| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
5. нааг̇асуд̇д̇ам̣
5. Nāgasuttaṃ
35. звам̣ мз суд̇ам̣ – згам̣ самаяам̣ бхаг̇аваа госамб̣ияам̣ вихарад̇и гхосид̇аараамз . д̇зна ко бана самаязна бхаг̇аваа аагин̣н̣о вихарад̇и бхигкуухи бхигкуунийхи убаасагзхи убаасигаахи рааж̇уухи рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи. аагин̣н̣о д̣̇угкам̣ на паасу вихарад̇и. ат̇а ко бхаг̇авад̇о зд̇ад̣̇ахоси – ‘‘ахам̣ ко зд̇арахи аагин̣н̣о вихараами бхигкуухи бхигкуунийхи убаасагзхи убаасигаахи рааж̇уухи рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи. аагин̣н̣о д̣̇угкам̣ на паасу вихараами. яам̣нуунаахам̣ зго г̇ан̣асмаа вуубагадто вихарзяяа’’нд̇и.
35. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme . Tena kho pana samayena bhagavā ākiṇṇo viharati bhikkhūhi bhikkhūnīhi upāsakehi upāsikāhi rājūhi rājamahāmattehi titthiyehi titthiyasāvakehi. Ākiṇṇo dukkhaṃ na phāsu viharati. Atha kho bhagavato etadahosi – ‘‘ahaṃ kho etarahi ākiṇṇo viharāmi bhikkhūhi bhikkhūnīhi upāsakehi upāsikāhi rājūhi rājamahāmattehi titthiyehi titthiyasāvakehi. Ākiṇṇo dukkhaṃ na phāsu viharāmi. Yaṃnūnāhaṃ eko gaṇasmā vūpakaṭṭho vihareyya’’nti.
ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа госамб̣им̣ бин̣д̣ааяа баависи. госамб̣ияам̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о саамам̣ сзнаасанам̣ сам̣саамзд̇ваа бад̇д̇ажийварамаад̣̇ааяа анааманд̇зд̇ваа убадтаагам̣ анабалогзд̇ваа бхигкусан̇гхам̣ зго ад̣̇уд̇ияо язна баалилзяяагам̣ д̇зна жааригам̣ баггаами. анубуб̣б̣зна жааригам̣ жарамаано язна баалилзяяагам̣ д̇ад̣̇авасари. д̇ад̇ра суд̣̇ам̣ бхаг̇аваа баалилзяяагз вихарад̇и рагкид̇аванасан̣д̣з бхад̣̇д̣̇асааламуулз.
Atha kho bhagavā pubbaṇhasamayaṃ nivāsetvā pattacīvaramādāya kosambiṃ piṇḍāya pāvisi. Kosambiyaṃ piṇḍāya caritvā pacchābhattaṃ piṇḍapātapaṭikkanto sāmaṃ senāsanaṃ saṃsāmetvā pattacīvaramādāya anāmantetvā upaṭṭhākaṃ anapaloketvā bhikkhusaṅghaṃ eko adutiyo yena pālileyyakaṃ tena cārikaṃ pakkāmi. Anupubbena cārikaṃ caramāno yena pālileyyakaṃ tadavasari. Tatra sudaṃ bhagavā pālileyyake viharati rakkhitavanasaṇḍe bhaddasālamūle.
ан̃н̃ад̇ароби ко хад̇т̇инааг̇о аагин̣н̣о вихарад̇и хад̇т̇ийхи хад̇т̇инийхи хад̇т̇игалабхзхи хад̇т̇ижчаабзхи. чиннаг̇г̇аани жзва д̇ин̣аани каад̣̇ад̇и, обхаг̇г̇обхаг̇г̇ан̃жасса саакаабхан̇г̇ам̣ каад̣̇анд̇и, аавилаани жа баанийяаани бивад̇и, ог̇аахаа жасса уд̇д̇ин̣н̣асса хад̇т̇инияо гааяам̣ убанигхам̣санд̇ияо г̇ажчанд̇и. аагин̣н̣о д̣̇угкам̣ на паасу вихарад̇и. ат̇а ко д̇асса хад̇т̇инааг̇асса зд̇ад̣̇ахоси – ‘‘ахам̣ ко зд̇арахи аагин̣н̣о вихараами хад̇т̇ийхи хад̇т̇инийхи хад̇т̇игалабхзхи хад̇т̇ижчаабзхи, чиннаг̇г̇аани жзва д̇ин̣аани каад̣̇аами, обхаг̇г̇обхаг̇г̇ан̃жа мз саакаабхан̇г̇ам̣ каад̣̇анд̇и, аавилаани жа баанийяаани биваами, ог̇аахаа жа мз уд̇д̇ин̣н̣асса хад̇т̇инияо гааяам̣ убанигхам̣санд̇ияо г̇ажчанд̇и, аагин̣н̣о д̣̇угкам̣ на паасу вихараами. яам̣нуунаахам̣ зго г̇ан̣асмаа вуубагадто вихарзяяа’’нд̇и.
Aññataropi kho hatthināgo ākiṇṇo viharati hatthīhi hatthinīhi hatthikalabhehi hatthicchāpehi. Chinnaggāni ceva tiṇāni khādati, obhaggobhaggañcassa sākhābhaṅgaṃ khādanti, āvilāni ca pānīyāni pivati, ogāhā cassa uttiṇṇassa hatthiniyo kāyaṃ upanighaṃsantiyo gacchanti. Ākiṇṇo dukkhaṃ na phāsu viharati. Atha kho tassa hatthināgassa etadahosi – ‘‘ahaṃ kho etarahi ākiṇṇo viharāmi hatthīhi hatthinīhi hatthikalabhehi hatthicchāpehi, chinnaggāni ceva tiṇāni khādāmi, obhaggobhaggañca me sākhābhaṅgaṃ khādanti, āvilāni ca pānīyāni pivāmi, ogāhā ca me uttiṇṇassa hatthiniyo kāyaṃ upanighaṃsantiyo gacchanti, ākiṇṇo dukkhaṃ na phāsu viharāmi. Yaṃnūnāhaṃ eko gaṇasmā vūpakaṭṭho vihareyya’’nti.
ат̇а ко со хад̇т̇инааг̇о яуут̇аа абаггамма язна баалилзяяагам̣ рагкид̇аванасан̣д̣о бхад̣̇д̣̇асааламуулам̣ язна бхаг̇аваа д̇знубасан̇гами. д̇ад̇ра суд̣̇ам̣ 1 со хад̇т̇инааг̇о яасмим̣ бад̣̇зсз бхаг̇аваа вихарад̇и д̇ам̣ бад̣̇зсам̣ 2 аббахарид̇ам̣ гарод̇и, сон̣д̣ааяа жа 3 бхаг̇авад̇о баанийяам̣ барибхож̇анийяам̣ убадтаабзд̇и 4.
ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘ахам̣ ко буб̣б̣з аагин̣н̣о вихаасим̣ бхигкуухи бхигкуунийхи убаасагзхи убаасигаахи рааж̇уухи рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи, аагин̣н̣о д̣̇угкам̣ на паасу вихаасим̣. сомхи зд̇арахи анаагин̣н̣о вихараами бхигкуухи бхигкунийхи убаасагзхи убаасигаахи рааж̇уухи рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи, анаагин̣н̣о сукам̣ паасу вихараамий’’д̇и.
Atha kho bhagavato rahogatassa paṭisallīnassa evaṃ cetaso parivitakko udapādi – ‘‘ahaṃ kho pubbe ākiṇṇo vihāsiṃ bhikkhūhi bhikkhūnīhi upāsakehi upāsikāhi rājūhi rājamahāmattehi titthiyehi titthiyasāvakehi, ākiṇṇo dukkhaṃ na phāsu vihāsiṃ. Somhi etarahi anākiṇṇo viharāmi bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi, anākiṇṇo sukhaṃ phāsu viharāmī’’ti.
д̇ассаби ко хад̇т̇инааг̇асса звам̣ жзд̇асо баривид̇агго уд̣̇абаад̣̇и – ‘‘ахам̣ ко буб̣б̣з аагин̣н̣о вихаасим̣ хад̇т̇ийхи хад̇т̇инийхи хад̇т̇игалабхзхи хад̇т̇ижчаабзхи, чиннаг̇г̇аани жзва д̇ин̣аани каад̣̇им̣, обхаг̇г̇обхаг̇г̇ан̃жа мз саакаабхан̇г̇ам̣ каад̣̇им̣су, аавилаани жа баанийяаани абааяим̣, ог̇аахаа жа мз уд̇д̇ин̣н̣асса хад̇т̇инияо гааяам̣ убанигхам̣санд̇ияо аг̇амам̣су, аагин̣н̣о д̣̇угкам̣ на паасу вихаасим̣. сомхи зд̇арахи анаагин̣н̣о вихараами хад̇т̇ийхи хад̇т̇инийхи хад̇т̇игалабхзхи хад̇т̇ижчаабзхи, ажчиннаг̇г̇аани жзва д̇ин̣аани каад̣̇аами, обхаг̇г̇обхаг̇г̇ан̃жа мз саакаабхан̇г̇ам̣ на каад̣̇анд̇и, анаавилаани жа баанийяаани биваами, ог̇аахаа жа мз уд̇д̇ин̣н̣асса хад̇т̇инияо на гааяам̣ убанигхам̣санд̇ияо г̇ажчанд̇и, анаагин̣н̣о сукам̣ паасу вихараамий’’д̇и.
Tassapi kho hatthināgassa evaṃ cetaso parivitakko udapādi – ‘‘ahaṃ kho pubbe ākiṇṇo vihāsiṃ hatthīhi hatthinīhi hatthikalabhehi hatthicchāpehi, chinnaggāni ceva tiṇāni khādiṃ, obhaggobhaggañca me sākhābhaṅgaṃ khādiṃsu, āvilāni ca pānīyāni apāyiṃ, ogāhā ca me uttiṇṇassa hatthiniyo kāyaṃ upanighaṃsantiyo agamaṃsu, ākiṇṇo dukkhaṃ na phāsu vihāsiṃ. Somhi etarahi anākiṇṇo viharāmi hatthīhi hatthinīhi hatthikalabhehi hatthicchāpehi, acchinnaggāni ceva tiṇāni khādāmi, obhaggobhaggañca me sākhābhaṅgaṃ na khādanti, anāvilāni ca pānīyāni pivāmi, ogāhā ca me uttiṇṇassa hatthiniyo na kāyaṃ upanighaṃsantiyo gacchanti, anākiṇṇo sukhaṃ phāsu viharāmī’’ti.
ат̇а ко бхаг̇аваа ад̇д̇ано жа бавивзгам̣ вид̣̇ид̇ваа д̇асса жа хад̇т̇инааг̇асса жзд̇асаа жзд̇обаривид̇аггаман̃н̃ааяа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā attano ca pavivekaṃ viditvā tassa ca hatthināgassa cetasā cetoparivitakkamaññāya tāyaṃ velāyaṃ imaṃ udānaṃ udānesi –
‘‘зд̇ам̣ 9 нааг̇асса нааг̇зна, ийсаад̣̇анд̇асса хад̇т̇ино;
‘‘Etaṃ 10 nāgassa nāgena, īsādantassa hatthino;
самзд̇и жид̇д̇ам̣ жид̇д̇зна, яад̣̇зго рамад̇ий мано’’д̇и. бан̃жамам̣;
Sameti cittaṃ cittena, yadeko ramatī mano’’ti. pañcamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 5. нааг̇асуд̇д̇аван̣н̣анаа • 5. Nāgasuttavaṇṇanā
