| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. नागपुप्फियत्थेरअपदानं
8. Nāgapupphiyattheraapadānaṃ
३९.
39.
‘‘सुवच्छो नाम नामेन, ब्राह्मणो मन्तपारगू।
‘‘Suvaccho nāma nāmena, brāhmaṇo mantapāragū;
पुरक्खतो ससिस्सेहि, वसते पब्बतन्तरे॥
Purakkhato sasissehi, vasate pabbatantare.
४०.
40.
‘‘पदुमुत्तरो नाम जिनो, आहुतीनं पटिग्गहो।
‘‘Padumuttaro nāma jino, āhutīnaṃ paṭiggaho;
ममुद्धरितुकामो सो, आगच्छि मम सन्तिकं॥
Mamuddharitukāmo so, āgacchi mama santikaṃ.
४१.
41.
‘‘वेहासम्हि चङ्कमति, धूपायति जलते तथा।
‘‘Vehāsamhi caṅkamati, dhūpāyati jalate tathā;
हासं ममं विदित्वान, पक्कामि पाचिनामुखो॥
Hāsaṃ mamaṃ viditvāna, pakkāmi pācināmukho.
४२.
42.
‘‘तञ्च अच्छरियं दिस्वा, अब्भुतं लोमहंसनं।
‘‘Tañca acchariyaṃ disvā, abbhutaṃ lomahaṃsanaṃ;
नागपुप्फं गहेत्वान, गतमग्गम्हि ओकिरिं॥
Nāgapupphaṃ gahetvāna, gatamaggamhi okiriṃ.
४३.
43.
‘‘सतसहस्सितो कप्पे, यं पुप्फं ओकिरिं अहं।
‘‘Satasahassito kappe, yaṃ pupphaṃ okiriṃ ahaṃ;
तेन चित्तप्पसादेन, दुग्गतिं नुपपज्जहं॥
Tena cittappasādena, duggatiṃ nupapajjahaṃ.
४४.
44.
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
४५.
45.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा नागपुप्फियो थेरो इमा गाथायो अभासित्थाति।
Itthaṃ sudaṃ āyasmā nāgapupphiyo thero imā gāthāyo abhāsitthāti.
नागपुप्फियत्थेरस्सापदानं अट्ठमं।
Nāgapupphiyattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. नागपुप्फियत्थेरअपदानवण्णना • 8. Nāgapupphiyattheraapadānavaṇṇanā
