баажид̇д̇ияаяож̇анаа

Pācittiyayojanā

махаагаарун̣игам̣ наат̇ам̣, абхинад̇ваа самаасад̇о;

Mahākāruṇikaṃ nāthaṃ, abhinatvā samāsato;

баажид̇яаад̣̇иван̣н̣анааяа, гариссаамад̇т̇аяож̇анам̣.

Pācityādivaṇṇanāya, karissāmatthayojanaṃ.

5. баажид̇д̇ияаган̣д̣ам̣

5. Pācittiyakaṇḍaṃ

1. мусааваад̣̇асигкаабад̣̇а-ад̇т̇аяож̇анаа

1. Musāvādasikkhāpada-atthayojanā

куд̣̇д̣̇агаананд̇и сукумаабад̇д̇ибагаасагад̇д̇аа аббагаанам̣, г̇ан̣анад̇о ваа бажурад̇д̇аа б̣ахугаанам̣. язсам̣ сигкаабад̣̇аананд̇и самб̣анд̇хо. ‘‘язса’’нд̇и бад̣̇ам̣ ‘‘сан̇г̇ахо’’д̇и бад̣̇з саамяад̇т̇ачадтий. сан̇г̇ахийяад̇з сан̇г̇ахо . ‘‘навахи ваг̇г̇зхий’’д̇ибад̣̇ам̣ ‘‘сан̇г̇ахо, суббад̇идтид̇о’’д̇и бад̣̇ад̣̇ваяз гаран̣ам̣. д̣̇аанийд̇и гаалаваажаго сад̇д̇амяанд̇анибаад̇о ид̣̇аани-барияааяо, имасмим̣ гаалзд̇и ад̇т̇о. д̇зсанд̇и куд̣̇д̣̇агаанам̣, аяам̣ ван̣н̣анаад̇и самб̣анд̇хо. бхавад̇ийд̇и зд̇т̇а д̇и-сад̣̇д̣̇о згам̣сад̇т̇з анааг̇ад̇агаалиго ход̇и ‘‘нираяам̣ нууна г̇ажчаами, зд̇т̇а мз над̇т̇и сам̣саяо’’д̇иаад̣̇ийсу (ж̇аа. 2.22.331) вияа. гин̃жаабзд̇т̇а хи яат̇аа згам̣саваажаго нуунасад̣̇д̣̇о ад̇т̇и, на звам̣ ‘‘бхавад̇ий’’д̇и бад̣̇з, ад̇т̇ад̇о бана аяам̣ ван̣н̣анаа нууна бхависсад̇ийд̇и ад̇т̇о г̇ахзд̇аб̣б̣о. ат̇а ваа авассамбхаавияад̇т̇з анааг̇ад̇агаалаваажаго ход̇и ‘‘д̇хувам̣ б̣уд̣̇д̇хо бхаваамаха’’нд̇иаад̣̇ийсу (б̣у. вам̣. 2.109-114) вияа. гааман̃хзд̇т̇а яат̇аа авассамбхаавияад̇т̇аваажаго д̇хувасад̣̇д̣̇о ад̇т̇и, на звам̣ ‘‘бхавад̇ий’’д̇и бад̣̇з, ад̇т̇ад̇о бана д̇хувам̣ бхависсад̇и аяам̣ ван̣н̣анаад̇и ад̇т̇о г̇ахзд̇аб̣б̣од̇и д̣̇адтаб̣б̣ам̣.

Khuddakānanti sukhumāpattipakāsakattā appakānaṃ, gaṇanato vā pacurattā bahukānaṃ. Yesaṃ sikkhāpadānanti sambandho. ‘‘Yesa’’nti padaṃ ‘‘saṅgaho’’ti pade sāmyatthachaṭṭhī. Saṅgahīyate saṅgaho. ‘‘Navahi vaggehī’’tipadaṃ ‘‘saṅgaho, suppatiṭṭhito’’ti padadvaye karaṇaṃ. Dānīti kālavācako sattamyantanipāto idāni-pariyāyo, imasmiṃ kāleti attho. Tesanti khuddakānaṃ, ayaṃ vaṇṇanāti sambandho. Bhavatīti ettha ti-saddo ekaṃsatthe anāgatakāliko hoti ‘‘nirayaṃ nūna gacchāmi, ettha me natthi saṃsayo’’tiādīsu (jā. 2.22.331) viya. Kiñcāpettha hi yathā ekaṃsavācako nūnasaddo atthi, na evaṃ ‘‘bhavatī’’ti pade, atthato pana ayaṃ vaṇṇanā nūna bhavissatīti attho gahetabbo. Atha vā avassambhāviyatthe anāgatakālavācako hoti ‘‘dhuvaṃ buddho bhavāmaha’’ntiādīsu (bu. vaṃ. 2.109-114) viya. Kāmañhettha yathā avassambhāviyatthavācako dhuvasaddo atthi, na evaṃ ‘‘bhavatī’’ti pade, atthato pana dhuvaṃ bhavissati ayaṃ vaṇṇanāti attho gahetabboti daṭṭhabbaṃ.

1. ‘‘д̇ад̇т̇аа’’д̇и бад̣̇ам̣ ‘‘мусааваад̣̇аваг̇г̇ассаа’’д̇и бад̣̇з нид̣̇д̇хааран̣асамуд̣̇ааяо, д̇зсу навасу ваг̇г̇зсууд̇и ад̇т̇о. батамасигкаабад̣̇зд̇и ваа, д̇зсу куд̣̇д̣̇агзсу сигкаабад̣̇зсууд̇и ад̇т̇о. сагяаанам̣ буд̇д̇од̇и бхаг̇инийхи сам̣ваасагаран̣ад̇о логамарияаад̣̇ам̣ чинд̣̇ид̇ум̣, ж̇аад̇исамбхзд̣̇ад̇о ваа рагкид̇ум̣ саггун̣анд̇ийд̇и сагяаа. саагаванасан̣д̣з наг̇арам̣ маабзнд̇ийд̇и ваа сагяаа, буб̣б̣арааж̇аано. д̇зсам̣ вам̣сз бхууд̇ад̇д̇аа зд̇арахиби рааж̇аано сагяаа наама, д̇зсам̣ буд̇д̇од̇и ад̇т̇о. ‘‘б̣уд̣̇д̇хагаалз’’д̇и бад̣̇ам̣ ‘‘баб̣б̣аж̇им̣суу’’д̇и бад̣̇з аад̇хааро. сагяагулад̇о нигкамид̇ваад̇и самб̣анд̇хо. ‘‘ваад̣̇агкид̇д̇о’’д̇яаад̣̇инаа ваад̣̇зна кид̇д̇о, ваад̣̇амхи ваад̇и ад̇т̇ам̣ д̣̇ассзд̇и. яад̇ра яад̇раад̇и яассам̣ яассам̣ д̣̇идтияам̣ бавад̇д̇ад̇ийд̇и самб̣анд̇хо. аваж̇аанид̇ваад̇и бадиссавзна вияог̇ам̣ гад̇ваа. авасад̣̇д̣̇о хи вияог̇ад̇т̇аваажаго. ‘‘абаж̇аанид̇ваа’’д̇иби баато, бадин̃н̃аад̇ам̣ абанийд̇ам̣ гад̇ваад̇и ад̇т̇о. д̣̇осанд̇и аяуд̇д̇ид̣̇осам̣, саллагкзнд̇о худ̇ваад̇и самб̣анд̇хо. гат̇знд̇о гат̇знд̇од̇и анд̇асад̣̇д̣̇о маанасад̣̇д̣̇агаарияо. гат̇ияамаано гат̇ияамаанод̇и хи ад̇т̇о. бадиж̇аанид̇ваад̇и бадин̃н̃аад̇ам̣ гад̇ваа. аанисам̣санд̇и нид̣̇д̣̇осам̣ г̇ун̣ам̣. бадибуб̣б̣о жарасад̣̇д̣̇о бадижчаад̣̇анад̇т̇од̇и ааха ‘‘бадижарад̇и бадижчаад̣̇зд̇ий’’д̇и. ‘‘гим̣ бана руубам̣ нижжам̣ ваа анижжам̣ ваа’’д̇и вуд̇д̇з ‘‘анижжа’’нд̇и вад̣̇ад̇и. гасмаад̇и вуд̇д̇з ‘‘ж̇аанид̇аб̣б̣ад̇о’’д̇и вад̣̇ад̇и. яад̣̇и звам̣ ниб̣б̣аанамби ж̇аанид̇аб̣б̣ад̇д̇аа анижжам̣ наама сияаад̇и вуд̇д̇з ад̇д̇ано хзд̇умхи д̣̇осам̣ д̣̇исваа ахам̣ ‘‘ж̇аанид̇аб̣б̣ад̇о’’д̇и хзд̇ум̣ на вад̣̇аами, ‘‘ж̇аад̇ид̇хаммад̇о’’д̇и бана вад̣̇аами. д̇аяаа бана д̣̇уссуд̇ад̇д̇аа звам̣ вуд̇д̇анд̇и вад̇ваа ан̃н̃знан̃н̃ам̣ бадижарад̇и. ‘‘гурунд̣̇ияа’’нд̇и бад̣̇ам̣ ‘‘вуд̇д̇а’’нд̇и бад̣̇з аад̇хааро. зд̇ассаад̇и ‘‘руубам̣ анижжам̣ ж̇аанид̇аб̣б̣ад̇о’’д̇и важанасса. д̇ад̇раад̇и гурунд̣̇ияам̣. д̇ассаад̇и бадиж̇аананааваж̇аананасса. ‘‘бадижчаад̣̇анад̇т̇а’’нд̇и бад̣̇ам̣ ‘‘бхаасад̇ий’’д̇ибад̣̇з самбад̣̇аанам̣. ‘‘махааадтагат̇ааяа’’нд̇ибад̣̇ам̣ ‘‘вуд̇д̇а’’нд̇и бад̣̇з аад̇хааро. ‘‘д̣̇иваадтаанаад̣̇ийсуу’’д̇и бад̣̇ам̣ убанзд̇аб̣б̣ам̣. ид̣̇ам̣ ‘‘асугасмим̣ наамабад̣̇зсз’’д̇и бад̣̇з нид̣̇д̇хааран̣асамуд̣̇ааяо.

1.‘‘Tatthā’’ti padaṃ ‘‘musāvādavaggassā’’ti pade niddhāraṇasamudāyo, tesu navasu vaggesūti attho. Paṭhamasikkhāpadeti vā, tesu khuddakesu sikkhāpadesūti attho. Sakyānaṃ puttoti bhaginīhi saṃvāsakaraṇato lokamariyādaṃ chindituṃ, jātisambhedato vā rakkhituṃ sakkuṇantīti sakyā. Sākavanasaṇḍe nagaraṃ māpentīti vā sakyā, pubbarājāno. Tesaṃ vaṃse bhūtattā etarahipi rājāno sakyā nāma, tesaṃ puttoti attho. ‘‘Buddhakāle’’ti padaṃ ‘‘pabbajiṃsū’’ti pade ādhāro. Sakyakulato nikkhamitvāti sambandho. ‘‘Vādakkhitto’’tyādinā vādena khitto, vādamhi vāti atthaṃ dasseti. Yatra yatrāti yassaṃ yassaṃ diṭṭhiyaṃ pavattatīti sambandho. Avajānitvāti paṭissavena viyogaṃ katvā. Avasaddo hi viyogatthavācako. ‘‘Apajānitvā’’tipi pāṭho, paṭiññātaṃ apanītaṃ katvāti attho. Dosanti ayuttidosaṃ, sallakkhento hutvāti sambandho. Kathento kathentoti antasaddo mānasaddakāriyo. Kathiyamāno kathiyamānoti hi attho. Paṭijānitvāti paṭiññātaṃ katvā. Ānisaṃsanti niddosaṃ guṇaṃ. Paṭipubbo carasaddo paṭicchādanatthoti āha ‘‘paṭicarati paṭicchādetī’’ti. ‘‘Kiṃ pana rūpaṃ niccaṃ vā aniccaṃ vā’’ti vutte ‘‘anicca’’nti vadati. Kasmāti vutte ‘‘jānitabbato’’ti vadati. Yadi evaṃ nibbānampi jānitabbattā aniccaṃ nāma siyāti vutte attano hetumhi dosaṃ disvā ahaṃ ‘‘jānitabbato’’ti hetuṃ na vadāmi, ‘‘jātidhammato’’ti pana vadāmi. Tayā pana dussutattā evaṃ vuttanti vatvā aññenaññaṃ paṭicarati. ‘‘Kurundiya’’nti padaṃ ‘‘vutta’’nti pade ādhāro. Etassāti ‘‘rūpaṃ aniccaṃ jānitabbato’’ti vacanassa. Tatrāti kurundiyaṃ. Tassāti paṭijānanāvajānanassa. ‘‘Paṭicchādanattha’’nti padaṃ ‘‘bhāsatī’’tipade sampadānaṃ. ‘‘Mahāaṭṭhakathāya’’ntipadaṃ ‘‘vutta’’nti pade ādhāro. ‘‘Divāṭṭhānādīsū’’ti padaṃ upanetabbaṃ. Idaṃ ‘‘asukasmiṃ nāmapadese’’ti pade niddhāraṇasamudāyo.

3. саммаа вад̣̇ад̇и анзнаад̇и сам̣ваад̣̇анам̣, уж̇уж̇аад̇игажид̇д̇ам̣, на сам̣ваад̣̇анам̣ висам̣ваад̣̇анам̣, ван̃жанаад̇хиббааяавасаббавад̇д̇ам̣ жид̇д̇анд̇и д̣̇ассзнд̇о ааха ‘‘висам̣ваад̣̇анажид̇д̇а’’нд̇и. ‘‘ваажаа’’д̇яаад̣̇инаа важад̇и зд̇ааяаад̇и ваажаад̇и ад̇т̇ам̣ д̣̇ассзд̇и . хийд̇и д̣̇ал̣хийгаран̣аж̇од̇агам̣, д̇ад̣̇аминаа сажжанд̇и ад̇т̇о. ‘‘ваажааязваа’’д̇и бад̣̇ам̣ ‘‘б̣яаббат̇о’’д̇и бад̣̇з д̇уляад̇т̇ам̣, ‘‘вужжад̇ий’’д̇и бад̣̇з гаммам̣. бат̇асад̣̇д̣̇абарад̇д̇аа ваажаасад̣̇д̣̇асса б̣яаад̣̇зсо гад̇о. суд̣̇д̇хажзд̇анаа гат̇ид̇аад̇и самб̣анд̇хо. д̇ам̣самудтид̇асад̣̇д̣̇асахид̇аад̇и д̇ааяа жзд̇анааяа самудтид̇зна сад̣̇д̣̇зна саха бавад̇д̇аа жзд̇анаа гат̇ид̇аад̇и яож̇анаа.

3. Sammā vadati anenāti saṃvādanaṃ, ujujātikacittaṃ, na saṃvādanaṃ visaṃvādanaṃ, vañcanādhippāyavasappavattaṃ cittanti dassento āha ‘‘visaṃvādanacitta’’nti. ‘‘Vācā’’tyādinā vacati etāyāti vācāti atthaṃ dasseti . Hīti daḷhīkaraṇajotakaṃ, tadaminā saccanti attho. ‘‘Vācāyevā’’ti padaṃ ‘‘byappatho’’ti pade tulyatthaṃ, ‘‘vuccatī’’ti pade kammaṃ. Pathasaddaparattā vācāsaddassa byādeso kato. Suddhacetanā kathitāti sambandho. Taṃsamuṭṭhitasaddasahitāti tāya cetanāya samuṭṭhitena saddena saha pavattā cetanā kathitāti yojanā.

‘‘зва’’нд̇и бад̣̇ам̣ ‘‘д̣̇ассзд̇ваа’’д̇и бад̣̇з нид̣̇ассанам̣, гаран̣ам̣ ваа. ‘‘д̣̇ассзд̇ваа’’д̇и бад̣̇ам̣ ‘‘д̣̇ассзнд̇о аахаа’’д̇и бад̣̇ад̣̇ваяз буб̣б̣агаалагирияаа. анд̇зд̇и ‘‘ваажаа’’д̇иаад̣̇ийнам̣ бан̃жаннам̣ бад̣̇аанам̣ авасаанз. ‘‘аахаа’’д̇и зд̇т̇а вад̇д̇амаана-д̇иважанасса агааро бажжуббаннагаалаваажагзна ‘‘ид̣̇ааний’’д̇и бад̣̇зна яож̇ид̇ад̇д̇аа. ‘‘д̇ад̇т̇аа’’д̇и бад̣̇ам̣ ‘‘ад̇т̇о взд̣̇ид̇аб̣б̣о’’д̇и бад̣̇з аад̇хааро. зд̇т̇аад̇и ‘‘ад̣̇идтам̣ д̣̇идтам̣ мз’’д̇иаад̣̇ийсу. ‘‘баал̣ияа’’нд̇и бад̣̇ам̣ ‘‘д̣̇зсанаа гад̇аа’’д̇и бад̣̇з аад̇хааро. ниссид̇авин̃н̃аан̣авасзна авад̇ваа ниссаяабасаад̣̇авасзна ‘‘жагкунаа д̣̇идта’’нд̇и вуд̇д̇анд̇и ааха ‘‘ол̣ааригзнзваа’’д̇и.

‘‘Eva’’nti padaṃ ‘‘dassetvā’’ti pade nidassanaṃ, karaṇaṃ vā. ‘‘Dassetvā’’ti padaṃ ‘‘dassento āhā’’ti padadvaye pubbakālakiriyā. Anteti ‘‘vācā’’tiādīnaṃ pañcannaṃ padānaṃ avasāne. ‘‘Āhā’’ti ettha vattamāna-tivacanassa akāro paccuppannakālavācakena ‘‘idānī’’ti padena yojitattā. ‘‘Tatthā’’ti padaṃ ‘‘attho veditabbo’’ti pade ādhāro. Etthāti ‘‘adiṭṭhaṃ diṭṭhaṃ me’’tiādīsu. ‘‘Pāḷiya’’nti padaṃ ‘‘desanā katā’’ti pade ādhāro. Nissitaviññāṇavasena avatvā nissayapasādavasena ‘‘cakkhunā diṭṭha’’nti vuttanti āha ‘‘oḷārikenevā’’ti.

4. д̇ассаад̇и ‘‘д̇ийхаагаарзхий’’д̇иаад̣̇иважанасса. ‘‘ад̇т̇о’’д̇и бад̣̇ам̣ ‘‘взд̣̇ид̇аб̣б̣о’’д̇и бад̣̇з гаммам̣. хийд̇и висзсаж̇од̇агам̣, висзсам̣ гат̇аяиссаамийд̇и ад̇т̇о. д̇ад̇т̇аад̇и жад̇уд̇т̇абаарааж̇игз. ид̇хаад̇и имасмим̣ сигкаабад̣̇з.

4.Tassāti ‘‘tīhākārehī’’tiādivacanassa. ‘‘Attho’’ti padaṃ ‘‘veditabbo’’ti pade kammaṃ. Hīti visesajotakaṃ, visesaṃ kathayissāmīti attho. Tatthāti catutthapārājike. Idhāti imasmiṃ sikkhāpade.

9. аад̣̇ийнамбийд̇и бисад̣̇д̣̇о самбин̣д̣анад̇т̇о.

9.Ādīnampīti pisaddo sampiṇḍanattho.

11. манд̣̇асад̣̇д̣̇о ж̇ал̣ад̇т̇аваажагод̇и ааха ‘‘манд̣̇ад̇д̇аа ж̇ал̣ад̇д̇аа’’д̇и. яо бана ан̃н̃ам̣ бхан̣ад̇ийд̇и самб̣анд̇хо. ‘‘сааман̣зрзнаа’’д̇и бад̣̇ам̣ ‘‘вуд̇д̇о’’д̇и бад̣̇з гад̇д̇аа. абисад̣̇д̣̇о бужчааваажаго, ‘‘бассид̇т̇аа’’д̇и бад̣̇зна яож̇зд̇аб̣б̣о, аби бассид̇т̇аад̇и ад̇т̇о. ‘‘ад̣̇идтам̣ д̣̇идтам̣ мз’’д̇иаад̣̇иважанад̇о ан̃н̃аа бууран̣агат̇ааби д̇аава ад̇т̇ийд̇и д̣̇ассзнд̇о ааха ‘‘ан̃н̃аа бууран̣агат̇аа наама ход̇ий’’д̇и. аббад̇ааяа уунасса ад̇т̇асса бууран̣авасзна бавад̇д̇аа гат̇аа бууран̣агат̇аа. зсаа бууран̣агат̇аа наама гаад̇и ааха ‘‘зго’’д̇иаад̣̇и. зсаа хи г̇аамз аббагамби д̇злам̣ ваа буувакан̣д̣ам̣ ваа бассид̇ваа ваа лабхид̇ваа ваа б̣ахугам̣ гад̇ваа бууран̣авасзна гат̇ид̇ад̇д̇аа бууран̣агат̇аа наама. б̣ахугаани д̇злаани ваа буувз ваа бассанд̇оби лабханд̇оби аббагам̣ гад̇ваа уунавасзна гат̇ид̇ад̇д̇аа уунагат̇ааби ад̇т̇ийд̇и саггаа вад̇д̇ум̣. адтагат̇аасу бана авуд̇д̇ад̇д̇аа виймам̣сид̇ваа г̇ахзд̇аб̣б̣ам̣. б̣ахугааяа бууран̣асса ад̇т̇асса уунавасзна бавад̇д̇аа гат̇аа уунагат̇аад̇и виг̇г̇ахо гаад̇аб̣б̣од̇и. батамам̣.

11. Mandasaddo jaḷatthavācakoti āha ‘‘mandattā jaḷattā’’ti. Yo pana aññaṃ bhaṇatīti sambandho. ‘‘Sāmaṇerenā’’ti padaṃ ‘‘vutto’’ti pade kattā. Apisaddo pucchāvācako, ‘‘passitthā’’ti padena yojetabbo, api passitthāti attho. ‘‘Adiṭṭhaṃ diṭṭhaṃ me’’tiādivacanato aññā pūraṇakathāpi tāva atthīti dassento āha ‘‘aññā pūraṇakathā nāma hotī’’ti. Appatāya ūnassa atthassa pūraṇavasena pavattā kathā pūraṇakathā. Esā pūraṇakathā nāma kāti āha ‘‘eko’’tiādi. Esā hi gāme appakampi telaṃ vā pūvakhaṇḍaṃ vā passitvā vā labhitvā vā bahukaṃ katvā pūraṇavasena kathitattā pūraṇakathā nāma. Bahukāni telāni vā pūve vā passantopi labhantopi appakaṃ katvā ūnavasena kathitattā ūnakathāpi atthīti sakkā vattuṃ. Aṭṭhakathāsu pana avuttattā vīmaṃsitvā gahetabbaṃ. Bahukāya pūraṇassa atthassa ūnavasena pavattā kathā ūnakathāti viggaho kātabboti. Paṭhamaṃ.

Next: 2. омасаваад̣̇а сигкаабад̣̇ам̣ • 2. Omasavāda sikkhāpadaṃ

Related texts:

д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. мусааваад̣̇асигкаабад̣̇аван̣н̣анаа • 1. Musāvādasikkhāpadavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact