| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
2. муд̇д̇аат̇зрийг̇аат̇ааван̣н̣анаа
2. Muttātherīgāthāvaṇṇanā
2.
2.
‘‘муд̇д̇з мужжассу яог̇зхи, жанд̣̇о раахуг̇г̇ахаа ива;
‘‘Mutte muccassu yogehi, cando rāhuggahā iva;
виббамуд̇д̇зна жид̇д̇зна, анан̣аа бхун̃ж̇а бин̣д̣ага’’нд̇и. –
Vippamuttena cittena, anaṇā bhuñja piṇḍaka’’nti. –
аяам̣ муд̇д̇ааяа наама сигкамаанааяа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа згад̣̇ивасам̣ сад̇т̇аарам̣ рат̇ияам̣ г̇ажчанд̇ам̣ д̣̇исваа басаннамаанасаа бан̃жабад̇идтид̇зна ванд̣̇ид̇ваа бийд̇ивзг̇зна сад̇т̇у баад̣̇амуулз авагуж̇ж̇аа нибаж̇ж̇и. саа д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ суг̇ад̇ийсуязва сам̣саранд̇ий имасмим̣ б̣уд̣̇д̇хуббаад̣̇з саавад̇т̇ияам̣ б̣раахман̣амахаасаалагулз ниб̣б̣ад̇д̇и, муд̇д̇аад̇иссаа наамам̣ ахоси. саа убаниссаяасамбаннад̇ааяа вийсад̇ивассагаалз махаабаж̇аабад̇иг̇од̇амияаа санд̇игз баб̣б̣аж̇ид̇ваа сигкамаанаава худ̇ваа гаммадтаанам̣ гат̇аабзд̇ваа вибассанааяа гаммам̣ гарод̇и. саа згад̣̇ивасам̣ бхад̇д̇агижжам̣ гад̇ваа бин̣д̣абаад̇абадигганд̇аа т̇зрийнам̣ бхигкунийнам̣ вад̇д̇ам̣ д̣̇ассзд̇ваа д̣̇иваадтаанам̣ г̇анд̇ваа рахо нисиннаа вибассанааяа манасигаарам̣ аарабхи. сад̇т̇аа сурабхиг̇анд̇хагудияаа нисиннова обхаасам̣ виссаж̇ж̇зд̇ваа д̇ассаа бурад̇о нисинно вияа ад̇д̇аанам̣ д̣̇ассзд̇ваа ‘‘муд̇д̇з мужжассу яог̇зхий’’д̇и имам̣ г̇аат̇амааха.
Ayaṃ muttāya nāma sikkhamānāya gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī vipassissa bhagavato kāle kulagehe nibbattitvā viññutaṃ patvā ekadivasaṃ satthāraṃ rathiyaṃ gacchantaṃ disvā pasannamānasā pañcapatiṭṭhitena vanditvā pītivegena satthu pādamūle avakujjā nipajji. Sā tena puññakammena devaloke nibbattitvā aparāparaṃ sugatīsuyeva saṃsarantī imasmiṃ buddhuppāde sāvatthiyaṃ brāhmaṇamahāsālakule nibbatti, muttātissā nāmaṃ ahosi. Sā upanissayasampannatāya vīsativassakāle mahāpajāpatigotamiyā santike pabbajitvā sikkhamānāva hutvā kammaṭṭhānaṃ kathāpetvā vipassanāya kammaṃ karoti. Sā ekadivasaṃ bhattakiccaṃ katvā piṇḍapātapaṭikkantā therīnaṃ bhikkhunīnaṃ vattaṃ dassetvā divāṭṭhānaṃ gantvā raho nisinnā vipassanāya manasikāraṃ ārabhi. Satthā surabhigandhakuṭiyā nisinnova obhāsaṃ vissajjetvā tassā purato nisinno viya attānaṃ dassetvā ‘‘mutte muccassu yogehī’’ti imaṃ gāthamāha.
д̇ад̇т̇а муд̇д̇зд̇и д̇ассаа аалабанам̣. мужжассу яог̇зхийд̇и маг̇г̇абадибаадияаа гаамаяог̇аад̣̇ийхи жад̇уухи яог̇зхи мужжа, д̇зхи вимуд̇д̇ажид̇д̇аа хохи. яат̇аа гим̣? жанд̣̇о раахуг̇г̇ахаа иваад̇и раахусан̇каад̇о г̇ахад̇о жанд̣̇о вияа убаггилзсад̇о мужжассу. виббамуд̇д̇зна жид̇д̇знаад̇и арияамаг̇г̇зна самужчзд̣̇авимуд̇д̇ияаа судту вимуд̇д̇зна жид̇д̇зна, ид̇т̇ам̣ бхууд̇алагкан̣з жзд̇ам̣ гаран̣аважанам̣. анан̣аа бхун̃ж̇а бин̣д̣аганд̇и гилзсаин̣ам̣ бахааяа анан̣аа худ̇ваа радтабин̣д̣ам̣ бхун̃ж̇зяяааси. яо хи гилзсз аббахааяа сад̇т̇аараа анун̃н̃аад̇абажжаяз барибхун̃ж̇ад̇и, со саан̣о барибхун̃ж̇ад̇и наама. яат̇ааха ааяасмаа б̣аагуло – ‘‘сад̇д̇аахамзва ко ахам̣, аавусо, саан̣о радтабин̣д̣ам̣ бхун̃ж̇и’’нд̇и (ма. ни. 3.211). д̇асмаа саасанз баб̣б̣аж̇ид̇зна гаамажчанд̣̇аад̣̇иин̣ам̣ бахаанааяа анан̣зна худ̇ваа сад̣̇д̇хаад̣̇зяяам̣ барибхун̃ж̇ид̇аб̣б̣ам̣. бин̣д̣аганд̇и д̣̇зсанаасийсамзва, жад̇д̇аароби бажжаязд̇и ад̇т̇о. абхин̣хам̣ овад̣̇ад̇ийд̇и арияамаг̇г̇аббад̇д̇ияаа убаггилзсз висод̇хзнд̇о б̣ахусо оваад̣̇ам̣ д̣̇зд̇и.
Tattha mutteti tassā ālapanaṃ. Muccassu yogehīti maggapaṭipāṭiyā kāmayogādīhi catūhi yogehi mucca, tehi vimuttacittā hohi. Yathā kiṃ? Cando rāhuggahā ivāti rāhusaṅkhāto gahato cando viya upakkilesato muccassu. Vippamuttena cittenāti ariyamaggena samucchedavimuttiyā suṭṭhu vimuttena cittena, itthaṃ bhūtalakkhaṇe cetaṃ karaṇavacanaṃ. Anaṇā bhuñja piṇḍakanti kilesaiṇaṃ pahāya anaṇā hutvā raṭṭhapiṇḍaṃ bhuñjeyyāsi. Yo hi kilese appahāya satthārā anuññātapaccaye paribhuñjati, so sāṇo paribhuñjati nāma. Yathāha āyasmā bākulo – ‘‘sattāhameva kho ahaṃ, āvuso, sāṇo raṭṭhapiṇḍaṃ bhuñji’’nti (ma. ni. 3.211). Tasmā sāsane pabbajitena kāmacchandādiiṇaṃ pahānāya anaṇena hutvā saddhādeyyaṃ paribhuñjitabbaṃ. Piṇḍakanti desanāsīsameva, cattāropi paccayeti attho. Abhiṇhaṃ ovadatīti ariyamaggappattiyā upakkilese visodhento bahuso ovādaṃ deti.
саа д̇асмим̣ оваад̣̇з тад̇ваа нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.1.31-36) –
Sā tasmiṃ ovāde ṭhatvā nacirasseva arahattaṃ pāpuṇi. Tena vuttaṃ apadāne (apa. therī 2.1.31-36) –
‘‘вибассисса бхаг̇авад̇о, логаж̇здтасса д̇аад̣̇ино;
‘‘Vipassissa bhagavato, lokajeṭṭhassa tādino;
рат̇ияам̣ бадибаннасса, д̇аараяанд̇асса баан̣ино.
Rathiyaṃ paṭipannassa, tārayantassa pāṇino.
‘‘гхарад̇о нигкамид̇ваана, авагуж̇ж̇аа нибаж̇ж̇ахам̣;
‘‘Gharato nikkhamitvāna, avakujjā nipajjahaṃ;
анугамбаго логанаат̇о, сираси аггамий мама.
Anukampako lokanātho, sirasi akkamī mama.
‘‘аггамид̇ваана сираси, аг̇амаа логанааяаго;
‘‘Akkamitvāna sirasi, agamā lokanāyako;
д̇зна жид̇д̇аббасаад̣̇зна, д̇усид̇ам̣ аг̇амаасахам̣.
Tena cittappasādena, tusitaṃ agamāsahaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа саа д̇амзва г̇аат̇ам̣ уд̣̇аанзси. барибун̣н̣асигкаа убасамбаж̇ж̇ид̇ваа абарабхааг̇з бариниб̣б̣аанагаалзби д̇амзва г̇аат̇ам̣ бажжабхаасийд̇и.
Arahattaṃ pana patvā sā tameva gāthaṃ udānesi. Paripuṇṇasikkhā upasampajjitvā aparabhāge parinibbānakālepi tameva gāthaṃ paccabhāsīti.
муд̇д̇аат̇зрийг̇аат̇ааван̣н̣анаа нидтид̇аа.
Muttātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 2. муд̇д̇аат̇зрийг̇аат̇аа • 2. Muttātherīgāthā
