| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਞਾਣਸਞ੍ਞਿਕਤ੍ਥੇਰਅਪਦਾਨવਣ੍ਣਨਾ
2. Ñāṇasaññikattheraapadānavaṇṇanā
ਸੁવਣ੍ਣવਣ੍ਣਂ ਸਮ੍ਬੁਦ੍ਧਨ੍ਤਿਆਦਿਕਂ ਆਯਸ੍ਮਤੋ ਞਾਣਸਞ੍ਞਿਕਤ੍ਥੇਰਸ੍ਸ ਅਪਦਾਨਂ। ਕਾ ਉਪ੍ਪਤ੍ਤਿ? ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਦ੍ਧਾਜਾਤੋ ਸਦ੍ਧਮ੍ਮਸ੍ਸવਨੇ ਸਾਦਰੋ ਸਾਲਯੋ ਭਗવਤੋ ਧਮ੍ਮਦੇਸਨਾਨੁਸਾਰੇਨ ਞਾਣਂ ਪੇਸੇਤ੍વਾ ਘੋਸਪਮਾਣਤ੍ਤਾ ਭਗવਤੋ ਞਾਣੇ ਪਸਨ੍ਨੋ ਪਞ੍ਚਙ੍ਗਅਟ੍ਠਙ੍ਗਨਮਕ੍ਕਾਰવਸੇਨ ਪਣਾਮਂ ਕਤ੍વਾ ਪਕ੍ਕਾਮਿ। ਸੋ ਤਤੋ ਚੁਤੋ ਦੇવਲੋਕੇਸੁ ਉਪ੍ਪਨ੍ਨੋ ਤਤ੍ਥ ਛ ਕਾਮਾવਚਰੇ ਦਿਬ੍ਬਸਮ੍ਪਤ੍ਤਿਮਨੁਭવਨ੍ਤੋ ਤਤੋ ਚવਿਤ੍વਾ ਮਨੁਸ੍ਸਲੋਕੇ ਜਾਤੋ ਤਤ੍ਥਗ੍ਗਭੂਤਾ ਚਕ੍ਕવਤ੍ਤਿਸਮ੍ਪਦਾਦਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Suvaṇṇavaṇṇaṃsambuddhantiādikaṃ āyasmato ñāṇasaññikattherassa apadānaṃ. Kā uppatti? Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle kulagehe nibbatto vuddhimanvāya saddhājāto saddhammassavane sādaro sālayo bhagavato dhammadesanānusārena ñāṇaṃ pesetvā ghosapamāṇattā bhagavato ñāṇe pasanno pañcaṅgaaṭṭhaṅganamakkāravasena paṇāmaṃ katvā pakkāmi. So tato cuto devalokesu uppanno tattha cha kāmāvacare dibbasampattimanubhavanto tato cavitvā manussaloke jāto tatthaggabhūtā cakkavattisampadādayo anubhavitvā imasmiṃ buddhuppāde vibhavasampanne ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
੭. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੁવਣ੍ਣવਣ੍ਣਂ ਸਮ੍ਬੁਦ੍ਧਨ੍ਤਿਆਦਿਮਾਹ। ਤਂ વੁਤ੍ਤਤ੍ਥਮੇવ। ਨਿਸਭਾਜਾਨਿਯਂ ਯਥਾਤਿ ਗવਸਤਸਹਸ੍ਸਜੇਟ੍ਠੋ ਨਿਸਭੋ, ਨਿਸਭੋ ਚ ਸੋ ਆਜਾਨਿਯੋ ਸੇਟ੍ਠੋ ਉਤ੍ਤਮੋ ਚੇਤਿ ਨਿਸਭਾਜਾਨਿਯੋ। ਯਥਾ ਨਿਸਭਾਜਾਨਿਯੋ, ਤਥੇવ ਭਗવਾਤਿ ਅਤ੍ਥੋ। ਲੋਕવਿਸਯਸਞ੍ਞਾਤਂ ਪਞ੍ਞਤ੍ਤਿવਸੇਨ ਏવਂ વੁਤ੍ਤਂ। ਅਨੁਪਮੇਯ੍ਯੋ ਹਿ ਭਗવਾ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
7. So aparabhāge attano pubbakammaṃ saritvā somanassajāto pubbacaritāpadānaṃ pakāsento suvaṇṇavaṇṇaṃ sambuddhantiādimāha. Taṃ vuttatthameva. Nisabhājāniyaṃ yathāti gavasatasahassajeṭṭho nisabho, nisabho ca so ājāniyo seṭṭho uttamo ceti nisabhājāniyo. Yathā nisabhājāniyo, tatheva bhagavāti attho. Lokavisayasaññātaṃ paññattivasena evaṃ vuttaṃ. Anupameyyo hi bhagavā. Sesaṃ sabbattha uttānatthamevāti.
ਞਾਣਸਞ੍ਞਿਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Ñāṇasaññikattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਞਾਣਸਞ੍ਞਿਕਤ੍ਥੇਰਅਪਦਾਨਂ • 2. Ñāṇasaññikattheraapadānaṃ
