| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
5. ஞாணங் சித்தவிப்பயுத்தந்திகதா²வண்ணனா
5. Ñāṇaṃ cittavippayuttantikathāvaṇṇanā
616-617. இதா³னி ஞாணங் சித்தவிப்பயுத்தந்திகதா² நாம ஹோதி. தத்த² யஸ்மா அரஹா சக்கு²விஞ்ஞாணாதி³ஸமங்கீ³ படிலத்³த⁴ங் மக்³க³ஞாணங் ஸந்தா⁴ய ‘‘ஞாணீ’’தி வுச்சதி, ந சஸ்ஸ தங் தேன சித்தேன ஸம்பயுத்தங், தஸ்மா ‘‘ஞாணங் சித்தவிப்பயுத்த’’ந்தி யேஸங் லத்³தி⁴, ஸெய்யதா²பி புப்³ப³ஸேலியானங்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ தே ஞாணங் சித்தவிப்பயுத்தங் சித்தவிப்பயுத்தேஸு ரூபாதீ³ஸு அஞ்ஞதரங் ஸியா’’தி சோதே³துங் ரூபந்திஆதி³மாஹ. இதரோ படிக்கி²பதி. ஸேஸங் ஹெட்டா² வுத்தனயமேவ. பரியோஸானே பன பஞ்ஞவாதி புட்டோ² படிலாப⁴வஸேன தங் பவத்திங் இச்ச²தி, தஸ்மா படிஜானாதீதி.
616-617. Idāni ñāṇaṃ cittavippayuttantikathā nāma hoti. Tattha yasmā arahā cakkhuviññāṇādisamaṅgī paṭiladdhaṃ maggañāṇaṃ sandhāya ‘‘ñāṇī’’ti vuccati, na cassa taṃ tena cittena sampayuttaṃ, tasmā ‘‘ñāṇaṃ cittavippayutta’’nti yesaṃ laddhi, seyyathāpi pubbaseliyānaṃ; te sandhāya pucchā sakavādissa, paṭiññā itarassa. Atha naṃ ‘‘yadi te ñāṇaṃ cittavippayuttaṃ cittavippayuttesu rūpādīsu aññataraṃ siyā’’ti codetuṃ rūpantiādimāha. Itaro paṭikkhipati. Sesaṃ heṭṭhā vuttanayameva. Pariyosāne pana paññavāti puṭṭho paṭilābhavasena taṃ pavattiṃ icchati, tasmā paṭijānātīti.
ஞாணங் சித்தவிப்பயுத்தந்திகதா²வண்ணனா.
Ñāṇaṃ cittavippayuttantikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (110) 5. ஞாணங் சித்தவிப்பயுத்தந்திகதா² • (110) 5. Ñāṇaṃ cittavippayuttantikathā
