| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. муусигасуд̇д̇ам̣
7. Mūsikasuttaṃ
107. ‘‘жад̇ассо имаа, бхигкавз, муусигаа. гад̇амаа жад̇ассо? г̇аад̇хам̣ гад̇д̇аа но васид̇аа, васид̇аа но г̇аад̇хам̣ гад̇д̇аа, нзва г̇аад̇хам̣ гад̇д̇аа но васид̇аа, г̇аад̇хам̣ гад̇д̇аа жа васид̇аа жа – имаа ко, бхигкавз, жад̇ассо муусигаа. звамзвам̣ ко, бхигкавз, жад̇д̇ааро муусигуубамаа буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? г̇аад̇хам̣ гад̇д̇аа но васид̇аа, васид̇аа но г̇аад̇хам̣ гад̇д̇аа, нзва г̇аад̇хам̣ гад̇д̇аа но васид̇аа, г̇аад̇хам̣ гад̇д̇аа жа васид̇аа жа.
107. ‘‘Catasso imā, bhikkhave, mūsikā. Katamā catasso? Gādhaṃ kattā no vasitā, vasitā no gādhaṃ kattā, neva gādhaṃ kattā no vasitā, gādhaṃ kattā ca vasitā ca – imā kho, bhikkhave, catasso mūsikā. Evamevaṃ kho, bhikkhave, cattāro mūsikūpamā puggalā santo saṃvijjamānā lokasmiṃ. Katame cattāro? Gādhaṃ kattā no vasitā, vasitā no gādhaṃ kattā, neva gādhaṃ kattā no vasitā, gādhaṃ kattā ca vasitā ca.
‘‘гат̇ан̃жа , бхигкавз, буг̇г̇ало г̇аад̇хам̣ гад̇д̇аа ход̇и но васид̇аа? ид̇ха, бхигкавз, згажжо буг̇г̇ало д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. со ‘ид̣̇ам̣ д̣̇угка’нд̇и яат̇аабхууд̇ам̣ наббаж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ наббаж̇аанаад̇и. звам̣ ко, бхигкавз, буг̇г̇ало г̇аад̇хам̣ гад̇д̇аа ход̇и, но васид̇аа. сзяяат̇ааби саа , бхигкавз, муусигаа г̇аад̇хам̣ гад̇д̇аа, но васид̇аа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Kathañca , bhikkhave, puggalo gādhaṃ kattā hoti no vasitā? Idha, bhikkhave, ekacco puggalo dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So ‘idaṃ dukkha’nti yathābhūtaṃ nappajānāti…pe… ‘ayaṃ dukkhanirodhagāminī paṭipadā’ti yathābhūtaṃ nappajānāti. Evaṃ kho, bhikkhave, puggalo gādhaṃ kattā hoti, no vasitā. Seyyathāpi sā , bhikkhave, mūsikā gādhaṃ kattā, no vasitā; tathūpamāhaṃ, bhikkhave, imaṃ puggalaṃ vadāmi.
‘‘гат̇ан̃жа, бхигкавз, буг̇г̇ало васид̇аа ход̇и, но г̇аад̇хам̣ гад̇д̇аа? ид̇ха, бхигкавз, згажжо буг̇г̇ало д̇хаммам̣ на барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣ , уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, буг̇г̇ало васид̇аа ход̇и, но г̇аад̇хам̣ гад̇д̇аа. сзяяат̇ааби саа, бхигкавз, муусигаа васид̇аа ход̇и, но г̇аад̇хам̣ гад̇д̇аа; д̇ат̇уубамаахам̣, бхигкавз, имам̣, буг̇г̇алам̣ вад̣̇аами.
‘‘Kathañca, bhikkhave, puggalo vasitā hoti, no gādhaṃ kattā? Idha, bhikkhave, ekacco puggalo dhammaṃ na pariyāpuṇāti – suttaṃ, geyyaṃ, veyyākaraṇaṃ, gāthaṃ , udānaṃ, itivuttakaṃ, jātakaṃ, abbhutadhammaṃ, vedallaṃ. So ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Evaṃ kho, bhikkhave, puggalo vasitā hoti, no gādhaṃ kattā. Seyyathāpi sā, bhikkhave, mūsikā vasitā hoti, no gādhaṃ kattā; tathūpamāhaṃ, bhikkhave, imaṃ, puggalaṃ vadāmi.
‘‘гат̇ан̃жа, бхигкавз, буг̇г̇ало нзва г̇аад̇хам̣ гад̇д̇аа ход̇и но васид̇аа? ид̇ха, бхигкавз, згажжо буг̇г̇ало д̇хаммам̣ на барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. со ‘ид̣̇ам̣ д̣̇угка’нд̇и яат̇аабхууд̇ам̣ наббаж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ наббаж̇аанаад̇и. звам̣ ко, бхигкавз , буг̇г̇ало нзва г̇аад̇хам̣ гад̇д̇аа ход̇и, но васид̇аа. сзяяат̇ааби саа, бхигкавз, муусигаа нзва г̇аад̇хам̣ гад̇д̇аа ход̇и, но васид̇аа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Kathañca, bhikkhave, puggalo neva gādhaṃ kattā hoti no vasitā? Idha, bhikkhave, ekacco puggalo dhammaṃ na pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So ‘idaṃ dukkha’nti yathābhūtaṃ nappajānāti…pe… ‘ayaṃ dukkhanirodhagāminī paṭipadā’ti yathābhūtaṃ nappajānāti. Evaṃ kho, bhikkhave , puggalo neva gādhaṃ kattā hoti, no vasitā. Seyyathāpi sā, bhikkhave, mūsikā neva gādhaṃ kattā hoti, no vasitā; tathūpamāhaṃ, bhikkhave, imaṃ puggalaṃ vadāmi.
‘‘гат̇ан̃жа, бхигкавз, буг̇г̇ало г̇аад̇хам̣ гад̇д̇аа жа ход̇и васид̇аа жа? ид̇ха, бхигкавз, згажжо буг̇г̇ало д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, буг̇г̇ало г̇аад̇хам̣ гад̇д̇аа жа ход̇и васид̇аа жа. сзяяат̇ааби саа, бхигкавз, муусигаа г̇аад̇хам̣ гад̇д̇аа жа ход̇и васид̇аа жа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами. имз ко, бхигкавз, жад̇д̇ааро муусигуубамаа буг̇г̇алаа санд̇о сам̣виж̇ж̇амаанаа логасми’’нд̇и. сад̇д̇амам̣.
‘‘Kathañca, bhikkhave, puggalo gādhaṃ kattā ca hoti vasitā ca? Idha, bhikkhave, ekacco puggalo dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Evaṃ kho, bhikkhave, puggalo gādhaṃ kattā ca hoti vasitā ca. Seyyathāpi sā, bhikkhave, mūsikā gādhaṃ kattā ca hoti vasitā ca; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro mūsikūpamā puggalā santo saṃvijjamānā lokasmi’’nti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. муусигасуд̇д̇аван̣н̣анаа • 7. Mūsikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. муусигасуд̇д̇аван̣н̣анаа • 7. Mūsikasuttavaṇṇanā
