| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౯. నాగసుత్తవణ్ణనా
9. Nāgasuttavaṇṇanā
౪౦. నవమే ఆరఞ్ఞకస్సాతి అరఞ్ఞవాసినో. గోచరపసుతస్సాతి గోచరగ్గహణత్థాయ గచ్ఛన్తస్స. హత్థికలభాతి మహన్తా మహన్తా నాగా. హత్థిచ్ఛాపాతి తరుణపోతకా. ఓభగ్గోభగ్గన్తి నామేత్వా నామేత్వా ఠపితం. ఓగాహం ఓతిణ్ణస్సాతి ఓగాహితబ్బత్తా ఓగాహన్తి లద్ధనామం ఉదకతిత్థం ఓతిణ్ణస్స. ఓగాహా ఉత్తిణ్ణస్సాతి ఉదకతిత్థతో ఉత్తిణ్ణస్స. వూపకట్ఠోతి వూపకట్ఠో హుత్వా. ఇదాని యస్మా దసబలస్స హత్థినాగేన కిచ్చం నత్థి, సాసనే పన తంసరిక్ఖకం పుగ్గలం దస్సేతుం ఇదమాహటం, తస్మా తం పుగ్గలం దస్సేన్తో ఏవమేవ ఖోతిఆదిమాహ.
40. Navame āraññakassāti araññavāsino. Gocarapasutassāti gocaraggahaṇatthāya gacchantassa. Hatthikalabhāti mahantā mahantā nāgā. Hatthicchāpāti taruṇapotakā. Obhaggobhagganti nāmetvā nāmetvā ṭhapitaṃ. Ogāhaṃ otiṇṇassāti ogāhitabbattā ogāhanti laddhanāmaṃ udakatitthaṃ otiṇṇassa. Ogāhā uttiṇṇassāti udakatitthato uttiṇṇassa. Vūpakaṭṭhoti vūpakaṭṭho hutvā. Idāni yasmā dasabalassa hatthināgena kiccaṃ natthi, sāsane pana taṃsarikkhakaṃ puggalaṃ dassetuṃ idamāhaṭaṃ, tasmā taṃ puggalaṃ dassento evameva khotiādimāha.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౯. నాగసుత్తం • 9. Nāgasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౮-౯. దేవాసురసఙ్గామసుత్తాదివణ్ణనా • 8-9. Devāsurasaṅgāmasuttādivaṇṇanā
