| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[97] 7. наамасид̣̇д̇хиж̇аад̇агаван̣н̣анаа
[97] 7. Nāmasiddhijātakavaṇṇanā
ж̇ийваган̃жа мад̇ам̣ д̣̇исваад̇и ид̣̇ам̣ сад̇т̇аа ж̇зд̇аванз вихаранд̇о згам̣ наамасид̣̇д̇хигам̣ бхигкум̣ аараб̣бха гат̇зси. зго гира гулабуд̇д̇о наамзна баабаго наама. со саасанз урам̣ д̣̇ад̇ваа баб̣б̣аж̇ид̇о бхигкуухи ‘‘зхаавусо, баабага, д̇идтаавусо, баабагаа’’д̇и вужжамаано жинд̇зси ‘‘логз баабагам̣ наама лаамагам̣ гаал̣аган̣н̣ибхууд̇ам̣ вужжад̇и, ан̃н̃ам̣ ман̇г̇алабадисам̣яуд̇д̇ам̣ наамам̣ аахараабзссаамий’’д̇и. со аажарияубаж̇жхааяз убасан̇гамид̇ваа ‘‘бханд̇з, маяхам̣ наамам̣ аваман̇г̇алам̣, ан̃н̃ам̣ мз наамам̣ гарот̇аа’’д̇и ааха. ат̇а нам̣ д̇з звамаахам̣су – ‘‘аавусо, наамам̣ наама бан̣н̣ад̇д̇имад̇д̇ам̣, наамзна гаажи ад̇т̇асид̣̇д̇хи наама над̇т̇и, ад̇д̇ано наамзнзва санд̇удто хохий’’д̇и. со бунаббунам̣ яаажиязва. д̇ассааяам̣ наамасид̣̇д̇хигабхааво бхигкусан̇гхз баагадо ж̇аад̇о. ат̇згад̣̇ивасам̣ д̇хаммасабхааяам̣ саннисиннаа бхигкуу гат̇ам̣ самудтаабзсум̣ ‘‘аавусо, асуго гира бхигку наамасид̣̇д̇хиго ман̇г̇алам̣ наамам̣ аахараабзд̇ий’’д̇и. ат̇а сад̇т̇аа д̇хаммасабхам̣ ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, со ид̣̇аанзва, буб̣б̣зби наамасид̣̇д̇хигоязваа’’д̇и вад̇ваа ад̇ийд̇ам̣ аахари.
Jīvakañcamataṃ disvāti idaṃ satthā jetavane viharanto ekaṃ nāmasiddhikaṃ bhikkhuṃ ārabbha kathesi. Eko kira kulaputto nāmena pāpako nāma. So sāsane uraṃ datvā pabbajito bhikkhūhi ‘‘ehāvuso, pāpaka, tiṭṭhāvuso, pāpakā’’ti vuccamāno cintesi ‘‘loke pāpakaṃ nāma lāmakaṃ kāḷakaṇṇibhūtaṃ vuccati, aññaṃ maṅgalapaṭisaṃyuttaṃ nāmaṃ āharāpessāmī’’ti. So ācariyupajjhāye upasaṅkamitvā ‘‘bhante, mayhaṃ nāmaṃ avamaṅgalaṃ, aññaṃ me nāmaṃ karothā’’ti āha. Atha naṃ te evamāhaṃsu – ‘‘āvuso, nāmaṃ nāma paṇṇattimattaṃ, nāmena kāci atthasiddhi nāma natthi, attano nāmeneva santuṭṭho hohī’’ti. So punappunaṃ yāciyeva. Tassāyaṃ nāmasiddhikabhāvo bhikkhusaṅghe pākaṭo jāto. Athekadivasaṃ dhammasabhāyaṃ sannisinnā bhikkhū kathaṃ samuṭṭhāpesuṃ ‘‘āvuso, asuko kira bhikkhu nāmasiddhiko maṅgalaṃ nāmaṃ āharāpetī’’ti. Atha satthā dhammasabhaṃ āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, so idāneva, pubbepi nāmasiddhikoyevā’’ti vatvā atītaṃ āhari.
ад̇ийд̇з д̇аггасилааяам̣ б̣од̇хисад̇д̇о д̣̇исаабаамогко аажарияо худ̇ваа бан̃жа маан̣авагасад̇аани манд̇з ваажзси. д̇ассзго маан̣аво баабаго наама наамзна. со ‘‘зхи, баабага, яаахи, баабагаа’’д̇и вужжамаано жинд̇зси ‘‘маяхам̣ наамам̣ аваман̇г̇алам̣, ан̃н̃ам̣ наамам̣ аахараабзссаамий’’д̇и. со аажарияам̣ убасан̇гамид̇ваа ‘‘аажарияа, маяхам̣ наамам̣ аваман̇г̇алам̣, ан̃н̃ам̣ мз наамам̣ гарот̇аа’’д̇и ааха. ат̇а нам̣ аажарияо авожа ‘‘г̇ажча, д̇аад̇а, ж̇анабад̣̇ажааригам̣ жарид̇ваа ад̇д̇ано абхиружид̇ам̣ згам̣ ман̇г̇аланаамам̣ г̇ахзд̇ваа зхи, ааг̇ад̇асса д̇з наамам̣ баривад̇д̇зд̇ваа ан̃н̃ам̣ наамам̣ гариссаамий’’д̇и. со ‘‘саад̇хуу’’д̇и баат̇зяяам̣ г̇ахзд̇ваа нигканд̇о г̇аамзна г̇аамам̣ жаранд̇о згам̣ наг̇арам̣ баабун̣и. д̇ад̇т̇а жзго бурисо гаалагад̇о ж̇ийваго наама наамзна. со д̇ам̣ н̃аад̇иж̇анзна аал̣ааханам̣ нийяамаанам̣ д̣̇исваа ‘‘гим̣ наамаго зса бурисо’’д̇и бужчи. ‘‘ж̇ийваго наамзсо’’д̇и. ‘‘ж̇ийвагоби марад̇ий’’д̇и? ‘‘ж̇ийвагоби марад̇и, аж̇ийвагоби марад̇и, наамам̣ наама бан̣н̣ад̇д̇имад̇д̇ам̣, д̇вам̣ б̣аало ман̃н̃з’’д̇и. со д̇ам̣ гат̇ам̣ суд̇ваа наамз маж̇жхад̇д̇о худ̇ваа анд̇онаг̇арам̣ баависи.
Atīte takkasilāyaṃ bodhisatto disāpāmokkho ācariyo hutvā pañca māṇavakasatāni mante vācesi. Tasseko māṇavo pāpako nāma nāmena. So ‘‘ehi, pāpaka, yāhi, pāpakā’’ti vuccamāno cintesi ‘‘mayhaṃ nāmaṃ avamaṅgalaṃ, aññaṃ nāmaṃ āharāpessāmī’’ti. So ācariyaṃ upasaṅkamitvā ‘‘ācariya, mayhaṃ nāmaṃ avamaṅgalaṃ, aññaṃ me nāmaṃ karothā’’ti āha. Atha naṃ ācariyo avoca ‘‘gaccha, tāta, janapadacārikaṃ caritvā attano abhirucitaṃ ekaṃ maṅgalanāmaṃ gahetvā ehi, āgatassa te nāmaṃ parivattetvā aññaṃ nāmaṃ karissāmī’’ti. So ‘‘sādhū’’ti pātheyyaṃ gahetvā nikkhanto gāmena gāmaṃ caranto ekaṃ nagaraṃ pāpuṇi. Tattha ceko puriso kālakato jīvako nāma nāmena. So taṃ ñātijanena āḷāhanaṃ nīyamānaṃ disvā ‘‘kiṃ nāmako esa puriso’’ti pucchi. ‘‘Jīvako nāmeso’’ti. ‘‘Jīvakopi maratī’’ti? ‘‘Jīvakopi marati, ajīvakopi marati, nāmaṃ nāma paṇṇattimattaṃ, tvaṃ bālo maññe’’ti. So taṃ kathaṃ sutvā nāme majjhatto hutvā antonagaraṃ pāvisi.
ат̇згам̣ д̣̇аасим̣ бхад̇им̣ ад̣̇ад̣̇амаанам̣ саамигаа д̣̇ваарз нисийд̣̇аабзд̇ваа раж̇ж̇уяаа бахаранд̇и, д̇ассаа жа ‘‘д̇ханабаалий’’д̇и наамам̣ ход̇и. со анд̇аравийт̇ияаа г̇ажчанд̇о д̇ам̣ бот̇ияамаанам̣ д̣̇исваа ‘‘гасмаа имам̣ бот̇зт̇аа’’д̇и бужчи. ‘‘бхад̇им̣ д̣̇аад̇ум̣ на саггод̇ий’’д̇и. ‘‘гим̣ банассаа наама’’нд̇и? ‘‘д̇ханабаалий наамаа’’д̇и. наамзна д̇ханабаалий самаанааби бхад̇имад̇д̇ам̣ д̣̇аад̇ум̣ на саггод̇ийд̇и д̇ханабаалияоби ад̇ханабаалияоби д̣̇уг̇г̇ад̇аа хонд̇и, наамам̣ наама бан̣н̣ад̇д̇имад̇д̇ам̣, д̇вам̣ б̣аало ман̃н̃зд̇и. со наамз маж̇жхад̇д̇ад̇аро худ̇ваа наг̇араа нигкамма маг̇г̇ам̣ бадибанно анд̇араамаг̇г̇з маг̇г̇амуул̣хабурисам̣ д̣̇исваа ‘‘амбхо гим̣ гаронд̇о вижарасий’’д̇и бужчи. ‘‘маг̇г̇амуул̣хомхи, саамий’’д̇и. ‘‘гим̣ бана д̇з наама’’нд̇и? ‘‘бант̇аго наамаа’’д̇и. ‘‘бант̇агоби маг̇г̇амуул̣хо ход̇ий’’д̇и? ‘‘бант̇агоби абант̇агоби маг̇г̇амуул̣хо ход̇и, наамам̣ наама бан̣н̣ад̇д̇имад̇д̇ам̣ д̇вам̣ бана б̣аало ман̃н̃зд̇и’’. со наамз ад̇имаж̇жхад̇д̇о худ̇ваа б̣од̇хисад̇д̇асса санд̇игам̣ г̇анд̇ваа ‘‘гим̣, д̇аад̇а, наамам̣ рожзд̇ваа ааг̇ад̇осий’’д̇и вуд̇д̇з ‘‘аажарияа, ж̇ийвагааби наама маранд̇и аж̇ийвагааби, д̇ханабаалияоби д̣̇уг̇г̇ад̇аа хонд̇и ад̇ханабаалияоби, бант̇агааби маг̇г̇амуул̣хаа хонд̇и абант̇агааби, наамам̣ наама бан̣н̣ад̇д̇имад̇д̇ам̣, наамзна сид̣̇д̇хи над̇т̇и, гаммзнзва сид̣̇д̇хи. алам̣ маяхам̣ ан̃н̃зна наамзна, д̇ад̣̇зва мз наамам̣ ход̇уу’’д̇и ааха. б̣од̇хисад̇д̇о д̇зна д̣̇идтан̃жа гад̇ан̃жа сам̣санд̣̇зд̇ваа имам̣ г̇аат̇амааха –
Athekaṃ dāsiṃ bhatiṃ adadamānaṃ sāmikā dvāre nisīdāpetvā rajjuyā paharanti, tassā ca ‘‘dhanapālī’’ti nāmaṃ hoti. So antaravīthiyā gacchanto taṃ pothiyamānaṃ disvā ‘‘kasmā imaṃ pothethā’’ti pucchi. ‘‘Bhatiṃ dātuṃ na sakkotī’’ti. ‘‘Kiṃ panassā nāma’’nti? ‘‘Dhanapālī nāmā’’ti. Nāmena dhanapālī samānāpi bhatimattaṃ dātuṃ na sakkotīti dhanapāliyopi adhanapāliyopi duggatā honti, nāmaṃ nāma paṇṇattimattaṃ, tvaṃ bālo maññeti. So nāme majjhattataro hutvā nagarā nikkhamma maggaṃ paṭipanno antarāmagge maggamūḷhapurisaṃ disvā ‘‘ambho kiṃ karonto vicarasī’’ti pucchi. ‘‘Maggamūḷhomhi, sāmī’’ti. ‘‘Kiṃ pana te nāma’’nti? ‘‘Panthako nāmā’’ti. ‘‘Panthakopi maggamūḷho hotī’’ti? ‘‘Panthakopi apanthakopi maggamūḷho hoti, nāmaṃ nāma paṇṇattimattaṃ tvaṃ pana bālo maññeti’’. So nāme atimajjhatto hutvā bodhisattassa santikaṃ gantvā ‘‘kiṃ, tāta, nāmaṃ rocetvā āgatosī’’ti vutte ‘‘ācariya, jīvakāpi nāma maranti ajīvakāpi, dhanapāliyopi duggatā honti adhanapāliyopi, panthakāpi maggamūḷhā honti apanthakāpi, nāmaṃ nāma paṇṇattimattaṃ, nāmena siddhi natthi, kammeneva siddhi. Alaṃ mayhaṃ aññena nāmena, tadeva me nāmaṃ hotū’’ti āha. Bodhisatto tena diṭṭhañca katañca saṃsandetvā imaṃ gāthamāha –
97.
97.
‘‘ж̇ийваган̃жа мад̇ам̣ д̣̇исваа, д̇ханабаалин̃жа д̣̇уг̇г̇ад̇ам̣;
‘‘Jīvakañca mataṃ disvā, dhanapāliñca duggataṃ;
бант̇аган̃жа ванз муул̣хам̣, баабаго бунарааг̇ад̇о’’д̇и.
Panthakañca vane mūḷhaṃ, pāpako punarāgato’’ti.
д̇ад̇т̇а бунарааг̇ад̇од̇и имаани д̇ийн̣и гааран̣аани д̣̇исваа буна ааг̇ад̇о, ра-гааро санд̇хивасзна вуд̇д̇о.
Tattha punarāgatoti imāni tīṇi kāraṇāni disvā puna āgato, ra-kāro sandhivasena vutto.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣збзса наамасид̣̇д̇хигоязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа наамасид̣̇д̇хиго ид̣̇ааниби наамасид̣̇д̇хигоязва, аажарияабарисаа б̣уд̣̇д̇хабарисаа, аажарияо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepesa nāmasiddhikoyevā’’ti vatvā jātakaṃ samodhānesi – ‘‘tadā nāmasiddhiko idānipi nāmasiddhikoyeva, ācariyaparisā buddhaparisā, ācariyo pana ahameva ahosi’’nti.
наамасид̣̇д̇хиж̇аад̇агаван̣н̣анаа сад̇д̇амаа.
Nāmasiddhijātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 97. наамасид̣̇д̇хиж̇аад̇агам̣ • 97. Nāmasiddhijātakaṃ
