| Library / Tipiṭaka / तिपिटक • Tipiṭaka / अपदानपाळि • Apadānapāḷi |
५. नागपल्लवत्थेरअपदानं
5. Nāgapallavattheraapadānaṃ
११८.
118.
‘‘नगरे बन्धुमतिया, राजुय्याने वसामहं।
‘‘Nagare bandhumatiyā, rājuyyāne vasāmahaṃ;
मम अस्समसामन्ता, निसीदि लोकनायको॥
Mama assamasāmantā, nisīdi lokanāyako.
११९.
119.
‘‘नागपल्लवमादाय , बुद्धस्स अभिरोपयिं।
‘‘Nāgapallavamādāya , buddhassa abhiropayiṃ;
पसन्नचित्तो सुमनो, सुगतं अभिवादयिं॥
Pasannacitto sumano, sugataṃ abhivādayiṃ.
१२०.
120.
‘‘एकनवुतितो कप्पे, यं पल्लवमपूजयिं।
‘‘Ekanavutito kappe, yaṃ pallavamapūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
१२१.
121.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
१२२.
122.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
१२३.
123.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा नागपल्लवो थेरो इमा गाथायो अभासित्थाति।
Itthaṃ sudaṃ āyasmā nāgapallavo thero imā gāthāyo abhāsitthāti.
नागपल्लवत्थेरस्सापदानं पञ्चमं।
Nāgapallavattherassāpadānaṃ pañcamaṃ.
