| Library / Tipiṭaka / तिपिटक • Tipiṭaka / अपदानपाळि • Apadānapāḷi |
७. नळमालियत्थेरअपदानं
7. Naḷamāliyattheraapadānaṃ
३६.
36.
‘‘पदुमुत्तरबुद्धस्स, लोकजेट्ठस्स तादिनो।
‘‘Padumuttarabuddhassa, lokajeṭṭhassa tādino;
तिणत्थरे निसिन्नस्स, उपसन्तस्स तादिनो॥
Tiṇatthare nisinnassa, upasantassa tādino.
३७.
37.
बुद्धस्स उपनामेसिं, द्विपदिन्दस्स तादिनो॥
Buddhassa upanāmesiṃ, dvipadindassa tādino.
३८.
38.
‘‘पटिग्गहेत्वा सब्बञ्ञू, बीजनिं लोकनायको।
‘‘Paṭiggahetvā sabbaññū, bījaniṃ lokanāyako;
मम सङ्कप्पमञ्ञाय, इमं गाथं अभासथ॥
Mama saṅkappamaññāya, imaṃ gāthaṃ abhāsatha.
३९.
39.
‘‘‘यथा मे कायो निब्बाति, परिळाहो न विज्जति।
‘‘‘Yathā me kāyo nibbāti, pariḷāho na vijjati;
तथेव तिविधग्गीहि, चित्तं तव विमुच्चतु’॥
Tatheva tividhaggīhi, cittaṃ tava vimuccatu’.
४०.
40.
‘‘सब्बे देवा समागच्छुं, ये केचि वननिस्सिता।
‘‘Sabbe devā samāgacchuṃ, ye keci vananissitā;
सोस्साम बुद्धवचनं, हासयन्तञ्च दायकं॥
Sossāma buddhavacanaṃ, hāsayantañca dāyakaṃ.
४१.
41.
‘‘निसिन्नो भगवा तत्थ, देवसङ्घपुरक्खतो।
‘‘Nisinno bhagavā tattha, devasaṅghapurakkhato;
दायकं सम्पहंसेन्तो, इमा गाथा अभासथ॥
Dāyakaṃ sampahaṃsento, imā gāthā abhāsatha.
४२.
42.
‘‘‘इमिना बीजनिदानेन, चित्तस्स पणिधीहि च।
‘‘‘Iminā bījanidānena, cittassa paṇidhīhi ca;
सुब्बतो नाम नामेन, चक्कवत्ती भविस्सति॥
Subbato nāma nāmena, cakkavattī bhavissati.
४३.
43.
‘‘‘तेन कम्मावसेसेन, सुक्कमूलेन चोदितो।
‘‘‘Tena kammāvasesena, sukkamūlena codito;
मालुतो नाम नामेन, चक्कवत्ती भविस्सति’॥
Māluto nāma nāmena, cakkavattī bhavissati’.
४४.
44.
‘‘‘इमिना बीजनिदानेन, सम्मानविपुलेन च।
‘‘‘Iminā bījanidānena, sammānavipulena ca;
कप्पसतसहस्सम्पि, दुग्गतिं नुपपज्जति॥
Kappasatasahassampi, duggatiṃ nupapajjati.
४५.
45.
‘‘तिंसकप्पसहस्सम्हि, सुब्बता अट्ठतिंस ते।
‘‘Tiṃsakappasahassamhi, subbatā aṭṭhatiṃsa te;
एकूनतिंससहस्से, अट्ठ मालुतनामका॥
Ekūnatiṃsasahasse, aṭṭha mālutanāmakā.
४६.
46.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा नळमालियो थेरो इमा गाथायो अभासित्थाति।
Itthaṃ sudaṃ āyasmā naḷamāliyo thero imā gāthāyo abhāsitthāti.
नळमालियत्थेरस्सापदानं सत्तमं।
Naḷamāliyattherassāpadānaṃ sattamaṃ.
सत्तमभाणवारं।
Sattamabhāṇavāraṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ७. नळमालियत्थेरअपदानवण्णना • 7. Naḷamāliyattheraapadānavaṇṇanā
