesa brāhmaṇa, pariyāyo, yena maṃ pariyāyena sammā vadamāno vadeyya akiriyavādo samaṇo gotamo’’tiādīsu (pārā. 3) kāraṇe. ‘‘Kassa nu kho, ānanda, ajja pariyāyo bhikkhuniyo ovaditu’’ntiādīsu (ma. ni. 3.398) vāre. Idha pana kāraṇepi desanāyampi vattati. Tasmā ‘‘sabbadhammamūlapariyāya’’nti ettha sabbesaṃ dhammānaṃ asādhāraṇahetusaññitaṃ kāraṇanti vā sabbesaṃ dhammānaṃ kāraṇadesananti vā evaṃ attho daṭṭhabbo. Neyyatthattā cassa suttassa, na catubhūmakāpi sabhāvadhammā sabbadhammāti veditabbā. Sakkāyapariyāpannā pana tebhūmakā dhammāva anavasesato veditabbā, ayamettha adhippāyoti.

    вод̇и аяам̣ во-сад̣̇д̣̇о бажжад̇д̇аубаяог̇агаран̣асамбад̣̇аанасаамиважанабад̣̇абууран̣зсу д̣̇иссад̇и. ‘‘гажжи бана во, ануруд̣̇д̇хаа, самаг̇г̇аа саммод̣̇амаанаа’’д̇иаад̣̇ийсу (ма. ни. 1.326) хи бажжад̇д̇з д̣̇иссад̇и. ‘‘г̇ажчат̇а, бхигкавз, бан̣аамзми во’’д̇иаад̣̇ийсу (ма. ни. 2.157) убаяог̇з. ‘‘на во мама санд̇игз вад̇т̇аб̣б̣а’’нд̇иаад̣̇ийсу (ма. ни. 2.157) гаран̣з. ‘‘ванабад̇т̇абарияааяам̣ во, бхигкавз, д̣̇зсзссаамий’’д̇иаад̣̇ийсу (ма. ни. 1.190) самбад̣̇аанз. ‘‘саб̣б̣зсам̣ во, саарибуд̇д̇а, субхаасид̇а’’нд̇иаад̣̇ийсу (ма. ни. 1.345) саамиважанз. ‘‘яз хи во арияаа барисуд̣̇д̇хагааяагамманд̇аа’’д̇иаад̣̇ийсу (ма. ни. 1.35) бад̣̇абууран̣амад̇д̇з. ид̇ха банааяам̣ самбад̣̇аанз д̣̇адтаб̣б̣о.

    Voti ayaṃ vo-saddo paccattaupayogakaraṇasampadānasāmivacanapadapūraṇesu dissati. ‘‘Kacci pana vo, anuruddhā, samaggā sammodamānā’’tiādīsu (ma. ni. 1.326) hi paccatte dissati. ‘‘Gacchatha, bhikkhave, paṇāmemi vo’’tiādīsu (ma. ni. 2.157) upayoge. ‘‘Na vo mama santike vatthabba’’ntiādīsu (ma. ni. 2.157) karaṇe. ‘‘Vanapatthapariyāyaṃ vo, bhikkhave, desessāmī’’tiādīsu (ma. ni. 1.190) sampadāne. ‘‘Sabbesaṃ vo, sāriputta, subhāsita’’ntiādīsu (ma. ni. 1.345) sāmivacane. ‘‘Ye hi vo ariyā parisuddhakāyakammantā’’tiādīsu (ma. ni. 1.35) padapūraṇamatte. Idha panāyaṃ sampadāne daṭṭhabbo.

    бхигкавзд̇и бад̇иссавзна абхимукийбхууд̇аанам̣ бунаалабанам̣. д̣̇зсзссаамийд̇и д̣̇зсанаабадиж̇аананам̣. ид̣̇ам̣ вуд̇д̇ам̣ ход̇и, бхигкавз, саб̣б̣ад̇хаммаанам̣ муулагааран̣ам̣ д̇умхаагам̣ д̣̇зсзссаами, д̣̇уд̇иязна наязна гааран̣ад̣̇зсанам̣ д̇умхаагам̣ д̣̇зсзссаамийд̇и. д̇ам̣ сун̣аат̇аад̇и д̇амад̇т̇ам̣ д̇ам̣ гааран̣ам̣ д̇ам̣ д̣̇зсанам̣ маяаа вужжамаанам̣ сун̣аат̇а. саад̇хугам̣ манаси гарот̇аад̇и зд̇т̇а бана саад̇хугам̣ саад̇хууд̇и згад̇т̇амзд̇ам̣. аяан̃жа саад̇ху сад̣̇д̣̇о ааяаажанасамбадижчанасамбахам̣санасунд̣̇арад̣̇ал̣хийгаммаад̣̇ийсу д̣̇иссад̇и. ‘‘саад̇ху мз бханд̇з бхаг̇аваа, сам̣кид̇д̇зна д̇хаммам̣ д̣̇зсзд̇уу’’д̇иаад̣̇ийсу (сам̣. ни. 4.95) хи ааяаажанз д̣̇иссад̇и. ‘‘саад̇ху, бханд̇зд̇и ко со бхигку бхаг̇авад̇о бхаасид̇ам̣ абхинанд̣̇ид̇ваа анумод̣̇ид̇ваа’’д̇иаад̣̇ийсу (ма. ни. 3.86) самбадижчанз. ‘‘саад̇ху, саад̇ху саарибуд̇д̇аа’’д̇иаад̣̇ийсу (д̣̇ий. ни. 3.349) самбахам̣санз.

    Bhikkhaveti patissavena abhimukhībhūtānaṃ punālapanaṃ. Desessāmīti desanāpaṭijānanaṃ. Idaṃ vuttaṃ hoti, bhikkhave, sabbadhammānaṃ mūlakāraṇaṃ tumhākaṃ desessāmi, dutiyena nayena kāraṇadesanaṃ tumhākaṃ desessāmīti. Taṃ suṇāthāti tamatthaṃ taṃ kāraṇaṃ taṃ desanaṃ mayā vuccamānaṃ suṇātha. Sādhukaṃ manasi karothāti ettha pana sādhukaṃ sādhūti ekatthametaṃ. Ayañca sādhu saddo āyācanasampaṭicchanasampahaṃsanasundaradaḷhīkammādīsu dissati. ‘‘Sādhu me bhante bhagavā, saṃkhittena dhammaṃ desetū’’tiādīsu (saṃ. ni. 4.95) hi āyācane dissati. ‘‘Sādhu, bhanteti kho so bhikkhu bhagavato bhāsitaṃ abhinanditvā anumoditvā’’tiādīsu (ma. ni. 3.86) sampaṭicchane. ‘‘Sādhu, sādhu sāriputtā’’tiādīsu (dī. ni. 3.349) sampahaṃsane.

    ‘‘саад̇ху д̇хаммаружий рааж̇аа, саад̇ху бан̃н̃аан̣аваа наро;

    ‘‘Sādhu dhammarucī rājā, sādhu paññāṇavā naro;

    саад̇ху мид̇д̇аанамад̣̇д̣̇уб̣бхо, баабассаагаран̣ам̣ сука’’нд̇и.

    Sādhu mittānamaddubbho, pāpassākaraṇaṃ sukha’’nti.

    аад̣̇ийсу (ж̇аа. 2.18.101) сунд̣̇арз. ‘‘д̇зна хи, б̣раахман̣а, саад̇хугам̣ сун̣аахий’’д̇иаад̣̇ийсу (а. ни. 5.192) саад̇хугасад̣̇д̣̇оязва д̣̇ал̣хийгаммз, аан̣ад̇д̇ияанд̇иби вужжад̇и. ид̇хааби аяам̣ зд̇т̇зва д̣̇ал̣хийгаммз жа аан̣ад̇д̇ияан̃жа ад̇т̇о взд̣̇ид̇аб̣б̣о. сунд̣̇арад̇т̇зби вад̇д̇ад̇и. д̣̇ал̣хийгаран̣ад̇т̇зна хи д̣̇ал̣хамимам̣ д̇хаммам̣ сун̣аат̇а суг̇г̇ахид̇ам̣ г̇ан̣ханд̇аа. аан̣ад̇д̇иад̇т̇зна мама аан̣ад̇д̇ияаа сун̣аат̇а. сунд̣̇арад̇т̇зна сунд̣̇арамимам̣ бхад̣̇д̣̇агам̣ д̇хаммам̣ сун̣аат̇аад̇и звам̣ д̣̇ийбид̇ам̣ ход̇и.

    Ādīsu (jā. 2.18.101) sundare. ‘‘Tena hi, brāhmaṇa, sādhukaṃ suṇāhī’’tiādīsu (a. ni. 5.192) sādhukasaddoyeva daḷhīkamme, āṇattiyantipi vuccati. Idhāpi ayaṃ ettheva daḷhīkamme ca āṇattiyañca attho veditabbo. Sundaratthepi vattati. Daḷhīkaraṇatthena hi daḷhamimaṃ dhammaṃ suṇātha suggahitaṃ gaṇhantā. Āṇattiatthena mama āṇattiyā suṇātha. Sundaratthena sundaramimaṃ bhaddakaṃ dhammaṃ suṇāthāti evaṃ dīpitaṃ hoti.

    манаси гарот̇аад̇и ааваж̇ж̇зт̇а, саманнаахарат̇аад̇и ад̇т̇о, авигкид̇д̇ажид̇д̇аа худ̇ваа нисаамзт̇а жид̇д̇з гарот̇аад̇и ад̇хиббааяо. ид̣̇аанзд̇т̇а д̇ам̣ сун̣аат̇аад̇и сод̇инд̣̇рияавигкзбавааран̣амзд̇ам̣. саад̇хугам̣ манаси гарот̇аад̇и манасигаарз д̣̇ал̣хийгамманияож̇анзна манинд̣̇рияавигкзбавааран̣ам̣. буриман̃жзд̇т̇а б̣яан̃ж̇анавибаллаасаг̇г̇аахавааран̣ам̣, бажчимам̣ ад̇т̇авибаллаасаг̇г̇аахавааран̣ам̣. буримзна жа д̇хаммассаванз нияож̇зд̇и, бажчимзна суд̇аанам̣ д̇хаммаанам̣ д̇хааран̣уубабаригкаад̣̇ийсу. буримзна жа саб̣яан̃ж̇ано аяам̣ д̇хаммо, д̇асмаа саванийяод̇и д̣̇ийбзд̇и. бажчимзна саад̇т̇о, д̇асмаа манаси гаад̇аб̣б̣од̇и. саад̇хугабад̣̇ам̣ ваа убхаяабад̣̇зхи яож̇зд̇ваа яасмаа аяам̣ д̇хаммо д̇хаммаг̇амбхийро д̣̇зсанааг̇амбхийро жа, д̇асмаа сун̣аат̇а саад̇хугам̣, яасмаа ад̇т̇аг̇амбхийро бадивзд̇хаг̇амбхийро жа, д̇асмаа саад̇хугам̣ манаси гарот̇аад̇и звам̣ яож̇анаа взд̣̇ид̇аб̣б̣аа.

    Manasikarothāti āvajjetha, samannāharathāti attho, avikkhittacittā hutvā nisāmetha citte karothāti adhippāyo. Idānettha taṃ suṇāthāti sotindriyavikkhepavāraṇametaṃ. Sādhukaṃ manasi karothāti manasikāre daḷhīkammaniyojanena manindriyavikkhepavāraṇaṃ. Purimañcettha byañjanavipallāsaggāhavāraṇaṃ, pacchimaṃ atthavipallāsaggāhavāraṇaṃ. Purimena ca dhammassavane niyojeti, pacchimena sutānaṃ dhammānaṃ dhāraṇūpaparikkhādīsu. Purimena ca sabyañjano ayaṃ dhammo, tasmā savanīyoti dīpeti. Pacchimena sāttho, tasmā manasi kātabboti. Sādhukapadaṃ vā ubhayapadehi yojetvā yasmā ayaṃ dhammo dhammagambhīro desanāgambhīro ca, tasmā suṇātha sādhukaṃ, yasmā atthagambhīro paṭivedhagambhīro ca, tasmā sādhukaṃ manasi karothāti evaṃ yojanā veditabbā.

    бхаасиссаамийд̇и д̣̇зсзссаами. ‘‘д̇ам̣ сун̣аат̇аа’’д̇и зд̇т̇а бадин̃н̃аад̇ам̣ д̣̇зсанам̣ на сам̣кид̇д̇ад̇ова д̣̇зсзссаами, абижа ко вид̇т̇аарад̇оби нам̣ бхаасиссаамийд̇и вуд̇д̇ам̣ ход̇и, сан̇кзбавид̇т̇аараваажагаани хи зд̇аани бад̣̇аани. яат̇ааха ван̇г̇ийсад̇т̇зро –

    Bhāsissāmīti desessāmi. ‘‘Taṃ suṇāthā’’ti ettha paṭiññātaṃ desanaṃ na saṃkhittatova desessāmi, apica kho vitthāratopi naṃ bhāsissāmīti vuttaṃ hoti, saṅkhepavitthāravācakāni hi etāni padāni. Yathāha vaṅgīsatthero –

    ‘‘сам̣кид̇д̇знаби д̣̇зсзд̇и, вид̇т̇аарзнаби бхаасад̇и;

    ‘‘Saṃkhittenapi deseti, vitthārenapi bhāsati;

    саал̣игааяива ниг̇гхосо, бадибхаанам̣ уд̣̇ийраяий’’д̇и. (сам̣. ни. 1.214);

    Sāḷikāyiva nigghoso, paṭibhānaṃ udīrayī’’ti. (saṃ. ni. 1.214);

    звам̣ вуд̇д̇з уссаахаж̇аад̇аа худ̇ваа звам̣ бханд̇зд̇и ко д̇з бхигкуу бхаг̇авад̇о бажжассосум̣ сад̇т̇у важанам̣ самбадижчим̣су, бадиг̇г̇ахзсунд̇и вуд̇д̇ам̣ ход̇и. ат̇а нзсам̣ бхаг̇аваа зд̇ад̣̇авожа зд̇ам̣ ид̣̇аани вад̇д̇аб̣б̣ам̣ ид̇ха бхигкавод̇иаад̣̇игам̣ сагалам̣ суд̇д̇ам̣ авожа. д̇ад̇т̇а ид̇хаад̇и д̣̇зсаабад̣̇зсз нибаад̇о. свааяам̣ гад̇т̇ажи логам̣ убаад̣̇ааяа вужжад̇и. яат̇ааха – ‘‘ид̇ха д̇ат̇ааг̇ад̇о логз уббаж̇ж̇ад̇ий’’д̇и (д̣̇ий. ни. 1.190). гад̇т̇ажи саасанам̣. яат̇ааха – ‘‘ид̇хзва, бхигкавз, саман̣о, ид̇ха д̣̇уд̇ияо саман̣о’’д̇и (а. ни. 4.241). гад̇т̇ажи огаасам̣. яат̇ааха –

    Evaṃ vutte ussāhajātā hutvā evaṃ bhanteti kho te bhikkhū bhagavato paccassosuṃ satthu vacanaṃ sampaṭicchiṃsu, paṭiggahesunti vuttaṃ hoti. Atha nesaṃ bhagavā etadavoca etaṃ idāni vattabbaṃ idha bhikkhavotiādikaṃ sakalaṃ suttaṃ avoca. Tattha idhāti desāpadese nipāto. Svāyaṃ katthaci lokaṃ upādāya vuccati. Yathāha – ‘‘idha tathāgato loke uppajjatī’’ti (dī. ni. 1.190). Katthaci sāsanaṃ. Yathāha – ‘‘idheva, bhikkhave, samaṇo, idha dutiyo samaṇo’’ti (a. ni. 4.241). Katthaci okāsaṃ. Yathāha –

    ‘‘ид̇хзва д̇идтамаанасса, д̣̇звабхууд̇асса мз сад̇о;

    ‘‘Idheva tiṭṭhamānassa, devabhūtassa me sato;

    бунарааяу жа мз лад̣̇д̇хо, звам̣ ж̇аанаахи маарисаа’’д̇и. (д̣̇ий. ни. 2.369);

    Punarāyu ca me laddho, evaṃ jānāhi mārisā’’ti. (dī. ni. 2.369);

    гад̇т̇ажи бад̣̇абууран̣амад̇д̇амзва. яат̇ааха ‘‘ид̇хаахам̣ – бхигкавз, бхуд̇д̇аавий ассам̣ баваарид̇о’’д̇и (ма. ни. 1.30). ид̇ха бана логам̣ убаад̣̇ааяа вуд̇д̇од̇и взд̣̇ид̇аб̣б̣о.

    Katthaci padapūraṇamattameva. Yathāha ‘‘idhāhaṃ – bhikkhave, bhuttāvī assaṃ pavārito’’ti (ma. ni. 1.30). Idha pana lokaṃ upādāya vuttoti veditabbo.

    2. бхигкавзд̇и яат̇аабадин̃н̃аад̇ам̣ д̣̇зсанам̣ д̣̇зсзд̇ум̣ буна бхигкуу аалабад̇и. убхаязнааби, бхигкавз, имасмим̣ логзд̇и вуд̇д̇ам̣ ход̇и. ассуд̇аваа бут̇уж̇ж̇анод̇и зд̇т̇а бана ааг̇амаад̇хиг̇амаабхааваа н̃зяяо ассуд̇аваа ид̇и. яасса хи канд̇хад̇хаад̇уааяад̇анасажжабажжаяаагаарасад̇ибадтаанаад̣̇ийсу уг̇г̇ахабарибужчаавинижчаяарахид̇ад̇д̇аа ман̃н̃анаабадисзд̇хаго нзва ааг̇амо, бадибад̇д̇ияаа ад̇хиг̇анд̇аб̣б̣асса анад̇хиг̇ад̇ад̇д̇аа нзва ад̇хиг̇амо ад̇т̇и. со ааг̇амаад̇хиг̇амаабхааваа н̃зяяо ассуд̇аваа ид̇и. свааяам̣ –

    2.Bhikkhaveti yathāpaṭiññātaṃ desanaṃ desetuṃ puna bhikkhū ālapati. Ubhayenāpi, bhikkhave, imasmiṃ loketi vuttaṃ hoti. Assutavā puthujjanoti ettha pana āgamādhigamābhāvā ñeyyo assutavā iti. Yassa hi khandhadhātuāyatanasaccapaccayākārasatipaṭṭhānādīsu uggahaparipucchāvinicchayarahitattā maññanāpaṭisedhako neva āgamo, paṭipattiyā adhigantabbassa anadhigatattā neva adhigamo atthi. So āgamādhigamābhāvā ñeyyo assutavā iti. Svāyaṃ –

    бут̇уунам̣ ж̇ананаад̣̇ийхи, гааран̣зхи бут̇уж̇ж̇ано;

    Puthūnaṃ jananādīhi, kāraṇehi puthujjano;

    бут̇уж̇ж̇ананд̇ог̇ад̇хад̇д̇аа, бут̇увааяам̣ ж̇ано ид̇и.

    Puthujjanantogadhattā, puthuvāyaṃ jano iti.

    со хи бут̇уунам̣ наанаббагаараанам̣ гилзсаад̣̇ийнам̣ ж̇ананаад̣̇ийхи гааран̣зхи бут̇уж̇ж̇ано. яат̇ааха – бут̇у гилзсз ж̇анзнд̇ийд̇и бут̇уж̇ж̇анаа, бут̇у авихад̇асаггааяад̣̇идтигаад̇и бут̇уж̇ж̇анаа, бут̇у сад̇т̇аараанам̣ мукамуллогигаад̇и бут̇уж̇ж̇анаа, бут̇у саб̣б̣аг̇ад̇ийхи авудтид̇аад̇и бут̇уж̇ж̇анаа, бут̇у наанаабхисан̇каарз абхисан̇каронд̇ийд̇и бут̇уж̇ж̇анаа, бут̇у наанааогхзхи вуяханд̇ийд̇и бут̇уж̇ж̇анаа, бут̇у наанаасанд̇аабзхи санд̇аббанд̇ийд̇и бут̇уж̇ж̇анаа, бут̇у наанаабарил̣аахзхи барид̣̇аяханд̇ийд̇и бут̇уж̇ж̇анаа, бут̇у бан̃жасу гаамаг̇ун̣зсу рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа лаг̇г̇аа лаг̇ид̇аа балиб̣уд̣̇д̇хаад̇и бут̇уж̇ж̇анаа, бут̇у бан̃жахи нийваран̣зхи аавудаа нивуд̇аа овуд̇аа бихид̇аа бадижчаннаа бадигуж̇ж̇ид̇аад̇и бут̇уж̇ж̇анаад̇и (махаани. 51). бут̇уунам̣ ваа г̇ан̣анабат̇амад̇ийд̇аанам̣ арияад̇хаммабараммукаанам̣ нийжад̇хаммасамаажаараанам̣ ж̇анаанам̣ анд̇ог̇ад̇хад̇д̇ааби бут̇уж̇ж̇анаа. бут̇у ваа аяам̣, висум̣язва сан̇кам̣ г̇ад̇о, висам̣садто сийласуд̇аад̣̇иг̇ун̣аяуд̇д̇зхи ариязхи ж̇анод̇иби бут̇уж̇ж̇ано. звамзд̇зхи ‘‘ассуд̇аваа бут̇уж̇ж̇ано’’д̇и д̣̇вийхиби бад̣̇зхи язд̇з –

    So hi puthūnaṃ nānappakārānaṃ kilesādīnaṃ jananādīhi kāraṇehi puthujjano. Yathāha – puthu kilese janentīti puthujjanā, puthu avihatasakkāyadiṭṭhikāti puthujjanā, puthu satthārānaṃ mukhamullokikāti puthujjanā, puthu sabbagatīhi avuṭṭhitāti puthujjanā, puthu nānābhisaṅkhāre abhisaṅkharontīti puthujjanā, puthu nānāoghehi vuyhantīti puthujjanā, puthu nānāsantāpehi santappantīti puthujjanā, puthu nānāpariḷāhehi paridayhantīti puthujjanā, puthu pañcasu kāmaguṇesu rattā giddhā gadhitā mucchitā ajjhosannā laggā lagitā palibuddhāti puthujjanā, puthu pañcahi nīvaraṇehi āvuṭā nivutā ovutā pihitā paṭicchannā paṭikujjitāti puthujjanāti (mahāni. 51). Puthūnaṃ vā gaṇanapathamatītānaṃ ariyadhammaparammukhānaṃ nīcadhammasamācārānaṃ janānaṃ antogadhattāpi puthujjanā. Puthu vā ayaṃ, visuṃyeva saṅkhaṃ gato, visaṃsaṭṭho sīlasutādiguṇayuttehi ariyehi janotipi puthujjano. Evametehi ‘‘assutavā puthujjano’’ti dvīhipi padehi yete –

    д̣̇увз бут̇уж̇ж̇анаа вуд̇д̇аа, б̣уд̣̇д̇хзнаад̣̇ижжаб̣анд̇хунаа;

    Duve puthujjanā vuttā, buddhenādiccabandhunā;

    анд̇хо бут̇уж̇ж̇ано зго, галяаан̣зго бут̇уж̇ж̇анод̇и. –

    Andho puthujjano eko, kalyāṇeko puthujjanoti. –

    д̣̇вз бут̇уж̇ж̇анаа вуд̇д̇аа. д̇зсу анд̇хабут̇уж̇ж̇ано вуд̇д̇о ход̇ийд̇и взд̣̇ид̇аб̣б̣о. арияаанам̣ ад̣̇ассаавийд̇иаад̣̇ийсу арияаад̇и аарагад̇д̇аа гилзсзхи, анаяз наирияанад̇о, аяз ирияанад̇о, сад̣̇звагзна жа логзна аран̣ийяад̇о б̣уд̣̇д̇хаа жа бажжзгаб̣уд̣̇д̇хаа жа б̣уд̣̇д̇хасаавагаа жа вужжанд̇и, б̣уд̣̇д̇хаа зва ваа ид̇ха арияаа. яат̇ааха ‘‘сад̣̇звагз, бхигкавз, логз…бз… д̇ат̇ааг̇ад̇о арияод̇и вужжад̇ий’’д̇и (сам̣. ни. 5.1098). саббурисаад̇и зд̇т̇а бана бажжзгаб̣уд̣̇д̇хаа д̇ат̇ааг̇ад̇асаавагаа жа ‘‘саббурисаа’’д̇и взд̣̇ид̇аб̣б̣аа. д̇з хи логуд̇д̇араг̇ун̣аяог̇зна собханаа бурисаад̇и саббурисаа. саб̣б̣зва ваа зд̇з д̣̇взд̇хааби вуд̇д̇аа. б̣уд̣̇д̇хааби хи арияаа жа саббурисаа жа, бажжзгаб̣уд̣̇д̇хаа б̣уд̣̇д̇хасаавагааби. яат̇ааха –

    Dve puthujjanā vuttā. Tesu andhaputhujjano vutto hotīti veditabbo. Ariyānaṃ adassāvītiādīsu ariyāti ārakattā kilesehi, anaye nairiyanato, aye iriyanato, sadevakena ca lokena araṇīyato buddhā ca paccekabuddhā ca buddhasāvakā ca vuccanti, buddhā eva vā idha ariyā. Yathāha ‘‘sadevake, bhikkhave, loke…pe… tathāgato ariyoti vuccatī’’ti (saṃ. ni. 5.1098). Sappurisāti ettha pana paccekabuddhā tathāgatasāvakā ca ‘‘sappurisā’’ti veditabbā. Te hi lokuttaraguṇayogena sobhanā purisāti sappurisā. Sabbeva vā ete dvedhāpi vuttā. Buddhāpi hi ariyā ca sappurisā ca, paccekabuddhā buddhasāvakāpi. Yathāha –

    ‘‘яо вз гад̇ан̃н̃уу гад̇авзд̣̇и д̇хийро,

    ‘‘Yo ve kataññū katavedi dhīro,

    галяаан̣амид̇д̇о д̣̇ал̣хабхад̇д̇и жа ход̇и;

    Kalyāṇamitto daḷhabhatti ca hoti;

    д̣̇укид̇асса саггажжа гарод̇и гижжам̣,

    Dukhitassa sakkacca karoti kiccaṃ,

    д̇ат̇аавид̇хам̣ саббурисам̣ вад̣̇анд̇ий’’д̇и. (ж̇аа. 2.17.78);

    Tathāvidhaṃ sappurisaṃ vadantī’’ti. (jā. 2.17.78);

    галяаан̣амид̇д̇о д̣̇ал̣хабхад̇д̇и жа ход̇ийд̇и зд̇д̇аавад̇аа хи б̣уд̣̇д̇хасааваго вуд̇д̇о, гад̇ан̃н̃уд̇аад̣̇ийхи бажжзгаб̣уд̣̇д̇хаа б̣уд̣̇д̇хаад̇и. ид̣̇аани яо д̇зсам̣ арияаанам̣ ад̣̇ассанасийло, на жа д̣̇ассанз саад̇хугаарий, со арияаанам̣ ад̣̇ассаавийд̇и взд̣̇ид̇аб̣б̣о. со жа жагкунаа ад̣̇ассаавий н̃аан̣зна ад̣̇ассаавийд̇и д̣̇увид̇хо, д̇зсу н̃аан̣зна ад̣̇ассаавий ид̇ха ад̇хиббзд̇о. мам̣сажагкунаа хи д̣̇иб̣б̣ажагкунаа ваа арияаа д̣̇идтааби ад̣̇идтаава хонд̇и. д̇зсам̣ жагкуунам̣ ван̣н̣амад̇д̇аг̇г̇ахан̣ад̇о, на арияабхааваг̇ожарад̇о. сон̣асин̇г̇аалаад̣̇аяоби жа жагкунаа арияз бассанд̇и. на жа д̇з арияаанам̣ д̣̇ассаавино.

    Kalyāṇamitto daḷhabhatti ca hotīti ettāvatā hi buddhasāvako vutto, kataññutādīhi paccekabuddhā buddhāti. Idāni yo tesaṃ ariyānaṃ adassanasīlo, na ca dassane sādhukārī, so ariyānaṃ adassāvīti veditabbo. So ca cakkhunā adassāvī ñāṇena adassāvīti duvidho, tesu ñāṇena adassāvī idha adhippeto. Maṃsacakkhunā hi dibbacakkhunā vā ariyā diṭṭhāpi adiṭṭhāva honti. Tesaṃ cakkhūnaṃ vaṇṇamattaggahaṇato, na ariyabhāvagocarato. Soṇasiṅgālādayopi ca cakkhunā ariye passanti. Na ca te ariyānaṃ dassāvino.

    д̇ад̇рид̣̇ам̣ вад̇т̇у – жид̇д̇алабаб̣б̣ад̇аваасино гира кийн̣аасавад̇т̇зрасса убадтааго вуд̣дхабаб̣б̣аж̇ид̇о згад̣̇ивасам̣ т̇зрзна сад̣̇д̇хим̣ бин̣д̣ааяа жарид̇ваа т̇зрасса бад̇д̇ажийварам̣ г̇ахзд̇ваа бидтид̇о ааг̇ажчанд̇о т̇зрам̣ бужчи ‘‘арияаа наама, бханд̇з, гийд̣̇исаа’’д̇и. т̇зро ааха ‘‘ид̇хзгажжо махаллаго арияаанам̣ бад̇д̇ажийварам̣ г̇ахзд̇ваа вад̇д̇абадибад̇д̇им̣ гад̇ваа сахажаранд̇оби нзва арияз ж̇аанаад̇и, звам̣ д̣̇уж̇ж̇аанаа, аавусо, арияаа’’д̇и. звам̣ вуд̇д̇зби со нзва ан̃н̃ааси. д̇асмаа на жагкунаа д̣̇ассанам̣ д̣̇ассанам̣, н̃аан̣зна д̣̇ассанамзва д̣̇ассанам̣. яат̇ааха ‘‘гим̣ д̇з, ваггали, иминаа бууд̇игааязна д̣̇идтзна, яо ко, ваггали , д̇хаммам̣ бассад̇и, со мам̣ бассад̇ий’’д̇и (сам̣. ни. 3.87). д̇асмаа жагкунаа бассанд̇оби н̃аан̣зна ариязхи д̣̇идтам̣ анижжаад̣̇илагкан̣ам̣ абассанд̇о арияаад̇хиг̇ад̇ан̃жа д̇хаммам̣ анад̇хиг̇ажчанд̇о арияагарад̇хаммаанам̣ арияабхаавасса жа ад̣̇идтад̇д̇аа ‘‘арияаанам̣ ад̣̇ассаавий’’д̇и взд̣̇ид̇аб̣б̣о.

    Tatridaṃ vatthu – cittalapabbatavāsino kira khīṇāsavattherassa upaṭṭhāko vuḍḍhapabbajito ekadivasaṃ therena saddhiṃ piṇḍāya caritvā therassa pattacīvaraṃ gahetvā piṭṭhito āgacchanto theraṃ pucchi ‘‘ariyā nāma, bhante, kīdisā’’ti. Thero āha ‘‘idhekacco mahallako ariyānaṃ pattacīvaraṃ gahetvā vattapaṭipattiṃ katvā sahacarantopi neva ariye jānāti, evaṃ dujjānā, āvuso, ariyā’’ti. Evaṃ vuttepi so neva aññāsi. Tasmā na cakkhunā dassanaṃ dassanaṃ, ñāṇena dassanameva dassanaṃ. Yathāha ‘‘kiṃ te, vakkali, iminā pūtikāyena diṭṭhena, yo kho, vakkali , dhammaṃ passati, so maṃ passatī’’ti (saṃ. ni. 3.87). Tasmā cakkhunā passantopi ñāṇena ariyehi diṭṭhaṃ aniccādilakkhaṇaṃ apassanto ariyādhigatañca dhammaṃ anadhigacchanto ariyakaradhammānaṃ ariyabhāvassa ca adiṭṭhattā ‘‘ariyānaṃ adassāvī’’ti veditabbo.

    арияад̇хаммасса аговид̣̇од̇и сад̇ибадтаанаад̣̇ибхзд̣̇з арияад̇хаммз агусало. арияад̇хаммз авинийд̇од̇и зд̇т̇а бана –

    Ariyadhammassa akovidoti satipaṭṭhānādibhede ariyadhamme akusalo. Ariyadhamme avinītoti ettha pana –

    д̣̇увид̇хо винаяо наама, згамзгзд̇т̇а бан̃жад̇хаа;

    Duvidho vinayo nāma, ekamekettha pañcadhā;

    абхаавад̇о д̇асса аяам̣, ‘‘авинийд̇о’’д̇и вужжад̇и.

    Abhāvato tassa ayaṃ, ‘‘avinīto’’ti vuccati.

    аяан̃хи сам̣варавинаяо бахаанавинаяод̇и д̣̇увид̇хо винаяо. зд̇т̇а жа д̣̇увид̇хзби винаяз згамзго винаяо бан̃жад̇хаа бхиж̇ж̇ад̇и. сам̣варавинаяоби хи сийласам̣варо сад̇исам̣варо н̃аан̣асам̣варо канд̇исам̣варо вийрияасам̣варод̇и бан̃жавид̇хо. бахаанавинаяоби д̇ад̣̇ан̇г̇абахаанам̣ вигкамбханабахаанам̣ самужчзд̣̇абахаанам̣ бадиббассад̣̇д̇хибахаанам̣ ниссаран̣абахаананд̇и бан̃жавид̇хо.

    Ayañhi saṃvaravinayo pahānavinayoti duvidho vinayo. Ettha ca duvidhepi vinaye ekameko vinayo pañcadhā bhijjati. Saṃvaravinayopi hi sīlasaṃvaro satisaṃvaro ñāṇasaṃvaro khantisaṃvaro vīriyasaṃvaroti pañcavidho. Pahānavinayopi tadaṅgapahānaṃ vikkhambhanapahānaṃ samucchedapahānaṃ paṭippassaddhipahānaṃ nissaraṇapahānanti pañcavidho.

    д̇ад̇т̇а ‘‘иминаа баад̇имогкасам̣варзна убзд̇о ход̇и самубзд̇о’’д̇и (вибха. 511) аяам̣ сийласам̣варо. ‘‘рагкад̇и жагкунд̣̇рияам̣ жагкунд̣̇рияз сам̣варам̣ аабаж̇ж̇ад̇ий’’д̇и (д̣̇ий. ни. 1.213; ма. ни. 1.295; сам̣. ни. 4.239; а. ни. 3.16) аяам̣ сад̇исам̣варо.

    Tattha ‘‘iminā pātimokkhasaṃvarena upeto hoti samupeto’’ti (vibha. 511) ayaṃ sīlasaṃvaro. ‘‘Rakkhati cakkhundriyaṃ cakkhundriye saṃvaraṃ āpajjatī’’ti (dī. ni. 1.213; ma. ni. 1.295; saṃ. ni. 4.239; a. ni. 3.16) ayaṃ satisaṃvaro.

    ‘‘яаани сод̇аани логасмим̣, (аж̇ид̇аад̇и бхаг̇аваа)

    ‘‘Yāni sotāni lokasmiṃ, (ajitāti bhagavā)

    сад̇и д̇зсам̣ нивааран̣ам̣;

    Sati tesaṃ nivāraṇaṃ;

    сод̇аанам̣ сам̣варам̣ б̣рууми,

    Sotānaṃ saṃvaraṃ brūmi,

    бан̃н̃ааязд̇з бид̇хийяарз’’д̇и. (су. ни. 1041);

    Paññāyete pidhīyare’’ti. (su. ni. 1041);

    аяам̣ н̃аан̣асам̣варо. ‘‘камо ход̇и сийд̇асса ун̣хассаа’’д̇и (ма. ни. 1.23; а. ни. 4.114; 6.58) аяам̣ канд̇исам̣варо. ‘‘уббаннам̣ гаамавид̇аггам̣ наад̇хиваасзд̇ий’’д̇и (ма. ни. 1.26; а. ни. 4.114; 6.58) аяам̣ вийрияасам̣варо. саб̣б̣оби жааяам̣ сам̣варо яат̇аасагам̣ сам̣варид̇аб̣б̣аанам̣ винзд̇аб̣б̣аанан̃жа гааяад̣̇ужжарид̇аад̣̇ийнам̣ сам̣варан̣ад̇о ‘‘сам̣варо’’, винаяанад̇о ‘‘винаяо’’д̇и вужжад̇и. звам̣ д̇аава сам̣варавинаяо бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.

    Ayaṃ ñāṇasaṃvaro. ‘‘Khamo hoti sītassa uṇhassā’’ti (ma. ni. 1.23; a. ni. 4.114; 6.58) ayaṃ khantisaṃvaro. ‘‘Uppannaṃ kāmavitakkaṃ nādhivāsetī’’ti (ma. ni. 1.26; a. ni. 4.114; 6.58) ayaṃ vīriyasaṃvaro. Sabbopi cāyaṃ saṃvaro yathāsakaṃ saṃvaritabbānaṃ vinetabbānañca kāyaduccaritādīnaṃ saṃvaraṇato ‘‘saṃvaro’’, vinayanato ‘‘vinayo’’ti vuccati. Evaṃ tāva saṃvaravinayo pañcadhā bhijjatīti veditabbo.

    д̇ат̇аа яам̣ наамаруубабарижчзд̣̇аад̣̇ийсу вибассанаан̃аан̣зсу бадибагкабхаавад̇о д̣̇ийбаалогзнзва д̇амасса, д̇зна д̇зна вибассанаан̃аан̣зна д̇асса д̇асса анад̇т̇асса бахаанам̣. сзяяат̇ид̣̇ам̣, наамаруубававад̇т̇аанзна саггааяад̣̇идтияаа, бажжаяабариг̇г̇ахзна ахзд̇увисамахзд̇уд̣̇идтийнам̣, д̇ассзва абарабхааг̇зна ган̇каавид̇аран̣зна гат̇ам̣гат̇ийбхаавасса, галаабасаммасанзна ‘‘ахам̣ мамаа’’д̇и г̇аахасса, маг̇г̇аамаг̇г̇ававад̇т̇аанзна амаг̇г̇з маг̇г̇асан̃н̃ааяа, уд̣̇аяад̣̇ассанзна ужчзд̣̇ад̣̇идтияаа, ваяад̣̇ассанзна сассад̇ад̣̇идтияаа, бхаяад̣̇ассанзна сабхаяз абхаяасан̃н̃ааяа, аад̣̇ийнавад̣̇ассанзна ассаад̣̇асан̃н̃ааяа, ниб̣б̣ид̣̇аанубассанааяа абхирад̇исан̃н̃ааяа, мужжид̇угамяад̇аан̃аан̣зна амужжид̇угамяад̇ааяа, убзгкаан̃аан̣зна анубзгкааяа, ануломзна д̇хаммадтид̇ияам̣ ниб̣б̣аанз жа бадиломабхаавасса, г̇од̇рабхунаа сан̇кааранимид̇д̇аг̇г̇аахасса бахаанам̣, зд̇ам̣ д̇ад̣̇ан̇г̇абахаанам̣наама.

    Tathā yaṃ nāmarūpaparicchedādīsu vipassanāñāṇesu paṭipakkhabhāvato dīpālokeneva tamassa, tena tena vipassanāñāṇena tassa tassa anatthassa pahānaṃ. Seyyathidaṃ, nāmarūpavavatthānena sakkāyadiṭṭhiyā, paccayapariggahena ahetuvisamahetudiṭṭhīnaṃ, tasseva aparabhāgena kaṅkhāvitaraṇena kathaṃkathībhāvassa, kalāpasammasanena ‘‘ahaṃ mamā’’ti gāhassa, maggāmaggavavatthānena amagge maggasaññāya, udayadassanena ucchedadiṭṭhiyā, vayadassanena sassatadiṭṭhiyā, bhayadassanena sabhaye abhayasaññāya, ādīnavadassanena assādasaññāya, nibbidānupassanāya abhiratisaññāya, muccitukamyatāñāṇena amuccitukamyatāya, upekkhāñāṇena anupekkhāya, anulomena dhammaṭṭhitiyaṃ nibbāne ca paṭilomabhāvassa, gotrabhunā saṅkhāranimittaggāhassa pahānaṃ, etaṃ tadaṅgapahānaṃnāma.

    яам̣ бана убажаараббанаабхзд̣̇зна самаад̇хинаа бавад̇д̇ибхааванивааран̣ад̇о гхадаббахаарзнзва уд̣̇агабидтз сзвааласса д̇зсам̣ д̇зсам̣ нийваран̣аад̣̇ид̇хаммаанам̣ бахаанам̣, зд̇ам̣ вигкамбханабахаанам̣ наама.

    Yaṃ pana upacārappanābhedena samādhinā pavattibhāvanivāraṇato ghaṭappahāreneva udakapiṭṭhe sevālassa tesaṃ tesaṃ nīvaraṇādidhammānaṃ pahānaṃ, etaṃ vikkhambhanapahānaṃ nāma.

    яам̣ жад̇уннам̣ арияамаг̇г̇аанам̣ бхаавид̇ад̇д̇аа д̇ам̣д̇ам̣маг̇г̇авад̇о ад̇д̇ано ад̇д̇ано санд̇аанз ‘‘д̣̇идтиг̇ад̇аанам̣ бахаанааяаа’’д̇иаад̣̇инаа (д̇ха. са. 277) наязна вуд̇д̇асса самуд̣̇аяабагкигасса гилзсаг̇ан̣асса ажжанд̇ам̣ аббавад̇д̇ибхаавзна бахаанам̣, ид̣̇ам̣ самужчзд̣̇абахаанам̣ наама. яам̣ бана палагкан̣з бадиббассад̣̇д̇хад̇д̇ам̣ гилзсаанам̣, зд̇ам̣ бадиббассад̣̇д̇хибахаанам̣ наама. яам̣ саб̣б̣асан̇кад̇аниссадад̇д̇аа бахийнасаб̣б̣асан̇кад̇ам̣ ниб̣б̣аанам̣ зд̇ам̣ ниссаран̣абахаанам̣ наама. саб̣б̣амби жзд̇ам̣ бахаанам̣ яасмаа жааг̇адтзна бахаанам̣, винаяанадтзна винаяо, д̇асмаа ‘‘бахаанавинаяо’’д̇и вужжад̇и. д̇ам̣д̇ам̣бахаанавад̇о ваа д̇асса д̇асса винаяасса самбхавад̇обзд̇ам̣ ‘‘бахаанавинаяо’’д̇и вужжад̇и. звам̣ бахаанавинаяоби бан̃жад̇хаа бхиж̇ж̇ад̇ийд̇и взд̣̇ид̇аб̣б̣о.

    Yaṃ catunnaṃ ariyamaggānaṃ bhāvitattā taṃtaṃmaggavato attano attano santāne ‘‘diṭṭhigatānaṃ pahānāyā’’tiādinā (dha. sa. 277) nayena vuttassa samudayapakkhikassa kilesagaṇassa accantaṃ appavattibhāvena pahānaṃ, idaṃ samucchedapahānaṃ nāma. Yaṃ pana phalakkhaṇe paṭippassaddhattaṃ kilesānaṃ, etaṃ paṭippassaddhipahānaṃ nāma. Yaṃ sabbasaṅkhatanissaṭattā pahīnasabbasaṅkhataṃ nibbānaṃ etaṃ nissaraṇapahānaṃ nāma. Sabbampi cetaṃ pahānaṃ yasmā cāgaṭṭhena pahānaṃ, vinayanaṭṭhena vinayo, tasmā ‘‘pahānavinayo’’ti vuccati. Taṃtaṃpahānavato vā tassa tassa vinayassa sambhavatopetaṃ ‘‘pahānavinayo’’ti vuccati. Evaṃ pahānavinayopi pañcadhā bhijjatīti veditabbo.

    звамаяам̣ сан̇кзбад̇о д̣̇увид̇хо, бхзд̣̇ад̇о жа д̣̇асавид̇хо винаяо бхиннасам̣варад̇д̇аа бахаад̇аб̣б̣асса жа аббахийнад̇д̇аа яасмаа зд̇асса ассуд̇авад̇о бут̇уж̇ж̇анасса над̇т̇и, д̇асмаа абхаавад̇о д̇асса аяам̣ авинийд̇од̇и вужжад̇ийд̇и. зса наяо саббурисаанам̣ ад̣̇ассаавий саббурисад̇хаммасса аговид̣̇о саббурисад̇хаммз авинийд̇од̇и зд̇т̇аби. ниннаанаагаран̣ан̃хи зд̇ам̣ ад̇т̇ад̇о. яат̇ааха ‘‘язва д̇з арияаа, д̇зва д̇з саббурисаа. язва д̇з саббурисаа, д̇зва д̇з арияаа. яо зва со арияаанам̣ д̇хаммо, со зва со саббурисаанам̣ д̇хаммо. яо зва со саббурисаанам̣ д̇хаммо, со зва со арияаанам̣ д̇хаммо. язва д̇з арияавинаяаа, д̇зва д̇з саббурисавинаяаа. язва д̇з саббурисавинаяаа, д̇зва д̇з арияавинаяаа. ариязд̇и ваа саббурисзд̇и ваа, арияад̇хаммзд̇и ваа саббурисад̇хаммзд̇и ваа, арияавинаязд̇и ваа саббурисавинаязд̇и ваа зсзсз згз згад̇т̇з самз самабхааг̇з д̇аж̇ж̇аад̇з д̇ан̃н̃зваа’’д̇и.

    Evamayaṃ saṅkhepato duvidho, bhedato ca dasavidho vinayo bhinnasaṃvarattā pahātabbassa ca appahīnattā yasmā etassa assutavato puthujjanassa natthi, tasmā abhāvato tassa ayaṃ avinītoti vuccatīti. Esa nayo sappurisānaṃ adassāvī sappurisadhammassa akovido sappurisadhamme avinītoti etthapi. Ninnānākaraṇañhi etaṃ atthato. Yathāha ‘‘yeva te ariyā, teva te sappurisā. Yeva te sappurisā, teva te ariyā. Yo eva so ariyānaṃ dhammo, so eva so sappurisānaṃ dhammo. Yo eva so sappurisānaṃ dhammo, so eva so ariyānaṃ dhammo. Yeva te ariyavinayā, teva te sappurisavinayā. Yeva te sappurisavinayā, teva te ariyavinayā. Ariyeti vā sappuriseti vā, ariyadhammeti vā sappurisadhammeti vā, ariyavinayeti vā sappurisavinayeti vā esese eke ekatthe same samabhāge tajjāte taññevā’’ti.

    ‘‘гасмаа бана бхаг̇аваа саб̣б̣ад̇хаммамуулабарияааяам̣ во, бхигкавз, д̣̇зсзссаамий’’д̇и вад̇ваа д̇ам̣ ад̣̇зсзд̇ваава ‘‘ид̇ха, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий’’д̇и звам̣ бут̇уж̇ж̇анам̣ нид̣̇д̣̇исийд̇и? буг̇г̇алаад̇хидтаанааяа д̇хаммад̣̇зсанааяа д̇амад̇т̇ам̣ аавигаад̇ум̣. бхаг̇авад̇о хи д̇хаммаад̇хидтаанаа д̇хаммад̣̇зсанаа, д̇хаммаад̇хидтаанаа буг̇г̇алад̣̇зсанаа, буг̇г̇алаад̇хидтаанаа буг̇г̇алад̣̇зсанаа, буг̇г̇алаад̇хидтаанаа д̇хаммад̣̇зсанаад̇и д̇хаммабуг̇г̇алавасзнзва д̇аава жад̇уб̣б̣ид̇хаа д̣̇зсанаа.

    ‘‘Kasmā pana bhagavā sabbadhammamūlapariyāyaṃ vo, bhikkhave, desessāmī’’ti vatvā taṃ adesetvāva ‘‘idha, bhikkhave, assutavā puthujjano ariyānaṃ adassāvī’’ti evaṃ puthujjanaṃ niddisīti? Puggalādhiṭṭhānāya dhammadesanāya tamatthaṃ āvikātuṃ. Bhagavato hi dhammādhiṭṭhānā dhammadesanā, dhammādhiṭṭhānā puggaladesanā, puggalādhiṭṭhānā puggaladesanā, puggalādhiṭṭhānā dhammadesanāti dhammapuggalavaseneva tāva catubbidhā desanā.

    д̇ад̇т̇а, ‘‘д̇иссо имаа, бхигкавз, взд̣̇анаа. гад̇амаа д̇иссо? сукаа взд̣̇анаа д̣̇угкаа взд̣̇анаа ад̣̇угкамасукаа взд̣̇анаа. имаа ко, бхигкавз, д̇иссо взд̣̇анаа’’д̇и (сам̣. ни. 4.250) зваруубий д̇хаммаад̇хидтаанаа д̇хаммад̣̇зсанаа взд̣̇ид̇аб̣б̣аа. ‘‘ча д̇хаад̇уяо аяам̣ буд̇исо ча пассааяад̇ано адтаараса манобавижааро жад̇ураад̇хидтаано’’д̇и (ма. ни. 3.343) зваруубий д̇хаммаад̇хидтаанаа буг̇г̇алад̣̇зсанаа. ‘‘д̇аяомз, бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз д̇аяо? анд̇хо згажагку д̣̇вижагку. гад̇амо жа, бхигкавз, буг̇г̇ало анд̇хо’’д̇и? (а. ни. 3.29) зваруубий буг̇г̇алаад̇хидтаанаа буг̇г̇алад̣̇зсанаа. ‘‘гад̇аман̃жа, бхигкавз, д̣̇уг̇г̇ад̇ибхаяам̣? ид̇ха, бхигкавз, згажжо ид̇и бадисан̃жигкад̇и, гааяад̣̇ужжарид̇асса ко баабаго вибааго абхисамбарааяам̣…бз… суд̣̇д̇хамад̇д̇аанам̣ барихарад̇и. ид̣̇ам̣ вужжад̇и, бхигкавз, д̣̇уг̇г̇ад̇ибхаяа’’нд̇и (а. ни. 4.121) зваруубий буг̇г̇алаад̇хидтаанаа д̇хаммад̣̇зсанаа.

    Tattha, ‘‘tisso imā, bhikkhave, vedanā. Katamā tisso? Sukhā vedanā dukkhā vedanā adukkhamasukhā vedanā. Imā kho, bhikkhave, tisso vedanā’’ti (saṃ. ni. 4.250) evarūpī dhammādhiṭṭhānā dhammadesanā veditabbā. ‘‘Cha dhātuyo ayaṃ putiso cha phassāyatano aṭṭhārasa manopavicāro caturādhiṭṭhāno’’ti (ma. ni. 3.343) evarūpī dhammādhiṭṭhānā puggaladesanā. ‘‘Tayome, bhikkhave, puggalā santo saṃvijjamānā lokasmiṃ. Katame tayo? Andho ekacakkhu dvicakkhu. Katamo ca, bhikkhave, puggalo andho’’ti? (A. ni. 3.29) evarūpī puggalādhiṭṭhānā puggaladesanā. ‘‘Katamañca, bhikkhave, duggatibhayaṃ? Idha, bhikkhave, ekacco iti paṭisañcikkhati, kāyaduccaritassa kho pāpako vipāko abhisamparāyaṃ…pe… suddhamattānaṃ pariharati. Idaṃ vuccati, bhikkhave, duggatibhaya’’nti (a. ni. 4.121) evarūpī puggalādhiṭṭhānā dhammadesanā.

    свааяам̣ ид̇ха яасмаа бут̇уж̇ж̇ано абарин̃н̃аад̇авад̇т̇уго, абарин̃н̃аамуулигаа жа ид̇хаад̇хиббзд̇аанам̣ саб̣б̣ад̇хаммаанам̣ муулабхууд̇аа ман̃н̃анаа ход̇и, д̇асмаа бут̇уж̇ж̇анам̣ д̣̇ассзд̇ваа буг̇г̇алаад̇хидтаанааяа д̣̇зсанааяа д̇амад̇т̇ам̣ аавигаад̇ум̣, ‘‘ид̇ха, бхигкавз, ассуд̇аваа бут̇уж̇ж̇ано арияаанам̣ ад̣̇ассаавий’’д̇и звам̣ бут̇уж̇ж̇анам̣ нид̣̇д̣̇исийд̇и взд̣̇ид̇аб̣б̣о.

    Svāyaṃ idha yasmā puthujjano apariññātavatthuko, apariññāmūlikā ca idhādhippetānaṃ sabbadhammānaṃ mūlabhūtā maññanā hoti, tasmā puthujjanaṃ dassetvā puggalādhiṭṭhānāya desanāya tamatthaṃ āvikātuṃ, ‘‘idha, bhikkhave, assutavā puthujjano ariyānaṃ adassāvī’’ti evaṃ puthujjanaṃ niddisīti veditabbo.

    суд̇д̇анигкзбаван̣н̣анаа нидтид̇аа.

    Suttanikkhepavaṇṇanā niṭṭhitā.

    бат̇авийваараван̣н̣анаа

    Pathavīvāravaṇṇanā

    звам̣ бут̇уж̇ж̇анам̣ нид̣̇д̣̇исид̇ваа ид̣̇аани д̇асса бат̇авийаад̣̇ийсу вад̇т̇уусу саб̣б̣асаггааяад̇хаммаж̇анид̇ам̣ ман̃н̃анам̣ д̣̇ассзнд̇о, бат̇авим̣ бат̇авид̇од̇иаад̣̇имааха. д̇ад̇т̇а лагкан̣абат̇авий сасамбхаарабат̇авий аарамман̣абат̇авий саммуд̇ибат̇авийд̇и жад̇уб̣б̣ид̇хаа бат̇авий. д̇аасу ‘‘гад̇амаа жа, аавусо, аж̇жхад̇д̇игаа бат̇авийд̇хаад̇у? яам̣ аж̇жхад̇д̇ам̣ бажжад̇д̇ам̣ гагкал̣ам̣ кариг̇ад̇а’’нд̇иаад̣̇ийсу (вибха. 173) вуд̇д̇аа лагкан̣абат̇авий. ‘‘бат̇авим̣ кан̣зяяа ваа кан̣аабзяяа ваа’’д̇иаад̣̇ийсу (баажи. 85) вуд̇д̇аа сасамбхаарабат̇авий. яз жа гзсаад̣̇аяо вийсад̇и годтаасаа, аяолохаад̣̇аяо жа б̣аахираа. саа хи ван̣н̣аад̣̇ийхи самбхаарзхи сад̣̇д̇хим̣ бат̇авийд̇и сасамбхаарабат̇авий. ‘‘бат̇авийгасин̣амзго сан̃ж̇аанаад̇ий’’д̇иаад̣̇ийсу (д̣̇ий. ни. 3.360) ааг̇ад̇аа бана аарамман̣абат̇авий, нимид̇д̇абат̇авийд̇иби вужжад̇и. бат̇авийгасин̣аж̇жхааналаабхий д̣̇звалогз ниб̣б̣ад̇д̇о ааг̇аманавасзна бат̇авийд̣̇звад̇аад̇и наамам̣ лабхад̇и. аяам̣ саммуд̇ибат̇авийд̇и взд̣̇ид̇аб̣б̣аа. саа саб̣б̣ааби ид̇ха лаб̣бхад̇и. д̇аасу яам̣ган̃жи бат̇авим̣ аяам̣ бут̇уж̇ж̇ано бат̇авид̇о сан̃ж̇аанаад̇и, бат̇авийд̇и сан̃ж̇аанаад̇и, бат̇авийбхааг̇зна сан̃ж̇аанаад̇и, логавохаарам̣ г̇ахзд̇ваа сан̃н̃аавибаллаасзна сан̃ж̇аанаад̇и бат̇авийд̇и. звам̣ бат̇авийбхааг̇ам̣ амун̃жанд̇оязва ваа зд̇ам̣ ‘‘сад̇д̇од̇и ваа сад̇д̇ассаа’’д̇и ваа аад̣̇инаа наязна сан̃ж̇аанаад̇и. гасмаа звам̣ сан̃ж̇аанаад̇ийд̇и на вад̇д̇аб̣б̣ам̣. уммад̇д̇аго вияа хи бут̇уж̇ж̇ано. со яам̣гин̃жи язна гзнажи аагаарзна г̇ан̣хаад̇и. арияаанам̣ ад̣̇ассаавид̇аад̣̇ибхзд̣̇амзва ваа зд̇т̇а гааран̣ам̣. яам̣ ваа барад̇о ‘‘абарин̃н̃аад̇ам̣ д̇ассаа’’д̇и вад̣̇анд̇зна бхаг̇авад̇аава вуд̇д̇ам̣.

    Evaṃ puthujjanaṃ niddisitvā idāni tassa pathavīādīsu vatthūsu sabbasakkāyadhammajanitaṃ maññanaṃ dassento, pathaviṃ pathavitotiādimāha. Tattha lakkhaṇapathavī sasambhārapathavī ārammaṇapathavī sammutipathavīti catubbidhā pathavī. Tāsu ‘‘katamā ca, āvuso, ajjhattikā pathavīdhātu? Yaṃ ajjhattaṃ paccattaṃ kakkhaḷaṃ kharigata’’ntiādīsu (vibha. 173) vuttā lakkhaṇapathavī. ‘‘Pathaviṃ khaṇeyya vā khaṇāpeyya vā’’tiādīsu (pāci. 85) vuttā sasambhārapathavī. Ye ca kesādayo vīsati koṭṭhāsā, ayolohādayo ca bāhirā. Sā hi vaṇṇādīhi sambhārehi saddhiṃ pathavīti sasambhārapathavī. ‘‘Pathavīkasiṇameko sañjānātī’’tiādīsu (dī. ni. 3.360) āgatā pana ārammaṇapathavī, nimittapathavītipi vuccati. Pathavīkasiṇajjhānalābhī devaloke nibbatto āgamanavasena pathavīdevatāti nāmaṃ labhati. Ayaṃ sammutipathavīti veditabbā. Sā sabbāpi idha labbhati. Tāsu yaṃkañci pathaviṃ ayaṃ puthujjano pathavito sañjānāti, pathavīti sañjānāti, pathavībhāgena sañjānāti, lokavohāraṃ gahetvā saññāvipallāsena sañjānāti pathavīti. Evaṃ pathavībhāgaṃ amuñcantoyeva vā etaṃ ‘‘sattoti vā sattassā’’ti vā ādinā nayena sañjānāti. Kasmā evaṃ sañjānātīti na vattabbaṃ. Ummattako viya hi puthujjano. So yaṃkiñci yena kenaci ākārena gaṇhāti. Ariyānaṃ adassāvitādibhedameva vā ettha kāraṇaṃ. Yaṃ vā parato ‘‘apariññātaṃ tassā’’ti vadantena bhagavatāva vuttaṃ.

    бат̇авим̣ бат̇авид̇о сан̃н̃ад̇ваад̇и со д̇ам̣ бат̇авим̣ звам̣ вибарийд̇асан̃н̃ааяа сан̃ж̇аанид̇ваа, ‘‘сан̃н̃аанид̣̇аанаа хи бабан̃жасан̇каа’’д̇и (су. ни. 880) важанад̇о абарабхааг̇з т̇аамабад̇д̇зхи д̇ан̣хаамаанад̣̇идтибабан̃жзхи ид̇ха ман̃н̃анаанаамзна вуд̇д̇зхи ман̃н̃ад̇и габбзд̇и вигаббзд̇и, наанаббагаарад̇о ан̃н̃ат̇аа г̇ан̣хаад̇и. д̇зна вуд̇д̇ам̣ ‘‘бат̇авим̣ ман̃н̃ад̇ий’’д̇и. звам̣ ман̃н̃ад̇о жасса д̇аа ман̃н̃анаа ол̣аариганаязна д̣̇ассзд̇ум̣ ‘‘яаа аяам̣ гзсаа ломаа’’д̇иаад̣̇инаа наязна вийсад̇ибхзд̣̇аа аж̇жхад̇д̇игаа бат̇авий вуд̇д̇аа. яаа жааяам̣ вибхан̇г̇з ‘‘д̇ад̇т̇а гад̇амаа б̣аахираа бат̇авийд̇хаад̇у? яам̣ б̣аахирам̣ гагкал̣ам̣ кариг̇ад̇ам̣ гагкал̣ад̇д̇ам̣ гагкал̣абхааво б̣ахид̣̇д̇хаа анубаад̣̇иннам̣. сзяяат̇ид̣̇ам̣, аяо лохам̣ д̇ибу сийсам̣ саж̇жхам̣ муд̇д̇аа ман̣и взл̣урияам̣ сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇ан̇го масаараг̇аллам̣ д̇ин̣ам̣ гадтам̣ сагкараа гаталам̣ бхууми баасаан̣о баб̣б̣ад̇о’’д̇и (вибха. 173) звам̣ б̣аахираа бат̇авий вуд̇д̇аа. яаа жа аж̇жхад̇д̇аарамман̣ад̇д̇игз нимид̇д̇абат̇авий, д̇ам̣ г̇ахзд̇ваа аяамад̇т̇аяож̇анаа вужжад̇и.

    Pathaviṃ pathavito saññatvāti so taṃ pathaviṃ evaṃ viparītasaññāya sañjānitvā, ‘‘saññānidānā hi papañcasaṅkhā’’ti (su. ni. 880) vacanato aparabhāge thāmapattehi taṇhāmānadiṭṭhipapañcehi idha maññanānāmena vuttehi maññati kappeti vikappeti, nānappakārato aññathā gaṇhāti. Tena vuttaṃ ‘‘pathaviṃ maññatī’’ti. Evaṃ maññato cassa tā maññanā oḷārikanayena dassetuṃ ‘‘yā ayaṃ kesā lomā’’tiādinā nayena vīsatibhedā ajjhattikā pathavī vuttā. Yā cāyaṃ vibhaṅge ‘‘tattha katamā bāhirā pathavīdhātu? Yaṃ bāhiraṃ kakkhaḷaṃ kharigataṃ kakkhaḷattaṃ kakkhaḷabhāvo bahiddhā anupādinnaṃ. Seyyathidaṃ, ayo lohaṃ tipu sīsaṃ sajjhaṃ muttā maṇi veḷuriyaṃ saṅkho silā pavāḷaṃ rajataṃ jātarūpaṃ lohitaṅko masāragallaṃ tiṇaṃ kaṭṭhaṃ sakkharā kaṭhalaṃ bhūmi pāsāṇo pabbato’’ti (vibha. 173) evaṃ bāhirā pathavī vuttā. Yā ca ajjhattārammaṇattike nimittapathavī, taṃ gahetvā ayamatthayojanā vuccati.

    бат̇авим̣ ман̃н̃ад̇ийд̇и д̇ийхи ман̃н̃анаахи ахам̣ бат̇авийд̇и ман̃н̃ад̇и, мама бат̇авийд̇и ман̃н̃ад̇и, баро бат̇авийд̇и ман̃н̃ад̇и, барасса бат̇авийд̇и ман̃н̃ад̇и, ат̇а ваа аж̇жхад̇д̇игам̣ бат̇авим̣ д̇ан̣хааман̃н̃анааяа ман̃н̃ад̇и, маанаман̃н̃анааяа ман̃н̃ад̇и, д̣̇идтиман̃н̃анааяа ман̃н̃ад̇и. гат̇ам̣? аяан̃хи гзсаад̣̇ийсу чанд̣̇арааг̇ам̣ ж̇анзд̇и гзсз ассаад̣̇зд̇и абхинанд̣̇ад̇и абхивад̣̇ад̇и аж̇жхосааяа д̇идтад̇и. ломз, накз, д̣̇анд̇з, д̇ажам̣, ан̃н̃ад̇арам̣ ваа бана раж̇ж̇анийяавад̇т̇ум̣. звам̣ аж̇жхад̇д̇игам̣ бат̇авим̣ д̇ан̣хааман̃н̃анааяа ман̃н̃ад̇и. ид̇и мз гзсаа сияум̣ анааг̇ад̇амад̣̇д̇хаанам̣. ид̇и ломаад̇иаад̣̇инаа ваа бана наязна д̇ад̇т̇а нанд̣̇им̣ саманнаанзд̇и. ‘‘иминаахам̣ сийлзна ваа…бз… б̣рахмажариязна ваа звам̣ синид̣̇д̇хамуд̣̇усукуманийлагзсо бхависсаамий’’д̇иаад̣̇инаа ваа бана наязна аббадилад̣̇д̇хаанам̣ бадилаабхааяа жид̇д̇ам̣ бан̣ид̣̇ахад̇и. звамби аж̇жхад̇д̇игам̣ бат̇авим̣ д̇ан̣хааман̃н̃анааяа ман̃н̃ад̇и.

    Pathaviṃ maññatīti tīhi maññanāhi ahaṃ pathavīti maññati, mama pathavīti maññati, paro pathavīti maññati, parassa pathavīti maññati, atha vā ajjhattikaṃ pathaviṃ taṇhāmaññanāya maññati, mānamaññanāya maññati, diṭṭhimaññanāya maññati. Kathaṃ? Ayañhi kesādīsu chandarāgaṃ janeti kese assādeti abhinandati abhivadati ajjhosāya tiṭṭhati. Lome, nakhe, dante, tacaṃ, aññataraṃ vā pana rajjanīyavatthuṃ. Evaṃ ajjhattikaṃ pathaviṃ taṇhāmaññanāya maññati. Iti me kesā siyuṃ anāgatamaddhānaṃ. Iti lomātiādinā vā pana nayena tattha nandiṃ samannāneti. ‘‘Imināhaṃ sīlena vā…pe… brahmacariyena vā evaṃ siniddhamudusukhumanīlakeso bhavissāmī’’tiādinā vā pana nayena appaṭiladdhānaṃ paṭilābhāya cittaṃ paṇidahati. Evampi ajjhattikaṃ pathaviṃ taṇhāmaññanāya maññati.

    д̇ат̇аа ад̇д̇ано гзсаад̣̇ийнам̣ самбад̇д̇им̣ ваа вибад̇д̇им̣ ваа ниссааяа маанам̣ ж̇анзд̇и, ‘‘сзяяохамасмийд̇и ваа сад̣̇исохамасмийд̇и ваа хийнохамасмийд̇и ваа’’д̇и. звам̣ аж̇жхад̇д̇игам̣ бат̇авим̣ маанаман̃н̃анааяа ман̃н̃ад̇и. ‘‘д̇ам̣ ж̇ийвам̣ д̇ам̣ сарийра’’нд̇и (ма. ни. 2.187) ааг̇ад̇анаязна бана гзсам̣ ‘‘ж̇ийво’’д̇и абхинивисад̇и. зса наяо ломаад̣̇ийсу. звам̣ аж̇жхад̇д̇игам̣ бат̇авим̣ д̣̇идтиман̃н̃анааяа ман̃н̃ад̇и.

    Tathā attano kesādīnaṃ sampattiṃ vā vipattiṃ vā nissāya mānaṃ janeti, ‘‘seyyohamasmīti vā sadisohamasmīti vā hīnohamasmīti vā’’ti. Evaṃ ajjhattikaṃ pathaviṃ mānamaññanāya maññati. ‘‘Taṃ jīvaṃ taṃ sarīra’’nti (ma. ni. 2.187) āgatanayena pana kesaṃ ‘‘jīvo’’ti abhinivisati. Esa nayo lomādīsu. Evaṃ ajjhattikaṃ pathaviṃ diṭṭhimaññanāya maññati.

    ат̇а ваа ‘‘яаа жзва ко банаавусо, аж̇жхад̇д̇игаа бат̇авийд̇хаад̇у, яаа жа б̣аахираа бат̇авийд̇хаад̇у, бат̇авийд̇хаад̇урзвзсаа , д̇ам̣ нзд̇ам̣ мамаа’’д̇и (ма. ни. 1.302) имиссаа бавад̇д̇ияаа бажжанийганаязна гзсаад̣̇ибхзд̣̇ам̣ бат̇авим̣ зд̇ам̣ мама зсохамасми зсо мз ад̇д̇аад̇и абхинивисад̇и. звамби аж̇жхад̇д̇игам̣ бат̇авим̣ д̣̇идтиман̃н̃анааяа ман̃н̃ад̇и. звам̣ д̇аава аж̇жхад̇д̇игам̣ бат̇авим̣ д̇ийхи ман̃н̃анаахи ман̃н̃ад̇и.

    Atha vā ‘‘yā ceva kho panāvuso, ajjhattikā pathavīdhātu, yā ca bāhirā pathavīdhātu, pathavīdhāturevesā , taṃ netaṃ mamā’’ti (ma. ni. 1.302) imissā pavattiyā paccanīkanayena kesādibhedaṃ pathaviṃ etaṃ mama esohamasmi eso me attāti abhinivisati. Evampi ajjhattikaṃ pathaviṃ diṭṭhimaññanāya maññati. Evaṃ tāva ajjhattikaṃ pathaviṃ tīhi maññanāhi maññati.

    яат̇аа жа аж̇жхад̇д̇игам̣ звам̣ б̣аахирамби. гат̇ам̣? ‘‘аяан̃хи аяалохаад̣̇ийсу чанд̣̇арааг̇ам̣ ж̇анзд̇и. аяалохаад̣̇ийни ассаад̣̇зд̇и абхинанд̣̇ад̇и абхивад̣̇ад̇и аж̇жхосааяа д̇идтад̇и. мама аяо мама лоханд̇иаад̣̇инаа наязна аяаад̣̇ийни мамааяад̇и рагкад̇и г̇обаяад̇и, звам̣ б̣аахирам̣ бат̇авим̣ д̇ан̣хааман̃н̃анааяа ман̃н̃ад̇и. ид̇и мз аяалохаад̣̇аяо сияум̣ анааг̇ад̇амад̣̇д̇хаананд̇и ваа банзд̇т̇а нанд̣̇им̣ саманнаанзд̇и, иминаахам̣ сийлзна ваа вад̇зна ваа д̇абзна ваа б̣рахмажариязна ваа звам̣ самбаннааяалохаад̣̇иубагаран̣о бхависсаамий’’д̇и аббадилад̣̇д̇хасса бадилаабхааяа жид̇д̇ам̣ бан̣ид̣̇ахад̇и. звамби б̣аахирам̣ бат̇авим̣ д̇ан̣хааман̃н̃анааяа ман̃н̃ад̇и.

    Yathā ca ajjhattikaṃ evaṃ bāhirampi. Kathaṃ? ‘‘Ayañhi ayalohādīsu chandarāgaṃ janeti. Ayalohādīni assādeti abhinandati abhivadati ajjhosāya tiṭṭhati. Mama ayo mama lohantiādinā nayena ayādīni mamāyati rakkhati gopayati, evaṃ bāhiraṃ pathaviṃ taṇhāmaññanāya maññati. Iti me ayalohādayo siyuṃ anāgatamaddhānanti vā panettha nandiṃ samannāneti, imināhaṃ sīlena vā vatena vā tapena vā brahmacariyena vā evaṃ sampannaayalohādiupakaraṇo bhavissāmī’’ti appaṭiladdhassa paṭilābhāya cittaṃ paṇidahati. Evampi bāhiraṃ pathaviṃ taṇhāmaññanāya maññati.

    д̇ат̇аа ад̇д̇ано аяалохаад̣̇ийнам̣ самбад̇д̇им̣ ваа вибад̇д̇им̣ ваа ниссааяа маанам̣ ж̇анзд̇и ‘‘иминаахам̣ сзяяосмийд̇и ваа, сад̣̇исосмийд̇и ваа хийносмийд̇и ваа’’д̇и (вибха. 832) звам̣ б̣аахирам̣ бат̇авим̣ маанаман̃н̃анааяа ман̃н̃ад̇и. аяз ж̇ийвасан̃н̃ий худ̇ваа бана аяам̣ ‘‘ж̇ийво’’д̇и абхинивисад̇и. зса наяо лохаад̣̇ийсу. звам̣ б̣аахирам̣ бат̇авим̣ д̣̇идтиман̃н̃анааяа ман̃н̃ад̇и.

    Tathā attano ayalohādīnaṃ sampattiṃ vā vipattiṃ vā nissāya mānaṃ janeti ‘‘imināhaṃ seyyosmīti vā, sadisosmīti vā hīnosmīti vā’’ti (vibha. 832) evaṃ bāhiraṃ pathaviṃ mānamaññanāya maññati. Aye jīvasaññī hutvā pana ayaṃ ‘‘jīvo’’ti abhinivisati. Esa nayo lohādīsu. Evaṃ bāhiraṃ pathaviṃ diṭṭhimaññanāya maññati.

    ат̇а ваа ‘‘ид̇хзгажжо бат̇авийгасин̣ам̣ ад̇д̇ад̇о саманубассад̇и. яам̣ бат̇авийгасин̣ам̣, со ахам̣. яо ахам̣, д̇ам̣ бат̇авийгасин̣анд̇и бат̇авийгасин̣ан̃жа ад̇д̇ан̃жа ад̣̇ваяам̣ саманубассад̇ий’’д̇и (бади. ма. 1.131) бадисамбхид̣̇ааяам̣ вуд̇д̇анаязнзва нимид̇д̇абат̇авим̣ ‘‘ад̇д̇аа’’д̇и абхинивисад̇и. звам̣ б̣аахирам̣ бат̇авим̣ д̣̇идтиман̃н̃анааяа ман̃н̃ад̇и. звамби б̣аахирам̣ бат̇авим̣ д̇ийхи ман̃н̃анаахи ман̃н̃ад̇и. звам̣ д̇аава ‘‘бат̇авим̣ ман̃н̃ад̇ий’’д̇и зд̇т̇а д̇иссоби ман̃н̃анаа взд̣̇ид̇аб̣б̣аа. ид̇о барам̣ сан̇кзбзнзва гат̇аяиссаама.

    Atha vā ‘‘idhekacco pathavīkasiṇaṃ attato samanupassati. Yaṃ pathavīkasiṇaṃ, so ahaṃ. Yo ahaṃ, taṃ pathavīkasiṇanti pathavīkasiṇañca attañca advayaṃ samanupassatī’’ti (paṭi. ma. 1.131) paṭisambhidāyaṃ vuttanayeneva nimittapathaviṃ ‘‘attā’’ti abhinivisati. Evaṃ bāhiraṃ pathaviṃ diṭṭhimaññanāya maññati. Evampi bāhiraṃ pathaviṃ tīhi maññanāhi maññati. Evaṃ tāva ‘‘pathaviṃ maññatī’’ti ettha tissopi maññanā veditabbā. Ito paraṃ saṅkhepeneva kathayissāma.

    бат̇авияаа ман̃н̃ад̇ийд̇и зд̇т̇а бат̇авияаад̇и бхуммаважанамзд̇ам̣. д̇асмаа ахам̣ бат̇авияаад̇и ман̃н̃ад̇и, маяхам̣ гин̃жанам̣ балиб̣од̇хо бат̇авияаад̇и ман̃н̃ад̇и, баро бат̇авияаад̇и ман̃н̃ад̇и, барасса гин̃жанам̣ балиб̣од̇хо бат̇авияаад̇и ман̃н̃ад̇ийд̇и аяамзд̇т̇а ад̇т̇о.

    Pathaviyāmaññatīti ettha pathaviyāti bhummavacanametaṃ. Tasmā ahaṃ pathaviyāti maññati, mayhaṃ kiñcanaṃ palibodho pathaviyāti maññati, paro pathaviyāti maññati, parassa kiñcanaṃ palibodho pathaviyāti maññatīti ayamettha attho.

    ат̇а ваа явааяам̣ ‘‘гат̇ам̣ руубасмим̣ ад̇д̇аанам̣ саманубассад̇и? ид̇хзгажжо взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇и, д̇асса звам̣ ход̇и, аяам̣ ко мз ад̇д̇аа, со ко бана мз ад̇д̇аа имасмим̣ руубзд̇и звам̣ руубасмим̣ ваа ад̇д̇аанам̣ саманубассад̇ий’’д̇и (бади. ма. 1.131) зд̇асса ад̇т̇анаяо вуд̇д̇о, зд̇знзва наязна взд̣̇анаад̣̇ид̇хаммз ад̇д̇ад̇о г̇ахзд̇ваа д̇ад̇о аж̇жхад̇д̇игаб̣аахираасу бат̇авийсу яам̣гин̃жи бат̇авим̣ д̇ассогаасабхаавзна баригаббзд̇ваа со ко бана мз аяам̣ ад̇д̇аа имиссаа бат̇авияаад̇и ман̃н̃анд̇о бат̇авияаа ман̃н̃ад̇и, аяамасса д̣̇идтиман̃н̃анаа. д̇асмим̣язва банасса ад̇д̇ани синзхам̣ д̇аб̣б̣ад̇т̇уган̃жа маанам̣ уббаад̣̇аяад̇о д̇ан̣хаамаанаман̃н̃анааби взд̣̇ид̇аб̣б̣аа. яад̣̇аа бана д̇знзва наязна со ко банасса ад̇д̇аа бат̇авияаад̇и ман̃н̃ад̇и, д̇ад̣̇аа д̣̇идтиман̃н̃анаа зва яуж̇ж̇ад̇и. ид̇арааяоби бана ижчанд̇и.

    Atha vā yvāyaṃ ‘‘kathaṃ rūpasmiṃ attānaṃ samanupassati? Idhekacco vedanaṃ… saññaṃ… saṅkhāre… viññāṇaṃ attato samanupassati, tassa evaṃ hoti, ayaṃ kho me attā, so kho pana me attā imasmiṃ rūpeti evaṃ rūpasmiṃ vā attānaṃ samanupassatī’’ti (paṭi. ma. 1.131) etassa atthanayo vutto, eteneva nayena vedanādidhamme attato gahetvā tato ajjhattikabāhirāsu pathavīsu yaṃkiñci pathaviṃ tassokāsabhāvena parikappetvā so kho pana me ayaṃ attā imissā pathaviyāti maññanto pathaviyā maññati, ayamassa diṭṭhimaññanā. Tasmiṃyeva panassa attani sinehaṃ tabbatthukañca mānaṃ uppādayato taṇhāmānamaññanāpi veditabbā. Yadā pana teneva nayena so kho panassa attā pathaviyāti maññati, tadā diṭṭhimaññanā eva yujjati. Itarāyopi pana icchanti.

    бат̇авид̇о ман̃н̃ад̇ийд̇и зд̇т̇а бана бат̇авид̇од̇и ниссаггаважанам̣. д̇асмаа саубагаран̣асса ад̇д̇ано ваа барасса ваа яат̇аавуд̇д̇аббабхзд̣̇ад̇о бат̇авид̇о уббад̇д̇им̣ ваа ниг̇г̇аманам̣ ваа бат̇авид̇о ваа ан̃н̃о ад̇д̇аад̇и ман̃н̃амаано бат̇авид̇о ман̃н̃ад̇ийд̇и взд̣̇ид̇аб̣б̣о, аяамасса д̣̇идтиман̃н̃анаа. д̇асмим̣язва банасса д̣̇идтиман̃н̃анааяа ман̃н̃ид̇з вад̇т̇усмим̣ синзхам̣ маанан̃жа уббаад̣̇аяад̇о д̇ан̣хаамаанаман̃н̃анааби взд̣̇ид̇аб̣б̣аа. абарз ааху бат̇авийгасин̣ам̣ барид̇д̇ам̣ бхаавзд̇ваа д̇ад̇о ан̃н̃ам̣ аббамаан̣ам̣ ад̇д̇аанам̣ г̇ахзд̇ваа бат̇авид̇о б̣ахид̣̇д̇хааби мз ад̇д̇аад̇и ман̃н̃амаано бат̇авид̇о ман̃н̃ад̇ийд̇и.

    Pathavito maññatīti ettha pana pathavitoti nissakkavacanaṃ. Tasmā saupakaraṇassa attano vā parassa vā yathāvuttappabhedato pathavito uppattiṃ vā niggamanaṃ vā pathavito vā añño attāti maññamāno pathavito maññatīti veditabbo, ayamassa diṭṭhimaññanā. Tasmiṃyeva panassa diṭṭhimaññanāya maññite vatthusmiṃ sinehaṃ mānañca uppādayato taṇhāmānamaññanāpi veditabbā. Apare āhu pathavīkasiṇaṃ parittaṃ bhāvetvā tato aññaṃ appamāṇaṃ attānaṃ gahetvā pathavito bahiddhāpi me attāti maññamāno pathavito maññatīti.

    бат̇авим̣ мзд̇и ман̃н̃ад̇ийд̇и зд̇т̇а бана гзвалан̃хи махаабат̇авим̣ д̇ан̣хаавасзна мамааяад̇ийд̇и иминаа наязна бавад̇д̇аа згаа д̇ан̣хааман̃н̃анаа зва лаб̣бхад̇ийд̇и взд̣̇ид̇аб̣б̣аа. саа жааяам̣ мама гзсаа, мама ломаа, мама аяо, мама лоханд̇и звам̣ яат̇аавуд̇д̇аббабхзд̣̇ааяа саб̣б̣ааяаби аж̇жхад̇д̇игаб̣аахирааяа бат̇авияаа яож̇зд̇аб̣б̣аад̇и.

    Pathaviṃ meti maññatīti ettha pana kevalañhi mahāpathaviṃ taṇhāvasena mamāyatīti iminā nayena pavattā ekā taṇhāmaññanā eva labbhatīti veditabbā. Sā cāyaṃ mama kesā, mama lomā, mama ayo, mama lohanti evaṃ yathāvuttappabhedāya sabbāyapi ajjhattikabāhirāya pathaviyā yojetabbāti.

    бат̇авим̣ абхинанд̣̇ад̇ийд̇и вуд̇д̇аббагаарамзва бат̇авим̣ д̇ан̣хаад̣̇ийхи абхинанд̣̇ад̇и, ассаад̣̇зд̇и, бараамасад̇и жаад̇и вуд̇д̇ам̣ ход̇и. ‘‘бат̇авим̣ ман̃н̃ад̇ий’’д̇и зд̇знзва зд̇асмим̣ ад̇т̇з сид̣̇д̇хз гасмаа зд̇ам̣ вуд̇д̇анд̇и жз. авижаарид̇амзд̇ам̣ бораан̣зхи. аяам̣ бана ад̇д̇ано мад̇и, д̣̇зсанаавилаасад̇о ваа аад̣̇ийнавад̣̇ассанад̇о ваа. яассаа хи д̇хаммад̇хаад̇уяаа суббадивид̣̇д̇хад̇д̇аа наанаанаяавижид̇рад̣̇зсанаавилаасасамбанно, аяам̣ саа бхаг̇авад̇аа суббадивид̣̇д̇хаа. д̇асмаа буб̣б̣з ман̃н̃анаавасзна гилзсуббад̇д̇им̣ д̣̇ассзд̇ваа ид̣̇аани абхинанд̣̇анаавасзна д̣̇ассзнд̇о д̣̇зсанаавилаасад̇о ваа ид̣̇амааха . яо ваа бат̇авим̣ ман̃н̃ад̇и, бат̇авияаа ман̃н̃ад̇и, бат̇авид̇о ман̃н̃ад̇и, бат̇авим̣ мзд̇и ман̃н̃ад̇и, со яасмаа на саггод̇и бат̇авийниссид̇ам̣ д̇ан̣хам̣ ваа д̣̇идтим̣ ваа бахаад̇ум̣, д̇асмаа бат̇авим̣ абхинанд̣̇ад̇иязва. яо жа бат̇авим̣ абхинанд̣̇ад̇и, д̣̇угкам̣ со абхинанд̣̇ад̇и, д̣̇угкан̃жа аад̣̇ийнавод̇и аад̣̇ийнавад̣̇ассанад̇оби ид̣̇амааха. вуд̇д̇ан̃жзд̇ам̣ бхаг̇авад̇аа ‘‘яо, бхигкавз, бат̇авийд̇хаад̇ум̣ абхинанд̣̇ад̇и, д̣̇угкам̣ со абхинанд̣̇ад̇и, яо д̣̇угкам̣ абхинанд̣̇ад̇и, абаримуд̇д̇о со д̣̇угкасмаад̇и вад̣̇аамий’’д̇и.

    Pathaviṃabhinandatīti vuttappakārameva pathaviṃ taṇhādīhi abhinandati, assādeti, parāmasati cāti vuttaṃ hoti. ‘‘Pathaviṃ maññatī’’ti eteneva etasmiṃ atthe siddhe kasmā etaṃ vuttanti ce. Avicāritametaṃ porāṇehi. Ayaṃ pana attano mati, desanāvilāsato vā ādīnavadassanato vā. Yassā hi dhammadhātuyā suppaṭividdhattā nānānayavicitradesanāvilāsasampanno, ayaṃ sā bhagavatā suppaṭividdhā. Tasmā pubbe maññanāvasena kilesuppattiṃ dassetvā idāni abhinandanāvasena dassento desanāvilāsato vā idamāha . Yo vā pathaviṃ maññati, pathaviyā maññati, pathavito maññati, pathaviṃ meti maññati, so yasmā na sakkoti pathavīnissitaṃ taṇhaṃ vā diṭṭhiṃ vā pahātuṃ, tasmā pathaviṃ abhinandatiyeva. Yo ca pathaviṃ abhinandati, dukkhaṃ so abhinandati, dukkhañca ādīnavoti ādīnavadassanatopi idamāha. Vuttañcetaṃ bhagavatā ‘‘yo, bhikkhave, pathavīdhātuṃ abhinandati, dukkhaṃ so abhinandati, yo dukkhaṃ abhinandati, aparimutto so dukkhasmāti vadāmī’’ti.

    звам̣ бат̇авийвад̇т̇угам̣ ман̃н̃анам̣ абхинанд̣̇анан̃жа вад̇ваа ид̣̇аани язна гааран̣зна со ман̃н̃ад̇и, абхинанд̣̇ад̇и жа, д̇ам̣ гааран̣ам̣ аавигаронд̇о ааха д̇ам̣ гисса хзд̇у, абарин̃н̃аад̇ам̣ д̇ассаад̇и вад̣̇аамийд̇и. д̇ассад̇т̇о, со бут̇уж̇ж̇ано д̇ам̣ бат̇авим̣ гисса хзд̇у ман̃н̃ад̇и, гзна гааран̣зна ман̃н̃ад̇и, абхинанд̣̇ад̇ийд̇и жз. абарин̃н̃аад̇ам̣ д̇ассаад̇и вад̣̇аамийд̇и, яасмаа д̇ам̣ вад̇т̇у д̇асса абарин̃н̃аад̇ам̣, д̇асмаад̇и вуд̇д̇ам̣ ход̇и. яо хи бат̇авим̣ бариж̇аанаад̇и, со д̇ийхи барин̃н̃аахи бариж̇аанаад̇и н̃аад̇абарин̃н̃ааяа д̇ийран̣абарин̃н̃ааяа бахаанабарин̃н̃ааяаад̇и.

    Evaṃ pathavīvatthukaṃ maññanaṃ abhinandanañca vatvā idāni yena kāraṇena so maññati, abhinandati ca, taṃ kāraṇaṃ āvikaronto āha taṃ kissa hetu, apariññātaṃ tassāti vadāmīti. Tassattho, so puthujjano taṃ pathaviṃ kissa hetu maññati, kena kāraṇena maññati, abhinandatīti ce. Apariññātaṃ tassāti vadāmīti, yasmā taṃ vatthu tassa apariññātaṃ, tasmāti vuttaṃ hoti. Yo hi pathaviṃ parijānāti, so tīhi pariññāhi parijānāti ñātapariññāya tīraṇapariññāya pahānapariññāyāti.

    д̇ад̇т̇а гад̇амаа н̃аад̇абарин̃н̃аа. бат̇авийд̇хаад̇ум̣ бариж̇аанаад̇и, аяам̣ бат̇авийд̇хаад̇у аж̇жхад̇д̇игаа, аяам̣ б̣аахираа, ид̣̇амассаа лагкан̣ам̣, имаани расабажжубадтаанабад̣̇адтаанаанийд̇и, аяам̣ н̃аад̇абарин̃н̃аа. гад̇амаа д̇ийран̣абарин̃н̃аа? звам̣ н̃аад̇ам̣ гад̇ваа бат̇авийд̇хаад̇ум̣ д̇ийрзд̇и анижжад̇о д̣̇угкад̇о рог̇ад̇од̇и д̣̇ваажад̇д̇аалийсааяа аагаарзхи, аяам̣ д̇ийран̣абарин̃н̃аа. гад̇амаа бахаанабарин̃н̃аа? звам̣ д̇ийраяид̇ваа аг̇г̇амаг̇г̇зна бат̇авийд̇хаад̇уяаа чанд̣̇арааг̇ам̣ баж̇ахад̇и, аяам̣ бахаанабарин̃н̃аа.

    Tattha katamā ñātapariññā. Pathavīdhātuṃ parijānāti, ayaṃ pathavīdhātu ajjhattikā, ayaṃ bāhirā, idamassā lakkhaṇaṃ, imāni rasapaccupaṭṭhānapadaṭṭhānānīti, ayaṃ ñātapariññā. Katamā tīraṇapariññā? Evaṃ ñātaṃ katvā pathavīdhātuṃ tīreti aniccato dukkhato rogatoti dvācattālīsāya ākārehi, ayaṃ tīraṇapariññā. Katamā pahānapariññā? Evaṃ tīrayitvā aggamaggena pathavīdhātuyā chandarāgaṃ pajahati, ayaṃ pahānapariññā.

    наамаруубававад̇т̇аанам̣ ваа н̃аад̇абарин̃н̃аа. галаабасаммасанаад̣̇иануломабарияосаанаа д̇ийран̣абарин̃н̃аа. арияамаг̇г̇з н̃аан̣ам̣ бахаанабарин̃н̃аад̇и. яо бат̇авим̣ бариж̇аанаад̇и, со имаахи д̇ийхи барин̃н̃аахи бариж̇аанаад̇и, асса жа бут̇уж̇ж̇анасса д̇аа барин̃н̃ааяо над̇т̇и, д̇асмаа абарин̃н̃аад̇ад̇д̇аа бат̇авим̣ ман̃н̃ад̇и жа абхинанд̣̇ад̇и жаад̇и. д̇знааха бхаг̇аваа – ид̇ха, бхигкавз, ассуд̇аваа бут̇уж̇ж̇ано…бз… бат̇авим̣ ман̃н̃ад̇и, бат̇авияаа ман̃н̃ад̇и, бат̇авид̇о ман̃н̃ад̇и, бат̇авим̣ мзд̇и ман̃н̃ад̇и, бат̇авим̣ абхинанд̣̇ад̇и. д̇ам̣ гисса хзд̇у? абарин̃н̃аад̇ам̣ д̇ассаад̇и вад̣̇аамий’’д̇и.

    Nāmarūpavavatthānaṃ vā ñātapariññā. Kalāpasammasanādianulomapariyosānā tīraṇapariññā. Ariyamagge ñāṇaṃ pahānapariññāti. Yo pathaviṃ parijānāti, so imāhi tīhi pariññāhi parijānāti, assa ca puthujjanassa tā pariññāyo natthi, tasmā apariññātattā pathaviṃ maññati ca abhinandati cāti. Tenāha bhagavā – idha, bhikkhave, assutavā puthujjano…pe… pathaviṃ maññati, pathaviyā maññati, pathavito maññati, pathaviṃ meti maññati, pathaviṃ abhinandati. Taṃ kissa hetu? Apariññātaṃ tassāti vadāmī’’ti.

    бат̇авийваараван̣н̣анаа нидтид̇аа.

    Pathavīvāravaṇṇanā niṭṭhitā.

    аабоваараад̣̇иван̣н̣анаа

    Āpovārādivaṇṇanā

    аабам̣ аабад̇од̇и зд̇т̇ааби лагкан̣асасамбхаараарамман̣асаммуд̇ивасзна жад̇уб̣б̣ид̇хо аабо. д̇зсу ‘‘д̇ад̇т̇а, гад̇амаа аж̇жхад̇д̇игаа аабод̇хаад̇у. яам̣ аж̇жхад̇д̇ам̣ бажжад̇д̇ам̣ аабо аабог̇ад̇ам̣, синзхо синзхаг̇ад̇ам̣ б̣анд̇ханад̇д̇ам̣ руубасса аж̇жхад̇д̇ам̣ убаад̣̇инна’’нд̇иаад̣̇ийсу (вибха. 174) вуд̇д̇о лагкан̣ааабо. ‘‘аабогасин̣ам̣ уг̇г̇ан̣ханд̇о аабасмим̣ нимид̇д̇ам̣ г̇ан̣хаад̇ий’’д̇иаад̣̇ийсу вуд̇д̇о сасамбхаараабо. сзсам̣ саб̣б̣ам̣ бат̇авияам̣ вуд̇д̇асад̣̇исамзва. гзвалам̣ яож̇анаанаяз бана ‘‘бид̇д̇ам̣ сзмха’’нд̇иаад̣̇инаа наязна вуд̇д̇аа д̣̇ваад̣̇асабхзд̣̇аа аж̇жхад̇д̇игаа аабод̇хаад̇у, ‘‘д̇ад̇т̇а, гад̇амаа б̣аахираа аабод̇хаад̇у? яам̣ б̣аахирам̣ аабо аабог̇ад̇ам̣, синзхо синзхаг̇ад̇ам̣ б̣анд̇ханад̇д̇ам̣ руубасса б̣ахид̣̇д̇хаа анубаад̣̇иннам̣. сзяяат̇ид̣̇ам̣, мууларасо канд̇харасо д̇ажарасо бад̇д̇арасо бубпарасо паларасо кийрам̣ д̣̇ад̇хи сабби наванийд̇ам̣ д̇злам̣ мад̇ху паан̣ид̇ам̣ бхуммаани ваа уд̣̇агаани анд̇алигкаани ваа’’д̇и (вибха. 174) звам̣ вуд̇д̇аа жа б̣аахираа аабод̇хаад̇у взд̣̇ид̇аб̣б̣аа, яо жа аж̇жхад̇д̇аарамман̣ад̇д̇игз нимид̇д̇ааабо.

    Āpaṃāpatoti etthāpi lakkhaṇasasambhārārammaṇasammutivasena catubbidho āpo. Tesu ‘‘tattha, katamā ajjhattikā āpodhātu. Yaṃ ajjhattaṃ paccattaṃ āpo āpogataṃ, sineho sinehagataṃ bandhanattaṃ rūpassa ajjhattaṃ upādinna’’ntiādīsu (vibha. 174) vutto lakkhaṇaāpo. ‘‘Āpokasiṇaṃ uggaṇhanto āpasmiṃ nimittaṃ gaṇhātī’’tiādīsu vutto sasambhārāpo. Sesaṃ sabbaṃ pathaviyaṃ vuttasadisameva. Kevalaṃ yojanānaye pana ‘‘pittaṃ semha’’ntiādinā nayena vuttā dvādasabhedā ajjhattikā āpodhātu, ‘‘tattha, katamā bāhirā āpodhātu? Yaṃ bāhiraṃ āpo āpogataṃ, sineho sinehagataṃ bandhanattaṃ rūpassa bahiddhā anupādinnaṃ. Seyyathidaṃ, mūlaraso khandharaso tacaraso pattaraso puppharaso phalaraso khīraṃ dadhi sappi navanītaṃ telaṃ madhu phāṇitaṃ bhummāni vā udakāni antalikkhāni vā’’ti (vibha. 174) evaṃ vuttā ca bāhirā āpodhātu veditabbā, yo ca ajjhattārammaṇattike nimittaāpo.

    д̇зж̇ам̣ д̇зж̇ад̇од̇и имасмим̣ д̇зж̇оваарзби вуд̇д̇анаязнзва вид̇т̇ааро взд̣̇ид̇аб̣б̣о. яож̇анаанаяз банзд̇т̇а ‘‘язна жа санд̇аббад̇и, язна жа ж̇ийрийяад̇и, язна жа барид̣аяхад̇и, язна жа асид̇абийд̇акааяид̇асааяид̇ам̣ саммаа барин̣аамам̣ г̇ажчад̇ий’’д̇и (вибха. 175) звам̣ вуд̇д̇аа жад̇уббабхзд̣̇аа аж̇жхад̇д̇игаа д̇зж̇од̇хаад̇у. ‘‘д̇ад̇т̇а гад̇амаа б̣аахираа д̇зж̇од̇хаад̇у? яам̣ б̣аахирам̣ д̇зж̇о д̇зж̇ог̇ад̇ам̣ усмаа усмааг̇ад̇ам̣ усумам̣ усумаг̇ад̇ам̣ б̣ахид̣̇д̇хаа анубаад̣̇иннам̣. сзяяат̇ид̣̇ам̣, гадтаг̇г̇и балаалаг̇г̇и д̇ин̣аг̇г̇и г̇омаяаг̇г̇и т̇усаг̇г̇и сан̇гаараг̇г̇и инд̣̇аг̇г̇и аг̇г̇исанд̇аабо суурияасанд̇аабо гадтасаннижаяасанд̇аабо д̇ин̣асаннижаяасанд̇аабо д̇хан̃н̃асаннижаяасанд̇аабо бхан̣д̣асаннижаяасанд̇аабо’’д̇и (вибха. 175) звам̣ вуд̇д̇аа жа б̣аахираа д̇зж̇од̇хаад̇у взд̣̇ид̇аб̣б̣аа.

    Tejaṃ tejatoti imasmiṃ tejovārepi vuttanayeneva vitthāro veditabbo. Yojanānaye panettha ‘‘yena ca santappati, yena ca jīrīyati, yena ca pariḍayhati, yena ca asitapītakhāyitasāyitaṃ sammā pariṇāmaṃ gacchatī’’ti (vibha. 175) evaṃ vuttā catuppabhedā ajjhattikā tejodhātu. ‘‘Tattha katamā bāhirā tejodhātu? Yaṃ bāhiraṃ tejo tejogataṃ usmā usmāgataṃ usumaṃ usumagataṃ bahiddhā anupādinnaṃ. Seyyathidaṃ, kaṭṭhaggi palālaggi tiṇaggi gomayaggi thusaggi saṅkāraggi indaggi aggisantāpo sūriyasantāpo kaṭṭhasannicayasantāpo tiṇasannicayasantāpo dhaññasannicayasantāpo bhaṇḍasannicayasantāpo’’ti (vibha. 175) evaṃ vuttā ca bāhirā tejodhātu veditabbā.

    вааяам̣ вааяад̇од̇и имасса вааяаваарассааби яож̇анаанаяз бана ‘‘уд̣̇д̇хан̇г̇амаа ваад̇аа ад̇хог̇амаа ваад̇аа гужчисаяаа ваад̇аа годтаасаяаа ваад̇аа ан̇г̇аман̇г̇аанусаарино ваад̇аа сад̇т̇агаваад̇аа курагаваад̇аа уббалагаваад̇аа ассаасо бассаасо’’д̇и звам̣ вуд̇д̇аа аж̇жхад̇д̇игаа вааяод̇хаад̇у. ‘‘д̇ад̇т̇а гад̇амаа б̣аахираа вааяод̇хаад̇у? яам̣ б̣аахирам̣ вааяо вааяог̇ад̇ам̣ т̇амбхид̇ад̇д̇ам̣ руубасса б̣ахид̣̇д̇хаа анубаад̣̇иннам̣. сзяяат̇ид̣̇ам̣, бурад̇т̇имаа ваад̇аа бажчимаа ваад̇аа уд̇д̇араа ваад̇аа д̣̇агкин̣аа ваад̇аа сараж̇аа ваад̇аа араж̇аа ваад̇аа сийд̇аа ваад̇аа ун̣хаа ваад̇аа барид̇д̇аа ваад̇аа ад̇химад̇д̇аа ваад̇аа гаал̣аваад̇аа взрамбхаваад̇аа багкаваад̇аа субан̣н̣аваад̇аа д̇аалаван̣даваад̇аа вид̇хуубанаваад̇аа’’д̇и (вибха. 176) звам̣ вуд̇д̇аа жа б̣аахираа вааяод̇хаад̇у взд̣̇ид̇аб̣б̣аа. сзсам̣ вуд̇д̇анаяамзваад̇и. зд̇д̇аавад̇аа жа явааяам̣ –

    Vāyaṃ vāyatoti imassa vāyavārassāpi yojanānaye pana ‘‘uddhaṅgamā vātā adhogamā vātā kucchisayā vātā koṭṭhāsayā vātā aṅgamaṅgānusārino vātā satthakavātā khurakavātā uppalakavātā assāso passāso’’ti evaṃ vuttā ajjhattikā vāyodhātu. ‘‘Tattha katamā bāhirā vāyodhātu? Yaṃ bāhiraṃ vāyo vāyogataṃ thambhitattaṃ rūpassa bahiddhā anupādinnaṃ. Seyyathidaṃ, puratthimā vātā pacchimā vātā uttarā vātā dakkhiṇā vātā sarajā vātā arajā vātā sītā vātā uṇhā vātā parittā vātā adhimattā vātā kāḷavātā verambhavātā pakkhavātā supaṇṇavātā tālavaṇṭavātā vidhūpanavātā’’ti (vibha. 176) evaṃ vuttā ca bāhirā vāyodhātu veditabbā. Sesaṃ vuttanayamevāti. Ettāvatā ca yvāyaṃ –

    ‘‘вуд̇д̇амхи згад̇хаммз, яз д̇хаммаа згалагкан̣аа д̇зна;

    ‘‘Vuttamhi ekadhamme, ye dhammā ekalakkhaṇā tena;

    вуд̇д̇аа бхаванд̇и саб̣б̣з, ид̇и вуд̇д̇о лагкан̣о хааро’’д̇и. –

    Vuttā bhavanti sabbe, iti vutto lakkhaṇo hāro’’ti. –

    звам̣ нзд̇д̇ияам̣ лагкан̣о наама хааро вуд̇д̇о, д̇асса васзна яасмаа жад̇уусу бхууд̇зсу г̇ахид̇зсу убаад̣̇ааруубамби г̇ахид̇амзва бхавад̇и, руубалагкан̣ам̣ анад̇ийд̇ад̇д̇аа. яан̃жа бхууд̇обаад̣̇ааруубам̣ со руубагканд̇хо. д̇асмаа ‘‘ассуд̇аваа бут̇уж̇ж̇ано бат̇авим̣ аабам̣ д̇зж̇ам̣ вааяам̣ ман̃н̃ад̇ий’’д̇и вад̣̇анд̇зна ад̇т̇ад̇о руубам̣ ад̇д̇ад̇о саманубассад̇ийд̇иби вуд̇д̇ам̣ ход̇и. ‘‘бат̇авияаа аабасмим̣ д̇зж̇асмим̣ вааяасмим̣ ман̃н̃ад̇ий’’д̇и вад̣̇анд̇зна руубасмим̣ ваа ад̇д̇аанам̣ саманубассад̇ийд̇и вуд̇д̇амби ход̇и. ‘‘бат̇авид̇о аабад̇о д̇зж̇ад̇о вааяад̇о ман̃н̃ад̇ий’’д̇и вад̣̇анд̇зна руубад̇о ан̃н̃о ад̇д̇аад̇и сид̣̇д̇хад̇д̇аа руубаванд̇ам̣ ваа ад̇д̇аанам̣ ад̇д̇ани ваа руубам̣ саманубассад̇ийд̇иби вуд̇д̇ам̣ ход̇и. звамзд̇аа жад̇ассо руубавад̇т̇угаа саггааяад̣̇идтиман̃н̃анаа взд̣̇ид̇аб̣б̣аа. д̇ад̇т̇а згаа ужчзд̣̇ад̣̇идти, д̇иссо сассад̇ад̣̇идтияод̇и д̣̇взва д̣̇идтияо хонд̇ийд̇и аяамби ад̇т̇ависзсо взд̣̇ид̇аб̣б̣о.

    Evaṃ nettiyaṃ lakkhaṇo nāma hāro vutto, tassa vasena yasmā catūsu bhūtesu gahitesu upādārūpampi gahitameva bhavati, rūpalakkhaṇaṃ anatītattā. Yañca bhūtopādārūpaṃ so rūpakkhandho. Tasmā ‘‘assutavā puthujjano pathaviṃ āpaṃ tejaṃ vāyaṃ maññatī’’ti vadantena atthato rūpaṃ attato samanupassatītipi vuttaṃ hoti. ‘‘Pathaviyā āpasmiṃ tejasmiṃ vāyasmiṃ maññatī’’ti vadantena rūpasmiṃ vā attānaṃ samanupassatīti vuttampi hoti. ‘‘Pathavito āpato tejato vāyato maññatī’’ti vadantena rūpato añño attāti siddhattā rūpavantaṃ vā attānaṃ attani vā rūpaṃ samanupassatītipi vuttaṃ hoti. Evametā catasso rūpavatthukā sakkāyadiṭṭhimaññanā veditabbā. Tattha ekā ucchedadiṭṭhi, tisso sassatadiṭṭhiyoti dveva diṭṭhiyo hontīti ayampi atthaviseso veditabbo.

    аабоваараад̣̇иван̣н̣анаа нидтид̇аа.

    Āpovārādivaṇṇanā niṭṭhitā.

    бхууд̇аваараад̣̇иван̣н̣анаа

    Bhūtavārādivaṇṇanā

    3. звам̣ руубамукзна сан̇кааравад̇т̇угам̣ ман̃н̃анам̣ вад̇ваа ид̣̇аани яз сан̇каарз убаад̣̇ааяа сад̇д̇аа бан̃н̃абийяанд̇и, д̇зсу сан̇каарзсу сад̇д̇зсуби яасмаа бут̇уж̇ж̇ано ман̃н̃анам̣ гарод̇и, д̇асмаа д̇з сад̇д̇з нид̣̇д̣̇исанд̇о бхууд̇з бхууд̇ад̇о сан̃ж̇аанаад̇ийд̇иаад̣̇имааха. д̇ад̇т̇ааяам̣ бхууд̇асад̣̇д̣̇о бан̃жагканд̇хаамануссад̇хаад̇увиж̇ж̇амаанакийн̣аасавасад̇д̇аругкаад̣̇ийсу д̣̇иссад̇и. ‘‘бхууд̇амид̣̇анд̇и, бхигкавз, саманубассат̇аа’’д̇иаад̣̇ийсу (ма. ни. 1.401) хи аяам̣ бан̃жагканд̇хзсу д̣̇иссад̇и. ‘‘яаанийд̇ха бхууд̇аани самааг̇ад̇ааний’’д̇и (су. ни. 224) зд̇т̇а амануссзсу. ‘‘жад̇д̇ааро ко, бхигку, махаабхууд̇аа хзд̇уу’’д̇и (ма. ни. 3.86) зд̇т̇а д̇хаад̇уусу. ‘‘бхууд̇асмим̣ баажид̇д̇ияа’’нд̇иаад̣̇ийсу (баажи. 69) виж̇ж̇амаанз. ‘‘яо жа гаалагхасо бхууд̇о’’д̇и (ж̇аа. 1.10.190) зд̇т̇а кийн̣аасавз. ‘‘саб̣б̣зва нигкибиссанд̇и бхууд̇аа логз самуссаяа’’нд̇и (д̣̇ий. ни. 2.220) зд̇т̇а сад̇д̇зсу. ‘‘бхууд̇аг̇аамабаад̇аб̣яад̇ааяаа’’д̇и (баажи. 90) зд̇т̇а ругкаад̣̇ийсу. ид̇ха банааяам̣ сад̇д̇зсу вад̇д̇ад̇и, но жа ко ависзсзна. жаад̇умахаарааж̇игаанам̣ хи хздтаа сад̇д̇аа ид̇ха бхууд̇аад̇и ад̇хиббзд̇аа.

    3. Evaṃ rūpamukhena saṅkhāravatthukaṃ maññanaṃ vatvā idāni ye saṅkhāre upādāya sattā paññapīyanti, tesu saṅkhāresu sattesupi yasmā puthujjano maññanaṃ karoti, tasmā te satte niddisanto bhūte bhūtato sañjānātītiādimāha. Tatthāyaṃ bhūtasaddo pañcakkhandhaamanussadhātuvijjamānakhīṇāsavasattarukkhādīsu dissati. ‘‘Bhūtamidanti, bhikkhave, samanupassathā’’tiādīsu (ma. ni. 1.401) hi ayaṃ pañcakkhandhesu dissati. ‘‘Yānīdha bhūtāni samāgatānī’’ti (su. ni. 224) ettha amanussesu. ‘‘Cattāro kho, bhikkhu, mahābhūtā hetū’’ti (ma. ni. 3.86) ettha dhātūsu. ‘‘Bhūtasmiṃ pācittiya’’ntiādīsu (pāci. 69) vijjamāne. ‘‘Yo ca kālaghaso bhūto’’ti (jā. 1.10.190) ettha khīṇāsave. ‘‘Sabbeva nikkhipissanti bhūtā loke samussaya’’nti (dī. ni. 2.220) ettha sattesu. ‘‘Bhūtagāmapātabyatāyā’’ti (pāci. 90) ettha rukkhādīsu. Idha panāyaṃ sattesu vattati, no ca kho avisesena. Cātumahārājikānaṃ hi heṭṭhā sattā idha bhūtāti adhippetā.

    д̇ад̇т̇а бхууд̇з бхууд̇ад̇о сан̃ж̇аанаад̇ийд̇иаад̣̇и вуд̇д̇анаяамзва. бхууд̇з ман̃н̃ад̇ийд̇иаад̣̇ийсу бана д̇иссоби ман̃н̃анаа яож̇зд̇аб̣б̣аа. гат̇ам̣? аяан̃хи ‘‘со бассад̇и г̇ахабад̇им̣ ваа г̇ахабад̇ибуд̇д̇ам̣ ваа бан̃жахи гаамаг̇ун̣зхи самаббид̇ам̣ саман̇г̇ибхууд̇а’’нд̇и (а. ни. 7.50) вуд̇д̇анаязна бхууд̇з субхаа сукид̇аад̇и г̇ахзд̇ваа раж̇ж̇ад̇и, д̣̇исвааби нз раж̇ж̇ад̇и, суд̇вааби, гхааяид̇вааби, сааяид̇вааби, пусид̇вааби, н̃ад̇вааби. звам̣ бхууд̇з д̇ан̣хааман̃н̃анааяа ман̃н̃ад̇и. ‘‘ахо вад̇аахам̣ кад̇д̇ияамахаасаалаанам̣ ваа сахаб̣яад̇ам̣ убабаж̇ж̇зяяа’’нд̇иаад̣̇инаа (д̣̇ий. ни. 3.337) ваа бана наязна аббадилад̣̇д̇хасса бадилаабхааяа жид̇д̇ам̣ бан̣ид̣̇ахад̇и, звамби бхууд̇з д̇ан̣хааман̃н̃анааяа ман̃н̃ад̇и. ад̇д̇ано бана бхууд̇аанан̃жа самбад̇д̇ивибад̇д̇им̣ ниссааяа ад̇д̇аанам̣ ваа сзяяам̣ д̣̇ахад̇и. бхууд̇зсу жа яам̣гин̃жи бхууд̇ам̣ хийнам̣ ад̇д̇аанам̣ ваа хийнам̣, яам̣гин̃жи бхууд̇ам̣ сзяяам̣ . ад̇д̇аанам̣ ваа бхууд̇зна, бхууд̇ам̣ ваа ад̇д̇анаа сад̣̇исам̣ д̣̇ахад̇и. яат̇ааха ‘‘ид̇хзгажжо ж̇аад̇ияаа ваа…бз… ан̃н̃ад̇аран̃н̃ад̇арзна вад̇т̇унаа буб̣б̣агаалам̣ барзхи сад̣̇исам̣ ад̇д̇аанам̣ д̣̇ахад̇и. абарагаалам̣ ад̇д̇аанам̣ сзяяам̣ д̣̇ахад̇и. барз хийнз д̣̇ахад̇и, яо зваруубо маано …бз… аяам̣ вужжад̇и маанаад̇имаано’’д̇и (вибха. 876-880). звам̣ бхууд̇з маанаман̃н̃анааяа ман̃н̃ад̇и.

    Tattha bhūte bhūtato sañjānātītiādi vuttanayameva. Bhūte maññatītiādīsu pana tissopi maññanā yojetabbā. Kathaṃ? Ayañhi ‘‘so passati gahapatiṃ vā gahapatiputtaṃ vā pañcahi kāmaguṇehi samappitaṃ samaṅgibhūta’’nti (a. ni. 7.50) vuttanayena bhūte subhā sukhitāti gahetvā rajjati, disvāpi ne rajjati, sutvāpi, ghāyitvāpi, sāyitvāpi, phusitvāpi, ñatvāpi. Evaṃ bhūte taṇhāmaññanāya maññati. ‘‘Aho vatāhaṃ khattiyamahāsālānaṃ vā sahabyataṃ upapajjeyya’’ntiādinā (dī. ni. 3.337) vā pana nayena appaṭiladdhassa paṭilābhāya cittaṃ paṇidahati, evampi bhūte taṇhāmaññanāya maññati. Attano pana bhūtānañca sampattivipattiṃ nissāya attānaṃ vā seyyaṃ dahati. Bhūtesu ca yaṃkiñci bhūtaṃ hīnaṃ attānaṃ vā hīnaṃ, yaṃkiñci bhūtaṃ seyyaṃ . Attānaṃ vā bhūtena, bhūtaṃ vā attanā sadisaṃ dahati. Yathāha ‘‘idhekacco jātiyā vā…pe… aññataraññatarena vatthunā pubbakālaṃ parehi sadisaṃ attānaṃ dahati. Aparakālaṃ attānaṃ seyyaṃ dahati. Pare hīne dahati, yo evarūpo māno …pe… ayaṃ vuccati mānātimāno’’ti (vibha. 876-880). Evaṃ bhūte mānamaññanāya maññati.

    бхууд̇з бана ‘‘нижжаа д̇хуваа сассад̇аа авибарин̣аамад̇хаммаа’’д̇и ваа ‘‘саб̣б̣з сад̇д̇аа саб̣б̣з баан̣аа саб̣б̣з бхууд̇аа саб̣б̣з ж̇ийваа авасаа аб̣алаа авийрияаа нияад̇исан̇г̇ад̇ибхаавабарин̣ад̇аа часвзваабхиж̇аад̇ийсу сукад̣̇угкам̣ бадисам̣взд̣̇знд̇ий’’д̇и (д̣̇ий. ни. 1.168) ваа ман̃н̃амаано д̣̇идтиман̃н̃анааяа ман̃н̃ад̇и. звам̣ бхууд̇з д̇ийхи ман̃н̃анаахи ман̃н̃ад̇и.

    Bhūte pana ‘‘niccā dhuvā sassatā avipariṇāmadhammā’’ti vā ‘‘sabbe sattā sabbe pāṇā sabbe bhūtā sabbe jīvā avasā abalā avīriyā niyatisaṅgatibhāvapariṇatā chasvevābhijātīsu sukhadukkhaṃ paṭisaṃvedentī’’ti (dī. ni. 1.168) vā maññamāno diṭṭhimaññanāya maññati. Evaṃ bhūte tīhi maññanāhi maññati.

    гат̇ам̣ бхууд̇зсу ман̃н̃ад̇и? д̇зсу д̇зсу бхууд̇зсу ад̇д̇ано убабад̇д̇им̣ ваа сукуббад̇д̇им̣ ваа ааган̇кад̇и. звам̣ д̇аава д̇ан̣хааман̃н̃анааяа бхууд̇зсу ман̃н̃ад̇и. бхууд̇зсу ваа убабад̇д̇им̣ ааган̇камаано д̣̇аанам̣ д̣̇зд̇и, сийлам̣ самаад̣̇ияад̇и, убосат̇агаммам̣ гарод̇и. звамби бхууд̇зсу д̇ан̣хааман̃н̃анааяа ман̃н̃ад̇и. бхууд̇з бана самуухаг̇г̇аахзна г̇ахзд̇ваа д̇ад̇т̇а згажжз бхууд̇з сзяяад̇о д̣̇ахад̇и, згажжз сад̣̇исад̇о ваа хийнад̇о ваад̇и. звам̣ бхууд̇зсу маанаман̃н̃анааяа ман̃н̃ад̇и. д̇ат̇аа згажжз бхууд̇з нижжаа д̇хуваад̇и ман̃н̃ад̇и. згажжз анижжаа ад̇хуваад̇и, ахамби бхууд̇зсу ан̃н̃ад̇аросмийд̇и ваа ман̃н̃ад̇и. звам̣ бхууд̇зсу д̣̇идтиман̃н̃анааяа ман̃н̃ад̇и.

    Kathaṃ bhūtesu maññati? Tesu tesu bhūtesu attano upapattiṃ vā sukhuppattiṃ vā ākaṅkhati. Evaṃ tāva taṇhāmaññanāya bhūtesu maññati. Bhūtesu vā upapattiṃ ākaṅkhamāno dānaṃ deti, sīlaṃ samādiyati, uposathakammaṃ karoti. Evampi bhūtesu taṇhāmaññanāya maññati. Bhūte pana samūhaggāhena gahetvā tattha ekacce bhūte seyyato dahati, ekacce sadisato vā hīnato vāti. Evaṃ bhūtesu mānamaññanāya maññati. Tathā ekacce bhūte niccā dhuvāti maññati. Ekacce aniccā adhuvāti, ahampi bhūtesu aññatarosmīti vā maññati. Evaṃ bhūtesu diṭṭhimaññanāya maññati.

    бхууд̇ад̇о ман̃н̃ад̇ийд̇и зд̇т̇а бана саубагаран̣асса ад̇д̇ано ваа барасса ваа яад̇о гуд̇ожи бхууд̇ад̇о уббад̇д̇им̣ ман̃н̃амаано бхууд̇ад̇о ман̃н̃ад̇ийд̇и взд̣̇ид̇аб̣б̣о, аяамасса д̣̇идтиман̃н̃анаа. д̇асмим̣язва банасса д̣̇идтиман̃н̃анааяа ман̃н̃ид̇з вад̇т̇усмим̣ синзхам̣ маанан̃жа уббаад̣̇аяад̇о д̇ан̣хаамаанаман̃н̃анааби взд̣̇ид̇аб̣б̣аа. бхууд̇з мзд̇и ман̃н̃ад̇ийд̇и зд̇т̇а бана згаа д̇ан̣хааман̃н̃анаава лаб̣бхад̇и. саа жааяам̣ ‘‘мама буд̇д̇аа, мама д̇хийд̇аа, мама аж̇зл̣агаа, гуггудасуугараа, хад̇т̇иг̇авассавал̣аваа’’д̇и звамаад̣̇инаа наязна мамааяад̇о бавад̇д̇ад̇ийд̇и взд̣̇ид̇аб̣б̣аа. бхууд̇з абхинанд̣̇ад̇ийд̇и зд̇ам̣ вуд̇д̇анаяамзва. абарин̃н̃аад̇ам̣ д̇ассаад̇и зд̇т̇а бана яз сан̇каарз убаад̣̇ааяа бхууд̇аанам̣ бан̃н̃ад̇д̇и, д̇зсам̣ абарин̃н̃аад̇ад̇д̇аа бхууд̇аа абарин̃н̃аад̇аа хонд̇ийд̇и взд̣̇ид̇аб̣б̣аа. яож̇анаа бана вуд̇д̇анаязнзва гаад̇аб̣б̣аа.

    Bhūtato maññatīti ettha pana saupakaraṇassa attano vā parassa vā yato kutoci bhūtato uppattiṃ maññamāno bhūtato maññatīti veditabbo, ayamassa diṭṭhimaññanā. Tasmiṃyeva panassa diṭṭhimaññanāya maññite vatthusmiṃ sinehaṃ mānañca uppādayato taṇhāmānamaññanāpi veditabbā. Bhūte meti maññatīti ettha pana ekā taṇhāmaññanāva labbhati. Sā cāyaṃ ‘‘mama puttā, mama dhītā, mama ajeḷakā, kukkuṭasūkarā, hatthigavassavaḷavā’’ti evamādinā nayena mamāyato pavattatīti veditabbā. Bhūte abhinandatīti etaṃ vuttanayameva. Apariññātaṃ tassāti ettha pana ye saṅkhāre upādāya bhūtānaṃ paññatti, tesaṃ apariññātattā bhūtā apariññātā hontīti veditabbā. Yojanā pana vuttanayeneva kātabbā.

    звам̣ сан̇кзбад̇о сан̇кааравасзна жа сад̇д̇авасзна жа ман̃н̃анаавад̇т̇ум̣ д̣̇ассзд̇ваа ид̣̇аани бхуумивисзсаад̣̇инаа бхзд̣̇зна вид̇т̇аарад̇оби д̇ам̣ д̣̇ассзнд̇о д̣̇звз д̣̇звад̇од̇иаад̣̇имааха. д̇ад̇т̇а д̣̇иб̣б̣анд̇и бан̃жахи гаамаг̇ун̣зхи ад̇д̇ано ваа ид̣̇д̇хияаад̇и д̣̇зваа, гийл̣анд̇и ж̇од̇знд̇и жаад̇и ад̇т̇о. д̇з д̇ивид̇хаа саммуд̇ид̣̇зваа убабад̇д̇ид̣̇зваа висуд̣̇д̇хид̣̇зваад̇и. саммуд̇ид̣̇зваа наама рааж̇аано д̣̇звияо рааж̇агумаараа. убабад̇д̇ид̣̇зваа наама жаад̇умахаарааж̇игз д̣̇звз убаад̣̇ааяа д̇ад̇уд̇д̇арид̣̇зваа. висуд̣̇д̇хид̣̇зваа наама араханд̇о кийн̣аасаваа. ид̇ха бана убабад̇д̇ид̣̇зваа д̣̇адтаб̣б̣аа, но жа ко ависзсзна. бараниммид̇авасавад̇д̇ид̣̇звалогз маарам̣ сабарисам̣ табзд̇ваа сзсаа ча гаамааважараа ид̇ха д̣̇зваад̇и ад̇хиббзд̇аа. д̇ад̇т̇а саб̣б̣аа ад̇т̇аван̣н̣анаа бхууд̇аваарз вуд̇д̇анаязнзва взд̣̇ид̇аб̣б̣аа.

    Evaṃ saṅkhepato saṅkhāravasena ca sattavasena ca maññanāvatthuṃ dassetvā idāni bhūmivisesādinā bhedena vitthāratopi taṃ dassento deve devatotiādimāha. Tattha dibbanti pañcahi kāmaguṇehi attano vā iddhiyāti devā, kīḷanti jotenti cāti attho. Te tividhā sammutidevā upapattidevā visuddhidevāti. Sammutidevā nāma rājāno deviyo rājakumārā. Upapattidevā nāma cātumahārājike deve upādāya tatuttaridevā. Visuddhidevā nāma arahanto khīṇāsavā. Idha pana upapattidevā daṭṭhabbā, no ca kho avisesena. Paranimmitavasavattidevaloke māraṃ saparisaṃ ṭhapetvā sesā cha kāmāvacarā idha devāti adhippetā. Tattha sabbā atthavaṇṇanā bhūtavāre vuttanayeneva veditabbā.

    баж̇аабад̇инд̇и зд̇т̇а бана мааро баж̇аабад̇ийд̇и взд̣̇ид̇аб̣б̣о. гзжи бана ‘‘д̇зсам̣ д̇зсам̣ д̣̇зваанам̣ ад̇хибад̇ийнам̣ махаарааж̇аад̣̇ийнамзд̇ам̣ ад̇хиважана’’нд̇и вад̣̇анд̇и. д̇ам̣ д̣̇зваг̇г̇ахан̣знзва д̇зсам̣ г̇ахид̇ад̇д̇аа аяуд̇д̇анд̇и махааадтагат̇ааяам̣ бадигкид̇д̇ам̣, маароязва бана сад̇д̇асан̇каад̇ааяа баж̇ааяа ад̇хибад̇ибхаавзна ид̇ха баж̇аабад̇ийд̇и ад̇хиббзд̇о. со гухим̣ васад̇и? бараниммид̇авасавад̇д̇ид̣̇звалогз . д̇ад̇ра хи васавад̇д̇ирааж̇аа раж̇ж̇ам̣ гаарзд̇и. мааро згасмим̣ бад̣̇зсз ад̇д̇ано барисааяа иссарияам̣ бавад̇д̇знд̇о раж̇ж̇абажжанд̇з д̣̇аамаригарааж̇абуд̇д̇о вияа васад̇ийд̇и вад̣̇анд̇и. маараг̇г̇ахан̣знзва жзд̇т̇а маарабарисааяаби г̇ахан̣ам̣ взд̣̇ид̇аб̣б̣ам̣. яож̇анаанаяо жзд̇т̇а баж̇аабад̇им̣ ван̣н̣аванд̇ам̣ д̣̇ийгхааяугам̣ сукаб̣ахулам̣ д̣̇исваа ваа суд̇ваа ваа раж̇ж̇анд̇о д̇ан̣хааман̃н̃анааяа ман̃н̃ад̇и. ‘‘ахо вад̇аахам̣ баж̇аабад̇ино сахаб̣яад̇ам̣ убабаж̇ж̇зяяа’’нд̇иаад̣̇инаа ваа бана наязна аббадилад̣̇д̇хасса бадилаабхааяа жид̇д̇ам̣ бан̣ид̣̇аханд̇оби баж̇аабад̇им̣ д̇ан̣хааман̃н̃анааяа ман̃н̃ад̇и. баж̇аабад̇ибхаавам̣ бана бад̇д̇о самаано ахамасми баж̇аанамиссаро ад̇хибад̇ийд̇и маанам̣ ж̇анзнд̇о баж̇аабад̇им̣ маанаман̃н̃анааяа ман̃н̃ад̇и. ‘‘баж̇аабад̇и нижжо д̇хуво’’д̇и ваа ‘‘ужчиж̇ж̇иссад̇и винассиссад̇ий’’д̇и ваа ‘‘авасо аб̣ало авийрияо нияад̇исан̇г̇ад̇ибхаавабарин̣ад̇о часвзваабхиж̇аад̇ийсу сукад̣̇угкам̣ бадисам̣взд̣̇зд̇ий’’д̇и ваа ман̃н̃амаано бана баж̇аабад̇им̣ д̣̇идтиман̃н̃анааяа ман̃н̃ад̇ийд̇и взд̣̇ид̇аб̣б̣о.

    Pajāpatinti ettha pana māro pajāpatīti veditabbo. Keci pana ‘‘tesaṃ tesaṃ devānaṃ adhipatīnaṃ mahārājādīnametaṃ adhivacana’’nti vadanti. Taṃ devaggahaṇeneva tesaṃ gahitattā ayuttanti mahāaṭṭhakathāyaṃ paṭikkhittaṃ, māroyeva pana sattasaṅkhātāya pajāya adhipatibhāvena idha pajāpatīti adhippeto. So kuhiṃ vasati? Paranimmitavasavattidevaloke . Tatra hi vasavattirājā rajjaṃ kāreti. Māro ekasmiṃ padese attano parisāya issariyaṃ pavattento rajjapaccante dāmarikarājaputto viya vasatīti vadanti. Māraggahaṇeneva cettha māraparisāyapi gahaṇaṃ veditabbaṃ. Yojanānayo cettha pajāpatiṃ vaṇṇavantaṃ dīghāyukaṃ sukhabahulaṃ disvā vā sutvā vā rajjanto taṇhāmaññanāya maññati. ‘‘Aho vatāhaṃ pajāpatino sahabyataṃ upapajjeyya’’ntiādinā vā pana nayena appaṭiladdhassa paṭilābhāya cittaṃ paṇidahantopi pajāpatiṃ taṇhāmaññanāya maññati. Pajāpatibhāvaṃ pana patto samāno ahamasmi pajānamissaro adhipatīti mānaṃ janento pajāpatiṃ mānamaññanāya maññati. ‘‘Pajāpati nicco dhuvo’’ti vā ‘‘ucchijjissati vinassissatī’’ti vā ‘‘avaso abalo avīriyo niyatisaṅgatibhāvapariṇato chasvevābhijātīsu sukhadukkhaṃ paṭisaṃvedetī’’ti vā maññamāno pana pajāpatiṃ diṭṭhimaññanāya maññatīti veditabbo.

    баж̇аабад̇исминд̇и зд̇т̇а бана згаа д̣̇идтиман̃н̃анаава яуж̇ж̇ад̇и. д̇ассаа звам̣ бавад̇д̇и взд̣̇ид̇аб̣б̣аа. ид̇хзгажжо ‘‘баж̇аабад̇исмим̣ яз жа д̇хаммаа сам̣виж̇ж̇анд̇и, саб̣б̣з д̇з нижжаа д̇хуваа сассад̇аа авибарин̣аамад̇хаммаа’’д̇и ман̃н̃ад̇и. ат̇а ваа ‘‘баж̇аабад̇исмим̣ над̇т̇и баабам̣, на д̇асмим̣ баабагаани гаммаани убалаб̣бханд̇ий’’д̇и ман̃н̃ад̇и.

    Pajāpatisminti ettha pana ekā diṭṭhimaññanāva yujjati. Tassā evaṃ pavatti veditabbā. Idhekacco ‘‘pajāpatismiṃ ye ca dhammā saṃvijjanti, sabbe te niccā dhuvā sassatā avipariṇāmadhammā’’ti maññati. Atha vā ‘‘pajāpatismiṃ natthi pāpaṃ, na tasmiṃ pāpakāni kammāni upalabbhantī’’ti maññati.

    баж̇аабад̇ид̇од̇и зд̇т̇а д̇иссоби ман̃н̃анаа лаб̣бханд̇и. гат̇ам̣? ид̇хзгажжо саубагаран̣асса ад̇д̇ано ваа барасса ваа баж̇аабад̇ид̇о уббад̇д̇им̣ ваа ниг̇г̇аманам̣ ваа ман̃н̃ад̇и, аяамасса д̣̇идтиман̃н̃анаа. д̇асмим̣язва банасса д̣̇идтиман̃н̃анааяа ман̃н̃ид̇з вад̇т̇усмим̣ синзхам̣ маанан̃жа уббаад̣̇аяад̇о д̇ан̣хаамаанаман̃н̃анааби взд̣̇ид̇аб̣б̣аа. баж̇аабад̇им̣ мзд̇и зд̇т̇а бана згаа д̇ан̣хааман̃н̃анаава лаб̣бхад̇и. саа жааяам̣ ‘‘баж̇аабад̇и мама сад̇т̇аа мама саамий’’д̇иаад̣̇инаа наязна мамааяад̇о бавад̇д̇ад̇ийд̇и взд̣̇ид̇аб̣б̣аа. сзсам̣ вуд̇д̇анаяамзва.

    Pajāpatitoti ettha tissopi maññanā labbhanti. Kathaṃ? Idhekacco saupakaraṇassa attano vā parassa vā pajāpatito uppattiṃ vā niggamanaṃ vā maññati, ayamassa diṭṭhimaññanā. Tasmiṃyeva panassa diṭṭhimaññanāya maññite vatthusmiṃ sinehaṃ mānañca uppādayato taṇhāmānamaññanāpi veditabbā. Pajāpatiṃ meti ettha pana ekā taṇhāmaññanāva labbhati. Sā cāyaṃ ‘‘pajāpati mama satthā mama sāmī’’tiādinā nayena mamāyato pavattatīti veditabbā. Sesaṃ vuttanayameva.

    б̣рахмам̣ б̣рахмад̇од̇и зд̇т̇а б̣руухид̇о д̇зхи д̇зхи г̇ун̣ависзсзхийд̇и б̣рахмаа. абижа б̣рахмаад̇и махааб̣рахмааби вужжад̇и, д̇ат̇ааг̇ад̇оби б̣раахман̣оби маад̇аабид̇ароби сздтамби. ‘‘сахассо б̣рахмаа д̣̇висахассо б̣рахмаа’’д̇иаад̣̇ийсу (ма. ни. 3.165-166) хи махааб̣рахмаа б̣рахмаад̇и вужжад̇и. ‘‘б̣рахмаад̇и ко, бхигкавз , д̇ат̇ааг̇ад̇ассзд̇ам̣ ад̇хиважана’’нд̇и зд̇т̇а д̇ат̇ааг̇ад̇о.

    Brahmaṃ brahmatoti ettha brūhito tehi tehi guṇavisesehīti brahmā. Apica brahmāti mahābrahmāpi vuccati, tathāgatopi brāhmaṇopi mātāpitaropi seṭṭhampi. ‘‘Sahasso brahmā dvisahasso brahmā’’tiādīsu (ma. ni. 3.165-166) hi mahābrahmā brahmāti vuccati. ‘‘Brahmāti kho, bhikkhave , tathāgatassetaṃ adhivacana’’nti ettha tathāgato.

    ‘‘д̇амонуд̣̇о б̣уд̣̇д̇хо саманд̇ажагку,

    ‘‘Tamonudo buddho samantacakkhu,

    логанд̇аг̇уу саб̣б̣абхаваад̇ивад̇д̇о;

    Lokantagū sabbabhavātivatto;

    анаасаво саб̣б̣ад̣̇угкаббахийно,

    Anāsavo sabbadukkhappahīno,

    сажжавхаяо б̣рахмз убаасид̇о мз’’д̇и. (жуул̣ани. 104) –

    Saccavhayo brahme upāsito me’’ti. (cūḷani. 104) –

    зд̇т̇а б̣раахман̣о.

    Ettha brāhmaṇo.

    ‘‘б̣рахмаад̇и маад̇аабид̇аро, буб̣б̣аажарияаад̇и вужжарз’’д̇и. (ид̇иву. 106; ж̇аа. 2.20.181) –

    ‘‘Brahmāti mātāpitaro, pubbācariyāti vuccare’’ti. (itivu. 106; jā. 2.20.181) –

    зд̇т̇а маад̇аабид̇аро. ‘‘б̣рахмажаггам̣ бавад̇д̇зд̇ий’’д̇и (ма. ни. 1.148; а. ни. 5.11) зд̇т̇а сздтам̣. ид̇ха бана батамаабхиниб̣б̣ад̇д̇о габбааяуго б̣рахмаа ад̇хиббзд̇о. д̇аг̇г̇ахан̣знзва жа б̣рахмабурохид̇аб̣рахмабаарисаж̇ж̇ааби г̇ахид̇аад̇и взд̣̇ид̇аб̣б̣аа. ад̇т̇аван̣н̣анаа банзд̇т̇а баж̇аабад̇иваарз вуд̇д̇анаязнзва взд̣̇ид̇аб̣б̣аа.

    Ettha mātāpitaro. ‘‘Brahmacakkaṃ pavattetī’’ti (ma. ni. 1.148; a. ni. 5.11) ettha seṭṭhaṃ. Idha pana paṭhamābhinibbatto kappāyuko brahmā adhippeto. Taggahaṇeneva ca brahmapurohitabrahmapārisajjāpi gahitāti veditabbā. Atthavaṇṇanā panettha pajāpativāre vuttanayeneva veditabbā.

    аабхассараваарз д̣̇ан̣д̣ад̣̇ийбигааяа ажжи вияа зд̇зсам̣ сарийрад̇о аабхаа чиж̇ж̇ид̇ваа чиж̇ж̇ид̇ваа бад̇анд̇ий вияа сарад̇и висарад̇ийд̇и аабхассараа. д̇зсам̣ г̇ахан̣зна саб̣б̣ааби д̣̇уд̇ияаж̇жхаанабхууми г̇ахид̇аа, згад̇алаваасино зва жзд̇з саб̣б̣зби барид̇д̇аабхаа аббамаан̣аабхаа аабхассараад̇и взд̣̇ид̇аб̣б̣аа.

    Ābhassaravāre daṇḍadīpikāya acci viya etesaṃ sarīrato ābhā chijjitvā chijjitvā patantī viya sarati visaratīti ābhassarā. Tesaṃ gahaṇena sabbāpi dutiyajjhānabhūmi gahitā, ekatalavāsino eva cete sabbepi parittābhā appamāṇābhā ābhassarāti veditabbā.

    субхагин̣хаваарз субхзна огин̣н̣аа вигин̣н̣аа субхзна сарийраббабхааван̣н̣зна згаг̇гханаа суван̣н̣аман̃ж̇уусааяа табид̇асамбаж̇ж̇алид̇аган̃жанабин̣д̣асассиригаад̇и субхагин̣хаа. д̇зсам̣ г̇ахан̣зна саб̣б̣ааби д̇ад̇ияаж̇жхаанабхууми г̇ахид̇аа. згад̇алаваасино зва жзд̇з саб̣б̣зби барид̇д̇асубхаа аббамаан̣асубхаа субхагин̣хаад̇и взд̣̇ид̇аб̣б̣аа.

    Subhakiṇhavāre subhena okiṇṇā vikiṇṇā subhena sarīrappabhāvaṇṇena ekagghanā suvaṇṇamañjūsāya ṭhapitasampajjalitakañcanapiṇḍasassirikāti subhakiṇhā. Tesaṃ gahaṇena sabbāpi tatiyajjhānabhūmi gahitā. Ekatalavāsino eva cete sabbepi parittasubhā appamāṇasubhā subhakiṇhāti veditabbā.

    взхабпалаваарз, вибулаа палаад̇и взхабпалаа. жад̇уд̇т̇аж̇жхаанабхууми б̣рахмаано вужжанд̇и. ад̇т̇анаяаяож̇анаа бана имзсу д̇ийсуби ваарзсу бхууд̇аваарз вуд̇д̇анаязнзва взд̣̇ид̇аб̣б̣аа.

    Vehapphalavāre, vipulā phalāti vehapphalā. Catutthajjhānabhūmi brahmāno vuccanti. Atthanayayojanā pana imesu tīsupi vāresu bhūtavāre vuttanayeneva veditabbā.

    абхибхууваарз абхибхавийд̇и абхибхуу. гим̣ абхибхави? жад̇д̇ааро канд̇хз аруубино. асан̃н̃абхавассзд̇ам̣ ад̇хиважанам̣. асан̃н̃асад̇д̇аа д̣̇зваа взхабпалзхи сад̣̇д̇хим̣ згад̇алааязва згасмим̣ огаасз язна ирияаабат̇зна ниб̣б̣ад̇д̇аа, д̇знзва яаавад̇ааяугам̣ д̇идтанд̇и жид̇д̇агаммаруубасад̣̇исаа худ̇ваа. д̇з ид̇ха саб̣б̣зби абхибхууважанзна г̇ахид̇аа. гзжи абхибхуу наама сахассо б̣рахмаад̇и звамаад̣̇инаа наязна д̇ад̇т̇а д̇ад̇т̇а ад̇хибад̇иб̣рахмаанам̣ ван̣н̣аяанд̇и. б̣рахмаг̇г̇ахан̣знзва бана д̇асса г̇ахид̇ад̇д̇аа аяуд̇д̇амзд̇анд̇и взд̣̇ид̇аб̣б̣ам̣. яож̇анаанаяо жзд̇т̇а абхибхуу ван̣н̣аваа д̣̇ийгхааяугод̇и суд̇ваа д̇ад̇т̇а чанд̣̇арааг̇ам̣ уббаад̣̇знд̇о абхибхум̣ д̇ан̣хааман̃н̃анааяа ман̃н̃ад̇и. ‘‘ахо вад̇аахам̣ абхибхуно сахаб̣яад̇ам̣ убабаж̇ж̇зяяа’’нд̇иаад̣̇инаа бана наязна аббадилад̣̇д̇хасса бадилаабхааяа жид̇д̇ам̣ бан̣ид̣̇аханд̇оби абхибхум̣ д̇ан̣хааман̃н̃анааяа ман̃н̃ад̇и. ад̇д̇аанам̣ хийнад̇о абхибхум̣ сзяяад̇о д̣̇аханд̇о бана абхибхум̣ маанаман̃н̃анааяа ман̃н̃ад̇и. ‘‘абхибхуу нижжо д̇хуво’’д̇иаад̣̇инаа наязна бараамасанд̇о абхибхум̣ д̣̇идтиман̃н̃анааяа ман̃н̃ад̇ийд̇и взд̣̇ид̇аб̣б̣о. сзсам̣ баж̇аабад̇иваарз вуд̇д̇анаяамзва.

    Abhibhūvāre abhibhavīti abhibhū. Kiṃ abhibhavi? Cattāro khandhe arūpino. Asaññabhavassetaṃ adhivacanaṃ. Asaññasattā devā vehapphalehi saddhiṃ ekatalāyeva ekasmiṃ okāse yena iriyāpathena nibbattā, teneva yāvatāyukaṃ tiṭṭhanti cittakammarūpasadisā hutvā. Te idha sabbepi abhibhūvacanena gahitā. Keci abhibhū nāma sahasso brahmāti evamādinā nayena tattha tattha adhipatibrahmānaṃ vaṇṇayanti. Brahmaggahaṇeneva pana tassa gahitattā ayuttametanti veditabbaṃ. Yojanānayo cettha abhibhū vaṇṇavā dīghāyukoti sutvā tattha chandarāgaṃ uppādento abhibhuṃ taṇhāmaññanāya maññati. ‘‘Aho vatāhaṃ abhibhuno sahabyataṃ upapajjeyya’’ntiādinā pana nayena appaṭiladdhassa paṭilābhāya cittaṃ paṇidahantopi abhibhuṃ taṇhāmaññanāya maññati. Attānaṃ hīnato abhibhuṃ seyyato dahanto pana abhibhuṃ mānamaññanāya maññati. ‘‘Abhibhū nicco dhuvo’’tiādinā nayena parāmasanto abhibhuṃ diṭṭhimaññanāya maññatīti veditabbo. Sesaṃ pajāpativāre vuttanayameva.

    бхууд̇аваараад̣̇иван̣н̣анаа нидтид̇аа.

    Bhūtavārādivaṇṇanā niṭṭhitā.

    аагаасаанан̃жааяад̇анаваараад̣̇иван̣н̣анаа

    Ākāsānañcāyatanavārādivaṇṇanā

    4. звам̣ бхаг̇аваа бадибаадияаа д̣̇звалогз д̣̇ассзнд̇оби абхибхууважанзна асан̃н̃абхавам̣ д̣̇ассзд̇ваа ид̣̇аани яасмаа аяам̣ ваддагат̇аа, суд̣̇д̇хааваасаа жа виваддабагкз тид̇аа, анааг̇аамикийн̣аасаваа зва хи д̇з д̣̇зваа. яасмаа ваа гад̇ибаяагаббасахассааяугаа д̇з д̣̇зваа, б̣уд̣̇д̇хуббаад̣̇агаалзязва хонд̇и. б̣уд̣̇д̇хаа бана асан̇кзязби габбз на уббаж̇ж̇анд̇и, д̇ад̣̇аа сун̃н̃ааби саа бхууми ход̇и. ран̃н̃о канд̇хааваарадтаанам̣ вияа хи б̣уд̣̇д̇хаанам̣ суд̣̇д̇хааваасабхаво. д̇з д̇знзва жа гааран̣зна вин̃н̃аан̣адтид̇исад̇д̇ааваасавасзнаби на г̇ахид̇аа, саб̣б̣агаалигаа бана имаа ман̃н̃анаа. д̇асмаа д̇аасам̣ сад̣̇аавиж̇ж̇амаанабхуумим̣ д̣̇ассзнд̇о суд̣̇д̇хааваасз ад̇иггамид̇ваа, аагаасаанан̃жааяад̇ананд̇иаад̣̇имааха. д̇ад̇т̇а аагаасаанан̃жааяад̇ананд̇и д̇аб̣бхуумигаа жад̇д̇ааро гусалавибаагагирияаа канд̇хаа. д̇з жа д̇ад̇руубабаннааязва д̣̇адтаб̣б̣аа бхавабарижчзд̣̇агат̇аа аяанд̇и гад̇ваа. зса наяо вин̃н̃аан̣ан̃жааяад̇анаад̣̇ийсу. ад̇т̇аяож̇анаа бана жад̇уусуби зд̇зсу ваарзсу абхибхууваарз вуд̇д̇анаязнзва взд̣̇ид̇аб̣б̣аа. маанаман̃н̃анаа жзд̇т̇а баж̇аабад̇иваарз вуд̇д̇анаязнааби яуж̇ж̇ад̇и.

    4. Evaṃ bhagavā paṭipāṭiyā devaloke dassentopi abhibhūvacanena asaññabhavaṃ dassetvā idāni yasmā ayaṃ vaṭṭakathā, suddhāvāsā ca vivaṭṭapakkhe ṭhitā, anāgāmikhīṇāsavā eva hi te devā. Yasmā vā katipayakappasahassāyukā te devā, buddhuppādakāleyeva honti. Buddhā pana asaṅkheyepi kappe na uppajjanti, tadā suññāpi sā bhūmi hoti. Rañño khandhāvāraṭṭhānaṃ viya hi buddhānaṃ suddhāvāsabhavo. Te teneva ca kāraṇena viññāṇaṭṭhitisattāvāsavasenapi na gahitā, sabbakālikā pana imā maññanā. Tasmā tāsaṃ sadāvijjamānabhūmiṃ dassento suddhāvāse atikkamitvā, ākāsānañcāyatanantiādimāha. Tattha ākāsānañcāyatananti tabbhūmikā cattāro kusalavipākakiriyā khandhā. Te ca tatrūpapannāyeva daṭṭhabbā bhavaparicchedakathā ayanti katvā. Esa nayo viññāṇañcāyatanādīsu. Atthayojanā pana catūsupi etesu vāresu abhibhūvāre vuttanayeneva veditabbā. Mānamaññanā cettha pajāpativāre vuttanayenāpi yujjati.

    аагаасаанан̃жааяад̇анаваараад̣̇иван̣н̣анаа нидтид̇аа.

    Ākāsānañcāyatanavārādivaṇṇanā niṭṭhitā.

    д̣̇идтасуд̇аваараад̣̇иван̣н̣анаа

    Diṭṭhasutavārādivaṇṇanā

    5. звам̣ бхуумивисзсаад̣̇инаа бхзд̣̇зна вид̇т̇аарад̇оби ман̃н̃анаавад̇т̇ум̣ д̣̇ассзд̇ваа ид̣̇аани саб̣б̣аман̃н̃анаавад̇т̇убхууд̇ам̣ саггааяабарияаабаннам̣ д̇збхуумагад̇хаммабхзд̣̇ам̣ д̣̇идтаад̣̇ийхи жад̇уухи сан̇г̇ан̣хид̇ваа д̣̇ассзнд̇о, д̣̇идтам̣ д̣̇идтад̇од̇иаад̣̇имааха.

    5. Evaṃ bhūmivisesādinā bhedena vitthāratopi maññanāvatthuṃ dassetvā idāni sabbamaññanāvatthubhūtaṃ sakkāyapariyāpannaṃ tebhūmakadhammabhedaṃ diṭṭhādīhi catūhi saṅgaṇhitvā dassento, diṭṭhaṃ diṭṭhatotiādimāha.

    д̇ад̇т̇а д̣̇идтанд̇и мам̣сажагкунааби д̣̇идтам̣, д̣̇иб̣б̣ажагкунааби д̣̇идтам̣. руубааяад̇анассзд̇ам̣ ад̇хиважанам̣. д̇ад̇т̇а д̣̇идтам̣ ман̃н̃ад̇ийд̇и д̣̇идтам̣ д̇ийхи ман̃н̃анаахи ман̃н̃ад̇и. гат̇ам̣? руубааяад̇анам̣ субхасан̃н̃ааяа сукасан̃н̃ааяа жа бассанд̇о д̇ад̇т̇а чанд̣̇арааг̇ам̣ ж̇анзд̇и, д̇ам̣ ассаад̣̇зд̇и абхинанд̣̇ад̇и. вуд̇д̇амби хзд̇ам̣ бхаг̇авад̇аа ‘‘ид̇т̇ируубз, бхигкавз, сад̇д̇аа рад̇д̇аа г̇ид̣̇д̇хаа г̇ад̇хид̇аа мужчид̇аа аж̇жхосаннаа, д̇з д̣̇ийгхарад̇д̇ам̣ сожанд̇и ид̇т̇ируубавасаануг̇аа’’д̇и (а. ни. 5.55). звам̣ д̣̇идтам̣ д̇ан̣хааман̃н̃анааяа ман̃н̃ад̇и. ‘‘ид̇и мз руубам̣ сияаа анааг̇ад̇амад̣̇д̇хаананд̇и ваа банзд̇т̇а нанд̣̇им̣ саманнаанзд̇и, руубасамбад̣̇ам̣ ваа бана ааган̇камаано д̣̇аанам̣ д̣̇зд̇ий’’д̇и вид̇т̇ааро. звамби д̣̇идтам̣ д̇ан̣хааман̃н̃анааяа ман̃н̃ад̇и. ад̇д̇ано бана барасса жа руубасамбад̇д̇им̣ вибад̇д̇им̣ ниссааяа маанам̣ ж̇анзд̇и. ‘‘иминаахам̣ сзяяосмий’’д̇и ваа ‘‘сад̣̇исосмий’’д̇и ваа ‘‘хийносмий’’д̇и ваад̇и звам̣ д̣̇идтам̣ маанаман̃н̃анааяа ман̃н̃ад̇и. руубааяад̇анам̣ бана нижжам̣ д̇хувам̣ сассад̇анд̇и ман̃н̃ад̇и, ад̇д̇аанам̣ ад̇д̇анияанд̇и ман̃н̃ад̇и, ман̇г̇алам̣ аман̇г̇аланд̇и ман̃н̃ад̇и, звам̣ д̣̇идтам̣ д̣̇идтиман̃н̃анааяа ман̃н̃ад̇и. звам̣ д̣̇идтам̣ д̇ийхи ман̃н̃анаахи ман̃н̃ад̇и. гат̇ам̣ д̣̇идтасмим̣ ман̃н̃ад̇и? руубасмим̣ ад̇д̇аанам̣ саманубассананаязна ман̃н̃анд̇о д̣̇идтасмим̣ ман̃н̃ад̇и. яат̇аа ваа д̇ханз д̇хан̃н̃з. звам̣ руубасмим̣ рааг̇аад̣̇аяод̇и ман̃н̃анд̇оби д̣̇идтасмим̣ ман̃н̃ад̇и. аяамасса д̣̇идтиман̃н̃анаа. д̇асмин̃н̃зва банасса д̣̇идтиман̃н̃анааяа ман̃н̃ид̇з вад̇т̇усмим̣ синзхам̣ маанан̃жа уббаад̣̇аяад̇о д̇ан̣хаамаанаман̃н̃анааби взд̣̇ид̇аб̣б̣аа. звам̣ д̣̇идтасмим̣ ман̃н̃ад̇и. сзсам̣ бат̇авийваарз вуд̇д̇анаязнзва взд̣̇ид̇аб̣б̣ам̣.

    Tattha diṭṭhanti maṃsacakkhunāpi diṭṭhaṃ, dibbacakkhunāpi diṭṭhaṃ. Rūpāyatanassetaṃ adhivacanaṃ. Tattha diṭṭhaṃ maññatīti diṭṭhaṃ tīhi maññanāhi maññati. Kathaṃ? Rūpāyatanaṃ subhasaññāya sukhasaññāya ca passanto tattha chandarāgaṃ janeti, taṃ assādeti abhinandati. Vuttampi hetaṃ bhagavatā ‘‘itthirūpe, bhikkhave, sattā rattā giddhā gadhitā mucchitā ajjhosannā, te dīgharattaṃ socanti itthirūpavasānugā’’ti (a. ni. 5.55). Evaṃ diṭṭhaṃ taṇhāmaññanāya maññati. ‘‘Iti me rūpaṃ siyā anāgatamaddhānanti vā panettha nandiṃ samannāneti, rūpasampadaṃ vā pana ākaṅkhamāno dānaṃ detī’’ti vitthāro. Evampi diṭṭhaṃ taṇhāmaññanāya maññati. Attano pana parassa ca rūpasampattiṃ vipattiṃ nissāya mānaṃ janeti. ‘‘Imināhaṃ seyyosmī’’ti vā ‘‘sadisosmī’’ti vā ‘‘hīnosmī’’ti vāti evaṃ diṭṭhaṃ mānamaññanāya maññati. Rūpāyatanaṃ pana niccaṃ dhuvaṃ sassatanti maññati, attānaṃ attaniyanti maññati, maṅgalaṃ amaṅgalanti maññati, evaṃ diṭṭhaṃ diṭṭhimaññanāya maññati. Evaṃ diṭṭhaṃ tīhi maññanāhi maññati. Kathaṃ diṭṭhasmiṃ maññati? Rūpasmiṃ attānaṃ samanupassananayena maññanto diṭṭhasmiṃ maññati. Yathā vā dhane dhaññe. Evaṃ rūpasmiṃ rāgādayoti maññantopi diṭṭhasmiṃ maññati. Ayamassa diṭṭhimaññanā. Tasmiññeva panassa diṭṭhimaññanāya maññite vatthusmiṃ sinehaṃ mānañca uppādayato taṇhāmānamaññanāpi veditabbā. Evaṃ diṭṭhasmiṃ maññati. Sesaṃ pathavīvāre vuttanayeneva veditabbaṃ.

    суд̇анд̇и мам̣сасод̇знаби суд̇ам̣, д̣̇иб̣б̣асод̇знаби суд̇ам̣, сад̣̇д̣̇ааяад̇анассзд̇ам̣ ад̇хиважанам̣.

    Sutanti maṃsasotenapi sutaṃ, dibbasotenapi sutaṃ, saddāyatanassetaṃ adhivacanaṃ.

    муд̇анд̇и муд̇ваа мунид̇ваа жа г̇ахид̇ам̣, аахажжа убаг̇анд̇ваад̇и ад̇т̇о, инд̣̇рияаанам̣ аарамман̣аанан̃жа ан̃н̃аман̃н̃асам̣силзсз вин̃н̃аад̇анд̇и вуд̇д̇ам̣ ход̇и, г̇анд̇харасаподтаб̣б̣ааяад̇анаанамзд̇ам̣ ад̇хиважанам̣.

    Mutanti mutvā munitvā ca gahitaṃ, āhacca upagantvāti attho, indriyānaṃ ārammaṇānañca aññamaññasaṃsilese viññātanti vuttaṃ hoti, gandharasaphoṭṭhabbāyatanānametaṃ adhivacanaṃ.

    вин̃н̃аад̇анд̇и манасаа вин̃н̃аад̇ам̣, сзсаанам̣ сад̇д̇аннам̣ ааяад̇анаанамзд̇ам̣ ад̇хиважанам̣ д̇хаммаарамман̣асса ваа. ид̇ха бана саггааяабарияаабаннамзва лаб̣бхад̇и. вид̇т̇ааро банзд̇т̇а д̣̇идтаваарз вуд̇д̇анаязнзва взд̣̇ид̇аб̣б̣о.

    Viññātanti manasā viññātaṃ, sesānaṃ sattannaṃ āyatanānametaṃ adhivacanaṃ dhammārammaṇassa vā. Idha pana sakkāyapariyāpannameva labbhati. Vitthāro panettha diṭṭhavāre vuttanayeneva veditabbo.

    д̣̇идтасуд̇д̇аваараад̣̇иван̣н̣анаа нидтид̇аа.

    Diṭṭhasuttavārādivaṇṇanā niṭṭhitā.

    згад̇д̇аваараад̣̇иван̣н̣анаа

    Ekattavārādivaṇṇanā

    6. звам̣ саб̣б̣ам̣ саггааяабхзд̣̇ам̣ д̣̇идтаад̣̇ийхи жад̇уухи д̣̇ассзд̇ваа ид̣̇аани д̇амзва самаабаннагаваарзна жа асамаабаннагаваарзна жа д̣̇вид̇хаа д̣̇ассзнд̇о згад̇д̇ам̣ наанад̇д̇анд̇иаад̣̇имааха.

    6. Evaṃ sabbaṃ sakkāyabhedaṃ diṭṭhādīhi catūhi dassetvā idāni tameva samāpannakavārena ca asamāpannakavārena ca dvidhā dassento ekattaṃ nānattantiādimāha.

    згад̇д̇анд̇и иминаа хи самаабаннагаваарам̣ д̣̇ассзд̇и. наанад̇д̇анд̇и иминаа асамаабаннагаваарам̣. д̇зсам̣ аяам̣ важанад̇т̇о згабхааво згад̇д̇ам̣. наанаабхааво наанад̇д̇анд̇и. яож̇анаа банзд̇т̇а самаабаннагаваарам̣ жад̇уухи канд̇хзхи, асамаабаннагавааран̃жа бан̃жахи канд̇хзхи бхинд̣̇ид̇ваа ‘‘руубам̣ ад̇д̇ад̇о саманубассад̇ий’’д̇иаад̣̇инаа саасананаязна бат̇авийваараад̣̇ийсу вуд̇д̇зна жа адтагат̇аанаязна яат̇аануруубам̣ виймам̣сид̇ваа взд̣̇ид̇аб̣б̣аа. гзжи бана згад̇д̇анд̇и згад̇д̇анаяам̣ вад̣̇анд̇и наанад̇д̇анд̇и наанад̇д̇анаяам̣. абарз ‘‘згад̇д̇асан̃н̃ий ад̇д̇аа ход̇и арог̇о барам̣ маран̣аа, наанад̇д̇асан̃н̃ий ад̇д̇аа ход̇ий’’д̇и звам̣ д̣̇идтаабхинивзсам̣. д̇ам̣ саб̣б̣ам̣ ид̇ха наад̇хиббзд̇ад̇д̇аа аяуд̇д̇амзва ход̇и.

    Ekattanti iminā hi samāpannakavāraṃ dasseti. Nānattanti iminā asamāpannakavāraṃ. Tesaṃ ayaṃ vacanattho ekabhāvo ekattaṃ. Nānābhāvo nānattanti. Yojanā panettha samāpannakavāraṃ catūhi khandhehi, asamāpannakavārañca pañcahi khandhehi bhinditvā ‘‘rūpaṃ attato samanupassatī’’tiādinā sāsananayena pathavīvārādīsu vuttena ca aṭṭhakathānayena yathānurūpaṃ vīmaṃsitvā veditabbā. Keci pana ekattanti ekattanayaṃ vadanti nānattanti nānattanayaṃ. Apare ‘‘ekattasaññī attā hoti arogo paraṃ maraṇā, nānattasaññī attā hotī’’ti evaṃ diṭṭhābhinivesaṃ. Taṃ sabbaṃ idha nādhippetattā ayuttameva hoti.

    звам̣ саб̣б̣ам̣ саггааяам̣ д̣̇вид̇хаа д̣̇ассзд̇ваа ид̣̇аани д̇амзва згад̇хаа самбин̣д̣зд̇ваа д̣̇ассзнд̇о саб̣б̣ам̣ саб̣б̣ад̇од̇иаад̣̇имааха. яож̇анаанаяо банзд̇т̇а саб̣б̣ам̣ ассаад̣̇знд̇о саб̣б̣ам̣ д̇ан̣хааман̃н̃анааяа ман̃н̃ад̇и. ‘‘маяаа зд̇з сад̇д̇аа ниммид̇аа’’д̇иаад̣̇инаа наязна ад̇д̇анаа ниммид̇ам̣ ман̃н̃анд̇о саб̣б̣ам̣ маанаман̃н̃анааяа ман̃н̃ад̇и. ‘‘саб̣б̣ам̣ буб̣б̣згад̇агаммахзд̇у, саб̣б̣ам̣ иссараниммаанахзд̇у, саб̣б̣ам̣ ахзд̇уабажжаяаа, саб̣б̣ам̣ ад̇т̇и, саб̣б̣ам̣ над̇т̇ий’’д̇иаад̣̇инаа наязна ман̃н̃анд̇о саб̣б̣ам̣ д̣̇идтиман̃н̃анааяа ман̃н̃ад̇ийд̇и взд̣̇ид̇аб̣б̣о. гат̇ам̣ саб̣б̣асмим̣ ман̃н̃ад̇и? ид̇хзгажжо звам̣д̣̇идтиго ход̇и ‘‘махаа мз ад̇д̇аа’’д̇и. со саб̣б̣алогасанниваасам̣ д̇ассогаасабхаавзна баригаббзд̇ваа со ко бана мз аяам̣ ад̇д̇аа саб̣б̣асминд̇и ман̃н̃ад̇и, аяамасса д̣̇идтиман̃н̃анаа. д̇асмим̣язва банасса ад̇д̇ани синзхам̣ д̇аб̣б̣ад̇т̇уган̃жа маанам̣ уббаад̣̇аяад̇о д̇ан̣хаамаанаман̃н̃анааби взд̣̇ид̇аб̣б̣аа. сзсам̣ бат̇авийваарз вуд̇д̇анаязнзва взд̣̇ид̇аб̣б̣ам̣.

    Evaṃ sabbaṃ sakkāyaṃ dvidhā dassetvā idāni tameva ekadhā sampiṇḍetvā dassento sabbaṃ sabbatotiādimāha. Yojanānayo panettha sabbaṃ assādento sabbaṃ taṇhāmaññanāya maññati. ‘‘Mayā ete sattā nimmitā’’tiādinā nayena attanā nimmitaṃ maññanto sabbaṃ mānamaññanāya maññati. ‘‘Sabbaṃ pubbekatakammahetu, sabbaṃ issaranimmānahetu, sabbaṃ ahetuapaccayā, sabbaṃ atthi, sabbaṃ natthī’’tiādinā nayena maññanto sabbaṃ diṭṭhimaññanāya maññatīti veditabbo. Kathaṃ sabbasmiṃ maññati? Idhekacco evaṃdiṭṭhiko hoti ‘‘mahā me attā’’ti. So sabbalokasannivāsaṃ tassokāsabhāvena parikappetvā so kho pana me ayaṃ attā sabbasminti maññati, ayamassa diṭṭhimaññanā. Tasmiṃyeva panassa attani sinehaṃ tabbatthukañca mānaṃ uppādayato taṇhāmānamaññanāpi veditabbā. Sesaṃ pathavīvāre vuttanayeneva veditabbaṃ.

    звам̣ саб̣б̣ам̣ саггааяам̣ згад̇хаа д̣̇ассзд̇ваа ид̣̇аани абарзнаби наязна д̇ам̣ згад̇хаа д̣̇ассзнд̇о ниб̣б̣аанам̣ ниб̣б̣аанад̇од̇и ааха. д̇ад̇т̇а ниб̣б̣аананд̇и ‘‘яад̇о ко, бхо, аяам̣ ад̇д̇аа бан̃жахи гаамаг̇ун̣зхи самаббид̇о саман̇г̇ибхууд̇о барижаарзд̇и. зд̇д̇аавад̇аа ко, бхо, аяам̣ ад̇д̇аа барамад̣̇идтад̇хамманиб̣б̣аанам̣ бад̇д̇о ход̇ий’’д̇иаад̣̇инаа наязна бан̃жад̇хаа ааг̇ад̇ам̣ барамад̣̇идтад̇хамманиб̣б̣аанам̣ взд̣̇ид̇аб̣б̣ам̣. д̇ад̇т̇а ниб̣б̣аанам̣ ассаад̣̇знд̇о д̇ан̣хааман̃н̃анааяа ман̃н̃ад̇и. д̇зна ниб̣б̣аанзна ‘‘ахамасми ниб̣б̣аанам̣ бад̇д̇о’’д̇и маанам̣ ж̇анзнд̇о маанаман̃н̃анааяа ман̃н̃ад̇и. аниб̣б̣аанам̣язва самаанам̣ д̇ам̣ ниб̣б̣аанад̇о нижжаад̣̇ид̇о жа г̇ан̣ханд̇о д̣̇идтиман̃н̃анааяа ман̃н̃ад̇ийд̇и взд̣̇ид̇аб̣б̣о.

    Evaṃ sabbaṃ sakkāyaṃ ekadhā dassetvā idāni aparenapi nayena taṃ ekadhā dassento nibbānaṃ nibbānatoti āha. Tattha nibbānanti ‘‘yato kho, bho, ayaṃ attā pañcahi kāmaguṇehi samappito samaṅgibhūto paricāreti. Ettāvatā kho, bho, ayaṃ attā paramadiṭṭhadhammanibbānaṃ patto hotī’’tiādinā nayena pañcadhā āgataṃ paramadiṭṭhadhammanibbānaṃ veditabbaṃ. Tattha nibbānaṃ assādento taṇhāmaññanāya maññati. Tena nibbānena ‘‘ahamasmi nibbānaṃ patto’’ti mānaṃ janento mānamaññanāya maññati. Anibbānaṃyeva samānaṃ taṃ nibbānato niccādito ca gaṇhanto diṭṭhimaññanāya maññatīti veditabbo.

    ниб̣б̣аанад̇о бана ан̃н̃ам̣ ад̇д̇аанам̣ г̇ахзд̇ваа со ко бана мз аяам̣ ад̇д̇аа имасмим̣ ниб̣б̣аанзд̇и ман̃н̃анд̇о ниб̣б̣аанасмим̣ ман̃н̃ад̇и, аяамасса д̣̇идтиман̃н̃анаа. д̇асмим̣язва банасса ад̇д̇ани синзхам̣ д̇аб̣б̣ад̇т̇уган̃жа маанам̣ уббаад̣̇аяад̇о д̇ан̣хаамаанаман̃н̃анааби взд̣̇ид̇аб̣б̣аа. зса наяо ниб̣б̣аанад̇о ман̃н̃анааяаби. д̇ад̇раби хи ниб̣б̣аанад̇о ан̃н̃ам̣ ад̇д̇аанам̣ г̇ахзд̇ваа ‘‘ид̣̇ам̣ ниб̣б̣аанам̣, аяам̣ ад̇д̇аа, со ко бана мз аяам̣ ад̇д̇аа ид̇о ниб̣б̣аанад̇о ан̃н̃о’’д̇и ман̃н̃анд̇о ниб̣б̣аанад̇о ман̃н̃ад̇и, аяамасса д̣̇идтиман̃н̃анаа. д̇асмим̣язва банасса ад̇д̇ани синзхам̣ д̇аб̣б̣ад̇т̇уган̃жа маанам̣ уббаад̣̇аяад̇о д̇ан̣хаамаанаман̃н̃анааби взд̣̇ид̇аб̣б̣аа. ‘‘ахо сукам̣ мама ниб̣б̣аана’’нд̇и ман̃н̃анд̇о бана ниб̣б̣аанам̣ мзд̇и ман̃н̃ад̇ийд̇и взд̣̇ид̇аб̣б̣о. сзсам̣ вуд̇д̇анаяамзва. аяам̣ банзд̇т̇а ануг̇ийд̇и –

    Nibbānato pana aññaṃ attānaṃ gahetvā so kho pana me ayaṃ attā imasmiṃ nibbāneti maññanto nibbānasmiṃ maññati, ayamassa diṭṭhimaññanā. Tasmiṃyeva panassa attani sinehaṃ tabbatthukañca mānaṃ uppādayato taṇhāmānamaññanāpi veditabbā. Esa nayo nibbānato maññanāyapi. Tatrapi hi nibbānato aññaṃ attānaṃ gahetvā ‘‘idaṃ nibbānaṃ, ayaṃ attā, so kho pana me ayaṃ attā ito nibbānato añño’’ti maññanto nibbānato maññati, ayamassa diṭṭhimaññanā. Tasmiṃyeva panassa attani sinehaṃ tabbatthukañca mānaṃ uppādayato taṇhāmānamaññanāpi veditabbā. ‘‘Aho sukhaṃ mama nibbāna’’nti maññanto pana nibbānaṃ meti maññatīti veditabbo. Sesaṃ vuttanayameva. Ayaṃ panettha anugīti –

    яаад̣̇исо зса саггааяо, д̇ат̇аа нам̣ авиж̇аанад̇о;

    Yādiso esa sakkāyo, tathā naṃ avijānato;

    бут̇уж̇ж̇анасса саггааяз, ж̇ааяанд̇и саб̣б̣аман̃н̃анаа.

    Puthujjanassa sakkāye, jāyanti sabbamaññanā.

    ж̇зг̇ужчо бхид̣̇уро жааяам̣, д̣̇угко абарин̣ааяаго;

    Jeguccho bhiduro cāyaṃ, dukkho apariṇāyako;

    д̇ам̣ бажжанийгад̇о б̣аало, г̇ан̣хам̣ г̇ан̣хаад̇и ман̃н̃анам̣.

    Taṃ paccanīkato bālo, gaṇhaṃ gaṇhāti maññanaṃ.

    субхад̇о сукад̇о жзва, саггааяам̣ анубассад̇о;

    Subhato sukhato ceva, sakkāyaṃ anupassato;

    салабхассзва аг̇г̇имхи, ход̇и д̇ан̣хааяа ман̃н̃анаа.

    Salabhasseva aggimhi, hoti taṇhāya maññanā.

    нижжасан̃н̃ам̣ ад̇хидтааяа, самбад̇д̇им̣ д̇асса бассад̇о;

    Niccasaññaṃ adhiṭṭhāya, sampattiṃ tassa passato;

    г̇уут̇аад̣̇ий вияа г̇уут̇асмим̣, ход̇и маанзна ман̃н̃анаа.

    Gūthādī viya gūthasmiṃ, hoti mānena maññanā.

    ад̇д̇аа ад̇д̇анияо мзд̇и, бассад̇о нам̣ аб̣уд̣̇д̇хино;

    Attā attaniyo meti, passato naṃ abuddhino;

    аад̣̇аасз вияа б̣онд̇хисса, д̣̇идтияаа ход̇и ман̃н̃анаа.

    Ādāse viya bondhissa, diṭṭhiyā hoti maññanā.

    ман̃н̃анаад̇и жа наамзд̇ам̣, сукумам̣ маараб̣анд̇ханам̣;

    Maññanāti ca nāmetaṃ, sukhumaṃ mārabandhanaṃ;

    сит̇илам̣ д̣̇уббамун̃жан̃жа, язна б̣ад̣̇д̇хо бут̇уж̇ж̇ано.

    Sithilaṃ duppamuñcañca, yena baddho puthujjano.

    б̣ахум̣ вибпанд̣̇амааноби, саггааяам̣ наад̇ивад̇д̇ад̇и;

    Bahuṃ vipphandamānopi, sakkāyaṃ nātivattati;

    самуссид̇ам̣ д̣̇ал̣хад̇т̇амбхам̣, саава г̇ад̣̇д̣̇улаб̣анд̇хано.

    Samussitaṃ daḷhatthambhaṃ, sāva gaddulabandhano.

    са’со саггааяамалийно, ж̇аад̇ияаа жа ж̇арааяа жа;

    Sa’so sakkāyamalīno, jātiyā ca jarāya ca;

    рог̇аад̣̇ийхи жа д̣̇угкзхи, нижжам̣ хан̃н̃ад̇и б̣аал̣хасо.

    Rogādīhi ca dukkhehi, niccaṃ haññati bāḷhaso.

    д̇ам̣ во вад̣̇аами бхад̣̇д̣̇анд̇з, саггааяам̣ анубассат̇а;

    Taṃ vo vadāmi bhaddante, sakkāyaṃ anupassatha;

    асаад̇ад̇о асубхад̇о, бхзд̣̇ад̇о жа анад̇д̇ад̇о.

    Asātato asubhato, bhedato ca anattato.

    зсо сабхааво хзд̇асса, бассам̣ звамимам̣ б̣уд̇хо;

    Eso sabhāvo hetassa, passaṃ evamimaṃ budho;

    бахааяа ман̃н̃анаа саб̣б̣аа, саб̣б̣ад̣̇угкаа бамужжад̇ийд̇и.

    Pahāya maññanā sabbā, sabbadukkhā pamuccatīti.

    згад̇д̇аваараад̣̇иван̣н̣анаа нидтид̇аа.

    Ekattavārādivaṇṇanā niṭṭhitā.

    бут̇уж̇ж̇анавасзна жад̇увийсад̇ибаб̣б̣аа батаманаяагат̇аа нидтид̇аа.

    Puthujjanavasena catuvīsatipabbā paṭhamanayakathā niṭṭhitā.

    сзгкаваарад̣̇уд̇ияанаяаван̣н̣анаа

    Sekkhavāradutiyanayavaṇṇanā

    7. звам̣ бхаг̇аваа бат̇авийаад̣̇ийсу вад̇т̇уусу саб̣б̣асаггааяад̇хаммамуулабхууд̇ам̣ бут̇уж̇ж̇анасса бавад̇д̇им̣ д̣̇ассзд̇ваа ид̣̇аани д̇зсвзва вад̇т̇уусу сзгкасса бавад̇д̇им̣ д̣̇ассзнд̇о яоби со, бхигкавз, бхигку сзгкод̇иаад̣̇имааха. д̇ад̇т̇а яод̇и уд̣̇д̣̇зсаважанам̣. сод̇и нид̣̇д̣̇зсаважанам̣. бигааро самбин̣д̣анад̇т̇о аяамби д̇хаммо анияад̇од̇иаад̣̇ийсу вияа. д̇зна жа аарамман̣асабхааг̇зна буг̇г̇алам̣ самбин̣д̣зд̇и, но буг̇г̇аласабхааг̇зна, хздтад̇о хи буг̇г̇алаа д̣̇идтивибаннаа, ид̇ха д̣̇идтисамбаннаа, на д̇зсам̣ сабхааг̇ад̇аа ад̇т̇и. аарамман̣ам̣ бана хздтаа буг̇г̇алаанамби д̇ад̣̇зва, имзсамби д̇ад̣̇зваад̇и. д̇зна вуд̇д̇ам̣ ‘‘аарамман̣асабхааг̇зна буг̇г̇алам̣ самбин̣д̣зд̇и но буг̇г̇аласабхааг̇знаа’’д̇и. яоби сод̇и иминаа бана сагалзна важанзна ид̣̇аани вад̇д̇аб̣б̣ам̣ сзгкам̣ д̣̇ассзд̇ийд̇и взд̣̇ид̇аб̣б̣о. бхигкавз, бхигкууд̇и ид̣̇ам̣ вуд̇д̇анаяамзва.

    7. Evaṃ bhagavā pathavīādīsu vatthūsu sabbasakkāyadhammamūlabhūtaṃ puthujjanassa pavattiṃ dassetvā idāni tesveva vatthūsu sekkhassa pavattiṃ dassento yopi so, bhikkhave, bhikkhu sekkhotiādimāha. Tattha yoti uddesavacanaṃ. Soti niddesavacanaṃ. Pikāro sampiṇḍanattho ayampi dhammo aniyatotiādīsu viya. Tena ca ārammaṇasabhāgena puggalaṃ sampiṇḍeti, no puggalasabhāgena, heṭṭhato hi puggalā diṭṭhivipannā, idha diṭṭhisampannā, na tesaṃ sabhāgatā atthi. Ārammaṇaṃ pana heṭṭhā puggalānampi tadeva, imesampi tadevāti. Tena vuttaṃ ‘‘ārammaṇasabhāgena puggalaṃ sampiṇḍeti no puggalasabhāgenā’’ti. Yopi soti iminā pana sakalena vacanena idāni vattabbaṃ sekkhaṃ dassetīti veditabbo. Bhikkhave, bhikkhūti idaṃ vuttanayameva.

    сзгкод̇и гзнадтзна сзгко? сзгкад̇хаммаббадилаабхад̇о сзгко. вуд̇д̇ан̃хзд̇ам̣ ‘‘гид̇д̇аавад̇аа ну ко, бханд̇з, сзгко ход̇ийд̇и? ид̇ха, бхигкавз, бхигку сзгкааяа саммаад̣̇идтияаа саманнааг̇ад̇о ход̇и…бз… сзгкзна саммаасамаад̇хинаа саманнааг̇ад̇о ход̇и. зд̇д̇аавад̇аа ко бхигку, сзгко ход̇ий’’д̇и (сам̣. ни. 5.13). абижа сигкад̇ийд̇иби сзгко. вуд̇д̇ан̃хзд̇ам̣ ‘‘сигкад̇ийд̇и ко бхигку д̇асмаа сзгкод̇и вужжад̇и. гин̃жа сигкад̇и? ад̇хисийламби сигкад̇и, ад̇хижид̇д̇амби сигкад̇и, ад̇хибан̃н̃амби сигкад̇и, сигкад̇ийд̇и ко бхигку д̇асмаа сзгкод̇и вужжад̇ий’’д̇и (а. ни. 3.86).

    Sekkhoti kenaṭṭhena sekkho? Sekkhadhammappaṭilābhato sekkho. Vuttañhetaṃ ‘‘kittāvatā nu kho, bhante, sekkho hotīti? Idha, bhikkhave, bhikkhu sekkhāya sammādiṭṭhiyā samannāgato hoti…pe… sekkhena sammāsamādhinā samannāgato hoti. Ettāvatā kho bhikkhu, sekkho hotī’’ti (saṃ. ni. 5.13). Apica sikkhatītipi sekkho. Vuttañhetaṃ ‘‘sikkhatīti kho bhikkhu tasmā sekkhoti vuccati. Kiñca sikkhati? Adhisīlampi sikkhati, adhicittampi sikkhati, adhipaññampi sikkhati, sikkhatīti kho bhikkhu tasmā sekkhoti vuccatī’’ti (a. ni. 3.86).

    яоби галяаан̣абут̇уж̇ж̇ано ануломабадибад̣̇ааяа барибуурагаарий сийласамбанно инд̣̇риязсу г̇уд̇д̇ад̣̇вааро бхож̇анз мад̇д̇ан̃н̃уу ж̇ааг̇арияаануяог̇амануяуд̇д̇о буб̣б̣арад̇д̇аабарарад̇д̇ам̣ б̣од̇хибагкияаанам̣ д̇хаммаанам̣ бхааванаануяог̇амануяуд̇д̇о вихарад̇и – ‘‘аж̇ж̇а ваа свз ваа ан̃н̃ад̇арам̣ сааман̃н̃апалам̣ ад̇хиг̇амиссаамий’’д̇и, соби вужжад̇и сигкад̇ийд̇и сзгкод̇и. имасмим̣ банад̇т̇з бадивзд̇хаббад̇д̇ова сзгко ад̇хиббзд̇о, но бут̇уж̇ж̇ано.

    Yopi kalyāṇaputhujjano anulomapaṭipadāya paripūrakārī sīlasampanno indriyesu guttadvāro bhojane mattaññū jāgariyānuyogamanuyutto pubbarattāpararattaṃ bodhipakkhiyānaṃ dhammānaṃ bhāvanānuyogamanuyutto viharati – ‘‘ajja vā sve vā aññataraṃ sāmaññaphalaṃ adhigamissāmī’’ti, sopi vuccati sikkhatīti sekkhoti. Imasmiṃ panatthe paṭivedhappattova sekkho adhippeto, no puthujjano.

    аббад̇д̇ам̣ маанасам̣ зд̇знаад̇и аббад̇д̇амаанасо. маанасанд̇и рааг̇оби жид̇д̇амби арахад̇д̇амби. ‘‘анд̇алигкажаро баасо, явааяам̣ жарад̇и маанасо’’д̇и (махаава. 33; сам̣. ни. 1.151) зд̇т̇а хи рааг̇о маанасам̣. ‘‘жид̇д̇ам̣ мано маанаса’’нд̇и (д̇ха. са. 65) зд̇т̇а жид̇д̇ам̣. ‘‘аббад̇д̇амаанасо сзгко, гаалам̣ гаяираа ж̇анзсуд̇аа’’д̇и (сам̣. ни. 1.159) зд̇т̇а арахад̇д̇ам̣. ид̇хааби арахад̇д̇амзва ад̇хиббзд̇ам̣. д̇зна аббад̇д̇аарахад̇д̇од̇и вуд̇д̇ам̣ ход̇и.

    Appattaṃ mānasaṃ etenāti appattamānaso. Mānasanti rāgopi cittampi arahattampi. ‘‘Antalikkhacaro pāso, yvāyaṃ carati mānaso’’ti (mahāva. 33; saṃ. ni. 1.151) ettha hi rāgo mānasaṃ. ‘‘Cittaṃ mano mānasa’’nti (dha. sa. 65) ettha cittaṃ. ‘‘Appattamānaso sekkho, kālaṃ kayirā janesutā’’ti (saṃ. ni. 1.159) ettha arahattaṃ. Idhāpi arahattameva adhippetaṃ. Tena appattārahattoti vuttaṃ hoti.

    ануд̇д̇аранд̇и сздтам̣, асад̣̇исанд̇и ад̇т̇о. жад̇уухи яог̇зхи кзмам̣ анануяуд̇д̇анд̇и яог̇агкзмам̣, арахад̇д̇амзва ад̇хиббзд̇ам̣. бад̇т̇аяамаанод̇и д̣̇вз бад̇т̇анаа д̇ан̣хаабад̇т̇анаа жа, чанд̣̇абад̇т̇анаа жа. ‘‘бад̇т̇аяамаанасса хи баж̇аббид̇аани, бавзд̇хид̇ам̣ вааби багаббид̇зсуу’’д̇и (су. ни. 908) зд̇т̇а д̇ан̣хаабад̇т̇анаа.

    Anuttaranti seṭṭhaṃ, asadisanti attho. Catūhi yogehi khemaṃ ananuyuttanti yogakkhemaṃ, arahattameva adhippetaṃ. Patthayamānoti dve patthanā taṇhāpatthanā ca, chandapatthanā ca. ‘‘Patthayamānassa hi pajappitāni, pavedhitaṃ vāpi pakappitesū’’ti (su. ni. 908) ettha taṇhāpatthanā.

    ‘‘чиннам̣ баабимад̇о сод̇ам̣, вид̣̇д̇хасд̇ам̣ винал̣ийгад̇ам̣;

    ‘‘Chinnaṃ pāpimato sotaṃ, viddhastaṃ vinaḷīkataṃ;

    баамож̇ж̇аб̣ахулаа хот̇а, кзмам̣ бад̇д̇ад̇т̇а бхигкаво’’д̇и. (ма. ни. 1.352) –

    Pāmojjabahulā hotha, khemaṃ pattattha bhikkhavo’’ti. (ma. ni. 1.352) –

    зд̇т̇а гад̇д̇угамяад̇аа гусалажчанд̣̇абад̇т̇анаа. аяамзва ид̇хаад̇хиббзд̇аа. д̇зна бад̇т̇аяамаанод̇и д̇ам̣ яог̇агкзмам̣ бад̇д̇угаамо ад̇хиг̇анд̇угаамо д̇аннинно д̇аббон̣о д̇аббаб̣бхаарод̇и взд̣̇ид̇аб̣б̣о. вихарад̇ийд̇и ан̃н̃ам̣ ирияаабат̇ад̣̇угкам̣ ан̃н̃зна ирияаабат̇зна вижчинд̣̇ид̇ваа абарибад̇анд̇ам̣ гааяам̣ харад̇и. ат̇а ваа ‘‘саб̣б̣з сан̇каараа анижжаад̇и ад̇химужжанд̇о сад̣̇д̇хааяа вихарад̇ий’’д̇иаад̣̇инааби нид̣̇д̣̇зсанаязнзд̇т̇а ад̇т̇о д̣̇адтаб̣б̣о. бат̇авим̣ бат̇авид̇о абхиж̇аанаад̇ийд̇и бат̇авим̣ бат̇авийбхаавзна абхиж̇аанаад̇и, на бут̇уж̇ж̇ано вияа саб̣б̣аагааравибарийд̇ааяа сан̃н̃ааяа сан̃ж̇аанаад̇и. абижа ко абхивисидтзна н̃аан̣зна ж̇аанаад̇и, звам̣ бат̇авийд̇и зд̇ам̣ бат̇авийбхаавам̣ ад̇химужжанд̇о зва нам̣ анижжаад̇иби д̣̇угкаад̇иби анад̇д̇аад̇иби звам̣ абхиж̇аанаад̇ийд̇и вуд̇д̇ам̣ ход̇и. зван̃жа нам̣ абхин̃н̃ад̇ваа бат̇авим̣ маа ман̃н̃ийд̇и вуд̇д̇ам̣ ход̇и. ман̃н̃ад̇ийд̇и ман̃н̃и. аяам̣ бана ман̃н̃ий жа на ман̃н̃ий жа на вад̇д̇аб̣б̣од̇и. зд̇асмин̃хи ад̇т̇з ид̣̇ам̣ бад̣̇ам̣ нибаад̇зд̇ваа вуд̇д̇анд̇и взд̣̇ид̇аб̣б̣ам̣. го банзд̇т̇а ад̇хиббааяод̇и. вужжад̇з, бут̇уж̇ж̇ано д̇аава саб̣б̣аман̃н̃анаанам̣ аббахийнад̇д̇аа ман̃н̃ад̇ийд̇и вуд̇д̇о. кийн̣аасаво бахийнад̇д̇аа на ман̃н̃ад̇ийд̇и. сзгкасса бана д̣̇идтиман̃н̃анаа бахийнаа, ид̇араа бана д̇анубхаавам̣ г̇ад̇аа, д̇зна со ман̃н̃ад̇ийд̇иби на вад̇д̇аб̣б̣о бут̇уж̇ж̇ано вияа, на ман̃н̃ад̇ийд̇иби на вад̇д̇аб̣б̣о кийн̣аасаво вияаад̇и.

    Ettha kattukamyatā kusalacchandapatthanā. Ayameva idhādhippetā. Tena patthayamānoti taṃ yogakkhemaṃ pattukāmo adhigantukāmo tanninno tappoṇo tappabbhāroti veditabbo. Viharatīti aññaṃ iriyāpathadukkhaṃ aññena iriyāpathena vicchinditvā aparipatantaṃ kāyaṃ harati. Atha vā ‘‘sabbe saṅkhārā aniccāti adhimuccanto saddhāya viharatī’’tiādināpi niddesanayenettha attho daṭṭhabbo. Pathaviṃ pathavito abhijānātīti pathaviṃ pathavībhāvena abhijānāti, na puthujjano viya sabbākāraviparītāya saññāya sañjānāti. Apica kho abhivisiṭṭhena ñāṇena jānāti, evaṃ pathavīti etaṃ pathavībhāvaṃ adhimuccanto eva naṃ aniccātipi dukkhātipi anattātipi evaṃ abhijānātīti vuttaṃ hoti. Evañca naṃ abhiññatvā pathaviṃ mā maññīti vuttaṃ hoti. Maññatīti maññi. Ayaṃ pana maññī ca na maññī ca na vattabboti. Etasmiñhi atthe idaṃ padaṃ nipātetvā vuttanti veditabbaṃ. Ko panettha adhippāyoti. Vuccate, puthujjano tāva sabbamaññanānaṃ appahīnattā maññatīti vutto. Khīṇāsavo pahīnattā na maññatīti. Sekkhassa pana diṭṭhimaññanā pahīnā, itarā pana tanubhāvaṃ gatā, tena so maññatītipi na vattabbo puthujjano viya, na maññatītipi na vattabbo khīṇāsavo viyāti.

    барин̃н̃зяяам̣ д̇ассаад̇и д̇асса сзгкасса д̇ам̣ ман̃н̃анаавад̇т̇у огганд̇анияаамад̇д̇аа самб̣од̇хибарааяан̣ад̇д̇аа жа д̇ийхи барин̃н̃аахи барин̃н̃зяяам̣, абарин̃н̃зяяан̃жа абарин̃н̃аад̇ан̃жа на ход̇и бут̇уж̇ж̇анасса вияа, ноби барин̃н̃аад̇ам̣ кийн̣аасавасса вияа. сзсам̣ саб̣б̣ад̇т̇а вуд̇д̇анаяамзва.

    Pariññeyyaṃ tassāti tassa sekkhassa taṃ maññanāvatthu okkantaniyāmattā sambodhiparāyaṇattā ca tīhi pariññāhi pariññeyyaṃ, apariññeyyañca apariññātañca na hoti puthujjanassa viya, nopi pariññātaṃ khīṇāsavassa viya. Sesaṃ sabbattha vuttanayameva.

    сзгкавасзна д̣̇уд̇ияанаяагат̇аа нидтид̇аа.

    Sekkhavasena dutiyanayakathā niṭṭhitā.

    кийн̣аасававаарад̇ад̇ияаад̣̇инаяаван̣н̣анаа

    Khīṇāsavavāratatiyādinayavaṇṇanā

    8. звам̣ бат̇авийаад̣̇ийсу вад̇т̇уусу сзгкасса бавад̇д̇им̣ д̣̇ассзд̇ваа ид̣̇аани кийн̣аасавасса бавад̇д̇им̣ д̣̇ассзнд̇о яоби со, бхигкавз, бхигку араханд̇иаад̣̇имааха. д̇ад̇т̇а яобийд̇и би-сад̣̇д̣̇о самбин̣д̣анад̇т̇о. д̇зна ид̇ха убхаяасабхааг̇ад̇ааби лаб̣бхад̇ийд̇и д̣̇ассзд̇и. сзгко хи кийн̣аасавзна арияабуг̇г̇алад̇д̇аа сабхааг̇о, д̇зна буг̇г̇аласабхааг̇ад̇аа лаб̣бхад̇и, аарамман̣асабхааг̇ад̇аа бана вуд̇д̇анаяаа зва. араханд̇и аарагагилзсо, д̣̇уурагилзсо бахийнагилзсод̇и ад̇т̇о. вуд̇д̇ан̃жзд̇ам̣ бхаг̇авад̇аа ‘‘гат̇ан̃жа , бхигкавз, бхигку арахам̣ ход̇и? аарагаасса хонд̇и баабагаа агусалаа д̇хаммаа сам̣гилзсигаа боноб̣бхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа. звам̣ ко, бхигкавз, бхигку арахам̣ ход̇ий’’д̇и. (ма. ни. 1.434) кийн̣аасавод̇и жад̇д̇ааро аасаваа гаамаасаво…бз… авиж̇ж̇аасаво, имз жад̇д̇ааро аасаваа арахад̇о кийн̣аа бахийнаа самужчиннаа бадиббассад̣̇д̇хаа, абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, д̇зна вужжад̇и кийн̣аасавод̇и.

    8. Evaṃ pathavīādīsu vatthūsu sekkhassa pavattiṃ dassetvā idāni khīṇāsavassa pavattiṃ dassento yopi so, bhikkhave, bhikkhu arahantiādimāha. Tattha yopīti pi-saddo sampiṇḍanattho. Tena idha ubhayasabhāgatāpi labbhatīti dasseti. Sekkho hi khīṇāsavena ariyapuggalattā sabhāgo, tena puggalasabhāgatā labbhati, ārammaṇasabhāgatā pana vuttanayā eva. Arahanti ārakakileso, dūrakileso pahīnakilesoti attho. Vuttañcetaṃ bhagavatā ‘‘kathañca , bhikkhave, bhikkhu arahaṃ hoti? Ārakāssa honti pāpakā akusalā dhammā saṃkilesikā ponobbhavikā sadarā dukkhavipākā āyatiṃ jātijarāmaraṇiyā. Evaṃ kho, bhikkhave, bhikkhu arahaṃ hotī’’ti. (Ma. ni. 1.434) khīṇāsavoti cattāro āsavā kāmāsavo…pe… avijjāsavo, ime cattāro āsavā arahato khīṇā pahīnā samucchinnā paṭippassaddhā, abhabbuppattikā ñāṇagginā daḍḍhā, tena vuccati khīṇāsavoti.

    вусид̇аваад̇и г̇арусам̣ваасзби арияамаг̇г̇асам̣ваасзби д̣̇асасу арияаваасзсуби васи бариваси вуд̇т̇о баривуд̇т̇о, со вуд̇т̇аваасо жин̣н̣ажаран̣од̇и вусид̇аваа гад̇агаран̣ийяод̇и бут̇уж̇ж̇анагаляаан̣агам̣ убаад̣̇ааяа сад̇д̇а сзгкаа жад̇уухи маг̇г̇зхи гаран̣ийяам̣ гаронд̇и наама, кийн̣аасавасса саб̣б̣агаран̣ийяаани гад̇аани барияосид̇аани, над̇т̇и д̇асса уд̇д̇ари гаран̣ийяам̣ д̣̇угкагкаяаад̇хиг̇амааяаад̇и гад̇агаран̣ийяо. вуд̇д̇амби хзд̇ам̣ –

    Vusitavāti garusaṃvāsepi ariyamaggasaṃvāsepi dasasu ariyavāsesupi vasi parivasi vuttho parivuttho, so vutthavāso ciṇṇacaraṇoti vusitavā katakaraṇīyoti puthujjanakalyāṇakaṃ upādāya satta sekkhā catūhi maggehi karaṇīyaṃ karonti nāma, khīṇāsavassa sabbakaraṇīyāni katāni pariyositāni, natthi tassa uttari karaṇīyaṃ dukkhakkhayādhigamāyāti katakaraṇīyo. Vuttampi hetaṃ –

    ‘‘д̇асса саммаа вимуд̇д̇асса, санд̇ажид̇д̇асса бхигкуно;

    ‘‘Tassa sammā vimuttassa, santacittassa bhikkhuno;

    гад̇асса бадижаяо над̇т̇и, гаран̣ийяам̣ на виж̇ж̇ад̇ий’’д̇и. (т̇зраг̇аа. 642);

    Katassa paṭicayo natthi, karaṇīyaṃ na vijjatī’’ti. (theragā. 642);

    охид̇абхаарод̇и д̇аяо бхаараа канд̇хабхааро гилзсабхааро абхисан̇каарабхаарод̇и, д̇ассимз д̇аяо бхаараа охид̇аа оробид̇аа нигкид̇д̇аа баад̇ид̇аа, д̇зна вужжад̇и охид̇абхаарод̇и. ануббад̇д̇асад̣̇ад̇т̇од̇и ануббад̇д̇о сад̣̇ад̇т̇ам̣, сагад̇т̇анд̇и вуд̇д̇ам̣ ход̇и. гагаарассааяам̣ д̣̇агааро гад̇о, сад̣̇ад̇т̇од̇и жа арахад̇д̇ам̣ взд̣̇ид̇аб̣б̣ам̣. д̇ан̃хи ад̇д̇убаниб̣анд̇ханадтзна ад̇д̇аанам̣ авиж̇аханадтзна ад̇д̇ано барамад̇т̇адтзна жа ад̇д̇ано ад̇т̇о сагад̇т̇од̇и вужжад̇и.

    Ohitabhāroti tayo bhārā khandhabhāro kilesabhāro abhisaṅkhārabhāroti, tassime tayo bhārā ohitā oropitā nikkhittā pātitā, tena vuccati ohitabhāroti. Anuppattasadatthoti anuppatto sadatthaṃ, sakatthanti vuttaṃ hoti. Kakārassāyaṃ dakāro kato, sadatthoti ca arahattaṃ veditabbaṃ. Tañhi attupanibandhanaṭṭhena attānaṃ avijahanaṭṭhena attano paramatthaṭṭhena ca attano attho sakatthoti vuccati.

    баригкийн̣абхавасам̣яож̇анод̇и бхавасам̣яож̇анаанийд̇и д̣̇аса сам̣яож̇анаани гаамарааг̇асам̣яож̇анам̣ бадигхамаанад̣̇идтивижигижчаасийлаб̣б̣ад̇абараамаасабхаварааг̇аиссаамажчарияасам̣яож̇анам̣ авиж̇ж̇аасам̣яож̇анам̣. имаани хи сад̇д̇з бхавзсу сам̣яож̇знд̇и убаниб̣анд̇ханд̇и, бхавам̣ ваа бхавзна сам̣яож̇знд̇и, д̇асмаа ‘‘бхавасам̣яож̇анааний’’д̇и вужжанд̇и. имаани бхавасам̣яож̇анаани арахад̇о баригкийн̣аани бахийнаани н̃аан̣аг̇г̇инаа д̣̇ад̣дхаани, д̇зна вужжад̇и ‘‘баригкийн̣абхавасам̣яож̇ано’’д̇и. саммад̣̇ан̃н̃аа вимуд̇д̇од̇и зд̇т̇а саммад̣̇ан̃н̃аад̇и саммаа ан̃н̃ааяа. гим̣ вуд̇д̇ам̣ ход̇и – канд̇хаанам̣ канд̇хадтам̣, ааяад̇анаанам̣ ааяад̇анадтам̣, д̇хаад̇уунам̣ д̇хаад̇удтам̣, д̣̇угкасса бийл̣анадтам̣, самуд̣̇аяасса бабхавадтам̣, нирод̇хасса санд̇адтам̣, маг̇г̇асса д̣̇ассанадтам̣, саб̣б̣з сан̇каараа анижжаад̇и звамаад̣̇им̣ ваа бхзд̣̇ам̣ саммаа яат̇аабхууд̇ам̣ ан̃н̃ааяа ж̇аанид̇ваа д̇ийраяид̇ваа д̇улаяид̇ваа вибхаавзд̇ваа вибхууд̇ам̣ гад̇ваад̇и.

    Parikkhīṇabhavasaṃyojanoti bhavasaṃyojanānīti dasa saṃyojanāni kāmarāgasaṃyojanaṃ paṭighamānadiṭṭhivicikicchāsīlabbataparāmāsabhavarāgaissāmacchariyasaṃyojanaṃ avijjāsaṃyojanaṃ. Imāni hi satte bhavesu saṃyojenti upanibandhanti, bhavaṃ vā bhavena saṃyojenti, tasmā ‘‘bhavasaṃyojanānī’’ti vuccanti. Imāni bhavasaṃyojanāni arahato parikkhīṇāni pahīnāni ñāṇagginā daḍḍhāni, tena vuccati ‘‘parikkhīṇabhavasaṃyojano’’ti. Sammadaññā vimuttoti ettha sammadaññāti sammā aññāya. Kiṃ vuttaṃ hoti – khandhānaṃ khandhaṭṭhaṃ, āyatanānaṃ āyatanaṭṭhaṃ, dhātūnaṃ dhātuṭṭhaṃ, dukkhassa pīḷanaṭṭhaṃ, samudayassa pabhavaṭṭhaṃ, nirodhassa santaṭṭhaṃ, maggassa dassanaṭṭhaṃ, sabbe saṅkhārā aniccāti evamādiṃ vā bhedaṃ sammā yathābhūtaṃ aññāya jānitvā tīrayitvā tulayitvā vibhāvetvā vibhūtaṃ katvāti.

    вимуд̇д̇од̇и д̣̇вз вимуд̇д̇ияо жид̇д̇асса жа вимуд̇д̇и ниб̣б̣аанан̃жа. арахаа саб̣б̣агилзсзхи вимуд̇д̇ажид̇д̇ад̇д̇аа жид̇д̇авимуд̇д̇ияааби вимуд̇д̇о. ниб̣б̣аанам̣ ад̇химуд̇д̇ад̇д̇аа ниб̣б̣аанзби вимуд̇д̇о. д̇зна вужжад̇и ‘‘саммад̣̇ан̃н̃аа вимуд̇д̇о’’д̇и. барин̃н̃аад̇ам̣ д̇ассаад̇и д̇асса арахад̇о д̇ам̣ ман̃н̃анаавад̇т̇у д̇ийхи барин̃н̃аахи барин̃н̃аад̇ам̣. д̇асмаа со д̇ам̣ вад̇т̇ум̣ на ман̃н̃ад̇и, д̇ам̣ ваа ман̃н̃анам̣ на ман̃н̃ад̇ийд̇и вуд̇д̇ам̣ ход̇и, сзсам̣ вуд̇д̇анаяамзва.

    Vimuttoti dve vimuttiyo cittassa ca vimutti nibbānañca. Arahā sabbakilesehi vimuttacittattā cittavimuttiyāpi vimutto. Nibbānaṃ adhimuttattā nibbānepi vimutto. Tena vuccati ‘‘sammadaññā vimutto’’ti. Pariññātaṃ tassāti tassa arahato taṃ maññanāvatthu tīhi pariññāhi pariññātaṃ. Tasmā so taṃ vatthuṃ na maññati, taṃ vā maññanaṃ na maññatīti vuttaṃ hoti, sesaṃ vuttanayameva.

    ниб̣б̣аанаваарз бана каяаа рааг̇ассаад̇иаад̣̇аяо д̇аяо ваараа вуд̇д̇аа. д̇з бат̇авийваараад̣̇ийсуби вид̇т̇аарзд̇аб̣б̣аа. аяан̃жа барин̃н̃аад̇авааро ниб̣б̣аанаваарзби вид̇т̇аарзд̇аб̣б̣о. вид̇т̇аарзнд̇зна жа барин̃н̃аад̇ам̣ д̇ассаад̇и саб̣б̣абад̣̇зхи яож̇зд̇ваа буна каяаа рааг̇асса вийд̇арааг̇ад̇д̇аад̇и яож̇зд̇аб̣б̣ам̣. зса наяо ид̇арзсу. д̣̇зсанаа бана згад̇т̇а вуд̇д̇ам̣ саб̣б̣ад̇т̇а вуд̇д̇амзва ход̇ийд̇и сам̣кид̇д̇аа.

    Nibbānavāre pana khayā rāgassātiādayo tayo vārā vuttā. Te pathavīvārādīsupi vitthāretabbā. Ayañca pariññātavāro nibbānavārepi vitthāretabbo. Vitthārentena ca pariññātaṃ tassāti sabbapadehi yojetvā puna khayā rāgassa vītarāgattāti yojetabbaṃ. Esa nayo itaresu. Desanā pana ekattha vuttaṃ sabbattha vuttameva hotīti saṃkhittā.

    каяаа рааг̇асса вийд̇арааг̇ад̇д̇аад̇и зд̇т̇а жа яасмаа б̣аахираго гаамзсу вийд̇арааг̇о, на каяаа рааг̇асса вийд̇арааг̇о. арахаа бана каяаа язва, д̇асмаа вуд̇д̇ам̣ ‘‘каяаа рааг̇асса вийд̇арааг̇ад̇д̇аа’’д̇и. зса наяо д̣̇осамохзсуби. яат̇аа жа ‘‘барин̃н̃аад̇ам̣ д̇ассаад̇и вад̣̇аамий’’д̇и вуд̇д̇зби барин̃н̃аад̇ад̇д̇аа со д̇ам̣ вад̇т̇ум̣ д̇ам̣ ваа ман̃н̃анам̣ на ман̃н̃ад̇ийд̇и ад̇т̇о ход̇и, звамид̇хааби вийд̇арааг̇ад̇д̇аа со д̇ам̣ вад̇т̇ум̣ д̇ам̣ ваа ман̃н̃анам̣ на ман̃н̃ад̇ийд̇и д̣̇адтаб̣б̣о.

    Khayā rāgassa vītarāgattāti ettha ca yasmā bāhirako kāmesu vītarāgo, na khayā rāgassa vītarāgo. Arahā pana khayā yeva, tasmā vuttaṃ ‘‘khayā rāgassa vītarāgattā’’ti. Esa nayo dosamohesupi. Yathā ca ‘‘pariññātaṃ tassāti vadāmī’’ti vuttepi pariññātattā so taṃ vatthuṃ taṃ vā maññanaṃ na maññatīti attho hoti, evamidhāpi vītarāgattā so taṃ vatthuṃ taṃ vā maññanaṃ na maññatīti daṭṭhabbo.

    зд̇т̇а жа барин̃н̃аад̇ам̣ д̇ассаад̇и аяам̣ вааро маг̇г̇абхааванаабаарибуурид̣̇ассанад̇т̇ам̣ вуд̇д̇о. ид̇арз бана паласажчигирияаабаарибуурид̣̇ассанад̇т̇анд̇и взд̣̇ид̇аб̣б̣аа. д̣̇вийхи ваа гааран̣зхи арахаа на ман̃н̃ад̇и вад̇т̇усса жа барин̃н̃аад̇ад̇д̇аа агусаламуулаанан̃жа самужчиннад̇д̇аа. д̇знасса барин̃н̃аад̇аваарзна вад̇т̇уно вад̇т̇убарин̃н̃ам̣ д̣̇ийбзд̇и, ид̇арзхи агусаламууласамужчзд̣̇анд̇и. д̇ад̇т̇а бажчимзсу д̇ийсу ваарзсу аяам̣ висзсо взд̣̇ид̇аб̣б̣о, д̇ийсу хи ваарзсу рааг̇з аад̣̇ийнавам̣ д̣̇исваа д̣̇угкаанубассий вихаранд̇о аббан̣ихид̇авимогкзна вимуд̇д̇о каяаа рааг̇асса вийд̇арааг̇о ход̇и. д̣̇осз аад̣̇ийнавам̣ д̣̇исваа анижжаанубассий вихаранд̇о анимид̇д̇авимогкзна вимуд̇д̇о каяаа д̣̇осасса вийд̇ад̣̇осо ход̇и. мохз аад̣̇ийнавам̣ д̣̇исваа анад̇д̇аанубассий вихаранд̇о сун̃н̃ад̇авимогкзна вимуд̇д̇о каяаа мохасса вийд̇амохо ход̇ийд̇и.

    Ettha ca pariññātaṃ tassāti ayaṃ vāro maggabhāvanāpāripūridassanatthaṃ vutto. Itare pana phalasacchikiriyāpāripūridassanatthanti veditabbā. Dvīhi vā kāraṇehi arahā na maññati vatthussa ca pariññātattā akusalamūlānañca samucchinnattā. Tenassa pariññātavārena vatthuno vatthupariññaṃ dīpeti, itarehi akusalamūlasamucchedanti. Tattha pacchimesu tīsu vāresu ayaṃ viseso veditabbo, tīsu hi vāresu rāge ādīnavaṃ disvā dukkhānupassī viharanto appaṇihitavimokkhena vimutto khayā rāgassa vītarāgo hoti. Dose ādīnavaṃ disvā aniccānupassī viharanto animittavimokkhena vimutto khayā dosassa vītadoso hoti. Mohe ādīnavaṃ disvā anattānupassī viharanto suññatavimokkhena vimutto khayā mohassa vītamoho hotīti.

    звам̣ санд̇з на зго д̇ийхи вимогкзхи вимужжад̇ийд̇и д̣̇вз ваараа на вад̇д̇аб̣б̣аа сияунд̇и жз, д̇ам̣ на. гасмаа? анияамид̇ад̇д̇аа. анияамзна хи вуд̇д̇ам̣ ‘‘яоби со, бхигкавз, бхигку араха’’нд̇и. на бана вуд̇д̇ам̣ аббан̣ихид̇авимогкзна ваа вимуд̇д̇о, ид̇арзна ваад̇и, д̇асмаа яам̣ арахад̇о яуж̇ж̇ад̇и, д̇ам̣ саб̣б̣ам̣ вад̇д̇аб̣б̣амзваад̇и.

    Evaṃ sante na eko tīhi vimokkhehi vimuccatīti dve vārā na vattabbā siyunti ce, taṃ na. Kasmā? Aniyamitattā. Aniyamena hi vuttaṃ ‘‘yopi so, bhikkhave, bhikkhu araha’’nti. Na pana vuttaṃ appaṇihitavimokkhena vā vimutto, itarena vāti, tasmā yaṃ arahato yujjati, taṃ sabbaṃ vattabbamevāti.

    ависзсзна ваа яо гожи арахаа самаанзби рааг̇аад̣̇игкаяз вибарин̣аамад̣̇угкасса барин̃н̃аад̇ад̇д̇аа каяаа рааг̇асса вийд̇арааг̇од̇и вужжад̇и, д̣̇угкад̣̇угкасса барин̃н̃аад̇ад̇д̇аа каяаа д̣̇осасса вийд̇ад̣̇осод̇и. сан̇каарад̣̇угкасса барин̃н̃аад̇ад̇д̇аа каяаа мохасса вийд̇амоход̇и. идтаарамман̣асса ваа барин̃н̃аад̇ад̇д̇аа каяаа рааг̇асса вийд̇арааг̇о. анидтаарамман̣асса барин̃н̃аад̇ад̇д̇аа каяаа д̣̇осасса вийд̇ад̣̇осо. маж̇жхад̇д̇аарамман̣асса барин̃н̃аад̇ад̇д̇аа каяаа мохасса вийд̇амохо. сукааяа ваа взд̣̇анааяа рааг̇аанусаяасса самужчиннад̇д̇аа каяаа рааг̇асса вийд̇арааг̇о, ид̇араасу бадигхамохаанусаяаанам̣ самужчиннад̇д̇аа вийд̇ад̣̇осо вийд̇амохо жаад̇и. д̇асмаа д̇ам̣ висзсам̣ д̣̇ассзнд̇о ааха ‘‘каяаа рааг̇асса вийд̇арааг̇ад̇д̇аа…бз… вийд̇амохад̇д̇аа’’д̇и.

    Avisesena vā yo koci arahā samānepi rāgādikkhaye vipariṇāmadukkhassa pariññātattā khayā rāgassa vītarāgoti vuccati, dukkhadukkhassa pariññātattā khayā dosassa vītadosoti. Saṅkhāradukkhassa pariññātattā khayā mohassa vītamohoti. Iṭṭhārammaṇassa vā pariññātattā khayā rāgassa vītarāgo. Aniṭṭhārammaṇassa pariññātattā khayā dosassa vītadoso. Majjhattārammaṇassa pariññātattā khayā mohassa vītamoho. Sukhāya vā vedanāya rāgānusayassa samucchinnattā khayā rāgassa vītarāgo, itarāsu paṭighamohānusayānaṃ samucchinnattā vītadoso vītamoho cāti. Tasmā taṃ visesaṃ dassento āha ‘‘khayā rāgassa vītarāgattā…pe… vītamohattā’’ti.

    кийн̣аасававасзна д̇ад̇ияажад̇уд̇т̇абан̃жамачадтанаяагат̇аа нидтид̇аа.

    Khīṇāsavavasena tatiyacatutthapañcamachaṭṭhanayakathā niṭṭhitā.

    д̇ат̇ааг̇ад̇аваарасад̇д̇аманаяаван̣н̣анаа

    Tathāgatavārasattamanayavaṇṇanā

    12. звам̣ бат̇авийаад̣̇ийсу вад̇т̇уусу кийн̣аасавасса бавад̇д̇им̣ д̣̇ассзд̇ваа ид̣̇аани ад̇д̇ано бавад̇д̇им̣ д̣̇ассзнд̇о д̇ат̇ааг̇ад̇оби, бхигкавзд̇иаад̣̇имааха. д̇ад̇т̇а д̇ат̇ааг̇ад̇од̇и адтахи гааран̣зхи бхаг̇аваа д̇ат̇ааг̇ад̇од̇и вужжад̇и – д̇ат̇аа ааг̇ад̇од̇и д̇ат̇ааг̇ад̇о, д̇ат̇аа г̇ад̇од̇и д̇ат̇ааг̇ад̇о, д̇ат̇алагкан̣ам̣ ааг̇ад̇од̇и д̇ат̇ааг̇ад̇о, д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о, д̇ат̇ад̣̇ассид̇ааяа д̇ат̇ааг̇ад̇о, д̇ат̇ааваад̣̇ид̇ааяа д̇ат̇ааг̇ад̇о, д̇ат̇аагаарид̇ааяа д̇ат̇ааг̇ад̇о, абхибхаванадтзна д̇ат̇ааг̇ад̇од̇и.

    12. Evaṃ pathavīādīsu vatthūsu khīṇāsavassa pavattiṃ dassetvā idāni attano pavattiṃ dassento tathāgatopi, bhikkhavetiādimāha. Tattha tathāgatoti aṭṭhahi kāraṇehi bhagavā tathāgatoti vuccati – tathā āgatoti tathāgato, tathā gatoti tathāgato, tathalakkhaṇaṃ āgatoti tathāgato, tathadhamme yāthāvato abhisambuddhoti tathāgato, tathadassitāya tathāgato, tathāvāditāya tathāgato, tathākāritāya tathāgato, abhibhavanaṭṭhena tathāgatoti.

    гат̇ам̣ бхаг̇аваа д̇ат̇аа ааг̇ад̇од̇и д̇ат̇ааг̇ад̇о? яат̇аа саб̣б̣алогахид̇ааяа уссуггамаабаннаа буримагаа саммаасамб̣уд̣̇д̇хаа ааг̇ад̇аа, яат̇аа вибассий бхаг̇аваа ааг̇ад̇о, яат̇аа сикий бхаг̇аваа, яат̇аа взссабхуу бхаг̇аваа, яат̇аа гагусанд̇хо бхаг̇аваа, яат̇аа гон̣ааг̇амано бхаг̇аваа, яат̇аа гассабо бхаг̇аваа ааг̇ад̇од̇и. гим̣ вуд̇д̇ам̣ ход̇и? язна абхинийхаарзна зд̇з бхаг̇аванд̇о ааг̇ад̇аа, д̇знзва амхаагамби бхаг̇аваа ааг̇ад̇о.

    Kathaṃ bhagavā tathā āgatoti tathāgato? Yathā sabbalokahitāya ussukkamāpannā purimakā sammāsambuddhā āgatā, yathā vipassī bhagavā āgato, yathā sikhī bhagavā, yathā vessabhū bhagavā, yathā kakusandho bhagavā, yathā koṇāgamano bhagavā, yathā kassapo bhagavā āgatoti. Kiṃ vuttaṃ hoti? Yena abhinīhārena ete bhagavanto āgatā, teneva amhākampi bhagavā āgato.

    ат̇а ваа яат̇аа вибассий бхаг̇аваа…бз… яат̇аа гассабо бхаг̇аваа д̣̇аанабаарамим̣ буурзд̇ваа, сийланзгкаммабан̃н̃аавийрияаканд̇исажжаад̇хидтаанамзд̇д̇ааубзгкаабаарамим̣ буурзд̇ваа, имаа д̣̇аса баарамияо, д̣̇аса убабаарамияо, д̣̇аса барамад̇т̇абаарамияод̇и, самад̇им̣са баарамияо буурзд̇ваа, ан̇г̇абарижжааг̇ам̣ наяанад̇ханараж̇ж̇абуд̇д̇ад̣̇аарабарижжааг̇анд̇и имз бан̃жа махаабарижжааг̇з барижжаж̇ид̇ваа буб̣б̣аяог̇абуб̣б̣ажарияад̇хаммагкаанан̃аад̇ад̇т̇ажарияаад̣̇аяо буурзд̇ваа, б̣уд̣̇д̇хижарияааяа годим̣ бад̇ваа ааг̇ад̇о, д̇ат̇аа амхаагамби бхаг̇аваа ааг̇ад̇о.

    Atha vā yathā vipassī bhagavā…pe… yathā kassapo bhagavā dānapāramiṃ pūretvā, sīlanekkhammapaññāvīriyakhantisaccaadhiṭṭhānamettāupekkhāpāramiṃ pūretvā, imā dasa pāramiyo, dasa upapāramiyo, dasa paramatthapāramiyoti, samatiṃsa pāramiyo pūretvā, aṅgapariccāgaṃ nayanadhanarajjaputtadārapariccāganti ime pañca mahāpariccāge pariccajitvā pubbayogapubbacariyadhammakkhānañātatthacariyādayo pūretvā, buddhicariyāya koṭiṃ patvā āgato, tathā amhākampi bhagavā āgato.

    яат̇аа жа вибассий бхаг̇аваа…бз… яат̇аа гассабо бхаг̇аваа жад̇д̇ааро сад̇ибадтаанз саммаббад̇хаанз ид̣̇д̇хибаад̣̇з бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇з арияам̣ адтан̇г̇игам̣ маг̇г̇ам̣ бхаавзд̇ваа б̣руухзд̇ваа ааг̇ад̇о, д̇ат̇аа амхаагам̣ бхаг̇авааби ааг̇ад̇од̇и д̇ат̇ааг̇ад̇о.

    Yathā ca vipassī bhagavā…pe… yathā kassapo bhagavā cattāro satipaṭṭhāne sammappadhāne iddhipāde pañcindriyāni pañca balāni satta bojjhaṅge ariyaṃ aṭṭhaṅgikaṃ maggaṃ bhāvetvā brūhetvā āgato, tathā amhākaṃ bhagavāpi āgatoti tathāgato.

    яат̇зва логамхи вибассиаад̣̇аяо,

    Yatheva lokamhi vipassiādayo,

    саб̣б̣ан̃н̃убхаавам̣ мунаяо ид̇хааг̇ад̇аа;

    Sabbaññubhāvaṃ munayo idhāgatā;

    д̇ат̇аа аяам̣ сагяамунийби ааг̇ад̇о,

    Tathā ayaṃ sakyamunīpi āgato,

    д̇ат̇ааг̇ад̇о вужжад̇и д̇зна жагкумаад̇и.

    Tathāgato vuccati tena cakkhumāti.

    звам̣ д̇ат̇аа ааг̇ад̇од̇и д̇ат̇ааг̇ад̇о.

    Evaṃ tathā āgatoti tathāgato.

    гат̇ам̣ д̇ат̇аа г̇ад̇од̇и д̇ат̇ааг̇ад̇о. яат̇аа самбад̇иж̇аад̇о вибассий бхаг̇аваа г̇ад̇о…бз… гассабо бхаг̇аваа г̇ад̇о. гат̇ан̃жа со г̇ад̇од̇и, со хи самбад̇иж̇аад̇ова самзхи баад̣̇зхи бат̇авияам̣ бад̇идтааяа уд̇д̇араабхимуко сад̇д̇абад̣̇авийд̇ихаарзна г̇ад̇о. яат̇ааха – самбад̇иж̇аад̇о, аананд̣̇а, б̣од̇хисад̇д̇о самзхи баад̣̇зхи бат̇авияам̣ бад̇идтахид̇ваа уд̇д̇араабхимуко сад̇д̇абад̣̇авийд̇ихаарзна г̇ажчад̇и сзд̇амхи чад̇д̇з ануд̇хаарийяамаанз, саб̣б̣аа жа д̣̇исаа анувилогзд̇и, аасабхин̃жа ваажам̣ бхаасад̇и ‘‘аг̇г̇охамасми логасса, ж̇здтохамасми логасса, сздтохамасми логасса, аяаманд̇имаа ж̇аад̇и, над̇т̇и д̣̇аани бунаб̣бхаво’’д̇и (ма. ни. 3.207).

    Kathaṃ tathā gatoti tathāgato. Yathā sampatijāto vipassī bhagavā gato…pe… kassapo bhagavā gato. Kathañca so gatoti, so hi sampatijātova samehi pādehi pathaviyaṃ patiṭṭhāya uttarābhimukho sattapadavītihārena gato. Yathāha – sampatijāto, ānanda, bodhisatto samehi pādehi pathaviyaṃ patiṭṭhahitvā uttarābhimukho sattapadavītihārena gacchati setamhi chatte anudhārīyamāne, sabbā ca disā anuviloketi, āsabhiñca vācaṃ bhāsati ‘‘aggohamasmi lokassa, jeṭṭhohamasmi lokassa, seṭṭhohamasmi lokassa, ayamantimā jāti, natthi dāni punabbhavo’’ti (ma. ni. 3.207).

    д̇ан̃жасса г̇аманам̣ д̇ат̇ам̣ ахоси авид̇ат̇ам̣ анзгзсам̣ висзсаад̇хиг̇амаанам̣ буб̣б̣анимид̇д̇абхаавзна. яан̃хи со самбад̇иж̇аад̇ова самзхи баад̣̇зхи бад̇идтахи, ид̣̇амасса жад̇урид̣̇д̇хибаад̣̇абадилаабхасса буб̣б̣анимид̇д̇ам̣. уд̇д̇араабхимукабхааво бана саб̣б̣алогуд̇д̇арабхаавасса буб̣б̣анимид̇д̇ам̣. сад̇д̇абад̣̇авийд̇ихааро сад̇д̇аб̣ож̇жхан̇г̇арад̇анабадилаабхасса. ‘‘суван̣н̣ад̣̇ан̣д̣аа вийд̇ибад̇анд̇и жаамараа’’д̇и (су. ни. 693) зд̇т̇а вуд̇д̇о жаамаругкзбо саб̣б̣ад̇ид̇т̇ияаниммат̇анасса. сзд̇ажчад̇д̇ад̇хааран̣ам̣ арахад̇д̇авимуд̇д̇иваравималасзд̇ажчад̇д̇абадилаабхасса. саб̣б̣ад̣̇исаанувилоганам̣ саб̣б̣ан̃н̃уд̇аанааваран̣ан̃аан̣абадилаабхасса. аасабхийваажаабхаасанам̣ аббадивад̇д̇ияаварад̇хаммажаггаббавад̇д̇анасса буб̣б̣анимид̇д̇ам̣. д̇ат̇аа аяам̣ бхаг̇авааби г̇ад̇о. д̇ан̃жасса г̇аманам̣ д̇ат̇ам̣ ахоси авид̇ат̇ам̣ д̇зсан̃н̃зва висзсаад̇хиг̇амаанам̣ буб̣б̣анимид̇д̇абхаавзна. д̇знааху бораан̣аа –

    Tañcassa gamanaṃ tathaṃ ahosi avitathaṃ anekesaṃ visesādhigamānaṃ pubbanimittabhāvena. Yañhi so sampatijātova samehi pādehi patiṭṭhahi, idamassa caturiddhipādapaṭilābhassa pubbanimittaṃ. Uttarābhimukhabhāvo pana sabbalokuttarabhāvassa pubbanimittaṃ. Sattapadavītihāro sattabojjhaṅgaratanapaṭilābhassa. ‘‘Suvaṇṇadaṇḍā vītipatanti cāmarā’’ti (su. ni. 693) ettha vutto cāmarukkhepo sabbatitthiyanimmathanassa. Setacchattadhāraṇaṃ arahattavimuttivaravimalasetacchattapaṭilābhassa. Sabbadisānuvilokanaṃ sabbaññutānāvaraṇañāṇapaṭilābhassa. Āsabhīvācābhāsanaṃ appaṭivattiyavaradhammacakkappavattanassa pubbanimittaṃ. Tathā ayaṃ bhagavāpi gato. Tañcassa gamanaṃ tathaṃ ahosi avitathaṃ tesaññeva visesādhigamānaṃ pubbanimittabhāvena. Tenāhu porāṇā –

    ‘‘мухуд̇д̇аж̇аад̇ова г̇авамбад̇ий яат̇аа,

    ‘‘Muhuttajātova gavampatī yathā,

    самзхи баад̣̇зхи пусий васунд̇харам̣;

    Samehi pādehi phusī vasundharaṃ;

    со виггамий сад̇д̇а бад̣̇аани г̇од̇амо,

    So vikkamī satta padāni gotamo,

    сзд̇ан̃жа чад̇д̇ам̣ ануд̇хаараяум̣ маруу.

    Setañca chattaṃ anudhārayuṃ marū.

    г̇анд̇ваана со сад̇д̇а бад̣̇аани г̇од̇амо,

    Gantvāna so satta padāni gotamo,

    д̣̇исаа вилогзси самаа саманд̇ад̇о;

    Disā vilokesi samā samantato;

    адтан̇г̇убзд̇ам̣ г̇ирамаб̣бхуд̣̇ийраяий,

    Aṭṭhaṅgupetaṃ giramabbhudīrayī,

    сийхо яат̇аа баб̣б̣ад̇амуд̣̇д̇ханидтид̇о’’д̇и. –

    Sīho yathā pabbatamuddhaniṭṭhito’’ti. –

    звам̣ д̇ат̇аа г̇ад̇од̇и д̇ат̇ааг̇ад̇о.

    Evaṃ tathā gatoti tathāgato.

    ат̇а ваа яат̇аа вибассий бхаг̇аваа…бз… яат̇аа гассабо бхаг̇аваа, аяамби бхаг̇аваа д̇ат̇зва нзгкаммзна гаамажчанд̣̇ам̣ бахааяа г̇ад̇о. аб̣яаабаад̣̇зна б̣яаабаад̣̇ам̣, аалогасан̃н̃ааяа т̇инамид̣̇д̇хам̣, авигкзбзна уд̣̇д̇хажжагуггужжам̣, д̇хаммававад̇т̇аанзна вижигижчам̣ бахааяа, н̃аан̣зна авиж̇ж̇ам̣ бад̣̇аалзд̇ваа, баамож̇ж̇зна арад̇им̣ винод̣̇зд̇ваа, батамаж̇жхаанзна нийваран̣агаваадам̣ уг̇гхаадзд̇ваа, д̣̇уд̇ияаж̇жхаанзна вид̇аггавижаарад̇хуумам̣ вуубасамзд̇ваа, д̇ад̇ияаж̇жхаанзна бийд̇им̣ вирааж̇зд̇ваа, жад̇уд̇т̇аж̇жхаанзна сукад̣̇угкам̣ бахааяа, аагаасаанан̃жааяад̇анасамаабад̇д̇ияаа руубасан̃н̃аабадигхасан̃н̃аанаанад̇д̇асан̃н̃ааяо самад̇иггамид̇ваа, вин̃н̃аан̣ан̃жааяад̇анасамаабад̇д̇ияаа аагаасаанан̃жааяад̇анасан̃н̃ам̣, аагин̃жан̃н̃ааяад̇анасамаабад̇д̇ияаа вин̃н̃аан̣ан̃жааяад̇анасан̃н̃ам̣, нзвасан̃н̃аанаасан̃н̃ааяад̇анасамаабад̇д̇ияаа аагин̃жан̃н̃ааяад̇анасан̃н̃ам̣ самад̇иггамид̇ваа г̇ад̇о.

    Atha vā yathā vipassī bhagavā…pe… yathā kassapo bhagavā, ayampi bhagavā tatheva nekkhammena kāmacchandaṃ pahāya gato. Abyāpādena byāpādaṃ, ālokasaññāya thinamiddhaṃ, avikkhepena uddhaccakukkuccaṃ, dhammavavatthānena vicikicchaṃ pahāya, ñāṇena avijjaṃ padāletvā, pāmojjena aratiṃ vinodetvā, paṭhamajjhānena nīvaraṇakavāṭaṃ ugghāṭetvā, dutiyajjhānena vitakkavicāradhūmaṃ vūpasametvā, tatiyajjhānena pītiṃ virājetvā, catutthajjhānena sukhadukkhaṃ pahāya, ākāsānañcāyatanasamāpattiyā rūpasaññāpaṭighasaññānānattasaññāyo samatikkamitvā, viññāṇañcāyatanasamāpattiyā ākāsānañcāyatanasaññaṃ, ākiñcaññāyatanasamāpattiyā viññāṇañcāyatanasaññaṃ, nevasaññānāsaññāyatanasamāpattiyā ākiñcaññāyatanasaññaṃ samatikkamitvā gato.

    анижжаанубассанааяа нижжасан̃н̃ам̣ бахааяа, д̣̇угкаанубассанааяа сукасан̃н̃ам̣, анад̇д̇аанубассанааяа ад̇д̇асан̃н̃ам̣, ниб̣б̣ид̣̇аанубассанааяа нанд̣̇им̣, вирааг̇аанубассанааяа рааг̇ам̣, нирод̇хаанубассанааяа самуд̣̇аяам̣, бадиниссаг̇г̇аанубассанааяа аад̣̇аанам̣, каяаанубассанааяа гханасан̃н̃ам̣, ваяаанубассанааяа ааяууханам̣, вибарин̣аамаанубассанааяа д̇хувасан̃н̃ам̣, анимид̇д̇аанубассанааяа нимид̇д̇ам̣, аббан̣ихид̇аанубассанааяа бан̣ид̇хим̣, сун̃н̃ад̇аанубассанааяа абхинивзсам̣, ад̇хибан̃н̃аад̇хаммавибассанааяа саараад̣̇аанаабхинивзсам̣, яат̇аабхууд̇ан̃аан̣ад̣̇ассанзна саммохаабхинивзсам̣, аад̣̇ийнаваанубассанааяа аалаяаабхинивзсам̣, бадисан̇каанубассанааяа аббадисан̇кам̣, виваддаанубассанааяа сам̣яог̇аабхинивзсам̣, сод̇аабад̇д̇имаг̇г̇зна д̣̇идтзгадтз гилзсз бхан̃ж̇ид̇ваа, сагад̣̇ааг̇аамимаг̇г̇зна ол̣ааригз гилзсз бахааяа, анааг̇аамимаг̇г̇зна ан̣усахаг̇ад̇з гилзсз самуг̇гхаадзд̇ваа, арахад̇д̇амаг̇г̇зна саб̣б̣агилзсз самужчинд̣̇ид̇ваа г̇ад̇о. звамби д̇ат̇аа г̇ад̇од̇и д̇ат̇ааг̇ад̇о.

    Aniccānupassanāya niccasaññaṃ pahāya, dukkhānupassanāya sukhasaññaṃ, anattānupassanāya attasaññaṃ, nibbidānupassanāya nandiṃ, virāgānupassanāya rāgaṃ, nirodhānupassanāya samudayaṃ, paṭinissaggānupassanāya ādānaṃ, khayānupassanāya ghanasaññaṃ, vayānupassanāya āyūhanaṃ, vipariṇāmānupassanāya dhuvasaññaṃ, animittānupassanāya nimittaṃ, appaṇihitānupassanāya paṇidhiṃ, suññatānupassanāya abhinivesaṃ, adhipaññādhammavipassanāya sārādānābhinivesaṃ, yathābhūtañāṇadassanena sammohābhinivesaṃ, ādīnavānupassanāya ālayābhinivesaṃ, paṭisaṅkhānupassanāya appaṭisaṅkhaṃ, vivaṭṭānupassanāya saṃyogābhinivesaṃ, sotāpattimaggena diṭṭhekaṭṭhe kilese bhañjitvā, sakadāgāmimaggena oḷārike kilese pahāya, anāgāmimaggena aṇusahagate kilese samugghāṭetvā, arahattamaggena sabbakilese samucchinditvā gato. Evampi tathā gatoti tathāgato.

    гат̇ам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о. бат̇авийд̇хаад̇уяаа гагкал̣ад̇д̇алагкан̣ам̣ д̇ат̇ам̣ авид̇ат̇ам̣. аабод̇хаад̇уяаа баг̇гхаран̣алагкан̣ам̣. д̇зж̇од̇хаад̇уяаа ун̣хад̇д̇алагкан̣ам̣. вааяод̇хаад̇уяаа вид̇т̇амбханалагкан̣ам̣. аагаасад̇хаад̇уяаа асампудталагкан̣ам̣ . вин̃н̃аан̣ад̇хаад̇уяаа виж̇аананалагкан̣ам̣.

    Kathaṃ tathalakkhaṇaṃ āgatoti tathāgato. Pathavīdhātuyā kakkhaḷattalakkhaṇaṃ tathaṃ avitathaṃ. Āpodhātuyā paggharaṇalakkhaṇaṃ. Tejodhātuyā uṇhattalakkhaṇaṃ. Vāyodhātuyā vitthambhanalakkhaṇaṃ. Ākāsadhātuyā asamphuṭṭhalakkhaṇaṃ . Viññāṇadhātuyā vijānanalakkhaṇaṃ.

    руубасса руббаналагкан̣ам̣. взд̣̇анааяа взд̣̇аяид̇алагкан̣ам̣. сан̃н̃ааяа сан̃ж̇аананалагкан̣ам̣. сан̇каараанам̣ абхисан̇каран̣алагкан̣ам̣. вин̃н̃аан̣асса виж̇аананалагкан̣ам̣.

    Rūpassa ruppanalakkhaṇaṃ. Vedanāya vedayitalakkhaṇaṃ. Saññāya sañjānanalakkhaṇaṃ. Saṅkhārānaṃ abhisaṅkharaṇalakkhaṇaṃ. Viññāṇassa vijānanalakkhaṇaṃ.

    вид̇аггасса абхиниробаналагкан̣ам̣. вижаарасса анумаж̇ж̇аналагкан̣ам̣. бийд̇ияаа паран̣алагкан̣ам̣. сукасса саад̇алагкан̣ам̣. жид̇д̇згаг̇г̇ад̇ааяа авигкзбалагкан̣ам̣. пассасса пусаналагкан̣ам̣.

    Vitakkassa abhiniropanalakkhaṇaṃ. Vicārassa anumajjanalakkhaṇaṃ. Pītiyā pharaṇalakkhaṇaṃ. Sukhassa sātalakkhaṇaṃ. Cittekaggatāya avikkhepalakkhaṇaṃ. Phassassa phusanalakkhaṇaṃ.

    сад̣̇д̇хинд̣̇рияасса ад̇химогкалагкан̣ам̣. вийрияинд̣̇рияасса баг̇г̇ахан̣алагкан̣ам̣. сад̇инд̣̇рияасса убадтааналагкан̣ам̣. самаад̇хинд̣̇рияасса авигкзбалагкан̣ам̣. бан̃н̃инд̣̇рияасса баж̇аананалагкан̣ам̣.

    Saddhindriyassa adhimokkhalakkhaṇaṃ. Vīriyindriyassa paggahaṇalakkhaṇaṃ. Satindriyassa upaṭṭhānalakkhaṇaṃ. Samādhindriyassa avikkhepalakkhaṇaṃ. Paññindriyassa pajānanalakkhaṇaṃ.

    сад̣̇д̇хааб̣аласса ассад̣̇д̇хияз агамбияалагкан̣ам̣. вийрияаб̣аласса госаж̇ж̇з. сад̇иб̣аласса мудтасажжз. самаад̇хиб̣аласса уд̣̇д̇хажжз. бан̃н̃ааб̣аласса авиж̇ж̇ааяа агамбияалагкан̣ам̣.

    Saddhābalassa assaddhiye akampiyalakkhaṇaṃ. Vīriyabalassa kosajje. Satibalassa muṭṭhasacce. Samādhibalassa uddhacce. Paññābalassa avijjāya akampiyalakkhaṇaṃ.

    сад̇исамб̣ож̇жхан̇г̇асса убадтааналагкан̣ам̣. д̇хаммавижаяасамб̣ож̇жхан̇г̇асса бавижаяалагкан̣ам̣. вийрияасамб̣ож̇жхан̇г̇асса баг̇г̇ахан̣алагкан̣ам̣. бийд̇исамб̣ож̇жхан̇г̇асса паран̣алагкан̣ам̣. бассад̣̇д̇хисамб̣ож̇жхан̇г̇асса убасамалагкан̣ам̣. самаад̇хисамб̣ож̇жхан̇г̇асса авигкзбалагкан̣ам̣. убзгкаасамб̣ож̇жхан̇г̇асса бадисан̇кааналагкан̣ам̣.

    Satisambojjhaṅgassa upaṭṭhānalakkhaṇaṃ. Dhammavicayasambojjhaṅgassa pavicayalakkhaṇaṃ. Vīriyasambojjhaṅgassa paggahaṇalakkhaṇaṃ. Pītisambojjhaṅgassa pharaṇalakkhaṇaṃ. Passaddhisambojjhaṅgassa upasamalakkhaṇaṃ. Samādhisambojjhaṅgassa avikkhepalakkhaṇaṃ. Upekkhāsambojjhaṅgassa paṭisaṅkhānalakkhaṇaṃ.

    саммаад̣̇идтияаа д̣̇ассаналагкан̣ам̣. саммаасан̇габбасса абхиниробаналагкан̣ам̣. саммааваажааяа бариг̇г̇аахалагкан̣ам̣. саммаагамманд̇асса самудтааналагкан̣ам̣. саммааааж̇ийвасса вод̣̇ааналагкан̣ам̣. саммаавааяаамасса баг̇г̇ахан̣алагкан̣ам̣. саммаасад̇ияаа убадтааналагкан̣ам̣. саммаасамаад̇хисса авигкзбалагкан̣ам̣.

    Sammādiṭṭhiyā dassanalakkhaṇaṃ. Sammāsaṅkappassa abhiniropanalakkhaṇaṃ. Sammāvācāya pariggāhalakkhaṇaṃ. Sammākammantassa samuṭṭhānalakkhaṇaṃ. Sammāājīvassa vodānalakkhaṇaṃ. Sammāvāyāmassa paggahaṇalakkhaṇaṃ. Sammāsatiyā upaṭṭhānalakkhaṇaṃ. Sammāsamādhissa avikkhepalakkhaṇaṃ.

    авиж̇ж̇ааяа ан̃н̃аан̣алагкан̣ам̣. сан̇каараанам̣ жзд̇анаалагкан̣ам̣. вин̃н̃аан̣асса виж̇аананалагкан̣ам̣. наамасса наманалагкан̣ам̣. руубасса руббаналагкан̣ам̣. сал̣ааяад̇анасса ааяад̇аналагкан̣ам̣. пассасса пусаналагкан̣ам̣. взд̣̇анааяа взд̣̇аяид̇алагкан̣ам̣. д̇ан̣хааяа хзд̇улагкан̣ам̣. убаад̣̇аанасса г̇ахан̣алагкан̣ам̣. бхавасса ааяууханалагкан̣ам̣. ж̇аад̇ияаа ниб̣б̣ад̇д̇илагкан̣ам̣. ж̇арааяа ж̇ийран̣алагкан̣ам̣. маран̣асса жуд̇илагкан̣ам̣.

    Avijjāya aññāṇalakkhaṇaṃ. Saṅkhārānaṃ cetanālakkhaṇaṃ. Viññāṇassa vijānanalakkhaṇaṃ. Nāmassa namanalakkhaṇaṃ. Rūpassa ruppanalakkhaṇaṃ. Saḷāyatanassa āyatanalakkhaṇaṃ. Phassassa phusanalakkhaṇaṃ. Vedanāya vedayitalakkhaṇaṃ. Taṇhāya hetulakkhaṇaṃ. Upādānassa gahaṇalakkhaṇaṃ. Bhavassa āyūhanalakkhaṇaṃ. Jātiyā nibbattilakkhaṇaṃ. Jarāya jīraṇalakkhaṇaṃ. Maraṇassa cutilakkhaṇaṃ.

    д̇хаад̇уунам̣ сун̃н̃ад̇аалагкан̣ам̣. ааяад̇анаанам̣ ааяад̇аналагкан̣ам̣. сад̇ибадтаанаанам̣ убадтааналагкан̣ам̣. саммаббад̇хаанаанам̣ бад̣̇аханалагкан̣ам̣. ид̣̇д̇хибаад̣̇аанам̣ иж̇жханалагкан̣ам̣. инд̣̇рияаанам̣ ад̇хибад̇илагкан̣ам̣. б̣алаанам̣ агамбияалагкан̣ам̣. б̣ож̇жхан̇г̇аанам̣ нияяааналагкан̣ам̣. маг̇г̇асса хзд̇улагкан̣ам̣.

    Dhātūnaṃ suññatālakkhaṇaṃ. Āyatanānaṃ āyatanalakkhaṇaṃ. Satipaṭṭhānānaṃ upaṭṭhānalakkhaṇaṃ. Sammappadhānānaṃ padahanalakkhaṇaṃ. Iddhipādānaṃ ijjhanalakkhaṇaṃ. Indriyānaṃ adhipatilakkhaṇaṃ. Balānaṃ akampiyalakkhaṇaṃ. Bojjhaṅgānaṃ niyyānalakkhaṇaṃ. Maggassa hetulakkhaṇaṃ.

    сажжаанам̣ д̇ат̇алагкан̣ам̣. самат̇асса авигкзбалагкан̣ам̣. вибассанааяа анубассанаалагкан̣ам̣. самат̇авибассанаанам̣ згарасалагкан̣ам̣. яуг̇ананд̇хаанам̣ анад̇ивад̇д̇аналагкан̣ам̣.

    Saccānaṃ tathalakkhaṇaṃ. Samathassa avikkhepalakkhaṇaṃ. Vipassanāya anupassanālakkhaṇaṃ. Samathavipassanānaṃ ekarasalakkhaṇaṃ. Yuganandhānaṃ anativattanalakkhaṇaṃ.

    сийлависуд̣̇д̇хияаа сам̣варалагкан̣ам̣. жид̇д̇ависуд̣̇д̇хияаа авигкзбалагкан̣ам̣. д̣̇идтивисуд̣̇д̇хияаа д̣̇ассаналагкан̣ам̣.

    Sīlavisuddhiyā saṃvaralakkhaṇaṃ. Cittavisuddhiyā avikkhepalakkhaṇaṃ. Diṭṭhivisuddhiyā dassanalakkhaṇaṃ.

    каязн̃аан̣асса самужчзд̣̇алагкан̣ам̣. ануббаад̣̇з н̃аан̣асса бассад̣̇д̇хилагкан̣ам̣. чанд̣̇асса муулалагкан̣ам̣. манасигаарасса самудтааналагкан̣ам̣. пассасса самод̇хааналагкан̣ам̣. взд̣̇анааяа самосаран̣алагкан̣ам̣. самаад̇хисса бамукалагкан̣ам̣. сад̇ияаа аад̇хибад̇зяяалагкан̣ам̣. бан̃н̃ааяа д̇ад̇уд̇д̇арилагкан̣ам̣. вимуд̇д̇ияаа сааралагкан̣ам̣. амад̇ог̇ад̇хасса ниб̣б̣аанасса барияосааналагкан̣ам̣ д̇ат̇ам̣ авид̇ат̇ам̣. звам̣ д̇ат̇алагкан̣ам̣ н̃аан̣аг̇ад̇ияаа ааг̇ад̇о авираж̇жхид̇ваа бад̇д̇о ануббад̇д̇од̇и д̇ат̇ааг̇ад̇о, звам̣ д̇ат̇алагкан̣ам̣ ааг̇ад̇од̇и д̇ат̇ааг̇ад̇о.

    Khayeñāṇassa samucchedalakkhaṇaṃ. Anuppāde ñāṇassa passaddhilakkhaṇaṃ. Chandassa mūlalakkhaṇaṃ. Manasikārassa samuṭṭhānalakkhaṇaṃ. Phassassa samodhānalakkhaṇaṃ. Vedanāya samosaraṇalakkhaṇaṃ. Samādhissa pamukhalakkhaṇaṃ. Satiyā ādhipateyyalakkhaṇaṃ. Paññāya tatuttarilakkhaṇaṃ. Vimuttiyā sāralakkhaṇaṃ. Amatogadhassa nibbānassa pariyosānalakkhaṇaṃ tathaṃ avitathaṃ. Evaṃ tathalakkhaṇaṃ ñāṇagatiyā āgato avirajjhitvā patto anuppattoti tathāgato, evaṃ tathalakkhaṇaṃ āgatoti tathāgato.

    гат̇ам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о? д̇ат̇ад̇хаммаа наама жад̇д̇аари арияасажжаани. яат̇ааха ‘‘жад̇д̇ааримаани, бхигкавз, д̇ат̇аани авид̇ат̇аани анан̃н̃ат̇аани. гад̇амаани жад̇д̇аари, ид̣̇ам̣ д̣̇угканд̇и, бхигкавз, д̇ат̇амзд̇ам̣ авид̇ат̇амзд̇ам̣ анан̃н̃ат̇амзд̇а’’нд̇и (сам̣. ни. 5.1050) вид̇т̇ааро. д̇аани жа бхаг̇аваа абхисамб̣уд̣̇д̇хо, д̇асмаа д̇ат̇аанам̣ абхисамб̣уд̣̇д̇хад̇д̇аа д̇ат̇ааг̇ад̇од̇и вужжад̇и. абхисамб̣уд̣̇д̇хад̇т̇о хи зд̇т̇а г̇ад̇асад̣̇д̣̇о. абижа ж̇араамаран̣асса ж̇аад̇ибажжаяасамбхууд̇асамуд̣̇ааг̇ад̇адто д̇ат̇о авид̇ат̇о анан̃н̃ат̇о…бз… сан̇каараанам̣ авиж̇ж̇аабажжаяасамбхууд̇асамуд̣̇ааг̇ад̇адто д̇ат̇о авид̇ат̇о анан̃н̃ат̇о. д̇ат̇аа авиж̇ж̇ааяа сан̇каараанам̣ бажжаяадто. сан̇каараанам̣ вин̃н̃аан̣асса бажжаяадто…бз… ж̇аад̇ияаа ж̇араамаран̣асса бажжаяадто д̇ат̇о авид̇ат̇о анан̃н̃ат̇о. д̇ам̣ саб̣б̣ам̣ бхаг̇аваа абхисамб̣уд̣̇д̇хо, д̇асмааби д̇ат̇аанам̣ д̇хаммаанам̣ абхисамб̣уд̣̇д̇хад̇д̇аа д̇ат̇ааг̇ад̇од̇и вужжад̇и. звам̣ д̇ат̇ад̇хаммз яаат̇аавад̇о абхисамб̣уд̣̇д̇ход̇и д̇ат̇ааг̇ад̇о.

    Kathaṃ tathadhamme yāthāvato abhisambuddhoti tathāgato? Tathadhammā nāma cattāri ariyasaccāni. Yathāha ‘‘cattārimāni, bhikkhave, tathāni avitathāni anaññathāni. Katamāni cattāri, idaṃ dukkhanti, bhikkhave, tathametaṃ avitathametaṃ anaññathameta’’nti (saṃ. ni. 5.1050) vitthāro. Tāni ca bhagavā abhisambuddho, tasmā tathānaṃ abhisambuddhattā tathāgatoti vuccati. Abhisambuddhattho hi ettha gatasaddo. Apica jarāmaraṇassa jātipaccayasambhūtasamudāgataṭṭho tatho avitatho anaññatho…pe… saṅkhārānaṃ avijjāpaccayasambhūtasamudāgataṭṭho tatho avitatho anaññatho. Tathā avijjāya saṅkhārānaṃ paccayaṭṭho. Saṅkhārānaṃ viññāṇassa paccayaṭṭho…pe… jātiyā jarāmaraṇassa paccayaṭṭho tatho avitatho anaññatho. Taṃ sabbaṃ bhagavā abhisambuddho, tasmāpi tathānaṃ dhammānaṃ abhisambuddhattā tathāgatoti vuccati. Evaṃ tathadhamme yāthāvato abhisambuddhoti tathāgato.

    гат̇ам̣ д̇ат̇ад̣̇ассид̇ааяа д̇ат̇ааг̇ад̇о? бхаг̇аваа яам̣ сад̣̇звагз логз…бз… сад̣̇звамануссааяа абаримаан̣аасу логад̇хаад̇уусу абаримаан̣аанам̣ сад̇д̇аанам̣ жагкуд̣̇ваарз аабаат̇ам̣ ааг̇ажчанд̇ам̣ руубаарамман̣ам̣ наама ад̇т̇и. д̇ам̣ саб̣б̣аагаарад̇о ж̇аанаад̇и, бассад̇и. звам̣ ж̇аанад̇аа бассад̇аа жа д̇зна д̇ам̣ идтаанидтаад̣̇ивасзна ваа д̣̇идтасуд̇амуд̇авин̃н̃аад̇зсу лаб̣бхамаанагабад̣̇авасзна ваа ‘‘гад̇амам̣ д̇ам̣ руубам̣ руубааяад̇анам̣, яам̣ руубам̣ жад̇уннам̣ махаабхууд̇аанам̣ убаад̣̇ааяа ван̣н̣анибхаа санид̣̇ассанам̣ саббадигхам̣ нийлам̣ бийд̇ага’’нд̇и (д̇ха. са. 616) аад̣̇инаа наязна анзгзхи наамзхи д̇зрасахи ваарзхи д̣̇взбан̃н̃аасааяа наязхи вибхаж̇ж̇амаанам̣ д̇ат̇амзва ход̇и, вид̇ат̇ам̣ над̇т̇и. зса наяо сод̇ад̣̇ваараад̣̇ийсуби аабаат̇амааг̇ажчанд̇зсу сад̣̇д̣̇аад̣̇ийсу. вуд̇д̇ан̃жзд̇ам̣ бхаг̇авад̇аа ‘‘яам̣, бхигкавз, сад̣̇звагасса логасса…бз… сад̣̇звамануссааяа д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа, д̇амахам̣ ж̇аанаами, …д̇амахам̣ абхин̃н̃аасим̣, д̇ам̣ д̇ат̇ааг̇ад̇асса вид̣̇ид̇ам̣, д̇ам̣ д̇ат̇ааг̇ад̇о на убадтаасий’’д̇и (а. ни. 4.24). звам̣ д̇ат̇ад̣̇ассид̇ааяа д̇ат̇ааг̇ад̇о. д̇ад̇т̇а д̇ат̇ад̣̇ассийад̇т̇з д̇ат̇ааг̇ад̇од̇и бад̣̇асамбхаво взд̣̇ид̇аб̣б̣о.

    Kathaṃ tathadassitāya tathāgato? Bhagavā yaṃ sadevake loke…pe… sadevamanussāya aparimāṇāsu lokadhātūsu aparimāṇānaṃ sattānaṃ cakkhudvāre āpāthaṃ āgacchantaṃ rūpārammaṇaṃ nāma atthi. Taṃ sabbākārato jānāti, passati. Evaṃ jānatā passatā ca tena taṃ iṭṭhāniṭṭhādivasena vā diṭṭhasutamutaviññātesu labbhamānakapadavasena vā ‘‘katamaṃ taṃ rūpaṃ rūpāyatanaṃ, yaṃ rūpaṃ catunnaṃ mahābhūtānaṃ upādāya vaṇṇanibhā sanidassanaṃ sappaṭighaṃ nīlaṃ pītaka’’nti (dha. sa. 616) ādinā nayena anekehi nāmehi terasahi vārehi dvepaññāsāya nayehi vibhajjamānaṃ tathameva hoti, vitathaṃ natthi. Esa nayo sotadvārādīsupi āpāthamāgacchantesu saddādīsu. Vuttañcetaṃ bhagavatā ‘‘yaṃ, bhikkhave, sadevakassa lokassa…pe… sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, tamahaṃ jānāmi, …tamahaṃ abhiññāsiṃ, taṃ tathāgatassa viditaṃ, taṃ tathāgato na upaṭṭhāsī’’ti (a. ni. 4.24). Evaṃ tathadassitāya tathāgato. Tattha tathadassīatthe tathāgatoti padasambhavo veditabbo.

    гат̇ам̣ д̇ат̇ааваад̣̇ид̇ааяа д̇ат̇ааг̇ад̇о? яам̣ рад̇д̇им̣ бхаг̇аваа б̣од̇химан̣д̣з абарааж̇ид̇абаллан̇гз нисинно д̇ин̣н̣ам̣ маараанам̣ мад̇т̇агам̣ мад̣̇д̣̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, яан̃жа рад̇д̇им̣ яамагасаалаанаманд̇арз анубаад̣̇исзсааяа ниб̣б̣аанад̇хаад̇уяаа бариниб̣б̣ааяи, зд̇т̇анд̇арз бан̃жажад̇д̇аалийсавассабаримаан̣з гаалз батамаб̣од̇хияааби маж̇жхимаб̣од̇хияааби бажчимаб̣од̇хияааби яам̣ бхаг̇авад̇аа бхаасид̇ам̣ суд̇д̇ам̣ г̇зяяам̣…бз… взд̣̇аллам̣, д̇ам̣ саб̣б̣ам̣ ад̇т̇ад̇о жа б̣яан̃ж̇анад̇о жа анубаваж̇ж̇ам̣ ануунаманад̇хигам̣ саб̣б̣аагаарабарибун̣н̣ам̣ рааг̇амад̣̇аниммад̣̇анам̣ д̣̇осамохамад̣̇аниммад̣̇анам̣, над̇т̇и д̇ад̇т̇а ваалаг̇г̇амад̇д̇амби багкалид̇ам̣, саб̣б̣ам̣ д̇ам̣ згамуд̣̇д̣̇игааяа лан̃чид̇ам̣ вияа, зганаал̣ияаа мид̇ам̣ вияа, згад̇улааяа д̇улид̇ам̣ вияа жа д̇ат̇амзва ход̇и авид̇ат̇ам̣. д̇знааха – ‘‘яан̃жа, жунд̣̇а, рад̇д̇им̣ д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхад̇и, яан̃жа рад̇д̇им̣ анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и, яам̣ зд̇асмим̣ анд̇арз бхаасад̇и лабад̇и нид̣̇д̣̇исад̇и, саб̣б̣ам̣ д̇ам̣ д̇ат̇зва ход̇и но ан̃н̃ат̇аа. д̇асмаа д̇ат̇ааг̇ад̇од̇и вужжад̇ий’’д̇и (а. ни. 4.23). г̇ад̣̇аад̇т̇о хи зд̇т̇а г̇ад̇асад̣̇д̣̇о. звам̣ д̇ат̇ааваад̣̇ид̇ааяа д̇ат̇ааг̇ад̇о. абижа ааг̇ад̣̇анам̣ ааг̇ад̣̇о, важананд̇и ад̇т̇о. д̇ат̇о авибарийд̇о ааг̇ад̣̇о ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и звамзд̇асмим̣ ад̇т̇з бад̣̇асид̣̇д̇хи взд̣̇ид̇аб̣б̣аа.

    Kathaṃ tathāvāditāya tathāgato? Yaṃ rattiṃ bhagavā bodhimaṇḍe aparājitapallaṅke nisinno tiṇṇaṃ mārānaṃ matthakaṃ madditvā anuttaraṃ sammāsambodhiṃ abhisambuddho, yañca rattiṃ yamakasālānamantare anupādisesāya nibbānadhātuyā parinibbāyi, etthantare pañcacattālīsavassaparimāṇe kāle paṭhamabodhiyāpi majjhimabodhiyāpi pacchimabodhiyāpi yaṃ bhagavatā bhāsitaṃ suttaṃ geyyaṃ…pe… vedallaṃ, taṃ sabbaṃ atthato ca byañjanato ca anupavajjaṃ anūnamanadhikaṃ sabbākāraparipuṇṇaṃ rāgamadanimmadanaṃ dosamohamadanimmadanaṃ, natthi tattha vālaggamattampi pakkhalitaṃ, sabbaṃ taṃ ekamuddikāya lañchitaṃ viya, ekanāḷiyā mitaṃ viya, ekatulāya tulitaṃ viya ca tathameva hoti avitathaṃ. Tenāha – ‘‘yañca, cunda, rattiṃ tathāgato anuttaraṃ sammāsambodhiṃ abhisambujjhati, yañca rattiṃ anupādisesāya nibbānadhātuyā parinibbāyati, yaṃ etasmiṃ antare bhāsati lapati niddisati, sabbaṃ taṃ tatheva hoti no aññathā. Tasmā tathāgatoti vuccatī’’ti (a. ni. 4.23). Gadaattho hi ettha gatasaddo. Evaṃ tathāvāditāya tathāgato. Apica āgadanaṃ āgado, vacananti attho. Tatho aviparīto āgado assāti dakārassa takāraṃ katvā tathāgatoti evametasmiṃ atthe padasiddhi veditabbā.

    гат̇ам̣ д̇ат̇аагаарид̇ааяа д̇ат̇ааг̇ад̇о? бхаг̇авад̇о хи ваажааяа гааяо ануломзд̇и, гааяассаби ваажаа. д̇асмаа яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий жа ход̇и. звам̣бхууд̇асса жасса яат̇аа ваажаа , гааяоби д̇ат̇ааг̇ад̇о бавад̇д̇од̇и ад̇т̇о. яат̇аа жа гааяо, ваажааби д̇ат̇аа г̇ад̇аа бавад̇д̇аад̇и д̇ат̇ааг̇ад̇о. д̇знааха ‘‘яат̇ааваад̣̇ий, бхигкавз, д̇ат̇ааг̇ад̇о д̇ат̇аагаарий, яат̇аагаарий д̇ат̇ааваад̣̇ий. ид̇и яат̇ааваад̣̇ий д̇ат̇аагаарий, яат̇аагаарий д̇ат̇ааваад̣̇ий, д̇асмаа д̇ат̇ааг̇ад̇од̇и вужжад̇ий’’д̇и (а. ни. 4.23). звам̣ д̇ат̇аагаарид̇ааяа д̇ат̇ааг̇ад̇о.

    Kathaṃ tathākāritāya tathāgato? Bhagavato hi vācāya kāyo anulometi, kāyassapi vācā. Tasmā yathāvādī tathākārī, yathākārī tathāvādī ca hoti. Evaṃbhūtassa cassa yathā vācā , kāyopi tathāgato pavattoti attho. Yathā ca kāyo, vācāpi tathā gatā pavattāti tathāgato. Tenāha ‘‘yathāvādī, bhikkhave, tathāgato tathākārī, yathākārī tathāvādī. Iti yathāvādī tathākārī, yathākārī tathāvādī, tasmā tathāgatoti vuccatī’’ti (a. ni. 4.23). Evaṃ tathākāritāya tathāgato.

    гат̇ам̣ абхибхаванадтзна д̇ат̇ааг̇ад̇о? убари бхаваг̇г̇ам̣ хздтаа авижим̣ барияанд̇ам̣ гад̇ваа д̇ирияам̣ абаримаан̣аасу логад̇хаад̇уусу саб̣б̣асад̇д̇з абхибхавад̇и, сийлзнаби самаад̇хинааби бан̃н̃ааяаби вимуд̇д̇ияааби вимуд̇д̇ин̃аан̣ад̣̇ассанзнаби, на д̇асса д̇улаа ваа бамаан̣ам̣ ваа ад̇т̇и, ад̇уло аббамзяяо ануд̇д̇аро рааж̇арааж̇о д̣̇звад̣̇зво саггаанам̣ ад̇исагго б̣рахмаанам̣ ад̇иб̣рахмаа. д̇знааха ‘‘сад̣̇звагз, бхигкавз, логз…бз… сад̣̇звамануссааяа д̇ат̇ааг̇ад̇о абхибхуу анабхибхууд̇о ан̃н̃ад̣̇ад̇т̇у д̣̇асо васавад̇д̇ий. д̇асмаа д̇ат̇ааг̇ад̇од̇и вужжад̇ий’’д̇и.

    Kathaṃ abhibhavanaṭṭhena tathāgato? Upari bhavaggaṃ heṭṭhā aviciṃ pariyantaṃ katvā tiriyaṃ aparimāṇāsu lokadhātūsu sabbasatte abhibhavati, sīlenapi samādhināpi paññāyapi vimuttiyāpi vimuttiñāṇadassanenapi, na tassa tulā vā pamāṇaṃ vā atthi, atulo appameyyo anuttaro rājarājo devadevo sakkānaṃ atisakko brahmānaṃ atibrahmā. Tenāha ‘‘sadevake, bhikkhave, loke…pe… sadevamanussāya tathāgato abhibhū anabhibhūto aññadatthu daso vasavattī. Tasmā tathāgatoti vuccatī’’ti.

    д̇ад̇рзвам̣ бад̣̇асид̣̇д̇хи взд̣̇ид̇аб̣б̣аа, аг̇ад̣̇о вияа аг̇ад̣̇о. го банзса? д̣̇зсанаавилаасамаяо жзва бун̃н̃уссаяо жа. д̇зна хзса махаанубхааво бхисагго д̣̇иб̣б̣ааг̇ад̣̇зна саббз вияа саб̣б̣абараббаваад̣̇ино сад̣̇зваган̃жа логам̣ абхибхавад̇и, ид̇и саб̣б̣алогаабхибхаванз д̇ат̇о авибарийд̇о д̣̇зсанаавилаасамаяо жзва бун̃н̃ассаяо жа аг̇ад̣̇о ассаад̇и д̣̇агаарасса д̇агаарам̣ гад̇ваа д̇ат̇ааг̇ад̇од̇и взд̣̇ид̇аб̣б̣о. звам̣ абхибхаванадтзна д̇ат̇ааг̇ад̇о.

    Tatrevaṃ padasiddhi veditabbā, agado viya agado. Ko panesa? Desanāvilāsamayo ceva puññussayo ca. Tena hesa mahānubhāvo bhisakko dibbāgadena sappe viya sabbaparappavādino sadevakañca lokaṃ abhibhavati, iti sabbalokābhibhavane tatho aviparīto desanāvilāsamayo ceva puññassayo ca agado assāti dakārassa takāraṃ katvā tathāgatoti veditabbo. Evaṃ abhibhavanaṭṭhena tathāgato.

    абижа д̇ат̇ааяа г̇ад̇од̇иби д̇ат̇ааг̇ад̇о, д̇ат̇ам̣ г̇ад̇од̇иби д̇ат̇ааг̇ад̇о. г̇ад̇од̇и аваг̇ад̇о, ад̇ийд̇о, бад̇д̇о, бадибаннод̇и ад̇т̇о. д̇ад̇т̇а сагалам̣ логам̣ д̇ийран̣абарин̃н̃ааяа д̇ат̇ааяа г̇ад̇о аваг̇ад̇од̇и д̇ат̇ааг̇ад̇о. логасамуд̣̇аяам̣ бахаанабарин̃н̃ааяа д̇ат̇ааяа г̇ад̇о ад̇ийд̇од̇и д̇ат̇ааг̇ад̇о. логанирод̇хам̣ сажчигирияааяа д̇ат̇ааяа г̇ад̇о бад̇д̇од̇и д̇ат̇ааг̇ад̇о. логанирод̇хаг̇ааминим̣ бадибад̣̇ам̣ д̇ат̇ам̣ г̇ад̇о бадибаннод̇и д̇ат̇ааг̇ад̇о. д̇зна яам̣ вуд̇д̇ам̣ бхаг̇авад̇аа ‘‘лого, бхигкавз, д̇ат̇ааг̇ад̇зна абхисамб̣уд̣̇д̇хо, логасмаа д̇ат̇ааг̇ад̇о висам̣яуд̇д̇о. логасамуд̣̇аяо, бхигкавз, д̇ат̇ааг̇ад̇зна абхисамб̣уд̣̇д̇хо, логасамуд̣̇аяо д̇ат̇ааг̇ад̇асса бахийно. логанирод̇хо, бхигкавз, д̇ат̇ааг̇ад̇зна абхисамб̣уд̣̇д̇хо, логанирод̇хо д̇ат̇ааг̇ад̇асса сажчигад̇о. логанирод̇хаг̇ааминий бадибад̣̇аа, бхигкавз, д̇ат̇ааг̇ад̇зна абхисамб̣уд̣̇д̇хаа, логанирод̇хаг̇ааминий бадибад̣̇аа д̇ат̇ааг̇ад̇асса бхаавид̇аа. яам̣, бхигкавз, сад̣̇звагасса логасса…бз… саб̣б̣ам̣ д̇ам̣ д̇ат̇ааг̇ад̇зна абхисамб̣уд̣̇д̇хам̣, д̇асмаа д̇ат̇ааг̇ад̇од̇и вужжад̇ий’’д̇и (а. ни. 4.23). д̇асса звамби ад̇т̇о взд̣̇ид̇аб̣б̣о. ид̣̇амби жа д̇ат̇ааг̇ад̇асса д̇ат̇ааг̇ад̇абхаавад̣̇ийбанз мукамад̇д̇амзва. саб̣б̣аагаарзна бана д̇ат̇ааг̇ад̇ова д̇ат̇ааг̇ад̇асса д̇ат̇ааг̇ад̇абхаавам̣ ван̣н̣зяяа.

    Apica tathāya gatotipi tathāgato, tathaṃ gatotipi tathāgato. Gatoti avagato, atīto, patto, paṭipannoti attho. Tattha sakalaṃ lokaṃ tīraṇapariññāya tathāya gato avagatoti tathāgato. Lokasamudayaṃ pahānapariññāya tathāya gato atītoti tathāgato. Lokanirodhaṃ sacchikiriyāya tathāya gato pattoti tathāgato. Lokanirodhagāminiṃ paṭipadaṃ tathaṃ gato paṭipannoti tathāgato. Tena yaṃ vuttaṃ bhagavatā ‘‘loko, bhikkhave, tathāgatena abhisambuddho, lokasmā tathāgato visaṃyutto. Lokasamudayo, bhikkhave, tathāgatena abhisambuddho, lokasamudayo tathāgatassa pahīno. Lokanirodho, bhikkhave, tathāgatena abhisambuddho, lokanirodho tathāgatassa sacchikato. Lokanirodhagāminī paṭipadā, bhikkhave, tathāgatena abhisambuddhā, lokanirodhagāminī paṭipadā tathāgatassa bhāvitā. Yaṃ, bhikkhave, sadevakassa lokassa…pe… sabbaṃ taṃ tathāgatena abhisambuddhaṃ, tasmā tathāgatoti vuccatī’’ti (a. ni. 4.23). Tassa evampi attho veditabbo. Idampi ca tathāgatassa tathāgatabhāvadīpane mukhamattameva. Sabbākārena pana tathāgatova tathāgatassa tathāgatabhāvaṃ vaṇṇeyya.

    арахам̣ саммаасамб̣уд̣̇д̇ход̇и бад̣̇ад̣̇ваяз бана аарагад̇д̇аа арийнам̣, араанан̃жа хад̇ад̇д̇аа, бажжаяаад̣̇ийнам̣ арахад̇д̇аа, баабагаран̣з рахаабхааваад̇и имзхи д̇аава гааран̣зхи араханд̇и взд̣̇ид̇аб̣б̣о.

    Arahaṃ sammāsambuddhoti padadvaye pana ārakattā arīnaṃ, arānañca hatattā, paccayādīnaṃ arahattā, pāpakaraṇe rahābhāvāti imehi tāva kāraṇehi arahanti veditabbo.

    саммаа сааман̃жа саб̣б̣ад̇хаммаанам̣ б̣уд̣̇д̇хад̇д̇аа бана саммаасамб̣уд̣̇д̇ход̇и. аяамзд̇т̇а сан̇кзбо. вид̇т̇аарад̇о банзд̇ам̣ бад̣̇ад̣̇ваяам̣ висуд̣̇д̇химаг̇г̇з б̣уд̣̇д̇хаануссад̇иван̣н̣анааяам̣ багаасид̇ам̣.

    Sammā sāmañca sabbadhammānaṃ buddhattā pana sammāsambuddhoti. Ayamettha saṅkhepo. Vitthārato panetaṃ padadvayaṃ visuddhimagge buddhānussativaṇṇanāyaṃ pakāsitaṃ.

    барин̃н̃аад̇анд̇ам̣ д̇ат̇ааг̇ад̇ассаад̇и зд̇т̇а бана д̇ам̣ ман̃н̃анаавад̇т̇у барин̃н̃аад̇ам̣ д̇ат̇ааг̇ад̇ассаад̇иби ад̇т̇о взд̣̇ид̇аб̣б̣о. барин̃н̃аад̇анд̇ам̣ наама барин̃н̃аад̇абаарам̣ барин̃н̃аад̇аавасаанам̣ анавасзсад̇о барин̃н̃аад̇анд̇и вуд̇д̇ам̣ ход̇и. б̣уд̣̇д̇хаанан̃хи саавагзхи сад̣̇д̇хим̣ гин̃жааби д̇зна д̇зна маг̇г̇зна гилзсаббахаанз висзсо над̇т̇и, барин̃н̃ааяа бана ад̇т̇и. саавагаа хи жад̇уннам̣ д̇хаад̇уунам̣ згад̣̇зсамзва саммасид̇ваа ниб̣б̣аанам̣ баабун̣анд̇и. б̣уд̣̇д̇хаанам̣ бана ан̣уббамаан̣амби сан̇каараг̇ад̇ам̣ н̃аан̣зна ад̣̇идтамад̇улид̇амад̇ийрид̇амасажчигад̇ам̣ над̇т̇и.

    Pariññātantaṃ tathāgatassāti ettha pana taṃ maññanāvatthu pariññātaṃ tathāgatassātipi attho veditabbo. Pariññātantaṃ nāma pariññātapāraṃ pariññātāvasānaṃ anavasesato pariññātanti vuttaṃ hoti. Buddhānañhi sāvakehi saddhiṃ kiñcāpi tena tena maggena kilesappahāne viseso natthi, pariññāya pana atthi. Sāvakā hi catunnaṃ dhātūnaṃ ekadesameva sammasitvā nibbānaṃ pāpuṇanti. Buddhānaṃ pana aṇuppamāṇampi saṅkhāragataṃ ñāṇena adiṭṭhamatulitamatīritamasacchikataṃ natthi.

    д̇ат̇ааг̇ад̇аваарасад̇д̇аманаяаван̣н̣анаа нидтид̇аа.

    Tathāgatavārasattamanayavaṇṇanā niṭṭhitā.

    д̇ат̇ааг̇ад̇аваараадтаманаяаван̣н̣анаа

    Tathāgatavāraaṭṭhamanayavaṇṇanā

    13. нанд̣̇ий д̣̇угкасса мууланд̇иаад̣̇ийсу жа нанд̣̇ийд̇и буримад̇ан̣хаа. д̣̇угканд̇и бан̃жагканд̇хаа. мууланд̇иаад̣̇и. ид̇и вид̣̇ид̇ваад̇и д̇ам̣ буримабхавананд̣̇им̣ ‘‘имасса д̣̇угкасса муула’’нд̇и звам̣ ж̇аанид̇ваа. бхаваад̇и гаммабхавад̇о. ж̇аад̇ийд̇и вибаагагканд̇хаа. д̇з хи яасмаа ж̇ааяанд̇и, д̇асмаа ‘‘ж̇аад̇ий’’д̇и вуд̇д̇аа. ж̇аад̇исийсзна ваа аяам̣ д̣̇зсанаа. зд̇амби ‘‘ид̇и вид̣̇ид̇ваа’’д̇и иминаа яож̇зд̇аб̣б̣ам̣. аяан̃хи зд̇т̇а ад̇т̇о ‘‘гаммабхавад̇о убабад̇д̇ибхаво ход̇ийд̇и зван̃жа ж̇аанид̇ваа’’д̇и. бхууд̇ассаад̇и сад̇д̇асса. ж̇араамаран̣анд̇и ж̇араа жа маран̣ан̃жа. ид̣̇ам̣ вуд̇д̇ам̣ ход̇и – д̇зна убабад̇д̇ибхавзна бхууд̇асса сад̇д̇асса канд̇хаанам̣ ж̇араамаран̣ам̣ ход̇ийд̇и зван̃жа ж̇аанид̇ваад̇и.

    13.Nandīdukkhassa mūlantiādīsu ca nandīti purimataṇhā. Dukkhanti pañcakkhandhā. Mūlantiādi. Itividitvāti taṃ purimabhavanandiṃ ‘‘imassa dukkhassa mūla’’nti evaṃ jānitvā. Bhavāti kammabhavato. Jātīti vipākakkhandhā. Te hi yasmā jāyanti, tasmā ‘‘jātī’’ti vuttā. Jātisīsena vā ayaṃ desanā. Etampi ‘‘iti viditvā’’ti iminā yojetabbaṃ. Ayañhi ettha attho ‘‘kammabhavato upapattibhavo hotīti evañca jānitvā’’ti. Bhūtassāti sattassa. Jarāmaraṇanti jarā ca maraṇañca. Idaṃ vuttaṃ hoti – tena upapattibhavena bhūtassa sattassa khandhānaṃ jarāmaraṇaṃ hotīti evañca jānitvāti.

    зд̇д̇аавад̇аа яам̣ б̣од̇хиругкамуулз абарааж̇ид̇абаллан̇гз нисинно саммасид̇ваа саб̣б̣ан̃н̃уд̇ам̣ бад̇д̇о, д̇асса бадижжасамуббаад̣̇асса бадивзд̇хаа ман̃н̃анаанам̣ абхаавагааран̣ам̣ д̣̇ассзнд̇о жад̇усан̇кзбам̣ д̇исанд̇хим̣ д̇ияад̣̇д̇хам̣ вийсад̇аагаарам̣ д̇амзва бадижжасамуббаад̣̇ам̣ д̣̇ассзд̇и.

    Ettāvatā yaṃ bodhirukkhamūle aparājitapallaṅke nisinno sammasitvā sabbaññutaṃ patto, tassa paṭiccasamuppādassa paṭivedhā maññanānaṃ abhāvakāraṇaṃ dassento catusaṅkhepaṃ tisandhiṃ tiyaddhaṃ vīsatākāraṃ tameva paṭiccasamuppādaṃ dasseti.

    гат̇ам̣ бана зд̇д̇аавад̇аа зса саб̣б̣о д̣̇ассид̇о ход̇ийд̇и. зд̇т̇а хи нанд̣̇ийд̇и аяам̣ зго сан̇кзбо. д̣̇угкассаад̇и важанад̇о д̣̇угкам̣ д̣̇уд̇ияо, бхаваа ж̇аад̇ийд̇и важанад̇о бхаво д̇ад̇ияо, ж̇аад̇иж̇араамаран̣ам̣ жад̇уд̇т̇о. звам̣ д̇аава жад̇д̇ааро сан̇кзбаа взд̣̇ид̇аб̣б̣аа, годтаасаад̇и ад̇т̇о. д̇ан̣хаад̣̇угкаанам̣ бана анд̇арам̣ зго санд̇хи, д̣̇угкасса жа бхавасса жа анд̇арам̣ д̣̇уд̇ияо, бхавасса жа ж̇аад̇ияаа жа анд̇арам̣ д̇ад̇ияо. звам̣ жад̇уннам̣ ан̇г̇улийнам̣ анд̇арасад̣̇исаа жад̇усан̇кзбанд̇араа д̇аяо санд̇хий взд̣̇ид̇аб̣б̣аа.

    Kathaṃ pana ettāvatā esa sabbo dassito hotīti. Ettha hi nandīti ayaṃ eko saṅkhepo. Dukkhassāti vacanato dukkhaṃ dutiyo, bhavā jātīti vacanato bhavo tatiyo, jātijarāmaraṇaṃ catuttho. Evaṃ tāva cattāro saṅkhepā veditabbā, koṭṭhāsāti attho. Taṇhādukkhānaṃ pana antaraṃ eko sandhi, dukkhassa ca bhavassa ca antaraṃ dutiyo, bhavassa ca jātiyā ca antaraṃ tatiyo. Evaṃ catunnaṃ aṅgulīnaṃ antarasadisā catusaṅkhepantarā tayo sandhī veditabbā.

    д̇ад̇т̇а нанд̣̇ийд̇и ад̇ийд̇о ад̣̇д̇хаа, ж̇аад̇иж̇араамаран̣ам̣ анааг̇ад̇о, д̣̇угкан̃жа бхаво жа бажжуббаннод̇и звам̣ д̇аяо ад̣̇д̇хаа взд̣̇ид̇аб̣б̣аа. ад̇ийд̇з бана бан̃жасу аагаарзсу нанд̣̇ийважанзна д̇ан̣хаа згаа ааг̇ад̇аа, д̇ааяа анааг̇ад̇ааби авиж̇ж̇аасан̇каараубаад̣̇аанабхаваа бажжаяалагкан̣зна г̇ахид̇аава хонд̇и. ж̇аад̇иж̇араамаран̣аважанзна бана язсам̣ канд̇хаанам̣ д̇аж̇ж̇аад̇иж̇араамаран̣ам̣, д̇з вуд̇д̇аа язваад̇и гад̇ваа ааяад̇им̣ вин̃н̃аан̣анаамаруубасал̣ааяад̇анапассавзд̣̇анаа г̇ахид̇аава хонд̇и.

    Tattha nandīti atīto addhā, jātijarāmaraṇaṃ anāgato, dukkhañca bhavo ca paccuppannoti evaṃ tayo addhā veditabbā. Atīte pana pañcasu ākāresu nandīvacanena taṇhā ekā āgatā, tāya anāgatāpi avijjāsaṅkhāraupādānabhavā paccayalakkhaṇena gahitāva honti. Jātijarāmaraṇavacanena pana yesaṃ khandhānaṃ tajjātijarāmaraṇaṃ, te vuttā yevāti katvā āyatiṃ viññāṇanāmarūpasaḷāyatanaphassavedanā gahitāva honti.

    звамзд̇з ‘‘буримагаммабхавасмим̣ мохо авиж̇ж̇аа, ааяууханаа сан̇каараа, ниганд̇и д̇ан̣хаа, убаг̇аманам̣ убаад̣̇аанам̣, жзд̇анаа бхаво ид̇и имз бан̃жа д̇хаммаа буримагаммабхавасмим̣ ид̇ха бадисанд̇хияаа бажжаяаа. ид̇ха бадисанд̇хи вин̃н̃аан̣ам̣, огганд̇и наамаруубам̣, басаад̣̇о ааяад̇анам̣, пудто пассо, взд̣̇аяид̇ам̣ взд̣̇анаа ид̇и имз бан̃жа д̇хаммаа ид̇хуубабад̇д̇ибхавасмим̣ бурзгад̇асса гаммасса бажжаяаа. ид̇ха барибаггад̇д̇аа ааяад̇анаанам̣ мохо авиж̇ж̇аа, ааяууханаа сан̇каараа, ниганд̇и д̇ан̣хаа, убаг̇аманамубаад̣̇аанам̣, жзд̇анаа бхаво ид̇и имз бан̃жа д̇хаммаа ид̇ха гаммабхавасмим̣ ааяад̇им̣ бадисанд̇хияаа бажжаяаа. ааяад̇им̣ бадисанд̇хи вин̃н̃аан̣ам̣, огганд̇и наамаруубам̣, басаад̣̇о ааяад̇анам̣, пудто пассо , взд̣̇аяид̇ам̣ взд̣̇анаа ид̇и имз бан̃жа д̇хаммаа ааяад̇им̣ убабад̇д̇ибхавасмим̣ ид̇ха гад̇асса гаммасса бажжаяаа’’д̇и звам̣ нид̣̇д̣̇идталагкан̣аа вийсад̇и аагаараа ид̇ха взд̣̇ид̇аб̣б̣аа. звам̣ ‘‘нанд̣̇ий д̣̇угкасса мууланд̇и ид̇и вид̣̇ид̇ваа бхаваа ж̇аад̇и, бхууд̇асса ж̇араамаран̣а’’нд̇и зд̇д̇аавад̇аа зса саб̣б̣оби жад̇усан̇кзбо д̇исанд̇хи д̇ияад̣̇д̇хо вийсад̇аагааро бадижжасамуббаад̣̇о д̣̇ассид̇о ход̇ийд̇и взд̣̇ид̇аб̣б̣о.

    Evamete ‘‘purimakammabhavasmiṃ moho avijjā, āyūhanā saṅkhārā, nikanti taṇhā, upagamanaṃ upādānaṃ, cetanā bhavo iti ime pañca dhammā purimakammabhavasmiṃ idha paṭisandhiyā paccayā. Idha paṭisandhi viññāṇaṃ, okkanti nāmarūpaṃ, pasādo āyatanaṃ, phuṭṭho phasso, vedayitaṃ vedanā iti ime pañca dhammā idhūpapattibhavasmiṃ purekatassa kammassa paccayā. Idha paripakkattā āyatanānaṃ moho avijjā, āyūhanā saṅkhārā, nikanti taṇhā, upagamanamupādānaṃ, cetanā bhavo iti ime pañca dhammā idha kammabhavasmiṃ āyatiṃ paṭisandhiyā paccayā. Āyatiṃ paṭisandhi viññāṇaṃ, okkanti nāmarūpaṃ, pasādo āyatanaṃ, phuṭṭho phasso , vedayitaṃ vedanā iti ime pañca dhammā āyatiṃ upapattibhavasmiṃ idha katassa kammassa paccayā’’ti evaṃ niddiṭṭhalakkhaṇā vīsati ākārā idha veditabbā. Evaṃ ‘‘nandī dukkhassa mūlanti iti viditvā bhavā jāti, bhūtassa jarāmaraṇa’’nti ettāvatā esa sabbopi catusaṅkhepo tisandhi tiyaddho vīsatākāro paṭiccasamuppādo dassito hotīti veditabbo.

    ид̣̇аани д̇асмаа д̇иха, бхигкавз…бз… абхисамб̣уд̣̇д̇ход̇и вад̣̇аамийд̇и зд̇т̇а абуб̣б̣абад̣̇аван̣н̣анам̣ гад̇ваа бад̣̇аяож̇анааяа ад̇т̇аниг̇аманам̣ гариссаама. д̇асмаа д̇ихаад̇и д̇асмаа ижжзва вуд̇д̇ам̣ ход̇и. д̇игаарахагаараа хи нибаад̇аа. саб̣б̣асод̇и анавасзсаважанамзд̇ам̣. д̇ан̣хаананд̇и нанд̣̇ийд̇и звам̣ вуд̇д̇аанам̣ саб̣б̣ад̇ан̣хаанам̣. каяаад̇и логуд̇д̇арамаг̇г̇зна ажжанд̇агкаяаа. вирааг̇аад̣̇ийни каяавзважанаанзва. яаа хи д̇ан̣хаа кийн̣аа, вирад̇д̇ааби д̇аа бхаванд̇и нируд̣̇д̇хааби жад̇д̇ааби бадиниссадтааби. каяаад̇и ваа жад̇умаг̇г̇агижжасаад̇хааран̣амзд̇ам̣. д̇ад̇о батамамаг̇г̇зна вирааг̇аа, д̣̇уд̇иязна нирод̇хаа, д̇ад̇иязна жааг̇аа, жад̇уд̇т̇зна бадиниссаг̇г̇аад̇и яож̇зд̇аб̣б̣ам̣. яаахи ваа д̇ан̣хаахи бат̇авим̣ бат̇авид̇о сан̃ж̇аанзяяа, д̇аасам̣ каяаа. яаахи бат̇авим̣ ман̃н̃зяяа, д̇аасам̣ вирааг̇аа. яаахи бат̇авияаа ман̃н̃зяяа, д̇аасам̣ нирод̇хаа. яаахи бат̇авид̇о ман̃н̃зяяа, д̇аасам̣ жааг̇аа. яаахи бат̇авим̣ мзд̇и ман̃н̃зяяа, д̇аасам̣ бадиниссаг̇г̇аа. яаахи ваа бат̇авим̣ ман̃н̃зяяа, д̇аасам̣ каяаа…бз… яаахи бат̇авим̣ абхинанд̣̇зяяа, д̇аасам̣ бадиниссаг̇г̇аад̇и звамзд̇т̇а яож̇анаа гаад̇аб̣б̣аа, на гин̃жи вируж̇жхад̇и.

    Idāni tasmā tiha, bhikkhave…pe… abhisambuddhoti vadāmīti ettha apubbapadavaṇṇanaṃ katvā padayojanāya atthanigamanaṃ karissāma. Tasmā tihāti tasmā icceva vuttaṃ hoti. Tikārahakārā hi nipātā. Sabbasoti anavasesavacanametaṃ. Taṇhānanti nandīti evaṃ vuttānaṃ sabbataṇhānaṃ. Khayāti lokuttaramaggena accantakkhayā. Virāgādīni khayavevacanāneva. Yā hi taṇhā khīṇā, virattāpi tā bhavanti niruddhāpi cattāpi paṭinissaṭṭhāpi. Khayāti vā catumaggakiccasādhāraṇametaṃ. Tato paṭhamamaggena virāgā, dutiyena nirodhā, tatiyena cāgā, catutthena paṭinissaggāti yojetabbaṃ. Yāhi vā taṇhāhi pathaviṃ pathavito sañjāneyya, tāsaṃ khayā. Yāhi pathaviṃ maññeyya, tāsaṃ virāgā. Yāhi pathaviyā maññeyya, tāsaṃ nirodhā. Yāhi pathavito maññeyya, tāsaṃ cāgā. Yāhi pathaviṃ meti maññeyya, tāsaṃ paṭinissaggā. Yāhi vā pathaviṃ maññeyya, tāsaṃ khayā…pe… yāhi pathaviṃ abhinandeyya, tāsaṃ paṭinissaggāti evamettha yojanā kātabbā, na kiñci virujjhati.

    ануд̇д̇аранд̇и уд̇д̇аравирахид̇ам̣ саб̣б̣асздтам̣. саммаасамб̣од̇хинд̇и саммаа сааман̃жа б̣од̇хим̣. ат̇а ваа басад̇т̇ам̣ сунд̣̇аран̃жа б̣од̇хим̣. б̣од̇хийд̇и ругкоби маг̇г̇оби саб̣б̣ан̃н̃уд̇ан̃аан̣амби ниб̣б̣аанамби. ‘‘б̣од̇хиругкамуулз батамаабхисамб̣уд̣̇д̇хо’’д̇и (махаава. 1; уд̣̇аа. 1) жа ‘‘анд̇араа жа б̣од̇хим̣ анд̇араа жа г̇аяа’’нд̇и (махаава. 11; ма. ни. 1.285) жа ааг̇ад̇адтаанзхи ругко б̣од̇хийд̇и вужжад̇и. ‘‘жад̇уусу маг̇г̇зсу н̃аан̣а’’нд̇и (жуул̣ани. 121) ааг̇ад̇адтаанз маг̇г̇о. ‘‘баббод̇и б̣од̇хим̣ варабхууримзд̇хасо’’д̇и (д̣̇ий. ни. 3.217) ааг̇ад̇адтаанз саб̣б̣ан̃н̃уд̇ан̃аан̣ам̣. ‘‘бад̇ваана б̣од̇хим̣ амад̇ам̣ асан̇кад̇а’’нд̇и ааг̇ад̇адтаанз ниб̣б̣аанам̣. ид̇ха бана бхаг̇авад̇о арахад̇д̇амаг̇г̇ан̃аан̣ам̣ ад̇хиббзд̇ам̣. абарз саб̣б̣ан̃н̃уд̇ан̃аан̣анд̇иби вад̣̇анд̇и.

    Anuttaranti uttaravirahitaṃ sabbaseṭṭhaṃ. Sammāsambodhinti sammā sāmañca bodhiṃ. Atha vā pasatthaṃ sundarañca bodhiṃ. Bodhīti rukkhopi maggopi sabbaññutañāṇampi nibbānampi. ‘‘Bodhirukkhamūle paṭhamābhisambuddho’’ti (mahāva. 1; udā. 1) ca ‘‘antarā ca bodhiṃ antarā ca gaya’’nti (mahāva. 11; ma. ni. 1.285) ca āgataṭṭhānehi rukkho bodhīti vuccati. ‘‘Catūsu maggesu ñāṇa’’nti (cūḷani. 121) āgataṭṭhāne maggo. ‘‘Pappoti bodhiṃ varabhūrimedhaso’’ti (dī. ni. 3.217) āgataṭṭhāne sabbaññutañāṇaṃ. ‘‘Patvāna bodhiṃ amataṃ asaṅkhata’’nti āgataṭṭhāne nibbānaṃ. Idha pana bhagavato arahattamaggañāṇaṃ adhippetaṃ. Apare sabbaññutañāṇantipi vadanti.

    саавагаанам̣ арахад̇д̇амаг̇г̇о ануд̇д̇араа б̣од̇хи ход̇и на ход̇ийд̇и. на ход̇и. гасмаа? асаб̣б̣аг̇ун̣ад̣̇ааяагад̇д̇аа. д̇зсан̃хи гассажи арахад̇д̇амаг̇г̇о арахад̇д̇апаламзва д̣̇зд̇и, гассажи д̇иссо виж̇ж̇аа, гассажи ча абхин̃н̃аа, гассажи жад̇ассо бадисамбхид̣̇аа, гассажи саавагабаарамийн̃аан̣ам̣. бажжзгаб̣уд̣̇д̇хаанамби бажжзгаб̣од̇хин̃аан̣амзва д̣̇зд̇и. б̣уд̣̇д̇хаанам̣ бана саб̣б̣аг̇ун̣асамбад̇д̇им̣ д̣̇зд̇и абхисзго вияа ран̃н̃о саб̣б̣алогиссарияабхаавам̣. д̇асмаа ан̃н̃асса гассажиби ануд̇д̇араа б̣од̇хи на ход̇ийд̇и.

    Sāvakānaṃ arahattamaggo anuttarā bodhi hoti na hotīti. Na hoti. Kasmā? Asabbaguṇadāyakattā. Tesañhi kassaci arahattamaggo arahattaphalameva deti, kassaci tisso vijjā, kassaci cha abhiññā, kassaci catasso paṭisambhidā, kassaci sāvakapāramīñāṇaṃ. Paccekabuddhānampi paccekabodhiñāṇameva deti. Buddhānaṃ pana sabbaguṇasampattiṃ deti abhiseko viya rañño sabbalokissariyabhāvaṃ. Tasmā aññassa kassacipi anuttarā bodhi na hotīti.

    абхисамб̣уд̣̇д̇ход̇и абхин̃н̃ааси бадивиж̇жхи, бад̇д̇о ад̇хиг̇ад̇од̇и вуд̇д̇ам̣ ход̇и. ид̇и вад̣̇аамийд̇и ид̇и вад̣̇аами аажигкаами д̣̇зсзми бан̃н̃абзми, бадтабзми вивараами вибхаж̇аами уд̇д̇аанийгаромийд̇и. д̇ад̇рааяам̣ яож̇анаа – д̇ат̇ааг̇ад̇оби, бхигкавз…бз… бат̇авим̣ на ман̃н̃ад̇и…бз… бат̇авим̣ наабхинанд̣̇ад̇и. д̇ам̣ гисса хзд̇у, нанд̣̇ий д̣̇угкасса муулам̣, бхаваа ж̇аад̇и, бхууд̇асса ж̇араамаран̣анд̇и ид̇и вид̣̇ид̇ваад̇и. д̇ад̇т̇а ид̇и вид̣̇ид̇ваад̇и ид̇игааро гааран̣ад̇т̇о. д̇зна имасса бадижжасамуббаад̣̇асса вид̣̇ид̇ад̇д̇аа бадивид̣̇д̇хад̇д̇аад̇и вуд̇д̇ам̣ ход̇и. гин̃жа бхияяо – яасмаа жа звамимам̣ бадижжасамуббаад̣̇ам̣ вид̣̇ид̇ваа д̇ат̇ааг̇ад̇асса яаа нанд̣̇ийд̇и вуд̇д̇ад̇ан̣хаа саб̣б̣аббагаараа, саа бахийнаа, д̇аасан̃жа д̇ат̇ааг̇ад̇о саб̣б̣асо д̇ан̣хаанам̣ каяаа…бз… ануд̇д̇арам̣ саммаасамб̣од̇хим̣ абхисамб̣уд̣̇д̇хо. д̇асмаа бат̇авим̣ на ман̃н̃ад̇и…бз… бат̇авим̣ наабхинанд̣̇ад̇ийд̇и вад̣̇аамийд̇и звам̣ абхисамб̣уд̣̇д̇хад̇д̇аа на ман̃н̃ад̇и наабхинанд̣̇ад̇ийд̇и вад̣̇аамийд̇и вуд̇д̇ам̣ ход̇и.

    Abhisambuddhoti abhiññāsi paṭivijjhi, patto adhigatoti vuttaṃ hoti. Iti vadāmīti iti vadāmi ācikkhāmi desemi paññapemi, paṭṭhapemi vivarāmi vibhajāmi uttānīkaromīti. Tatrāyaṃ yojanā – tathāgatopi, bhikkhave…pe… pathaviṃ na maññati…pe… pathaviṃ nābhinandati. Taṃ kissa hetu, nandī dukkhassa mūlaṃ, bhavā jāti, bhūtassa jarāmaraṇanti iti viditvāti. Tattha iti viditvāti itikāro kāraṇattho. Tena imassa paṭiccasamuppādassa viditattā paṭividdhattāti vuttaṃ hoti. Kiñca bhiyyo – yasmā ca evamimaṃ paṭiccasamuppādaṃ viditvā tathāgatassa yā nandīti vuttataṇhā sabbappakārā, sā pahīnā, tāsañca tathāgato sabbaso taṇhānaṃ khayā…pe… anuttaraṃ sammāsambodhiṃ abhisambuddho. Tasmā pathaviṃ na maññati…pe… pathaviṃ nābhinandatīti vadāmīti evaṃ abhisambuddhattā na maññati nābhinandatīti vadāmīti vuttaṃ hoti.

    ат̇а ваа яасмаа ‘‘нанд̣̇ий д̣̇угкасса муула’’нд̇иаад̣̇инаа наязна бадижжасамуббаад̣̇ам̣ вид̣̇ид̇ваа саб̣б̣асо д̇ан̣хаа каяам̣ г̇ад̇аа, д̇асмаа д̇иха, бхигкавз, д̇ат̇ааг̇ад̇о саб̣б̣асо д̇ан̣хаанам̣ каяаа…бз… абхисамб̣уд̣̇д̇ход̇и вад̣̇аами. со звам̣ абхисамб̣уд̣̇д̇хад̇д̇аа бат̇авим̣ на ман̃н̃ад̇и…бз… наабхинанд̣̇ад̇ийд̇и. яад̇т̇а яад̇т̇а хи яасмаад̇и авад̇ваа д̇асмаад̇и вужжад̇и, д̇ад̇т̇а д̇ад̇т̇а яасмаад̇и аанзд̇ваа яож̇зд̇аб̣б̣ам̣, аяам̣ саасанаяуд̇д̇и. зса наяо саб̣б̣ад̇т̇а.

    Atha vā yasmā ‘‘nandī dukkhassa mūla’’ntiādinā nayena paṭiccasamuppādaṃ viditvā sabbaso taṇhā khayaṃ gatā, tasmā tiha, bhikkhave, tathāgato sabbaso taṇhānaṃ khayā…pe… abhisambuddhoti vadāmi. So evaṃ abhisambuddhattā pathaviṃ na maññati…pe… nābhinandatīti. Yattha yattha hi yasmāti avatvā tasmāti vuccati, tattha tattha yasmāti ānetvā yojetabbaṃ, ayaṃ sāsanayutti. Esa nayo sabbattha.

    ид̣̇амавожа бхаг̇аваад̇и ид̣̇ам̣ нид̣̇аанаавасаанад̇о бабхуд̇и яаава абхисамб̣уд̣̇д̇ход̇и вад̣̇аамийд̇и сагаласуд̇д̇анд̇ам̣ бхаг̇аваа барзсам̣ бан̃н̃ааяа алаб̣бхан̣зяяабад̇идтам̣ барамаг̇амбхийрам̣ саб̣б̣ан̃н̃уд̇ан̃аан̣ам̣ д̣̇ассзнд̇о згзна бут̇уж̇ж̇анаваарзна згзна сзгкаваарзна жад̇уухи кийн̣аасававаарзхи д̣̇вийхи д̇ат̇ааг̇ад̇аваарзхийд̇и адтахи махааваарзхи згамзгасмин̃жа ваарз бат̇авийаад̣̇ийхи жад̇увийсад̇ияаа анд̇араваарзхи бадиман̣д̣зд̇ваа д̣̇взбхаан̣аваарабаримаан̣ааяа д̇анд̇ияаа авожа.

    Idamavoca bhagavāti idaṃ nidānāvasānato pabhuti yāva abhisambuddhoti vadāmīti sakalasuttantaṃ bhagavā paresaṃ paññāya alabbhaṇeyyapatiṭṭhaṃ paramagambhīraṃ sabbaññutañāṇaṃ dassento ekena puthujjanavārena ekena sekkhavārena catūhi khīṇāsavavārehi dvīhi tathāgatavārehīti aṭṭhahi mahāvārehi ekamekasmiñca vāre pathavīādīhi catuvīsatiyā antaravārehi paṭimaṇḍetvā dvebhāṇavāraparimāṇāya tantiyā avoca.

    звам̣ вижид̇ранаяад̣̇зсанаавилаасаяуд̇д̇ам̣ банзд̇ам̣ суд̇д̇ам̣ гаравигаруд̣̇аман̃ж̇унаа ган̣н̣асукзна бан̣д̣ид̇аж̇анахад̣̇аяаанам̣ амад̇аабхисзгасад̣̇исзна б̣рахмассарзна бхаасамаанассааби. на д̇з бхигкуу бхаг̇авад̇о бхаасид̇ам̣ абхинанд̣̇унд̇и д̇з бан̃жасад̇аа бхигкуу ид̣̇ам̣ бхаг̇авад̇о важанам̣ наанумод̣̇им̣су. гасмаа? ан̃н̃аан̣агзна. д̇з гира имасса суд̇д̇асса ад̇т̇ам̣ на ж̇ааним̣су, д̇асмаа наабхинанд̣̇им̣су. д̇зсан̃хи д̇асмим̣ самаяз звам̣ вижид̇ранаяад̣̇зсанаавилаасаяуд̇д̇амби зд̇ам̣ суд̇д̇ам̣ гханабут̇улзна д̣̇уссабаддзна мукз б̣анд̇хам̣ гад̇ваа бурад̇о табид̇аманун̃н̃абхож̇анам̣ вияа ахоси. нану жа бхаг̇аваа ад̇д̇анаа д̣̇зсид̇ам̣ д̇хаммам̣ барз н̃аабзд̇ум̣ габбасад̇асахассаад̇хигаани жад̇д̇аари асан̇кязяяаани баарамияо буурзд̇ваа саб̣б̣ан̃н̃уд̇ам̣ бад̇д̇о. со гасмаа яат̇аа д̇з на ж̇аананд̇и, д̇ат̇аа д̣̇зсзсийд̇и. вуд̇д̇амид̣̇ам̣ имасса суд̇д̇асса нигкзбавижааран̣ааяам̣ зва ‘‘маанабхан̃ж̇анад̇т̇ам̣ саб̣б̣ад̇хаммамуулабарияааяанд̇и д̣̇зсанам̣ аарабхий’’д̇и, д̇асмаа на яид̇ха буна вад̇д̇аб̣б̣амад̇т̇и, звам̣ маанабхан̃ж̇анад̇т̇ам̣ д̣̇зсид̇ан̃жа банзд̇ам̣ суд̇д̇ам̣ суд̇ваа д̇з бхигкуу д̇ам̣язва гира бат̇авим̣ д̣̇идтиг̇ад̇игоби сан̃ж̇аанаад̇и, сзгкоби арахааби д̇ат̇ааг̇ад̇оби сан̃ж̇аанаад̇и. гиннаамид̣̇ам̣ гат̇ам̣ наамид̣̇анд̇и жинд̇знд̇аа буб̣б̣з маяам̣ бхаг̇авад̇аа гат̇ид̇ам̣ яам̣гин̃жи киббамзва ж̇аанаама, ид̣̇аани банимасса муулабарияааяасса анд̇ам̣ ваа годим̣ ваа на ж̇аанаама на бассаама, ахо б̣уд̣̇д̇хаа наама аббамзяяаа ад̇улаад̇и уд̣̇д̇хадад̣̇аатаа вияа саббаа ниммад̣̇аа худ̇ваа б̣уд̣̇д̇хубадтаанан̃жа д̇хаммассаванан̃жа саггажжам̣ ааг̇амам̣су.

    Evaṃ vicitranayadesanāvilāsayuttaṃ panetaṃ suttaṃ karavikarudamañjunā kaṇṇasukhena paṇḍitajanahadayānaṃ amatābhisekasadisena brahmassarena bhāsamānassāpi. Na te bhikkhū bhagavato bhāsitaṃ abhinandunti te pañcasatā bhikkhū idaṃ bhagavato vacanaṃ nānumodiṃsu. Kasmā? Aññāṇakena. Te kira imassa suttassa atthaṃ na jāniṃsu, tasmā nābhinandiṃsu. Tesañhi tasmiṃ samaye evaṃ vicitranayadesanāvilāsayuttampi etaṃ suttaṃ ghanaputhulena dussapaṭṭena mukhe bandhaṃ katvā purato ṭhapitamanuññabhojanaṃ viya ahosi. Nanu ca bhagavā attanā desitaṃ dhammaṃ pare ñāpetuṃ kappasatasahassādhikāni cattāri asaṅkhyeyyāni pāramiyo pūretvā sabbaññutaṃ patto. So kasmā yathā te na jānanti, tathā desesīti. Vuttamidaṃ imassa suttassa nikkhepavicāraṇāyaṃ eva ‘‘mānabhañjanatthaṃ sabbadhammamūlapariyāyanti desanaṃ ārabhī’’ti, tasmā na yidha puna vattabbamatthi, evaṃ mānabhañjanatthaṃ desitañca panetaṃ suttaṃ sutvā te bhikkhū taṃyeva kira pathaviṃ diṭṭhigatikopi sañjānāti, sekkhopi arahāpi tathāgatopi sañjānāti. Kinnāmidaṃ kathaṃ nāmidanti cintentā pubbe mayaṃ bhagavatā kathitaṃ yaṃkiñci khippameva jānāma, idāni panimassa mūlapariyāyassa antaṃ vā koṭiṃ vā na jānāma na passāma, aho buddhā nāma appameyyā atulāti uddhaṭadāṭhā viya sappā nimmadā hutvā buddhupaṭṭhānañca dhammassavanañca sakkaccaṃ āgamaṃsu.

    д̇зна ко бана самаязна бхигкуу д̇хаммасабхааяам̣ саннисиннаа имам̣ гат̇ам̣ самудтаабзсум̣ ‘‘ахо б̣уд̣̇д̇хаанам̣ аанубхааво, д̇з наама б̣раахман̣абаб̣б̣аж̇ид̇аа д̇ат̇аа маанамад̣̇амад̇д̇аа бхаг̇авад̇аа муулабарияааяад̣̇зсанааяа нихад̇амаанаа гад̇аа’’д̇и, аяан̃жарахи д̇зсам̣ бхигкуунам̣ анд̇араагат̇аа виббагад̇аа. ат̇а бхаг̇аваа г̇анд̇хагудияаа нигкамид̇ваа д̇ан̇кан̣аануруубзна баадихаариязна д̇хаммасабхааяам̣ бан̃н̃ад̇д̇авараб̣уд̣̇д̇хаасанз нисийд̣̇ид̇ваа д̇з бхигкуу ааха – ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и. д̇з д̇амад̇т̇ам̣ бхаг̇авад̇о аарожзсум̣. бхаг̇аваа зд̇ад̣̇авожа – ‘‘на, бхигкавз, ид̣̇аанзва, буб̣б̣зби ахам̣ имз звам̣ маанабаг̇г̇ахид̇асирз вижаранд̇з нихад̇амаанз агааси’’нд̇и. д̇ад̇о имиссаа адтуббад̇д̇ияаа ид̣̇ам̣ ад̇ийд̇ам̣ аанзси –

    Tena kho pana samayena bhikkhū dhammasabhāyaṃ sannisinnā imaṃ kathaṃ samuṭṭhāpesuṃ ‘‘aho buddhānaṃ ānubhāvo, te nāma brāhmaṇapabbajitā tathā mānamadamattā bhagavatā mūlapariyāyadesanāya nihatamānā katā’’ti, ayañcarahi tesaṃ bhikkhūnaṃ antarākathā vippakatā. Atha bhagavā gandhakuṭiyā nikkhamitvā taṅkhaṇānurūpena pāṭihāriyena dhammasabhāyaṃ paññattavarabuddhāsane nisīditvā te bhikkhū āha – ‘‘kāya nuttha, bhikkhave, etarahi kathāya sannisinnā’’ti. Te tamatthaṃ bhagavato ārocesuṃ. Bhagavā etadavoca – ‘‘na, bhikkhave, idāneva, pubbepi ahaṃ ime evaṃ mānapaggahitasire vicarante nihatamāne akāsi’’nti. Tato imissā aṭṭhuppattiyā idaṃ atītaṃ ānesi –

    бхууд̇абуб̣б̣ам̣ , бхигкавз, ан̃н̃ад̇аро д̣̇исаабаамогко б̣раахман̣о б̣аараан̣асияам̣ бадивасад̇и д̇ин̣н̣ам̣ взд̣̇аанам̣ баараг̇уу санигхан̣дугздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо, со бан̃жамад̇д̇аани маан̣авагасад̇аани манд̇з ваажзд̇и. бан̣д̣ид̇аа маан̣авагаа б̣ахун̃жа г̇ан̣ханд̇и лахун̃жа, судту жа убад̇хаарзнд̇и, г̇ахид̇ан̃жа д̇зсам̣ на винассад̇и. соби б̣раахман̣о аажарияамудтим̣ агад̇ваа гхадз уд̣̇агам̣ аасин̃жанд̇о вияа саб̣б̣амби сиббам̣ уг̇г̇ан̣хаабзд̇ваа д̇з маан̣авагз зд̇ад̣̇авожа ‘‘зд̇д̇агамид̣̇ам̣ сиббам̣ д̣̇идтад̇хаммасамбарааяахид̇а’’нд̇и. д̇з маан̣авагаа – ‘‘яам̣ амхаагам̣ аажарияо ж̇аанаад̇и, маяамби д̇ам̣ ж̇аанаама, маяамби д̣̇аани аажарияаа зваа’’д̇и маанам̣ уббаад̣̇зд̇ваа д̇ад̇о бабхуд̇и аажарияз аг̇аараваа нигкид̇д̇авад̇д̇аа вихарим̣су. аажарияо н̃ад̇ваа ‘‘гариссаами нзсам̣ маананиг̇г̇аха’’нд̇и жинд̇зси. со згад̣̇ивасам̣ убадтаанам̣ ааг̇анд̇ваа ванд̣̇ид̇ваа нисиннз д̇з маан̣авагз ааха ‘‘д̇аад̇аа бан̃хам̣ бужчиссаами, гажжид̇т̇а самад̇т̇аа гат̇зд̇у’’нд̇и. д̇з ‘‘бужчат̇а аажарияа, бужчат̇а аажарияаа’’д̇и сахасаава аахам̣су, яат̇аа д̇ам̣ суд̇амад̣̇амад̇д̇аа. аажарияо ааха –

    Bhūtapubbaṃ , bhikkhave, aññataro disāpāmokkho brāhmaṇo bārāṇasiyaṃ paṭivasati tiṇṇaṃ vedānaṃ pāragū sanighaṇṭukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo, so pañcamattāni māṇavakasatāni mante vāceti. Paṇḍitā māṇavakā bahuñca gaṇhanti lahuñca, suṭṭhu ca upadhārenti, gahitañca tesaṃ na vinassati. Sopi brāhmaṇo ācariyamuṭṭhiṃ akatvā ghaṭe udakaṃ āsiñcanto viya sabbampi sippaṃ uggaṇhāpetvā te māṇavake etadavoca ‘‘ettakamidaṃ sippaṃ diṭṭhadhammasamparāyahita’’nti. Te māṇavakā – ‘‘yaṃ amhākaṃ ācariyo jānāti, mayampi taṃ jānāma, mayampi dāni ācariyā evā’’ti mānaṃ uppādetvā tato pabhuti ācariye agāravā nikkhittavattā vihariṃsu. Ācariyo ñatvā ‘‘karissāmi nesaṃ mānaniggaha’’nti cintesi. So ekadivasaṃ upaṭṭhānaṃ āgantvā vanditvā nisinne te māṇavake āha ‘‘tātā pañhaṃ pucchissāmi, kaccittha samatthā kathetu’’nti. Te ‘‘pucchatha ācariya, pucchatha ācariyā’’ti sahasāva āhaṃsu, yathā taṃ sutamadamattā. Ācariyo āha –

    ‘‘гаало гхасад̇и бхууд̇аани, саб̣б̣аанзва сахад̇д̇анаа;

    ‘‘Kālo ghasati bhūtāni, sabbāneva sahattanā;

    яо жа гаалагхасо бхууд̇о, са бхууд̇абажаним̣ бажий’’д̇и. (ж̇аа. 1.10.190) –

    Yo ca kālaghaso bhūto, sa bhūtapacaniṃ pacī’’ti. (jā. 1.10.190) –

    виссаж̇ж̇зт̇а д̇аад̇аа имам̣ бан̃ханд̇и.

    Vissajjetha tātā imaṃ pañhanti.

    д̇з жинд̇зд̇ваа аж̇аанамаанаа д̇ун̣хий ахзсум̣. аажарияо ааха ‘‘алам̣ д̇аад̇аа г̇ажчат̇аж̇ж̇а, свз гат̇зяяаат̇аа’’д̇и уяяож̇зси. д̇з д̣̇асаби вийсад̇иби самбин̣д̣ид̇аа худ̇ваа на д̇асса бан̃хасса аад̣̇им̣, на анд̇амад̣̇д̣̇асам̣су. ааг̇анд̇ваа аажарияасса аарожзсум̣ ‘‘на имасса бан̃хасса ад̇т̇ам̣ ааж̇аанаамаа’’д̇и. аажарияо д̇зсам̣ ниг̇г̇ахад̇т̇ааяа имам̣ г̇аат̇амабхааси –

    Te cintetvā ajānamānā tuṇhī ahesuṃ. Ācariyo āha ‘‘alaṃ tātā gacchathajja, sve katheyyāthā’’ti uyyojesi. Te dasapi vīsatipi sampiṇḍitā hutvā na tassa pañhassa ādiṃ, na antamaddasaṃsu. Āgantvā ācariyassa ārocesuṃ ‘‘na imassa pañhassa atthaṃ ājānāmā’’ti. Ācariyo tesaṃ niggahatthāya imaṃ gāthamabhāsi –

    ‘‘б̣ахууни нарасийсаани, ломасаани б̣рахаани жа;

    ‘‘Bahūni narasīsāni, lomasāni brahāni ca;

    г̇ийваасу бадимуггаани, гожид̣̇звзд̇т̇а ган̣н̣аваа’’д̇и. (ж̇аа. 1.10.191) –

    Gīvāsu paṭimukkāni, kocidevettha kaṇṇavā’’ti. (jā. 1.10.191) –

    г̇аат̇ааяад̇т̇о – б̣ахууни нараанам̣ сийсаани д̣̇иссанд̇и, саб̣б̣аани жа д̇аани ломасаани саб̣б̣аани жа маханд̇аани г̇ийвааяамзва жа табид̇аани, на д̇аалапалам̣ вияа хад̇т̇зна г̇ахид̇аани, над̇т̇и д̇зсам̣ имзхи д̇хаммзхи наанаагаран̣ам̣. зд̇т̇а бана гожид̣̇зва ган̣н̣аваад̇и ад̇д̇аанам̣ санд̇хааяааха. ган̣н̣аваад̇и бан̃н̃аваа. ган̣н̣ажчид̣̇д̣̇ам̣ бана на гассажи над̇т̇и, д̇ам̣ суд̇ваа д̇з маан̣авагаа ман̇губхууд̇аа бад̇д̇агканд̇хаа ад̇хомукаа ан̇г̇улияаа бхуумим̣ виликанд̇аа д̇ун̣хий ахзсум̣.

    Gāthāyattho – bahūni narānaṃ sīsāni dissanti, sabbāni ca tāni lomasāni sabbāni ca mahantāni gīvāyameva ca ṭhapitāni, na tālaphalaṃ viya hatthena gahitāni, natthi tesaṃ imehi dhammehi nānākaraṇaṃ. Ettha pana kocideva kaṇṇavāti attānaṃ sandhāyāha. Kaṇṇavāti paññavā. Kaṇṇacchiddaṃ pana na kassaci natthi, taṃ sutvā te māṇavakā maṅkubhūtā pattakkhandhā adhomukhā aṅguliyā bhūmiṃ vilikhantā tuṇhī ahesuṃ.

    ат̇а нзсам̣ ахиригабхаавам̣ бассид̇ваа аажарияо ‘‘уг̇г̇ан̣хат̇а д̇аад̇аа бан̃ха’’нд̇и бан̃хам̣ виссаж̇ж̇зси. гаалод̇и бурзбхад̇д̇агаалоби бажчаабхад̇д̇агаалобийд̇и звамаад̣̇и. бхууд̇аанийд̇и сад̇д̇аад̇хиважанамзд̇ам̣. гаало хи бхууд̇аанам̣ на жаммамам̣саад̣̇ийни каад̣̇ад̇и, абижа ко нзсам̣ ааяуван̣н̣аб̣алаани кзбзнд̇о яоб̣б̣ан̃н̃ам̣ мад̣̇д̣̇анд̇о аарог̇яам̣ винаасзнд̇о гхасад̇и каад̣̇ад̇ийд̇и вужжад̇и. саб̣б̣аанзва сахад̇д̇анаад̇и звам̣ гхасанд̇о жа на гин̃жи важ̇ж̇зд̇и, саб̣б̣аанзва гхасад̇и. на гзвалан̃жа бхууд̇ааниязва, абижа ко сахад̇д̇анаа ад̇д̇аанамби гхасад̇и. бурзбхад̇д̇агаало хи бажчаабхад̇д̇агаалам̣ на баабун̣аад̇и. зса наяо бажчаабхад̇д̇агаалаад̣̇ийсу. яо жа гаалагхасо бхууд̇од̇и кийн̣аасавассзд̇ам̣ ад̇хиважанам̣. со хи ааяад̇им̣ бадисанд̇хигаалам̣ кзбзд̇ваа каад̣̇ид̇ваа тид̇ад̇д̇аа ‘‘гаалагхасо’’д̇и вужжад̇и. са бхууд̇абажаним̣ бажийд̇и со яааяам̣ д̇ан̣хаа абааязсу бхууд̇з бажад̇и, д̇ам̣ н̃аан̣аг̇г̇инаа бажи д̣̇аяхи бхасмамагааси, д̇зна ‘‘бхууд̇абажаним̣ бажий’’д̇и вужжад̇и. ‘‘баж̇ани’’нд̇иби баато. ж̇анигам̣ ниб̣б̣ад̇д̇иганд̇и ад̇т̇о.

    Atha nesaṃ ahirikabhāvaṃ passitvā ācariyo ‘‘uggaṇhatha tātā pañha’’nti pañhaṃ vissajjesi. Kāloti purebhattakālopi pacchābhattakālopīti evamādi. Bhūtānīti sattādhivacanametaṃ. Kālo hi bhūtānaṃ na cammamaṃsādīni khādati, apica kho nesaṃ āyuvaṇṇabalāni khepento yobbaññaṃ maddanto ārogyaṃ vināsento ghasati khādatīti vuccati. Sabbāneva sahattanāti evaṃ ghasanto ca na kiñci vajjeti, sabbāneva ghasati. Na kevalañca bhūtāniyeva, apica kho sahattanā attānampi ghasati. Purebhattakālo hi pacchābhattakālaṃ na pāpuṇāti. Esa nayo pacchābhattakālādīsu. Yo ca kālaghaso bhūtoti khīṇāsavassetaṃ adhivacanaṃ. So hi āyatiṃ paṭisandhikālaṃ khepetvā khāditvā ṭhitattā ‘‘kālaghaso’’ti vuccati. Sa bhūtapacaniṃ pacīti so yāyaṃ taṇhā apāyesu bhūte pacati, taṃ ñāṇagginā paci dayhi bhasmamakāsi, tena ‘‘bhūtapacaniṃ pacī’’ti vuccati. ‘‘Pajani’’ntipi pāṭho. Janikaṃ nibbattikanti attho.

    ат̇а д̇з маан̣авагаа д̣̇ийбасахассаалогзна вияа рад̇д̇им̣ самависамам̣ аажарияасса виссаж̇ж̇анзна бан̃хасса ад̇т̇ам̣ баагадам̣ д̣̇исваа ‘‘ид̣̇аани маяам̣ яааваж̇ийвам̣ г̇уруваасам̣ васиссаама, маханд̇аа зд̇з аажарияаа наама, маяан̃хи б̣ахуссуд̇амаанам̣ уббаад̣̇зд̇ваа жад̇уббад̣̇игаг̇аат̇ааяаби ад̇т̇ам̣ на ж̇аанаамаа’’д̇и нихад̇амаанаа буб̣б̣асад̣̇исамзва аажарияасса вад̇д̇аббадибад̇д̇им̣ гад̇ваа саг̇г̇абарааяан̣аа ахзсум̣.

    Atha te māṇavakā dīpasahassālokena viya rattiṃ samavisamaṃ ācariyassa vissajjanena pañhassa atthaṃ pākaṭaṃ disvā ‘‘idāni mayaṃ yāvajīvaṃ guruvāsaṃ vasissāma, mahantā ete ācariyā nāma, mayañhi bahussutamānaṃ uppādetvā catuppadikagāthāyapi atthaṃ na jānāmā’’ti nihatamānā pubbasadisameva ācariyassa vattappaṭipattiṃ katvā saggaparāyaṇā ahesuṃ.

    ахам̣ ко, бхигкавз, д̇зна самаязна д̇зсам̣ аажарияо ахосим̣, имз бхигкуу маан̣авагаа. звам̣ буб̣б̣збаахам̣ имз звам̣ маанабаг̇г̇ахид̇асирз вижаранд̇з нихад̇амаанз агаасинд̇и.

    Ahaṃ kho, bhikkhave, tena samayena tesaṃ ācariyo ahosiṃ, ime bhikkhū māṇavakā. Evaṃ pubbepāhaṃ ime evaṃ mānapaggahitasire vicarante nihatamāne akāsinti.

    иман̃жа ж̇аад̇агам̣ суд̇ваа д̇з бхигкуу буб̣б̣зби маяам̣ маанзнзва убахад̇аад̇и бхияяосомад̇д̇ааяа нихад̇амаанаа худ̇ваа ад̇д̇ано убагаарагагаммадтаанабарааяан̣аа ахзсум̣.

    Imañca jātakaṃ sutvā te bhikkhū pubbepi mayaṃ māneneva upahatāti bhiyyosomattāya nihatamānā hutvā attano upakārakakammaṭṭhānaparāyaṇā ahesuṃ.

    д̇ад̇о бхаг̇аваа згам̣ самаяам̣ ж̇анабад̣̇ажааригам̣ жаранд̇о взсаалим̣ бад̇ваа г̇од̇амагз жзд̇ияз вихаранд̇о имзсам̣ бан̃жасад̇аанам̣ бхигкуунам̣ н̃аан̣абарибаагам̣ вид̣̇ид̇ваа имам̣ г̇од̇амагасуд̇д̇ам̣ гат̇зси –

    Tato bhagavā ekaṃ samayaṃ janapadacārikaṃ caranto vesāliṃ patvā gotamake cetiye viharanto imesaṃ pañcasatānaṃ bhikkhūnaṃ ñāṇaparipākaṃ viditvā imaṃ gotamakasuttaṃ kathesi –

    ‘‘абхин̃н̃ааяаахам̣, бхигкавз, д̇хаммам̣ д̣̇зсзми но анабхин̃н̃ааяа, санид̣̇аанаахам̣…бз… саббаадихаарияаахам̣, бхигкавз, д̇хаммам̣ д̣̇зсзми но аббаадихаарияам̣. д̇асса маяхам̣, бхигкавз, абхин̃н̃ааяа д̇хаммам̣ д̣̇зсаяад̇о…бз… но аббаадихаарияам̣. гаран̣ийяо оваад̣̇о, гаран̣ийяаа анусаасаний. алан̃жа бана во, бхигкавз, д̇удтияаа алам̣ ад̇д̇аманад̇ааяа алам̣ соманассааяа. саммаасамб̣уд̣̇д̇хо бхаг̇аваа, сваагкаад̇о д̇хаммо, суббадибанно сан̇гход̇и. ид̣̇амавожа бхаг̇аваа, имасмин̃жа бана взяяаагаран̣асмим̣ бхан̃н̃амаанз д̣̇асасахассилогад̇хаад̇у агамбид̇т̇аа’’д̇и (а. ни. 3.126).

    ‘‘Abhiññāyāhaṃ, bhikkhave, dhammaṃ desemi no anabhiññāya, sanidānāhaṃ…pe… sappāṭihāriyāhaṃ, bhikkhave, dhammaṃ desemi no appāṭihāriyaṃ. Tassa mayhaṃ, bhikkhave, abhiññāya dhammaṃ desayato…pe… no appāṭihāriyaṃ. Karaṇīyo ovādo, karaṇīyā anusāsanī. Alañca pana vo, bhikkhave, tuṭṭhiyā alaṃ attamanatāya alaṃ somanassāya. Sammāsambuddho bhagavā, svākkhāto dhammo, suppaṭipanno saṅghoti. Idamavoca bhagavā, imasmiñca pana veyyākaraṇasmiṃ bhaññamāne dasasahassilokadhātu akampitthā’’ti (a. ni. 3.126).

    ид̣̇ан̃жа суд̇д̇ам̣ суд̇ваа д̇з бан̃жасад̇аа бхигкуу д̇асмим̣язваасанз саха бадисамбхид̣̇аахи арахад̇д̇ам̣ баабун̣им̣су, звааяам̣ д̣̇зсанаа зд̇асмим̣ таанз нидтамаг̇амаасийд̇и.

    Idañca suttaṃ sutvā te pañcasatā bhikkhū tasmiṃyevāsane saha paṭisambhidāhi arahattaṃ pāpuṇiṃsu, evāyaṃ desanā etasmiṃ ṭhāne niṭṭhamagamāsīti.

    д̇ат̇ааг̇ад̇аваараадтаманаяаван̣н̣анаа нидтид̇аа.

    Tathāgatavāraaṭṭhamanayavaṇṇanā niṭṭhitā.

    бабан̃жасууд̣̇анияаа маж̇жхиманигааяадтагат̇ааяа

    Papañcasūdaniyā majjhimanikāyaṭṭhakathāya

    муулабарияааяасуд̇д̇аван̣н̣анаа нидтид̇аа.

    Mūlapariyāyasuttavaṇṇanā niṭṭhitā.




    Next: 2. саб̣б̣аасавасуд̇д̇аван̣н̣анаа • 2. Sabbāsavasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. муулабарияааяасуд̇д̇ам̣ • 1. Mūlapariyāyasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. муулабарияааяасуд̇д̇аван̣н̣анаа • 1. Mūlapariyāyasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact