| Library / Tipiṭaka / તિપિટક • Tipiṭaka / ચૂળવગ્ગ-અટ્ઠકથા • Cūḷavagga-aṭṭhakathā |
મૂલાયપટિકસ્સનારહવત્તકથા
Mūlāyapaṭikassanārahavattakathā
૮૬. મૂલાયપટિકસ્સનારહા ભિક્ખૂ સાદિયન્તિ પકતત્તાનન્તિ ઠપેત્વા નવકતરં મૂલાયપટિકસ્સનારહં અવસેસાનં અન્તમસો પારિવાસિકાદીનમ્પિ. ઇમેસઞ્હિ પારિવાસિકમૂલાયપટિકસ્સનારહમાનત્તારહમાનત્તાચારિકબ્ભાનારહાનં પઞ્ચન્નં ઠપેત્વા અત્તનો અત્તનો નવકતરં, સેસા સબ્બે પકતત્તા એવ. કસ્મા? મિથુ યથાવુડ્ઢં અભિવાદનાદીનં અનુઞ્ઞાતત્તા. તેન વુત્તં – ‘‘અવસેસાનં અન્તમસો પારિવાસિકાદીનમ્પી’’તિ. મૂલાયપટિકસ્સનારહાદિલક્ખણં પન નેસં પરતો આવિભવિસ્સતિ. સેસમેત્થ ઇતો પરેસુ ચ માનત્તારહાદિવત્તેસુ પારિવાસિકવત્તે વુત્તનયેનેવ વેદિતબ્બં.
86.Mūlāyapaṭikassanārahā bhikkhū sādiyanti pakatattānanti ṭhapetvā navakataraṃ mūlāyapaṭikassanārahaṃ avasesānaṃ antamaso pārivāsikādīnampi. Imesañhi pārivāsikamūlāyapaṭikassanārahamānattārahamānattācārikabbhānārahānaṃ pañcannaṃ ṭhapetvā attano attano navakataraṃ, sesā sabbe pakatattā eva. Kasmā? Mithu yathāvuḍḍhaṃ abhivādanādīnaṃ anuññātattā. Tena vuttaṃ – ‘‘avasesānaṃ antamaso pārivāsikādīnampī’’ti. Mūlāyapaṭikassanārahādilakkhaṇaṃ pana nesaṃ parato āvibhavissati. Sesamettha ito paresu ca mānattārahādivattesu pārivāsikavatte vuttanayeneva veditabbaṃ.
૮૭. મૂલાયપટિકસ્સનારહચતુત્થો ચેતિઆદીસુપિ યથેવ પારિવાસિકો; એવં એતેપિ એતેસુ વિનયકમ્મેસુ ગણપૂરકા ન હોન્તિ, સેસસઙ્ઘકમ્મેસુ હોન્તિ.
87.Mūlāyapaṭikassanārahacatuttho cetiādīsupi yatheva pārivāsiko; evaṃ etepi etesu vinayakammesu gaṇapūrakā na honti, sesasaṅghakammesu honti.
મૂલાયપટિકસ્સનારહવત્તકથા નિટ્ઠિતા.
Mūlāyapaṭikassanārahavattakathā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ચૂળવગ્ગપાળિ • Cūḷavaggapāḷi / ૨. મૂલાયપટિકસ્સનારહવત્તં • 2. Mūlāyapaṭikassanārahavattaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / મૂલાયપટિકસ્સનારહવત્તકથાવણ્ણના • Mūlāyapaṭikassanārahavattakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૨. મૂલાયપટિકસ્સનારહવત્તકથા • 2. Mūlāyapaṭikassanārahavattakathā
