| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. н̃аан̣авад̇т̇усуд̇д̇ам̣
3. Ñāṇavatthusuttaṃ
33. саавад̇т̇ияам̣…бз… ‘‘жад̇ужад̇д̇аарийсам̣ во, бхигкавз, н̃аан̣авад̇т̇ууни д̣̇зсзссаами, д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
33. Sāvatthiyaṃ…pe… ‘‘catucattārīsaṃ vo, bhikkhave, ñāṇavatthūni desessāmi, taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘гад̇амаани 1, бхигкавз, жад̇ужад̇д̇аарийсам̣ н̃аан̣авад̇т̇ууни? ж̇араамаран̣з н̃аан̣ам̣, ж̇араамаран̣асамуд̣̇аяз н̃аан̣ам̣, ж̇араамаран̣анирод̇хз н̃аан̣ам̣, ж̇араамаран̣анирод̇хаг̇ааминияаа бадибад̣̇ааяа н̃аан̣ам̣; ж̇аад̇ияаа н̃аан̣ам̣, ж̇аад̇исамуд̣̇аяз н̃аан̣ам̣, ж̇аад̇инирод̇хз н̃аан̣ам̣, ж̇аад̇инирод̇хаг̇ааминияаа бадибад̣̇ааяа н̃аан̣ам̣; бхавз н̃аан̣ам̣, бхавасамуд̣̇аяз н̃аан̣ам̣, бхаванирод̇хз н̃аан̣ам̣, бхаванирод̇хаг̇ааминияаа бадибад̣̇ааяа н̃аан̣ам̣; убаад̣̇аанз н̃аан̣ам̣, убаад̣̇аанасамуд̣̇аяз н̃аан̣ам̣, убаад̣̇аананирод̇хз н̃аан̣ам̣, убаад̣̇аананирод̇хаг̇ааминияаа бадибад̣̇ааяа н̃аан̣ам̣; д̇ан̣хааяа н̃аан̣ам̣, д̇ан̣хаасамуд̣̇аяз н̃аан̣ам̣, д̇ан̣хаанирод̇хз н̃аан̣ам̣, д̇ан̣хаанирод̇хаг̇ааминияаа бадибад̣̇ааяа н̃аан̣ам̣; взд̣̇анааяа н̃аан̣ам̣, взд̣̇анаасамуд̣̇аяз н̃аан̣ам̣, взд̣̇анаанирод̇хз н̃аан̣ам̣, взд̣̇анаанирод̇хаг̇ааминияаа бадибад̣̇ааяа н̃аан̣ам̣; пассз н̃аан̣ам̣…бз… сал̣ааяад̇анз н̃аан̣ам̣… наамаруубз н̃аан̣ам̣… вин̃н̃аан̣з н̃аан̣ам̣… сан̇каарзсу н̃аан̣ам̣, сан̇каарасамуд̣̇аяз н̃аан̣ам̣, сан̇кааранирод̇хз н̃аан̣ам̣, сан̇кааранирод̇хаг̇ааминияаа бадибад̣̇ааяа н̃аан̣ам̣. имаани вужжанд̇и, бхигкавз, жад̇ужад̇д̇аарийсам̣ н̃аан̣авад̇т̇ууни.
‘‘Katamāni 2, bhikkhave, catucattārīsaṃ ñāṇavatthūni? Jarāmaraṇe ñāṇaṃ, jarāmaraṇasamudaye ñāṇaṃ, jarāmaraṇanirodhe ñāṇaṃ, jarāmaraṇanirodhagāminiyā paṭipadāya ñāṇaṃ; jātiyā ñāṇaṃ, jātisamudaye ñāṇaṃ, jātinirodhe ñāṇaṃ, jātinirodhagāminiyā paṭipadāya ñāṇaṃ; bhave ñāṇaṃ, bhavasamudaye ñāṇaṃ, bhavanirodhe ñāṇaṃ, bhavanirodhagāminiyā paṭipadāya ñāṇaṃ; upādāne ñāṇaṃ, upādānasamudaye ñāṇaṃ, upādānanirodhe ñāṇaṃ, upādānanirodhagāminiyā paṭipadāya ñāṇaṃ; taṇhāya ñāṇaṃ, taṇhāsamudaye ñāṇaṃ, taṇhānirodhe ñāṇaṃ, taṇhānirodhagāminiyā paṭipadāya ñāṇaṃ; vedanāya ñāṇaṃ, vedanāsamudaye ñāṇaṃ, vedanānirodhe ñāṇaṃ, vedanānirodhagāminiyā paṭipadāya ñāṇaṃ; phasse ñāṇaṃ…pe… saḷāyatane ñāṇaṃ… nāmarūpe ñāṇaṃ… viññāṇe ñāṇaṃ… saṅkhāresu ñāṇaṃ, saṅkhārasamudaye ñāṇaṃ, saṅkhāranirodhe ñāṇaṃ, saṅkhāranirodhagāminiyā paṭipadāya ñāṇaṃ. Imāni vuccanti, bhikkhave, catucattārīsaṃ ñāṇavatthūni.
‘‘гад̇аман̃жа, бхигкавз, ж̇араамаран̣ам̣? яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇араа ж̇ийран̣ад̇аа кан̣д̣ижжам̣ баалижжам̣ валид̇д̇ажад̇аа ааяуно сам̣хаани инд̣̇рияаанам̣ барибааго, аяам̣ вужжад̇и ж̇араа. яаа д̇зсам̣ д̇зсам̣ сад̇д̇аанам̣ д̇амхаа д̇амхаа сад̇д̇анигааяаа жуд̇и жаванад̇аа бхзд̣̇о анд̇арад̇хаанам̣ мажжу маран̣ам̣ гаалагирияаа канд̇хаанам̣ бхзд̣̇о гал̣зварасса нигкзбо. ид̣̇ам̣ вужжад̇и маран̣ам̣. ид̇и аяан̃жа ж̇араа, ид̣̇ан̃жа маран̣ам̣; ид̣̇ам̣ вужжад̇и, бхигкавз, ж̇араамаран̣ам̣.
‘‘Katamañca, bhikkhave, jarāmaraṇaṃ? Yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko, ayaṃ vuccati jarā. Yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā khandhānaṃ bhedo kaḷevarassa nikkhepo. Idaṃ vuccati maraṇaṃ. Iti ayañca jarā, idañca maraṇaṃ; idaṃ vuccati, bhikkhave, jarāmaraṇaṃ.
‘‘ж̇аад̇исамуд̣̇аяаа ж̇араамаран̣асамуд̣̇аяо; ж̇аад̇инирод̇хаа ж̇араамаран̣анирод̇хо; аяамзва арияо адтан̇г̇иго маг̇г̇о ж̇араамаран̣анирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
‘‘Jātisamudayā jarāmaraṇasamudayo; jātinirodhā jarāmaraṇanirodho; ayameva ariyo aṭṭhaṅgiko maggo jarāmaraṇanirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, бхигкавз, арияасааваго звам̣ ж̇араамаран̣ам̣ баж̇аанаад̇и, звам̣ ж̇араамаран̣асамуд̣̇аяам̣ баж̇аанаад̇и, звам̣ ж̇араамаран̣анирод̇хам̣ баж̇аанаад̇и, звам̣ ж̇араамаран̣анирод̇хаг̇ааминим̣ бадибад̣̇ам̣ баж̇аанаад̇и, ид̣̇амасса д̇хаммз н̃аан̣ам̣ . со иминаа д̇хаммзна д̣̇идтзна вид̣̇ид̇зна агаалигзна бад̇д̇зна барияог̇аал̣хзна ад̇ийд̇аанааг̇ад̇зна яам̣ нзд̇и.
‘‘Yato kho, bhikkhave, ariyasāvako evaṃ jarāmaraṇaṃ pajānāti, evaṃ jarāmaraṇasamudayaṃ pajānāti, evaṃ jarāmaraṇanirodhaṃ pajānāti, evaṃ jarāmaraṇanirodhagāminiṃ paṭipadaṃ pajānāti, idamassa dhamme ñāṇaṃ . So iminā dhammena diṭṭhena viditena akālikena pattena pariyogāḷhena atītānāgatena yaṃ neti.
‘‘яз ко гзжи ад̇ийд̇амад̣̇д̇хаанам̣ саман̣аа ваа б̣раахман̣аа ваа ж̇араамаран̣ам̣ аб̣бхан̃н̃ам̣су, ж̇араамаран̣асамуд̣̇аяам̣ аб̣бхан̃н̃ам̣су, ж̇араамаран̣анирод̇хам̣ аб̣бхан̃н̃ам̣су, ж̇араамаран̣анирод̇хаг̇ааминим̣ бадибад̣̇ам̣ аб̣бхан̃н̃ам̣су, саб̣б̣з д̇з звамзва аб̣бхан̃н̃ам̣су, сзяяат̇аабаахам̣ зд̇арахи.
‘‘Ye kho keci atītamaddhānaṃ samaṇā vā brāhmaṇā vā jarāmaraṇaṃ abbhaññaṃsu, jarāmaraṇasamudayaṃ abbhaññaṃsu, jarāmaraṇanirodhaṃ abbhaññaṃsu, jarāmaraṇanirodhagāminiṃ paṭipadaṃ abbhaññaṃsu, sabbe te evameva abbhaññaṃsu, seyyathāpāhaṃ etarahi.
‘‘язби хи гзжи анааг̇ад̇амад̣̇д̇хаанам̣ саман̣аа ваа б̣раахман̣аа ваа ж̇араамаран̣ам̣ абхиж̇ааниссанд̇и, ж̇араамаран̣асамуд̣̇аяам̣ абхиж̇ааниссанд̇и, ж̇араамаран̣анирод̇хам̣ абхиж̇ааниссанд̇и, ж̇араамаран̣анирод̇хаг̇ааминим̣ бадибад̣̇ам̣ абхиж̇ааниссанд̇и, саб̣б̣з д̇з звамзва абхиж̇ааниссанд̇и, сзяяат̇аабаахам̣ зд̇арахийд̇и. ид̣̇амасса анваяз н̃аан̣ам̣.
‘‘Yepi hi keci anāgatamaddhānaṃ samaṇā vā brāhmaṇā vā jarāmaraṇaṃ abhijānissanti, jarāmaraṇasamudayaṃ abhijānissanti, jarāmaraṇanirodhaṃ abhijānissanti, jarāmaraṇanirodhagāminiṃ paṭipadaṃ abhijānissanti, sabbe te evameva abhijānissanti, seyyathāpāhaṃ etarahīti. Idamassa anvaye ñāṇaṃ.
‘‘яад̇о ко, бхигкавз, арияасаавагасса имаани д̣̇вз н̃аан̣аани барисуд̣̇д̇хаани хонд̇и барияод̣̇аад̇аани – д̇хаммз н̃аан̣ан̃жа анваяз н̃аан̣ан̃жа. аяам̣ вужжад̇и, бхигкавз, арияасааваго д̣̇идтисамбанно ид̇иби, д̣̇ассанасамбанно ид̇иби, ааг̇ад̇о имам̣ сад̣̇д̇хаммам̣ ид̇иби, бассад̇и имам̣ сад̣̇д̇хаммам̣ ид̇иби, сзгкзна н̃аан̣зна саманнааг̇ад̇о ид̇иби, сзгкааяа виж̇ж̇ааяа саманнааг̇ад̇о ид̇иби, д̇хаммасод̇ам̣ самаабанно ид̇иби, арияо ниб̣б̣зд̇хигабан̃н̃о ид̇иби, амад̇ад̣̇ваарам̣ аахажжа д̇идтад̇и ид̇ибийд̇и.
‘‘Yato kho, bhikkhave, ariyasāvakassa imāni dve ñāṇāni parisuddhāni honti pariyodātāni – dhamme ñāṇañca anvaye ñāṇañca. Ayaṃ vuccati, bhikkhave, ariyasāvako diṭṭhisampanno itipi, dassanasampanno itipi, āgato imaṃ saddhammaṃ itipi, passati imaṃ saddhammaṃ itipi, sekkhena ñāṇena samannāgato itipi, sekkhāya vijjāya samannāgato itipi, dhammasotaṃ samāpanno itipi, ariyo nibbedhikapañño itipi, amatadvāraṃ āhacca tiṭṭhati itipīti.
‘‘гад̇амаа жа, бхигкавз, ж̇аад̇и…бз… гад̇амо жа, бхигкавз, бхаво… гад̇аман̃жа, бхигкавз, убаад̣̇аанам̣… гад̇амаа жа, бхигкавз д̇ан̣хаа… гад̇амаа жа, бхигкавз, взд̣̇анаа… гад̇амо жа, бхигкавз, пассо… гад̇аман̃жа, бхигкавз , сал̣ааяад̇анам̣… гад̇аман̃жа, бхигкавз, наамаруубам̣ … гад̇аман̃жа, бхигкавз, вин̃н̃аан̣ам̣… гад̇амз жа, бхигкавз, сан̇каараа? д̇аяомз, бхигкавз , сан̇каараа – гааяасан̇кааро, важийсан̇кааро, жид̇д̇асан̇каарод̇и. имз вужжанд̇и, бхигкавз, сан̇каараа.
‘‘Katamā ca, bhikkhave, jāti…pe… katamo ca, bhikkhave, bhavo… katamañca, bhikkhave, upādānaṃ… katamā ca, bhikkhave taṇhā… katamā ca, bhikkhave, vedanā… katamo ca, bhikkhave, phasso… katamañca, bhikkhave , saḷāyatanaṃ… katamañca, bhikkhave, nāmarūpaṃ … katamañca, bhikkhave, viññāṇaṃ… katame ca, bhikkhave, saṅkhārā? Tayome, bhikkhave , saṅkhārā – kāyasaṅkhāro, vacīsaṅkhāro, cittasaṅkhāroti. Ime vuccanti, bhikkhave, saṅkhārā.
‘‘авиж̇ж̇аасамуд̣̇аяаа сан̇каарасамуд̣̇аяо; авиж̇ж̇аанирод̇хаа сан̇кааранирод̇хо; аяамзва арияо адтан̇г̇иго маг̇г̇о сан̇кааранирод̇хаг̇ааминий бадибад̣̇аа, сзяяат̇ид̣̇ам̣ – саммаад̣̇идти…бз… саммаасамаад̇хи.
‘‘Avijjāsamudayā saṅkhārasamudayo; avijjānirodhā saṅkhāranirodho; ayameva ariyo aṭṭhaṅgiko maggo saṅkhāranirodhagāminī paṭipadā, seyyathidaṃ – sammādiṭṭhi…pe… sammāsamādhi.
‘‘яад̇о ко, бхигкавз, арияасааваго звам̣ сан̇каарз баж̇аанаад̇и, звам̣ сан̇каарасамуд̣̇аяам̣ баж̇аанаад̇и , звам̣ сан̇кааранирод̇хам̣ баж̇аанаад̇и, звам̣ сан̇кааранирод̇хаг̇ааминим̣ бадибад̣̇ам̣ баж̇аанаад̇и, ид̣̇амасса д̇хаммз н̃аан̣ам̣. со иминаа д̇хаммзна д̣̇идтзна вид̣̇ид̇зна агаалигзна бад̇д̇зна барияог̇аал̣хзна ад̇ийд̇аанааг̇ад̇зна яам̣ нзд̇и.
‘‘Yato kho, bhikkhave, ariyasāvako evaṃ saṅkhāre pajānāti, evaṃ saṅkhārasamudayaṃ pajānāti , evaṃ saṅkhāranirodhaṃ pajānāti, evaṃ saṅkhāranirodhagāminiṃ paṭipadaṃ pajānāti, idamassa dhamme ñāṇaṃ. So iminā dhammena diṭṭhena viditena akālikena pattena pariyogāḷhena atītānāgatena yaṃ neti.
‘‘яз ко гзжи ад̇ийд̇амад̣̇д̇хаанам̣ саман̣аа ваа б̣раахман̣аа ваа сан̇каарз аб̣бхан̃н̃ам̣су, сан̇каарасамуд̣̇аяам̣ аб̣бхан̃н̃ам̣су, сан̇кааранирод̇хам̣ аб̣бхан̃н̃ам̣су, сан̇кааранирод̇хаг̇ааминим̣ бадибад̣̇ам̣ аб̣бхан̃н̃ам̣су, саб̣б̣з д̇з звамзва аб̣бхан̃н̃ам̣су, сзяяат̇аабаахам̣ зд̇арахи.
‘‘Ye kho keci atītamaddhānaṃ samaṇā vā brāhmaṇā vā saṅkhāre abbhaññaṃsu, saṅkhārasamudayaṃ abbhaññaṃsu, saṅkhāranirodhaṃ abbhaññaṃsu, saṅkhāranirodhagāminiṃ paṭipadaṃ abbhaññaṃsu, sabbe te evameva abbhaññaṃsu, seyyathāpāhaṃ etarahi.
‘‘язби хи гзжи анааг̇ад̇амад̣̇д̇хаанам̣ саман̣аа ваа б̣раахман̣аа ваа сан̇каарз абхиж̇ааниссанд̇и, сан̇каарасамуд̣̇аяам̣ абхиж̇ааниссанд̇и, сан̇кааранирод̇хам̣ абхиж̇ааниссанд̇и, сан̇кааранирод̇хаг̇ааминим̣ бадибад̣̇ам̣ абхиж̇ааниссанд̇и, саб̣б̣з д̇з звамзва абхиж̇ааниссанд̇и, сзяяат̇аабаахам̣ зд̇арахи. ид̣̇амасса анваяз н̃аан̣ам̣.
‘‘Yepi hi keci anāgatamaddhānaṃ samaṇā vā brāhmaṇā vā saṅkhāre abhijānissanti, saṅkhārasamudayaṃ abhijānissanti, saṅkhāranirodhaṃ abhijānissanti, saṅkhāranirodhagāminiṃ paṭipadaṃ abhijānissanti, sabbe te evameva abhijānissanti, seyyathāpāhaṃ etarahi. Idamassa anvaye ñāṇaṃ.
‘‘яад̇о ко, бхигкавз, арияасаавагасса имаани д̣̇вз н̃аан̣аани барисуд̣̇д̇хаани хонд̇и барияод̣̇аад̇аани – д̇хаммз н̃аан̣ан̃жа анваяз н̃аан̣ан̃жа. аяам̣ вужжад̇и, бхигкавз, арияасааваго д̣̇идтисамбанно ид̇иби, д̣̇ассанасамбанно ид̇иби, ааг̇ад̇о имам̣ сад̣̇д̇хаммам̣ ид̇иби, бассад̇и имам̣ сад̣̇д̇хаммам̣ ид̇иби, сзгкзна н̃аан̣зна саманнааг̇ад̇о ид̇иби, сзгкааяа виж̇ж̇ааяа саманнааг̇ад̇о ид̇иби, д̇хаммасод̇ам̣ самаабанно ид̇иби, арияо ниб̣б̣зд̇хигабан̃н̃о ид̇иби, амад̇ад̣̇ваарам̣ аахажжа д̇идтад̇и ид̇ибий’’д̇и. д̇ад̇ияам̣.
‘‘Yato kho, bhikkhave, ariyasāvakassa imāni dve ñāṇāni parisuddhāni honti pariyodātāni – dhamme ñāṇañca anvaye ñāṇañca. Ayaṃ vuccati, bhikkhave, ariyasāvako diṭṭhisampanno itipi, dassanasampanno itipi, āgato imaṃ saddhammaṃ itipi, passati imaṃ saddhammaṃ itipi, sekkhena ñāṇena samannāgato itipi, sekkhāya vijjāya samannāgato itipi, dhammasotaṃ samāpanno itipi, ariyo nibbedhikapañño itipi, amatadvāraṃ āhacca tiṭṭhati itipī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. н̃аан̣авад̇т̇усуд̇д̇аван̣н̣анаа • 3. Ñāṇavatthusuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. н̃аан̣авад̇т̇усуд̇д̇аван̣н̣анаа • 3. Ñāṇavatthusuttavaṇṇanā
