| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൧൦. ന വത്തബ്ബം ബുദ്ധസ്സ ദിന്നം മഹപ്ഫലന്തികഥാവണ്ണനാ
10. Na vattabbaṃ buddhassa dinnaṃ mahapphalantikathāvaṇṇanā
൭൯൯. ഇദാനി ന വത്തബ്ബം ബുദ്ധസ്സ ദിന്നം മഹപ്ഫലന്തികഥാ നാമ ഹോതി. തത്ഥ ‘‘ബുദ്ധോ ഭഗവാ ന കിഞ്ചി പരിഭുഞ്ജതി, ലോകാനുവത്തനത്ഥം പന പരിഭുഞ്ജമാനം വിയ അത്താനം ദസ്സേതി, തസ്മാ നിരുപകാരത്താ ന വത്തബ്ബം തസ്മിം ദിന്നം മഹപ്ഫല’’ന്തി യേസം ലദ്ധി, സേയ്യഥാപി തേസംയേവ; തേ സന്ധായ പുച്ഛാ സകവാദിസ്സ, പടിഞ്ഞാ ഇതരസ്സ. ദ്വിപദാനം അഗ്ഗോതിആദി ‘‘മനുസ്സദുസ്സീലേപി ദാനം സഹസ്സഗുണം ഹോതി, കിമങ്ഗം പന ഏവരൂപേ അഗ്ഗപുഗ്ഗലേ’’തി ദസ്സനത്ഥം വുത്തം. സേസമേത്ഥ യഥാപാളിമേവ നിയ്യാതീതി.
799. Idāni na vattabbaṃ buddhassa dinnaṃ mahapphalantikathā nāma hoti. Tattha ‘‘buddho bhagavā na kiñci paribhuñjati, lokānuvattanatthaṃ pana paribhuñjamānaṃ viya attānaṃ dasseti, tasmā nirupakārattā na vattabbaṃ tasmiṃ dinnaṃ mahapphala’’nti yesaṃ laddhi, seyyathāpi tesaṃyeva; te sandhāya pucchā sakavādissa, paṭiññā itarassa. Dvipadānaṃ aggotiādi ‘‘manussadussīlepi dānaṃ sahassaguṇaṃ hoti, kimaṅgaṃ pana evarūpe aggapuggale’’ti dassanatthaṃ vuttaṃ. Sesamettha yathāpāḷimeva niyyātīti.
ന വത്തബ്ബം ബുദ്ധസ്സ ദിന്നം മഹപ്ഫലന്തികഥാവണ്ണനാ.
Na vattabbaṃ buddhassa dinnaṃ mahapphalantikathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൭൫) ൧൦. ന വത്തബ്ബം ബുദ്ധസ്സദിന്നം മഹപ്ഫലന്തികഥാ • (175) 10. Na vattabbaṃ buddhassadinnaṃ mahapphalantikathā
