| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. наж̇ийрад̇исуд̇д̇аван̣н̣анаа
6. Najīratisuttavaṇṇanā
76. чадтз наамаг̇од̇д̇ам̣ на ж̇ийрад̇ийд̇и ад̇ийд̇аб̣уд̣̇д̇хаанам̣ яааваж̇ж̇ад̣̇ивасаа наамаг̇од̇д̇ам̣ гат̇ияад̇и, д̇асмаа на ж̇ийрад̇ийд̇и вужжад̇и. бораан̣аа бана ‘‘ад̣̇д̇хаанз г̇ажчанд̇з на бан̃н̃ааяиссад̇и, ж̇ийран̣асабхааво бана на ход̇иязваа’’д̇и вад̣̇анд̇и. ааласяанд̇и ааласияам̣, язна тид̇адтаанз тид̇ова, нисиннадтаанз нисиннова ход̇и, д̇злзби уд̇д̇аранд̇з тид̇им̣ на гарод̇и. бамаад̣̇од̇и нид̣̇д̣̇ааяа ваа гилзсавасзна ваа бамаад̣̇о. анудтаананд̇и гаммасамаяз гаммагаран̣авийрияаабхааво. асам̣яамод̇и сийласан̃н̃амаабхааво виссадтаажаарад̇аа. нид̣̇д̣̇аад̇и соббаб̣ахулад̇аа. д̇ааяа г̇ажчанд̇оби тид̇оби нисинноби нид̣̇д̣̇ааяад̇и, баг̇зва нибанно. д̇анд̣̇ийд̇и ад̇ижчаад̇аад̣̇ивасзна ааг̇анд̇угааласияам̣. д̇з чид̣̇д̣̇зд̇и д̇аани ча чид̣̇д̣̇аани вивараани. саб̣б̣асод̇и саб̣б̣аагаарзна. д̇анд̇и нибаад̇амад̇д̇ам̣. виваж̇ж̇аязд̇и важ̇ж̇зяяа ж̇ахзяяа. чадтам̣.
76. Chaṭṭhe nāmagottaṃ na jīratīti atītabuddhānaṃ yāvajjadivasā nāmagottaṃ kathiyati, tasmā na jīratīti vuccati. Porāṇā pana ‘‘addhāne gacchante na paññāyissati, jīraṇasabhāvo pana na hotiyevā’’ti vadanti. Ālasyanti ālasiyaṃ, yena ṭhitaṭṭhāne ṭhitova, nisinnaṭṭhāne nisinnova hoti, telepi uttarante ṭhitiṃ na karoti. Pamādoti niddāya vā kilesavasena vā pamādo. Anuṭṭhānanti kammasamaye kammakaraṇavīriyābhāvo. Asaṃyamoti sīlasaññamābhāvo vissaṭṭhācāratā. Niddāti soppabahulatā. Tāya gacchantopi ṭhitopi nisinnopi niddāyati, pageva nipanno. Tandīti aticchātādivasena āgantukālasiyaṃ. Te chiddeti tāni cha chiddāni vivarāni. Sabbasoti sabbākārena. Tanti nipātamattaṃ. Vivajjayeti vajjeyya jaheyya. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. наж̇ийрад̇исуд̇д̇ам̣ • 6. Najīratisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. наж̇ийрад̇исуд̇д̇аван̣н̣анаа • 6. Najīratisuttavaṇṇanā
