| Library / Tipiṭaka / തിപിടക • Tipiṭaka / മജ്ഝിമനികായ (അട്ഠകഥാ) • Majjhimanikāya (aṭṭhakathā) |
൮. നഗരവിന്ദേയ്യസുത്തവണ്ണനാ
8. Nagaravindeyyasuttavaṇṇanā
൪൩൫. ഏവം മേ സുതന്തി നഗരവിന്ദേയ്യസുത്തം. തത്ഥ സമവിസമം ചരന്തീതി കാലേന സമം ചരന്തി, കാലേന വിസമം. സമചരിയമ്പി ഹേതന്തി സമചരിയമ്പി ഹി ഏതം.
435.Evaṃme sutanti nagaravindeyyasuttaṃ. Tattha samavisamaṃ carantīti kālena samaṃ caranti, kālena visamaṃ. Samacariyampi hetanti samacariyampi hi etaṃ.
൪൩൭. കേ ആകാരാതി കാനി കാരണാനി? കേ അന്വയാതി കാ അനുബുദ്ധിയോ? നത്ഥി ഖോ പന തത്ഥാതി കസ്മാ ആഹ, നനു അരഞ്ഞേ ഹരിതതിണചമ്പകവനാദിവസേന അതിമനുഞ്ഞാ രൂപാദയോ പഞ്ച കാമഗുണാ അത്ഥീതി? നോ നത്ഥി. ന പനേതം വനസണ്ഡേന കഥിതം, ഇത്ഥിരൂപാദീനി പന സന്ധായേതം കഥിതം. താനി ഹി പുരിസസ്സ ചിത്തം പരിയാദായ തിട്ഠന്തി. യഥാഹ – ‘‘നാഹം, ഭിക്ഖവേ, അഞ്ഞം ഏകരൂപമ്പി സമനുപസ്സാമി, യം ഏവം പുരിസസ്സ ചിത്തം പരിയാദായ തിട്ഠതി, യഥയിദം, ഭിക്ഖവേ, ഇത്ഥിരൂപം. ഇത്ഥിരൂപം, ഭിക്ഖവേ, പുരിസസ്സ ചിത്തം പരിയാദായ തിട്ഠതീ’’തി (അ॰ നി॰ ൧.൧) വിത്ഥാരേതബ്ബം. സേസം സബ്ബത്ഥ ഉത്താനമേവാതി.
437.Ke ākārāti kāni kāraṇāni? Ke anvayāti kā anubuddhiyo? Natthi kho pana tatthāti kasmā āha, nanu araññe haritatiṇacampakavanādivasena atimanuññā rūpādayo pañca kāmaguṇā atthīti? No natthi. Na panetaṃ vanasaṇḍena kathitaṃ, itthirūpādīni pana sandhāyetaṃ kathitaṃ. Tāni hi purisassa cittaṃ pariyādāya tiṭṭhanti. Yathāha – ‘‘nāhaṃ, bhikkhave, aññaṃ ekarūpampi samanupassāmi, yaṃ evaṃ purisassa cittaṃ pariyādāya tiṭṭhati, yathayidaṃ, bhikkhave, itthirūpaṃ. Itthirūpaṃ, bhikkhave, purisassa cittaṃ pariyādāya tiṭṭhatī’’ti (a. ni. 1.1) vitthāretabbaṃ. Sesaṃ sabbattha uttānamevāti.
പപഞ്ചസൂദനിയാ മജ്ഝിമനികായട്ഠകഥായ
Papañcasūdaniyā majjhimanikāyaṭṭhakathāya
നഗരവിന്ദേയ്യസുത്തവണ്ണനാ നിട്ഠിതാ.
Nagaravindeyyasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / മജ്ഝിമനികായ • Majjhimanikāya / ൮. നഗരവിന്ദേയ്യസുത്തം • 8. Nagaravindeyyasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / മജ്ഝിമനികായ (ടീകാ) • Majjhimanikāya (ṭīkā) / ൮. നഗരവിന്ദേയ്യസുത്തവണ്ണനാ • 8. Nagaravindeyyasuttavaṇṇanā
