| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[32] 2. нажжаж̇аад̇агаван̣н̣анаа
[32] 2. Naccajātakavaṇṇanā
руд̣̇ам̣ манун̃н̃анд̇и ид̣̇ам̣ сад̇т̇аа ж̇зд̇аванз вихаранд̇о згам̣ б̣ахубхан̣д̣игам̣ бхигкум̣ аараб̣бха гат̇зси. вад̇т̇у хздтаа д̣̇звад̇хаммаж̇аад̇агз (ж̇аа. 1.1.6) вуд̇д̇асад̣̇исамзва. сад̇т̇аа д̇ам̣ бхигкум̣ ‘‘сажжам̣ гира д̇вам̣ бхигку б̣ахубхан̣д̣о’’д̇и бужчи. ‘‘аама, бханд̇з’’д̇и. ‘‘гим̣гааран̣аа д̇вам̣ бхигку б̣ахубхан̣д̣о ж̇аад̇осий’’д̇и? со зд̇д̇агам̣ суд̇ваава гуд̣̇д̇хо ниваасанабаарубанам̣ чад̣д̣зд̇ваа ‘‘иминаа д̣̇аани нийхаарзна вижараамий’’д̇и сад̇т̇у бурад̇о наг̇г̇о адтааси. мануссаа ‘‘д̇хий д̇хий’’д̇и аахам̣су. со д̇ад̇о балааяид̇ваа хийнааяаавад̇д̇о. бхигкуу д̇хаммасабхааяам̣ саннисиннаа ‘‘сад̇т̇у наама бурад̇о зваруубам̣ гариссад̇ий’’д̇и д̇асса аг̇ун̣агат̇ам̣ гат̇зсум̣. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бхигкуу бужчи. бханд̇з, ‘‘со хи наама бхигку д̇умхаагам̣ бурад̇о жад̇убарисамаж̇жхз хирод̇д̇аббам̣ бахааяа г̇аамад̣̇аараго вияа наг̇г̇о тад̇ваа мануссзхи ж̇иг̇ужчияамаано хийнааяаавад̇д̇ид̇ваа саасанаа барихийно’’д̇и д̇асса аг̇ун̣агат̇ааяа нисиннаамхаад̇и. сад̇т̇аа ‘‘на, бхигкавз, ид̣̇аанзва со бхигку хирод̇д̇аббаабхаавзна рад̇анасаасанаа барихийно, буб̣б̣з ид̇т̇ирад̇анабадилаабхад̇оби барихийноязваа’’д̇и вад̇ваа ад̇ийд̇ам̣ аахари.
Rudaṃ manuññanti idaṃ satthā jetavane viharanto ekaṃ bahubhaṇḍikaṃ bhikkhuṃ ārabbha kathesi. Vatthu heṭṭhā devadhammajātake (jā. 1.1.6) vuttasadisameva. Satthā taṃ bhikkhuṃ ‘‘saccaṃ kira tvaṃ bhikkhu bahubhaṇḍo’’ti pucchi. ‘‘Āma, bhante’’ti. ‘‘Kiṃkāraṇā tvaṃ bhikkhu bahubhaṇḍo jātosī’’ti? So ettakaṃ sutvāva kuddho nivāsanapārupanaṃ chaḍḍetvā ‘‘iminā dāni nīhārena vicarāmī’’ti satthu purato naggo aṭṭhāsi. Manussā ‘‘dhī dhī’’ti āhaṃsu. So tato palāyitvā hīnāyāvatto. Bhikkhū dhammasabhāyaṃ sannisinnā ‘‘satthu nāma purato evarūpaṃ karissatī’’ti tassa aguṇakathaṃ kathesuṃ. Satthā āgantvā ‘‘kāya nuttha, bhikkhave, etarahi kathāya sannisinnā’’ti bhikkhū pucchi. Bhante, ‘‘so hi nāma bhikkhu tumhākaṃ purato catuparisamajjhe hirottappaṃ pahāya gāmadārako viya naggo ṭhatvā manussehi jigucchiyamāno hīnāyāvattitvā sāsanā parihīno’’ti tassa aguṇakathāya nisinnāmhāti. Satthā ‘‘na, bhikkhave, idāneva so bhikkhu hirottappābhāvena ratanasāsanā parihīno, pubbe itthiratanapaṭilābhatopi parihīnoyevā’’ti vatvā atītaṃ āhari.
ад̇ийд̇з батамагаббз жад̇уббад̣̇аа сийхам̣ рааж̇аанам̣ агам̣су, мажчаа аананд̣̇амажчам̣, сагун̣аа суван̣н̣ахам̣сам̣. д̇асса бана суван̣н̣ахам̣сарааж̇асса д̇хийд̇аа хам̣сабод̇игаа абхируубаа ахоси. со д̇ассаа варам̣ ад̣̇ааси, саа ад̇д̇ано жид̇д̇аружид̇ам̣ саамигам̣ ваарзси. хам̣сарааж̇аа д̇ассаа варам̣ д̣̇ад̇ваа химаванд̇з саб̣б̣з сагун̣з саннибаад̇аабзси, наанаббагаараа хам̣самораад̣̇аяо сагун̣аг̇ан̣аа самааг̇анд̇ваа згасмим̣ маханд̇з баасаан̣ад̇алз саннибад̇им̣су. хам̣сарааж̇аа ‘‘ад̇д̇ано жид̇д̇аружид̇ам̣ саамигам̣ ааг̇анд̇ваа г̇ан̣хаад̇уу’’д̇и д̇хийд̇арам̣ баггосаабзси. саа сагун̣асан̇гхам̣ ологзнд̇ий ман̣иван̣н̣аг̇ийвам̣ жид̇рабзкун̣ам̣ морам̣ д̣̇исваа ‘‘аяам̣ мз саамиго ход̇уу’’д̇и аарожзси. сагун̣асан̇гхаа морам̣ убасан̇гамид̇ваа аахам̣су ‘‘самма мора, аяам̣ рааж̇ад̇хийд̇аа зд̇д̇агаанам̣ сагун̣аанам̣ маж̇жхз саамигам̣ рожзнд̇ий д̇аяи ружим̣ уббаад̣̇зсий’’д̇и. моро ‘‘аж̇ж̇ааби д̇аава мз б̣алам̣ на бассад̇ий’’д̇и ад̇ид̇удтияаа хирод̇д̇аббам̣ бхинд̣̇ид̇ваа д̇аава махад̇о сагун̣асан̇гхасса маж̇жхз багкз басаарзд̇ваа нажжид̇ум̣ аарабхи, нажжанд̇о аббадижчанно ахоси.
Atīte paṭhamakappe catuppadā sīhaṃ rājānaṃ akaṃsu, macchā ānandamacchaṃ, sakuṇā suvaṇṇahaṃsaṃ. Tassa pana suvaṇṇahaṃsarājassa dhītā haṃsapotikā abhirūpā ahosi. So tassā varaṃ adāsi, sā attano cittarucitaṃ sāmikaṃ vāresi. Haṃsarājā tassā varaṃ datvā himavante sabbe sakuṇe sannipātāpesi, nānappakārā haṃsamorādayo sakuṇagaṇā samāgantvā ekasmiṃ mahante pāsāṇatale sannipatiṃsu. Haṃsarājā ‘‘attano cittarucitaṃ sāmikaṃ āgantvā gaṇhātū’’ti dhītaraṃ pakkosāpesi. Sā sakuṇasaṅghaṃ olokentī maṇivaṇṇagīvaṃ citrapekhuṇaṃ moraṃ disvā ‘‘ayaṃ me sāmiko hotū’’ti ārocesi. Sakuṇasaṅghā moraṃ upasaṅkamitvā āhaṃsu ‘‘samma mora, ayaṃ rājadhītā ettakānaṃ sakuṇānaṃ majjhe sāmikaṃ rocentī tayi ruciṃ uppādesī’’ti. Moro ‘‘ajjāpi tāva me balaṃ na passatī’’ti atituṭṭhiyā hirottappaṃ bhinditvā tāva mahato sakuṇasaṅghassa majjhe pakkhe pasāretvā naccituṃ ārabhi, naccanto appaṭicchanno ahosi.
суван̣н̣ахам̣сарааж̇аа лаж̇ж̇ид̇о ‘‘имасса нзва аж̇жхад̇д̇асамудтаанаа хирий ад̇т̇и, на б̣ахид̣̇д̇хаасамудтаанам̣ од̇д̇аббам̣, наасса бхиннахирод̇д̇аббасса мама д̇хийд̇арам̣ д̣̇ассаамий’’д̇и сагун̣асан̇гхамаж̇жхз имам̣ г̇аат̇амааха –
Suvaṇṇahaṃsarājā lajjito ‘‘imassa neva ajjhattasamuṭṭhānā hirī atthi, na bahiddhāsamuṭṭhānaṃ ottappaṃ, nāssa bhinnahirottappassa mama dhītaraṃ dassāmī’’ti sakuṇasaṅghamajjhe imaṃ gāthamāha –
32.
32.
‘‘руд̣̇ам̣ манун̃н̃ам̣ ружираа жа бидти, взл̣урияаван̣н̣уубанибхаа жа г̇ийваа;
‘‘Rudaṃ manuññaṃ rucirā ca piṭṭhi, veḷuriyavaṇṇūpanibhā ca gīvā;
б̣яаамамад̇д̇аани жа бзкун̣аани, нажжзна д̇з д̇хийд̇арам̣ но д̣̇ад̣̇аамий’’д̇и.
Byāmamattāni ca pekhuṇāni, naccena te dhītaraṃ no dadāmī’’ti.
д̇ад̇т̇а руд̣̇ам̣ манун̃н̃анд̇и д̇а-гаарасса д̣̇а-гааро гад̇о, руд̇ам̣ манаабам̣, вассид̇асад̣̇д̣̇о мад̇хурод̇и ад̇т̇о. ружираа жа бидтийд̇и бидтиби д̇з жид̇раа жзва собханаа жа. взл̣урияаван̣н̣уубанибхаад̇и взл̣урияаман̣иван̣н̣асад̣̇исаа. б̣яаамамад̇д̇аанийд̇и згаб̣яаамаббамаан̣аани. бзкун̣аанийд̇и бин̃чаани. нажжзна д̇з д̇хийд̇арам̣ но д̣̇ад̣̇аамийд̇и хирод̇д̇аббам̣ бхинд̣̇ид̇ваа нажжид̇абхаавзнзва д̇з зваруубасса ниллаж̇ж̇асса д̇хийд̇арам̣ но д̣̇ад̣̇аамийд̇и вад̇ваа хам̣сарааж̇аа д̇асмим̣язва барисамаж̇жхз ад̇д̇ано бхааг̇инзяяасса хам̣сабод̇агасса д̇хийд̇арам̣ ад̣̇ааси. моро хам̣сабод̇игам̣ алабхид̇ваа лаж̇ж̇ид̇ваа д̇ад̇ова уббад̇ид̇ваа балааяи. хам̣сарааж̇ааби ад̇д̇ано васанадтаанамзва г̇ад̇о.
Tattha rudaṃ manuññanti ta-kārassa da-kāro kato, rutaṃ manāpaṃ, vassitasaddo madhuroti attho. Rucirā ca piṭṭhīti piṭṭhipi te citrā ceva sobhanā ca. Veḷuriyavaṇṇūpanibhāti veḷuriyamaṇivaṇṇasadisā. Byāmamattānīti ekabyāmappamāṇāni. Pekhuṇānīti piñchāni. Naccena te dhītaraṃ no dadāmīti hirottappaṃ bhinditvā naccitabhāveneva te evarūpassa nillajjassa dhītaraṃ no dadāmīti vatvā haṃsarājā tasmiṃyeva parisamajjhe attano bhāgineyyassa haṃsapotakassa dhītaraṃ adāsi. Moro haṃsapotikaṃ alabhitvā lajjitvā tatova uppatitvā palāyi. Haṃsarājāpi attano vasanaṭṭhānameva gato.
сад̇т̇аа ‘‘на, бхигкавз, ид̣̇аанзва зса хирод̇д̇аббам̣ бхинд̣̇ид̇ваа рад̇анасаасанаа барихийно, буб̣б̣зби ид̇т̇ирад̇анабадилаабхад̇о барихийноязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа моро б̣ахубхан̣д̣иго ахоси, хам̣сарааж̇аа бана ахамзва ахоси’’нд̇и.
Satthā ‘‘na, bhikkhave, idāneva esa hirottappaṃ bhinditvā ratanasāsanā parihīno, pubbepi itthiratanapaṭilābhato parihīnoyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā moro bahubhaṇḍiko ahosi, haṃsarājā pana ahameva ahosi’’nti.
нажжаж̇аад̇агаван̣н̣анаа д̣̇уд̇ияаа.
Naccajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 32. нажжаж̇аад̇агам̣ • 32. Naccajātakaṃ
