| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
11. наалагасуд̇д̇аван̣н̣анаа
11. Nālakasuttavaṇṇanā
685. аананд̣̇аж̇аад̇зд̇и наалагасуд̇д̇ам̣. гаа уббад̇д̇и? бад̣̇умуд̇д̇арасса гира бхаг̇авад̇о саавагам̣ монзяяабадибад̣̇ам̣ бадибаннам̣ д̣̇исваа д̇ат̇ад̇д̇ам̣ абхиган̇камаано д̇ад̇о бабхуд̇и габбасад̇асахассам̣ баарамияо буурзд̇ваа асид̇асса исино бхааг̇инзяяо наалаго наама д̇аабасо бхаг̇аванд̇ам̣ д̇хаммажаггаббавад̇д̇ид̇ад̣̇ивасад̇о сад̇д̇амз д̣̇ивасз ‘‘ан̃н̃аад̇амзд̇а’’нд̇иаад̣̇ийхи д̣̇вийхи г̇аат̇аахи монзяяабадибад̣̇ам̣ бужчи. д̇асса бхаг̇аваа ‘‘монзяяам̣ д̇з убан̃н̃исса’’нд̇иаад̣̇инаа наязна д̇ам̣ б̣яаагааси. бариниб̣б̣уд̇з бана бхаг̇авад̇и сан̇г̇ийд̇им̣ гаронд̇знааяасмад̇аа махаагассабзна ааяасмаа аананд̣̇о д̇амзва монзяяабадибад̣̇ам̣ будто язна яад̣̇аа жа самаад̣̇абид̇о наалаго бхаг̇аванд̇ам̣ бужчи . д̇ам̣ саб̣б̣ам̣ баагадам̣ гад̇ваа д̣̇ассзд̇угаамо ‘‘аананд̣̇аж̇аад̇з’’д̇иаад̣̇игаа вийсад̇и вад̇т̇уг̇аат̇ааяо вад̇ваа абхааси. д̇ам̣ саб̣б̣амби ‘‘наалагасуд̇д̇а’’нд̇и вужжад̇и.
685.Ānandajāteti nālakasuttaṃ. Kā uppatti? Padumuttarassa kira bhagavato sāvakaṃ moneyyapaṭipadaṃ paṭipannaṃ disvā tathattaṃ abhikaṅkhamāno tato pabhuti kappasatasahassaṃ pāramiyo pūretvā asitassa isino bhāgineyyo nālako nāma tāpaso bhagavantaṃ dhammacakkappavattitadivasato sattame divase ‘‘aññātameta’’ntiādīhi dvīhi gāthāhi moneyyapaṭipadaṃ pucchi. Tassa bhagavā ‘‘moneyyaṃ te upaññissa’’ntiādinā nayena taṃ byākāsi. Parinibbute pana bhagavati saṅgītiṃ karontenāyasmatā mahākassapena āyasmā ānando tameva moneyyapaṭipadaṃ puṭṭho yena yadā ca samādapito nālako bhagavantaṃ pucchi . Taṃ sabbaṃ pākaṭaṃ katvā dassetukāmo ‘‘ānandajāte’’tiādikā vīsati vatthugāthāyo vatvā abhāsi. Taṃ sabbampi ‘‘nālakasutta’’nti vuccati.
д̇ад̇т̇а аананд̣̇аж̇аад̇зд̇и самид̣̇д̇хиж̇аад̇з вуд̣̇д̇хиббад̇д̇з. бад̇ийд̇зд̇и д̇удтз. ат̇а ваа аананд̣̇аж̇аад̇зд̇и бамуд̣̇ид̇з. бад̇ийд̇зд̇и соманассаж̇аад̇з. суживасанзд̇и агилидтавасанз. д̣̇зваанан̃хи габбаругканиб̣б̣ад̇д̇аани васанаани раж̇ам̣ ваа малам̣ ваа на г̇ан̣ханд̇и. д̣̇уссам̣ г̇ахзд̇ваад̇и ид̇ха д̣̇уссасад̣̇исад̇д̇аа ‘‘д̣̇усса’’нд̇и лад̣̇д̇хавохаарам̣ д̣̇иб̣б̣авад̇т̇ам̣ угкибид̇ваа. асид̇о исийд̇и ган̣хасарийраван̣н̣ад̇д̇аа звам̣лад̣̇д̇ханаамо иси. д̣̇иваавихаарзд̇и д̣̇иваавихаарадтаанз. сзсам̣ бад̣̇ад̇о уд̇д̇аанамзва.
Tattha ānandajāteti samiddhijāte vuddhippatte. Patīteti tuṭṭhe. Atha vā ānandajāteti pamudite. Patīteti somanassajāte. Sucivasaneti akiliṭṭhavasane. Devānañhi kapparukkhanibbattāni vasanāni rajaṃ vā malaṃ vā na gaṇhanti. Dussaṃ gahetvāti idha dussasadisattā ‘‘dussa’’nti laddhavohāraṃ dibbavatthaṃ ukkhipitvā. Asito isīti kaṇhasarīravaṇṇattā evaṃladdhanāmo isi. Divāvihāreti divāvihāraṭṭhāne. Sesaṃ padato uttānameva.
самб̣анд̇хад̇о бана – аяам̣ гира суд̣̇д̇ход̣̇анасса бид̇у сийхахануран̃н̃о бурохид̇о суд̣̇д̇ход̣̇анассаби анабхисид̇д̇агаалз сиббаажарияо худ̇ваа абхисид̇д̇агаалз бурохид̇оязва ахоси. д̇асса сааяам̣ баад̇ам̣ рааж̇убадтаанам̣ ааг̇ад̇асса рааж̇аа д̣̇ахарагаалз вияа нибажжагаарам̣ агад̇ваа ан̃ж̇алигаммамад̇д̇амзва гарод̇и. д̇хаммад̇аа гирзсаа бад̇д̇аабхисзгаанам̣ сагяарааж̇уунам̣. бурохид̇о д̇зна ниб̣б̣иж̇ж̇ид̇ваа ‘‘баб̣б̣аж̇ж̇аамахам̣ махаарааж̇аа’’д̇и ааха. рааж̇аа д̇асса нижчаяам̣ н̃ад̇ваа ‘‘д̇зна хи, аажарияа, мамзва уяяаанз васид̇аб̣б̣ам̣, яат̇аа д̇з ахам̣ абхин̣хам̣ бассзяяа’’нд̇и яаажи. со ‘‘звам̣ ход̇уу’’д̇и бадиссун̣ид̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа ран̃н̃аа убадтахияамаано уяяаанзязва васанд̇о гасин̣абаригаммам̣ гад̇ваа адта самаабад̇д̇ияо бан̃жаабхин̃н̃ааяо жа ниб̣б̣ад̇д̇зси. со д̇ад̇о бабхуд̇и рааж̇агулз бхад̇д̇агижжам̣ гад̇ваа химаванд̇ажаад̇умахаарааж̇игабхаванаад̣̇ийнам̣ ан̃н̃ад̇арам̣ г̇анд̇ваа д̣̇иваавихаарам̣ гарод̇и. ат̇згад̣̇ивасам̣ д̇аавад̇им̣сабхаванам̣ г̇анд̇ваа рад̇анавимаанам̣ бависид̇ваа д̣̇иб̣б̣арад̇анабаллан̇гз нисинно самаад̇хисукам̣ анубхавид̇ваа сааяанхасамаяам̣ вудтааяа вимаанад̣̇ваарз тад̇ваа ид̇о жид̇о жа вилогзнд̇о садтияож̇анааяа махаавийт̇ияаа жзлугкзбам̣ гад̇ваа б̣од̇хисад̇д̇аг̇ун̣абасам̣сид̇аани т̇уд̇иважанаани вад̇ваа гийл̣анд̇з саггаббамукз д̣̇звз ад̣̇д̣̇аса. д̇знааха ааяасмаа аананд̣̇о – ‘‘аананд̣̇аж̇аад̇з…бз… д̣̇иваавихаарз’’д̇и.
Sambandhato pana – ayaṃ kira suddhodanassa pitu sīhahanurañño purohito suddhodanassapi anabhisittakāle sippācariyo hutvā abhisittakāle purohitoyeva ahosi. Tassa sāyaṃ pātaṃ rājupaṭṭhānaṃ āgatassa rājā daharakāle viya nipaccakāraṃ akatvā añjalikammamattameva karoti. Dhammatā kiresā pattābhisekānaṃ sakyarājūnaṃ. Purohito tena nibbijjitvā ‘‘pabbajjāmahaṃ mahārājā’’ti āha. Rājā tassa nicchayaṃ ñatvā ‘‘tena hi, ācariya, mameva uyyāne vasitabbaṃ, yathā te ahaṃ abhiṇhaṃ passeyya’’nti yāci. So ‘‘evaṃ hotū’’ti paṭissuṇitvā tāpasapabbajjaṃ pabbajitvā raññā upaṭṭhahiyamāno uyyāneyeva vasanto kasiṇaparikammaṃ katvā aṭṭha samāpattiyo pañcābhiññāyo ca nibbattesi. So tato pabhuti rājakule bhattakiccaṃ katvā himavantacātumahārājikabhavanādīnaṃ aññataraṃ gantvā divāvihāraṃ karoti. Athekadivasaṃ tāvatiṃsabhavanaṃ gantvā ratanavimānaṃ pavisitvā dibbaratanapallaṅke nisinno samādhisukhaṃ anubhavitvā sāyanhasamayaṃ vuṭṭhāya vimānadvāre ṭhatvā ito cito ca vilokento saṭṭhiyojanāya mahāvīthiyā celukkhepaṃ katvā bodhisattaguṇapasaṃsitāni thutivacanāni vatvā kīḷante sakkappamukhe deve addasa. Tenāha āyasmā ānando – ‘‘ānandajāte…pe… divāvihāre’’ti.
686. д̇ад̇о со звам̣ д̣̇исваана д̣̇звз…бз… гим̣ бадижжа. д̇ад̇т̇а уд̣̇аг̇г̇зд̇и аб̣бхуннад̇агааяз. жид̇д̇им̣ гарид̇ваанаад̇и аад̣̇арам̣ гад̇ваа. галяаруубод̇и д̇удтаруубо. сзсам̣ уд̇д̇аанад̇т̇амзва.
686. Tato so evaṃ disvāna deve…pe… kiṃ paṭicca. Tattha udaggeti abbhunnatakāye. Cittiṃ karitvānāti ādaraṃ katvā. Kalyarūpoti tuṭṭharūpo. Sesaṃ uttānatthameva.
687. ид̣̇аани ‘‘яад̣̇ааби аасий’’д̇иаад̣̇иг̇аат̇аа уд̇д̇аанасамб̣анд̇хаа зва. бад̣̇ад̇т̇о бана батамаг̇аат̇ааяа д̇аава сан̇г̇амод̇и сан̇г̇аамо. ж̇аяо сураананд̇и д̣̇зваанам̣ ж̇аяо.
687. Idāni ‘‘yadāpi āsī’’tiādigāthā uttānasambandhā eva. Padattho pana paṭhamagāthāya tāva saṅgamoti saṅgāmo. Jayo surānanti devānaṃ jayo.
д̇ассаавибхаавад̇т̇ам̣ аяаманубуб̣б̣игат̇аа взд̣̇ид̇аб̣б̣аа – сагго гира маг̇ад̇харадтз мажалаг̇аамаваасий д̇зд̇д̇им̣самануссасздто магхо наама маан̣аво худ̇ваа сад̇д̇а вад̇д̇абад̣̇аани буурзд̇ваа д̇аавад̇им̣сабхаванз ниб̣б̣ад̇д̇и сад̣̇д̇хим̣ барисааяа. д̇ад̇о буб̣б̣ад̣̇зваа ‘‘ааг̇анд̇угад̣̇звабуд̇д̇аа ааг̇ад̇аа, саггаарам̣ нзсам̣ гариссаамаа’’д̇и вад̇ваа д̣̇иб̣б̣абад̣̇умаани убанаамзсум̣, убад̣дхараж̇ж̇зна жа ниманд̇зсум̣. сагго убад̣дхараж̇ж̇зна асанд̇удто сагабарисам̣ сан̃н̃аабзд̇ваа згад̣̇ивасам̣ сураамад̣̇амад̇д̇з д̇з баад̣̇з г̇ахзд̇ваа синзрубаб̣б̣ад̇абаад̣̇з киби. д̇зсам̣ синзрусса хздтимад̇алз д̣̇асасахассаяож̇анам̣ асурабхаванам̣ ниб̣б̣ад̇д̇и баарижчад̇д̇агабадижчаннабхууд̇ааяа жид̇рабаадалияаа убасобхид̇ам̣. д̇ад̇о д̇з сад̇им̣ бадилабхид̇ваа д̇аавад̇им̣сабхаванам̣ абассанд̇аа ‘‘ахо рз надтаа маяам̣ баанамад̣̇ад̣̇осзна, на д̣̇аани маяам̣ сурам̣ бивимхаа, асурам̣ бивимхаа, на д̣̇аанимхаа сураа, асураа д̣̇аани ж̇аад̇амхаа’’д̇и. д̇ад̇о бабхуд̇и ‘‘асураа’’ижжзва уббаннасаман̃н̃аа худ̇ваа ‘‘ханд̣̇а д̣̇аани д̣̇звзхи сад̣̇д̇хим̣ сан̇г̇аамзмаа’’д̇и синзрум̣ барид̇о аарохим̣су. д̇ад̇о сагго асурз яуд̣̇д̇хзна аб̣бхуг̇г̇анд̇ваа бунаби самуд̣̇д̣̇з багкибид̇ваа жад̇уусу д̣̇ваарзсу ад̇д̇анаа сад̣̇исам̣ инд̣̇абадимам̣ маабзд̇ваа табзси. д̇ад̇о асураа ‘‘аббамад̇д̇о вад̇ааяам̣ сагго нижжам̣ рагканд̇о д̇идтад̇ий’’д̇и жинд̇зд̇ваа бунад̣̇зва наг̇арам̣ аг̇амим̣су. д̇ад̇о д̣̇зваа ад̇д̇ано ж̇аяам̣ гхосзнд̇аа махаавийт̇ияам̣ жзлугкзбам̣ гаронд̇аа нагкад̇д̇ам̣ гийл̣им̣су. ат̇а асид̇о ад̇ийд̇аанааг̇ад̇з жад̇д̇аалийсагаббз ануссарид̇ум̣ самад̇т̇ад̇ааяа ‘‘гим̣ ну ко имзхи буб̣б̣зби звам̣ гийл̣ид̇абуб̣б̣а’’нд̇и ааваж̇ж̇знд̇о д̇ам̣ д̣̇зваасурасан̇г̇аамз д̣̇звавиж̇аяам̣ д̣̇исваа ааха –
Tassāvibhāvatthaṃ ayamanupubbikathā veditabbā – sakko kira magadharaṭṭhe macalagāmavāsī tettiṃsamanussaseṭṭho magho nāma māṇavo hutvā satta vattapadāni pūretvā tāvatiṃsabhavane nibbatti saddhiṃ parisāya. Tato pubbadevā ‘‘āgantukadevaputtā āgatā, sakkāraṃ nesaṃ karissāmā’’ti vatvā dibbapadumāni upanāmesuṃ, upaḍḍharajjena ca nimantesuṃ. Sakko upaḍḍharajjena asantuṭṭho sakaparisaṃ saññāpetvā ekadivasaṃ surāmadamatte te pāde gahetvā sinerupabbatapāde khipi. Tesaṃ sinerussa heṭṭhimatale dasasahassayojanaṃ asurabhavanaṃ nibbatti pāricchattakapaṭicchannabhūtāya citrapāṭaliyā upasobhitaṃ. Tato te satiṃ paṭilabhitvā tāvatiṃsabhavanaṃ apassantā ‘‘aho re naṭṭhā mayaṃ pānamadadosena, na dāni mayaṃ suraṃ pivimhā, asuraṃ pivimhā, na dānimhā surā, asurā dāni jātamhā’’ti. Tato pabhuti ‘‘asurā’’icceva uppannasamaññā hutvā ‘‘handa dāni devehi saddhiṃ saṅgāmemā’’ti sineruṃ parito ārohiṃsu. Tato sakko asure yuddhena abbhuggantvā punapi samudde pakkhipitvā catūsu dvāresu attanā sadisaṃ indapaṭimaṃ māpetvā ṭhapesi. Tato asurā ‘‘appamatto vatāyaṃ sakko niccaṃ rakkhanto tiṭṭhatī’’ti cintetvā punadeva nagaraṃ agamiṃsu. Tato devā attano jayaṃ ghosentā mahāvīthiyaṃ celukkhepaṃ karontā nakkhattaṃ kīḷiṃsu. Atha asito atītānāgate cattālīsakappe anussarituṃ samatthatāya ‘‘kiṃ nu kho imehi pubbepi evaṃ kīḷitapubba’’nti āvajjento taṃ devāsurasaṅgāme devavijayaṃ disvā āha –
‘‘яад̣̇ааби аасий асурзхи сан̇г̇амо,
‘‘Yadāpi āsī asurehi saṅgamo,
ж̇аяо сураанам̣ асураа барааж̇ид̇аа;
Jayo surānaṃ asurā parājitā;
д̇ад̣̇ааби нзд̇аад̣̇исо ломахам̣сано’’д̇и.
Tadāpi netādiso lomahaṃsano’’ti.
д̇асмимби гаалз зд̇аад̣̇исо ломахам̣сано бамод̣̇о на ааси. гимаб̣бхуд̇ам̣ д̣̇адту маруу бамод̣̇ид̇аад̇и аж̇ж̇а бана гим̣ аб̣бхуд̇ам̣ д̣̇исваа звам̣ д̣̇зваа бамуд̣̇ид̇аад̇и.
Tasmimpi kāle etādiso lomahaṃsano pamodo na āsi. Kimabbhutaṃ daṭṭhu marū pamoditāti ajja pana kiṃ abbhutaṃ disvā evaṃ devā pamuditāti.
688. д̣̇уд̇ияаг̇аат̇ааяа сзл̣знд̇ийд̇и мукзна уссзл̣анасад̣̇д̣̇ам̣ мун̃жанд̇и. г̇ааяанд̇и наанаавид̇хаани г̇ийд̇аани, ваад̣̇аяанд̇и адтасадти д̇уурияасахассаани, подзнд̇ийд̇и абподзнд̇и. бужчаами воханд̇и ад̇д̇анаа ааваж̇ж̇зд̇ваа н̃аад̇ум̣ самад̇т̇оби д̇зсам̣ важанам̣ сод̇угаамад̇ааяа бужчад̇и. мзрумуд̣̇д̇хаваасинзд̇и синзрумуд̣̇д̇хани васанд̇з. синзрусса хи хздтимад̇алз д̣̇асаяож̇анасахассам̣ асурабхаванам̣, маж̇жхимад̇алз д̣̇висахассабарид̇д̇ад̣̇ийбабариваараа жад̇д̇ааро махаад̣̇ийбаа, убаримад̇алз д̣̇асаяож̇анасахассам̣ д̇аавад̇им̣сабхаванам̣. д̇асмаа д̣̇зваа ‘‘мзрумуд̣̇д̇хаваасино’’д̇и вужжанд̇и. маарисаад̇и д̣̇звз ааманд̇зд̇и, нид̣̇угкаа нирааб̣аад̇хаад̇и вуд̇д̇ам̣ ход̇и.
688. Dutiyagāthāya seḷentīti mukhena usseḷanasaddaṃ muñcanti. Gāyanti nānāvidhāni gītāni, vādayanti aṭṭhasaṭṭhi tūriyasahassāni, phoṭentīti apphoṭenti. Pucchāmi vohanti attanā āvajjetvā ñātuṃ samatthopi tesaṃ vacanaṃ sotukāmatāya pucchati. Merumuddhavāsineti sinerumuddhani vasante. Sinerussa hi heṭṭhimatale dasayojanasahassaṃ asurabhavanaṃ, majjhimatale dvisahassaparittadīpaparivārā cattāro mahādīpā, uparimatale dasayojanasahassaṃ tāvatiṃsabhavanaṃ. Tasmā devā ‘‘merumuddhavāsino’’ti vuccanti. Mārisāti deve āmanteti, nidukkhā nirābādhāti vuttaṃ hoti.
689. ат̇асса д̇амад̇т̇ам̣ аарожзнд̇зхи д̣̇звзхи вуд̇д̇ааяа д̇ад̇ияаг̇аат̇ааяа б̣од̇хисад̇д̇од̇и б̣уж̇жханагасад̇д̇о, саммаасамб̣од̇хим̣ г̇анд̇ум̣ арахо сад̇д̇о рад̇анаварод̇и варарад̇анабхууд̇о. д̇знамха д̇удтаад̇и д̇зна гааран̣зна маяам̣ д̇удтаа. со хи б̣уд̣̇д̇хад̇д̇ам̣ бад̇ваа д̇ат̇аа д̇хаммам̣ д̣̇зсзссад̇и, яат̇аа маяан̃жа ан̃н̃з жа д̣̇зваг̇ан̣аа сзгкаасзгкабхуумим̣ баабун̣иссаама. мануссаабисса д̇хаммам̣ суд̇ваа яз на сагкиссанд̇и бариниб̣б̣аад̇ум̣, д̇з д̣̇аанаад̣̇ийни гад̇ваа д̣̇звалогз барибуурзссанд̇ийд̇и аяам̣ гира нзсам̣ ад̇хиббааяо. д̇ад̇т̇а ‘‘д̇удтаа галяаруубаа’’д̇и гин̃жааби ид̣̇ам̣ бад̣̇ад̣̇ваяам̣ ад̇т̇ад̇о абхиннам̣, д̇ат̇ааби ‘‘гимаб̣бхуд̇ам̣ д̣̇адту маруу бамод̣̇ид̇аа, гим̣ д̣̇звасан̇гхо ад̇ирива галяаруубо’’д̇и имасса бан̃хад̣̇ваяасса виссаж̇ж̇анад̇т̇ам̣ вуд̇д̇анд̇и взд̣̇ид̇аб̣б̣ам̣.
689. Athassa tamatthaṃ ārocentehi devehi vuttāya tatiyagāthāya bodhisattoti bujjhanakasatto, sammāsambodhiṃ gantuṃ araho satto ratanavaroti vararatanabhūto. Tenamha tuṭṭhāti tena kāraṇena mayaṃ tuṭṭhā. So hi buddhattaṃ patvā tathā dhammaṃ desessati, yathā mayañca aññe ca devagaṇā sekkhāsekkhabhūmiṃ pāpuṇissāma. Manussāpissa dhammaṃ sutvā ye na sakkhissanti parinibbātuṃ, te dānādīni katvā devaloke paripūressantīti ayaṃ kira nesaṃ adhippāyo. Tattha ‘‘tuṭṭhā kalyarūpā’’ti kiñcāpi idaṃ padadvayaṃ atthato abhinnaṃ, tathāpi ‘‘kimabbhutaṃ daṭṭhu marū pamoditā, kiṃ devasaṅgho atiriva kalyarūpo’’ti imassa pañhadvayassa vissajjanatthaṃ vuttanti veditabbaṃ.
690. ид̣̇аани язна ад̇хиббааязна б̣од̇хисад̇д̇з ж̇аад̇з д̇удтаа ахзсум̣, д̇ам̣ аавигаронд̇зхи вуд̇д̇ааяа жад̇уд̇т̇аг̇аат̇ааяа сад̇д̇аг̇г̇ахан̣зна д̣̇звамануссаг̇г̇ахан̣ам̣, баж̇ааг̇ахан̣зна сзсаг̇ад̇иг̇г̇ахан̣ам̣. звам̣ д̣̇вийхи бад̣̇зхи бан̃жасуби г̇ад̇ийсу сздтабхаавам̣ д̣̇ассзд̇и. д̇иражчаанааби хи сийхаад̣̇аяо асанд̇аасаад̣̇иг̇ун̣аяуд̇д̇аа, д̇зби аяамзва ад̇исзд̇и. д̇асмаа ‘‘баж̇аанамуд̇д̇амо’’д̇и вуд̇д̇о. д̣̇звамануссзсу бана яз ад̇д̇ахид̇ааяа бадибаннаад̣̇аяо жад̇д̇ааро буг̇г̇алаа, д̇зсу убхаяахид̇абадибанно аг̇г̇абуг̇г̇ало аяам̣, нарзсу жа усабхасад̣̇исад̇д̇аа нараасабхо. д̇знасса т̇уд̇им̣ бхан̣анд̇аа ид̣̇амби бад̣̇ад̣̇ваяамаахам̣су.
690. Idāni yena adhippāyena bodhisatte jāte tuṭṭhā ahesuṃ, taṃ āvikarontehi vuttāya catutthagāthāya sattaggahaṇena devamanussaggahaṇaṃ, pajāgahaṇena sesagatiggahaṇaṃ. Evaṃ dvīhi padehi pañcasupi gatīsu seṭṭhabhāvaṃ dasseti. Tiracchānāpi hi sīhādayo asantāsādiguṇayuttā, tepi ayameva atiseti. Tasmā ‘‘pajānamuttamo’’ti vutto. Devamanussesu pana ye attahitāya paṭipannādayo cattāro puggalā, tesu ubhayahitapaṭipanno aggapuggalo ayaṃ, naresu ca usabhasadisattā narāsabho. Tenassa thutiṃ bhaṇantā idampi padadvayamāhaṃsu.
691. бан̃жамаг̇аат̇ааяа д̇ам̣ сад̣̇д̣̇анд̇и д̇ам̣ д̣̇звзхи вуд̇д̇аважанасад̣̇д̣̇ам̣. авасарийд̇и од̇ари. д̇ад̣̇а бхавананд̇и д̇ад̣̇аа бхаванам̣.
691. Pañcamagāthāya taṃ saddanti taṃ devehi vuttavacanasaddaṃ. Avasarīti otari. Tada bhavananti tadā bhavanaṃ.
692. чадтаг̇аат̇ааяа д̇ад̇од̇и асид̇асса важанад̇о ананд̇арам̣. уггаамукзваад̇и уггаамукз зва, муусаамукзд̇и вуд̇д̇ам̣ ход̇и. сугусаласамбахадтанд̇и сугусалзна суван̣н̣агаарзна сан̇гхаддид̇ам̣, сан̇гхаддзнд̇зна д̇аабид̇анд̇и ад̇хиббааяо. д̣̇ад̣̇д̣̇алламаананд̇и виж̇ж̇од̇амаанам̣. асид̇авхаяассаад̇и асид̇анаамасса д̣̇уд̇иязна наамзна ган̣хад̣̇звиласса исино.
692. Chaṭṭhagāthāya tatoti asitassa vacanato anantaraṃ. Ukkāmukhevāti ukkāmukhe eva, mūsāmukheti vuttaṃ hoti. Sukusalasampahaṭṭhanti sukusalena suvaṇṇakārena saṅghaṭṭitaṃ, saṅghaṭṭentena tāpitanti adhippāyo. Daddallamānanti vijjotamānaṃ. Asitavhayassāti asitanāmassa dutiyena nāmena kaṇhadevilassa isino.
693. сад̇д̇амаг̇аат̇ааяа д̇аараасабхам̣ ваад̇и д̇аараанам̣ усабхасад̣̇исам̣, жанд̣̇анд̇и ад̇хиббааяо. висуд̣̇д̇ханд̇и аб̣бхаад̣̇иубаггилзсарахид̇ам̣. сарад̣̇ариваад̇и сарад̣̇з ива. аананд̣̇аж̇аад̇од̇и саванамад̇д̇знзва уббаннааяа бийд̇ияаа бийд̇иж̇аад̇о. алад̇т̇а бийд̇инд̇и д̣̇исваа бунаби бийд̇им̣ лабхи.
693. Sattamagāthāya tārāsabhaṃ vāti tārānaṃ usabhasadisaṃ, candanti adhippāyo. Visuddhanti abbhādiupakkilesarahitaṃ. Saradarivāti sarade iva. Ānandajātoti savanamatteneva uppannāya pītiyā pītijāto. Alattha pītinti disvā punapi pītiṃ labhi.
694. д̇ад̇о барам̣ б̣од̇хисад̇д̇асса д̣̇звзхи сад̣̇аа баяуж̇ж̇амаанасаггаарад̣̇ийбанад̇т̇ам̣ вуд̇д̇аадтамаг̇аат̇ааяа анзгасааканд̇и анзгасалаагам̣. сахассаман̣д̣аланд̇и рад̇д̇асуван̣н̣амаяасахассаман̣д̣алаяуд̇д̇ам̣. чад̇д̇анд̇и д̣̇иб̣б̣асзд̇ажчад̇д̇ам̣. вийд̇ибад̇анд̇ийд̇и сарийрам̣ б̣ийж̇амаанаа бад̇ануббад̇анам̣ гаронд̇и.
694. Tato paraṃ bodhisattassa devehi sadā payujjamānasakkāradīpanatthaṃ vuttaaṭṭhamagāthāya anekasākhanti anekasalākaṃ. Sahassamaṇḍalanti rattasuvaṇṇamayasahassamaṇḍalayuttaṃ. Chattanti dibbasetacchattaṃ. Vītipatantīti sarīraṃ bījamānā patanuppatanaṃ karonti.
695. навамаг̇аат̇ааяа ж̇адийд̇и ж̇адило. ган̣хасиривхаяод̇и ган̣хасад̣̇д̣̇зна жа сирисад̣̇д̣̇зна жа авхаяамаано. д̇ам̣ гира ‘‘сириган̣хо’’д̇иби авхаяанд̇и ааманд̇знд̇и, аалабанд̇ийд̇и вуд̇д̇ам̣ ход̇и. бан̣д̣угамб̣алзд̇и рад̇д̇агамб̣алз. ад̇хигаарад̇о жзд̇т̇а ‘‘гумаара’’нд̇и вад̇д̇аб̣б̣ам̣, баатасзсо ваа гаад̇аб̣б̣о. буримаг̇аат̇ааяа жа ахад̇т̇абаасаг̇ад̇ам̣ санд̇хааяа ‘‘д̣̇исваа’’д̇и вуд̇д̇ам̣. ид̇ха бана хад̇т̇абаасаг̇ад̇ам̣ бадиг̇г̇ахан̣ад̇т̇ам̣ убанийд̇ам̣, д̇асмаа буна важанам̣ ‘‘д̣̇исваа’’д̇и. буримам̣ ваа д̣̇ассанабийд̇илаабхаабзгкам̣ г̇аат̇аавасаанз ‘‘вибуламалад̇т̇а бийд̇и’’нд̇и важанад̇о, ид̣̇ам̣ бадиг̇г̇ахаабзгкам̣ авасаанз ‘‘сумано бадиг̇г̇ахз’’д̇и важанад̇о. буриман̃жа гумаарасамб̣анд̇хамзва, ид̣̇ам̣ сзд̇ажчад̇д̇асамб̣анд̇хамби. д̣̇исваад̇и сад̇асахассаг̇гханагз г̇анд̇хаарарад̇д̇агамб̣алз суван̣н̣анигкам̣ вияа гумаарам̣ ‘‘чад̇д̇ам̣ маруу’’д̇и зд̇т̇а вуд̇д̇аббагаарам̣ сзд̇ажчад̇д̇ам̣ д̇хаарияанд̇ам̣ муд̣̇д̇хани д̣̇исваа. гзжи бана ‘‘ид̣̇ам̣ маанусагам̣ чад̇д̇ам̣ санд̇хааяа вуд̇д̇а’’нд̇и бхан̣анд̇и. яат̇зва хи д̣̇зваа, звам̣ мануссааби чад̇д̇ажаамараморахад̇т̇ад̇аалаван̣даваал̣аб̣ийж̇анихад̇т̇аа махаабурисам̣ убаг̇ажчанд̇ийд̇и. звам̣ санд̇зби на д̇асса важанзна гожиби ад̇исаяо ад̇т̇и, д̇асмаа яат̇аавуд̇д̇амзва сунд̣̇арам̣. бадиг̇г̇ахзд̇и убхохи хад̇т̇зхи бадиг̇г̇ахзси. исим̣ гира ванд̣̇аабзд̇ум̣ гумаарам̣ убанзсум̣. ат̇асса баад̣̇аа баривад̇д̇ид̇ваа исисса мад̇т̇агз бад̇идтахим̣су. со д̇амби ажчарияам̣ д̣̇исваа уд̣̇аг̇г̇ажид̇д̇о сумано бадиг̇г̇ахзси.
695. Navamagāthāya jaṭīti jaṭilo. Kaṇhasirivhayoti kaṇhasaddena ca sirisaddena ca avhayamāno. Taṃ kira ‘‘sirikaṇho’’tipi avhayanti āmantenti, ālapantīti vuttaṃ hoti. Paṇḍukambaleti rattakambale. Adhikārato cettha ‘‘kumāra’’nti vattabbaṃ, pāṭhaseso vā kātabbo. Purimagāthāya ca ahatthapāsagataṃ sandhāya ‘‘disvā’’ti vuttaṃ. Idha pana hatthapāsagataṃ paṭiggahaṇatthaṃ upanītaṃ, tasmā puna vacanaṃ ‘‘disvā’’ti. Purimaṃ vā dassanapītilābhāpekkhaṃ gāthāvasāne ‘‘vipulamalattha pīti’’nti vacanato, idaṃ paṭiggahāpekkhaṃ avasāne ‘‘sumano paṭiggahe’’ti vacanato. Purimañca kumārasambandhameva, idaṃ setacchattasambandhampi. Disvāti satasahassagghanake gandhārarattakambale suvaṇṇanikkhaṃ viya kumāraṃ ‘‘chattaṃ marū’’ti ettha vuttappakāraṃ setacchattaṃ dhāriyantaṃ muddhani disvā. Keci pana ‘‘idaṃ mānusakaṃ chattaṃ sandhāya vutta’’nti bhaṇanti. Yatheva hi devā, evaṃ manussāpi chattacāmaramorahatthatālavaṇṭavāḷabījanihatthā mahāpurisaṃ upagacchantīti. Evaṃ santepi na tassa vacanena kocipi atisayo atthi, tasmā yathāvuttameva sundaraṃ. Paṭiggaheti ubhohi hatthehi paṭiggahesi. Isiṃ kira vandāpetuṃ kumāraṃ upanesuṃ. Athassa pādā parivattitvā isissa matthake patiṭṭhahiṃsu. So tampi acchariyaṃ disvā udaggacitto sumano paṭiggahesi.
696. д̣̇асамаг̇аат̇ааяам̣ ж̇иг̇ийсагод̇и ж̇иг̇ийсанд̇о маг̇г̇анд̇о бариязсанд̇о, убабаригканд̇од̇и вуд̇д̇ам̣ ход̇и. лагкан̣аманд̇абаараг̇ууд̇и лагкан̣аанам̣ взд̣̇аанан̃жа баарам̣ г̇ад̇о. ануд̇д̇арааяанд̇и ануд̇д̇аро аяам̣. со гира ад̇д̇ано абхимукааг̇ад̇зсу махаасад̇д̇асса баад̣̇ад̇алзсу жаггаани д̣̇исваа д̇ад̣̇анусаарзна сзсалагкан̣аани ж̇иг̇ийсанд̇о саб̣б̣ам̣ лагкан̣асамбад̇д̇им̣ д̣̇исваа ‘‘ад̣̇д̇хааяам̣ б̣уд̣̇д̇хо бхависсад̇ий’’д̇и н̃ад̇ваа звамааха.
696. Dasamagāthāyaṃ jigīsakoti jigīsanto magganto pariyesanto, upaparikkhantoti vuttaṃ hoti. Lakkhaṇamantapāragūti lakkhaṇānaṃ vedānañca pāraṃ gato. Anuttarāyanti anuttaro ayaṃ. So kira attano abhimukhāgatesu mahāsattassa pādatalesu cakkāni disvā tadanusārena sesalakkhaṇāni jigīsanto sabbaṃ lakkhaṇasampattiṃ disvā ‘‘addhāyaṃ buddho bhavissatī’’ti ñatvā evamāha.
697. згаад̣̇асааяам̣ ат̇ад̇д̇ано г̇амананд̇и бадисанд̇хивасзна аруубаг̇аманам̣. агаляаруубо г̇ал̣аяад̇и ассугаанийд̇и д̇ам̣ ад̇д̇ано аруубуубабад̇д̇им̣ ануссарид̇ваа ‘‘на д̣̇аанаахам̣ асса д̇хаммад̣̇зсанам̣ сод̇ум̣ лажчаамий’’д̇и ад̇удтаруубо б̣алавасогаабхибхавзна д̣̇оманассаж̇аад̇о худ̇ваа ассууни баад̇зд̇и г̇ал̣аяад̇и. ‘‘г̇араяад̇ий’’д̇иби баато. яад̣̇и банзса руубабхавз жид̇д̇ам̣ намзяяа, гим̣ д̇ад̇т̇а на уббаж̇ж̇зяяа, язнзвам̣ род̣̇ад̇ийд̇и? на на уббаж̇ж̇зяяа, агусалад̇ааяа банзд̇ам̣ вид̇хим̣ на ж̇аанаад̇и. звам̣ санд̇зби д̣̇оманассуббад̇д̇иязвасса аяуд̇д̇аа самаабад̇д̇илаабхзна вигкамбхид̇ад̇д̇аад̇и жз? на, вигкамбхид̇ад̇д̇аа зва. маг̇г̇абхааванааяа самужчиннаа хи гилзсаа на уббаж̇ж̇анд̇и, самаабад̇д̇илаабхийнам̣ бана б̣алавабажжаязна уббаж̇ж̇анд̇и. уббаннз гилзсз барихийнаж̇жхаанад̇д̇аа гуд̇асса аруубаг̇амананд̇и жз? аббагасирзна бунаад̇хиг̇амад̇о. самаабад̇д̇илаабхино хи уббаннз гилзсз б̣алававийд̇иггамам̣ анаабаж̇ж̇анд̇аа вуубасанд̇амад̇д̇зязва гилзсавзг̇з буна д̇ам̣ висзсам̣ аббагасирзнзваад̇хиг̇ажчанд̇и, ‘‘барихийнависзсаа имз’’д̇иби д̣̇увин̃н̃зяяаа хонд̇и, д̇аад̣̇исо жа зсо. но жз гумаарз бхависсад̇и анд̇арааяод̇и на бхависсад̇и ну ко имасмим̣ гумаарз анд̇арааяо.
697. Ekādasāyaṃ athattano gamananti paṭisandhivasena arūpagamanaṃ. Akalyarūpo gaḷayati assukānīti taṃ attano arūpūpapattiṃ anussaritvā ‘‘na dānāhaṃ assa dhammadesanaṃ sotuṃ lacchāmī’’ti atuṭṭharūpo balavasokābhibhavena domanassajāto hutvā assūni pāteti gaḷayati. ‘‘Garayatī’’tipi pāṭho. Yadi panesa rūpabhave cittaṃ nameyya, kiṃ tattha na uppajjeyya, yenevaṃ rodatīti? Na na uppajjeyya, akusalatāya panetaṃ vidhiṃ na jānāti. Evaṃ santepi domanassuppattiyevassa ayuttā samāpattilābhena vikkhambhitattāti ce? Na, vikkhambhitattā eva. Maggabhāvanāya samucchinnā hi kilesā na uppajjanti, samāpattilābhīnaṃ pana balavapaccayena uppajjanti. Uppanne kilese parihīnajjhānattā kutassa arūpagamananti ce? Appakasirena punādhigamato. Samāpattilābhino hi uppanne kilese balavavītikkamaṃ anāpajjantā vūpasantamatteyeva kilesavege puna taṃ visesaṃ appakasirenevādhigacchanti, ‘‘parihīnavisesā ime’’tipi duviññeyyā honti, tādiso ca eso. No ce kumāre bhavissati antarāyoti na bhavissati nu kho imasmiṃ kumāre antarāyo.
698. д̣̇ваад̣̇асааяам̣ на орагааяанд̇и аяам̣ ораго барид̇д̇о на ход̇и. уд̇д̇араг̇аат̇ааяа вад̇д̇аб̣б̣ам̣ б̣уд̣̇д̇хабхаавам̣ санд̇хааяааха.
698. Dvādasāyaṃ na orakāyanti ayaṃ orako paritto na hoti. Uttaragāthāya vattabbaṃ buddhabhāvaṃ sandhāyāha.
699. д̇зрасааяам̣ самб̣од̇хияаг̇г̇анд̇и саб̣б̣ан̃н̃уд̇ан̃н̃аан̣ам̣. д̇ан̃хи авибарийд̇абхаавзна саммаа б̣уж̇жханад̇о самб̣од̇хи, гад̇т̇ажи ааваран̣аабхаавзна саб̣б̣ан̃аан̣уд̇д̇амад̇о ‘‘аг̇г̇а’’нд̇и вужжад̇и. пусиссад̇ийд̇и баабун̣иссад̇и. барамависуд̣̇д̇хад̣̇ассийд̇и ниб̣б̣аанад̣̇ассий. д̇ан̃хи зганд̇ависуд̣̇д̇хад̇д̇аа барамависуд̣̇д̇хам̣. вид̇т̇ааригассаад̇и вид̇т̇ааригам̣ асса. б̣рахмажарияанд̇и саасанам̣.
699. Terasāyaṃ sambodhiyagganti sabbaññutaññāṇaṃ. Tañhi aviparītabhāvena sammā bujjhanato sambodhi, katthaci āvaraṇābhāvena sabbañāṇuttamato ‘‘agga’’nti vuccati. Phusissatīti pāpuṇissati. Paramavisuddhadassīti nibbānadassī. Tañhi ekantavisuddhattā paramavisuddhaṃ. Vitthārikassāti vitthārikaṃ assa. Brahmacariyanti sāsanaṃ.
700. жуд̣̇д̣̇асааяам̣ ат̇анд̇араад̇и анд̇арааязва асса, самб̣од̇хиббад̇д̇ид̇о орад̇о зваад̇и вуд̇д̇ам̣ ход̇и. на соссанд̇и на сун̣иссам̣. асамад̇хурассаад̇и асамавийрияасса. аддод̇и аад̇уро. б̣яасанам̣ г̇ад̇од̇и сукавинаасам̣ бад̇д̇о. агхаавийд̇и д̣̇угкид̇о, саб̣б̣ам̣ д̣̇оманассуббаад̣̇амзва санд̇хааяааха. д̣̇оманассзна хи со аад̇уро. д̇ан̃жасса сукаб̣яасанад̇о б̣яасанам̣, сукавинаасанад̇од̇и вуд̇д̇ам̣ ход̇и. д̇зна жа со жзд̇асигаагхабхууд̇зна агхаавий.
700. Cuddasāyaṃ athantarāti antarāyeva assa, sambodhippattito orato evāti vuttaṃ hoti. Na sossanti na suṇissaṃ. Asamadhurassāti asamavīriyassa. Aṭṭoti āturo. Byasanaṃ gatoti sukhavināsaṃ patto. Aghāvīti dukkhito, sabbaṃ domanassuppādameva sandhāyāha. Domanassena hi so āturo. Tañcassa sukhabyasanato byasanaṃ, sukhavināsanatoti vuttaṃ hoti. Tena ca so cetasikaaghabhūtena aghāvī.
701. баннарасааяам̣ вибулам̣ ж̇анзд̇ваанаад̇и вибулам̣ ж̇анзд̇ваа. аяамзва ваа баато. ниг̇г̇амаад̇и ниг̇г̇ад̇о. звам̣ ниг̇г̇ад̇о жа со бхааг̇инзяяам̣ саяанд̇и сагам̣ бхааг̇инзяяам̣, ад̇д̇ано бхаг̇инияаа буд̇д̇анд̇и вуд̇д̇ам̣ ход̇и. самаад̣̇абзсийд̇и ад̇д̇ано аббааяугабхаавам̣ н̃ад̇ваа ганидтабхаг̇инияаа жа буд̇д̇асса наалагасса маан̣авагасса убажид̇абун̃н̃ад̇ам̣ ад̇д̇ано б̣алзна н̃ад̇ваа ‘‘вуд̣дхиббад̇д̇о бамаад̣̇амби аабаж̇ж̇зяяаа’’д̇и нам̣ анугамбамаано бхаг̇инияаа гхарам̣ г̇анд̇ваа ‘‘гахам̣ наалаго’’д̇и. ‘‘б̣ахи, бханд̇з, гийл̣ад̇ий’’д̇и. ‘‘аанзт̇а на’’нд̇и аан̣аабзд̇ваа д̇ан̇кан̣ам̣язва д̇аабасабаб̣б̣аж̇ж̇ам̣ баб̣б̣ааж̇зд̇ваа самаад̣̇абзси овад̣̇и анусааси. гат̇ам̣? ‘‘б̣уд̣̇д̇ход̇и гхосам̣…бз… б̣рахмажарияа’’нд̇и сол̣асамаг̇аат̇амааха.
701. Pannarasāyaṃ vipulaṃ janetvānāti vipulaṃ janetvā. Ayameva vā pāṭho. Niggamāti niggato. Evaṃ niggato ca so bhāgineyyaṃ sayanti sakaṃ bhāgineyyaṃ, attano bhaginiyā puttanti vuttaṃ hoti. Samādapesīti attano appāyukabhāvaṃ ñatvā kaniṭṭhabhaginiyā ca puttassa nālakassa māṇavakassa upacitapuññataṃ attano balena ñatvā ‘‘vuḍḍhippatto pamādampi āpajjeyyā’’ti naṃ anukampamāno bhaginiyā gharaṃ gantvā ‘‘kahaṃ nālako’’ti. ‘‘Bahi, bhante, kīḷatī’’ti. ‘‘Ānetha na’’nti āṇāpetvā taṅkhaṇaṃyeva tāpasapabbajjaṃ pabbājetvā samādapesi ovadi anusāsi. Kathaṃ? ‘‘Buddhoti ghosaṃ…pe… brahmacariya’’nti soḷasamagāthamāha.
702. д̇ад̇т̇а яад̣̇а барад̇од̇и яад̣̇аа барад̇о. д̇хаммамаг̇г̇анд̇и барамад̇хаммасса ниб̣б̣аанасса маг̇г̇ам̣, д̇хаммам̣ ваа аг̇г̇ам̣ саха бадибад̣̇ааяа ниб̣б̣аанам̣. д̇асминд̇и д̇асса санд̇игз. б̣рахмажарияанд̇и саман̣ад̇хаммам̣.
702. Tattha yada paratoti yadā parato. Dhammamagganti paramadhammassa nibbānassa maggaṃ, dhammaṃ vā aggaṃ saha paṭipadāya nibbānaṃ. Tasminti tassa santike. Brahmacariyanti samaṇadhammaṃ.
703. сад̇д̇арасааяам̣ д̇аад̣̇инаад̇и д̇ассан̣тид̇зна, д̇асмим̣ самаяз гилзсавигкамбханз самаад̇хилаабхз жа сад̇и вигкамбхид̇агилзсзна самаахид̇ажид̇д̇зна жаад̇и ад̇хиббааяо. анааг̇ад̇з барамависуд̣̇д̇хад̣̇ассинаад̇и ‘‘аяам̣ наалаго анааг̇ад̇з гаалз бхаг̇авад̇о санд̇игз барамависуд̣̇д̇хам̣ ниб̣б̣аанам̣ бассиссад̇ий’’д̇и звам̣ д̣̇идтад̇д̇аа со иси иминаа барияааязна ‘‘анааг̇ад̇з барамависуд̣̇д̇хад̣̇ассий’’д̇и вуд̇д̇о. д̇зна анааг̇ад̇з барамависуд̣̇д̇хад̣̇ассинаа. убажид̇абун̃н̃асан̃жаяод̇и бад̣̇умуд̇д̇арад̇о бабхуд̇и гад̇абун̃н̃асан̃жаяо. бад̇игканд̇и ааг̇амаяамаано. баривасийд̇и баб̣б̣аж̇ид̇ваа д̇аабасавзсзна васи. рагкид̇инд̣̇рияод̇и рагкид̇асод̇инд̣̇рияо худ̇ваа. со гира д̇ад̇о бабхуд̇и уд̣̇агз на нимуж̇ж̇и ‘‘уд̣̇агам̣ бависид̇ваа сод̇инд̣̇рияам̣ винаасзяяа, д̇ад̇о д̇хаммассаванаб̣аахиро бхавзяяа’’нд̇и жинд̇зд̇ваа.
703. Sattarasāyaṃ tādināti tassaṇṭhitena, tasmiṃ samaye kilesavikkhambhane samādhilābhe ca sati vikkhambhitakilesena samāhitacittena cāti adhippāyo. Anāgate paramavisuddhadassināti ‘‘ayaṃ nālako anāgate kāle bhagavato santike paramavisuddhaṃ nibbānaṃ passissatī’’ti evaṃ diṭṭhattā so isi iminā pariyāyena ‘‘anāgate paramavisuddhadassī’’ti vutto. Tena anāgate paramavisuddhadassinā. Upacitapuññasañcayoti padumuttarato pabhuti katapuññasañcayo. Patikkhanti āgamayamāno. Parivasīti pabbajitvā tāpasavesena vasi. Rakkhitindriyoti rakkhitasotindriyo hutvā. So kira tato pabhuti udake na nimujji ‘‘udakaṃ pavisitvā sotindriyaṃ vināseyya, tato dhammassavanabāhiro bhaveyya’’nti cintetvā.
704. адтаарасааяам̣ суд̇ваана гхосанд̇и со наалаго звам̣ баривасанд̇о анубуб̣б̣зна бхаг̇авад̇аа самб̣од̇хим̣ бад̇ваа б̣аараан̣асияам̣ д̇хаммажаггз бавад̇д̇ид̇з д̇ам̣ ‘‘бхаг̇авад̇аа д̇хаммажаггам̣ бавад̇д̇ид̇ам̣, саммаасамб̣уд̣̇д̇хо вад̇а со бхаг̇аваа уббанно’’д̇иаад̣̇инаа наязна ж̇инаваражаггавад̇д̇анз бавад̇д̇агхосам̣ ад̇д̇ано ад̇т̇агаамаахи д̣̇звад̇аахи ааг̇анд̇ваа аарожид̇ам̣ суд̇ваа. г̇анд̇ваана д̣̇исваа исинисабханд̇и сад̇д̇аахам̣ д̣̇звад̇аахи монзяяаголаахалз гаяирамаанз сад̇д̇амз д̣̇ивасз исибад̇анам̣ г̇анд̇ваа ‘‘наалаго ааг̇амиссад̇и, д̇асса д̇хаммам̣ д̣̇зсзссаамий’’д̇и иминаа жа абхисанд̇хинаа вараб̣уд̣̇д̇хаасанз нисиннам̣ д̣̇исваа нисабхасад̣̇исам̣ исинисабхам̣ бхаг̇аванд̇ам̣. басаннод̇и саха д̣̇ассанзнзва басаннажид̇д̇о худ̇ваа. монзяяасздтанд̇и н̃аан̣уд̇д̇амам̣, маг̇г̇ан̃аан̣анд̇и вуд̇д̇ам̣ ход̇и. самааг̇ад̇з асид̇аавхаяасса саасанзд̇и асид̇асса исино оваад̣̇агаалз ануббад̇д̇з. д̇зна хи – ‘‘яад̣̇аа виварад̇и д̇хаммамаг̇г̇ам̣, д̇ад̣̇аа г̇анд̇ваа самаяам̣ барибужчамаано жарассу д̇асмим̣ бхаг̇авад̇и б̣рахмажарияа’’нд̇и анусидто, аяан̃жа со гаало. д̇зна вуд̇д̇ам̣ – ‘‘самааг̇ад̇з асид̇аавхаяасса саасанз’’д̇и. сзсамзд̇т̇а баагадамзва.
704. Aṭṭhārasāyaṃ sutvāna ghosanti so nālako evaṃ parivasanto anupubbena bhagavatā sambodhiṃ patvā bārāṇasiyaṃ dhammacakke pavattite taṃ ‘‘bhagavatā dhammacakkaṃ pavattitaṃ, sammāsambuddho vata so bhagavā uppanno’’tiādinā nayena jinavaracakkavattane pavattaghosaṃ attano atthakāmāhi devatāhi āgantvā ārocitaṃ sutvā. Gantvāna disvā isinisabhanti sattāhaṃ devatāhi moneyyakolāhale kayiramāne sattame divase isipatanaṃ gantvā ‘‘nālako āgamissati, tassa dhammaṃ desessāmī’’ti iminā ca abhisandhinā varabuddhāsane nisinnaṃ disvā nisabhasadisaṃ isinisabhaṃ bhagavantaṃ. Pasannoti saha dassaneneva pasannacitto hutvā. Moneyyaseṭṭhanti ñāṇuttamaṃ, maggañāṇanti vuttaṃ hoti. Samāgate asitāvhayassa sāsaneti asitassa isino ovādakāle anuppatte. Tena hi – ‘‘yadā vivarati dhammamaggaṃ, tadā gantvā samayaṃ paripucchamāno carassu tasmiṃ bhagavati brahmacariya’’nti anusiṭṭho, ayañca so kālo. Tena vuttaṃ – ‘‘samāgate asitāvhayassa sāsane’’ti. Sesamettha pākaṭameva.
аяам̣ д̇аава вад̇т̇уг̇аат̇ааван̣н̣анаа.
Ayaṃ tāva vatthugāthāvaṇṇanā.
705. бужчааг̇аат̇аад̣̇ваяз ан̃н̃аад̇амзд̇анд̇и вид̣̇ид̇ам̣ маяаа зд̇ам̣. яат̇аад̇ат̇анд̇и авибарийд̇ам̣. го ад̇хиббааяо? яам̣ асид̇о ‘‘самб̣од̇хияаг̇г̇ам̣ пусиссад̇ааяам̣ гумааро’’д̇и н̃ад̇ваа ‘‘б̣уд̣̇д̇ход̇и гхосам̣ яад̣̇а барад̇о сун̣оси, самб̣од̇хиббад̇д̇о виварад̇и д̇хаммамаг̇г̇а’’нд̇и мам̣ аважа, д̇ад̣̇зд̇ам̣ маяаа асид̇асса важанам̣ аж̇ж̇а бхаг̇аванд̇ам̣ сагким̣ д̣̇исваа ‘‘яат̇аад̇ат̇амзваа’’д̇и ан̃н̃аад̇анд̇и. д̇ам̣ д̇анд̇и д̇асмаа д̇ам̣. саб̣б̣ад̇хаммаана баараг̇унд̇и хзмавад̇асуд̇д̇з вуд̇д̇анаязна чахи аагаарзхи. саб̣б̣ад̇хаммаанам̣ баараг̇ад̇ам̣.
705. Pucchāgāthādvaye aññātametanti viditaṃ mayā etaṃ. Yathātathanti aviparītaṃ. Ko adhippāyo? Yaṃ asito ‘‘sambodhiyaggaṃ phusissatāyaṃ kumāro’’ti ñatvā ‘‘buddhoti ghosaṃ yada parato suṇosi, sambodhippatto vivarati dhammamagga’’nti maṃ avaca, tadetaṃ mayā asitassa vacanaṃ ajja bhagavantaṃ sakkhiṃ disvā ‘‘yathātathamevā’’ti aññātanti. Taṃ tanti tasmā taṃ. Sabbadhammāna pāragunti hemavatasutte vuttanayena chahi ākārehi. Sabbadhammānaṃ pāragataṃ.
706. анаг̇аарияубзд̇ассаад̇и анаг̇аарияам̣ убзд̇асса, баб̣б̣аж̇ид̇ассаад̇и ад̇т̇о. бхигкаажарияам̣ ж̇иг̇ийсад̇од̇и ариязхи аажин̣н̣ам̣ анубаггилидтам̣ бхигкаажарияам̣ бариязсамаанасса. монзяяанд̇и мунийнам̣ санд̇агам̣. уд̇д̇амам̣ бад̣̇анд̇и уд̇д̇амабадибад̣̇ам̣. сзсамзд̇т̇а баагадамзва.
706.Anagāriyupetassāti anagāriyaṃ upetassa, pabbajitassāti attho. Bhikkhācariyaṃ jigīsatoti ariyehi āciṇṇaṃ anupakkiliṭṭhaṃ bhikkhācariyaṃ pariyesamānassa. Moneyyanti munīnaṃ santakaṃ. Uttamaṃ padanti uttamapaṭipadaṃ. Sesamettha pākaṭameva.
707. ат̇асса звам̣ будто бхаг̇аваа ‘‘монзяяам̣ д̇з убан̃н̃исса’’нд̇иаад̣̇инаа наязна монзяяабадибад̣̇ам̣ б̣яаагааси. д̇ад̇т̇а убан̃н̃иссанд̇и убан̃н̃аабзяяам̣, виварзяяам̣ бан̃н̃аабзяяанд̇и ад̇т̇о. д̣̇уггарам̣ д̣̇урабхисамбхаванд̇и гаад̇ун̃жа д̣̇угкам̣ гаяирамаанан̃жа самбхавид̇ум̣ сахид̇ум̣ д̣̇угканд̇и вуд̇д̇ам̣ ход̇и. аяам̣ банзд̇т̇а ад̇хиббааяо – ахам̣ д̇з монзяяам̣ бан̃н̃аабзяяам̣, яад̣̇и нам̣ гаад̇ум̣ ваа абхисамбход̇ум̣ ваа сукам̣ бхавзяяа, звам̣ бана д̣̇уггарам̣ д̣̇урабхисамбхавам̣ бут̇уж̇ж̇анагаалад̇о бабхуд̇и гилидтажид̇д̇ам̣ ануббаад̣̇зд̇ваа бадибаж̇ж̇ид̇аб̣б̣ад̇о. д̇ат̇аа хи нам̣ згасса б̣уд̣̇д̇хасса згова сааваго гарод̇и жа самбход̇и жаад̇и.
707. Athassa evaṃ puṭṭho bhagavā ‘‘moneyyaṃ te upaññissa’’ntiādinā nayena moneyyapaṭipadaṃ byākāsi. Tattha upaññissanti upaññāpeyyaṃ, vivareyyaṃ paññāpeyyanti attho. Dukkaraṃ durabhisambhavanti kātuñca dukkhaṃ kayiramānañca sambhavituṃ sahituṃ dukkhanti vuttaṃ hoti. Ayaṃ panettha adhippāyo – ahaṃ te moneyyaṃ paññāpeyyaṃ, yadi naṃ kātuṃ vā abhisambhotuṃ vā sukhaṃ bhaveyya, evaṃ pana dukkaraṃ durabhisambhavaṃ puthujjanakālato pabhuti kiliṭṭhacittaṃ anuppādetvā paṭipajjitabbato. Tathā hi naṃ ekassa buddhassa ekova sāvako karoti ca sambhoti cāti.
звам̣ бхаг̇аваа монзяяасса д̣̇уггарабхаавам̣ д̣̇урабхисамбхавад̇ан̃жа д̣̇ассзнд̇о наалагасса уссаахам̣ ж̇анзд̇ваа д̇амасса вад̇д̇угаамо ааха ‘‘ханд̣̇а д̇з нам̣ бавагкаами, сант̇амбхассу д̣̇ал̣хо бхаваа’’д̇и. д̇ад̇т̇а ханд̣̇аад̇и б̣яавасааяад̇т̇з нибаад̇о. д̇з нам̣ бавагкаамийд̇и д̇уяхам̣ д̇ам̣ монзяяам̣ бавагкаами. сант̇амбхассууд̇и д̣̇уггарагаран̣асамад̇т̇зна вийрияуубад̇т̇амбхзна ад̇д̇аанам̣ убад̇т̇амбхаяа. д̣̇ал̣хо бхаваад̇и д̣̇урабхисамбхавасаханасамад̇т̇ааяа асит̇илабараггамад̇ааяа т̇иро ход̇и. гим̣ вуд̇д̇ам̣ ход̇и? яасмаа д̇вам̣ убажид̇абун̃н̃асамбхааро, д̇асмаахам̣ зганд̇аб̣яавасид̇ова худ̇ваа звам̣ д̣̇уггарам̣ д̣̇урабхисамбхавамби самаанам̣ д̇уяхам̣ д̇ам̣ монзяяам̣ бавагкаами, сант̇амбхассу д̣̇ал̣хо бхаваад̇и.
Evaṃ bhagavā moneyyassa dukkarabhāvaṃ durabhisambhavatañca dassento nālakassa ussāhaṃ janetvā tamassa vattukāmo āha ‘‘handa te naṃ pavakkhāmi, santhambhassu daḷho bhavā’’ti. Tattha handāti byavasāyatthe nipāto. Te naṃ pavakkhāmīti tuyhaṃ taṃ moneyyaṃ pavakkhāmi. Santhambhassūti dukkarakaraṇasamatthena vīriyūpatthambhena attānaṃ upatthambhaya. Daḷho bhavāti durabhisambhavasahanasamatthāya asithilaparakkamatāya thiro hoti. Kiṃ vuttaṃ hoti? Yasmā tvaṃ upacitapuññasambhāro, tasmāhaṃ ekantabyavasitova hutvā evaṃ dukkaraṃ durabhisambhavampi samānaṃ tuyhaṃ taṃ moneyyaṃ pavakkhāmi, santhambhassu daḷho bhavāti.
708. звам̣ барамасаллзкам̣ монзяяавад̇д̇ам̣ вад̇д̇угаамо наалагам̣ сант̇амбханз д̣̇ал̣хийбхаавз жа нияож̇зд̇ваа батамам̣ д̇аава г̇аамуубаниб̣ад̣̇д̇хагилзсаббахаанам̣ д̣̇ассзнд̇о ‘‘самаанабхааг̇а’’нд̇и убад̣дхаг̇аат̇амааха. д̇ад̇т̇а самаанабхааг̇анд̇и самабхааг̇ам̣ згасад̣̇исам̣ ниннаанаагаран̣ам̣. аггудтаванд̣̇ид̇анд̇и аггосан̃жа ванд̣̇анан̃жа.
708. Evaṃ paramasallekhaṃ moneyyavattaṃ vattukāmo nālakaṃ santhambhane daḷhībhāve ca niyojetvā paṭhamaṃ tāva gāmūpanibaddhakilesappahānaṃ dassento ‘‘samānabhāga’’nti upaḍḍhagāthamāha. Tattha samānabhāganti samabhāgaṃ ekasadisaṃ ninnānākaraṇaṃ. Akkuṭṭhavanditanti akkosañca vandanañca.
ид̣̇аани яат̇аа д̇ам̣ самаанабхааг̇ам̣ гаяирад̇и, д̇ам̣ убааяам̣ д̣̇ассзнд̇о ‘‘манобад̣̇оса’’нд̇и убад̣дхаг̇аат̇амааха. д̇ассад̇т̇о – аггудто манобад̣̇осам̣ рагкзяяа, ванд̣̇ид̇о санд̇о анун̣н̣ад̇о жарз, ран̃н̃ааби ванд̣̇ид̇о самаано ‘‘мам̣ ванд̣̇ад̇ий’’д̇и уд̣̇д̇хажжам̣ наабаж̇ж̇зяяа.
Idāni yathā taṃ samānabhāgaṃ kayirati, taṃ upāyaṃ dassento ‘‘manopadosa’’nti upaḍḍhagāthamāha. Tassattho – akkuṭṭho manopadosaṃ rakkheyya, vandito santo anuṇṇato care, raññāpi vandito samāno ‘‘maṃ vandatī’’ti uddhaccaṃ nāpajjeyya.
709. ид̣̇аани аран̃н̃уубаниб̣ад̣̇д̇хагилзсаббахаанам̣ д̣̇ассзнд̇о ‘‘ужжааважаа’’д̇и г̇аат̇амааха. д̇ассад̇т̇о – аран̃н̃асан̃н̃ид̇з д̣̇ааязби идтаанидтавасзна ужжааважаа наанаббагаараа аарамман̣аа нижчаранд̇и, жагкаад̣̇ийнам̣ аабаат̇амааг̇ажчанд̇и, д̇з жа ко аг̇г̇исикуубамаа барил̣аахаж̇анагадтзна. яат̇аа ваа д̣аяхамаанз ванз аг̇г̇исикаа наанаббагаарад̇ааяа ужжааважаа нижчаранд̇и, сад̇хуумааби, вид̇хуумааби, нийлааби, бийд̇ааби, рад̇д̇ааби, куд̣̇д̣̇агааби, маханд̇ааби, звам̣ сийхаб̣яаг̇гхамануссаамануссавивид̇хавихан̇г̇авируд̇абубпапалабаллаваад̣̇ибхзд̣̇авасзна наанаббагаарад̇ааяа д̣̇ааяз ужжааважаа аарамман̣аа нижчаранд̇и бхим̣санагааби, раж̇анийяааби, д̣̇осанийяааби, моханийяааби. д̇знааха – ‘‘ужжааважаа нижчаранд̇и, д̣̇ааяз аг̇г̇исикуубамаа’’д̇и. звам̣ нижчаранд̇зсу жа ужжааважзсу аарамман̣зсу яаа гаажи уяяаанаванажааригам̣ г̇ад̇аа самаанаа багад̇ияаа ваа ванажааринияо гадтахааригаад̣̇аяо рахог̇ад̇ам̣ д̣̇исваа хасид̇алабид̇аруд̣̇ид̇ад̣̇уннивад̇т̇аад̣̇ийхи наарияо муним̣ балобхзнд̇и, д̇аа су д̇ам̣ маа балобхаяум̣, д̇аа наарияо д̇ам̣ маа балобхаяум̣. яат̇аа на балобхзнд̇и, д̇ат̇аа гарохийд̇и вуд̇д̇ам̣ ход̇и.
709. Idāni araññūpanibaddhakilesappahānaṃ dassento ‘‘uccāvacā’’ti gāthamāha. Tassattho – araññasaññite dāyepi iṭṭhāniṭṭhavasena uccāvacā nānappakārā ārammaṇā niccharanti, cakkhādīnaṃ āpāthamāgacchanti, te ca kho aggisikhūpamā pariḷāhajanakaṭṭhena. Yathā vā ḍayhamāne vane aggisikhā nānappakāratāya uccāvacā niccharanti, sadhūmāpi, vidhūmāpi, nīlāpi, pītāpi, rattāpi, khuddakāpi, mahantāpi, evaṃ sīhabyagghamanussāmanussavividhavihaṅgavirutapupphaphalapallavādibhedavasena nānappakāratāya dāye uccāvacā ārammaṇā niccharanti bhiṃsanakāpi, rajanīyāpi, dosanīyāpi, mohanīyāpi. Tenāha – ‘‘uccāvacā niccharanti, dāye aggisikhūpamā’’ti. Evaṃ niccharantesu ca uccāvacesu ārammaṇesu yā kāci uyyānavanacārikaṃ gatā samānā pakatiyā vā vanacāriniyo kaṭṭhahārikādayo rahogataṃ disvā hasitalapitaruditadunnivatthādīhi nāriyo muniṃ palobhenti, tā su taṃ mā palobhayuṃ, tā nāriyo taṃ mā palobhayuṃ. Yathā na palobhenti, tathā karohīti vuttaṃ hoti.
710-11. звамасса бхаг̇аваа г̇аамз жа аран̃н̃з жа бадибад̇д̇ивид̇хим̣ д̣̇ассзд̇ваа ид̣̇аани сийласам̣варам̣ д̣̇ассзнд̇о ‘‘вирад̇о мзт̇унаа д̇хаммаа’’д̇и г̇аат̇аад̣̇ваяамааха. д̇ад̇т̇а хид̇ваа гаамз баробарзд̇и мзт̇унад̇хаммад̇о авасзсзби сунд̣̇арз жа асунд̣̇арз жа бан̃жа гаамаг̇ун̣з хид̇ваа. д̇аббахаанзна хи мзт̇унавирад̇и сусамбаннаа ход̇и. д̇знааха – ‘‘хид̇ваа гаамз баробарз’’д̇и. аяамзд̇т̇а ад̇хиббааяо. ‘‘авируд̣̇д̇хо’’д̇иаад̣̇ийни бана бад̣̇аани ‘‘на ханзяяа, на гхаад̇аяз’’д̇и зд̇т̇а вуд̇д̇ааяа баан̣аад̇ибаад̇аавзраман̣ияаа самбад̇д̇ид̣̇ассанад̇т̇ам̣ вуд̇д̇аани. д̇ад̇рааяам̣ сан̇кзбаван̣н̣анаа – барабагкиязсу баан̣зсу авируд̣̇д̇хо, ад̇д̇абагкиязсу асаарад̇д̇о, саб̣б̣зби сад̇ан̣ханид̇д̇ан̣хад̇ааяа д̇асат̇ааварз баан̣з ж̇ийвид̇угаамад̇ааяа амарид̇угаамад̇ааяа сукагаамад̇ааяа д̣̇угкабадигуулад̇ааяа жа ‘‘яат̇аа ахам̣ д̇ат̇аа зд̇з’’д̇и ад̇д̇асамаанад̇ааяа д̇зсу вирод̇хам̣ винзнд̇о д̇знзва багаарзна ‘‘яат̇аа зд̇з д̇ат̇аа аха’’нд̇и барзсам̣ самаанад̇ааяа жа ад̇д̇ани анурод̇хам̣ винзнд̇о звам̣ убхаяат̇ааби анурод̇хавирод̇хавиббахийно худ̇ваа маран̣абадигуулад̇ааяа ад̇д̇аанам̣ убамам̣ гад̇ваа баан̣зсу яз гзжи д̇асз ваа т̇ааварз ваа баан̣з на ханзяяа саахад̇т̇игаад̣̇ийхи баяог̇зхи, на гхаад̇аяз аан̣ад̇д̇игаад̣̇ийхийд̇и.
710-11. Evamassa bhagavā gāme ca araññe ca paṭipattividhiṃ dassetvā idāni sīlasaṃvaraṃ dassento ‘‘virato methunā dhammā’’ti gāthādvayamāha. Tattha hitvā kāme paropareti methunadhammato avasesepi sundare ca asundare ca pañca kāmaguṇe hitvā. Tappahānena hi methunavirati susampannā hoti. Tenāha – ‘‘hitvā kāme paropare’’ti. Ayamettha adhippāyo. ‘‘Aviruddho’’tiādīni pana padāni ‘‘na haneyya, na ghātaye’’ti ettha vuttāya pāṇātipātāveramaṇiyā sampattidassanatthaṃ vuttāni. Tatrāyaṃ saṅkhepavaṇṇanā – parapakkhiyesu pāṇesu aviruddho, attapakkhiyesu asāratto, sabbepi sataṇhanittaṇhatāya tasathāvare pāṇe jīvitukāmatāya amaritukāmatāya sukhakāmatāya dukkhapaṭikūlatāya ca ‘‘yathā ahaṃ tathā ete’’ti attasamānatāya tesu virodhaṃ vinento teneva pakārena ‘‘yathā ete tathā aha’’nti paresaṃ samānatāya ca attani anurodhaṃ vinento evaṃ ubhayathāpi anurodhavirodhavippahīno hutvā maraṇapaṭikūlatāya attānaṃ upamaṃ katvā pāṇesu ye keci tase vā thāvare vā pāṇe na haneyya sāhatthikādīhi payogehi, na ghātaye āṇattikādīhīti.
712. звамасса мзт̇унавирад̇ибаан̣аад̇ибаад̇авирад̇имукзна сан̇кзбад̇о баад̇имогкасам̣варасийлам̣ вад̇ваа ‘‘хид̇ваа гаамз’’д̇иаад̣̇ийхи инд̣̇рияасам̣варан̃жа д̣̇ассзд̇ваа ид̣̇аани ааж̇ийвабаарисуд̣̇д̇хим̣ д̣̇ассзнд̇о ‘‘хид̇ваа ижчан̃жаа’’д̇иаад̣̇имааха. д̇ассад̇т̇о – яааяам̣ д̇ан̣хаа згам̣ лад̣̇д̇хаа д̣̇уд̇ияам̣ ижчад̇и, д̣̇вз лад̣̇д̇хаа д̇ад̇ияам̣, сад̇асахассам̣ лад̣̇д̇хаа д̇ад̣̇уд̇д̇аримби ижчад̇ийд̇и звам̣ аббадилад̣̇д̇хависаяам̣ ижчанад̇о ‘‘ижчаа’’д̇и вужжад̇и, яо жааяам̣ бадилад̣̇д̇хависаяалуб̣бхано лобхо. д̇ам̣ хид̇ваа ижчан̃жа лобхан̃жа яад̇т̇а сад̇д̇о бут̇уж̇ж̇ано, яасмим̣ жийвараад̣̇ибажжаяз д̇зхи ижчаалобхзхи бут̇уж̇ж̇ано сад̇д̇о лаг̇г̇о бадиб̣ад̣̇д̇хо д̇идтад̇и, д̇ад̇т̇а д̇ам̣ убхаяамби хид̇ваа бажжаяад̇т̇ам̣ ааж̇ийвабаарисуд̣̇д̇хим̣ авирод̇хзнд̇о н̃аан̣ажагкунаа жагкумаа худ̇ваа имам̣ монзяяабадибад̣̇ам̣ бадибаж̇ж̇зяяа. зван̃хи бадибанно д̇арзяяа нарагам̣ имам̣, д̣̇уббууран̣адтзна нарагасан̃н̃ид̇ам̣ мижчааж̇ийвахзд̇убхууд̇ам̣ имам̣ бажжаяад̇ан̣хам̣ д̇арзяяа, имааяа ваа бадибад̣̇ааяа д̇арзяяаад̇и вуд̇д̇ам̣ ход̇и.
712. Evamassa methunaviratipāṇātipātaviratimukhena saṅkhepato pātimokkhasaṃvarasīlaṃ vatvā ‘‘hitvā kāme’’tiādīhi indriyasaṃvarañca dassetvā idāni ājīvapārisuddhiṃ dassento ‘‘hitvā icchañcā’’tiādimāha. Tassattho – yāyaṃ taṇhā ekaṃ laddhā dutiyaṃ icchati, dve laddhā tatiyaṃ, satasahassaṃ laddhā taduttarimpi icchatīti evaṃ appaṭiladdhavisayaṃ icchanato ‘‘icchā’’ti vuccati, yo cāyaṃ paṭiladdhavisayalubbhano lobho. Taṃ hitvā icchañca lobhañca yattha satto puthujjano, yasmiṃ cīvarādipaccaye tehi icchālobhehi puthujjano satto laggo paṭibaddho tiṭṭhati, tattha taṃ ubhayampi hitvā paccayatthaṃ ājīvapārisuddhiṃ avirodhento ñāṇacakkhunā cakkhumā hutvā imaṃ moneyyapaṭipadaṃ paṭipajjeyya. Evañhi paṭipanno tareyya narakaṃ imaṃ, duppūraṇaṭṭhena narakasaññitaṃ micchājīvahetubhūtaṃ imaṃ paccayataṇhaṃ tareyya, imāya vā paṭipadāya tareyyāti vuttaṃ hoti.
713. звам̣ бажжаяад̇ан̣хаабахаанамукзна ааж̇ийвабаарисуд̣̇д̇хим̣ д̣̇ассзд̇ваа ид̣̇аани бхож̇анз мад̇д̇ан̃н̃уд̇аамукзна бажжаяабарибхог̇асийлам̣ д̇ад̣̇анусаарзна жа яаава арахад̇д̇аббад̇д̇и, д̇аава бадибад̣̇ам̣ д̣̇ассзнд̇о ‘‘уунууд̣̇аро’’д̇и г̇аат̇амааха. д̇ассад̇т̇о – д̇хаммзна самзна лад̣̇д̇хзсу ид̇арийд̇аражийвараад̣̇ийсу бажжаязсу аахаарам̣ д̇аава аахаарзнд̇о –
713. Evaṃ paccayataṇhāpahānamukhena ājīvapārisuddhiṃ dassetvā idāni bhojane mattaññutāmukhena paccayaparibhogasīlaṃ tadanusārena ca yāva arahattappatti, tāva paṭipadaṃ dassento ‘‘ūnūdaro’’ti gāthamāha. Tassattho – dhammena samena laddhesu itarītaracīvarādīsu paccayesu āhāraṃ tāva āhārento –
‘‘жад̇д̇ааро бан̃жа аалобз, абхуд̇ваа уд̣̇агам̣ бивз;
‘‘Cattāro pañca ālope, abhutvā udakaṃ pive;
алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983) –
Alaṃ phāsuvihārāya, pahitattassa bhikkhuno’’ti. (theragā. 983) –
вуд̇д̇анаязна уунауд̣̇аро асса, на ваад̇абхарид̇абхасд̇аа вияа уд̣̇д̇хумаад̇уд̣̇аро, бхад̇д̇асаммад̣̇абажжаяаа т̇инамид̣̇д̇хам̣ барихарзяяаад̇и вуд̇д̇ам̣ ход̇и. уунууд̣̇аро хонд̇оби жа мид̇аахааро асса бхож̇анз мад̇д̇ан̃н̃уу, ‘‘нзва д̣̇авааяаа’’д̇иаад̣̇инаа бажжавзгкан̣зна г̇ун̣ад̇о д̣̇осад̇о жа барижчиннаахааро. звам̣ мид̇аахааро самааноби бажжаяад̇худ̇ан̇г̇абарияад̇д̇иад̇хиг̇амавасзна жад̇уб̣б̣ид̇хааяа аббижчад̇ааяа аббижчо асса. згам̣сзна хи монзяяабадибад̣̇ам̣ бадибаннзна бхигкунаа звам̣ аббижчзна бхавид̇аб̣б̣ам̣. д̇ад̇т̇а згзгасмим̣ бажжаяз д̇ийхи санд̇осзхи санд̇уссанаа бажжаяаббижчад̇аа. д̇худ̇ан̇г̇ад̇харассзва сад̇о ‘‘д̇худ̇аваад̇и мам̣ барз ж̇аананд̇уу’’д̇и анижчанад̇аа д̇худ̇ан̇г̇аббижчад̇аа. б̣ахуссуд̇ассзва сад̇о ‘‘б̣ахуссуд̇од̇и мам̣ барз ж̇аананд̇уу’’д̇и анижчанад̇аа барияад̇д̇иаббижчад̇аа маж̇жханд̇игад̇т̇зрасса вияа. ад̇хиг̇амасамбаннассзва сад̇о ‘‘ад̇хиг̇ад̇о аяам̣ гусалам̣ д̇хамманд̇и мам̣ барз ж̇аананд̇уу’’д̇и анижчанад̇аа ад̇хиг̇амаббижчад̇аа. саа жа арахад̇д̇аад̇хиг̇амад̇о орам̣ взд̣̇ид̇аб̣б̣аа. арахад̇д̇аад̇хиг̇амад̇т̇ан̃хи аяам̣ бадибад̣̇аад̇и. звам̣ аббижчоби жа арахад̇д̇амаг̇г̇зна д̇ан̣хаалолуббам̣ хид̇ваа алолубо асса. звам̣ алолубо хи сад̣̇аа ижчааяа нижчаад̇о анижчо ход̇и ниб̣б̣уд̇о, яааяа ижчааяа чаад̇аа хонд̇и сад̇д̇аа куббибаасаад̇ураа вияа ад̇ид̇д̇аа, д̇ааяа ижчааяа анижчо ход̇и анижчад̇д̇аа жа нижчаад̇о ход̇и анаад̇уро барамад̇ид̇д̇иббад̇д̇о. звам̣ нижчаад̇ад̇д̇аа ниб̣б̣уд̇о ход̇и вуубасанд̇асаб̣б̣агилзсабарил̣ааход̇и звамзд̇т̇а уббадибаадияаа яож̇анаа взд̣̇ид̇аб̣б̣аа.
Vuttanayena ūnaudaro assa, na vātabharitabhastā viya uddhumātudaro, bhattasammadapaccayā thinamiddhaṃ parihareyyāti vuttaṃ hoti. Ūnūdaro hontopi ca mitāhāro assa bhojane mattaññū, ‘‘neva davāyā’’tiādinā paccavekkhaṇena guṇato dosato ca paricchinnāhāro. Evaṃ mitāhāro samānopi paccayadhutaṅgapariyattiadhigamavasena catubbidhāya appicchatāya appiccho assa. Ekaṃsena hi moneyyapaṭipadaṃ paṭipannena bhikkhunā evaṃ appicchena bhavitabbaṃ. Tattha ekekasmiṃ paccaye tīhi santosehi santussanā paccayappicchatā. Dhutaṅgadharasseva sato ‘‘dhutavāti maṃ pare jānantū’’ti anicchanatā dhutaṅgappicchatā. Bahussutasseva sato ‘‘bahussutoti maṃ pare jānantū’’ti anicchanatā pariyattiappicchatā majjhantikattherassa viya. Adhigamasampannasseva sato ‘‘adhigato ayaṃ kusalaṃ dhammanti maṃ pare jānantū’’ti anicchanatā adhigamappicchatā. Sā ca arahattādhigamato oraṃ veditabbā. Arahattādhigamatthañhi ayaṃ paṭipadāti. Evaṃ appicchopi ca arahattamaggena taṇhāloluppaṃ hitvā alolupo assa. Evaṃ alolupo hi sadā icchāya nicchāto aniccho hoti nibbuto, yāya icchāya chātā honti sattā khuppipāsāturā viya atittā, tāya icchāya aniccho hoti anicchattā ca nicchāto hoti anāturo paramatittippatto. Evaṃ nicchātattā nibbuto hoti vūpasantasabbakilesapariḷāhoti evamettha uppaṭipāṭiyā yojanā veditabbā.
714. звам̣ яаава арахад̇д̇аббад̇д̇и, д̇аавабадибад̣̇ам̣ гат̇зд̇ваа ид̣̇аани д̇ам̣ бадибад̣̇ам̣ бадибаннасса бхигкуно арахад̇д̇аббад̇д̇инидтам̣ д̇худ̇ан̇г̇асамаад̣̇аанам̣ сзнаасанавад̇д̇ан̃жа гат̇знд̇о ‘‘са бин̣д̣ажаара’’нд̇и г̇аат̇аад̣̇ваяамааха. д̇ад̇т̇а са бин̣д̣ажаарам̣ жарид̇ваад̇и со бхигку бхигкам̣ жарид̇ваа бхад̇д̇агижжам̣ ваа гад̇ваа. вананд̇амабхихаараязд̇и абабан̃жид̇о г̇ихибабан̃жзна ванам̣ зва г̇ажчзяяа. убадтид̇о ругкамууласминд̇и ругкамуулз тид̇о ваа худ̇ваа. аасануубаг̇ад̇од̇и аасанам̣ убаг̇ад̇о ваа худ̇ваа, нисиннод̇и вуд̇д̇ам̣ ход̇и. мунийд̇и монзяяабадибад̣̇ам̣ бадибанно. зд̇т̇а жа ‘‘бин̣д̣ажаарам̣ жарид̇ваа’’д̇и иминаа бин̣д̣абаад̇иган̇г̇ам̣ вуд̇д̇ам̣. яасмаа бана уггадтабин̣д̣абаад̇иго сабад̣̇аанажаарий згаасаниго бад̇д̇абин̣д̣иго калубажчаабхад̇д̇иго жа ход̇иязва, д̇зжийваригабам̣сугууламби жа самаад̣̇ияад̇зва, д̇асмаа имааниби ча вуд̇д̇аанзва хонд̇и. ‘‘вананд̇амабхихаараяз’’д̇и иминаа бана ааран̃н̃иган̇г̇ам̣ вуд̇д̇ам̣, ‘‘убадтид̇о ругкамууласми’’нд̇и иминаа ругкамуулиган̇г̇ам̣, ‘‘аасануубаг̇ад̇о’’д̇и иминаа нзсаж̇ж̇иган̇г̇ам̣. яат̇ааггамам̣ бана зд̇зсам̣ ануломад̇д̇аа аб̣бхогаасигаяат̇аасант̇ад̇игасосааниган̇г̇аани вуд̇д̇ааниязва хонд̇ийд̇и звамзд̇ааяа г̇аат̇ааяа д̇зраса д̇худ̇ан̇г̇аани наалагад̇т̇зрасса гат̇зси.
714. Evaṃ yāva arahattappatti, tāvapaṭipadaṃ kathetvā idāni taṃ paṭipadaṃ paṭipannassa bhikkhuno arahattappattiniṭṭhaṃ dhutaṅgasamādānaṃ senāsanavattañca kathento ‘‘sa piṇḍacāra’’nti gāthādvayamāha. Tattha sa piṇḍacāraṃ caritvāti so bhikkhu bhikkhaṃ caritvā bhattakiccaṃ vā katvā. Vanantamabhihārayeti apapañcito gihipapañcena vanaṃ eva gaccheyya. Upaṭṭhito rukkhamūlasminti rukkhamūle ṭhito vā hutvā. Āsanūpagatoti āsanaṃ upagato vā hutvā, nisinnoti vuttaṃ hoti. Munīti moneyyapaṭipadaṃ paṭipanno. Ettha ca ‘‘piṇḍacāraṃ caritvā’’ti iminā piṇḍapātikaṅgaṃ vuttaṃ. Yasmā pana ukkaṭṭhapiṇḍapātiko sapadānacārī ekāsaniko pattapiṇḍiko khalupacchābhattiko ca hotiyeva, tecīvarikapaṃsukūlampi ca samādiyateva, tasmā imānipi cha vuttāneva honti. ‘‘Vanantamabhihāraye’’ti iminā pana āraññikaṅgaṃ vuttaṃ, ‘‘upaṭṭhito rukkhamūlasmi’’nti iminā rukkhamūlikaṅgaṃ, ‘‘āsanūpagato’’ti iminā nesajjikaṅgaṃ. Yathākkamaṃ pana etesaṃ anulomattā abbhokāsikayathāsanthatikasosānikaṅgāni vuttāniyeva hontīti evametāya gāthāya terasa dhutaṅgāni nālakattherassa kathesi.
715. са жхаанабасуд̇о д̇хийрод̇и со ануббаннасса жхаанасса уббаад̣̇анзна уббаннасса ааваж̇ж̇анасамаабаж̇ж̇анаад̇хидтаанавудтаанабажжавзгкан̣зхи жа жхаанзсу басуд̇о ануяуд̇д̇о. д̇хийрод̇и д̇хид̇исамбанно. вананд̇з рамид̇о сияаад̇и ванз абхирад̇о сияаа, г̇ааманд̇асзнаасанз наабхирамзяяаад̇и вуд̇д̇ам̣ ход̇и. жхааязт̇а ругкамууласмим̣, ад̇д̇аанамабхид̇осаяанд̇и на гзвалам̣ логияаж̇жхаанабасуд̇оязва сияаа, абижа ко д̇асмим̣язва ругкамуулз сод̇аабад̇д̇имаг̇г̇аад̣̇исамбаяуд̇д̇зна логуд̇д̇араж̇жхаанзнааби ад̇д̇аанам̣ ад̇ийва д̇осзнд̇о жхааязт̇а. барамассаасаббад̇д̇ияаа хи логуд̇д̇араж̇жхаанзнзва жид̇д̇ам̣ ад̇ийва д̇уссад̇и, на ан̃н̃зна. д̇знааха – ‘‘ад̇д̇аанамабхид̇осаяа’’нд̇и. звамимааяа г̇аат̇ааяа жхаанабасуд̇ад̇ааяа вананд̇асзнаасанаабхирад̇им̣ арахад̇д̇ан̃жа гат̇зси.
715.Sa jhānapasuto dhīroti so anuppannassa jhānassa uppādanena uppannassa āvajjanasamāpajjanādhiṭṭhānavuṭṭhānapaccavekkhaṇehi ca jhānesu pasuto anuyutto. Dhīroti dhitisampanno. Vanante ramito siyāti vane abhirato siyā, gāmantasenāsane nābhirameyyāti vuttaṃ hoti. Jhāyetharukkhamūlasmiṃ, attānamabhitosayanti na kevalaṃ lokiyajjhānapasutoyeva siyā, apica kho tasmiṃyeva rukkhamūle sotāpattimaggādisampayuttena lokuttarajjhānenāpi attānaṃ atīva tosento jhāyetha. Paramassāsappattiyā hi lokuttarajjhāneneva cittaṃ atīva tussati, na aññena. Tenāha – ‘‘attānamabhitosaya’’nti. Evamimāya gāthāya jhānapasutatāya vanantasenāsanābhiratiṃ arahattañca kathesi.
716. ид̣̇аани яасмаа имам̣ д̇хаммад̣̇зсанам̣ суд̇ваа наалагад̇т̇зро вананд̇амабхихаарзд̇ваа нираахаароби бадибад̣̇аабууран̣з ад̇ийва уссугго ахоси, нираахаарзна жа саман̣ад̇хаммам̣ гаад̇ум̣ на саггаа. д̇ат̇аа гаронд̇асса хи ж̇ийвид̇ам̣ наббавад̇д̇ад̇и, гилзсз бана ануббаад̣̇знд̇зна аахааро бариязсид̇аб̣б̣о, аяамзд̇т̇а н̃ааяо. д̇асмаа д̇асса бхаг̇аваа абараабарзсуби д̣̇ивасзсу бин̣д̣ааяа жарид̇аб̣б̣ам̣, гилзсаа бана на уббаад̣̇зд̇аб̣б̣аад̇и д̣̇ассанад̇т̇ам̣ арахад̇д̇аббад̇д̇инидтам̣язва бхигкаажааравад̇д̇ам̣ гат̇знд̇о ‘‘д̇ад̇о рад̇яаа вивасаанз’’д̇иаад̣̇игаа ча г̇аат̇ааяо абхааси. д̇ад̇т̇а д̇ад̇од̇и ‘‘са бин̣д̣ажаарам̣ жарид̇ваа, вананд̇амабхихаараяз’’д̇и зд̇т̇а вуд̇д̇абин̣д̣ажааравананд̇аабхихаарад̇о уд̇д̇ариби. рад̇яаа вивасаанзд̇и рад̇д̇исамад̇иггамз, д̣̇уд̇ияад̣̇ивасзд̇и вуд̇д̇ам̣ ход̇и. г̇ааманд̇амабхихаараязд̇и аабхисамаажааригавад̇д̇ам̣ гад̇ваа яаава бхигкаажааравзлаа, д̇аава вивзгамануб̣руухзд̇ваа г̇ад̇абажжааг̇ад̇авад̇д̇з вуд̇д̇анаязна гаммадтаанам̣ манаси гаронд̇о г̇аамам̣ г̇ажчзяяа. авхаанам̣ наабхинанд̣̇зяяаад̇и ‘‘бханд̇з, амхаагам̣ гхарз бхун̃ж̇ид̇аб̣б̣а’’нд̇и ниманд̇анам̣, ‘‘д̣̇зд̇и ну ко на д̣̇зд̇и ну ко сунд̣̇арам̣ ну ко д̣̇зд̇и асунд̣̇арам̣ ну ко д̣̇зд̇ий’’д̇и зваруубам̣ вид̇аггам̣ бхож̇анан̃жа бадибад̣̇аабуураго бхигку наабхинанд̣̇зяяа, наббадиг̇г̇ан̣хзяяаад̇и вуд̇д̇ам̣ ход̇и. яад̣̇и бана б̣алаггаарзна бад̇д̇ам̣ г̇ахзд̇ваа буурзд̇ваа д̣̇знд̇и, барибхун̃ж̇ид̇ваа саман̣ад̇хаммо гаад̇аб̣б̣о, д̇худ̇ан̇г̇ам̣ на губбад̇и, д̇ад̣̇убаад̣̇ааяа бана д̇ам̣ г̇аамам̣ на бависид̇аб̣б̣ам̣. абхихааран̃жа г̇аамад̇од̇и сажз г̇аамам̣ бавидтасса баад̇исад̇зхиби бхад̇д̇ам̣ абхихаранд̇и , д̇амби наабхинанд̣̇зяяа, д̇ад̇о згасид̇т̇амби наббадиг̇г̇ан̣хзяяа, ан̃н̃ад̣̇ад̇т̇у гхарабадибаадияаа бин̣д̣абаад̇амзва жарзяяаад̇и.
716. Idāni yasmā imaṃ dhammadesanaṃ sutvā nālakatthero vanantamabhihāretvā nirāhāropi paṭipadāpūraṇe atīva ussukko ahosi, nirāhārena ca samaṇadhammaṃ kātuṃ na sakkā. Tathā karontassa hi jīvitaṃ nappavattati, kilese pana anuppādentena āhāro pariyesitabbo, ayamettha ñāyo. Tasmā tassa bhagavā aparāparesupi divasesu piṇḍāya caritabbaṃ, kilesā pana na uppādetabbāti dassanatthaṃ arahattappattiniṭṭhaṃyeva bhikkhācāravattaṃ kathento ‘‘tato ratyā vivasāne’’tiādikā cha gāthāyo abhāsi. Tattha tatoti ‘‘sa piṇḍacāraṃ caritvā, vanantamabhihāraye’’ti ettha vuttapiṇḍacāravanantābhihārato uttaripi. Ratyā vivasāneti rattisamatikkame, dutiyadivaseti vuttaṃ hoti. Gāmantamabhihārayeti ābhisamācārikavattaṃ katvā yāva bhikkhācāravelā, tāva vivekamanubrūhetvā gatapaccāgatavatte vuttanayena kammaṭṭhānaṃ manasi karonto gāmaṃ gaccheyya. Avhānaṃ nābhinandeyyāti ‘‘bhante, amhākaṃ ghare bhuñjitabba’’nti nimantanaṃ, ‘‘deti nu kho na deti nu kho sundaraṃ nu kho deti asundaraṃ nu kho detī’’ti evarūpaṃ vitakkaṃ bhojanañca paṭipadāpūrako bhikkhu nābhinandeyya, nappaṭiggaṇheyyāti vuttaṃ hoti. Yadi pana balakkārena pattaṃ gahetvā pūretvā denti, paribhuñjitvā samaṇadhammo kātabbo, dhutaṅgaṃ na kuppati, tadupādāya pana taṃ gāmaṃ na pavisitabbaṃ. Abhihārañca gāmatoti sace gāmaṃ paviṭṭhassa pātisatehipi bhattaṃ abhiharanti , tampi nābhinandeyya, tato ekasitthampi nappaṭiggaṇheyya, aññadatthu gharapaṭipāṭiyā piṇḍapātameva careyyāti.
717. на муний г̇аамамааг̇амма, гулзсу сахасаа жарзд̇и со жа монад̇т̇ааяа бадибаннаго муни г̇аамам̣ г̇ад̇о самаано гулзсу сахасаа на жарз, сахасогид̇аад̣̇ианануломигам̣ г̇ихисам̣саг̇г̇ам̣ на аабаж̇ж̇зяяаад̇и вуд̇д̇ам̣ ход̇и. гхаасзсанам̣ чиннагат̇о, на ваажам̣ баяуд̇ам̣ бхан̣зд̇и чиннагат̇о вияа худ̇ваа обхаасабаригат̇аанимид̇д̇авин̃н̃ад̇д̇ибаяуд̇д̇ам̣ гхаасзсанаваажам̣ на бхан̣зяяа. сажз ааган̇кзяяа, г̇илаано самаано г̇злан̃н̃абадиб̣ааханад̇т̇ааяа бхан̣зяяа. сзнаасанад̇т̇ааяа ваа вин̃н̃ад̇д̇им̣ табзд̇ваа обхаасабаригат̇аанимид̇д̇абаяуд̇д̇ам̣, авасзсабажжаяад̇т̇ааяа бана аг̇илаано нзва гин̃жи бхан̣зяяаад̇и.
717.Namunī gāmamāgamma, kulesu sahasā careti so ca monatthāya paṭipannako muni gāmaṃ gato samāno kulesu sahasā na care, sahasokitādiananulomikaṃ gihisaṃsaggaṃ na āpajjeyyāti vuttaṃ hoti. Ghāsesanaṃ chinnakatho, na vācaṃ payutaṃ bhaṇeti chinnakatho viya hutvā obhāsaparikathānimittaviññattipayuttaṃ ghāsesanavācaṃ na bhaṇeyya. Sace ākaṅkheyya, gilāno samāno gelaññapaṭibāhanatthāya bhaṇeyya. Senāsanatthāya vā viññattiṃ ṭhapetvā obhāsaparikathānimittapayuttaṃ, avasesapaccayatthāya pana agilāno neva kiñci bhaṇeyyāti.
718-9. алад̇т̇ам̣ яад̣̇ид̣̇анд̇и имиссаа бана г̇аат̇ааяа аяамад̇т̇о – г̇аамам̣ бин̣д̣ааяа бавидто аббамад̇д̇агзби гисмин̃жи лад̣̇д̇хз ‘‘алад̇т̇ам̣ яам̣ ид̣̇ам̣ саад̇хуу’’д̇и жинд̇зд̇ваа алад̣̇д̇хз ‘‘наалад̇т̇ам̣ гусала’’нд̇и д̇амби ‘‘сунд̣̇ара’’нд̇и жинд̇зд̇ваа убхаязнзва лаабхаалаабхзна со д̇аад̣̇ий ниб̣б̣игааро худ̇ваа ругкам̣вубанивад̇д̇ад̇и, яат̇ааби бурисо палаг̇авзсий ругкам̣ убаг̇амма палам̣ лад̣̇д̇хааби алад̣̇д̇хааби ананунийд̇о аббадихад̇о маж̇жхад̇д̇оязва худ̇ваа г̇ажчад̇и, звам̣ гулам̣ убаг̇амма лаабхам̣ лад̣̇д̇хааби алад̣̇д̇хааби маж̇жхад̇д̇ова худ̇ваа г̇ажчад̇ийд̇и. са бад̇д̇абаан̣ий д̇и г̇аат̇аа уд̇д̇аанад̇т̇аава.
718-9.Alatthaṃ yadidanti imissā pana gāthāya ayamattho – gāmaṃ piṇḍāya paviṭṭho appamattakepi kismiñci laddhe ‘‘alatthaṃ yaṃ idaṃ sādhū’’ti cintetvā aladdhe ‘‘nālatthaṃ kusala’’nti tampi ‘‘sundara’’nti cintetvā ubhayeneva lābhālābhena so tādī nibbikāro hutvā rukkhaṃvupanivattati, yathāpi puriso phalagavesī rukkhaṃ upagamma phalaṃ laddhāpi aladdhāpi ananunīto appaṭihato majjhattoyeva hutvā gacchati, evaṃ kulaṃ upagamma lābhaṃ laddhāpi aladdhāpi majjhattova hutvā gacchatīti. Sa pattapāṇī ti gāthā uttānatthāva.
720. ужжааважаад̇и имиссаа г̇аат̇ааяа самб̣анд̇хо – звам̣ бхигкаажааравад̇д̇асамбанно худ̇вааби д̇аавад̇агзнзва д̇удтим̣ анаабаж̇ж̇ид̇ваа бадибад̣̇ам̣ аарод̇хзяяа. бадибад̇д̇исааран̃хи саасанам̣. саа жааяам̣ ужжааважаа…бз… муд̇анд̇и. д̇ассад̇т̇о – саа жааяам̣ маг̇г̇абадибад̣̇аа уд̇д̇аманихийнабхзд̣̇ад̇о ужжааважаа б̣уд̣̇д̇хасаман̣зна багаасид̇аа. сукаабадибад̣̇аа хи киббаабхин̃н̃аа ужжаа, д̣̇угкаабадибад̣̇аа д̣̇анд̇хаабхин̃н̃аа аважаа. ид̇араа д̣̇вз згзнан̇г̇зна ужжаа, згзна аважаа. батамаа зва ваа ужжаа, ид̇араа д̇иссоби аважаа. д̇ааяа жзд̇ааяа ужжааяа аважааяа ваа бадибад̣̇ааяа на баарам̣ д̣̇иг̇ун̣ам̣ яанд̇и. ‘‘д̣̇уг̇ун̣а’’нд̇и ваа баато, згамаг̇г̇зна д̣̇вигкад̇д̇ум̣ ниб̣б̣аанам̣ на яанд̇ийд̇и ад̇т̇о. гасмаа? язна маг̇г̇зна яз гилзсаа бахийнаа, д̇зсам̣ буна аббахаад̇аб̣б̣ад̇о. зд̇зна барихаанад̇хаммаабхаавам̣ д̣̇ийбзд̇и. наяид̣̇ам̣ згаг̇ун̣ам̣ муд̇анд̇и д̇ан̃жа ид̣̇ам̣ баарам̣ згагкад̇д̇ум̣язва пусанаарахамби на ход̇и. гасмаа? згзна маг̇г̇зна саб̣б̣агилзсаббахаанаабхаавад̇о. зд̇зна згамаг̇г̇знзва арахад̇д̇аабхаавам̣ д̣̇ийбзд̇и.
720.Uccāvacāti imissā gāthāya sambandho – evaṃ bhikkhācāravattasampanno hutvāpi tāvatakeneva tuṭṭhiṃ anāpajjitvā paṭipadaṃ ārodheyya. Paṭipattisārañhi sāsanaṃ. Sā cāyaṃ uccāvacā…pe… mutanti. Tassattho – sā cāyaṃ maggapaṭipadā uttamanihīnabhedato uccāvacā buddhasamaṇena pakāsitā. Sukhāpaṭipadā hi khippābhiññā uccā, dukkhāpaṭipadā dandhābhiññā avacā. Itarā dve ekenaṅgena uccā, ekena avacā. Paṭhamā eva vā uccā, itarā tissopi avacā. Tāya cetāya uccāya avacāya vā paṭipadāya na pāraṃ diguṇaṃ yanti. ‘‘Duguṇa’’nti vā pāṭho, ekamaggena dvikkhattuṃ nibbānaṃ na yantīti attho. Kasmā? Yena maggena ye kilesā pahīnā, tesaṃ puna appahātabbato. Etena parihānadhammābhāvaṃ dīpeti. Nayidaṃ ekaguṇaṃ mutanti tañca idaṃ pāraṃ ekakkhattuṃyeva phusanārahampi na hoti. Kasmā? Ekena maggena sabbakilesappahānābhāvato. Etena ekamaggeneva arahattābhāvaṃ dīpeti.
721. ид̣̇аани бадибад̣̇аанисам̣сам̣ д̣̇ассзнд̇о ‘‘яасса жа висад̇аа’’д̇и г̇аат̇амааха. д̇ассад̇т̇о – яасса жа звам̣ бадибаннасса бхигкуно д̇ааяа бадибад̣̇ааяа бахийнад̇д̇аа адтасад̇ад̇ан̣хаавижарид̇абхаавзна висад̇ад̇д̇аа висад̇аа д̇ан̣хаа над̇т̇и, д̇асса гилзсасод̇ажчзд̣̇зна чиннасод̇асса гусалаагусалаббахаанзна гижжаагижжаббахийнасса рааг̇аж̇о ваа д̣̇осаж̇о ваа аббамад̇д̇агоби барил̣аахо на виж̇ж̇ад̇ийд̇и.
721. Idāni paṭipadānisaṃsaṃ dassento ‘‘yassa ca visatā’’ti gāthamāha. Tassattho – yassa ca evaṃ paṭipannassa bhikkhuno tāya paṭipadāya pahīnattā aṭṭhasatataṇhāvicaritabhāvena visatattā visatā taṇhā natthi, tassa kilesasotacchedena chinnasotassa kusalākusalappahānena kiccākiccappahīnassa rāgajo vā dosajo vā appamattakopi pariḷāho na vijjatīti.
722. ид̣̇аани яасмаа имаа г̇аат̇ааяо суд̇ваа наалагад̇т̇зрасса жид̇д̇ам̣ уд̣̇абаад̣̇и – ‘‘яад̣̇и зд̇д̇агам̣ монзяяам̣ сугарам̣ на д̣̇уггарам̣, саггаа аббагасирзна буурзд̇у’’нд̇и, д̇асмаасса бхаг̇аваа ‘‘д̣̇уггарамзва монзяяа’’нд̇и д̣̇ассзнд̇о буна ‘‘монзяяам̣ д̇з убан̃н̃исса’’нд̇иаад̣̇имааха. д̇ад̇т̇а убан̃н̃иссанд̇и убан̃н̃аабзяяам̣, гат̇аяиссанд̇и вуд̇д̇ам̣ ход̇и. курад̇хаараа убамаа ассаад̇и курад̇хааруубамо . бхавзд̇и бхавзяяа. го ад̇хиббааяо? монзяяам̣ бадибанно бхигку курад̇хаарам̣ убамам̣ гад̇ваа бажжаязсу вад̇д̇зяяа. яат̇аа мад̇худ̣̇ид̣̇д̇хам̣ курад̇хаарам̣ лиханд̇о, чзд̣̇ад̇о, ж̇ивхам̣ рагкад̇и, звам̣ д̇хаммзна лад̣̇д̇хз бажжаяз барибхун̃ж̇анд̇о жид̇д̇ам̣ гилзсуббад̇д̇ид̇о рагкзяяаад̇и вуд̇д̇ам̣ ход̇и. бажжаяаа хи барисуд̣̇д̇хзна н̃ааязна лад̣̇д̇хун̃жа анаваж̇ж̇абарибхог̇зна барибхун̃ж̇ид̇ун̃жа на сукзна саггаад̇и бхаг̇аваа бажжаяаниссид̇амзва б̣ахусо бхан̣ад̇и. ж̇ивхааяа д̇аалумаахажжа, уд̣̇арз сан̃н̃ад̇о сияаад̇и ж̇ивхааяа д̇аалум̣ уббийл̣зд̇вааби расад̇ан̣хам̣ винод̣̇знд̇о гилидтзна маг̇г̇зна уббаннабажжаяз асзванд̇о уд̣̇арз сам̣яад̇о сияаа.
722. Idāni yasmā imā gāthāyo sutvā nālakattherassa cittaṃ udapādi – ‘‘yadi ettakaṃ moneyyaṃ sukaraṃ na dukkaraṃ, sakkā appakasirena pūretu’’nti, tasmāssa bhagavā ‘‘dukkarameva moneyya’’nti dassento puna ‘‘moneyyaṃ te upaññissa’’ntiādimāha. Tattha upaññissanti upaññāpeyyaṃ, kathayissanti vuttaṃ hoti. Khuradhārā upamā assāti khuradhārūpamo. Bhaveti bhaveyya. Ko adhippāyo? Moneyyaṃ paṭipanno bhikkhu khuradhāraṃ upamaṃ katvā paccayesu vatteyya. Yathā madhudiddhaṃ khuradhāraṃ lihanto, chedato, jivhaṃ rakkhati, evaṃ dhammena laddhe paccaye paribhuñjanto cittaṃ kilesuppattito rakkheyyāti vuttaṃ hoti. Paccayā hi parisuddhena ñāyena laddhuñca anavajjaparibhogena paribhuñjituñca na sukhena sakkāti bhagavā paccayanissitameva bahuso bhaṇati. Jivhāya tālumāhacca, udare saññato siyāti jivhāya tāluṃ uppīḷetvāpi rasataṇhaṃ vinodento kiliṭṭhena maggena uppannapaccaye asevanto udare saṃyato siyā.
723. алийнажид̇д̇о жа сияаад̇и нижжам̣ гусалаанам̣ д̇хаммаанам̣ бхааванааяа адтид̇агаарид̇ааяа агусийд̇ажид̇д̇о жа бхавзяяа. на жааби б̣аху жинд̇аязд̇и н̃аад̇иж̇анабад̣̇аамаравид̇аггавасзна жа б̣ахум̣ на жинд̇зяяа. нираамаг̇анд̇хо асид̇о, б̣рахмажарияабарааяан̣од̇и ниггилзсо жа худ̇ваа д̇ан̣хаад̣̇идтийхи гисмин̃жи бхавз аниссид̇о сигкаад̇д̇аяасагаласаасанаб̣рахмажарияабарааяан̣о зва бхавзяяа.
723.Alīnacitto ca siyāti niccaṃ kusalānaṃ dhammānaṃ bhāvanāya aṭṭhitakāritāya akusītacitto ca bhaveyya. Na cāpi bahu cintayeti ñātijanapadāmaravitakkavasena ca bahuṃ na cinteyya. Nirāmagandho asito, brahmacariyaparāyaṇoti nikkileso ca hutvā taṇhādiṭṭhīhi kismiñci bhave anissito sikkhāttayasakalasāsanabrahmacariyaparāyaṇo eva bhaveyya.
724-5. згаасанассаад̇и вивид̇д̇аасанасса. аасанамукзна жзд̇т̇а саб̣б̣аирияаабат̇аа вуд̇д̇аа. яад̇о саб̣б̣аирияаабат̇зсу згийбхаавасса сигкзяяаад̇и вуд̇д̇ам̣ ход̇ийд̇и взд̣̇ид̇аб̣б̣ам̣. згаасанассаад̇и жа самбад̣̇аанаважанамзд̇ам̣. саман̣уубаасанасса жаад̇и саман̣зхи убаасид̇аб̣б̣асса адтад̇им̣саарамман̣абхааванаануяог̇асса, саман̣аанам̣ ваа убаасанабхууд̇асса адтад̇им̣саарамман̣абхзд̣̇ассзва. ид̣̇амби самбад̣̇аанаважанамзва, убаасанад̇т̇анд̇и вуд̇д̇ам̣ ход̇и. зд̇т̇а жа згаасанзна гааяавивзго, саман̣уубаасанзна жид̇д̇авивзго вуд̇д̇о ход̇ийд̇и взд̣̇ид̇аб̣б̣о. згад̇д̇ам̣ монамагкаад̇анд̇и звамид̣̇ам̣ гааяажид̇д̇авивзгавасзна ‘‘згад̇д̇ам̣ мона’’нд̇и агкаад̇ам̣. зго жз абхирамиссасийд̇и ид̣̇ам̣ бана уд̇д̇араг̇аат̇аабзгкам̣ бад̣̇ам̣, ‘‘ат̇а бхаахиси д̣̇асад̣̇исаа’’д̇и иминаа асса самб̣анд̇хо.
724-5.Ekāsanassāti vivittāsanassa. Āsanamukhena cettha sabbairiyāpathā vuttā. Yato sabbairiyāpathesu ekībhāvassa sikkheyyāti vuttaṃ hotīti veditabbaṃ. Ekāsanassāti ca sampadānavacanametaṃ. Samaṇūpāsanassacāti samaṇehi upāsitabbassa aṭṭhatiṃsārammaṇabhāvanānuyogassa, samaṇānaṃ vā upāsanabhūtassa aṭṭhatiṃsārammaṇabhedasseva. Idampi sampadānavacanameva, upāsanatthanti vuttaṃ hoti. Ettha ca ekāsanena kāyaviveko, samaṇūpāsanena cittaviveko vutto hotīti veditabbo. Ekattaṃ monamakkhātanti evamidaṃ kāyacittavivekavasena ‘‘ekattaṃ mona’’nti akkhātaṃ. Eko ce abhiramissasīti idaṃ pana uttaragāthāpekkhaṃ padaṃ, ‘‘atha bhāhisi dasadisā’’ti iminā assa sambandho.
бхаахисийд̇и бхаасиссаси багаасзссаси. имам̣ бадибад̣̇ам̣ бхаавзнд̇о саб̣б̣ад̣̇исаасу гид̇д̇ияаа баагадо бхависсасийд̇и вуд̇д̇ам̣ ход̇и. суд̇ваа д̇хийраананд̇иаад̣̇ийнам̣ бана жад̇уннам̣ бад̣̇аанам̣ аяамад̇т̇о – язна жа гид̇д̇игхосзна бхаахиси д̣̇асад̣̇исаа д̇ам̣ д̇хийраанам̣ жхааяийнам̣ гаамажааг̇инам̣ нигхосам̣ суд̇ваа ат̇а д̇вам̣ д̇зна уд̣̇д̇хажжам̣ анаабаж̇ж̇ид̇ваа бхияяо хирин̃жа сад̣̇д̇хан̃жа гарзяяааси, д̇зна гхосзна харааяамаано ‘‘нияяаанигабадибад̣̇аа аяа’’нд̇и сад̣̇д̇хам̣ уббаад̣̇зд̇ваа уд̇д̇ари бадибад̇д̇имзва б̣руухзяяааси. маамагод̇и зван̃хи санд̇з мама сааваго ход̇ийд̇и.
Bhāhisīti bhāsissasi pakāsessasi. Imaṃ paṭipadaṃ bhāvento sabbadisāsu kittiyā pākaṭo bhavissasīti vuttaṃ hoti. Sutvā dhīrānantiādīnaṃ pana catunnaṃ padānaṃ ayamattho – yena ca kittighosena bhāhisi dasadisā taṃ dhīrānaṃ jhāyīnaṃ kāmacāginaṃ nighosaṃ sutvā atha tvaṃ tena uddhaccaṃ anāpajjitvā bhiyyo hiriñca saddhañca kareyyāsi, tena ghosena harāyamāno ‘‘niyyānikapaṭipadā aya’’nti saddhaṃ uppādetvā uttari paṭipattimeva brūheyyāsi. Māmakoti evañhi sante mama sāvako hotīti.
726. д̇ам̣ над̣̇ийхийд̇и яам̣ д̇ам̣ маяаа ‘‘хирин̃жа сад̣̇д̇хан̃жа бхияяо губ̣б̣зт̇аа’’д̇и вад̣̇ад̇аа ‘‘уд̣̇д̇хажжам̣ на гаад̇аб̣б̣а’’нд̇и вуд̇д̇ам̣, д̇ам̣ иминаа над̣̇ийнид̣̇ассанзнааби ж̇аанаат̇а, д̇аб̣б̣ибарияааяан̃жа соб̣бхзсу жа бад̣̇арзсужа ж̇аанаат̇а. соб̣бхзсууд̇и маад̇игаасу . бад̣̇арзсууд̇и д̣̇арийсу. гат̇ам̣? сан̣анд̇аа яанд̇и гусоб̣бхаа, д̇ун̣хий яанд̇и маход̣̇ад̇хийд̇и. гусоб̣бхаа хи соб̣бхабад̣̇араад̣̇ибхзд̣̇аа саб̣б̣ааби гуннад̣̇ияо сан̣анд̇аа сад̣̇д̣̇ам̣ гаронд̇аа уд̣̇д̇хад̇аа худ̇ваа яанд̇и, г̇ан̇г̇аад̣̇ибхзд̣̇аа бана махаанад̣̇ияо д̇ун̣хий яанд̇и, звам̣ ‘‘монзяяам̣ буурзмий’’д̇и уд̣̇д̇хад̇о ход̇и амаамаго, маамаго бана хирин̃жа сад̣̇д̇хан̃жа уббаад̣̇зд̇ваа нийжажид̇д̇ова ход̇и.
726.Taṃ nadīhīti yaṃ taṃ mayā ‘‘hiriñca saddhañca bhiyyo kubbethā’’ti vadatā ‘‘uddhaccaṃ na kātabba’’nti vuttaṃ, taṃ iminā nadīnidassanenāpi jānātha, tabbipariyāyañca sobbhesu ca padaresuca jānātha. Sobbhesūti mātikāsu . Padaresūti darīsu. Kathaṃ? Saṇantā yanti kusobbhā, tuṇhī yanti mahodadhīti. Kusobbhā hi sobbhapadarādibhedā sabbāpi kunnadiyo saṇantā saddaṃ karontā uddhatā hutvā yanti, gaṅgādibhedā pana mahānadiyo tuṇhī yanti, evaṃ ‘‘moneyyaṃ pūremī’’ti uddhato hoti amāmako, māmako pana hiriñca saddhañca uppādetvā nīcacittova hoti.
727-9. гин̃жа бхияяо – яад̣̇уунагам̣…бз… бан̣д̣ид̇од̇и. д̇ад̇т̇а сияаа – сажз ад̣дхагумбхуубамо б̣аало сан̣анд̇ад̇ааяа, рахад̣̇о буурова бан̣д̣ид̇о санд̇ад̇ааяа, ат̇а гасмаа б̣уд̣̇д̇хасаман̣о звам̣ д̇хаммад̣̇зсанааб̣яаавадо худ̇ваа б̣ахум̣ бхаасад̇ийд̇и иминаа самб̣анд̇хзна ‘‘яам̣ саман̣о’’д̇и г̇аат̇амааха. д̇ассад̇т̇о – яам̣ б̣уд̣̇д̇хасаман̣о б̣ахум̣ бхаасад̇и убзд̇ам̣ ад̇т̇асан̃хид̇ам̣, ад̇т̇убзд̇ам̣ д̇хаммубзд̇ан̃жа хид̇зна жа сам̣хид̇ам̣, д̇ам̣ на уд̣̇д̇хажжзна, абижа ко ж̇аанам̣ со д̇хаммам̣ д̣̇зсзд̇и д̣̇ивасамби д̣̇зсзнд̇о ниббабан̃жова худ̇ваа. д̇асса хи саб̣б̣ам̣ важийгаммам̣ н̃аан̣аанубаривад̇д̇и. звам̣ д̣̇зсзнд̇о жа ‘‘ид̣̇амасса хид̇ам̣ ид̣̇амасса хид̇а’’нд̇и наанаббагаарад̇о ж̇аанам̣ со б̣аху бхаасад̇и, на гзвалам̣ б̣ахубхаан̣ид̇ааяа. авасаанаг̇аат̇ааяа самб̣анд̇хо – звам̣ д̇аава саб̣б̣ан̃н̃уд̇ан̃н̃аан̣зна саманнааг̇ад̇о б̣уд̣̇д̇хасаман̣о ж̇аанам̣ со д̇хаммам̣ д̣̇зсзд̇и, ж̇аанам̣ со б̣аху бхаасад̇и. д̇зна д̣̇зсид̇ам̣ бана д̇хаммам̣ ниб̣б̣зд̇хабхааг̇иязнзва н̃аан̣зна яо жа ж̇аанам̣ сам̣яад̇ад̇д̇о, ж̇аанам̣ на б̣аху бхаасад̇и, са муни монамарахад̇и, са муни монамаж̇жхаг̇аад̇и. д̇ассад̇т̇о – д̇ам̣ д̇хаммам̣ ж̇аананд̇о сам̣яад̇ад̇д̇о г̇уд̇д̇ажид̇д̇о худ̇ваа яам̣ бхаасид̇ам̣ сад̇д̇аанам̣ хид̇асукаавахам̣ на ход̇и, д̇ам̣ ж̇аанам̣ на б̣аху бхаасад̇и. со звам̣вид̇хо монад̇т̇ам̣ бадибаннаго муни монзяяабадибад̣̇аасан̇каад̇ам̣ монам̣ арахад̇и. на гзвалан̃жа арахад̇иязва, абижа ко бана са муни арахад̇д̇амаг̇г̇ан̃аан̣асан̇каад̇ам̣ монам̣ аж̇жхаг̇аа ижжзва взд̣̇ид̇аб̣б̣од̇и арахад̇д̇анигуудзна д̣̇зсанам̣ нидтаабзси.
727-9. Kiñca bhiyyo – yadūnakaṃ…pe… paṇḍitoti. Tattha siyā – sace aḍḍhakumbhūpamo bālo saṇantatāya, rahado pūrova paṇḍito santatāya, atha kasmā buddhasamaṇo evaṃ dhammadesanābyāvaṭo hutvā bahuṃ bhāsatīti iminā sambandhena ‘‘yaṃ samaṇo’’ti gāthamāha. Tassattho – yaṃ buddhasamaṇo bahuṃ bhāsati upetaṃ atthasañhitaṃ, atthupetaṃ dhammupetañca hitena ca saṃhitaṃ, taṃ na uddhaccena, apica kho jānaṃ so dhammaṃ deseti divasampi desento nippapañcova hutvā. Tassa hi sabbaṃ vacīkammaṃ ñāṇānuparivatti. Evaṃ desento ca ‘‘idamassa hitaṃ idamassa hita’’nti nānappakārato jānaṃ so bahu bhāsati, na kevalaṃ bahubhāṇitāya. Avasānagāthāya sambandho – evaṃ tāva sabbaññutaññāṇena samannāgato buddhasamaṇo jānaṃ so dhammaṃ deseti, jānaṃ so bahu bhāsati. Tena desitaṃ pana dhammaṃ nibbedhabhāgiyeneva ñāṇena yo ca jānaṃ saṃyatatto, jānaṃ na bahu bhāsati, sa muni monamarahati, sa muni monamajjhagāti. Tassattho – taṃ dhammaṃ jānanto saṃyatatto guttacitto hutvā yaṃ bhāsitaṃ sattānaṃ hitasukhāvahaṃ na hoti, taṃ jānaṃ na bahu bhāsati. So evaṃvidho monatthaṃ paṭipannako muni moneyyapaṭipadāsaṅkhātaṃ monaṃ arahati. Na kevalañca arahatiyeva, apica kho pana sa muni arahattamaggañāṇasaṅkhātaṃ monaṃ ajjhagā icceva veditabboti arahattanikūṭena desanaṃ niṭṭhāpesi.
д̇ам̣ суд̇ваа наалагад̇т̇зро д̇ийсу таанзсу аббижчо ахоси д̣̇ассанз саванз бужчааяаад̇и. со хи д̣̇зсанаабарияосаанз басаннажид̇д̇о бхаг̇аванд̇ам̣ ванд̣̇ид̇ваа ванам̣ бавидто, буна ‘‘ахо вад̇аахам̣ бхаг̇аванд̇ам̣ бассзяяа’’нд̇и лолабхаавам̣ на ж̇анзси. аяамасса д̣̇ассанз аббижчад̇аа. д̇ат̇аа ‘‘ахо вад̇аахам̣ буна д̇хаммад̣̇зсанам̣ сун̣зяяа’’нд̇и лолабхаавам̣ на ж̇анзси. аяамасса саванз аббижчад̇аа. д̇ат̇аа ‘‘ахо вад̇аахам̣ буна монзяяабадибад̣̇ам̣ бужчзяяа’’нд̇и лолабхаавам̣ на ж̇анзси. аяамасса бужчааяа аббижчад̇аа.
Taṃ sutvā nālakatthero tīsu ṭhānesu appiccho ahosi dassane savane pucchāyāti. So hi desanāpariyosāne pasannacitto bhagavantaṃ vanditvā vanaṃ paviṭṭho, puna ‘‘aho vatāhaṃ bhagavantaṃ passeyya’’nti lolabhāvaṃ na janesi. Ayamassa dassane appicchatā. Tathā ‘‘aho vatāhaṃ puna dhammadesanaṃ suṇeyya’’nti lolabhāvaṃ na janesi. Ayamassa savane appicchatā. Tathā ‘‘aho vatāhaṃ puna moneyyapaṭipadaṃ puccheyya’’nti lolabhāvaṃ na janesi. Ayamassa pucchāya appicchatā.
со звам̣ аббижчо самаано баб̣б̣ад̇абаад̣̇ам̣ бависид̇ваа згаванасан̣д̣з д̣̇вз д̣̇ивасаани на васи , згаругкамуулз д̣̇вз д̣̇ивасаани на нисийд̣̇и, згаг̇аамз д̣̇вз д̣̇ивасаани бин̣д̣ааяа на баависи. ид̇и ванад̇о ванам̣, ругкад̇о ругкам̣, г̇аамад̇о г̇аамам̣ аахин̣д̣анд̇о ануруубабадибад̣̇ам̣ бадибаж̇ж̇ид̇ваа аг̇г̇апалз бад̇идтааси. ат̇а яасмаа монзяяабадибад̣̇ам̣ уггадтам̣ гад̇ваа буурзнд̇о бхигку сад̇д̇зва маасаани ж̇ийвад̇и, маж̇жхимам̣ гад̇ваа буурзнд̇о сад̇д̇а вассаани, манд̣̇ам̣ гад̇ваа буурзнд̇о сол̣аса вассаани. аяан̃жа уггадтам̣ гад̇ваа буурзси, д̇асмаа сад̇д̇а маасз тад̇ваа ад̇д̇ано ааяусан̇каарабаригкаяам̣ н̃ад̇ваа нхааяид̇ваа ниваасзд̇ваа гааяаб̣анд̇ханам̣ б̣анд̇хид̇ваа д̣̇иг̇ун̣ам̣ сан̇гхаадим̣ баарубид̇ваа д̣̇асаб̣алаабхимуко бан̃жабад̇идтид̇ам̣ ванд̣̇ид̇ваа ан̃ж̇алим̣ баг̇г̇ахзд̇ваа хин̇г̇улагабаб̣б̣ад̇ам̣ ниссааяа тид̇агова анубаад̣̇исзсааяа ниб̣б̣аанад̇хаад̇уяаа бариниб̣б̣ааяи. д̇асса бариниб̣б̣уд̇абхаавам̣ н̃ад̇ваа бхаг̇аваа бхигкусан̇гхзна сад̣̇д̇хим̣ д̇ад̇т̇а г̇анд̇ваа сарийрагижжам̣ гад̇ваа д̇хаад̇уяо г̇аахаабзд̇ваа жзд̇ияам̣ бад̇идтаабзд̇ваа аг̇амаасийд̇и.
So evaṃ appiccho samāno pabbatapādaṃ pavisitvā ekavanasaṇḍe dve divasāni na vasi , ekarukkhamūle dve divasāni na nisīdi, ekagāme dve divasāni piṇḍāya na pāvisi. Iti vanato vanaṃ, rukkhato rukkhaṃ, gāmato gāmaṃ āhiṇḍanto anurūpapaṭipadaṃ paṭipajjitvā aggaphale patiṭṭhāsi. Atha yasmā moneyyapaṭipadaṃ ukkaṭṭhaṃ katvā pūrento bhikkhu satteva māsāni jīvati, majjhimaṃ katvā pūrento satta vassāni, mandaṃ katvā pūrento soḷasa vassāni. Ayañca ukkaṭṭhaṃ katvā pūresi, tasmā satta māse ṭhatvā attano āyusaṅkhāraparikkhayaṃ ñatvā nhāyitvā nivāsetvā kāyabandhanaṃ bandhitvā diguṇaṃ saṅghāṭiṃ pārupitvā dasabalābhimukho pañcapatiṭṭhitaṃ vanditvā añjaliṃ paggahetvā hiṅgulakapabbataṃ nissāya ṭhitakova anupādisesāya nibbānadhātuyā parinibbāyi. Tassa parinibbutabhāvaṃ ñatvā bhagavā bhikkhusaṅghena saddhiṃ tattha gantvā sarīrakiccaṃ katvā dhātuyo gāhāpetvā cetiyaṃ patiṭṭhāpetvā agamāsīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа наалагасуд̇д̇аван̣н̣анаа нидтид̇аа.
Suttanipāta-aṭṭhakathāya nālakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 11. наалагасуд̇д̇ам̣ • 11. Nālakasuttaṃ
