| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
6. ஞாணராஸிச²க்கனித்³தே³ஸோ
6. Ñāṇarāsichakkaniddeso
183. கதமானி சதுவீஸதி ஸமாதி⁴வஸேன ஞாணானி? தீ³க⁴ங் அஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴, தீ³க⁴ங் பஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴…பே॰… விமோசயங் சித்தங் அஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴, விமோசயங் சித்தங் பஸ்ஸாஸவஸேன சித்தஸ்ஸ ஏகக்³க³தா அவிக்கே²போ ஸமாதி⁴. இமானி சதுவீஸதி ஸமாதி⁴வஸேன ஞாணானி.
183. Katamāni catuvīsati samādhivasena ñāṇāni? Dīghaṃ assāsavasena cittassa ekaggatā avikkhepo samādhi, dīghaṃ passāsavasena cittassa ekaggatā avikkhepo samādhi…pe… vimocayaṃ cittaṃ assāsavasena cittassa ekaggatā avikkhepo samādhi, vimocayaṃ cittaṃ passāsavasena cittassa ekaggatā avikkhepo samādhi. Imāni catuvīsati samādhivasena ñāṇāni.
கதமானி த்³வேஸத்ததி விபஸ்ஸனாவஸேன ஞாணானி? தீ³க⁴ங் அஸ்ஸாஸங் அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா, தீ³க⁴ங் பஸ்ஸாஸங் அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா…பே॰… விமோசயங் சித்தங் அஸ்ஸாஸங், விமோசயங் சித்தங் பஸ்ஸாஸங் அனிச்சதோ அனுபஸ்ஸனட்டே²ன விபஸ்ஸனா, து³க்க²தோ அனுபஸ்ஸனட்டே²ன விபஸ்ஸனா, அனத்ததோ அனுபஸ்ஸனட்டே²ன விபஸ்ஸனா. இமானி த்³வேஸத்ததி விபஸ்ஸனாவஸேன ஞாணானி.
Katamāni dvesattati vipassanāvasena ñāṇāni? Dīghaṃ assāsaṃ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā, dīghaṃ passāsaṃ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā…pe… vimocayaṃ cittaṃ assāsaṃ, vimocayaṃ cittaṃ passāsaṃ aniccato anupassanaṭṭhena vipassanā, dukkhato anupassanaṭṭhena vipassanā, anattato anupassanaṭṭhena vipassanā. Imāni dvesattati vipassanāvasena ñāṇāni.
கதமானி அட்ட² நிப்³பி³தா³ஞாணானி? அனிச்சானுபஸ்ஸீ அஸ்ஸாஸங் யதா²பூ⁴தங் ஜானாதி பஸ்ஸதீதி – நிப்³பி³தா³ஞாணங், அனிச்சானுபஸ்ஸீ பஸ்ஸாஸங் யதா²பூ⁴தங் ஜானாதி பஸ்ஸதீதி – நிப்³பி³தா³ஞாணங்…பே॰… படினிஸ்ஸக்³கா³னுபஸ்ஸீ அஸ்ஸாஸங் யதா²பூ⁴தங் ஜானாதி பஸ்ஸதீதி – நிப்³பி³தா³ஞாணங், படினிஸ்ஸக்³கா³னுபஸ்ஸீ பஸ்ஸாஸங் யதா²பூ⁴தங் ஜானாதி பஸ்ஸதீதி – நிப்³பி³தா³ஞாணங். இமானி அட்ட² நிப்³பி³தா³ஞாணானி.
Katamāni aṭṭha nibbidāñāṇāni? Aniccānupassī assāsaṃ yathābhūtaṃ jānāti passatīti – nibbidāñāṇaṃ, aniccānupassī passāsaṃ yathābhūtaṃ jānāti passatīti – nibbidāñāṇaṃ…pe… paṭinissaggānupassī assāsaṃ yathābhūtaṃ jānāti passatīti – nibbidāñāṇaṃ, paṭinissaggānupassī passāsaṃ yathābhūtaṃ jānāti passatīti – nibbidāñāṇaṃ. Imāni aṭṭha nibbidāñāṇāni.
கதமானி அட்ட² நிப்³பி³தா³னுலோமே ஞாணானி? அனிச்சானுபஸ்ஸீ அஸ்ஸாஸங் ப⁴யதுபட்டா²னே பஞ்ஞா நிப்³பி³தா³னுலோமே ஞாணங், அனிச்சானுபஸ்ஸீ பஸ்ஸாஸங் ப⁴யதுபட்டா²னே பஞ்ஞா நிப்³பி³தா³னுலோமே ஞாணங்…பே॰… படினிஸ்ஸக்³கா³னுபஸ்ஸீ அஸ்ஸாஸங் ப⁴யதுபட்டா²னே பஞ்ஞா நிப்³பி³தா³னுலோமே ஞாணங், படினிஸ்ஸக்³கா³னுபஸ்ஸீ பஸ்ஸாஸங் ப⁴யதுபட்டா²னே பஞ்ஞா நிப்³பி³தா³னுலோமே ஞாணங் – இமானி அட்ட² நிப்³பி³தா³னுலோமே ஞாணானி.
Katamāni aṭṭha nibbidānulome ñāṇāni? Aniccānupassī assāsaṃ bhayatupaṭṭhāne paññā nibbidānulome ñāṇaṃ, aniccānupassī passāsaṃ bhayatupaṭṭhāne paññā nibbidānulome ñāṇaṃ…pe… paṭinissaggānupassī assāsaṃ bhayatupaṭṭhāne paññā nibbidānulome ñāṇaṃ, paṭinissaggānupassī passāsaṃ bhayatupaṭṭhāne paññā nibbidānulome ñāṇaṃ – imāni aṭṭha nibbidānulome ñāṇāni.
கதமானி அட்ட² நிப்³பி³தா³படிப்பஸ்ஸத்³தி⁴ஞாணானி? அனிச்சானுபஸ்ஸீ அஸ்ஸாஸங் படிஸங்கா² ஸந்திட்ட²னா பஞ்ஞா நிப்³பி³தா³படிப்பஸ்ஸத்³தி⁴ஞாணங், அனிச்சானுபஸ்ஸீ பஸ்ஸாஸங் படிஸங்கா² ஸந்திட்ட²னா பஞ்ஞா நிப்³பி³தா³படிப்பஸ்ஸத்³தி⁴ஞாணங்…பே॰… படினிஸ்ஸக்³கா³னுபஸ்ஸீ அஸ்ஸாஸங் படிஸங்கா² ஸந்திட்ட²னா பஞ்ஞா நிப்³பி³தா³படிப்பஸ்ஸத்³தி⁴ஞாணங், படினிஸ்ஸக்³கா³னுபஸ்ஸீ பஸ்ஸாஸங் படிஸங்கா² ஸந்திட்ட²னா பஞ்ஞா நிப்³பி³தா³படிப்பஸ்ஸத்³தி⁴ஞாணங் – இமானி அட்ட² நிப்³பி³தா³படிப்பஸ்ஸத்³தி⁴ஞாணானி.
Katamāni aṭṭha nibbidāpaṭippassaddhiñāṇāni? Aniccānupassī assāsaṃ paṭisaṅkhā santiṭṭhanā paññā nibbidāpaṭippassaddhiñāṇaṃ, aniccānupassī passāsaṃ paṭisaṅkhā santiṭṭhanā paññā nibbidāpaṭippassaddhiñāṇaṃ…pe… paṭinissaggānupassī assāsaṃ paṭisaṅkhā santiṭṭhanā paññā nibbidāpaṭippassaddhiñāṇaṃ, paṭinissaggānupassī passāsaṃ paṭisaṅkhā santiṭṭhanā paññā nibbidāpaṭippassaddhiñāṇaṃ – imāni aṭṭha nibbidāpaṭippassaddhiñāṇāni.
கதமானி ஏகவீஸதி விமுத்திஸுகே² ஞாணானி? ஸோதாபத்திமக்³கே³ன ஸக்காயதி³ட்டி²யா பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணங், விசிகிச்சா²ய பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணங், ஸீலப்³ப³தபராமாஸஸ்ஸ…பே॰… தி³ட்டா²னுஸயஸ்ஸ, விசிகிச்சா²னுஸயஸ்ஸ பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணங், ஸகதா³கா³மிமக்³கே³ன ஓளாரிகஸ்ஸ, காமராக³ஸஞ்ஞோஜனஸ்ஸ…பே॰… படிக⁴ஸஞ்ஞோஜனஸ்ஸ, ஓளாரிகஸ்ஸ காமராகா³னுஸயஸ்ஸ, படிகா⁴னுஸயஸ்ஸ பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணங், அனாகா³மிமக்³கே³ன அனுஸஹக³தஸ்ஸ காமராக³ஸஞ்ஞோஜனஸ்ஸ…பே॰… படிக⁴ஸஞ்ஞோஜனஸ்ஸ, அனுஸஹக³தஸ்ஸ காமராகா³னுஸயஸ்ஸ, படிகா⁴னுஸயஸ்ஸ பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணங், அரஹத்தமக்³கே³ன, ரூபராக³ஸ்ஸ…பே॰… அரூபராக³ஸ்ஸ, மானஸ்ஸ, உத்³த⁴ச்சஸ்ஸ, அவிஜ்ஜாய, மானானுஸயஸ்ஸ, ப⁴வராகா³னுஸயஸ்ஸ, அவிஜ்ஜானுஸயஸ்ஸ பஹீனத்தா ஸமுச்சி²ன்னத்தா உப்பஜ்ஜதி விமுத்திஸுகே² ஞாணங். இமானி ஏகவீஸதி விமுத்திஸுகே² ஞாணானி. ஸோளஸவத்து²கங் ஆனாபானஸ்ஸதிஸமாதி⁴ங் பா⁴வயதோ ஸமதி⁴கானி இமானி த்³வே ஞாணஸதானி உப்பஜ்ஜந்தி.
Katamāni ekavīsati vimuttisukhe ñāṇāni? Sotāpattimaggena sakkāyadiṭṭhiyā pahīnattā samucchinnattā uppajjati vimuttisukhe ñāṇaṃ, vicikicchāya pahīnattā samucchinnattā uppajjati vimuttisukhe ñāṇaṃ, sīlabbataparāmāsassa…pe… diṭṭhānusayassa, vicikicchānusayassa pahīnattā samucchinnattā uppajjati vimuttisukhe ñāṇaṃ, sakadāgāmimaggena oḷārikassa, kāmarāgasaññojanassa…pe… paṭighasaññojanassa, oḷārikassa kāmarāgānusayassa, paṭighānusayassa pahīnattā samucchinnattā uppajjati vimuttisukhe ñāṇaṃ, anāgāmimaggena anusahagatassa kāmarāgasaññojanassa…pe… paṭighasaññojanassa, anusahagatassa kāmarāgānusayassa, paṭighānusayassa pahīnattā samucchinnattā uppajjati vimuttisukhe ñāṇaṃ, arahattamaggena, rūparāgassa…pe… arūparāgassa, mānassa, uddhaccassa, avijjāya, mānānusayassa, bhavarāgānusayassa, avijjānusayassa pahīnattā samucchinnattā uppajjati vimuttisukhe ñāṇaṃ. Imāni ekavīsati vimuttisukhe ñāṇāni. Soḷasavatthukaṃ ānāpānassatisamādhiṃ bhāvayato samadhikāni imāni dve ñāṇasatāni uppajjanti.
ஞாணராஸிச²க்கனித்³தே³ஸோ ச²ட்டோ².
Ñāṇarāsichakkaniddeso chaṭṭho.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 6. ஞாணராஸிச²க்கனித்³தே³ஸவண்ணனா • 6. Ñāṇarāsichakkaniddesavaṇṇanā
