| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. नागसमालवग्गो
8. Nāgasamālavaggo
१. नागसमालत्थेरअपदानं
1. Nāgasamālattheraapadānaṃ
१.
1.
‘‘अपाटलिं अहं पुप्फं, उज्झितं सुमहापथे।
‘‘Apāṭaliṃ ahaṃ pupphaṃ, ujjhitaṃ sumahāpathe;
थूपम्हि अभिरोपेसिं, सिखिनो लोकबन्धुनो॥
Thūpamhi abhiropesiṃ, sikhino lokabandhuno.
२.
2.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, थूपपूजायिदं फलं॥
Duggatiṃ nābhijānāmi, thūpapūjāyidaṃ phalaṃ.
३.
3.
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
४.
4.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा नागसमालो थेरो इमा गाथायो अभासित्थाति।
Itthaṃ sudaṃ āyasmā nāgasamālo thero imā gāthāyo abhāsitthāti.
नागसमालत्थेरस्सापदानं पठमं।
Nāgasamālattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. नागसमालत्थेरअपदानवण्णना • 1. Nāgasamālattheraapadānavaṇṇanā
