| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
7. ந வத்தப்³ப³ங் ஸங்கோ⁴ த³க்கி²ணங் விஸோதே⁴தீதிகதா²வண்ணனா
7. Na vattabbaṃ saṅgho dakkhiṇaṃ visodhetītikathāvaṇṇanā
793-794. இதா³னி ந வத்தப்³ப³ங் ஸங்கோ⁴ த³க்கி²ணங் விஸோதே⁴தீதிகதா² நாம ஹோதி. தத்த² ‘‘மக்³க³ப²லானேவ ஸங்கோ⁴ நாம, ந ச தானி த³க்கி²ணங் விஸோதே⁴துங் ஸக்கொந்தி, தஸ்மா ந வத்தப்³ப³ங் ஸங்கோ⁴ த³க்கி²ணங் விஸோதே⁴தீ’’தி யேஸங் லத்³தி⁴, ஸெய்யதா²பி தேஸஞ்ஞேவ; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. ஆஹுனெய்யோதிஆதி³ ‘‘யதி³ ஸங்கோ⁴ த³க்கி²ணங் விஸோதே⁴துங் ந ஸக்குணெய்ய, ந நங் ஸத்தா² ஏவங் தோ²மெய்யா’’தி த³ஸ்ஸனத்த²ங் வுத்தங். விஸோதே⁴தீதி மஹப்ப²லங் கரோதி. ஸங்க⁴ஸ்மிஞ்ஹி அப்பங் தி³ன்னங் ப³ஹு ஹோதி, ப³ஹு தி³ன்னங் ப³ஹுதரங். த³க்கி²ணெய்யாதி த³க்கி²ணாரஹா த³க்கி²ணாய அனுச்ச²விகா, த³க்கி²ணங் விஸோதே⁴துங் ஸமத்தா²தி அத்தோ². த³க்கி²ணங் ஆராதெ⁴ந்தீதி ஸம்பாதெ³ந்தி, அப்பமத்திகாயபி த³க்கி²ணாய மஹந்தங் ப²லங் பாபுணந்தீதி அத்தோ². ஸேஸங் ஹெட்டா² வுத்தனயமேவாதி.
793-794. Idāni na vattabbaṃ saṅgho dakkhiṇaṃ visodhetītikathā nāma hoti. Tattha ‘‘maggaphalāneva saṅgho nāma, na ca tāni dakkhiṇaṃ visodhetuṃ sakkonti, tasmā na vattabbaṃ saṅgho dakkhiṇaṃ visodhetī’’ti yesaṃ laddhi, seyyathāpi tesaññeva; te sandhāya pucchā sakavādissa, paṭiññā itarassa. Āhuneyyotiādi ‘‘yadi saṅgho dakkhiṇaṃ visodhetuṃ na sakkuṇeyya, na naṃ satthā evaṃ thomeyyā’’ti dassanatthaṃ vuttaṃ. Visodhetīti mahapphalaṃ karoti. Saṅghasmiñhi appaṃ dinnaṃ bahu hoti, bahu dinnaṃ bahutaraṃ. Dakkhiṇeyyāti dakkhiṇārahā dakkhiṇāya anucchavikā, dakkhiṇaṃ visodhetuṃ samatthāti attho. Dakkhiṇaṃ ārādhentīti sampādenti, appamattikāyapi dakkhiṇāya mahantaṃ phalaṃ pāpuṇantīti attho. Sesaṃ heṭṭhā vuttanayamevāti.
ந வத்தப்³ப³ங் ஸங்கோ⁴ த³க்கி²ணங் விஸோதே⁴தீதிகதா²வண்ணனா.
Na vattabbaṃ saṅgho dakkhiṇaṃ visodhetītikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (172) 7. ந வத்தப்³ப³ங் ஸங்கோ⁴ த³க்கி²ணங் விஸோதே⁴தீதிகதா² • (172) 7. Na vattabbaṃ saṅgho dakkhiṇaṃ visodhetītikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. நவத்தப்³ப³ங்ஸங்கோ⁴த³க்கி²ணங்விஸோதே⁴தீதிகதா²வண்ணனா • 7. Navattabbaṃsaṅghodakkhiṇaṃvisodhetītikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 7. நவத்தப்³ப³ங்ஸங்கோ⁴த³க்கி²ணங்விஸோதே⁴தீதிகதா²வண்ணனா • 7. Navattabbaṃsaṅghodakkhiṇaṃvisodhetītikathāvaṇṇanā
