| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਨਾਗਿਤਸੁਤ੍ਤવਣ੍ਣਨਾ
10. Nāgitasuttavaṇṇanā
੩੦. ਦਸਮੇ ਉਚ੍ਚਾਸਦ੍ਦਮਹਾਸਦ੍ਦਾਤਿ ਉਦ੍ਧਂ ਉਗ੍ਗਤਤ੍ਤਾ ਉਚ੍ਚੋ ਪਤ੍ਥਟੋ ਮਹਨ੍ਤੋ વਿਨਿਬ੍ਭਿਜ੍ਜਿਤ੍વਾ ਗਹੇਤੁਂ ਅਸਕ੍ਕੁਣੇਯ੍ਯੋ ਸਦ੍ਦੋ ਏਤੇਸਨ੍ਤਿ ਉਚ੍ਚਾਸਦ੍ਦਮਹਾਸਦ੍ਦਾ। વਚੀਘੋਸੋਪਿ ਹਿ ਬਹੂਹਿ ਏਕਜ੍ਝਂ ਪવਤ੍ਤਿਤੋ ਅਤ੍ਥਤੋ ਸਦ੍ਦਤੋ ਚ ਦੁਰવਬੋਧੋ ਕੇવਲਂ ਮਹਾਨਿਗ੍ਘੋਸੋ ਏવ ਹੁਤ੍વਾ ਸੋਤਪਥਮਾਗਚ੍ਛਤਿ। ਮਚ੍ਛવਿਲੋਪੇਤਿ ਮਚ੍ਛਾਨਂ વਿਲੁਮ੍ਪਿਤ੍વਾ વਿਯ ਗਹਣੇ, ਮਚ੍ਛਾਨਂ વਾ વਿਲੁਮ੍ਪਨੇ। ਕੇવਟ੍ਟਾਨਞ੍ਹਿ ਮਚ੍ਛਪਚ੍ਛਿਠਪਿਤਟ੍ਠਾਨੇ ਮਹਾਜਨੋ ਸਨ੍ਨਿਪਤਿਤ੍વਾ ‘‘ਇਧ ਅਞ੍ਞਂ ਏਕਂ ਮਚ੍ਛਂ ਦੇਹਿ, ਏਕਂ ਮਚ੍ਛਫਾਲਂ ਦੇਹੀ’’ਤਿ, ‘‘ਏਤਸ੍ਸ ਤੇ ਮਹਾ ਦਿਨ੍ਨੋ, ਮਯ੍ਹਂ ਖੁਦ੍ਦਕੋ’’ਤਿ ਏવਂ ਉਚ੍ਚਾਸਦ੍ਦਂ ਮਹਾਸਦ੍ਦਂ ਕਰੋਨ੍ਤਿ। ਮਚ੍ਛਗ੍ਗਹਣਤ੍ਥਂ ਜਾਲੇ ਪਕ੍ਖਿਤ੍ਤੇਪਿ ਤਸ੍ਮਿਂ ਠਾਨੇ ਕੇવਟ੍ਟਾ ਚੇવ ਅਞ੍ਞੇ ਚ ‘‘ਪવਿਟ੍ਠੋ ਗਹਿਤੋ’’ਤਿ ਮਹਾਸਦ੍ਦਂ ਕਰੋਨ੍ਤਿ। ਤਂ ਸਨ੍ਧਾਯੇਤਂ વੁਤ੍ਤਂ। ਅਸੁਚਿਸੁਖਨ੍ਤਿ ਕਾਯਾਸੁਚਿਸਨ੍ਨਿਸ੍ਸਿਤਤ੍ਤਾ ਕਿਲੇਸਾਸੁਚਿਸਨ੍ਨਿਸ੍ਸਿਤਤ੍ਤਾ ਚ ਅਸੁਚਿਸਨ੍ਨਿਸ੍ਸਿਤਸੁਖਂ। ਨੇਕ੍ਖਮ੍ਮਸੁਖਸ੍ਸਾਤਿ ਕਾਮਤੋ ਨਿਕ੍ਖਮਨ੍ਤਸ੍ਸ ਸੁਖਸ੍ਸ। ਪવਿવੇਕਸੁਖਸ੍ਸਾਤਿ ਗਣਸਙ੍ਗਣਿਕਤੋ ਕਿਲੇਸਸਙ੍ਗਣਿਕਤੋ ਚ વਿਗਤਸ੍ਸ ਸੁਖਸ੍ਸ। ਉਪਸਮਸੁਖਸ੍ਸਾਤਿ ਰਾਗਾਦਿવੂਪਸਮਾવਹਸ੍ਸ ਸੁਖਸ੍ਸ। ਸਮ੍ਬੋਧਸੁਖਨ੍ਤਿ ਮਗ੍ਗਸਙ੍ਖਾਤਸ੍ਸ ਸਮ੍ਬੋਧਸ੍ਸ ਨਿਟ੍ਠਪ੍ਪਤ੍ਤਤ੍ਥਾਯ ਸੁਖਂ। ਸੇਸਂ ਸੁવਿਞ੍ਞੇਯ੍ਯਮੇવ।
30. Dasame uccāsaddamahāsaddāti uddhaṃ uggatattā ucco patthaṭo mahanto vinibbhijjitvā gahetuṃ asakkuṇeyyo saddo etesanti uccāsaddamahāsaddā. Vacīghosopi hi bahūhi ekajjhaṃ pavattito atthato saddato ca duravabodho kevalaṃ mahānigghoso eva hutvā sotapathamāgacchati. Macchavilopeti macchānaṃ vilumpitvā viya gahaṇe, macchānaṃ vā vilumpane. Kevaṭṭānañhi macchapacchiṭhapitaṭṭhāne mahājano sannipatitvā ‘‘idha aññaṃ ekaṃ macchaṃ dehi, ekaṃ macchaphālaṃ dehī’’ti, ‘‘etassa te mahā dinno, mayhaṃ khuddako’’ti evaṃ uccāsaddaṃ mahāsaddaṃ karonti. Macchaggahaṇatthaṃ jāle pakkhittepi tasmiṃ ṭhāne kevaṭṭā ceva aññe ca ‘‘paviṭṭho gahito’’ti mahāsaddaṃ karonti. Taṃ sandhāyetaṃ vuttaṃ. Asucisukhanti kāyāsucisannissitattā kilesāsucisannissitattā ca asucisannissitasukhaṃ. Nekkhammasukhassāti kāmato nikkhamantassa sukhassa. Pavivekasukhassāti gaṇasaṅgaṇikato kilesasaṅgaṇikato ca vigatassa sukhassa. Upasamasukhassāti rāgādivūpasamāvahassa sukhassa. Sambodhasukhanti maggasaṅkhātassa sambodhassa niṭṭhappattatthāya sukhaṃ. Sesaṃ suviññeyyameva.
ਨਾਗਿਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Nāgitasuttavaṇṇanā niṭṭhitā.
ਪਞ੍ਚਙ੍ਗਿਕવਗ੍ਗવਣ੍ਣਨਾ ਨਿਟ੍ਠਿਤਾ।
Pañcaṅgikavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਨਾਗਿਤਸੁਤ੍ਤਂ • 10. Nāgitasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਨਾਗਿਤਸੁਤ੍ਤવਣ੍ਣਨਾ • 10. Nāgitasuttavaṇṇanā
