| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā |
੬. ਞਾਣਕਥਾવਣ੍ਣਨਾ
6. Ñāṇakathāvaṇṇanā
੮੭੬-੮੭੭. ‘‘ਦ੍વਾਦਸવਤ੍ਥੁਕਂ ਞਾਣਂ ਲੋਕੁਤ੍ਤਰ’’ਨ੍ਤਿ ਏਤ੍ਥ ਦ੍વਾਦਸવਤ੍ਥੁਕਸ੍ਸ ਞਾਣਸ੍ਸ ਲੋਕੁਤ੍ਤਰਤਾ ਪਤਿਟ੍ਠਾਪੀਯਤੀਤਿ ਦਸ੍ਸੇਨ੍ਤੋ ਪਠਮવਿਕਪ੍ਪਂ વਤ੍વਾ ਪੁਨ ਲੋਕੁਤ੍ਤਰਞਾਣਸ੍ਸ ਦ੍વਾਦਸવਤ੍ਥੁਕਤਾ ਪਤਿਟ੍ਠਾਪੀਯਤੀਤਿ ਦਸ੍ਸੇਤੁਂ ‘‘ਤਂ વਾ…ਪੇ॰… ਅਤ੍ਥੋ’’ਤਿ ਆਹ। ਪਰਿਞ੍ਞੇਯ੍ਯਨ੍ਤਿ ਏਤ੍ਥ ਇਤਿ-ਸਦ੍ਦੋ ਆਦਿਅਤ੍ਥੋ, ਪਕਾਰਤ੍ਥੋ વਾ। ਤੇਨ ‘‘ਪਹਾਤਬ੍ਬ’’ਨ੍ਤਿ ਏવਮਾਦਿਂ ਸਙ੍ਗਣ੍ਹਾਤਿ। ਪਰਿਞ੍ਞਾਤਨ੍ਤਿ ਏਤ੍ਥਾਪਿ ਏਸੇવ ਨਯੋ। ‘‘ਪਰਿਞ੍ਞੇਯ੍ਯਂ ਪਰਿਞ੍ਞਾਤ’’ਨ੍ਤਿਆਦਿਨਾ ਪਰਿਜਾਨਨਾਦਿਕਿਰਿਯਾਯ ਨਿਬ੍ਬਤ੍ਤੇਤਬ੍ਬਤਾ ਨਿਬ੍ਬਤ੍ਤਿਤਤਾ ਚ ਦਸ੍ਸਿਤਾ, ਨ ਨਿਬ੍ਬਤ੍ਤਿਯਮਾਨਤਾਤਿ। ਯੇਨ ਪਨ ਸਾ ਹੋਤਿ, ਤਂ ਦਸ੍ਸੇਤੁਂ ‘‘ਸਚ੍ਚਞਾਣਂ ਪਨਾ’’ਤਿਆਦਿ વੁਤ੍ਤਂ। ਤਤ੍ਥ ਸਚ੍ਚਞਾਣਨ੍ਤਿ ਦੁਕ੍ਖਾਦਿਸਚ੍ਚਸਭਾવਾવਬੋਧਕਂ ਞਾਣਂ, ਯਂ ਸਨ੍ਧਾਯ ‘‘ਇਦਂ ਦੁਕ੍ਖ’’ਨ੍ਤਿਆਦਿ વੁਤ੍ਤਂ। ਮਗ੍ਗਕ੍ਖਣੇਪੀਤਿ ਅਪਿ-ਸਦ੍ਦੇਨ ਤਤੋ ਪੁਬ੍ਬਾਪਰਭਾਗੇਪੀਤਿ ਦਟ੍ਠਬ੍ਬਂ। ਪਰਿਜਾਨਨਾਦਿਕਿਚ੍ਚਸਾਧਨવਸੇਨ ਹੋਤਿ ਅਸਮ੍ਮੋਹਤੋ વਿਸਯਤੋ ਚਾਤਿ ਅਧਿਪ੍ਪਾਯੋ।
876-877. ‘‘Dvādasavatthukaṃ ñāṇaṃ lokuttara’’nti ettha dvādasavatthukassa ñāṇassa lokuttaratā patiṭṭhāpīyatīti dassento paṭhamavikappaṃ vatvā puna lokuttarañāṇassa dvādasavatthukatā patiṭṭhāpīyatīti dassetuṃ ‘‘taṃ vā…pe… attho’’ti āha. Pariññeyyanti ettha iti-saddo ādiattho, pakārattho vā. Tena ‘‘pahātabba’’nti evamādiṃ saṅgaṇhāti. Pariññātanti etthāpi eseva nayo. ‘‘Pariññeyyaṃ pariññāta’’ntiādinā parijānanādikiriyāya nibbattetabbatā nibbattitatā ca dassitā, na nibbattiyamānatāti. Yena pana sā hoti, taṃ dassetuṃ ‘‘saccañāṇaṃ panā’’tiādi vuttaṃ. Tattha saccañāṇanti dukkhādisaccasabhāvāvabodhakaṃ ñāṇaṃ, yaṃ sandhāya ‘‘idaṃ dukkha’’ntiādi vuttaṃ. Maggakkhaṇepīti api-saddena tato pubbāparabhāgepīti daṭṭhabbaṃ. Parijānanādikiccasādhanavasena hoti asammohato visayato cāti adhippāyo.
ਞਾਣਕਥਾવਣ੍ਣਨਾ ਨਿਟ੍ਠਿਤਾ।
Ñāṇakathāvaṇṇanā niṭṭhitā.
વੀਸਤਿਮવਗ੍ਗવਣ੍ਣਨਾ ਨਿਟ੍ਠਿਤਾ।
Vīsatimavaggavaṇṇanā niṭṭhitā.
ਚਤੁਤ੍ਥੋ ਪਣ੍ਣਾਸਕੋ ਸਮਤ੍ਤੋ।
Catuttho paṇṇāsako samatto.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੯੯) ੬. ਞਾਣਕਥਾ • (199) 6. Ñāṇakathā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੬. ਞਾਣਕਥਾવਣ੍ਣਨਾ • 6. Ñāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੬. ਞਾਣਕਥਾવਣ੍ਣਨਾ • 6. Ñāṇakathāvaṇṇanā
