| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. накасикаасуд̇д̇ам̣
5. Nakhasikhāsuttaṃ
97. саавад̇т̇инид̣̇аанам̣ . згаманд̇ам̣ нисинно ко со бхигку бхаг̇аванд̇ам̣ зд̇ад̣̇авожа – ‘‘ад̇т̇и ну ко, бханд̇з, гин̃жи руубам̣ яам̣ руубам̣ нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇и? ад̇т̇и ну ко, бханд̇з, гаажи взд̣̇анаа яаа взд̣̇анаа нижжаа д̇хуваа сассад̇аа авибарин̣аамад̇хаммаа сассад̇исамам̣ д̇ат̇зва тассад̇и? ад̇т̇и ну ко, бханд̇з, гаажи сан̃н̃аа…бз… гзжи сан̇каараа, яз сан̇каараа нижжаа д̇хуваа сассад̇аа авибарин̣аамад̇хаммаа сассад̇исамам̣ д̇ат̇зва тассанд̇и? ад̇т̇и ну ко, бханд̇з, гин̃жи вин̃н̃аан̣ам̣, яам̣ вин̃н̃аан̣ам̣ нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇ий’’д̇и? ‘‘над̇т̇и ко, бхигку, гин̃жи руубам̣, яам̣ руубам̣ нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇и. над̇т̇и ко, бхигку, гаажи взд̣̇анаа… гаажи сан̃н̃аа… гзжи сан̇каараа…бз… гин̃жи вин̃н̃аан̣ам̣, яам̣ вин̃н̃аан̣ам̣ нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇ий’’д̇и.
97. Sāvatthinidānaṃ . Ekamantaṃ nisinno kho so bhikkhu bhagavantaṃ etadavoca – ‘‘atthi nu kho, bhante, kiñci rūpaṃ yaṃ rūpaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassati? Atthi nu kho, bhante, kāci vedanā yā vedanā niccā dhuvā sassatā avipariṇāmadhammā sassatisamaṃ tatheva ṭhassati? Atthi nu kho, bhante, kāci saññā…pe… keci saṅkhārā, ye saṅkhārā niccā dhuvā sassatā avipariṇāmadhammā sassatisamaṃ tatheva ṭhassanti? Atthi nu kho, bhante, kiñci viññāṇaṃ, yaṃ viññāṇaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassatī’’ti? ‘‘Natthi kho, bhikkhu, kiñci rūpaṃ, yaṃ rūpaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassati. Natthi kho, bhikkhu, kāci vedanā… kāci saññā… keci saṅkhārā…pe… kiñci viññāṇaṃ, yaṃ viññāṇaṃ niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassatī’’ti.
ат̇а ко бхаг̇аваа барид̇д̇ам̣ накасикааяам̣ бам̣сум̣ ааробзд̇ваа д̇ам̣ бхигкум̣ зд̇ад̣̇авожа – ‘‘зд̇д̇агамби ко, бхигку, руубам̣ над̇т̇и нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇и. зд̇д̇агам̣ жзби, бхигку, руубам̣ абхависса нижжам̣ д̇хувам̣ сассад̇ам̣ авибарин̣аамад̇хаммам̣, наяид̣̇ам̣ б̣рахмажарияаваасо бан̃н̃ааязт̇а саммаа д̣̇угкагкаяааяа. яасмаа жа ко, бхигку, зд̇д̇агамби руубам̣ над̇т̇и нижжам̣ д̇хувам̣ сассад̇ам̣ авибарин̣аамад̇хаммам̣, д̇асмаа б̣рахмажарияаваасо бан̃н̃ааяад̇и саммаа д̣̇угкагкаяааяа’’.
Atha kho bhagavā parittaṃ nakhasikhāyaṃ paṃsuṃ āropetvā taṃ bhikkhuṃ etadavoca – ‘‘ettakampi kho, bhikkhu, rūpaṃ natthi niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassati. Ettakaṃ cepi, bhikkhu, rūpaṃ abhavissa niccaṃ dhuvaṃ sassataṃ avipariṇāmadhammaṃ, nayidaṃ brahmacariyavāso paññāyetha sammā dukkhakkhayāya. Yasmā ca kho, bhikkhu, ettakampi rūpaṃ natthi niccaṃ dhuvaṃ sassataṃ avipariṇāmadhammaṃ, tasmā brahmacariyavāso paññāyati sammā dukkhakkhayāya’’.
‘‘зд̇д̇агааби ко, бхигку, взд̣̇анаа над̇т̇и нижжаа д̇хуваа сассад̇аа авибарин̣аамад̇хаммаа сассад̇исамам̣ д̇ат̇зва тассад̇и. зд̇д̇агаа жзби, бхигку, взд̣̇анаа абхависса нижжаа д̇хуваа сассад̇аа авибарин̣аамад̇хаммаа, на яид̣̇ам̣ б̣рахмажарияаваасо бан̃н̃ааязт̇а саммаа д̣̇угкагкаяааяа. яасмаа жа ко, бхигку, зд̇д̇агааби взд̣̇анаа над̇т̇и нижжаа д̇хуваа сассад̇аа авибарин̣аамад̇хаммаа, д̇асмаа б̣рахмажарияаваасо бан̃н̃ааяад̇и саммаа д̣̇угкагкаяааяа.
‘‘Ettakāpi kho, bhikkhu, vedanā natthi niccā dhuvā sassatā avipariṇāmadhammā sassatisamaṃ tatheva ṭhassati. Ettakā cepi, bhikkhu, vedanā abhavissa niccā dhuvā sassatā avipariṇāmadhammā, na yidaṃ brahmacariyavāso paññāyetha sammā dukkhakkhayāya. Yasmā ca kho, bhikkhu, ettakāpi vedanā natthi niccā dhuvā sassatā avipariṇāmadhammā, tasmā brahmacariyavāso paññāyati sammā dukkhakkhayāya.
‘‘зд̇д̇агааби ко, бхигку, сан̃н̃аа над̇т̇и…бз… зд̇д̇агааби ко, бхигку, сан̇каараа над̇т̇и нижжаа д̇хуваа сассад̇аа авибарин̣аамад̇хаммаа сассад̇исамам̣ д̇ат̇зва тассанд̇и. зд̇д̇агаа жзби, бхигку, сан̇каараа абхависсам̣су нижжаа д̇хуваа сассад̇аа авибарин̣аамад̇хаммаа, на яид̣̇ам̣ б̣рахмажарияаваасо бан̃н̃ааязт̇а саммаа д̣̇угкагкаяааяа. яасмаа жа ко, бхигку, зд̇д̇агааби сан̇каараа над̇т̇и нижжаа д̇хуваа сассад̇аа авибарин̣аамад̇хаммаа, д̇асмаа б̣рахмажарияаваасо бан̃н̃ааяад̇и саммаа д̣̇угкагкаяааяа.
‘‘Ettakāpi kho, bhikkhu, saññā natthi…pe… ettakāpi kho, bhikkhu, saṅkhārā natthi niccā dhuvā sassatā avipariṇāmadhammā sassatisamaṃ tatheva ṭhassanti. Ettakā cepi, bhikkhu, saṅkhārā abhavissaṃsu niccā dhuvā sassatā avipariṇāmadhammā, na yidaṃ brahmacariyavāso paññāyetha sammā dukkhakkhayāya. Yasmā ca kho, bhikkhu, ettakāpi saṅkhārā natthi niccā dhuvā sassatā avipariṇāmadhammā, tasmā brahmacariyavāso paññāyati sammā dukkhakkhayāya.
‘‘зд̇д̇агамби ко, бхигку, вин̃н̃аан̣ам̣ над̇т̇и нижжам̣ д̇хувам̣ сассад̇ам̣ авибарин̣аамад̇хаммам̣ сассад̇исамам̣ д̇ат̇зва тассад̇и. зд̇д̇агамби ко, бхигку, вин̃н̃аан̣ам̣ абхависса нижжам̣ д̇хувам̣ сассад̇ам̣ авибарин̣аамад̇хаммам̣, на яид̣̇ам̣ б̣рахмажарияаваасо бан̃н̃ааязт̇а саммаа д̣̇угкагкаяааяа. яасмаа жа ко, бхигку, зд̇д̇агамби вин̃н̃аан̣ам̣ над̇т̇и нижжам̣ д̇хувам̣ сассад̇ам̣ авибарин̣аамад̇хаммам̣, д̇асмаа б̣рахмажарияаваасо бан̃н̃ааяад̇и саммаа д̣̇угкагкаяааяа.
‘‘Ettakampi kho, bhikkhu, viññāṇaṃ natthi niccaṃ dhuvaṃ sassataṃ avipariṇāmadhammaṃ sassatisamaṃ tatheva ṭhassati. Ettakampi kho, bhikkhu, viññāṇaṃ abhavissa niccaṃ dhuvaṃ sassataṃ avipariṇāmadhammaṃ, na yidaṃ brahmacariyavāso paññāyetha sammā dukkhakkhayāya. Yasmā ca kho, bhikkhu, ettakampi viññāṇaṃ natthi niccaṃ dhuvaṃ sassataṃ avipariṇāmadhammaṃ, tasmā brahmacariyavāso paññāyati sammā dukkhakkhayāya.
‘‘д̇ам̣ гим̣ ман̃н̃аси, бхигку, руубам̣ нижжам̣ ваа анижжам̣ ваа’’д̇и? ‘‘анижжам̣, бханд̇з’’. ‘‘взд̣̇анаа… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣ бханд̇з’’…бз… ‘‘д̇асмаад̇иха…бз… звам̣ бассам̣…бз… наабарам̣ ид̇т̇ад̇д̇ааяаад̇и баж̇аанаад̇ий’’д̇и. бан̃жамам̣.
‘‘Taṃ kiṃ maññasi, bhikkhu, rūpaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ bhante’’…pe… ‘‘tasmātiha…pe… evaṃ passaṃ…pe… nāparaṃ itthattāyāti pajānātī’’ti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-6. г̇омаяабин̣д̣асуд̇д̇аад̣̇иван̣н̣анаа • 4-6. Gomayapiṇḍasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-6. г̇омаяабин̣д̣асуд̇д̇аад̣̇иван̣н̣анаа • 4-6. Gomayapiṇḍasuttādivaṇṇanā
